بەناوی خودای بێ وێنەوو میر

جەژنی قوربان ساڵی جارێ خەڵکی قوربانی دەکەن
بۆ وەتەن من ڕۆژی سەد جار ڕوحی خۆم قوربان ئەکەم
(ئەحمەد موختار جاف)

هاووڵاتی ئازیزم ، جێژنی قوربانە و بەم بۆنەوە لە ناخی دڵەوە وێڕای سڵاوو ڕێز ، جێژنەپیرۆزەتان لێ دەکەین وهیوادارین دڵتان خۆش وسەرتان سەلامەت بێت .
هەر وەها ئاوات و داواکاریمان ئەوەیە کە هاووڵاتی ئازیز هەر کێشەیکی کۆمەڵایەتی پێش دێ بە کەڵک وەرگرتن لەهزر وئەندێشە و بەپێڕەوی لە باوو باپیرانمان بە یارمەتی ڕیش سپی و گەورەکان ڕووبەڕای کەن .
مزۆڤ و بەگشتی کۆمەڵگای مرۆڤایەتی کاتێک گەشەی سەند کە لە کاتی پێش هاتنی گرفت و ئاڵۆزیەک دا ، ئامرازی شەڕ و دار وبەردو خەنجەر و تیخی وەلاناو کەڵکی لە مێشک و هزر و زمان و وت و وێژ وەرگرت .
ئێمەش لانی کەم با بۆخۆمان وەک کۆمەڵگایەکی بچوک هەر کێشەیەک پێش هات لەم ڕێیەوە بۆی بچین ، بێ گومان جێژن و بۆنە شادیەکان لە کۆمەڵگایەکی ئەوتۆدا جوانە و ڕەنگدانەوەی شایستەی دەبێت .
جێژنــــــــــــــتـــــــــــــان پـــــیرۆز

@s_Alot

قانع ›

وەرە قوربان لە سەیری جەژنی قوربان
کە سەیری وای نەدیوە ڕوویی دەوران

لە شەوالا وتی پێم دایکی منداڵ
موهەییابە لەبۆ تەجهیزی قوربان

نەوەک ئەم جەژنی ڕابوردووم بە سەربێ
بە کاسەی ڕەش لەگەڵ کۆشێ مناڵان

بەوەڵڵا سیی غەرام ڕۆنم ئەوێ لێت
لەگەڵ مشتێ برنجی بێ دڕ و دان

چڵێ پیاز و لەوێچێ نۆکەڕەشکە
دووسێ دانە هەڵووژەی کۆنی ساڵان

نەڵێی هەرزن هەیە بۆ نانی جەژنت
کولێرەی جۆم ئەوێ بۆ نانی دیوان

ئەمانە پێم وتی نەیخەیتە پشت گوێ
ئەگەر نایکەی ئەڕۆمۆ بۆ مەریوان

وتم: خانم لە ڕێی جوانی و لەقای خۆت
عەفوو فەرموو بڕ و بیانووی فراوان

کە من ناوی مەلایی تەوقی ملمە
چ تەکلیفێ ئەکەی ئەی شێتی نادان

ئەگەر من موقتەدیر ڕۆن و برنج بم
بە قانع چۆن ئەبم مەشهووری دەوران؟

خولاسە هاتە سەر چنگ دایکی منداڵ
لە چاوی بەد بە دوور بێ، دێوی مەیدان

تەکانی دا هەڵیگرت کلکەبێڵێ
گەهێ زرمە لەسەرمۆ، گاهێ ناوشان

لە زرمەی لیس و قیژە و باوکەڕۆی من
شڵیژان خەڵک و بەرئاوسێ هەموویان

سوئالیان کرد: چیە ئەم زرم و کۆیە؟
وتم: فریاکەون ئەهلی موسوڵمان

کە حاڵی بوون لەسەر ئەسپابی جەژنە
برنج و ڕۆنیان پێدام بە ئیحسان

دە جەژنی وا خوا نەیدا بە هیچ کەس
موبارەک با نەبێ تا خەتمی دەوران

# ڤانع

@s_Alot

یادێک لە نووسەر و بێژەری ڕادوێ کوردیەکانی تاران ، ورمێ ، کرماشان وسنە خوالێخۆشبوو شوکروڵڵای بابان.:

مامۆستا شوکروڵڵای بابان لە ساڵی 1923ی زایینی لە سنە لە دایک بوەو لە ساڵی 2012 لە شاری تاران بە خاکی دەسپێرن ، شتێک کەجێی داخە ئەوەیە کە گوایە وەسیەتی کردبوو کە بە خاکی پیرۆزی نیشتیمان لە شاری سنە هەسپێردەی خاک بکرێت ، بەڵام وەک دەڵێن کوڕەکەی فواد بابان بێژەری هەواڵی ڕادوێ و تەلەفزوێنی تاران ئەو وەسیەتەی باوکی بە جێ نەهێنا ،شوکروڵڵای بابان لە سێ بەشی ئەدەبیات ، دەروون ناسی و یاسادمەدرەکی لیسانسی بوو
بەڕێزیان لە ڕادوێی کرماشان لە بەرنامەی وتنەوەی شێعری شاعیرانی کورد نێوبانگی باشی دەرکرد ، پێویستە بگوترێ کە شێعری قەسەم نامە هی شاعیری کۆچ کردوو مامۆستا عەبولغەففار وارستەگانە کە ئەویش سنەیی بووە

بۆ ئێمە کە لە منداڵی دا کە ئەو دەنگەمان لە ڕادوێ بیستوە جێژی زۆر تایبەتی هەیە وگەلێک بیرەوەریمان دێنێتەوە یاد و بەتاسەوە ئاخ بۆو ساڵ و ڕۆژگارەی هەڵدەخوازین

@s_Alot

بێ گومان شاعیران ونووسەران پێشەنگی کاروانی پاراستنی زمان وئەدەب و کولتور و فەرهەنگی گەلن ، کۆچ کردوو مامۆستا خالید حیسامی ناسراو بە هێدی یەک لەو کەسانەیە کە لەم پێناوە دا کوێرەوەری و ماڵ بە کۆڵی و دەربەدەری زۆری بینی و ئەرکی مێژوویی خۆی زۆر زێدەتر بەڕێوەبرد و لە ئەستۆ گرت ،
پێویستە سپاسی هیممەتی مەردانەی بکەین و بلێین سەدان ڕەحمەتی خوا لە گۆڕی تۆو کەسانی خەم خۆری نیشتمان پەروەری وەک تۆبێت و بەهەشتی بەرین جێگا و قۆناغی هەتا هەتاییتان بێت

@s_Alot

هەر بژین و نامرن و خاوەنی شەرەف وڕێزن وبە سەربەرزی دەژین و بە شانازیەوە  سەردەنێنەوەو بە خاک دەسپێردرێن ئەوانەی کە بە قەڵەم و هوونەر و تەنانەت بە کار و عارەقی ناوچاوان خزمەت بە ئاوەدانی و زیندوو ڕاگرتنی فەرهەنگ و زمان و ئەدەبی گەل و نیشتیمان دەکەن

@s_Alot

ئەوەش لە زیرەکی و لێهاتوویی و هونەری مرۆڤە ، ئەمە و هەزاران داهێنانی پڕ سەیر وسەمەرەیە کە کاتێک خوای مەزن مرۆڤی دروست کرد فەرموویەتی :
فتبارکَ اللەُ أَحسنُ الخالِقینَ
@s_Alot

موناجاتی سەیید ئەسغەر کوردوستانی
هەزار ڕەحمەت لە گۆڕت
مۆسیقای ڕەسەن هێورکەرەوەی گیانی مرۆڤ و بەجۆرێک پێوەندی ڕووحی و عیرفانییە
@s_Alot

فرۆشتنی هەزاران کچی کورد لە سەردەمی قەجەریەکان بە تورکمانەکان دەیسەلمێنێ کە ڕاستە مرۆڤ هەر دەبێ پشت بەخۆی وهاوزمانی خۆی ببەستێ و ئەو پەندە کوردیە وەک عاڵقە لە گوێی کات کە دەڵێ :
خزم گۆشتەکەشت بخوا ئێسقانەکانت ناکرۆژێ و دەیانهێڵێتەوە
@s_Alot

ئایەتی 24ی سوورەی ئەنبیا دەفەرموێ
:
لایُسئلُ عَمّا یَفعلُ وهُم یُسئَلونْ
واتە خوای مەزن لەو کاروبارانەی کە دەیانکا پرسیاری لێناکرێ واتە لە بەرامبەر کەس بەرپرسیار نییە ، بەڵام کەسانی بێجگە لەو دەکەونە ژێر پرسیارە وە.

ئێستا لێرەدا تێبینیەک هەیە ئەویش ئەوە یە کە ئەگەرمرۆڤ گەلێک بە ناوی خوا یان بە جێی‌‌ خوا کاروبارێک بەڕێوەبەرن و ڕەفتارێک بکەن کە کەس توانای لێپرسینەوەی نەبێت ، ئەلێرە دا کارەسات دروست دەبێ ، ژیانی ئاسایی کۆمەڵگە وتاک دەکەوێتە مەترسیەوە .
ئەگەر لاپەڕەکانی کۆنە کتێبی مێژوو هەڵوەدەی دەردەکەوێ کە چۆن بەناوی خودا و دینەوە بەملوێن کەس کوژراون و بێ ماڵ و حاڵ کراون ، گەورەترین خەیانەت ئەوەیە کە کەسانێک بەنێوی خودا ودینەوە خەڵق دەکوژن و سەروسامانەکەیان لێ زەوت دەکەن ، چوونکە بەم ڕەفتارەیان سیمای دینی پێ ناشیرین دەکەن و خەڵق بە هەڵە وادەزانن کە بەڵێ ئەوکارانە فەرمانی خودایە و ئەوان جێبەجێیان کردوە .

دوونموونە لەوانە یەکیان کوشتنی‌ سێسەد هەزار شیعە بە دەستی تەیموری لەنگ و دروست کردنی منارەی مزگەوتێک لە کەللە سەریان و ئەوی دیکەیان کوشتن و ژن وماڵ زەوت کردن و دەربەدەرکردنی خەڵقی ئێرانە کە ئەوکات نێزیک بە تەواوی‌ئێران سوننی بوون بە دەستی سەفەویەکان .
هەڵبەت مێژوو دووپات دەبێتەوەو ئێستاش‌‌ بە نێوی دین و پەرە بە دین و ئیسلام کارەساتی دڵ هەژێن ڕوو دەدەن و بەم چەواشەکاریانە جەبهەو بەرە ی دین لانی کەم لە درێژ خایەن دا لاواز و لاوازتر دەکەن

@s_Alot

🌻 پارچه شێعرێک لە خوالێخۆشبوو مامۆستا مەلا عەبدوڕڕەحیم وەفایی کە بەڕاستی یەکێک لە مەزنترین شاعیرانی کودەواریەو  لە ڕێزی شاعیرانی مەزنی  وەک مەلا خدری شاوەیسی واتە نالی و مامۆستا مەلا سەیید مەحەممەدی باڵخەیی واتە بێخود دایە وجێی خۆیەتی گەلی کورد  ئەوبەڕێزانە قەدر بگرێ و هەموان بزانن کە بەردی بناخەی ئەدەبیاتی کوردی قوتابیانی حوجرە دایانناوە ، ئەوەش شێعرەکەی مامۆستا وەفایی  :


✓ #_وەفایی

تا خەندەیی گوڵ کاشیفی ئەسراری نیھانە
زارت لە تەبەسسوم نەکەوێ قەت لە زەمانە

زولفت چییە وا تا بەری پێ حەلقە بە حەلقە
یا نە شەوی ھیجرانە کە زیندانی دڵانە

تۆی پێ دەکەنی زەوقی دڵانی بە ھەناسە
یا عەترە دەبارێ ئەسەری باغی گوڵانە

قوللابی موژەت گرتمی ڕووی کردمە ئەبرۆت
یەعنی کە ئەوە قیبلەنومای ئەھلی دڵانە

تۆ ڕۆژی درەخشان و ئەمن شەو وەکوو زولفت
سەرگەشتە لەدووی تۆ دەگەڕێم خانە بە خانە

گریانی دڵانە لەسەر ئەو زولفە بە ڕوودا
یا ناڵەیی مورغانی شەب ئاوێزی بەیانە

باعیس بە جودایی لە بەھاری گوڵی ڕووتە
بێڕەنگیی ڕەنگم کە وەکوو ڕەنگی خەزانە

ھێشتا دڵی من نادەیەوە ھەر لە جەفادای
بۆ تیری ھەموو دەرد و غەمت بوومە نیشانە

بولبول لە زبان کەوت و بووە خوێن پەڕی گوڵ، گوڵ
جارێکی نەپرسی کە چ فریاد و فوغانە

حەیرانی برۆ و خاڵی لە ڕووی تۆیە «وەفایی»
بۆ چی حەرەم ئاتەشکەدەیی پیری موغانە


🍃@s-Alot

🕋 ( إِنَّا لِلَّٰهِ وَإِنَّا إِلَيْهِ رَاجِعُونَ) 🕋

لەگەڵ ڕازی بوونمان بەقەدری خوای گەورە ئاگادارتان دەکەینەوە لە کۆچی دوایی خوشکی ئازیزمان:

خوالێخۆشبو خوشکە آمینە ئەمینی
کچی بەڕێزان:
خوالێخۆشبوان حاج حەمەمین ئەمینی ناسراو به  (حاج فەقێ مینە ئاڵۆت) و خوشکە مریەم خەلیفە

خێزانی کاک ڕەحمان صالح پور ناسراو بە( میرزا ڕەحمان)
و
دایکی بەڕێزان:
کاک رئوف ،خوشکە ه شهلا،خوشکە گوڵێ وخوشکە هاجەر
و
خوشکی بەڕێزان:
کاک محەمەد ،خوشکە کافە ،خوشکە فاتمه،خوشکە سەڵتەنە ،خوشکه چیمەن و خوشکه مەهوەش
و
خەسوی بەڕێزان:
کاک نادر، کاک عەبدوڵڵا و کاک موتەلیب


بە هۆی نەخۆشی درێژخایەنەوە کوچی دوایی کردو و هەموو لایەکمانی خەمبار کرد. وێڕای سەرەخۆشی لە  سەرجەم بنەماڵەی بەڕێزیان، بە ئاگاداری هەموو لایەک دەگەیەنین کە پرسە و سەرەخۆشی خوالێخۆشبو، لەو رۆژ و کات و ناونیشانەی خوارەوە بەڕێوە دەچێت.


📅بەرواری کۆچکردن:
چوارشەممە: ۱۴۰۴/۰۵/۲٩

⚰کاتی بەخاکسپاردن:
کاتژمێر ٨:٠٠ بەیانی پێنجشەممە لە گۆڕستانی گوندی ئاڵۆت بەڕێوە دەچێت.

🗓رۆژانی سەرەخۆشی:
پێنج شەممە:١٤٠٤/٠٥/٣٠


🕌شوێنی سەرەخۆشی:
مزگەوتی گوندی ئاڵـــــۆت

پرسەوسەرەخۆشیەکانی بانە
تەنیا کاناڵی فەرمی لە بواری ڕاگەیاندنی کۆچی دوایی خوشک وبرا موسڵمانەکانمان.
پەیوەندی
پرسەوسەرەخۆشیەکانی بانە
تەنیا کاناڵی فەرمی لە بواری ڕاگەیاندنی کۆچی دوایی خوشک وبرا موسڵمانەکانمان.
پەیوەندی
@banehsarakhoshi1
@banehsarakhoshi3

🛜ادمین تبلیغ👇
@Advertisingadmin1

https://xn--r1a.website/+FQFtL93ONLhiNDM0

ملا عەبدوڵڵای تووتنچی ناسراو بە موفتی پێنجوێنی لە ساڵی 1881 ی زایینی لە گوندی بێستانەی پێنجوێن لە دایک بوەو لە ساڵی 1952ی زایینی لە شاری سلێمانی ماڵاوایی لە ژیان کردوە.

شتێک کە زۆر جێی سەرنجە ئەوەیە کە موفتی پێنجوێنی وەکوو  مامۆستایەکی  ئایینی پێشەنگی خەبات بۆ ئازادی و پێشکەوتن و بە دەست هێنانی زانستی نوێ بووە ،
موفتی پێنجوێنی بە پێچەوانەی بۆ چوونی زۆربەی مەلاکان لەو سەردەمەدا کچەکانی دەنێرێتە قوتابخانە کان تاوەکوو فێری زانستی نوێ ببن . هەزار ڕەحمەت لە گۆڕی ئەو زاتەو ئەو بلیمەتانە بێت کە وەکوو ئەوی بیریان کردۆتەوەو لە نێو خەڵقی خۆیان دا ژیاون و وەک نیشتیمان پەروەرێک  جێی ڕێزی هاونیشتیمانیان
بوون و  کوردوستان شانازیان  پێوەدەکات و سەری ڕێزیان بۆ دادەنەوێنێت ، ئەوەش نموونەی شێعرێکی ئەو مامۆستا مەزنەیە :



دڵم ئەمڕۆکە پڕزەوق و زمانم خەنجەری تێژە
لە بەرچاوم پڵنگی شێرکوژی چابوک ئەڵێی گێژە
سەروماڵم فیدای مەردێک کە وا بێترس و هەقبێژە
لە شەوقی نیشتمان و شوعلە ئەستێرەی گەلاوێژە
برین و زامی جەرگی پڕ لە سۆم و پاکی ساڕێژە

لە بەرچاوم خەریکی خەندەیە خاکی وەتەن ڕەنگی
لەناویا لائەچێ کەمکەم شەڕ و شۆر و هەرا و جەنگی
بە زێڕی عالەمی نادەم سەراسەر کۆمەڵی سەنگی
ئەگەر باوەڕ ئەکەن تەپڵی بەشارەت دای لە گوێم دەنگی
مەڵێن ئەم شاعیرە دێوانەیە یان شێتە یان گێژە

زەمانێکە بینای فکرم بەجارێ پەرت و ڕووخاوە
نەما خزمەت لەبۆ هۆزم بڕا ئەو شیعرە لێشاوە
ئەوا ئەمڕۆ سەبا موژدەی لەبۆ دڵ تازە هێناوە
ئەڵێن ئەو کاروانەی کۆمەڵی کوردە بەجێ ماوە
کەمی ماوە نەجاتی بێ لە ئەم هەوراز و ئەم لێژە

تەماشا ژینی خەڵکی کە ئەگەر نێرینە و پیاوی
چ ژینێکە ئەوی عەبدە لەناو خەڵکا نەبێ ناوی
هەتا کەی مەست و بێهۆشی هەتا کەی کوێری بێچاوی
برا گەردنکەچی و مەحکوومی خۆراکێکە ژەهراوی
دەخیلت بم نەچی بیخۆی بڕۆ تێی هەڵدە بیڕێژە

لەبۆ نانی منەتباری نەکەی حوڕڕی لە دەست بەردەی
ڕەفیقی تۆ هەموو بەیداخە تۆ دایم لەبن پەردەی
ئەگەر جارێک بە سەربەستی بژی سەد جار ئەڵێی ئۆخەی
لە میوەی باخی ئازادی کەسێ بیخوا ئەڵێ هەی هەی
کە میوەی جەننەتە هاتۆتە دنیا هەستە بیچێژە

لە سەربەستی و لە ئازادی کەسێ بێزارە نامەردە
لە وەختێکا کە بێدەنگە بڵێ یا دارە یا بەردە
لە وەختێکا کە دەنگی دێ بڵێ وەحشی کەژ و هەردە
دەسا بۆ چیمە با بمرێ سەراپای هەر خەم و دەردە
ئەگەر چی زیندووە هەر مردووە دە فەرموو بینێژە

وەها چاکە لەمەولا ڕوو لە زانست کەی لە زۆر و کەم
بەسەر چوو خزمەتی تەپڵ و دەف و شانە و قژ و پەرچەم
ئەبێ یەک ڕێگە بۆ بەرزی وەتەن بگرن بە دەستی چەم
لەسەرتان بەشکە زوو لاچێ تەمی جەهل و مەراق و خەم
لە کوێ سەرکەوتنی غەربی بە دۆعا و کردنی نوێژە

ئەوی ئیشی کەوشدانانە بۆ بێگانە هەر کەر بوو
بە هیچی دانەنێی چاکە ئەبێ ناوی بنێی مردوو
وە یا دارێکی وشکی گەندەڵی پەڕپووت و بابردوو
کەسێ لاری لە سەربەستی ئەکا «موفتی» تەمەننا زوو
کەڕ و لاڵ بێ لەپاش کوێری بە ئاوڵە و دەردی سوورێژە

🔸موفتی_پێنجوێنی

@s-Alot

گوێ شل که برا لەم غەزەله،نسحەت و پەنده
وا تێ مەگه بەیتی بلەیه،مـەیکه به خەنده

ڕووحم به فیدای ئەو کەسه وێڕای گەله کەی خۆی
بێزاره له مەحکوومی، به ئازادی پەسەنده

🔸مەلا مارف کۆکەیی
@s-Alot

پاراستن یان پەرستن
وەک دەزانین وشەی پاراستن و پەرستن لە زمانی کوردی دا هەر ئەو پارێزگاری لێکردنەیە ، کە وابوو دەتوانی بڵێی نیشتمان دەپارێزم ، دەیپەرستم و ئەرکی خۆم لە ئاست ئەوی کە پاراستنیەتی لە هەر بەڵایەک و ناحەزیک و لە بەرامبەر هەر نەیارێک .
خودا پاراستن  یان پەرستن کە دیارە ئەوەش بە واتای پارێزگاری لە گەورەیی و خوداوەندی و ئەرکی بەندەگی بە جێهێنان و بەندایەتی و سووجدە و کڕنۆش بۆ بردن و جێ بەجێ کردنی بەرپرسایەتیە لە بارەگای خودای مەزندا .
لێرە دا جێی ئاماژەیە کە هێندێک کەس ئەو شاعیر و ئەدیبانەی کە لە شێعرەکانیان دا باسی نیشتیمان پەرستیان کردووە ، بە کافر‌و لە دین دەرچووی دادەنێن .
بە داخەوە ئەم کەسانە هەر وتەیەک کە باسی نیشتیمان پەروەری و پاراستنی زێدی تێدا بێ ، بە بێ بایەخی دەزانن  و تەنانەت دژی دەوەستنەوە  چوونکە پێیان وایە کە  ئایین بە شوعاری نیشتیمان پەروەری  لاواز و لاواز تر دەبێ   ،
بە کورتی و بەکوردی پاراستنی خودا لە گەڵ  پاراستنی نیشتیمان جیاوازیەکەیان لە ناوەرۆک دایە . پەرستن و پاراستن بۆ هەردووکیان دروستە و پارێزگاری کردن وپاراستنی خودا بەواتای عەبدایەتی  کردنیەتی .

@s_ Alot

گۆرانیەک کە کاتی خۆی لە ساڵەکانی پێش شۆڕشی گەلانی ئێران ڕەحمەتی عەبڵا جەیران بە خواڵێخۆشبو حاجی مەحەممەدی شەهلایی دا هەڵگوتوە ، حاجی شەهلایی کە پیاوێکی میواندار و بە لای منەوە زۆر جێی ڕێز بوو ، هەزار ڕەحمەت لە قەبرەکەی بێت ، مام خەلیلی گڵە سپی دەیڵێتەوە وکاک ڕەحمان سپیدارەییش شمشاڵەکەی لێدەدا ، هەڵبەت دەبێ بڵێین کاکە خەلیل شمشاڵ زەنی چاکە ، هەردووکیان ئیشاڵڵا لەش ساغ و تەمەن درێژ بن.
وادیارە کا خەلیل ڕازی نابێ ئەو دەفەی کە پێشنینیاری پێ دەکەم ، لێیدا
@s-Alot

لەسایەی عیززەتی نەفسم لەپاشا مەرحەبا ناکەم
لەئەربابی کەرەم دوورم،بەکەس خۆم ئاشنا ناکەم
کراسی چەرمی خۆم ئەدڕم،سواڵی سەر کەوا ناکەم

(ئەگەرچی لەحزەیەک دەرد و خەم و قەهرم بە با نادەم
ئیلاهی زۆر شوکور، ئومێدی نانێ من لە شا ناکەم)


لە تۆزی ئاشەدا غەرقم لە تەوقی سەر هەتا ئەژنۆم
بەڵام چەند خۆشە ئەو تۆزە،کە هەر خۆم ئامێرم بۆ خۆم
نەترسی ئەمری مافەوق ونە مەحکوومی بەراتی تۆم

(لەسایەی زەحمەتی قاچ و سەر شان و دەس و ئەستۆم
لە بۆ کەس چاو لەبەر نیم و خەیاڵی ڕێی ڕیا ناکەم)


#قانع_و_موفتی_پێنجوێنی
ـــــــــــــــــــــــــــــــــــــــــــــــــ

کە مرۆڤ عێززەتی نەفسی لە دەست دا ، بە سادەیی بە کەمترین نرخ دەدۆڕێ و شان وشکۆی دەڕوخێت و وەک پوش و پەڵاشی لێدێت
شکۆی بنیادەم و مرۆڤ بە ڕادەیەکە کە خوای مەزن لە بارەیەوە دەفەرموێ:
لَقد٘ کَرَّمنا بَنی آدَمَ
مامۆستا قانیع و مامۆستا موفتی پێنجوێنی لەم دێڕە شێعرانە دا عیززتی نەفسیان بە باشی پێناسە کردوە.

ئەزموونێکی قورس و گران

دەگێڕنەوە کە مەلای مەزبوورە واتە موللا نەسرەددین ، کەرێکی دێزی هە بوو ، مەلا بڕیاری دا چلەی پێ بکێشێ و بۆوەی ڕایبێنێ کە بۆ کاروان و سەفەرێکی دوور ودرێژی کە بێتە بەرێ وای بار بێنێ هەتا چل شەوو ڕۆژان دەم لە ئاوو زەوادی خودای نەدا .

مەلا ئەم بە سەر هاتەی لە زستانێ دا لە پەنای کورە و زۆپای مزگەوتێ بۆ کۆڕ و مەجلیسەکەی دەگێڕایەوە و نەقڵ و بەهای بۆ دەکردن .
خەڵقەکە کە تامەزرۆی بیستنی  کۆتایی شانامەکە بوون و دەیانویست زوو ئەزموونەکەی مەلای مەنشوریان(مشهور) لێ حاڵی ببێ ، یەک لە دانیشتوان گوتی ئێ مەلا ئەو جار کەرەکە  بەم چل شەوە وات ڕاهێنا کە پێخۆر و ئاوێک نەخواتەوە و نەکەوێت و هەر بڕوا ؟
مەلا هاتە سەر چۆکان وەک کەسێک کە فەتحولفتوح و شاکارێکی بێ وێنەی کردبێ گوتی ئەرێ وەڵڵا زۆر چاکم بارهێنا بەڵام ئاخ داخی سەد داخانم لە سەرەی بیست و یەک ڕۆژەی دا گیانی هەسپارد و حەمری درێژی بۆ ئێوە بە جێ هێشت .

تێبینی ئێوە نازانم چۆنە بەڵام من دەڵێم ئەزموونێکی باش بووە ، حەیفێ درێژەی نەداوە ، دەیتوانی لە سەر چەندین کەری دیکەش تاقی وەکات ، و ئەگەر پشوو درێژ بوایە هەر چۆنێک بێ دانێکیان چلەی تەواوی دەکێشا ، دەزانم ئێوەی بەڕێزیش زۆربەتان هاوڕامن
@s-Alot

وێڕای سڵاوو ڕێزم بۆ خۆشەویستان

زۆر بە پێویستم زانی ئەو بابەتەی خوارێ ئێوەش بیخوێننەوە و دەرس و وانەی لێ وەرگرن .
دەبا خوێندنەوەکەی هۆکارێک و هاندەرێک بێ بۆ پێداچوونەوەمان بە ڕەفتارو هەڵس وکەوتمان بەرامبەر بە دەور بەر و لە خۆ داڕنینی خووخدەی خۆبەزل زانی و بەکەم گرتنی ئەوانی دەور بەرت . ئەو ئەزموونەی سیناتۆری کۆچ کردووی ئەمریکایی بە بڕوای من پێویستە ئێمە دایمە  لە بەر چاوی بگرین هەتا ژیان زۆر ئاسانتر بەرینە سەرێ و تاک بە تاکی کۆمەڵگا بە لە بەر چاوگرتنەکەی  کەش و هەوایەکی لەبار سازکەین و هەتا ماوین لە ئاستەنگ دروست کردن و کێشە نانەوە خۆ بە دوور بگرین و بە هەموان هەوێنی ئاشتی سازکەین و تۆوی ژیانی سادە وساکاری  پڕ لە خۆشەویستی داچێنین .
ئەم ئەزموونەی خوارەوە لە زاری سیاسەتوانێکی زاناوکارامەوەیە کە لە ناخی دڵەوە گوتراوەو لە زمان کەسێکەوەیە کە هەموو زەرد سوورو شتە بە ڕواڵەت بە نرخەکانی ژیانی لە دەست داوەو کورد وتەنی کەوتۆتە سەر ساجی عەلی  ، با پێکەوە وەیخوێنین :




📜دەروونناسی ئێگزیستانسیالیت.📜


🔸سێناتۆڕ ڕیچارد نۆبڕگڕ، ماوەیێک پێش لە مردنی بەهۆی شێرپەنجە،گۆڕانکاری لە ژیانیدا بەم جۆرە باس کرد،گۆڕانێک لە مندا درووست بوو کە بڕوام وایە قەت ناگەڕێتەوە.

دڵەڕاوکێ بۆ ناو دەرکردن،سەرکەوتنی سیاسی،دۆخی ماڵی،هەمووی بەگشتی لام بێ بایەخ بوونە،لەو کاتەوە کە زانیم تووشی شێرپەنجە بووم چیتر نە بیرم لە پلە سیاسیەکەم کردەوەتەوە نە حەسێبی بانکیەکەم نە ویستە سیاسیەکانم،لەو کاتەوە کە بە نەخۆشیەکەم زانی تەنانەت یەکجاریش لەگەڵ هاوسەرەکم بە شەڕ نەهاتین.

چیتر دەنگم لە سەر دروست کردنی چێشتێکی خراپ یان دەعوەت کردنی بێ پرسی میوان یان کاتێ پارەی زۆری بۆ کڕینی جلوبەرگی خەرج ئەکرد نەدەهات و لی توڕە نەدەبووم.

بەجێگای ئەوە،ئیسە پێزانی ئەو شتانەم کە زەمانێ زۆر  بە ئاسانی لیان تێپەڕ ئەبووم؛وەک خواردنی نەهارێک لەگەڵ هاوڕێیکم،کایە کردن لەگەڵ ئاژەڵێک،وتووێژ لەگەڵ هاوسەرەکەم،خوێندنەوەی شەوانەی کتێبێک یان گۆڤارێک،خواردنی پەرداخێ ئاو پرتەقاڵ یان خواردنی قاشێک کەیک لەگەڵ قاوەدا.

بۆ یەکەم جار وا هەست ئەکەم خەریکم تامی ژیان ئەچێژم،ئاخری زانیم منیش ئەمرم.کاتێ بیر لەو دەرفەتانە ئەکەمەوە کە لە باشترین دۆخی سەلامەتیم،بە هۆی غوروری بێجێ،لە خۆ بایی بوون لە کیسم دا لەرزم لێ دێ.


✍🏻نووسەر:ئیروین دی یالوم


#ئیروین_دی_یالوم
@s_Alot