الوداع .. الوداع .. نادت الزهرة الزجية
الوداع .. الوداع ..من رحل سيد البريه
***********
صاحت الزهرة ودمعـــــــها هلته
شلون أبوي أحمــل غيابه وفركَته
هنــــا وكف وياي وهنــا كَعــــدته
شلون أصبر ما أشــــوفن طلته
***********
شــــلون بويه تعوفني ويا الهمـــوم
والحزن والدهر غيرها الرســــــوم
جن حمامه روحي يم كبرك تحوم
والدمـــــع تجريه عبرات ودمــــوم
***********
بين عدوانــــي عفتني يالرســـول
محيرة والدمع يتجـــــــاره ســــيول
عليك كالت تهجر أولاد النذول
المالهم عرفة ودليل ولا عقــــول
***********

بفقــــدك الكونين تتجــــارة دمـــــع
يانبــي الرحمــة ونور الله اليشــــع
بالســـقيفة أهل الظلالة تجتــمــــع
عالطمع والجاه باعـوك الربــــــــع
***********
تقاسموها الحصص وأنته بلادفن
ومنعُ بجـــــاي ودمعتي من أحن
كالوا تأذينــه فاطـــــــم من تون
كون مازورك يبو القاســـم أجن
***********
حاربوني القـــوم ما عـدهم رحـم
وأنه ناري موجـرة وكلـي ألــــــم
العذاب علينــه يالهــادي نرســــم
من السقيفة وسددوا أول سهم
***********
شاعر أهل البيت
الشيخ عبد الحسين المنصوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصیدة: مهلاً یاموت
ــــــــــــــــــــــــــــــــــــــــــــ
خطاب الزهراء مع الموت في شهادت النبي ص
ـــــــــــــــــــــــــــــــــــــــــــ
مهلاً یاموت..لا تاخذ مـني الـغالي
مهلاً یاموت..وتموت الدنیا اگبالي

آنه الزهره..آنه الزهره
مهلاً یاموت..رفقاً..مهلاً یاموت
ـــــــــــــــــــــــــــــــــــــــــــ
رمش عینی حبل وأمچتف ادموعی
وحکایات الحزن مصدرها موضوعی
اذا مات النبي ما تـسلم اضلوعی
وقنادیل المصایب ترجم اشموعی

لو مات الچان ابجـسمی روح
آنه اصبح بعده کلّی اجروح
خلیني ابحال العـندی و روح

بیت الاحزان..یتـحوّل رایـح بیتي
بیت الاحزان..راح ایصیر احسینیتي

بیت العبره...بیت العبره
عوف التابوت..عذراً..مهلاً یاموت
ـــــــــــــــــــــــــــــــــــــــــــــــ
اذا عین النبي ابحجر الامامه اتنام
نـوایح دنیتي اعـلیه تشد احزام
ابد مو دنیا حلوه دنـیة الأیتام
محـمد والدي و ما بـیه عالآلام

التفگد والي و ما عدها اخوان
یـم أزغـر واحـد هـم تنـهان
عیـني راح اتشـوف النـیران

عیني اعله الباب..خایف گلبي امن اصوابي
عیني اعله الباب..یعصرني اگبال أحبابي

ابصدري العصره..ابصدري العصره
خل یعله الصوت..جهراً..مهلاً یاموت
ـــــــــــــــــــــــــــــــــــــــــــــــ
یریت ابعمري اگدر اشتري عمره
ولا تشبع دمع بعیوني العبـره
أنا زهـرة محـمد سـید الـعتره
اذا مسها الجذع تتألم الزهـره

الما متـعوده اتحن ویه الشوگ
اشلون أیـضمها باب المحـروگ
جمر الباب ابجـدمي مسـحوگ

ریحة دخان...ضلیت أشتم بثیابي
ریحة دخان...من نار التحرگ بابي

نار و جمره...نار وجمره
صبري منعوت..فضلاً..مهلاً یاموت
ـــــــــــــــــــــــــــــــــــــــــــــــ
نـوایه الـدنیا کـلها تنگلب ضدنه
و سهام اهل السقـیفه توصل الحدنه
أبمُـلکنه اتـطالب الـناس و تناشـدنه
و یطگ خدي الي حاسب روحه من عدنه

یعـرفني و یعـصر گام الباب
صدري ابسمار الـحار انصاب
یسمعني و ما رد لیه أجواب

آه امن النار...حرگت گـلبي ابآلامي
آه امن النار...محسن طایح جدّامي

هشموا صدره...هشموا صدره
محسن لیموت...ظلماً..مهلاً یاموت
ـــــــــــــــــــــــــــــــــــــــــــــــ
دمعتي و دمي طفّن جمرتي وناري
و بقـایه امن الـحزن بالعتبـه آثـاري
الذبحني المرتضي یتچتّف ابداري
ابحمایل سیفه حیدر شفته بکتاري

زینب ما تعرف شنهو الصار
و عـلیمن شبت بینه النار
ما تـطفـیها و ایدیها أزغـار

زینب لتنوح...ضلت ترکض مرعوبه
زینب لتنوح...تطـفي ابنار الملهوبه

تبچي الحره...تبچي الحره
صاحت بسکوت..صبراً..مهلاً یاموت
ـــــــــــــــــــــــــــــــــــــــــــــــ
علیه امن المئآسي اعیون مشبوحه
و احس اعیون گلبي اتنام مجروحه
نظرتي اعله الجرالي نظرة مذبوحه
أشیرید ابروحه ذاک العذّبوا روحه

ما چنّي الزهره و ام احسـین
أحمر خدي و دم تهمي العین
مـهلاً یـامـوت و صبرک ویـن

ریتک یاموت...تاخذ روحي و ترحمني
ریتک یاموت...بجـروحي لتـألمنـي

لوبس نظره...لوبس نظره
عني لتـفوت...وعداً..مهلاً یاموت
ـــــــــــــــــــــــــــــــــــــــــــــــ

کلمات خادم الحسین ع
عبدالامیرالناصري...المحمره


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#استشهاد_الامام_الرضا_ع
نزله

يا أبى الجواد يا أبى الجواد
......................................................
لجلك انهل الدموع اعله الوجن
ونلبس الاسود عليك من الحزن
نذكر امصابك يبو الغيره ونون
شلون عشت ايامك اعله اهلك تحن
ونعلن الحداد يا أبى الجواد
......................................................
روحك المظلومه حملت ياقهر
من الهجر وابدربك ايام السهر
مو نهر دمعك جره اعله الخد بحر
من تصير الكربله ابفكرك صور
وتلبس السواد يا أبى الجواد
......................................................
مصيبتك جداً عظيمه يا علي
انت كون اعله المنابر تعتلي
مو يَهَجْرونك يرحمت كل هلي
وعن ديار اهلك يغالي تنجلي
ياباب المراد يا أبى الجواد
......................................................
يومك ويوم الحسن كلهن سوه
اثنينكم شح يالرضا اعليكم دوه
من الألم طولك على طوله التوه
سيدي وابصدرك ايضيج الهوه
وتفارك العباد يا أبى الجواد
......................................................
شيعوك ابمشهد اهناك الكَبر
بالسِم ودرب الهجر راح العمر
عفه صبرك يا أبو الحق والصبر
على افراك اهلك واخوتك تنجبر
واتحمل اضطهاد يا أبى الجواد
.......................................................
صار قبرك لليكَصدك بالطلب
والدعاء ابحضرتك لا منحِجَب
تنكَضي الحاجات يمك والسبب
جا غريب وجانت ايامك تعب
واتشرِف البلاد يا أبى الجواد

الشاعر ياسر العارضي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله للمحسن ع

احنه ما ناخذ عله المحسن فصل****
الا ناخذ روس بمچـــــــــان الطفل****
...........
أبيّنه كسرة عظم بالگعده ﻻ ما نقتنع*
خل نشوف الصار زلمه وعالمره صاير سبع*
عطوه ماكو وعدنه مو اي باب هوه اليندفع*
يعني اقرو الفاتحه عله ارواحكم كسر ابجمع*

هوه فصل العامي ايشگ الحلگ****
انوب سيد فوگه بابــــــه محترگ****
............
الطلابه ما تفظ ويانه بالگال وگلت*
المهدي يطلع ليكم وياخذكم ابسيفه شحت*
حتى ميتكم نطلعه ونکسر اعظامه ونفت*
احنه مثل العاصفه من انهب نسويكم خفت*

الدلدل امحظرينه شدينه السرج****
الشده كلما طولت هــــــم تنفرج****
..............
اليمد ايده عله سيد نگطع ايده من العرگ*
والتجاسر منكم انشگ حلگه وانصفگه صفگ*
احنه كلشي ابكيفنه انخيط ولو ردنه نشگ*
المهدي باچر يطلع وشيفظها جدكم يحترگ*

كلنه ﻻبن المرتضى جيش وحشد****
اﻻ نشعل يومكم لمــــــــــن نهد****
.............
جمعو اچوالاتكم من هسه شيلو يالعرب*
انتو عار وحتى اسمكم ﻻزم ايصير الجرب*
احنه ولد الزهره وانتم امكم اللمت حطب*
اينعت ارقابكم واحسابكم كلش گرب*

ما تكفي ارواحكم ثار الضلع****
ابغير حصد الروس ﻻ ما نقتنع****
................
بس يأشر حجة الله ألنكضه انطره طر*
انعال فضه يسوه ابوكم يسوه ابو بكر وعمر*
خلصن الصابيع كلهه انعضها گمنه من القهر*
شلون للزهره وصلتو وضلع من عدهه انكسر*

الثار هـــــــــا يالثار يوﻻد الرجس****
الأذه حيدر نفگس اعيونه فگس****



علاء المياحي
الفاتحه لروح والدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فاطمه تشكر خدمهه// لشاركو همهه والمهه
السامره هاليوم الحظر
ماقصر وسعيه انشكر
/////////////////////////////
الف هنياله كلمن فاطمه تشكره
الكصد سامره لابس اسود اتنظره
يقينن فاطمه مو جوده بالحظره
الزار العسكري ماينحسب أجره
تسجل اسماء ابسجلهه// العنده دمعه خل يهلهه
خل يعتبر ذنبه انغفر
ماقصر وسعيه انشكر
/////////////////////////////
الشال الرايه كاصد بيده متحدي
راح ايسلم ابأيده على المهدي
الزجيه تكول هله بالما نسو ولدي
جائزته الاجه ياخذهه من عندي
فاطمه توزع جوائز // وانته منهم كلشي جائز
جائز تشوف المنتظر
ماقصر وسعيه انشكر
/////////////////////////////
الصحن العسكري اريدك تدخل امترب
كل العالم ابحبك تره اتعجب
جيتك للزياره نصرت المذهب
جدامك بالمشي معلمهه ماتتعب
الشيعي معروف ابشعاره// ماكو احله من الزياره
المتعني عمره ماخسر
ماقصر وسعيه انشكر
/////////////////////////////
اليوم الزهره كالت احله ايامي
رفعتو راسي والله اليوم خدامي
تواسوني يشيعه بحزني والاامي
يم ابني لكيت احبابي كدامي
عالحسن ابني حزينه // توني اجيت امن المدينه
اشكركم اليوم ابفخر
ماقصر وسعيه انشكر
/////////////////////////////
يتيم المهدي من اهله ولا واحد
يم شباج ابوه متربع وكاعد
يفرح لو معزي شاف اله كاصد
ادعو لي يكول وكلشي مارايد
بالفرج ندعيله كلنه // المهدي بس هوه املنه
اختارانه من دون البشر
ماقصر وسعيه انشكر
/////////////////////////////
شكرآ فاطمه كل احنه انكلهه
خدمتج نعمه مو كلمن يحصلهه
نمل ارواحنه وسامره منملهه
وهل العاده وحقج مانبطلهه
بكل زياره تمر نذكرج // فاطمه احنه نشكرج
هنياله البعينج كبر
ماقصر وسعيه انشكر
/////////////////////////////
تمت ____ علاء الزيدي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

في رثاء مولانا الإمام الحسن العسكري (ع) :


يم الحسن ثاني حسن
مغدور من جور الزّمن
و اشلون ضلعچ ينجبر
اْو رد هيّج اعليچ الكسر
ثاني حسن

___

مثْـل المجتبىٰ عمّه مصاب العسكري اتكرّر
سَميَّه او ورث من عنده حتى اِحشاه اِلموذّر
لو نوحه اِعْله شجْره ايصير عُود الشجره ما خضّر
اْو لو همَّه ابجبل حِمرين ذبل حِمرين و اتفطّر

من حگه لو دمعه يسِح
ابگلبه الجرِح فوگ الجرِح
اْو يوم الذي مات ابغدُر
رد هيّج اعليچ الكسر
ثاني حسن


__


من يوم الوِرَم بالسوط يم الحسن متنينچ
اْو من يوم الوگع مغشي علىٰ تابوتچ احسينچ
ما كفّ الونين اوْ لا من الدمعه انشفت عينچ
و اجاچ العسكري ابهاليوم يهيْـج اعليچ ضلعينچ

حادي عشر نور انطفه
من آل بيت المصطفىٰ
اْو حين انخسف نور البدُر
رد هيّج اعليچ الكسر
ثاني حسن

__

يزهره ابنچ من المعتز و امْن الـمُهتدي بعده
اشكثر كابد غصص و آلام تبيد الحيل و اتهدّه
عليْه الهَم فوگ الهَـم و الشدّه ابأثر شِدّه
حد ما وصلت النوبه او سَـمِّ الـمُعتـمد چبده

سمِّ اللي يگطع چبدته
چن خنجر ابنُص مهجته
او لـمَّن خلص منّه العمُر
رد هيّج اعليچ الكسر
ثاني حسن
_

يزهره اْو لو تشوفينه غريب او لا عضيد اوياه
عشر أيام ظل ايلوج من سمّ الگطع بحْشاه
ابمقاليد الإمامه النوب لابنه المنتظر وصّاه
اوْ للموت أسبل الإيدين او مَـد رجله او شِبح عيناه


و اتشهّد لربّ السّمه
اْو سلّم عله امّه فاطمه
اْو بس ما نزل وسط الگبر
رد هيّج اعليچ الكسر
ثاني حسن

_

إلچ يوميّه ماتم نوح منصوب اعله ويلادچ
اْو دمعتچ مشربچ ندريه اْو حَنّچ و اللطم زادچ
الفرح تردينه بس اشلون إذا ظيم الدهر رادچ
او سمِّ الفتك بفّاده فتك يالزهره بفّادچ

بهمومه گلبچ يشترِك
و امصابه بعظامچ يِرِك
اْو بس ما شفه كسر الصدر
رد هيّج اعليچ الكسر
ثاني حسن

_

ما يحصل دوه لضلعچ و لا لعيونچ الحمره
إلا ابيوم أبو صالح يلكد للحرب مُهره
يصِل (سر من رأىٰ) و ايصيح يثار الچبده منفطره
او علىٰ گبر الحسن عوده ترفرف رايته الخضره

فقّاره لضلوعچ دوَه
و ايشافي كسرچ باللّوه
عنده علم راعي الأمر
رد هيّج اعليچ الكسر
ثاني حسن


ميرزا عادل أشكناني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للعسكـــري ننـــوح …… نبجي بدمع مفضوح
مولاي الك جيـــنه …… نرفـع تعــــــــازينه
وانواسي مهديـــنه
ـــــــــــــــــــــــــــــــــــــــــــــــــــــــــــــــــــــــــــ
وسط الگلب مجلس الك مـولاي هـل سوينه
يالعسـكري بدمع الحــزن أمصابك أمتانيـــنه
سَــــموك زمـــرة هالكفــــر وبسَمـك اتئذيــنه
لا مانعـــــوفك سيــــدي خدام الك تدريــــنه

ننصبلك العــــــزاء ونبديـــلك البكـــــاء
يالعســـگـري يصيـح هاذه الگلب جريـح
وانــــــــواسي مهديـــنه
ــــــــــــــــــــــــــــــــــــــــ
مـن بعد مجـلس دمعتي اتعـنه الك وازورك
بحبـك مطيع وما اضن اطلع ابد عن شورك
بحـار انه الحبك صرت خليني بين ابحورك
فايز انه بكل دنيتي خادم صرت مأجـــورك

يبو المهدي الحـنـــين الك هاذه الونيــن
تعنـتلك الجمـــوع تعلك لك الشمـــــوع
وانـــواسي مهديـــنه
ــــــــــــــــــــــــــــــــــــــــ
ننصب عزانه بحضرتك ونبجي ونون لمصابك
حاجـات عدنه سيـدي نـتــرجه وانـدك بـــابك
جـيتك البـابك معتني فـدوه رحــت لتــرابك
يا أبو الحـجه المنتظر متعنيـه ليــك احبابك

بالحـضره يامولاي تجـري الدموع اهواي
نندب وليــنه اليوم ونــادي يمــته اتگـــوم
وانــــــواسي مهديـــــنه
ــــــــــــــــــــــــــــــــــــــــــ
تبقه انته شامخ للابــد غصبن عـله الضدونه
فجـــرو وانـبغضــو لئـن تعبـــو ولا كـــدرونه
ارفض فكــرهم لن غلط هل رافظي يسمـونه
وضل الحقد بيــهم بعد وما كــدرو يغيــرونه

ماهمنه ابد تفجير خل العقول تحــــير
نكــــثر اذه فجـرونه مانهتــــم يعرفونه
وانــــــواسي مهديــــــنه
ــــــــــــــــــــــــــــــــــــــــــــ
نـرفـع تعـــــازيـنه الك ياسيـــدي يالحـــــجـه
وانـادي جا يمته الفــرج تلكه البيــــارغ عجه
ونخلي بگلوب العده من الخوف تصبح رجـه
ما نقبل التوبه ابـد ومـا اتنـفع الهـم حــــجـه

ثاراتك امتــــانيتك واتاني ساعة جيــــتك
بســامره هـل ندعيـلك يالمهدي مشتاگيلك
وانـــــــــواسي مهديـــــنه
ــــــــــــــــــــــــــــــــــــــــــــــــــــــــــــــــــــــــــــــ
الخـــادم محمد رحيم المشعلاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اليوم سامره اعتنينه زائرين

* * *
كل موالي قلبه متفطّر جريح

لبومحمد جاي عالعاده ويصيح

ولجله الأرواح قصدت للضريح

تنوح تبچي اعليه يابن الطاهرين

* * *
آه لمصاب الإمام العسكري

من بني العباس لمّن تجتري

كل ظلمها وجورها وكل مفتري

من أصلهم آل أميّه وارثين

* * *
ورثت التشريد وانواع الغدر

وبتدت بيزيد وي أهل الكفر

چتل أبو السجاد واصحابه الطهر

واللّي بسمومه قضى وهذا سجين


بالوشايه والحقد ضد الإمام

كثرت بتوصيه من ذيچ الّلئام

لنهم بهذا الفعل عدهم مرام

ولادة المهدي لاتظهر لاتبين

* * *
بيه بشّر للأمم سَيْد الرسل

الملوك اسمه تهابه من يحل

هذا يملأ للأرض قسط وعدل

بعد ظلم وجور كلّ الظالمين

* * *
بعد هذا الظلم كابد للمحن

آمر المعتز الأعدا بالسجن

نور سامراء مولانه الحسن

وياه عدّة طالبين ايظل رهين

* * *
شيعه نوحو للمصاب اشقد صعب

المهتدي الملعون ناصب للحرب

للإمام العسكري وصار بغرب

عن وطن جدّه وسف يامسلمين

* * *
زاد بغيه عالزكي وجرمه يزيد

أصله من شجره ملعونه وشتريد

من بني مروان أفعاله ويزيد

واعتقاله خلّه فاطم في أنين

* * *
ونّت الشيعه بعد واتألّمت

خبر سمعت للوجه بيد الطمت

المعتمد سمّه وچبده تقطّعت

واصبحت لجله بفجيعه نادبين

* * *
تندب المنتظر تنعه وتخبره

بالأبو المسموم ومصابه الجره

نار فقده بالمهج متوجّره

عظم الله أجرك سليل الطاهرين

* * *
يابوصالح لوكثر منّه العِتاب

وحقّك اعلينه تره طال الغياب

ابثار فاطم انهظ وحرقة الباب

وجدّك المظلوم مقطوع الوتين

* * *

تمت بحمد الله ومنّه في 7/3/1440هـ
نظم خادم السيدة الزهراء عليها السلام
الشاعر ياسين جواد العبد الرضاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فدوه العمر يايمه.. ماابخل بيه
بس الوطن يسلم ..بروحي انه افديه
وتنرفع راية موطني.. ندري الوطن ماينحني
الوطن احنه نعليه
&&&
بيدي علم لمن رحت..شبان طلعت وفرحت
للوطن يمه من طحت..بصوت عالي من صحت
بالرايه يمه معتني.. ندري الوطن ماينحني
الوطن احنه نعليه
&&&
بصوت عندي ويا علم..مرفوع وتعرفه الامم
انريد اصقاط الصنم.. والفاسد وياهم حكم
ظلام لابد تنفني.. ندري الوطن ماينحني
الوطن احنه نعليه
&&&
من شفت يمه الثوار..تفدني داير مندار
اعرف ساعتها احرار..بالساحه طاحو انصار
همتهم الما تنثني.. ندري الوطن ماينحني
الوطن احنه نعليه
&&&
عل الجبل يايمه الوعد..خوان جوه والصعد
قسمو يمن وعل العهد..الجبل صارنه مهد
تمنيته شامخ ينبني.. ندري الوطن ماينحني
الوطن احنه نعليه
&&&
خذنه الصمود من حسين..والشرع كالنه ودين
اسكتنه يايمه اسنين..وصلت بعد حد الطين
لابد ييمه نغتني.. ندري الوطن ماينحني
الوطن احنه نعليه
&&&
ثوره طلعنه عالظلم..اشبعنه ذله والهظم
سطعش عام من الحكم..وصلت ييمه للعظم
انريد حاكم مدني.. ندري الوطن ماينحني
الوطن احنه نعليه
&&&
نطرد ييمه الاحزاب..بسم الله وداحي الباب
ونزيح يمه الجلباب..الطفل شايب والشاب
وننشد نشيدك موطني.. ندري الوطن ماينحني
الوطن احنه نعليه
&&&
محلاه ياربي الوطن..اشكثر مهموم وحزن
اتحمل اهواي الفتن..الموت والذل وشجن
لغيره صدك ماانتمي.. ندري الوطن ماينحني
الوطن احنه نعليه
&&&
خادم اهل البيت
الحاج ابو علي السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

راحت من أيدي الغاليه
والدنيا ظلت خاليه
راحت من ايدي

وين القدر وداهه
أخذت عيوني وياهه
راحت من ايدي
..............................
عجيب الموت ياخذ ياهو غالي
يبّچي اعيوننه بطول الليالي
مكان الام يظل ياناس خالي
بس الفاگد امه ايعرفه حالي

والامه ما موجوده
انشوف الدمع بخدوده
يبجي بهضيمه
ايصيح امي مانساههه
أخذت عيوني وياهه
راحت من ايدي
.............................

(جنة امي) ويشم طيب الدناهه
المحنه اتلوذ وتصلي وراهه
السمه تخجل إذا تسمع دعاهه
حتى الله اقترن عفوه برضاها

كسر الضلع ماذيها
تبجي وانوح اعليها
نوح اليتيمه
محنيه واتلگاها
أخذت عيوني وياها
راحت من ايدي
...................................

ياراحه انتظر... ما عندي راحه
افرگ بالحزن راحه اعله راحه
الفگد والدته ميعوف المناحه
وبس أمه دوة ومرهم جراحه

وجه أمي فرحة روحي
ضحكتها تشفي جروحي
كلش عظيمه
محد عرف معناهه
أخذت عيوني وياهه
راحت من ايدي
.................................
ييمه اذكر ونينج من تونين
ومن كد الوجع ليلج تسهرين
يوجه العافيه الماعافني سنين
شلون اليوم من ايدي تروحين

يمه البعد ياذيني
وياج اريد اخذيني
فكدج حريمه
يازمن واتمناهه
أخذت عيوني وياهه
راحت من ايدي
..........................

يشمعة بيتنا وياطيب الايام
وسف جوه التراب اعيونج تنام
بقينة انه واخوتي ابدنية الام
ونشوفج يالحزينه بس بالاحلام

وبالحلم لو مريتي
طيب و فرح طشيتي
ايدج كريمه
چفچ إثر شفناهه
أخذت عيوني وياهه
راحت من ايدي
......................................
واثق العيساوي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أبتلائي بكــل عصر انه زجية
أبتلائي عيني دوم أظل جريه
أبتلائي أدفـن اولادي بـديـة
أبتلائي


گوه اتوجه عله روحي.... عفت گبري ومدفني
وجيت احسين انه اجيت... لأبو محمد وأعتني
گمت الطمله عله خدي... وعله ضلعي المنحني
ويمًه لو ذريت روحي...مـــــاتكـــفيني وعلي

عذباني لون وجهه ومنظرة
عذباني أمــثر اعـليه الجرة
عذباني ادفن أولادي بدايه....... أبتلائي

گمت أسئله وحيراني.... وذوب بشفتي الكلام
كلما اگله شبيك يمه .... يگلي نار من الخيام
اطيته ماي وگتله اشرب... هذا مو وكت الصيام
ليش عالگاع انت نايم... ليش علتربه تنام


وعرفتهه ابــــني عايش كربله
وعرفته ايشارك احسين البله
وعرفته ادفن أولادي بديه....... أبتلائي



انه الزهره يشيعه... بكل عصر ادفن أمام
بين مسموم وقتيل..وبي نعش شايل سـهام
بلحد ودموعي تجري..حرماً اعيوني المنام
ومن كثر ما ون دليلي... علمت كل الحمام

يادموعي عــــاونن بنت النبي
يادموعي اليوم شال العسكري
يادموعي ادفن أولادي بديه....... أبتلائي

والله لو يعكوب يدري.... بكلبي الشايل جراح
چا حمد الله اعله قدره.....عينه ماشافت رماح
بروس ولده شاهره....ولا سمع صوت النياح
ولا عله الهزل بناته....تهزهن اسـياط وصياح


يدري يعگوب الحزن بعيونه شافه
يدري يعگوب شــكثر بل ونه كلافه
يدري يعگوب ادفن أولادي بديه...... أبتلائي



الدنيه حيل وياي ظلمة... و بخلت بموضع گبر
وباقيه بضلوعي جمره..... بكل رزيه انه تستعر
ابد ما يصفه زماني.... بكل عصر يولد شمر
شلون وانه ادفن أولادي...بيا لحد انه ستقر

يازماني ضــيعت حتى الگبر
يازماني اجم مصيبه انه نتظر
يازماني ادفن أولادي بديه...... أبتلائي

خادم الزهراء //ع// ابواحمدالطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليالي الفاطمية 1441
علي موجنه علي. والي بس ابلا ولي
صبت عيونه دمه. شاف مقتل فاطمه
****
دمعه بلل شاربه. شاب حته حاجبه. ياهضيمه
الجان بالشده جبل. علي بمصابي ذبل شكد اليمه
يمشي مكسور الظهر. شيب بكد القهر من الجريمه
شاف بابه يندفع. شاف مكسور الظلع. من اليتيمه
صفگ إيده وظل يون سوالفه جانت حزن
نوح يسمع بالسمه شاف مقتل فاطمه
****
علي بانت كسرته. منه راحت زهرته. هالمسيه
يكسر الخاطر تره. اباله ديره مكبره وجم منيه
گباله نيران وحرك گباله نسمه تختنگ وبلايا ريه
ابليس هاجم عالظلع شاف موذاكه الوضع اشجم رزيه
مصاب ومصاب انجمع. صوتي بس اخ انسمع
ابابه نار الحاطمه شاف مقتل فاطمه
****
گلبه المفارگ يحن. علي من فكدي يون ودعاني
حاله عايشها علي. يصيح ماتوا كل هلي مانساني
يطيح ويكوم ويطيح يشيع ابكلبه الجريح. من خذاني
علي عاش بلا حياة بس جسد واكف ثبات وشيعاني
بليل والليل الصعب. علي يمشي بلا گلب
مصابي حيل مألمه. شاف مقتل فاطمه
****
خلص مراسيم الدفن من الدمع طاح الجفن تجري العيون
عيونه ظلت عالگبر يلتفت وبيا صبر. حالته شلون
مفارگه عيونه محب. خِلّه غطاه الترب مايرجعون
وداعة الله شكد حجه. الليل وي حسه بجه ليل الضنون
يعينه ماواحد لگه النفس كوه يشهگه
شلون روحه سالمه. شاف مقتل فاطمه
****
شال حيله ومارجع. بليل حيدر ماهجع تكول مذبوح
ينازع الظلمه غده. مايدك گلبه بده وتطلع الروح
منهو عن هضمه سئل كلشي صار ومحتمل ينگط اجروح
شيبت اهدابه هضم الالم واصل للعظم ميكفي هالنوح
منين حيدر يصطبر شاف نجمات الظهر
هاي جانت خاتمه. شاف مقتل فاطمه
****
تمت ولله الحمد/ المقصر مع الحسين
علي النائلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قديسة النساء بل قديسة السماء
فمن لها كفضلها من سائر النساء
بها ابتدا المعبود
آدم لها يعود قديسة السماء

مو ماي لاطين البشر منه براها
الله اقتبس من عزته نور ل بهاها
و بيده كون فاطمه وزين صفاها
وخلق كل املاكه من فاضل ضواها


أوجب فرض حبها وجوبت الصلاة
ناراً لمن ابغضها في حبها النجاة
من فيضها الوجود
آدم لها يعود قديسة السماء


كل العلم عد فاطمه من ألفه للياء
مخزن اسرار المقتدر بالزهره خلاه
بيهه بسط هاي الارض والسقف علاه
وكلمة يكن ثـم يكن عند الله زهراء



أقرن في مرضاتها الخلد والرضوان
ومن عصى لأمرها مسكنهـُ النيران
في حبها الخلود
آدم لـها يعود قديسة السماء


كل مذنب لهه يعتني تكشف بلوته
آدم نبي ولــــمن ذنب صارت رجوته
اتقدم لربه ودعى وناده ابصرخته
ابجاه الزجيه يرتجي ورجعت رتبته

يعلمُ أدم قدرها الوسيلة الكبرى
والذنب فيها ينغفر زهراء يازهراء
لقربها المعهود
آدم لـها يعود قديسة السماء


رحمه الله الهل بشر وام الأباها
جا ليش نسأل يادهر ظالم ولأها
من بعد ما طه رحل بناره اجاها
ولاذت ورى الباب احتمت وما حماها

في بيتها الزهراء قد هاجمها الأعداء
فأرتحلت شهيدة ويلاه وا ويلاه

ياأمة الجحود
أدم لـها يعود قديسة السماء

عاشور ثاني من يهل شهر الزجيه
وصرخات تسمع للخدم بلفاطميه
ونون عليهه بكل حزن ونت السبيه
ونت المشت امجتفه من الغاضريه

اتينا للعزاء نبكي على الزهراء
قلوبنا حراء والدمعُ من دماء

يندبها الوجود
أدم لـها يعود قديسة السماء

خادم الزهراء// ع //ابو احمد الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة بحق الزهراء ((ع))
الامام علي ع يكلم الزهراء((ع))



چنتي يمي البارحه يم سوالف مالحهــــه
كلمه وحده اتكلمي گلبي لحساسچ ضمي
.............................................
خاطري الليله انكسر ياهو اليجبـــــره
ميت بعيني الضوه وبگلبــــي عبــره
عمري يالزهــره بغيابچ كله ذكـــــره
الينسى معشوقه وحبيبه ينسى عمره

كلمه راح احچيهه وآنه ذايب بيهه
مري بيّه وسلمي
---------------------------------------
كون اليفارك محب تگصـــر حياتــــه
حتـــى ألحگچ والعشگ بعده بحلاتـــه
فاطمة ماتت علــي ويـــاچ امنياتــــه
ليلي اخلصه بماضي حبنه وذكرياته

المثلي يدفن روحه حگه يبقى بنوحه
بعيني مظلم عالمي
-----------------------------------------
بُعدچ يْجرح الجفن ما بيه حيلــــــه
يعاشر عيونه البچي اليفگد خليلـــه
ذكرى ذكرى وبالمناحه يگضي ليله
الغالي توجع غيبته ويصعب رحيله

طيفچ آنه مناطره حامد الله وشاكره
حزني حرّم مبسمي
------------------------------------------
أحمل بمتني النعش يصعب عليّه
وجسمچ الطاهر أدفنه بذني اديه
عني ترحين وتضل عيني جريـه
اذكر ايام الگبل چنــــه سويــــــه

عمري ضلمه اسنينه وينه نورچ وينه
رحتي وآنه بمأتمي
-----------------------------------------
إنتي وردة دنيتي اليسحــر عطرهـــه
شلون اخليهـــه بلحد واترك گبرهـــه
وحشتچ يم الحسن بيـّـــه شكبرهـــه
بروحي حسره وخايف يخلص صبرهه

ليلي دمعي يزيده وانتي عني بعيده
نامي لا تتألمي
------------------------------------------
شله بالدنيا التصيــــر ايامـــه ظلمــه
يجرح احساسه الزمن واكثر يهضمـه
صعبه يالزهره بوداعچ حزني اكضمه
وانتي تدرين بدليلـــي قصـــه عُظمــه

گوه نعشچ شايله اچتافي احسهن مايله
بكلمه بيه اترحمي
===================

✍بقلم خادم الحسين ع
الشاعر رعد الجريخي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زينب ع تحكي للعباس ع ماجرى على امها زهراء ع

تبچي بقهر يـم الـــــگمر من تذكر امها
وعن الضلع يحجي الدمع ظالم كسرها


حرگوا يعباس الباب
والضلع ياخويه انصاب ظالم كسرها
💥💥💥💥💥💥💥💥💥💥💥💥💥💥

أول مـراسـيل الحـــقد نـكروا أمـرهه
وقـرروا لازم فــاطـمه انگصر عمرهه
جمعوا عالباب الحطب وظـالم شجرهه
وكسروا ضلع ام الحسن ومـحد نصرهه

نادت لي يمه اعتني ولزمت ضلعهه
باب الاجل بيده بعجل ظالم دفعهه

هدوا علينه الاحزاب
والضلع ياخويه انصاب ظالم كسرها
💥💥💥💥💥💥💥💥💥
من الدفع محسن وگع ابدمه يتعفر
واتـلگت الـگاع الـطفل الله وأكــــبر
هرش الورد ليش نگطع مو بعد اخضر
وكــــل العمر راح العمر مـاي وتطشر


بعمر الورد مات الولد وفاطم قهرها
ونتهه اله تهز الفله وفتت صخرها

بعده جرحها ماطاب
والضلع ياخويه انصاب ظالم كسرها
💥💥💥💥💥💥💥💥💥


شفت امي مابين الــزلم دارو عليهه
وسوط العبد ابقسوته تلوه اعله اديهه
اتحزمت امي بلصبر ونصرت وليهه
وحيطان المسجد بچت والله الحجيهه


نار وحطب منظر رعب للمن اجوها
خد انسطر ضلع نكسر و عذبوها
عذبه سوط الحطاب
والضلع ياخويه انصاب ظالم كسرها
💥💥💥💥💥💥💥💥💥



طه بــعرش ربه نــــضر لأرض المدينه
وطش الجنان ابحرگته ودمـعه نبينه
اصل الصبر كلبه نفطر البنته الحزينه
ويگــلهه صبراً فـــاطمه هسه تجينه

ايامج گضن عدي الزمن لوح قدرها
يافاطمه بنص السمه بنتي انتظرها
ينزل دمعهه سجاب
والضلع ياخويه انصاب ظالم كسرها

💥💥💥💥💥💥💥💥💥
علي ودعهه اب ألم ويتامه يبجون
وصب المزن صب الجفن بدمع العيون
الحسن مابطل نعي وبچه اليعزون
وتوسد احسين الكبر وگاموا يونون

وانا ضعت وتحطمت ومت ابجفاها
كل حلم الي مات وعلي وضاع بثراها
ماانسه غدر الاصحاب
والضلع ياخويه انصاب ظالم كسرها

💥💥💥💥💥💥💥💥💥

خادم الزهراء// ع //ابو احمد الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هنياله كلمن يخدم الزهره
***************
من الزغركاطع عهد كل جمعه اسوي اقرايه
لو لحظه انسه فاطمه صدكوني عندي هوايه
حته دمعتي امسجله عد فاطمه ملايه
ياماي مجلسهه دوه مجلسها لذه ابمايه

ماتطفه بيه من العشك جمره
*********

الف الحمد لله وشكر جي فاطمه مولاتي
لخاطرهه ربي يستجب لخاطرهه كل دعواتي
تصعد وتنزل بالنفس وي حسرتي واهاتي
انه انخلقت الهه عبد وماابخل ابدمعاتي

الهه شمع ارد اعلك العشره
******
لو ردت ادور فاطمه بمجلس حسيني اللكاهه
عدهه ذبيح ابكربله دم ودمع بجاهه
يا ناس هنياله وعلي اليوم الحظر واساهه
انسه حياتي وكل هلي بس هيه ما انساهه

اليوم الحظر ماينحسب اجره
ارتاح من اللعن عمر ماعوف هاي العاده
جي همه ولدج فاطمه اهواي احب الساده
الما عنده ذريه وطلب تنطيه بيده امراده
والعنده حاجه تنكظي وتنطيه عشره زياده

عد فاطمه غالي الدمع سعره
*********
دكات كلبي توحدن دكاته كلهن فاطم
وانه اشكر الزهره لان خلتني عدهم خادم
واجب بعد صارت علي احيي الشعائر لازم
وبفضل خدمت فاطمه مهيوب بين الوادم

امنيتي احصل منهه لو نظره

ان شاء الله العام اليجي كبر الزجيه نزوره
وابيتي اعلك الكبتج عالحايط أكبر صوره
والمهدي هسه برايته من يجي ياخذ دوره
انريد نلطم عالصدر ظلعج بده عاشوره

ظلعج يطيب وينجبر كسره
******
تمت ____ علاء الزيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أستسهاد السيدة الزهراء (عليها السلام)

راح اموت الموت اجاني
راح اموت مكسوره اني

واليموت عينه لحبيبه
راح اروح عنك غرييه

*****************
مو سهل عشرت عمرنه تنهي بكسر ودمع
كلشي ميفاركني عنك. لومه بابي مندفع
انته حيدر جوه ضلعي من انكسر هذه الضلع
رادو ايلجمون گلبي. بحبك الما ينصدع

موتي حان موبيدي اعوفك
الليله هاي خليني اشوفك

فراكي بيك اكبر مصيبه
راح اروح عنك غريبه

*****************

هيه هاي الدنيه رادت. تفارك العاشو عمر
اني صح مكسور ضلعي بس اشوفك منكسر
بيه شد حيلك يحيدر. وانته صاحب كل صبر
كون اخر مره اشوفك. محني انته اعله گبر

يوسع اريد الدنيه صدرك
من عدها كون ما تحني ظهرك

بس تريد دمعك عجيبه
راح اروح عنك غريبه

*****************

اني ما متعوده اعوفك عايش بروحي وطن
ادري مالك غيري انته وحدك تبقه ابمحن
حتى ذني عيوني حيدر. عله فراكك هالبجن
تبقه اخر نظره منك بعيني من ايغمضن


ما اريد تبجي اعله گبري
دمعك يطيح يلجملي صدري

مني حيل روحك قريبه
راح اروح عنك غريبه

*****************

عشنه احنه گلب واحد. طيب خاطر من يدك
لكن لكلشي نهاية. واحنه لازم نفترك
حاير تودعني انته ادري گلبك محترك
واني محتاره بوداعك صدري بالهم مختنك

مكسوره حيل كاسرني وضعك
ما بيه اكوم واشلون اودعك

جاي اشوف شيبة خضيبه
راح اروح عنك غريبه

*****************

من بعد موتي يحيدر يبدي بالدار اليتم
بعد ما نكعد سويه وما يلمنه كل حلم
ما تمر ضحكه اعله سنك وللفرح ما تبتسم
المهم تبقه انته سالم وكلشي بعدك مو مهم

صيرلهه ام زينب حمامه
وحسين اله حضنك منامه

بضحكه الحسن اكسر نحيبه
راح اروح عنك غريبه

*****************

اني اوصيك بوصيه بروحي ظلت جن جمر
الحسن قبله اعله فمه جبدة بالسم ينفطر
وظم الحسين اعله صدرك لان صدره ينكسر
وقبل لزينب اديها تمشي مكيوده بيسر

باجر تره زينب سبيه
بيده شمر يسلب رقيه

فوك الرمح مدميه شيبه
راح اروح عنك غريبه



نسألكم الدعاء / علي حسين المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زهرآء يا فاطمه ...... زهرآء يا فاطمه
_______________________

يالزهره الحزن حان ... والدمعه والاشجان .. لمصابچ بدن
نتحزملچ احزام ... وانعيش ابهالايام .. آهآت اوشجن
مقتل نقره وانلوع ... ياويلي عالضلوع .. ويلي اتهشمن
واجب تهمل العين .. خاطر يكمل الدين ... يا أم الحسن

والعين تنزف دمه .... زهرآء يا فاطمه
_______________________

عاشور الضلع صار ..علّگنه اعله كل دار .. رايات الدمع
ابعاشورچ بچي اهواي . يشبه لوعة الماي .. لمّن ينمنع
بسمار اللي بالباب ... يطعن چنّه نشّاب . وايصوّب ضلع
طفّچ گبل الطفوف .. طمعن بيچ السيوف .ماتعرف شرع

والنار ك الحاطمه ... زهرآء يا فاطمه
_______________________

طفّچ كسّر اضلوع .. مايعرفله ممنوع ... ما يرعه الذمم
بمصابچ نهر چان . مو مي يجري نيران . بس مامش علم
وضربة طاغي ملعون .طفّت بيچ العيون. چن ضربة سهم
صح ماگطعو اچفوف. بس راوتهن اجلوف .كل معنه الالم

وإتبات متألمه ... زهرآء يا فاطمه
_______________________

في كلّ التفاصيل . تشبه سحگة الخيل . رفستهم تره
صدرچ منها مهشوم . وحيلچ امسه مهدوم . طحتي اعله الثره
منظر يجرح العين . من طحتي تونين من هذا الجره
لا ماعندچ انصار . بس اطفالچ ازغار . كلها امحيّره

مچتوف عنها الحمه... زهرآء يا فاطمه
_______________________

ومحسن مهجتچ طاح . رفرف بس بلا اجناح . هذا اوّل طفل
چنّه ايودي مرسال .عبدالله استعد گال . باچر تنكتل
كلما شفتي بالعين . مثله ابطف الحسين وابنفس الفعل
نار وشتمه واسياط . واطفال ال بلگماط . واضلوع وحبل

مرتين متيتمه .... زهرآء يا فاطمه
_______________________

ينعاد الحزن بيچ . مو حگي امن اناديچ . يا أول جرح
بينچ بين الحسين . ماتفرق موازين .. من حيث الرمح
مرّه ابچعبه ينصاب . متنچ يم الاطياب . ياوجه الصبح
ومرّه يحبس انفاس . بالطف من حمل راس. من بعد الذبح

حزنين ابلا خاتمه ... زهرآء يا فاطمه
_______________________

يا أم اطهر اولاد . حزني الليله ينعاد ..... من أوّل بده
لا لا ماهو بس يوم . وياچ الحزن الدوم . دوم انجدده
ما ننسه الضلع لا . وامصابچ مننساه . وانتي الشاهده
ذكرى ابنص العقول . عنها والله منزول ... نبقه انخلّده

والروح ما نادمه ... زهرآء يا فاطمه
_______________________



ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا فاطمه يا فاطمه يا فاطمه
شلون أبخل اعليج الدمع والباب كاسرلج ضلع
جذوع اعله ورده تندفع الله واكبر
منتجيه عالحايط نفس وحسيتي بالباب انرفس
البسمار من دمج ترس الحايط احمر
يا فاطمه يا فاطمه يا فاطمه
____________
روحيت اسمج تختلف ماظيعت مره العرف
قاهرني بس ذاك الصلف الهاجم عله البيت
لتوفيقي لامس فد أثر ارضيج من اللعن عمر
اترجه جيت المنتظر يالزهره ظليت
يا فاطمه يا فاطمه يا فاطمه
____________
دليني بالدرب الصدك وخلي الكلب بسمج يدك
امنيتي ويه بابج احترك ابعتبت الدار
مسويتلي انتي جم فضل ابجيلج اشما ظل عدل
لمصابج انجن ونفعل لو شفت بسمار
يا فاطمه يا فاطمه يا فاطمه
____________
يوميه اشب وانطفي تعرفين اكيد بموقفي
يكلولي شعرك طائفي لتمس الاصحاب
ويدرون ميتلج طفل وعينج آمن السطره تهمل
جي صافعج بيده النذل طحتي اعله التراب
يا فاطمه يا فاطمه يا فاطمه
____________
حرموج من ارثج غصب وبالسوط متنج ينضرب
لبيتج وسف قنفذ يطب ويسبج اشلون
عين العلي وعين انطفت شفتي اديه اجتفت
اكلوبهم جنهه اشتفت كامو يظحكون
يا فاطمه يا فاطمه يا فاطمه
____________
يصل الكسر وكت البرد يطيب الظلع مااعتقد
ينلجم حتى باللحد ظلعج المكسور
بظلوعي يندار الالم تحسبيني بلكي آمن الخدم
عندي قضيه ومتهم من ابجي معذور
يا فاطمه يا فاطمه يا فاطمه
____________
تمت __ علاء الزيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياصاحب الثار إلك هالمسيه ننصب مآتم نقدم عزيه
,,
جينه ننادي بدموع النواضر ندري معانه تشارك وحاضر
دمعك من يسيل يجسد مناضر كل المآسي الجرت عالزݘه
,,
بكسرة ضلعهه تكسر ضلعنه بوداي النوايب يغايبنه ضعنه
وإنته تعاين تشاهد وضعنه ما حاجه مولاي نقدم شكيه
,,
نذكر ضلعهه ويه دمهه التجاره لسه بصدرنه يغايب حراره
وين الگبر وين نگصده بزياره ونحضر ليالي العزه الفاطميه
,,
ننصب عزاهه ونون الوضعهه وننشد وره الباب منو الي دفعهه
ونسأل المسمار الهشم ضلعهه شنهو بصدرهه شفت من بليه
,,
يصرخ شفت نار عله الهادي أبوهه ونار الوره الباب إجو وشعلوهه
ونار الصحابه الذي عذبوهه ونار بصدرهه أسمهه الغاضريه
,,
ابو ولي الفاطمي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747