دارت سنه الكسر الضلع
واقرايه سويت
منبرنه باب المحترگ
والينعه ابو البيت
والحضور انه واخوتي والوكت ليـــل
الباب سالفته علي شو ينعه عالخيل
ــــــــــــــــــــ
من يوم شمعتنه انطفت
حدما ولا اشوفن حد
كلمن ينام ابدمعته
مسطور اذا يابس خد
كل ليله مجلس عدنه بس
كلمن بروحه استفرد
وامنيته ياهو اتناشده
ويه الزجيه اموسد

ماادري ياهو اكثر حزن والمنخطف لون
بس جان ابونه اكثر علي
مهدول الامتون
حيل كلمن ماله حيل ايدوّر الحيل
الباب سالفته علي شو ينعه عالخيل
ــــــــــــــــــــ
صبح ومسه الون والبجي
واعلينه الايام اتمر
ومن هالليالي المظلمه
ليله الهوه الينشم مُر
جمّعنه ابوي ودمعته
من گبل لايحجي اتخر
دارت سنه ابلا فاطمه
واصدور كون انكسر

للباب جابانه وگعد
وجنه اشتعل نار
ثوب امي شفته ابيمنته
وباليسره بسمار
من يصد لحسين اكثر دمعته اتسيل
الباب سالفته علي شو ينعه عالخيل
ــــــــــــــــــــ ــــــــــــــــــــ
حاسر عله الباب انتجه
وعالحايط امخلي ايده
وينك يگاطع وردتي
السويته بيّه اتعيده
چلّبنه بي من كل كتر
يترك الباب انريده
خلوني گال ارد انعصر
المثلي البجي شيفيده

حلفته بمــــي الا گعـــــد ودنّانــــــه يمه
راح انعه گال اعله الضلع. وبدمعي ارسمه
رسم بدموعه صدر دامي ومهازيل
الباب سالفته علي شو ينعه عالخيل
ــــــــــــــــــــ ــــــــــــــــــــ
من اوّل احجاية نعي
خلانه عالروس اندگ
يايمه مو يافاطمه
ميته صرخ مااصدّگ
كسّر جفوفه امن العصر
وجلمه حجاها مدنگ
موباب گال اعله الصدر
باجر حوافر تطبگ

صحناله صدرك ياعلي.
لو ياصدر گـــــول
عاين عله حسين وبجه
وصاح اي يالاخيول
باجر اتراون اوليدي الضامي الويل
الباب سالفته علي شو ينعه عالخيل
ــــــــــــــــــــ ــــــــــــــــــــ
كلنه يتامه استغربت
يبجي عله حسين اكثر
گتله الابنيه اكثر جرح
زلمه ابنك ويتصبـــــر
گلي يزينب صح لجن
كلما جره اعله الكوثر
ضعفه عله حسينج يمر
بخيل الصدر يتكسر

ماتنسطر تطفه بسهم
من كافلج عين
شمّيتي امج حسره باجر
شمّة حسين
محد امن الحَر يجي والجثّته ايشيل
الباب سالفته علي شو ينعه عالخيل

علي محسن الزيادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بالدمع تتوضه وصلّت الفرض الأخير
والندى ابهالليله ايودع الضلع الكسير
وداعة الله ..... وداعة الله
__________________________

صلّت الركعه الاخيره فاطمه ابيا حاله
تقرا والايآت تبچي والدمع يتلاله
الفضا اعليها ايتحسر والحزن يبراله

منحني ضهر الوسيعه والسمه تمطر حزن
الشمس ذبّت ضواها والگمر غايب يون

ترحل ابيا حاله العاشت ابجال الامير
الجروح العدها لو جبل بيهن يحير
وداعة الله .... وداعة الله
__________________________

نورها الچان اشحلاته هالمسه ايودعونه
فاطمه احنيّن گلبها الواسع ايسمونه
ويلي بتراب المگابر باچر ايدفنونه

التربه والسجاده يبچن صوت ونهن يعتلي
السبحه والمحراب صاحن ضلّي ابداعة علي

يالزچيه اجروحچ ريتهن بينه تكون
ياللي دون اعيونچ كل خلق الله تهون
وداعة الله .... وداعة الله
__________________________

المرتضى الله يعينه ع الوداع الليله
موش چن الزهره تمشي چن يفارگ حيله
مختلي ابليل الله يبچي والنجم يبچيله

بالصدر ما هوّه گلبه اولاهو بضلوعه ركد
ما هجع ساعه ابمچانه ايروح للزهره اويرد

حيدر الي انعرفه صخره چنه او مايلين
من وداع احبابه ناخر اعظامه الونين

__________________________

والحسن يعگوب چنه من كثر دمعاته
اعتاب وي الباب عنده اويوجعن چلماته
گلي الفراگ اشيجرعه وشيحمل ساعاته

امي زهره اعليمن ينعصر بيك الورد
امي ريحة جنه والعطر ما ينمرد

وداعة الله .... وداعة الله
__________________________

الحسين ايلوج يمها وعبرته مسلوبه
وين يا نبضة دليلي اوراحتي المسلوبه
وينّي أو وين الموادع موحشات ادروبه

ما يعرف الراحه الفارگ امه امن الزغر
من عگب بسمتها دنيته تصبح گبر

الفگد عافيته ايخاوي كل عمره الحزن
يمه حتى ابعيده وي صباح الله يون

وداعة الله ... وداعة الله
__________________________

والزغيره ابسدها گعدت مدللتهم هايه
وشايله ابنظرتها حيله فوگ كل احچايه
اتگلها يمه اهناك اريدچ ع النهر والرايه

لا تخليني غريبه يمه يا اول جرح
اليوم لو بسمار شفته باچر اگبالي رمح

يمه يوم العاشر خايفه اعليه يمر
وحدي ايخلوني ويحدي بضعون الشمر
وداعة الله .... وداعة الله
__________________________

الشاعر ابو فاطمة الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اون صبح اومسيه انه الزهره الزجيه
*
ابتليت بناس صحبتهم نفاهه
عليه اتكور اوذبت بلاهه
الوادم مدري اشبيهه اوشجاهه
صفو لاغيره عدهم لاحميه
*
صعبه الامنيته وتالي خانك
يعرف زين مچانه من مچانك
ابنص دارك وماتلگه امانك
وانته تاج كل الهاشميه
*
انه المحروگ بابي من اساسه
اودرو بلباب متحني بقداسه
علي هدو خدام السياسه
اومنهم ماشفت بس الاذيه
*
بين الحايط اوبابي عصرني
نبت بسمار بظلوعي كسرني
اصيحن اخ يسمعني ودفعني
اوعيني من الوجع ظلت نديه
*
محسن طاح والدم ابلهاته
اوعليه اتلملمت كل نايباته
طاح ابين عدوان اوشماته
اوركضت ليه ملهوفه المنيه
*
نحيلت حال واهمومي چثيره
واحس ياناس وياهم اسيره
ولاچني العزيزه الاسوه ديره
الظلمني بياعذر يحچي النبيه
*
اظم بدموع عيني وبعبرتي
واحسن نار تطلع وي حسرتي
چبيره اهواي ياوادم كسرتي
طحت والگاع لچمت حته اديه
*
بحالي مادره بس النخيته
اهموم اهواي ياگلبي الجنيته
علي الكضته ادري وصيته
ابو الحمله تچتف بلوصيه
*
ابوحيدر الصبيحاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياشريفة حاجة عندي والدمع يحجيها
ياشريفة بداعة ادلال الحَسن اكضيها


الحاجة بعيوني جرح والهم نزيفة
والربيع ابروحي ماقاوم خريفة
اخذ همك كالوا واكصد شريفة
هاي بنت المجتبى العامر مضيفة

سمعت منهم اليوم اجيت وقصتي ارويها
ياشريفة بداعة ادلال الحَسن اكضيها

هي مو كل باب تندك وانتي ادرة
اني واحد خايف الوادم تعيرة
ابن فقرة ومرقدج موطن الفقرة
كلبي بس يمج تعود يحجي سرة

اشكي همي والمصيبة العندة مااخفيها
ياشريفة بداعة ادلال الحَسن اكضيها
_
مو لياهو الجان اكدر احجي قصتي
الة يمج عادي ابدي ماي كصتي
باب حاجات البرية انتي صرتي
واني اريدن حاجتي وتجري دمعتي

كلشي بيدج واعلة بابج دمعتي اجريها
ياشريفة بداعة ادلال الحَسن اكضيها
_
انتي بت وادم تشوف الضيف اهلها
ياشريفة وروحي غيرج ياهو الها
شكثر تحجي عن عطائج ناسي كلها
المشكلة الصعبة اعلة بابج نلكة حلها

ماكو صعبة والحوائج يمج مخليها
ياشريفة بداعة ادلال الحَسن اكضيها
_
ياطبيبة ال هاشم شوفي وضعي
امزامط ابجيتي عليج ابين ربعي
الدنية اذتني والمها كسر ضلعي
ومالكيت اللي ينشف بيدة دمعي

صعب حالي جروحي غيرج محد يدوايها
ياشريفة بداعة ادلال الحَسن اكضيها
__
سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليالي الفاطمية

يا علي بكلشي جره
حاضرة زينب تره
شافت الناس اللي حرگوا بيتي
شاهدة والله اعله مظلوميتي
"""""""
يا علي أوصيك وبدمع الهضيمه
بزينب اوصي هالله هالله باليتيمه
شاهدة اتظل بنتي تشهد عالجريمه
على حرگ الدار وضلوعي الهشيمه
والدفعني شافته
والسطرني عرفته
كلشي تدري ابدايتي وتاليتي
شاهدة والله اعله مظلوميتي
""""""""
بنتي باچر تفضح افلان الـنِكرني
اللي نزّل دمعتي بعيني وقهرني
تخبر الوادم منو بوجهي سطرني
وحيل بين الباب والحايط عصرني
گالوا الزهرة توّن
وهو ناده اي وإن
وبنتي تبچي وبس تصد ناحيتي
شاهدة والله اعله مظلوميتي
""""""""
خل تسولف يا علي عن محنة امهه
حته تدري الناس يا واحد ظلمهه
ومنهو سگّط محسن ومنه حرمهه
ومنهو اول شخص للزهرة شتمهه
خل تسولف للبشر
ضلعي ياهو اللي كسر
والهشم ضلعي سلب عافيتي
شاهدة والله اعله مظلوميتي
"""""""
شاهدة مو بس على مصاب الجرالي
شاهدة بالطف على ذبح الغوالي
تشوف مُهر حسين يرجع ظهره خالي
گبالهه يشيلون راسه برمح عالي
راسه مو بس تنظره
حته گطعة خنصره
ويه زينب لو چنت ياريتي
شاهدة والله اعله مظلوميتي
""""""""
لومه زينب نقره عالدين السلامه
تنقذ السجاد من ايد الظلامه
هيه تحفظ يا علي خط الامامه
بجال زينب والله متطيح العمامه
لومه زينب يا علي
ما يظل بعدك ولي
بزينب المظلومة اوصي اوصيتي
شاهدة والله اعله مظلوميتي
""""""""
زينب ابذمتك يحيدر لاخر انفاس
امن ايدك اتسلمهه كون الإيد عباس
بخطبتي باچر تزلزل عرش الارجاس
بت علي واخت الگمر لا ما تطخ راس
ما تخاف اي لائمه
مثل امهه فاطمه
ولأن تحمل هيبتي وتربيتي
شاهدة والله اعله مظلوميتي

انيس الخفاجي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مغطيني خيرج للجتف. ومقصر وياج اعترف
يم الحسن مولاتي. يم الحسن مولاتي
*****
عبدج اسيرج كل مسه مولاتي قر بذنبه
والذنب معناها سجن مسجون صرت بغربه
من عندج النظره سمه يالماتظل كل صعبه
منج ردت خدمة الج يالزهره بس هالطلبه
يالخدمتج تاج وفخر. تاج وتعلي بالبشر
يم الحسن مولاتي
****
يالزهره مولاتي شكثر ادعي بصلاتي وترجمت
يارب ارزقني الحزن والدمع بخدودي يكت
يالزهره خدمتكم فخر خصيصاً بهذا الوكت
يم الحسن مالي بعد غير انتي والله تعذبت
انتي الاميره بكل زمن. مولاتي ياإم الحسن
يم الحسن مولاتي
****
سوده الصحيفه من الذنب وادري الذنب حده عبر
مالي سواكم بالحشر وبدونكم وين المفر
يالزهره من ثكل الذنب مكسور من عندي الظهر
يالخالق ربچ فخر مخلوقه رحمه لهل البشر
اسود وجه من الذنب وبخدمتج قررت اطب
يم الحسن مولاتي
****
ضايع ولاچني بشر لوما لطم لو مادمع
عيشني خيرج جم سنه موقف كرامه بهل الوضع
يالمجلسج جنه عدن والجنه تنحب عالظلع
ياشمعة البيت اللذي بالنار طفوله الشمع
ياشمعة الباتت امس. مصفوعه من جف الرجس
يم الحسن مولاتي
****
يوميه ادعي بكل فجر جالوالده الفكدت ابن
ياربي عيشني ألم لبسني عالزهره حزن
حته الهوه بصدري اختنگ يالصدرج اشلون انسحن
يالزهره ياجنه عدن يالإنتي للدنيا وطن
ياموطني الكله جرح. واحساسي لجلج منذبح
يم الحسن مولاتي
****
تسبيحتج صارت حرز شديتها بروحي علگ
دخان اشم بكل فرض وابالي جم باب احترگ
معقوله مذبوح الضوه والباب عالضوه انطبگ
ذبحوج وانتي بهل العمر يارحمة الله لهل الخلگ
مشكوله ذمته الذابحچ مشلوله إيده الدفعتچ
يم الحسن مولاتي
***
تمت ولله الحمد/ المقصر مع الحسين
علي النائلي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يايمه لاتنضـريلي
يايمه هدمو حيلي

ـــــــــــــــــــــــ

يمه زينــب ديـــري ديـري ...عيونج وكلبج سـوه
لاتنضـــريـــلــــي يـزينب ...بابي وعليه انـطـوه
يمه عصـــروني الاعـــادي...وگــوه كمت اشتـــم هــوه
واحس مدري اشطاح مني ...وسط هالنار انچوه

يايمه من يطفيلي
يايمه هـدمو حيلي

ـــــــــــــــــــــــ

يمه زينب روحي روحي ... ارد لـــــوجن بــلالم
اله اكول انكسر ضلعي ... وكـام يجـري منه دم
يمه والبســمـــار فتني ... وروحتي رادت تنهزم
وصبرتهه اني اعلمودج ...حارت بوسط الجسم

يايمه الكبر يوميلي
يايمه هــدمو حيلي

ـــــــــــــــــــــــــــ

كلشي شاغ مـن المصيبه ...ونكسر مني الضلع
وخصمي بعده بابي يرفس ... يريد حيـدر يستمع
وگــام ينـــزف ضلعي نور ... وجم صراط الي وكع
وتصد عيني عله الجنـــان ... لجــــدج يهــل الدمع

يايمه الغالي يبجيلي
يايمه هــــدمو حيلي

ـــــــــــــــــــــــــــــ

يمه لا خصمي يشوفج ... گبــل جيت كربله
يمه وبصــوطه يلحگـج ... ودارج اتصير الفله
وخــــاف تتأذين زينـب ... وانتي عــدنه مدلله
وعلي مگيد بالــوصيـه ... مانـــــريد انحمله

يايمه انتي قنديلي
يايمه هـدمو حيلي

ـــــــــــــــــــــــــ

يمه زينب هــاي ناري ... بدت بيه وتكضي بيج
انه بابي يطيــح منهه ... والخيــم توگـــع عليج
وانــه عيني حـــمـره ... وانتي زركه تصير اديج
وفضه راحت تعتنيلـي ... وانتي محـــد يعتنيج

يايمه كسري يحجيلي
يايمه هـــدمو حيــلـي

ــــــــــــــــــــــــــــ

ينعگد گـلبـج مصــــايب ... وانه بلطف حاضـره
وانتي سـر الصبر عنـدچ ... محد الــي يفســره
زينب الله وحده خالــــق ... وماخلق مثلج مـره
الجنه تحت اقدامج انتي ... انتي ام كل صابره

يايمه السبي كل ويلي
يايمه هــــدمـــو حيلي

سيد صادق الاعرجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا زهراء العاش بهاي الخدمه المهدي ايسجل اسمه يازهراء
اللطمه تسبيحة صدري // والصلاه دمعي اليجري
***********
ملهوف اجيت المجلسج وبجفوفي شلت الرايه
وشلون ما احضر الج والمهدي عنده اقرايه
انا لطمنا عالضلع اشكد احب هالايه
صار العزه مصلايتي ماريدن امصلايه

يا زهراء رسمج بين عيوني وبيج اشكد خيعوني يازهراء
اتوضه الاحساس بصبري // والصلاه دمعي اليجري
**************
مرفوع راسي بخدمتج وهالخدمه مو عاديه
للموت ما اكطع صحت رجلي امن الحسينيه
يا فاطمه بكلبي الج حضره ومناير بيه
اذن كياني بحضرتج حي عله اللطميه

يا زهراء اطيور الجنه طيورج وكل مصباح اتزورج يا زهراء
اويالدمه حبج يسري // والصلاه دمعي اليجري
********************

من قدرة الله اهوه اللطم وهاي المجالس بيتي
ويا سطره اتكضني اذا خاتم علي بجنسيتي
ياروحي ما لومج صحت ومعذوره لو حبيتي
مليون حظ يا فاطمه براسي وعلي سويتي

يا زهراء بخيرج غركتيني واشكد كبرتيني يا زهراء
وبالدعاء يشتد ازري // والصلاه دمعي اليجري
**************************
يالزهره حته بخدمتج جبريل سوه اطروحه
من الله اليطب مجلسج يالزهره تشفه اجروحه
شباجج الغايب عمر يمته الجفوف اتلوحه
هاي المجالس واللطم يالزهره بيها املوحه

يا زهراء كام اعليج الخادم دوم اتحسده الوادم يا زهراء
فوضت للون امري // والصلاه دمعي اليجري
*****************


هاي الشعيره الخالده الصادق يكول احيوها
يعني الشعيره فاطمه والزهره لا تنسوها
هيه شفيعتنه غدن بيوم الحشر تدروها
والزهره باجر عالنهر ما تترك الحبوها

يا زهراء راح بيوم المحشر تسقينه امن الكوثر يا زهراء
وهالعزه باجر ذخري // والصلاه دمعي اليجري
******************
يالزهره باجر كبتج بعلو السمه انعليها
وقل اشهدو انه علي بالحضره نسمع بيها
راح الامام المنتظر من يضهر ايصفيها
وافواج زوارج تجي وزينب ترحب بيها

يا زهراء وكلوب المشايه حنت ليج اهوايه يا زهراء
حصلت منج اجري // والصلاه دمعي اليجري
*******************
تمت
تحسين الخفاجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ليل الغوالي ----  يبقى خالي ---- وانه سهران
يلضلمه بيتي---- من مشيتي --- صارت احزان
-----------------------------------------------------------
ها يكل ناسي وهلي ------  رحتي ضل وحده علي
مدري احير ابروحي انه لو باليتام
اعليه لو ليلي يجل---------- بيه مايبقى عقل
وليتيم الليل علته اعله امه محتام
أعيون الحسين انعمن-------وبقى أصبر بالحسن
ومن بواجيهم يزهره انهد ابو الثام
ليل اخلصه بس بجي------- بصدري غص كل الحجي
وياعذر احجي حتى اعيالج اتنام


ابجي البجيهم --- وبحجيهم --- الگه الفراگ
جايمته ترجع --- بويه اسمع --- لمنه نشتاگ
-------------------------------------------------------
الحيره مو گيد وحبل------- حريتي تكتل كتل
خاف اجيج وتفز زينب فارغه الدار
وضعي لا ماينحمل ---------- اشلون اصبرلي طفل
غير اصبر روحي حتى اتهوود الزغار
انضر الزينب توون--------- بويه وين ام الحزن
اشلون اگلهه ماتت امج بهاي محتار
والحسن ينضر الي-------- وين امي ياعلي
ولسؤال اهواي يكثر بألف بسمار


هيه المصيبه --- بالحبيبه --- زينب اتنوح
ازغير عمرهه --- وياقدرهه --- تشبع اجروح
-------------------------------------------------------
شفت بحسين العجب------- بحجرتج شفته نحب
شابگ ثيابج ينادي راحت امي
گاعد وياه الحسن--------- ابنيتج تبجي مزن
حدب اگافي الوضع وزاد همي
رحتي والبيت انطفه-------- ولاجفن ليه غفه
اتكاونت بيه المصايب مات حلمي
العيون امجمره-------- انتي لا مو اي مره
احتجن اعضاي برحيلج باد جسمي


يوميه نلتم --- انسوي مأتم --- نذكر الصار
اه ياعذابج ---  ويه بابج --- وبيهه بسمار
---------------------------------------------------------
الگبرج اشتاگ اواحن------ هدمه صارت بالمتن
اتوچه عالحيطان عكبج يم الحسين
حيلي راح اويالنعش --- والكتلني اثمنطعش
عمرچ انتي ومن اديه باكج البين
اشلون اصبر عيلتي ----- وانه تفضح دمعتي
اشما اضمن حزن كلبي تنزف العين
محتاجلج نسمة هوه------- ديره انتي امن الضوه
من مشيتي بيه ماتت احلا الاسنين


انتي مشيتي --- انهدم بيتي --- وضلمه الايام
كسر الخواطر --- للمانطر ----  علته مينام
---------------------------------------------------
من رحتي رافگت الدمع----- اعيوني تبجي اعله الضلع
ياحبيبت كلبي ليش ايعصرج الباب
ورده ليش وتنكسر -------- هيه للشم مو عصر
ذبلوج ابلايه رحمه وشنهو الاسباب
اه يلوعت حسترج--------- لسه اذكر عصرتج
ولعزيز الطاح منج فوگ التراب
گمت ادعي للصبر------ الحمد لله والشكر
القدر راده الجليل وصار المصاب

اخر كلامي --- وجهي ضامي --- الملگه الاحباب
ماباقي كلشي---  حتى رمشي --- امن الجفه شاب
-----------------------------------------------------
علي سليم الحسناوي الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مراسيم العزاء
* * *
لخادم الزهراء (ع)
حسام الناصري

العـــَزَة انقيـــمـه ... بمـــــراسيمه
وكَبرج ويــــــنه مـــانِنْــــــدَل
* * *
يخيّم ليـــل المْصيبة علينه والفجر جـــافي
نســـاهر والنجم غاير بألمنه والكَمر طافي
نِجِرّ بكل نِفَس حسرة ونِفـزّز كل جرح غافي
وشـرايين الدِمَه تبجي دمع العيون مَيـــْوافي
مــــآتمنه ... بنبض دمــــنه
الكَلب مجلســـــنه يتحوّل
* * *
باب مْصاب يعصرنه الوكت كل ساعة ويدفعه
ونيـران الحزن تلهب ونذكر عصرة البضعه
وبسمــار الهظم ينبت ويكسر للـــصبر ضلعه
عله اعتاب الألم نوكَع وتجينه من الظُلُم صفعه
بمرار و هَمْ ... ولانســـلم
ونظل إلْــيمْته نتحمّـــل
* * *
تظل كل روح مالومه وتظل بصواب تتحجّب
كَــــبر أمّ الحسن مخفي تناشد لــــــــيش تتعجّب
قريبة من السمّه الزهرة ومن حبل الوريد أقرب
عجيبة وهيّه بـــاب الله ولابــــــاب إلها ومذهّب
وتظل صــوره ... إلسَنَا نـــوره
ابليــل الأظلـم الألْيَـــــــــل
* * *
تعازي نقيم كل ذكره على الموعد ولاننسه
يمر عاشور الزْغيّر وجبير صوابه انحسّه
ولاحضرة النجي إلها وبيها نعقد الجلسه
ولاشاعر ولارادود ولاناعي اليِوِن حسّه
ولامــنبر ... وبشر تحضر
ولا بث بالفضَه ويُنْقَــــل
* * *
اذا كَبرج ظهر إلنــــه نجي ونزور عنّـــايه
ومَشْية الأربعين اتصير وكَبرج يصبح الغايه
اذا لحسين تمشي إجدام إلج الكَلــــوب مشّايه
وبدينه شايلين ضلوع ويجي العبـاس بالرايه
ونشوف أمّــه ... على الخدمــة
وتنـــادي الله يتقبّـــــــل
* * *
حِلم نتمنّه تحـقيقـــــه بظروف القاسية الحرجه
نلبّي بصوت يازهراء ونطوف بصحنج انحجّه
نهــدي كل ضلع لجلج ونفدي الروح والمهجه
ونسوّي التعزية الكُبره بحضور القـائم الحُجّه
ويظل يقـــره ... على الزهـــره
حـــزين وينعه بالمقتــــــل
* * ***
الشاعر حسام الناصري ونسألكم الدعاء

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بالدمع تتوضه وصلّت الفرض الأخير
والندى ابهالليله ايودع الضلع الكسير
وداعة الله ..... وداعة الله
______________________

صلّت الركعه الاخيره فاطمه ابيا حاله
تقرا والايآت تبچي والدمع يتلاله
الفضا اعليها ايتحسر والحزن يبراله

منحني ضهر الوسيعه والسمه تمطر حزن
الشمس ذبّت ضواها والگمر غايب يون

ترحل ابيا حاله العاشت ابجال الامير
الجروح العدها لو جبل بيهن يحير
وداعة الله .... وداعة الله
______________________

نورها الچان اشحلاته هالمسه ايودعونه
فاطمه احنيّن گلبها الواسع ايسمونه
ويلي بتراب المگابر باچر ايدفنونه

التربه والسجاده يبچن صوت ونهن يعتلي
السبحه والمحراب صاحن ضلّي ابداعة علي

يالزچيه اجروحچ ريتهن بينه تكون
ياللي دون اعيونچ كل خلق الله تهون
وداعة الله .... وداعة الله
______________________

المرتضى الله يعينه ع الوداع الليله
موش چن الزهره تمشي چن يفارگ حيله
مختلي ابليل الله يبچي والنجم يبچيله

بالصدر ما هوّه گلبه اولاهو بضلوعه ركد
ما هجع ساعه ابمچانه ايروح للزهره اويرد

حيدر الي انعرفه صخره چنه او مايلين
من وداع احبابه ناخر اعظامه الونين

______________________

والحسن يعگوب چنه من كثر دمعاته
اعتاب وي الباب عنده اويوجعن چلماته
گلي الفراگ اشيجرعه وشيحمل ساعاته

امي كالزهره عليمن ينعصر بيك الورد
امي ريحة جنه امي والعطر ما ينمرد

الترافه البيها منها خجلان الضوه
ابياذنب تاذيها اوهيه والجنه سوه


وداعة الله .... وداعة الله
______________________

الحسين ايلوج يمها وعبرته مسلوبه
وين يا نبضة دليلي اوراحتي المسلوبه
وينّي أو وين الموادع موحشات ادروبه

راحته ايفارگها ذاك الفارگ امه امن الزغر
من عگب بسمتها يشعر دنيته تصبح گبر

الفگد عافيته ايخاوي كل عمره الحزن
يمه حتى ابعيده وي صباح الله يون

وداعة الله ... وداعة الله
______________________

والزغيره ابسدها گعدت مدللتهم هايه
وشايله ابنظرتها حيله فوگ كل احچايه
اتگلها يمه اهناك اريدچ ع النهر والرايه

لا تخليني ابغربتي يمه يا اول جرح
اليوم لو بسمار شفته باچر اگبالي رمح

يمه يوم العاشر خايفه اعليه يمر
وحدي ايخلوني ويحدي بضعون الشمر
وداعة الله .... وداعة الله
______________________

ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

617-الزهراء الصدّيقة ع...
**************************
بين الضلع و المنحر..نار المصايب تسعر
زينب جرت دمعتهه
زينب طفت شمعتهه
&&&&&&&&&&&&&&&&&&&&&&
زينب بدمعة حزنهه..اتسولف و تروي الجره
من كسر ضلع الوديعة..و ضلعي بالطف كسّرة
اتكسّرت عبرة بضميري..بنص خيالي امسافِرة
روحي مكسورة اعله كَلبي..و روحي كسرت خاطِره
دمع النواظر يسفح
بين الضلع و المذبح
روحي بحزن لوعتهه...1
************************
طاحت الزهرة الحنونة..و محسن امفرفح وكَع
من انشلع باب الوديعة..اكَليبي هم بابه انشلع
ويلي بسمار بصدرهه..و النفس عنهه انكَطع
من عذابات المنايه..اكَليبج اهموم اشجِرَع
تجرع هموم اموادع
تلفي المنايه امتابَع
حسرة حزن تبعَتهه...2
************************
بينج و بين انتظارج..شهكَة ادموم و نحر
من كَمر عمرج تكدّر..عالنهر ماي و كَمر
ضايع بفكَدج قراري..و انتي جنتي المُستقر
ما خمد جمر الأماني..بلهفتي النوب استعر
جمرة حزن لهّابه
ضلعج نزف و امصابه
ونّة الخلكَ سمعتهه...3
***************************
يا نهر فايض محَنّة..اتفايض اسنين و دمه
حسينج ايناشد سمعته..اسم الله طاحت فاطمة
شبيهه كَاع الله اتِّمايل..غُبرة صارت بالسمه
مدري ليش بهالمواقف..يشتعل بيه الضمه
ضامي الكَلب من بعدج
سطرة و أثرهه بخدِّج
اسنينج صعب رجعَتهه...4
&&&&&&&&&&&&&&&&&&&&&&
بينج و بين المُخيّم ..خيمة طيّحهه الزمن
من زمان بلا زمانج..ناعي بأيام المِحن
يا وطن عشنه بربوعه..و هاجر الليله الوطن
عينج بهاي العلامة..اتلاوح بطرفه الكفن
بين النهر و الخيمة
دمع النواظر غيمة
روحي المحن فِجعَتهه...5
%%%%%%%%%%%%%%%%%%%
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مشتاكلــج يم الحسن مشتاكلج وأنــتي بكفن
مخنوكه حيل حجايتي بابي كـــسرها مرايتي
مشـــــتاكــــــــــــــــلج
*********************************
1= الكفن مايسمع حجـايه ولا يعرف شني الفركه
شحجي ويالكـفـن محتار لا بـي جلمه لا ملكه
صامت وأنـه أسولـفله وشفافي غــــدت زركه
بينج بيني بس أقـماش وكالساع أحترك حركه
--------------------------------------------
وأبموتج مات الهوه وأبمـوتج متـنه سوه
مــني مشت تجايـتي بابي كــسرها مرايتي
**********************************
2= أسامرمن وأحاجيمن عـله أسمج ماخذ لساني
غير أنتي وطن كرار شلون أعـشك وطن ثاني
أنه وروحي يازهراء نعــــــيش بغربه ونعاني
لفـينه بكفـــــن وياج بغــــــــيابج شنو أنتاني
--------------------------------------------
وبغـــيبتج غاب العمر وبغـــيبتج مات الكمر
ياتربــــــه ومصلايتي بابي كـــــسرها مرايتي

3= بيش أبجيلج الدمعات يفـــاطم عـــندج عيوني
يطير وطيرتي بجنحج علـيج أشكد يحسدوني
أنه الكنـت أدلـــي الــناس صرت بعدج يدلوني
حي لاكن متـــــــت بجفاج وأدور عـاليشيعوني
------------------------------------------
ياحالتي تبجي الصخر ياحالتي محني الضهر
جلمه ومشت شرايتي بابــــي كسرها مرايتي
*************************************
4= اليسولف عالجرح مجروح أه يغـــيابج شكبره
وحيدر عاشك ومضلوم ماهانـــت عليه عشره
قريت الفاتحه الروحي الروحج فاطمه شأقــره
طريق الشــــــــيع المحبوب ماتطلع عليه كمره
---------------------------------------------
محـــتاجلج يم الوفه محتاجلج يالعاطـــــــفه
ياغايتي وياغـــايتي بابــــي كسرها مرايتي





5= اليعـطش عالبعيد أشلون ماتروي العطش صوره
يوصـــل مرحله ويــنهار أويشعـــــر منتهي دوره
يشباج البخت والخير وكلـــــبي أتعــــود أيزوره
وحق ضلوعج ضلوعي أحسها بصدري مكسوره
----------------------------------------------
وبصايـــتج بيتي عله وبصايــــتج يــــــم الهله
يانسمه عشكت رايتي بابي كــــــسرها مرايتي
***************************************
6= يفـــاطم والله كلب حسين ما يســــــتاهــــل أللجمه
من كـــد مايــفــكر بـــيج أسمـعه أيصيحج أللبسمه
أخذتي الحيل مـنه أشلون باجــر يحــمل الـهضمه
كـــد ما منشغــــــــل بالأه مايسمعــني أصيح أسمه
-------------------------------------------------
محتاملج كلبه أنفـــطر محتاجلــــج وين السفر
قــــــرأنه أنتي وأيتي بابي كـــــسرها مرايتي
مشــــــــــــــــــــــــتاكلج
*****************************
الخادم عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أريد أنصب عزية/باليالي الفاطمية
☆☆☆☆☆☆☆☆☆☆☆☆☆
أريد أنصب على الزهره الزچية
عزة بهاي الليالي الفاطمية
وأنوح أعليها كل صبح ومسية
وأواسي المچتبى وحسين أخية

وأعزي الهاشمية/باليالي الفاطمية
☆☆☆☆
عساهه أنشلت أيدة إلي صفعها
وعليها الباب كل قوته دفعها
وأحمر هل على الوجنه دمعها
تنادي ألحگ علي بس ماسمعها

أچتلوها للزچية/باليالي الفاطمية
☆☆☆☆
شلون إيمد نذل چفه عليها
الزهره بدارها وغايب وليها
تشاگف سوطهم ظلت بديها
وعليها فزعت بلهفه بنيها

شكثر شافت أذيه/باليالي الفاطمية
☆☆☆☆
تره الهجموا على الزهره العفيفه
أيادهم أبد لا مو نظيفه
العصابه جوها كل واحد بسيفه
ياربي ألعن أصحاب السقيفة

ولوها آل أمية/باليالي الفاطمية
☆☆☆☆
شذنبها فاطمه وماتت شهيدة
بنت سيد البشر هذي الوحيدة
بزغرها چانت أتنام أعله أيدة
وتشمه للنبي الزهره بوريدة

غِضب الله ونبيه/باليالي الفاطمية
☆☆☆☆
عمرها أثمنطعش لمن أجوها
عصابه مجرمه وليه ولوها
العجب حق المعرفه يعرفوها
أچتلوها بغضاً بحيدر وأبوها

صفت فاطم ضحية/باليالي الفاطمية
☆☆☆☆☆☆☆☆☆☆☆☆
الشاعر(أسعد قاسم الكريعاوي)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياعلي ياعلي صرخت وره الباب
ياعلي ياعلي كل همي الاحجاب
...

فازع الشيطان وجيوشه اعله بابي
الغوث ياحيدر صحت نار بثيابي
توكع الدنيه اذا يوكع حجابي
نارهم يابل الحسن خطفت شبابي

ياعلي ياعلي  وجهي انصاب
ياعلي ياعلي كل همي الاحجاب
...

طاح محسن ياعلي يم عتبت الدار
صدري من العصره نابت بيه بسمار
لذت منهم وشتعل بابي علي نار
انصطر وجهي ونزف دم أمن الانضار

ياعلي ياعلي  هالجرح ماطاب
ياعلي ياعلي كل همي الاحجاب

...

الوفيت اوياهم انته مايفون
الجنت راعبهم علي بنضرات العيون
تمرجلو يم بابك وصارو يصطرون
وين حيدر ياعلي اسمعهم يصيحون
ياعلي ياعلي  صدر الوفه نعاب
ياعلي ياعلي  كل همي الاحجاب

....

من تغسل الحره بفيض الدمع
بهيده لاتلجمها مكسورة ضلع
ذابت الزهره مثل نار بشمع
من دفعها الجاني الخد منصفع

ياعلي ياعلي  جسم ام حسن ذاب
ياعلي ياعلي كل همي الاحجاب

...

يا علي بفكد الحبيبه  الله يصبرك
يا علي بهاي المصيبه انكسر ضهرك
فاطمه لاذت وره الباب اوتنطرك
يا علي بلي جره رادت تخبرك

ياعلي ياعلي  وينك يبو تراب
ياعلي ياعلي كل همي الاحجاب
...

علي محسن الفرطوسي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ضد الضلم ام حسين نزلت بحقها اتطالب
____
منها ابتدت اول مطالب ثورة
حكها انوخذ بس مارضت بالفكرة
اَول قمع كَسرت ضلوع الزهرة
هذا الدرس للثوار تاريخك اقرة شكاتب
____
نحجي الحقيقة المابقت مخفية
اصل التضاهر فكرة زهرائية
بس واجب انأكد علة السلمية
ولازم نصيح ابكل صوت رفض المَضالم واجب
_
ابكل ثورة صارت او بعد ماصارت
كثرة الشباب البيها والكل حارت
غير الزجية انطت درس من ثارث
جانت شباب الزهراء من ثارت اعلة الغاصب
_
شاهد علة الثورة يضل البسمار
بشاب اليضحي دمعتة تنزل نار
ام الحسن انطت ابنها الماصار
والضحة مايكدر خوف يكلة اعلة عينك حاجب

خطبت الزهره حتة حقها ترجعة
لهذا السبب نعشك خطاب الجمعة
والينذكر واجب علينة نتبعة
نضرة العالم شتكول نفهمها يلة نعاتب

الحكة انوخذ بيمن تنفعة السكتة
واجب يثور وتنسمع سالفتة
الماعندة الم ماتنلزم خاصرتة
اليحجي الصدك مامضوم ويتميز اعلة الكاذب
__
سيد معتز الحسيني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

620-السيدة الزهراء المرضية ع..
*************************
يُمّه محتاجة الوجودج..و الزمن ماظن يعُودج
ذبلن و ماتن ورودج..لسه ريحتهن بيديه
************************
محتارة بحزن فركاج و الامه
ملهوفة و عليج الروح محتامة
صوّبني الدهر يا حيف بسهامه
واشوف املاك وسط البيت لطّامة
تنعه وناتي بحزنهه..الونة تخنكَني من اونهه
عيني جن عافت جفنهه..رحلة بدروب المنيّة....1
************************
يتلاهب لهيب النار باكتاري
و يتجوّه اللهب يا ناس من ناري
ياخذني الحنان ايطوف يم داري
بعيوني الاماني الما الهن طاري
كَلبي من يعلن حداده..ينزل الليل بسواده
بابج اتناثر رماده..بي شريعة و غاضرية...2
***********************
عفتيني و جرح فركَاج ما يلتم
ما شفتي الحزن بسماي من غيّم
راواني الزمان احلام بيهن دم
بعيونج تلوح انحور و امخيّم
لاحت ارسوم المنايه..نايبة و نوح و دمايه
فاجعة و شام و سبايه..بيهن امعاتب رقيةّ....3
*********************
ما بيهن ونين او ونّن اجروحي
من روحي وخذتني الدنيه من روحي
حسرات الكَلب من دمعتي شتوحي
محفورة الشريعة بخدي من نوحي
عيني محبوسة بدمعهه..باب الموادع فجعهه
اتعاين الكسرة ضلعهه..بيهه خنكَة المغربية...4
***********************
ما بيهه العتاب الروح ما بيهه
ونات العتب والنوح تاذيهه
ترجية و غياب حسين تاليهه
عطشانة الجبود ومن يروّيهه
من صرت بعدج يتيمة..كَلبي يشعر بالظليمة
امعذبة و ما عندي خيمة..خوفي من ارحل سبية...5
&&&&&&&&&&&&&&&&&&&

سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صعبه من تفكد عزيز وغالي
يمه بفراكج تعذب حالي
&&&
اكظي العمر يمه بنوح والسكته
اذا عندي العزيز اليوم فاركته
كل مولد صعبه تروح والدته
واذا جانت الزهره وهيه حاملته
يمه هسه البيت اظلم خالي
يمه بفراكج تعذب حالي
&&&
البيت بلايه امي اظلم بعيني
وبجلمة اليمه من يناديني
زغيره وحيده يمه من تتركيني
ليش بهم بحيره من تخليني
تالي بزغري انجرح دلالي
يمه بفراكج تعذب حالي
&&&
اذا جاني الليل وجلجل عليه
حسرت موت يمه تلفي الريه
تركتيني ييمه اشبيه مابيه
ادير العين وحدي وريحتج بيه
صورتج بالبيت وي خيالي
يمه بفراكج تعذب حالي
&&&
حرت يايمه اشكي حالتي حاله
كلبي من الهموم انجرح دلاله
شوفني الزمن من حمله واهواله
يوم الرحت عني ادموعي هماله
ادموعي اتواسي بحزن دلالي
يمه بفراكج تعذب حالي
&&&
يمه خلصت العمر بالحسره والونه
وليالي الفات عمري يمه اجلبنه
بتراب الكبر صارت تره الحنه
اجيت عل الكبر عنج اسئلنه
والحسن وحسين يمه كبالي
يمه بفراكج تعذب حالي
&&&
بعد بالدنيه امل ماظل تره عندي
زغيره وبالعمر من عشت ولوحدي
وكفت عله الكبر واصيحلج ردي
حلم بالروح يمه جان الي وردي
رحتي يمه ضاعت انه امالي
يمه بفراكج تعذب حالي
&&&
ظلت بالكلب والروح الج حسره
واصيح بصوت وحدي يمه يالزهره
اذا ضاك البشره بالهم تره صدره
بس البجي عنده يساعده ينصره
هذا الجنيته يمه يصفالي
يمه بفراكج تعذب حالي
&&&
خادم اهل البيت
الحاج ابو علي السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

القاسم غريب انودعه ابنحيب
امره عجيب القاسم امره عجيب القاسم
------------_---------------------------------------------؛
ابن سيد البشر والطاهره البضعه
حگ نبجي عليه ونهمل الدمعه
عله القاسم أويلي وحاليته وضعه
خلص عمره وحيد اعلل أهل ينعه
دمعه يسيل وجسمه نحيل
سبط الحبيب القاسم أمره عجيب القاسم
-_----_---_---------------------_----------------------
دنت ليه المنيه وهملت اعيونه
تمنه لو بني هاشم يحضرونه.
ياوسفه الغرب جسمه يشيعونه
وكسرت خاطره بنته الزغيرونه
نادى الرسول ومه البتول
ابوقف رهيب القاسم أمره عجيب القاسم
-------------------------_---_----_--------_--؛؛؛؛!؛؛؛؛؛؛؛؛؛؛؛
صد للكاظم ونادى ألأسد بغداد
خلص عمري يبويه ونتو عني بعاد
تعالو يا هلي ياخيرة الأ سياد
الأبو وكت الشدد ياسيدي ينراد
يبعث سلام يبلغ الامام
موته قريب القاسم امره عجيب القاسم
----_-----+----------------------------------؛؛؛؛؛!؛----؛؛؛---
بين اصله ألهم ودمع مدار
انه ابن الأمين المصطفى المختار
وامي فاطمه وجدي علي الكرار
ومدري اشحالها الطفله البقة بالدار
موقف حزين. ابلوعه وأنين
الرضع تشيب القاسم امره عجيب القاسم
_------_------------------_----؛-؛-؛-؛؛؛؛--؛؛؛-؛؛-؛--؛-؛؛؛؛؛؛؛؛!؛؛
نضر بنته الوحيده وظمها الصدره
وتذكر حال جده. المنگطع نحره
من وادع رقيه ابلوعه وبحسره
ويم جسمه اكيداً حضرت الزهره
وگامت تلوع. ام كسر الضلوع
وداع الحبيب القاسم امره عجيب القاسم
--_------------_---؛--؛-؛---؛؛؛؛؛-؛؛؛؛؛؛؛؛؛؛؛؛؛؛؛؛؛!؛;؛؛
خادم اهل البيت حسين هوير الاسدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هذا ابنج الطاح لو هذا قران
يا فاطمه اعليج ضل يبجي الآذان
يا اميرة حيدر يا اميرة حيدر
***********
ضلعج المكسور يرسم لوعة اسنينج
الدنيه وحشه اتصير كلها لو غفت عينج
اشكثر خلف الباب صحتي ومحد ايعينج
زينب اتون بحزنها الليله لونينج

نادت ييمه لالا تروحين
لو غمضت العين يتيتم حسين
********
هذا يمكن مصحف الله منعصر تدريه
كفره قرآنج يزهره ينسحك شيليه
صوب البسمار ضلعج بيمن اتسنديه
الحسن يمج كام يبجي امروتج سكتيه

يافاطمه اليوم حزنانه الاملاك
تنوح السماوات وتنوح الافلاك
*************
ليش اصحاب الظلاله بلاذنب عصروج
اسال اشلون اعله عينج فاطمه سطروج
حاربو بيت النبوه وانتي ما رحموج
تبعوا ثار الجريمه وحك فدك غصبوج

سكف السمه انهار من دفعو الباب
ريت النبي ايشوف شمسويه الاصحاب
*****************
بيا وكت حامي الحميه فاطمه امكيد
خالفو امر الوصيه والزمن يشهد
نار زينب هالمسيه والله ما تبرد
وانتي خلف الباب مدري اتلوعيتي اشكد

حيدر علي اشلون يالزهره مجتوف
صحت القلع باب ما يعرف الخوف
***************
علي من غسلج بيده ايغسل بروحه
وطبع اليفارك حبيبه تكثر اجروحه
علي كل ساع بغيابج يرتفع نوحه
والحسين بهل مسيه دموعه مسفوحه

كل ما علي ايكوم يم نعشج ايطيح
والله اتعبت حيل يا فاطمه ايصيح
****************
مثل مظلوميتج ابدن ما شفت مظلوم
شيعاج بليل حيدر والكلب ملجوم
الما امفاركله حبايب لا يضل ايلوم
حيره والودع حبيبه اتشوفه صعبه ايكوم

كبرج خفاء ليش حامي الحميه
اشكد نشدت اكلوب عن الزجيه
***************
تمت
تحسين الخفاجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747