سریوەی ئاڵۆت/Alot

٭ ئینتێڕنێت٭

ئینتێڕنێت کە بە واتای پێوەندی کامپیۆتێڕگەلی هەموو جیهان بە یەکەوەیە، جیهان و ژیانی مرۆڤی سەر گۆی زەوی گۆڕیوە بە چەشنێک بەم چارەکە سەدە مرۆڤ پتر لە لەو چوار ملوێن ساڵەی مێژووی کە هەیەتی لە باری زانست و کەڵک وەر گرتنی لە زانست بۆ ئاسوودەگی سوودی لێ بینیوە ، مرۆڤ توانیویەتی سروشت بە هەموو ئیمکانات و ئەوەی هەیەتی وەک ئەسپێکی دەستەمۆ ڕامی بکات و بەهرەی لێ وەرگرێ ، بەم هەموو بەرهەم وداهێنانە دەبینی مرۆڤ دانامەزرێ و ئاسوودە نابێ و ناحەوێتەوە و هەر گێژ وخولان دەخوا و دەڵێی بە دوای شتێکی ون بوودا دەگەڕێ ، ئینێڕنێت هۆکارێکە بۆ ئەوەی مرۆڤ زیاتر هەست بەوە بکات کە شتێکی لێ ون بووە ، ئینێڕنێت لە گەڵ ئەو هەموو قازانجەی کە هەیەتی لە لایەکی دیکەوە بۆتە هۆی ئەوەی کە خانەوادەیەک تەنیا بە جەستە لە ژێر بانێک دا بە یەکەوه بژین ، جا ئەم دیاردەیە ڕۆژ بۆ ڕۆژێ پتر دەردەکەوێ و لەوانەیە لە داهاتوو دا شیرازەی پەیوندیە کان لە خزمایەتی و هاوماڵیەتی وهاو گوندی و هاوڕێیەتی و.... یەکجار لێک هەڵتەکێنێ و ئەوکات مرۆڤ هەست بکات تازە چەرمەکە ئاو بردوویەتی ، خۆ بازێک لە بیرمانە لە دێیەکی وەکوو ئاڵۆت لەوەرزی زستان دا تێکڕای خەڵکی گووند لە سەر بانێک کۆ دەبوونەوەو تام و چێژێکی تایبـەتی بوو ، ژیانێک لەو پەڕی ساکاری دا ، داهات کەم بەڵام دڵی دانیشتوانی گوند خۆشتر و فراوانتر بوو ، شەوان بێ شک بنەماڵێک یا میوانیان بوو یان بۆخۆیان دەچووونە شەو نشینی
بەڵام ئێستا بڕوانە ئاڵۆت کە بەم وەرزی زستانە دانیشتوانی هەریەکە لە قوڕنێکه وە لە بەر خۆیەوە موبایلێکی بە دەستەوەیەو جاری وایە قاقا پێ دەکەنێ ، جاری وایە تووڕە دیارە و جاری واشە له سەر خۆ دەگری ، ، لەم سەردەمە دا مرۆڤ بۆتە دیلی دونیای ئینتێرنێت و لەوانەشە ساڵ بۆ ساڵ گرفتی زیاتر بێت ، کەوا بوو دەبێ بە تاریفی ژیانی خۆش دا بچینەوە کە ژیانی خۆش بریتی نییە لە ئاسوودەو ڕەحەت بوون بە جەسته ، زیندانیەک ئەگەر هەمو
پێداویستیەکی بۆ دەستەبەر کەن هەرگیز پێی دڵ خۆش نییە ، چوونکە دڵی دەڵێ شتێکی لێ ون بووە ئەویش‌ئازاد بوون و بە ئازادی ژین بە سەر بردنە ، ئینتێڕنێت زیندانێکی گەوره ی بە قەدەر هەموو جیهانی بۆ بەکارهێنەرانی دروست کردوە ، ڕۆژ بۆ ڕۆژ یش زیندانه کە گەورەتر دەبێ قەفی زنجیر و پێوەندەکانی ئەستوور تر دەبن لە کۆتایی دا وا چاکە ئەم ڕستە کوردیە جوان و کۆنەتان بیر بێنمەوه کە دەڵێ:

کوێ خۆشە لە دونیایەدا؟
دەڵێ ئەو جێیەی دڵ لێی خۆشە
@S_Alot

839 viewsقادرخدرزادە, edited 04:29