​​📌Қозоғистон товарларнинг айримларига акциз солиғи бекор қилинди📌

🔸2019 йилнинг 1 январидан Ўзбекистон бир қатор қозоқ товарлари учун акциз солиғини бекор қилади. Акциз солиғи солинадиган қозоқ товарлари сони 208 тадан 50 тагача камаяди, дея хабар беради Қозоғистон инвестиция ва ривожланиш вазирлиги матбуот хизмати.

🔸"Акциз солиғи экспорт даражаси юқори бўлган товарларга нисбатан пасайган. Масалан, ўсимлик ёғи, қандолат маҳсулотлари, шоколад, консерва маҳсулотлари, атир-упа ва гигиена маҳсулотларига акциз солиғи бекор қилинди", дейилади вазирлик хабарида.

🔸Бундан ташқари, мазкур рўйхатга ёғоч, пластмасса, маиший техникалар ҳамда заргарлик буюмлари ҳам киритилган.

🔸2018 йилнинг 11 ойи давомида Ўзбекистон ва Қозоғистон ўртасидаги ўзаро савдо айланмаси 2,6 млрд долларни ташкил этган (Ўзбекистондан Қозоғистонга 1,2 млрд долларлик маҳсулот экспорт, 1,4 млрд долларлик маҳсулот импорт қилинган), бу кўрсаткич ўтган йилнинг айни шу даврига нисбатан 38,6 фоиз кўп.

#акциз #солиқ #импорт
http://ishbilarmon.uz/ozo-iston-tovarlarning-ajrimlariga-akciz-soli-i-bekor-ilindi/

​​👕Кийим-кечак импорти учун бож икки баробарга оширилди👕

📌2018 йил 28 декабрдан 443 турдаги товарларга импорт божлари оширилди.

👉🏼Жумладан:
• қуюлтирилган сут ва сливка, қовурилмаган қаҳва ва пальма ёғи учун 5% миқдоридаги энг кам ставка жорий этилди;
• кийим-кечак (10%дан - 20%га) ва пойабзалга (5%дан - 10%) солинадиган бож 2 баравар оширилди;
• тухум ва сақич учун 30% этиб белгиланди.

Идиш-товоқ, мебель, офис учун товарлар, маиший ва климат техникаси, автомобиль эҳтиёт қисмлари ва ҳ.к. бўйича ҳам салмоқли ўсиш кузатилади.

👉🏼Шу билан бирга, 8 турдаги товарлар бўйича импорт божи камайтирилди. Улар орасида:
- янги ва фойдаланишда бўлган тракторлар (шу жумладан 5–7 йиллик ўриндиқли шатакчилар),
- ипак чиқиндилардан йигирилган ип, сузғичли матолар, фильтрловчи матолар ва бошқалар.

🥖Нон ва қандолат маҳсулотлари бўйича эса божнинг энг кам миқдори – 1 килограмм маҳсулот учун камида 0,30 АҚШ доллари (ставка – 15%) белгиланган.

#импорт #бож
http://ishbilarmon.uz/kijim-kechak-importi-uchun-bozh-ikki-barobarga-oshirildi/