موشح للزهراء سلام الله عليها




آه يالزهره وعظيم امصابها
_____________________________

آه يالزهره نصيح ابكل زمن
باب منّ اجذوع لضلوعچ رجن
طحتي والاسلام لمصابچ حزن
ومحزنه اركان الشرع واكتابها
_____________________________

محزنه اركان الشرع تهمل دمه
اتنادي واغوثاه يارب السمه
ربي طاح الدين طاحت فاطمه
زهرتك مذبوحه فوگ اترابها
_____________________________

زهرتك ياربي مكسورة ضلع
ذايبه امن اصوابها چنها الشمع
ناحله ومابيها حيل اعله الدمع
اوصارت امن ادماها حمره اثيابها
_____________________________

من دمه اللچمات تنزف طايحه
ربي والملعون خدها جارحه
ليل وانهار اصبحت بالنايحه
وطعنة البسمار ياذي اصوابها
_____________________________

طعنة البسمار ما خلّت امل
منها ذبلت او گرب منها الاجل
اوصارت ابدمعاتها اتودع الاهل
والبچي والنوح صارن دابها
_____________________________

البچي والنوح بيها غزّرن
وراحت اتموت التي چانت وطن
زينب اويه حسين لاجو والحسن
اشلون بالله يحملون اغيابها
_____________________________

اشلون بالله يالحنينه ابها الامر
ازغار واتعوفينه يمه ابهالعمر
يم اظلم لا تروحيله الگبر
بچّو املاك السمه بعتابها
_____________________________

بچو املاك السمه ابهذا العتب
نار بيهم تستعر صارت لهب
آه يالزهره الدهر بيچ اشلعب
طحتي بين اجلاف بين اعرابها
_____________________________

طحتي بين اجلاف راووچ السگم
فوگ ما مكسور بيچ اچم عظم
بليل مدفونه يزهره اشها لهظم
هاي ما چانت گبل بحسابها
____________________________

ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لاستشهاد الزهراء ع


يزهراء. الوجع تارس روحي
يزهراء. صرتي كل جروحي
اليدفن كلب. كلش صعب. والمكبره. وحشة ودمع
المغرب يمر. مثل الشمس. اوكع واون. آ يالضلع

........

صرت آني. شخص ثاني
مو ذاكه علي الانتي تعرفيني
يعلويتي. ي أم بيتي
بس النفس باقي ودمعتي بعيني

لوجهچ اصد. شفته ذبل. موت وهجر حچالي
مو وكت الفراك الصعب.واتحير بسؤالي
تسمعيني باجر لوصحت. يم الحسن تعالي

يزهراء. والله بس ادعيلچ
يزهراء. الليله يرجع حيلچ

بس رغبتج لله السفر. ياذابله. مثل الشمع
المغرب يمر. مثل الشمس. اوكع واون. آ يالضلع

......

يعافيتي. وهوه بريتي
الباب انه من اشوفه ينهدم حيلي
يذكرني. يعذبني
من كدامي صحتي فضه لحكيلي

انه الغيور المانظر. عايلتي حتى جاري
تاليهه داسو عتبتي. وحركو عليه داري
وضربو كبالي حرمتي. وساكت يظل فقاري

يزهراء. بداعتي تعذريني
يزهراء. الوالد موصيني

مر الصبر. من ينذكر. كسر الضلع. وخد ينصفع
المغرب يمر. مثل الشمس. اوكع واون. آ يالضلع

......

حسن وحسين. بدموع العين
للمسجد اجوني بركضه وبدمعه
الدموع تكول. وحچيهه يطول
بويه الحك لبيتك ماتت البضعه

ركضه بجدم يعثر انه. لبيتي وصلت اعاتب
يابيت صرت بلاطعم من فرگة الحبايب
اسم الله اعله كلبچ فاطمه. المتحمل المصايب

يزهراء. الچ ابچي وانحب
يزهراء. لو اسكت زينب

مات الضوه. وشح الهوه. بكلبي حچي. ماينسمع
المغرب يمر. مثل الشمس. اوكع واون. آ يالضلع

.......


عله اطفالي. صعب حالي
كلهه تصيح يمه وانتي مو يمنه
شفت زينب. بدمع تنحب
احنه تكلي ام چا ليش ماعدنه

من اخذهم انه للكبر. اطفالچ اليتامه
زينب ترش ماي الورد. يل ما الچ علامه
تردين يايمه شوكت. صاحتلچ بسلامه

يزهراء. شمعتي الطفوهه
يزهراء. وردتي كطعوهه

رجعي الي. شظل لعلي. بس النفس. لو ينكطع
المغرب يمر. مثل الشمس. اوكع واون. آ يالضلع

.......

يغاليتي. ردت بيتي
بصف كبرچ وانام واكعد بكتره
واشم تراب. بلايه عتاب
لتالي الشيب ردتج والله يالزهره

ماظل ابد يازهرتي. من عمري بس حسافه
ياموت وينك ماتجي. شو طالت المسافه
عايش غريب بلا وطن. كلبي اشتهه الترافه

يزهراء. نلتقي اثنيناتنه
يزهراء. المحسن ابيناتنه

حسبة وكت. يكضي الالم. يم النبي. من ننجمع
المغرب يمر. مثل الشمس. اوكع واون. آ يالضلع

.......
نسألكم الدعاء
حسين العقابي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ورب السِمه يا فاطمه
شعبي تره ينزف دمه
عينج على شعب حسين ادعيله يم بارينه
********
يا فاطمه الهذا الشعب دعواتج
ماكو صبر عدنه ردت نظراتج
ظُمي الوطن مِن العِده بعَباتج

شعبي نزف يا للأسف
بس الجثث برض النجف

نحلفج يمولاتي انريد نزف الدمه توكفينه

*************
أرض النجف كلهه أمتلت بس شُبان
يوميه جم شاب النزِف للدفان
طعم الفرح مات بشعب كله أحزان

والأم تون لفكد الإبن
يمتى الفرج يَم الحِزِن

يمتى الفرج وبيا يوم يم الحسن خبرينه

***********
هذا الوطن طول الزمن ما مرتاح
يا حاكم اليحكمنه فاسد ذباح
هذا البلد گظه العمر وَن ونياح

بس القهر محصل البشر
من هالحكم عاش بخطر

باگونه اي بسم الدين ومنهم تره ملينه

********
يا فاطمه الهذا الشعب وگفيله
نريده مثل باقي الشعوب ابحيله
گظينه العمُر ليله أشد من ليله


ليش الوطن كله مِحن
گظه العمر ضيم وفتن

جاب العمر حرب وموت من هالوضع خلصينه
************
كله بسبب حبنه الج عادونه
رادونه عنكم نبتعد رادونه
هيهات ابد صحنه على العادونه

هذا العمر الكم نذر
وداعة علي النه النصر

كلمن يواليكم فاز فاز ابدنيته ودينه

************
يا فاطمه يمتى الإمام المهدي
يخلصنه من هذا الوضع ويعدي
هو الأمل ضل الوحيد العندي

يمتى انتظر مر الصبُر
كل جمعه انه ادعي الفجُر

ما ضل صَبُر يم احسين بس هو لينجينه

***********
تمت بعون الله
ميمر كربلائي
كلمات يوسف هاني الاسدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مجلسچ خيمه وتلمنه...يازهراء
هيه ابونه وهيه أمنه...يازهراء

هاي جنه عالارض لامو عزيه
عطر بيهه امن النبي وحامي الحميه
من يسإلوني أگولن يالزچيه
أشعر الخدمه ابمثابة والديه
بيهه يتحقق حلمنه...يازهراء
هيه ابونه وهيه أمنه...يازهراء

يالمحبتچ واجبه يم الإمامه
واحنه ملتزمين بيهه للقيامه
المايحبچ بالحشر يشبع ندامه
هذا ماعنده ثقافه ولا كرامه
خدمتچ بيهه التزمنه...يازهراء
هيه ابونه وهيه أمنه...يازهراء

ياعشگنه المنه ضل ينبض گلبنه
نختنگ ونموت لوما هذا حبنه
الدنيه ضلمه وحبچ اينور دربنه
هالخدامه وهالمجالس ترضي ربنه
انموت لو منهه انحرمنه...يازهراء
هيه ابونه وهيه أمنه...يازهراء

رحمة الله الواسعه وبضعة نبينه
فاطمه وماينسي فضلچ علينه
والله يم حسين حبچ يسري بينه
وابسبب هاي المحبه اتوفقينه
وانعرف منهه إسمنه...يازهراء
هيه ابونه وهيه أمنه...يازهراء

إي وحگ رب الجلاله الخافي سرچ
صحنه مهدينه لون يتعنه گبرچ
ابهذا حبنه وبرسالتنه يخبرچ
والله من اعمارنه كون اعله عمرچ
للولايه انضحي دمنه...يازهراء
هيه ابونه وهيه أمنه...يازهراء

سيد علي الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إسْــتِـغَــاثَــاتْ آهَـــاتْ مَـحَّـدْ سِمَعْهَا
فَاطِمَه اِتْصِيحْ وِ اِتْطِيحْ هِيَّه اِوْ دَمِعْهَا
وَ انِيْ مَـجْـبُورْ مَكْسُورْ گلْبِيْ اِوْ ضِلِعْهَا
هَذَا صَايرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْمَعِتْهَا اِتْصِيحْ وَ انَه اِبْهَذَا وَضْعِيْ
يَـريتِ الصّيحَه مَـا مَـرَّتِ اِبْـسَمْعِيْ
اِوْ قَبِلْ دَمْعَتْهَا طَاحِ اِبْـخَدِّيْ دَمْعِيْ
مِـشـيـتِ اِوْ لَازِمِ اِبْـچَـفّـيـنِيْ ضِلْعِيْ

اِسْتِغَاثَات ارْبَعَه مِنْهَا بِدَتْ وِالموتْ لَاحِگهَا
بَحَّه اِبْـصـوتْهَا اِمْبَيْنَه لِأنْ دُخَّـانْ خَـانِـگـهَـا

صَعْبَه يَـانَـاسْ يِنْدَاسْ جِدَّامِيْ بيتِيْ
عِنْدِيْ مِنْ هَايْ بِهْوَايْ أسْهَلْ مِنِيتِيْ
مَا أسِلْ سيفْ تَكْليفْ چَانَتْ وِصِيتِيْ
كِلْشِيْ گادِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْتِغَاثَه الأولَى چَانَتْ " يَامُحَمَّدْ "
عَلَى بِنْتَكْ يَـبُويَه اِنْمَدَّتِ اليَدْ
وِ اِذَا رَايدْ عَلَامَه ، اِتْلَمَّسِ الخَدْ
تَرَه اِمْنِ السَّطْرَه صَايِرْ لونَه أسْوَدْ

اِسْتَغَاثَتْ لَاكِنِ الهَادِيْ يِگُومِ اِشْلونْ مِنْ گبْرَه
لوْ حَيْ بَعْدَه مِنْ يِگدَرْ يِمِدْ چَفَّه عَلَى الزَّهْرَه

اِبْفَاطِمَه اِشْصَارْ وِالنَّارْ تَـاكِـلْ بِديهَا
اِتْدَوِّر اِحْجَابْ وِالبَابْ طَاحَتْ عَليهَا
تِـتِّـجِـه ويـنْ وِ اِحْسينْ يِسْمَعْ بَچِيْهَا
گلْبَه حَايِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْتِغَاثَه الثَّانِيَه زَادَتْـلِيْ حِزْنِيْ
دَخِيلَكْ " يَاعَلِيْ " أسْمَعْهَا بِذْنِيْ
تَـرَه المِحْسِنْ يَـحيدَرْ طَاحْ مِنِّيْ
دِرِتْ وَجْهِيْ وَ اصِيح اِسْمَ الله يَبْنِيْ

مِنْطِيْ لِلنَّبِيْ اِحْچَايَه لَازِمْ چَفِّيْ مِنْ عِدْهَا
وَ إلَّا فَاطِمَه اِگبَالِيْ تِصِيحِ اِوْ مَا أسَاعِدْهَا

گُوَّه قَاسيتْ عَـدّيـتْ هَـايْ الـمُـهِـمَّـه
إبْنِيْ مَعْقُولْ مَـچْتُولْ وِ اِگـمَـاطَـه دَمَّه
عَالجَمُرْ طَاحْ بَسْ صَاحْ مِنْ عِصْرَوا اُمَّه
مَاكُوْ نَاصِرْ ؟ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْتِغَاثَه الثَّالِثَه الدَّمْعِيْ تِفُرْضَه
تِصِيحِ الزَّهْرَه لِحْگِينِيْ " يَفِضَّه "
اِعْلَه كيفِچْ فِضَّه آنَه اِبْضِلْعِيْ رَضَّه
وَ احِسْ بينِيْ اِوْ بينِ الموتْ لَحْظَه

گامَتْ فَاطِمَه اِوْ فِضَّه تِحَاذِرْ خَافْ تِلْچِمْهَا
لِأنْ كَسْرِ الضِلِعْ كِلْ مَا تِـتْـنَـفَّـسْ يِـألِّـمْـهَـا

دَمِّ الـضْـلُـوعْ مَطْبُوعْ ظَلِّ اِعْلَه بَابِيْ
عَـالحِيَاطِـيـنْ نَـاسِينْ صُـورَةْ عَـذَابِيْ
اِبْن آدَمِ اِيْخَافْ لوْ شَافْ شِيْ مِنْ مُصَابِيْ
مَـا يِكَابِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْتِغَاثَه الرَّابِعَه أسْمَعْهَا وَحْدِيْ
تِصِيحِ الزَّهْرَه أدْرِكْنِيْ " يَمَهْدِيْ "
أرِيـدَكْ يَبْنِيْ تِطْلُبْ ثَـارْ خَـدِّيْ
اِبْـسَـلَامَـه لَا تِخَلِّيْهَا تِـعَـدِّيْ

تِدْرِيْ الثَّارْ مَا يِنْرَدْ بَسِّ المَهْدِيْ اليْطُلْبَه
وِ الگاطِعْ أرَاكَتْهَا هَمْ فوگِ اِشْجَرَه اِيْصُلْبَه

بَاچِرِ اِيْعُودْ مَوْعُودْ مِنْ رَضْوَه قَادِمْ
يِطْلُبِ الثَّارْ لوْ غَارْ شِـبْـلِ الهَوَاشِمْ
نَصْرَه لوْ ذَاعْ عَالگاعْ مَا يُبْقَه ظَالِمْ
رَاح انَاطِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
عُگُبْ هَاي اِسْتِغَاثَاتِ الزِّچِيَّه
عِشِتْ لَحْظَاتْ أقْسَه اِمْنِ المِنِيَّه
تِمَنّيتِ اِبْـسَـلَامَـه اِتْـرِد اِلِيَّه
اِوْ أنَه اِلِّيْ تِنْكِسِرْ ضِلْعينْ بِيَّه

زَهْرَةْ عُمْرِيْ جِدَّامِيْ ذِبْلَتْ وِالغُصِنْ مَحْنِيْ
تَرَاهِيْ الدِّنْيَه مِتْعَمْدَه اِبْفَگدِ الزَّهْرَه تِجْرَحْنِيْ

كِـلْ هَـالايَّـامْ آلَامْ بِيْهَا اِوْ مُصَايبْ
اِثْمُنْطَعَشْ عَامْ وِ اِتْنَامْ جَوَّه التِّرَايبْ
ضَاعَت احْلَامْ مَا دَامْ وَصْلِ الحَبَايبْ
جِفْنِيْ سَاهِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ


٢ / ١٢ / ٢٠١٩ الإثنين
كرَّار حيدر الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لتشييع فاطمة الزهراء ع… .


اليوم شيعناهه
اليوم شيعناهه
اجنازتچ يم الحسن اليوم شيعناهه
@@@@@@

شلنه نعشج بالدمع
والدليـل المنفـــجع
آه يا كســــر الظـلع
والجنين المنصـرع

تألمينه اوياهه ،،،،، تألمينه اوياهه
اجنازتچ يم الحسن اليوم شيعناهه
@@@@@@

نزلت أمــلاك الســــماء
ألـچ يا فخــــر النســاء
عالأرض نصــــبو عـزاء
وضجت اصوات البكاء

ابكل وكت ننعاهه ،،،،، ابكل وكت ننعاهه
اجنازتچ يم الحسن اليوم شيعناهه
@@@@@

ابصوت نادت شيعتچ
دم نهل وي دمعــــتچ
ما نســينه امصيبــتچ
والضلـوع وعصـــرتچ

واللـه ماننساهه ،،،،، والله ماننساهه
اجنازتچ يم الحسن اليوم شيعناهه
@@@@@

انعزي طه وحـــيدره
ابطيحـتچ يالطاهـره
وين عنـــــــچ يا تره
اليوم سبع الگنـــطره

هاي نتمناهه ،،،،، هاي نتمناهه
اجنازتج يم الحسن اليوم شيعناهه
@@@@@@@

حيــل اورم صدري اريد
بالطــــــــم لم الشهــــيد
حالهه ايذوب الحــــديد
ابفعل ضـــــــــلام العبيد

ياثگل بلواهه ،،،، ياثگل بلواهه
جنازنچ يم الحسن اليوم شيعناهه
@@@@@

اوياچ وقعـــنه العــهد
نبقه نخـــــــدم للأبــد
حبچ احلى امن الشهد
واللـه منعــــوفه بعــد

الخدمه ماعفناهه ،،،، الخدمه ماعفناهه
اجنازتج يم الحسن اليوم شيعناهه
@@@@@

الخادم
كامل السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

استشهاد الزهراء ع
ملتقى مولاتي الزهراء مع الرسول ص

للحبيب اتسولف ادموع الحبيبه
للنبي تشرحله فاطمته المصيبه
عن سبب وگعت ابنها
والسواد الي بجفنها
+++++++++++++
ملتقى الغالي وحزنها فاطمه اتلاگن سويه
اهوايه متغيره يگلها ضاعت ارسومچ عليه
ادري اجرحچ لو سألتچ انتي مو انتي الزچيه

معقوله الاگي فاطمه
وبوجهي مامتبسمه
گلب ام حسن شمألمه
اشغيّرچ احچي القضيه

وشجرالچ يم حسن مو هذا لونچ
وحده بس شو فاتحتها من عيونچ
والعييون احچيلي عنها
والسواد الي بجفنها
++++++++++++
العبره خنگتها وابوها يفهم اسوالف دمعها
اتگله يابويه رواية بابـي ما تحمل سمِعـها
البي عطر چفك بنيتك بابها الكاسر ضلعها

حرمه وعَلَي باب اندفع
ويه الدمع حيلي وگع
من النفس بيه انگطع/
الآه من صحته سمعها

آه اصيح ويستلذ ضـل بعذابـي
ابحيله يدفع وانه كل همي بحجابي
اهنا وگع بنتك ابنها
والسواد ااي بجفنها
++++++++
يا رسول الله الهظيمه ابيتي انطگ فاطمه آني
وشوغت البسمار كلـفه وانزفت والدم خذانـي
اويه الطفل صارت وگعتي وقنفذ بسوطه ولاني

بين الجمر بين الضرب
دوّرته محسن بالترب
شحجيلك الموقف صعب/
من لگيت ابني ولگاني

شفته يحضني يريد وحرّك ايده
اتَّمتم اشفافه وعرفت ابني اليريده
زينب وشوگه الحضنها
والسواد الي بجفنها
+++++++++++++
همه كثره وانـي وحدي عالمتن نزلوا غضبهـم
والحسن وحسين اجوني وانت تدري شگد احبهم
امهم يحاموني رادو فـوگي من وگعوا ضربهـم

عن روحي لو عن الحسن
اشـگـف واديــه ورَمــن
واعيوني يابويه انعمن/
من سمعته صوت اختهم

شيله سوطك بسّك الزهـره اكتلتها
هذا متني اضربني عن امي اسمعتها
امن الزغر ضربو متنها
والسواد الي بجفنها
+++++++++++++
حسين مو بس الشريعه بكلربله اتسويله كسره
اگبال محسن هم تخوصر شفته حط ايده اعله ظهره
بزغره حس بالغربه اشوفه وصار وجها كله عبره

من شفته نسّاني الالم
وتصور بچـبده سهـم
عالعتبه چن حرگة خيم
وداست اجدامه اعله جمره

ابلحظه مر الطف عليه بذاك حالي
ما يفارگني وسبي الحره اعله بالي
ضلعي وضلوعه وطحنها
والسواد الي بجفنها
+++++++++++++
يا نبي الرحمه بمصابي اعتذر گلبك جرحته
هذا ونَي الي تسمعه اگبال حيدر ما ظهرته
ايگلي يالزهـره اشيألمج گتله لمأذيني انته

ماكافي اگله امن السهر
تفرگ اديك امن القهر
مثل الضلع گلبي انكسر/
من اشوفه ايهل دمعته

الدمعة اعيون الوصي جتني المنيه
امن القهر ميته واجيتك هالمسيه
الزهره والليل ودفنها
والسواد الي بجفنها

الشاعر ثائر الربيعي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

      نهر الکوثــر   غسلته ابمای اعیونک
     تمشی و تعثر. عافیتک فوگ امتونک
        آیاحیدر          آیاحیدر
*************************************
الیحچی ویسولف عالجرح...بعیونه مذبوح الصُبح
والشایـــل ابـــراسه حـــزن...یتـزاحم ابروحه الشَرح
یـــاعــلی تمشی ابلایه ظِل...طیر انته مکسور الجنح
والفـــاگد احبــابــــه یظــل...کل لحظه دمعـاتــه تِسَح

   وشگد صعبه   احبـابک مــن تفـگدهم
  اتعیش ابغُربه  مـاتگـــدر اتــــودعهـــم
آیاحیدر آیاحیدر
**************************************
الـضـایــع ابــعــالم صفنته...وعــله الیـحبـهـم لهـفـته
کل خطوه یمشیها ابجرح...تــوگــف ابخـــده دمــعته
یاعلی المثلک بــس یــون...احــزانـه تصبح شبگته
برموشه یغفه اشچم حلم....وبصـدره تبقـــه حســـرته

   ترسم صوره   بسمار و ضلع و دخان
   اعظم سوره  تدفنها و صـــایر دفـــان
آیاحیدر آیاحیدر
**************************************
اعظــم انسـانه فــارگـت....ابحظن الچفن ورده عفـت
بخـرت گبر ام الحســـن....یـافـاطمه ابحـرگـه صحت
ابلوعه تنادی یاعلی.....یمچ امـــــوت اشـــگد ردت
لـمن ایــدچ اتحــرکــن.....متکسـره اضــلوعچ شفــــت

   بنت الهادی.    راحت مکسوره الاضلاع
   گلبی اینادی.   عمری بعـد الزهره ضـاع
آیاحیدر آیاحیدر
***************************************
الـزهـره لمــن وصـــتک....مهـــدوم حیــلک شــافــتک
یــــاقــالع الباب التــــی....نـزلــت علــــیـها دمعـــتــــک
جانت نحــیله و ذابلـــه....سمـعت یحیــــدر ونتــــــــک
زفراتک اتغطی الـــزمن....مــا تخمــد اعــرف لهفــــتــک

    اصعب لحظه   من شفت الزهره اتودعک
    مثل الـومضه   راحـــــــت و لازم ضــلعک
‌ آیاحیدر آیاحیدر
*************************************
الفاگد اعزازه ایظل یحن...یـرسـم وداع اعله الوجن
والمثلک انتــه یــاعلـــــی..‌.حقــــک اذا تبچی و تــون
شیعت روحک للگبـــــــر...‌.شایل ســمه فــوگ المتــن
دربک ترسته بس دمـــع..... متخوصر اعلیک الحزن

   نعش الزهـــــره    کاسر ظهرک یاحیدر
   عیـنک حمـــــره   وعلیک المدمع سیطر
آیاحیدر آیاحیدر
************************************
لخادم الحسین علی فلاح الواسطی
الفاطمیه 1441  


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بالحقد جار ..حمل نار.. كسر منها الضلع
اوفاطمه ابآه ..اويلاه..غدت تجري الدمع
تنتحب چيف..ألف حيف..طفلها ينصرع
اشلون تنهان..من افلان..جفنها ينصفع

*ملعون من شب الحطب.. على باب بنت النبي*
---
ظلت اتنوح..ولجروح..فلا تُشفى صعب
اوتنظر العين ..أبواحسين..يگيدونه غصب
خلفه تبچي..اوتحچي.. اوغده جمره الگلب
طاها من غاب.. هلَعراب..علينه تنگلب

*ملعون من شب الحطب.. على باب بنت النبي*
---
طاحت اركان ..بلحزان..صفت أم الحسن
ابكل ضحى اوليل..تون حيل..على كثر المحن
وين لنصاف..هلَجلاف..غدت تعبد وثن
تعبده دوم.. إلى اليوم..تشب آيه اوسُنن

*ملعون من شب الحطب.. على باب بنت النبي*
---
ترحل اشلون ..ولعيون ..تهل دمعه اودِمه
حسن واحسين ..بلونين..ينادو فاطمه
شمعة البيت..وسف ريت..تظل امنعمه
صفجو الإيد..على الإيد ..غدت تنعى السمه

*ملعون من شب الحطب.. على باب بنت النبي*
---
الصرخه للحين..من اسنين..تضج إلها الورى
صاحب الثار.. على الصار ..عجب شالصَبُرَه
لازم ايثور ..على الجور.. بگه وسط الثرى
اويصلب اثنين ..ملاعين ..يشبهم بشْجَرَه

*ملعون من شب الحطب.. على باب بنت النبي*
---
عادل العبد الله

13.12.2019
الفاتحة لروح من علمتني الخدمة الوالدة *آمنه العبدالله*


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليالي الفاطمية 1441
نزله عزاء
يالفاركت روحي. هاك اقره بجروحي
ميت عليك ومن متت مافاركت نوحي
********
خّلَ وخليل بهل العمر وانفاسنه السوه
تدريني من بعدچ تره انفاسي بالكوه
بريتي جمر لمن يطب يالزهره مو هوه
محد يصدك هالفحل بالممشه يتلوه
يالماخذه انفاسي. شيب شعر راسي
لمن دفنتج بالكبر مافاركت نوحي
********
ملح الحجي بدونج مصخ يالزهره تدرينه
ظلمه الديار ابلا اهل محد يمر بينه
كبال اليتامه انهضم لو طبوا اعلينه
وين الزجيه ناشدوا كلمن جرت عينه
طبوا تره اديارج وماسمعوا اخبارج
بعين اليتيم اشكد الم مافاركت نوحي
*******
ابتوت الگلب وكت المسه تدريها تتكطع
خنكه النفس وادري الحجي لامابعد ينفع
يدري بغيابج هالگلب بس بصعب يقنع
روحچ لِحدْ ضمها وصحت هالروح خل تطلع
من بعدچ شحالي. لامو علي الوالي
من الهوه اوكع صرت مافاركت نوحي
********
اباب الديار اصعب جرح واثار من دمچ
لمن وكعتي علئ الارض حيدر وكع يمج
راسم اثر فوك الجفن طابع يظل رسمج
بروحي صفه عايش تره يالزهره كل همج
راسم جرح موتج. بروحي صدح صوتج
عايش جسد بس النفس مافاركت نوحي
********
عفتيني بس هم وجرح وجروحي ماتنعد
عفتيني من رحتي جسد فوك الثره امدد
يذبح غيابج مو سهل يم الحسن اشهد
فزعه الالم بيه مشه وبروحي ظل يصعد
بدمي سره غيابج يذبح تره مصابچ
حيدر علي دمعه نزل مافاركت نوحي
********
تمت ولله الحمد/ المقصر مع الحسين
الشاعر علي النائلي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ذكريات اِمنة سَبب دمعاتة
وحلوه وياها كبل كعداتنة
____
نكعد ودمعتنة تحجي الذكريات
ماتت البسمة وعطر زهرتنة مات
الجنة تحت اقدامها جانت تبات
الدمع من راحت غفة ابوجناتنة
_
صعبة جلمة يمة بشفاف الزغار
الجفة بارد دورة تلكة بكلبة نار
راحت المن تدعي الله يكلها صار
دافن وياها الابو ضحكاتنة

اَمنة نسمة الماكو منها بالجنان
لزمة ايديها شكثر تنطينة امان
لسة لابس اسود عليها الحنان
شكد تمنينة ترد بيناتنة
__
امنة سهرت بالربة وتطلبنة دين
بليل فركتها فلاغمضنة عين
صدك صارت والكبر يستنكي زين !
ياخذ الغالي وتضل مأساتنة
_
سر صلاه الليل غطاها التراب
الباب خمدت بس بقت نار العتاب
ثوبينة دموعنة وناح الثواب
كل خميس نوزع بلجماتنة
__
البسمة بعد الوالدة لامو حلال
وسفة ينلف بجفن ذاك الدلال
كون تطلع فركة الزهرة خَيال
وماكو فركة وتنتهي حسراتنة
____
البيت مو نفسة اختلف عكب البتول
و ضهر ابونة منكسر بس مايكول
زين ندري ليل المفارك يطول
والحزن عاشر دمع صفناتنة
____

سيد معتز الحسيني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قبل لا حـيدر يچي /// كفــــي دمعـچ والبچي
يمه زينب سنديني///قبل لا حيدر يجيني
وكفي دمعج والبچي
💥💥💥💥💥💥💥💥💥
علي لو شـافاني والله تـحل منيته
وماتضل روحه بحياته يعوف بيته
وانـــي وشـماخالق الله وكل بريته
انضيع ويـــضيع الامان وي مشيته


عمر حيدر لايطش /// وغيرة الكون تعطش
عالمصايب عاونيني/// قبل لاحيدر يجيني
وكفي دمعج والبچي

💥💥💥💥💥💥💥💥💥
كفي دمعج يالعقيله وحزنچ اخفيه
ويمه غطي الطفل بيدچ لايصد ليه
لايشــاهد حــــاله حيدر همه كافيه
وگلبه متفطر اعله طه وخايفه عليه


نخسر اي ولله الولي/// و علي ايموت وعلي
اخفي يايمه جنيني/// قبل لاحيدر يجيني
وكفي دمعج والبچي
💥💥💥💥💥💥💥💥💥
انه زهره وصعبه اعيش بأرض الاملاح
انـكسر يايمه عـودي وانــزف جــراح
هيبتي وعزي ودلالي ويـه النـبي راح
ومــــــابگه بـآيامي حسـبه والگبر لاح

لاح يم عيني النعش ///وخايفه اللمه تطش
يمه زينب حجبيني /// قبل لاحيدر يجيني
وكفي دمعج والبچي


💥💥💥💥💥💥💥💥💥

الامه من غاب النبي تحشدوا علينه
واحنه وي هـالناس يايمه اشـجنينه
ليش مـن بعد النبي ولـــيه انـولينه
مو عطايه هـالخلگ كـلهه من ادينه


بعد ياخير ارتجي /// و بالشتم صار الحچي
ابهل وصيه اسمعيني/// قبل لاحيدر يجيني
وكفي دمعج والبچي
💥💥💥💥💥💥💥💥💥

حضري نفسج باجر ايدور الزمان
ابأكاع مو هــــايه ولا هذا المكان
تركض خيول العده ركض الرهان
واعله خدرج ناويه اشـيل الامان


بعد ما ترحل هلج/// مثلي ضالم يسطرج
على همي ساعدني/// قبل لاحيدر يجيني
وكفي دمعج والبچي
💥💥💥💥💥💥💥💥💥

خادم الزهراء// ع// ابو احمد الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الى السيدة فاطمة الزهراء عليها السلام



وحده واذوها بدنياها
غالوها ابنيتك ياطه

هيه الروح البين ضلوعك
لو ونت تجريها دموعك
اصحابك ماطلعو طوعك
سوو كل الغدر وياها
غالوها ابنيتك ياطه

جرحو باب الانسانيه
وطفو أنواره القدسيه
من كسرو ضلع الانسيه
فاطم طفو نور اضواها
غالوها ابنيتك ياطه

محفوظ ابولده إبني آدم
والهادي بهالمنهج تمم
ليش اصحابه ظلمو فاطم
وكل صاحب منهم عاداها
غالوها ابنيتك ياطه

ضاعت فاطم بين اصحابك
وجابولك نار اعله اعتابك
نفسه اليهجر كال ابابك
ابابك حط نار وشباها
غالوها ابنيتك ياطه

الهادي بهديه ماراد أجره
بس راد الود لهالعتره
واشكد وصاهم عالزهره
بس الملعون الاذاها
غالوها ابنيتك ياطه


الشاعر محمد دعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يافاطة الزهراء.    ميمر


اثكيلة وزن باب الدار وبحيله ضك الزهره
--------------------------------------------------------
يالتندب الزهره اوتنون اعليهه
اسمع غصصه وعلم ابتاليهه
من عگب حيدر قنفذ ايحاجيهه

لا علي يمهه وتنخاه ضلت تغص بالعبره
-------------------------------------------------------
اثكيلة وزن والباب مصنعهه اجذوع
وبحيله ردهه وفاطمه منه اتلوع
صرخت ابصوت عالي بس مامسموع

مخنوكه من ذاك الباب ما الهه بس النضره
---------------------------------------------------------
هجموو عليهه ابكل حقد صوب الدار
شي بالمعاول هجمت اوشي بالنار
حارت تلوذ اب ياكتر من الصار

ياحيرت الزهره هناك بين العصر والصطره
----------------------------------------------------------
الشالت الدنيا ابصدرهه الليله
بسمار هسه اعليهه ذب كل حيله
احتارت امن الالم ياهو اتشيله

آللام محسن الطاح لو ألم ذيج العصره
----------------------------------------------
واحد يگل للثاني انه اصطرهه
ويصيح واحد انه حصتي اعصرهه
واحد يگول ابصوط انه اشمرهه

تتكاون اعليهه الناس مبجاهه صار ابحسره
------------------------------------------------
تتلاوذ ابفضه وتشاگف بالطگ
مامش مجان امن الجسم كله ازرگ
ورجلين ماكو امن الجمر تتحرگ

ومصاب حزنج مادار ولاصار مثله وجره
---------------------------------------------------
شنهو الجنت ويصير هذه المأتم
خير النساء اعليهه وادم تلتم
بيا دين بنت المصطفى تشتم

لولاج ماصار الدين غير انتي ام العتره
----------------------------------------------------
علي سليم الحسناوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يم الحسن والله مصاب ظلعج فلا ناسينه
ونتي الكريمه الندريج ونريد ماتنسينه
.....................

شوفي المجالس هاي الي اتحظريهه
بدمعه وتعب خدامج مسويهه
يردون اساميهم خدم سجليهه

هنياله كلمن مقبول وبسجلج اتكتبينه
..................

يالخادمج جبريل يدخل دارج
تعنينه وبهاذا العزه خطارج
هاليله احنه بمجلسج انصارج

رزقينه دمعه اعله حسين اعليج الذي مسلبينه
....................

هذا عزيزج ماي مالاح اشفاه
ونريد نبقه وياج نبجي وننعاه
ونصيح ابد يافاطمه ماننساه

ومنيه عدنه من انموت كلمن يشوفه بعينه
.....................

يم كلب لهفان وينادي بحسره
وين اليواسيني بعزيز الزهره
عالصوت اجينه وكلمن ايدك صدره

عالمنذبح والعطشان ابلا ناصر مخلينه
..................

صار النشيد اعله اللسان بكلمه
ياربي لاتحرمنه هاي الخدمه
الطاحت دمعته اعله الحسين بنعمه

هنياله التصب عيناه دوم المصاب حسينه
.................

يم الحسن كل محب بيدج رايه
احجايت بخت والزلم اهل احجايه
طول العمر نبقه الج وفايه

شما جارت الدنيه انصيح غيرج فلا حبينه


محمد هادي العقابي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اويلاه يفاطمه .... اويلاه يفاطمه
_________________________

للشيعوها ابلا ضوه
مخنوگ بالعبره الهوه
والليل بدموعه ارتوه
يجري المدامع ساجمه ... اويلاه يفاطمه
_________________________

جنّاز بس حيدر علي
نيران دلاله ايغلي
ايناديچ ياروحي اوهلي
يا وسفه عينچ نايمه ... اويلاه يفاطمه
_________________________

لم نعشچ ابحظنه وبچه
ويّاچ ما أدري اشحچه
للباري بدموعه شچه
ياربي راحت فاطمه ... اويلاه يفاطمه
_________________________

شال النعش فوگ المتن
كل خطوه الف مره يون
مسحون يالزهره سحن
وابروحه نار الحاطمه .... اويلاه يفاطمه
_________________________

لمن حفر بيده اللحد
ايروح ليغاد اويرد
بلكنها تگعدله او ترد
بچه ملائكة السمه ... اويلاه يفاطمه
_________________________

متحيّر اولاج الگلب
ايوسدچ اشلون الترب
اويعرف الخد منضرب
خاف الترايب تلچمه .... اويلاه يفاطمه
_________________________

ونّ ودمع منه جره
هيمه ويدير ابناظره
هنيال بيچ المگبره
فازت تراها ابغانمه .... اويلاه يفاطمه
_________________________

يتجرّع ابدفنچ غصص
ثوبه بالدموع انترس
گوه يجر صار النفس
لمصاب حيله هادمه ... اويلاه يفاطمه
_________________________

لتراب ردّه ع الضلع
وامنگّعه ابفيض الدمع
يبچي او ونينه مرتفع
والعمره راد الخاتمه ... اويلاه يفاطمه
_________________________

يالماخذه اوياچ العمر
دليني اروح اليا كتر
وين الگه ينباع الصبر
وانطي الجروح الهايمه ... اويلاه يفاطمه
_________________________

ويلاه يا أم الحسن
واجروحچ الما ينّسن
اسهام بيه اتغرسن
خلّن عيوني اتهل دمه .... اويلاه يفاطمه
_________________________

رحتي اوبقيت ابغربتي
والآه تذبح مهجتي
ليل ونهار ابحسرتي
يا جرح ضايع بلسمه .... اويلاه يفاطمه
_________________________


الراجي قبول الزهراء
ابو فاطمة الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اناغيك ابدمعتي وبشوغة حسرتي
انطرك لحضه لحضه ياونس ليلي
يماي اليروي صحره لتذبل الزهره
لاتمشي يبعد امك تهد حيلي
---------------------------------------------
ها يلطحت من عندي------شلون اضلن وحدي
وانه احسب ايامي تمر وتنور البيت

وتخضر اعله اعتابي-------وتكسر جريرت بابي
وتفگس اعيون الباب يمه شگد تمنيت

ياشمعه وتأملهه-------كل منيتي اشعلهه
اتضوي ليلي يلعفتني بضلمه ومشيت

اجروح ومهد صفولي------بنفسي ييمه ألولي
امحضره مهدك يلعزيز ونته ماجيت


الولي ويه روحي اتناغيني جروحي
حليبك در عليه والمهد ينشد
يمه بصدري خنگه جيتك بيهه فرگه
اشما تگرب اشوفك يلولد تبعد
-----------------------------------------------
احسب الك كل حلضه-----اشگد سولفت وي فضه
عودن يجي محسن عليه ويترس الدار

اگماط الك حضرته-------وهندامك امجهزته
جاهيجي تكسر گلبي يبني وتعمي لنضار

شگد سولفت بضنوني-------تكبر اگبال اعيوني
وگبالي اشوفك يمه تلعب ويه الزغار

الي جنت انتضره-------- اتبده مني بعصره
ولي انتضرته بكل حناني ايكتله بسمار


حميتك من ضربهم. امن الباب وعصرهم
فديتك بالضلع بس ماسلم ضلعك
هيه العصره بمك اسمعت طگات ضهرك
امر من وضعي يوليدي صبح وضعك
-------------------------------------------------------
اشگد احلم اتحاجيني-------وبحضني وتناغيني
اه ياصلافة بابنه الحرمتني منك

ياترف وترف مني--------رتك تعاشر حضني
مو حلوه حضن الباب يايمه تألمك

الباب بيهه الفرگه--------وبيهه الكسر والطبگه
وطيح ياماي الحياة اشلون المك

اتوسلك بدموعي---------حاجيني يبن اضلوعي
اعليه سيير ياهوه الفجريه اشمك


يازرعي السگيتك بدموعي وريتك
جنيتك رغم ادري الموت ناطرني
حصادك ينهي عمري يجور اعليه دهري
وگول ايهون كلشي بس يجي ابني
----------------------------------------------------------
الهجمه جانت صعبه-------والاصعب اعله العتبه
انطيت ضهري البابي يبني احميك ضني

تالي القدر ضمالي--------البسمار صار اگبالي
ولباب من اجذوع يايمه وخنگني

هجمت الناس اعليه--------اهواي وانه امريه
اكسر خواطر يلولد محد رحمني

اعليه صارت فزعه--------والگوم شو مشتمعه
والماحضه بكسر الضلع بجفه صطرني


امر من السقيفه ايكتلون العفيفه
خليفتهم زنيم وللفسق مرجع
ستر سويت بابي خوف اعله حجابي
طبگهه اعليه وسمع لوعتك تفجع
-------------------------------------------------
امودع الله يبني------- يلي ارضعت من حزني
شلك ابهاي الدنيا ترست امك اجروح

روح اللحد احسلك------ مامش خضن ويحملك
ارماد مهدك هل صفه والحضن مذبوح

ادري زمانك جاسي------- متعيش دون انفاسي
مثل امك اتخلص سنينك يبني بس نوح

مكتوب النه الفرگه--------- يم ربنا يبقى الملگه
البگه ابراس الباب وحنه اثنينه انروح



يبني حجيي سمعه روح ابلايه رجعه
شلك بالحياة وكل حنانك مات
حضنك خربه الباب عاين ضلعي منعاب
مانرجع بعد ردتنه لا هيهات

-------------------------------------------------------

علي سليم الحسناوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فاطمة-أنكسر خاطر علي
حني والتفتي إلي
فاطمة والنبض صاح--آه آه
@@@@@@@@@@@@
تفاحتي وعيديتي
يافرحتي ويم بيتي
أنتي-كلشي-ابعيني
ياكلشي بيه وكلشي
سباح كَلبي وهرشي
صعبه-غربه-أتهجريني
بعدج محال أبعيشتي أتهنه
أتخليني وحدي ياهوه الجنه
يم الملاكه الما أمل منه
فاطمة-آخ ياطعم الهجر
الدنيا فراكج كَبر
ياوسف والفرح-آه-آه
@@@@@@@@@@
يافرحتي وعافيتي
يانفس تترس ريتي
كلبي- وروحي-أنتي
الدنيه ضاكت بيه
ميّت هوه الحنيه
الدنيه-خنكه-أبريتي
فركاج يكسر واهس الريه
دمعة أعيوني اتطيح مسبيه
أخلافج أحس مات النبض بيه
فاطمه-كلبي بفراكج جمر
شنهو فايدته العمر
ياعمر والأجل لاح--آه آه
@@@@@@@@@@@
مسطور خد الورده
والنده منّه اتبده
قطره-قطره-أتبدت
كسرو غصن من عدهه
طاحت تون وحدهه
الزهره-الحلوه-انكسرت
مايحمل النار الورد عمره
النار بدّت عالترب عطره
بين الحركَ والرفسه والعصره
فاطمه-يا أرق من النسم
ضلعج وكلبي أنلجم
والعطر-عالترب-فاح-اه اه
@@@@@@@@@@@@
شبكَة الباب اتعور
منچ اضلوع اتكسر
طحتي-وصحتي-اكبالي
سير الخشب يافضه
رد اعله ضلغي ورضه
لحكي-اتعذب-حالي
البسمار طب بضلوعي وتعده
للمحسن وطكه ومر چبده
طاح وچوت نار الخشب خده
فاطمه-أكبالي شهكاتچ علت
وروحي شوغات أمتلت
محسنچ-عالترب-طاح-آه آه
@@@@@@@@@@@
ياورده مارحموها
عالحايط إيعصروها
ومحسن-طايح-يمهه
النار وصلت ليهه
بجفوفهه اتطفيهه
العتبه-انصبغت-أبدمهه
من طك ضلعها شهكت وطاحت
بيديهه ضلت تومي ما صاحت
ودمعتهه بطراف الجفن لاحت
فاطمه-أكبالي وسمعهه تون
الدنيه أحسنهه سجن
والعمر-اويه الدمع-ساح-اه اه
@@@@@@@@@@@
يابسمتي وحنيتي
يانفس دافي أبريتي
كلبي-أوياچ-أتصوب
أنتي الدوه لجروحي
والهوه اليسري بروحي
الدنيه-أخلافج-تصعب
الفرح مات اوياج ياروحي
وخلافچ آنه إيكثرن جروحي
للموت ما يبطل بعد نوحي
فاطمه-كسرچ الما ينجبر
كاسر الحيدر صدر
مصحفچ-للضلع-ناح-آه آه
@@@@@@@@@@@
سيد باهض الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كبل لايبدي الفراك بديت لفاطمة اشتاك
واليدفن ضوة العين حلم سنينة ينباك
_
من يوم الكسر شميت ريحة موت يم بابي
اشوف الزهرة والتابوت ارسمة ويبتدي عتابي
كبل لايوصل الها الموت شفت حرورة بصوابي
تروح الزهرة مني بساع ابد ماحاسب حسابي

لمن صار الوداع بعيني زغرت الكاع
الضيع رجعتة منين حلم سنينة ينباك

النفس عني بعيد هواي احس ام الحسن اقرب
اريد اشطر فراغ البيت واكرر شطرتي لمرحب
شفت كلشي صعب بالكون شفت من الصعب اصعب
بس ماشافت عيوني دمع يشبه دمع زينب

بيوم الفركة والموت صارت لمها تابوت
الماتت بنتة مرتين حلم سنينة ينباك
____
قبل لاترحل ام بيتي اطب لبيتي واتحير
احجي اوية الزجية فراك واحس ضلوعي تتكسر
تكلي تكدر بدوني ؟ واكلها والله ماكدر
من عدها وينام الليل بس جفني يضل يسهر

صدك صارت والعيون تبجي لفاطمة شلون
الدمعتة تنطلب دين حلم سنينة ينباك
_
ماتت والدمع تيهة يجري منين مايدري
من بيتي لكبرها الشيب بين وانكسر ضهري
مشيت وعالجتف شايل اسنيني الباقية بعمري
احفر بالكبر وادعي يوم الينحفر كبري

الاعز من كل الاعزاز بنعشها رحت جناز
اليشيل بكلبة جرحين حلم سنينة ينباك
_
يعتني الشوك للبسمار واعاتب والعتب جارح
بيوم اندفنت الزهرة اندفن كل الحجي المالح
احاول اخفي بدموعي بس هوة الدمع واضح
لكبرها مواعد جروحي ابقة راجع ورايح

يمها اقرة قرآن وتفيض بروحي الاحزان
التصيبة سطرة البين حلم سنينة ينباك
__
سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فقد الزهراء ((ع)) وغربة السيدة زينب ((ع))



يــمـــي واشــتــاگ الــحــنــــانـــچ
يـــــــمــــــه يـــــمــــــه
هــســه اشــاهــد بــس مـــكـــانــچ يـــــــمــــــه يـــــمـــــــه

* * *

صــورة الــبــاب وجــنــيــنــچ شــاهــدتــهـــه
بـــســمــة افـــراحــي بــمــصـابــچ ودعـتـهـه
يــمــه والــدمــعــه بــغــيــابــچ عــاشــرتـهــه
عــصـرة الارجــاس روحــي شــيــــبــتـــهـــه

بـــعـــد مـــاريـــدن حــيـــاتــــــي
والــــلــــــه والــــلــــــه
بـــنـــاري اعــيــش وذكــريــاتـي
والــــلــــــه والــــلــــــه

چـــنـــت أنـــام بـــظـــل أمـــانــچ
يـــــمــــــه يــــــمـــــــه

* * *

ظــلــت الــحــســرات مــنــچ ذكــره إلـــيــــه
وچــنــه يــعــصــرنــي الـظـلام بـكـل مـسـيـه
وبــالــصــبــاح تـصـيــر دمـعـاتــي جـــريـــه
أدري مــتــفــيــد الــنــدامــة يــالــزچـــيـــــــة

والــلـــه مــاتـصــبــر بـــدونـــــچ
روحـــــــي روحـــــــي
مــعــلّــمــتــهــه اتــصــد عـيـونـچ
روحـــــــي روحـــــــي

رحـــــتــي يــا ســيـْـدةْ زمـــانـــچ
يـــــمــــــه يــــــمـــــــه

* * *

تــورّثــت بــيــت الــحــزن يــالــزهــره آنـــه
يـُـمـَّـه بــالــلـــه امـــودعـــه وبــْسـِـر أمــانـــه
لــچــن مــحــرابــچ يــظــل خــالــي مــچـانـه
لـيـش عــفــتــيــنــه وطـفـت شـمـعـة ضـوانـه

بــقــت بــس دمـــعـــة مـصــابــي
ســـــلـــــوه ســـــلـــــوه
وحــســرتــي وجــمــرة عـــذابــي
ســـــلــــوه ســـــلــــــوه

يُــمّــه مـــحّـــنــي امـــتــحـــانـــچ
يــــــمــــــه يــــــمــــــه

* * *

دنــيــه مُــره ومـــا اشــوفــچ شـلـي بــيــهـــه
يــالــحــبــيــبـــه زيــنــب آنــه جــاوبــيــهـه
عــيــنــي ذابــت بــالــمــدامــع مــن بـچـيـهـه
وحـجـرتـچ كـل سـاع يـالـبـضـعـه اعـتـنـيـهـه

لــطــولــچ يــراقــب نـــظــرهــــه
عـــيـــنـــي عـــيـــنـــي
تـــعـــمــه لــو طـــوّل ســهــرهــه
عـــيـــنـــي عـــيـــنـــي

هــالــدهــر يــا وســفـــه خـــانـــچ
يــــــمــــــه يـــــــمـــــه

* * *

أيــســيــت وأدري رحــتــي مــا تــجــيــنـــــه
يــمــه شــيــرجــعــچ أنـــادي يــالــحــنــيــنــه
ورده ورده عــمــرچ يــذبــلــن ســـــنــيـــنـــه
ريـــت مــيــتــه ولا أضـــلـــن بــالــمــديــنــه

الــلــيــل أخــلــصــه ابــلا نـهـايــه
دمــــــعــــه دمـــــعــــه
وأرجــــع وأبــــــدي الـــبـــدايــــه
دمـــــعـــــه دمــــعـــــه

بــحــزنـــه دلالـــي اعــتــنــالــــچ
يـــــمــــــه يـــــمــــــــه

* * *

✍ بقلم خادم الحسين ع
الشاعر رعد الـچـريـخـي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747