♥ቅዱስ ብስንድዮስ ጻድቅ ♥
ቅዱስ_ብስንድዮስ በቤተ ክርስቲያን ታሪክ ድንቅ ሥራ
ከሠሩት እንደ አንዱ ሆኖ ይዘከራል:: ቅዱሱ ግብፃዊ
ሲሆን በልጅነቱ ወደ ትምሕርት ቤት ገብቶ ቅዱሳት
መጻሕፍትን ተምሯል:: የሚገርመው የብሉይም ሆነ
የሐዲስ ኪዳን መጻሕፍትን በሙሉ ያጠናቸው በቃሉ ነበር::
በርግጥ ይሕንን ማድረግ የቻሉ በርካታ የሃገራችን
ሊቃውንት ዘንድሮም አሉ:: ልዩነቱ ግን ወዲህ ነው:: ቅዱስ
ብስንድዮስ መጻሕፍቱን ያጠናቸው ለሕይወት እንጂ ለእውቀት አልነበረምና ሁሌም ነግቶ እስከሚመሽ እያንዳንዱን የመጽሐፍ ቅዱስ ቃል እያጣጣመ ይጸልይ ነበር:: ይሕንን ሲያደርግ ደግሞ
ባጭር ታጥቆ:
ጫማውን አውልቆ:
በባዶ ሆዱ ቁሞ ነው::
ታዲያ እያንዳንዱን የመጽሐፍ ክፍል ሲጸልይ #ነቢይ
ቢሆን #ሐዋርያ ወደ እርሱ ይወርድለት ነበር:: ለምሳሌ
#ዘፍጥረትን ሲጸልይ ሊቀ ነቢያት #ሙሴ ይመጣና ከፊቱ ተቀምጦ ይሰማዋል:: #ትንቢተ_ኢሳይያስ ላይ ሲደርስ
#ኢሳይያስ : #ወንጌለ_ማቴዎስ ላይ ሲደርስ
#ቅዱስ_ማቴዎስ ይመጡና ደስ እያላቸው ያደምጡት
ነበር:: አንዱ ነቢይ: ወይ ሐዋርያ ሲወጣ ቅዱስ ብስንድዮስን
ባርኮ ሌላኛውን ተክቶ ነው:: በዚህ ምክንያት የቅዱሱ ሕይወት በምድር እያለ ሰማያዊ ሆነ:
81ዱን አሥራው መጻሕፍት የጻፉ ቅዱሳንን ለማየት በቃ:
በእጆቻቸውም ተባረከ::
የቅዱስ ብስንድዮስ ቀጣይ የሕይወቱ ተግባር ብሕትውና
ሆነ:: ዓለምንና ግሳንግሷን ትቶም ወደ በርሃ መነነ::
በአጽንዖ በዓት: በጾምና በጸሎት:
በትሕርምት ተጋደለ:: በየደረሰበት ቦታ ሁሉ እግዚአብሔር
በእጆቹ ድንቅ ተአምር ይሠራ ነበር:: ብዙ ድውያንን ፈወሰ:
አጋንንትንም ከአካባቢው አሳደደ::
በነዚህ ሁሉ ጊዜያት ግን ስዕለት ስላለበት ሴቶችን ላለማየት ይጠነቀቅ ነበር:: በሆድ ሕመም ትሰቃይ የነበረችና ጥሪቷን በመድኃኒት የጨረሰች አንዲት ሴት ስለ ቅዱሱ ዝና ትሰማለች:: ችግሩ ግን እርሱ ከውዳሴ ከንቱና
ከሴት የሚርቅ ነውና እንዴት ብላ ታግኘው? አንድ ቀን ከበዓቱ አካባቢ ተደብቃ ውላ ሲመጣ የልብሶቹን ዘርፍ ለመንካት በእምነት አሰበች:: ልክ ከበዓቱ ሲዘልቅ # ስሉጥ (ፈጣን) ነበርና ገና እንዳያት ሩጦ አመለጣት:: እንዳትከተለው ድውይ ናትና
አልቻለችም::አዝና ዝቅ ስትል ግን የረገጠውን ኮቲ ተመለከተች:: በፍጹም ልቧ : በእምነት "የጻድቁ አምላክ ማረኝ" ብላ ከአፈሩ ቆንጥራ በላች:: ደቂቃ አልቆየችም:: ፈጥና ከደዌዋ ዳነች:: እንደ እንቦሳ እየዘለለች ወደ ከተማ ሔዳ ተአምሩን ተናገረች:: ከእነዚህ ዘመናት በሁዋላ በእግዚአብሔር ፈቃድ
#ቅፍጥ (Qift) በምትባል ሃገር ዽዽስናን (እረኝነትን) ተሹሟል:: ወደ ከተማ ሲገባ የቀደመ ተጋድሎውን ቸል አላለም:: ይልቁኑ ይተጋ ነበር እንጂ:: ከብቃት መዓርግ
ደርሷልና ሲቀድስ ጌታችን #ኢየሱስ_ክርስቶስን በገሃድ
ያየው : ሠራዊተ መላእክትም ይከቡት ነበር:: ሕዝቡ ሊቆርቡ ሲመጡ የእያንዳንዱ ኃጢአት
በግንባራቸው ተጽፎ ይታየው ነበር:: የበቁትን እያቀበለ :
ያልበቁትን እየመከረና ንስሃ እየሰጠ ይመልሳቸዋል::
እንዲሕ በጽድቅ : በሐዋርያዊ አገልግሎትና በንጽሕና
ተመላልሶ ቅዱስ ብስንድዮስ በዚህች ቀን ዐርፏል:: ቅዱስ ብስንድዮስ ካረፈ በሁዋላ ደቀ መዝሙሩ ከመግነዙ ጥቂት ቆርጦ አስቀርቶ ብዙ ድውያንን
ፈውሶበታል::
♥ቸር አምላክ ለአባቶቻችን የሰጠውን ጸጋ ለእኛ
ለባሮቹም አይንሳን:: ከቅዱሱ በረከትም ያድለን::♥
ቅዱስ_ብስንድዮስ በቤተ ክርስቲያን ታሪክ ድንቅ ሥራ
ከሠሩት እንደ አንዱ ሆኖ ይዘከራል:: ቅዱሱ ግብፃዊ
ሲሆን በልጅነቱ ወደ ትምሕርት ቤት ገብቶ ቅዱሳት
መጻሕፍትን ተምሯል:: የሚገርመው የብሉይም ሆነ
የሐዲስ ኪዳን መጻሕፍትን በሙሉ ያጠናቸው በቃሉ ነበር::
በርግጥ ይሕንን ማድረግ የቻሉ በርካታ የሃገራችን
ሊቃውንት ዘንድሮም አሉ:: ልዩነቱ ግን ወዲህ ነው:: ቅዱስ
ብስንድዮስ መጻሕፍቱን ያጠናቸው ለሕይወት እንጂ ለእውቀት አልነበረምና ሁሌም ነግቶ እስከሚመሽ እያንዳንዱን የመጽሐፍ ቅዱስ ቃል እያጣጣመ ይጸልይ ነበር:: ይሕንን ሲያደርግ ደግሞ
ባጭር ታጥቆ:
ጫማውን አውልቆ:
በባዶ ሆዱ ቁሞ ነው::
ታዲያ እያንዳንዱን የመጽሐፍ ክፍል ሲጸልይ #ነቢይ
ቢሆን #ሐዋርያ ወደ እርሱ ይወርድለት ነበር:: ለምሳሌ
#ዘፍጥረትን ሲጸልይ ሊቀ ነቢያት #ሙሴ ይመጣና ከፊቱ ተቀምጦ ይሰማዋል:: #ትንቢተ_ኢሳይያስ ላይ ሲደርስ
#ኢሳይያስ : #ወንጌለ_ማቴዎስ ላይ ሲደርስ
#ቅዱስ_ማቴዎስ ይመጡና ደስ እያላቸው ያደምጡት
ነበር:: አንዱ ነቢይ: ወይ ሐዋርያ ሲወጣ ቅዱስ ብስንድዮስን
ባርኮ ሌላኛውን ተክቶ ነው:: በዚህ ምክንያት የቅዱሱ ሕይወት በምድር እያለ ሰማያዊ ሆነ:
81ዱን አሥራው መጻሕፍት የጻፉ ቅዱሳንን ለማየት በቃ:
በእጆቻቸውም ተባረከ::
የቅዱስ ብስንድዮስ ቀጣይ የሕይወቱ ተግባር ብሕትውና
ሆነ:: ዓለምንና ግሳንግሷን ትቶም ወደ በርሃ መነነ::
በአጽንዖ በዓት: በጾምና በጸሎት:
በትሕርምት ተጋደለ:: በየደረሰበት ቦታ ሁሉ እግዚአብሔር
በእጆቹ ድንቅ ተአምር ይሠራ ነበር:: ብዙ ድውያንን ፈወሰ:
አጋንንትንም ከአካባቢው አሳደደ::
በነዚህ ሁሉ ጊዜያት ግን ስዕለት ስላለበት ሴቶችን ላለማየት ይጠነቀቅ ነበር:: በሆድ ሕመም ትሰቃይ የነበረችና ጥሪቷን በመድኃኒት የጨረሰች አንዲት ሴት ስለ ቅዱሱ ዝና ትሰማለች:: ችግሩ ግን እርሱ ከውዳሴ ከንቱና
ከሴት የሚርቅ ነውና እንዴት ብላ ታግኘው? አንድ ቀን ከበዓቱ አካባቢ ተደብቃ ውላ ሲመጣ የልብሶቹን ዘርፍ ለመንካት በእምነት አሰበች:: ልክ ከበዓቱ ሲዘልቅ # ስሉጥ (ፈጣን) ነበርና ገና እንዳያት ሩጦ አመለጣት:: እንዳትከተለው ድውይ ናትና
አልቻለችም::አዝና ዝቅ ስትል ግን የረገጠውን ኮቲ ተመለከተች:: በፍጹም ልቧ : በእምነት "የጻድቁ አምላክ ማረኝ" ብላ ከአፈሩ ቆንጥራ በላች:: ደቂቃ አልቆየችም:: ፈጥና ከደዌዋ ዳነች:: እንደ እንቦሳ እየዘለለች ወደ ከተማ ሔዳ ተአምሩን ተናገረች:: ከእነዚህ ዘመናት በሁዋላ በእግዚአብሔር ፈቃድ
#ቅፍጥ (Qift) በምትባል ሃገር ዽዽስናን (እረኝነትን) ተሹሟል:: ወደ ከተማ ሲገባ የቀደመ ተጋድሎውን ቸል አላለም:: ይልቁኑ ይተጋ ነበር እንጂ:: ከብቃት መዓርግ
ደርሷልና ሲቀድስ ጌታችን #ኢየሱስ_ክርስቶስን በገሃድ
ያየው : ሠራዊተ መላእክትም ይከቡት ነበር:: ሕዝቡ ሊቆርቡ ሲመጡ የእያንዳንዱ ኃጢአት
በግንባራቸው ተጽፎ ይታየው ነበር:: የበቁትን እያቀበለ :
ያልበቁትን እየመከረና ንስሃ እየሰጠ ይመልሳቸዋል::
እንዲሕ በጽድቅ : በሐዋርያዊ አገልግሎትና በንጽሕና
ተመላልሶ ቅዱስ ብስንድዮስ በዚህች ቀን ዐርፏል:: ቅዱስ ብስንድዮስ ካረፈ በሁዋላ ደቀ መዝሙሩ ከመግነዙ ጥቂት ቆርጦ አስቀርቶ ብዙ ድውያንን
ፈውሶበታል::
♥ቸር አምላክ ለአባቶቻችን የሰጠውን ጸጋ ለእኛ
ለባሮቹም አይንሳን:: ከቅዱሱ በረከትም ያድለን::♥
#ቅዱስ_ዮሐንስ_መጥምቅ
¤የቅዱሳኑ ዘካርያስና ኤልሳቤጥ ልጅ
¤በማሕጸን ሳለ #መንፈስ_ቅዱስ የሞላበት
¤በበርኀ ያደገና በገዳማዊ ቅድስና ያጌጠ
¤እሥራኤልን ለንስሃ ያጠመቀ
¤የጌታችንን መንገድ የጠረገ
¤ጌታውን ያጠመቀና
¤ስለ እውነት አንገቱን የተቆረጠ ታላቅ ሰው ነው::
+ስለዚሕም ቤተ ክርስቲያን # ነቢይ: #ሐዋርያ: #ሰማዕት :
#ጻድቅ : #ገዳማዊ : #መጥምቀ_መለኮት : #ጸያሔ_ፍኖት
#ቃለ_ዐዋዲ ብላ ታከብረዋለች::
ቅዱሱ በዚህች ዕለት ወደ እሥር ቤት ገብቷል:: ይሕስ
እንደ ምን ነው ቢሉ:-
¤ንጉሡ ሔሮድስ የወንድሙን የፊልዾስን ሚስት ሔሮድያዳን
በማግባቱና በመሰል ክፋቶቹ ቅዱስ ዮሐንስ ይገስጸው ነበር::
ቅዱስ ዮሐንስ "መምሕር ወመገስጽ: ዘኢያደሉ ለገጽ - ፊት
አይቶ የማያዳላ" ነውና ገሰጸው::
ሔሮድስ ቅዱሱን ይፈራው: ያከብረውም ነበር:: በሁዋላ
ግን ፈቃደ ሥጋው ስላየለበት: በተለይ ደግሞ ከ7 ቀናት
በሁዋላ ልደቱን ሲያከብር እንዳይረብሸው በመስጋት በዚህች
ቀን በወታደሮቹ አስይዞ እሥር ቤት ውስጥ ጥሎታል:: ለ7
ቀናት በጨለማ ውስጥ አሥሮ መስከረም 2 ቀን አንገቱን
እንዴት እንዳስቆረጠው ዕለቱን ጠብቀን እንመለከታለንና የዚያ
ሰው ይበለን::
¤የቅዱሳኑ ዘካርያስና ኤልሳቤጥ ልጅ
¤በማሕጸን ሳለ #መንፈስ_ቅዱስ የሞላበት
¤በበርኀ ያደገና በገዳማዊ ቅድስና ያጌጠ
¤እሥራኤልን ለንስሃ ያጠመቀ
¤የጌታችንን መንገድ የጠረገ
¤ጌታውን ያጠመቀና
¤ስለ እውነት አንገቱን የተቆረጠ ታላቅ ሰው ነው::
+ስለዚሕም ቤተ ክርስቲያን # ነቢይ: #ሐዋርያ: #ሰማዕት :
#ጻድቅ : #ገዳማዊ : #መጥምቀ_መለኮት : #ጸያሔ_ፍኖት
#ቃለ_ዐዋዲ ብላ ታከብረዋለች::
ቅዱሱ በዚህች ዕለት ወደ እሥር ቤት ገብቷል:: ይሕስ
እንደ ምን ነው ቢሉ:-
¤ንጉሡ ሔሮድስ የወንድሙን የፊልዾስን ሚስት ሔሮድያዳን
በማግባቱና በመሰል ክፋቶቹ ቅዱስ ዮሐንስ ይገስጸው ነበር::
ቅዱስ ዮሐንስ "መምሕር ወመገስጽ: ዘኢያደሉ ለገጽ - ፊት
አይቶ የማያዳላ" ነውና ገሰጸው::
ሔሮድስ ቅዱሱን ይፈራው: ያከብረውም ነበር:: በሁዋላ
ግን ፈቃደ ሥጋው ስላየለበት: በተለይ ደግሞ ከ7 ቀናት
በሁዋላ ልደቱን ሲያከብር እንዳይረብሸው በመስጋት በዚህች
ቀን በወታደሮቹ አስይዞ እሥር ቤት ውስጥ ጥሎታል:: ለ7
ቀናት በጨለማ ውስጥ አሥሮ መስከረም 2 ቀን አንገቱን
እንዴት እንዳስቆረጠው ዕለቱን ጠብቀን እንመለከታለንና የዚያ
ሰው ይበለን::