haboo🐼💜:
دخل قال م شاء الله دي خطوبة منو م تكون اللئيمة الفتحت لي الباب ابوي قال ليهو احترم نفسك وم تنسى انك في بيتي كلهم نظراتهم كانت موجة ع ابوي وصحبه بس انا نظراتي كانت موجة ع مازن الما كنت قادرة افهم نظرته لي صاحب ابوي نظرة معرفة او استغراب من البعمل فيهو ابوي طلع معاهو وحل الصمت وانا طوالي شلت مفاتيح عربيتي وطلعت معقولة اليوم المفروض افرح فيهو يحصل كدا مشيت قعدت في كافي في شارع النيل هادي كل م ازهج بجيهو عشان بلاقي نفسي هناك شربت قهوة وسمعت موسيقي هادية جاني اتصال من امي بس م رديت تاني اتصلت علي شجن برضو م رديت ولمن فضلو يتصلو كتير شكيت انه في حاجة حاصلة اول م رديت قالو لي

haboo🐼💜:
قصة_حب وغدر ♥️
ل هبة ابوبكر
(8)
اول م رديت قالو لي همس تعالي بسرعة ابوي ضغطه ارتفع واغمى عليهو , همس: ي شجن اتصرفو بسرعة ودوهو المستشفى م تنتظروني لانه الطريق زحمة وابوي لو م لحقتوهو المستشفى ممكن تجيهو جلطة ويموت بسرعة اتصرفي ي شجن الله يخليك😭 , شجن: كويس كويس يلا , قفلت منها وطوالي جريت ع العربية لمن وصلت البيت لقيتهم طلعو الحمدلله اتصلت ع امي ورتني المستشفى اتحركت عليهم بسرعة لمن وصلت تعابير وشهم م كانت مطمنة اصلا بسألهم حصل ليهو شنو ماف زول داير يرد علي لحد م الدكتور طلع , الدكتور: ابوكم كويس والحمدلله انكم لحقتوهو كان ممكن يموت , همس: طيب ممكن ندخل ليهو , نور: ي بتي هو تعبان ندخل شنو , الدكتور: كلامك امك صح خلوهو يرتاح وبعدين ادخلو , خالتو فاطمة: الحمدلله جات ع كدا , نور: انتي ارجعي بعد دا , خالتو فاطمة: البرجعني شنو وانتو هنا والله م اتحرك الا معاكم عندي شنو انا , شجن: ربنا يخليك ي خالتو , خالتو فاطمة: يخلي ليكم ابوكم وامكم , همس: امين , سامي: همس تعالي نمشي نجيب سوسن لانها براها في البيت وم حتقدر تبيت براها في البيت بتخاف , همس: اوك يلا ارح , وصلنا بيت خالتي الكان هادي وانواره خافتة وم فيهو صوت غير همسات ل صوت سوسن وهي بتتكلم في التلفون , سامي: سوسن ليه م اتصلتي علينا , سوسن: ساامي الله يقطعك ي حيوان خلعتني ( خلاص اقفلي برجع ليك بكرة) , سامي: ارح معانا لاننا حنبيت في المستشفى احنا , سوسن: مستشفى شنو امي حصل عليها شي 😳😭 , همس: لا م تخافي دا ابوي , سوسن: ااا انا م ببيت في مستشفى امشي انت , سامي: م بخليك هنا براك , سوسن: انا م اشتكيت من شي , همس: سمسومي خلاص انت نوم هنا مع اختك كفاية خالتو معانا , سامي: لكن لو احتجتو حاجة , همس: م بنحتاج ان شاء الله يلا تصبحو ع خير , سوسن وسامي: وانتي من اهلو , ركبت العربية ووصلت المستشفى بقيت راقدة ع الدريكسون بتذكر مواقف اليوم دا بس فجأة جاني سؤال وين مازن نزلت ومشيت لي شجن جريتها من يدها وطلعنا برا , همس: حصل شنو بعد م انا طلعت , شجن: الراجل الجا لابوي قال ليهو م شاء الله بتك اتخطبت حسي انت عارف اصل وفصل الولد دا ولا بترمي بناتك ساي ابوي قال ليهو عمر من الاخر داير شنو قال ليهو داير حقي ابوي رد ليهو حقك ياتو م عندك اي حقوق عندي الراجل قال ليهو بقت كدا مش انا بتصرف لكن الكنت مستغربة ليهو مازن كان ساكت وبعاين للراجل نظرة ملخبطة كدا م فهمتها الراجل طلع وابوي اعتذر من مازن وبعد شوية كدا مازن ذاتو انصرف وبعد طلعو احنا كنا قاعدين بنحضر في العشاء بس رغد جات جارية بتكورك ابوي وقع ابوي وقع جرينا ولقيناهو غمران , همس: الله يجازيهو , شجن: بتقولي في شنو , همس: لالا ولا حاجة , جاتني شكوك بس قلت الله يكضب الشينة وقلت لي شجن يلا ننوم , شجن: ارح فعلا محتاجة انوم تعبانة شديد

haboo🐼💜:
قصة_حب وغدر ♥️
ل هبة ابوبكر
(9)
الجمعة صحيت صليت الفجر حاضر ومسكت المصحف قريت جزء ومشيت لابوي دخلت الغرفة لقيتو نايم لسه جبت كرسي وقعدت جمب سريره وختيت يدي ع راسه وبديت اقرا ليهو قران حسيته اتحرك قال لي همس بصوت خافض , همس: أأمر ي ضي عيوني , عبدالرحمن: حصل شنو وانا وين , همس: ابوي ريح نفسك انت كويس وبعد شوية بنرجع البيت بس ضغطك انخفض زي كل مرة , عبدالرحمن: اا , همس: اجيب ليك حاجة تشربها , عبدالرحمن: لا ي بتي م داير شي , همس: حنادي امي تسلم عليك , طلعت ل ناس امي قلت ليهم ابوي صحى طوالي دخلو ليهو بصوت واحد: حمدلله ع سلامتك , عبدالرحمن: الله يسلمكم

من جانب اخر/
هشام: ي اية شوفي صحبتك دي م بترد علي
اية: عندها ظروف ياخ
هشام: ظروف شنو البتمنعها ترد علي دي
اية: ابوها في المستشفى
هشام: احلفي وريني ياتو مستشفى
اية: مستشفى**
هشام: تمام انا ماشي ليهم هناك
اية: تعال سوقني طيب امشي معاك
هشام: تمام اجهزي مسافة السكة

في منزل/ مازن
مازن: انا م فاهم حاجة
: بتفهم بعدين حسي خليك عاادي فاهم م تخرب لي كل البنيتو
مازن: طيب فهمني
: قلت ليك دا م وقته م بتفهم
تيت تيت فصل الخط في وشه

جات الساعة 10 مشيت جبت فطور من مطعم جمب المستشفى باب الغرفة دق قلت اتفضل اتفاجأت ب اية وهشام مع بعض ( هشام دا صحبي 🌚♥️) بصوت متقطع اا يية ه هشام اتفضلو اتفضلو تعالو مدو يدكم , هشام: لالا حسي فطرنا , همس: بالهنا , اية: حمدلله ع سلامتك ي عمو , عبدالرحمن: الله يسلمك ي بتي , هشام: حمدلله ع السلامة وان شاء الله م تشوف شر تاني , عبدالرحمن: الله يخليك ي ولدي , همس: ابوي دا هشام صديق في الجامعة , عبدالرحمن: اااا اهلا , هشام: اهلا بيك 😊 , امي جات شايلة ورق وخلاص قالو نطلع سلمت ع اية وهشام فطرنا وطلعنا ع البيت طوالي والبنات جونا البيت م قصرو والضيوف ديل م يدوكم الدرب دوخونا😳😭😂💔 ناس داخلين وناس طالعين طلعتي غرفتي لقيت التلفون بتصل شفت المتصل مازن طبعا شاماهو من امبارح (ايي منفسنة مالكم🌚😂😂💔) اخدت نفس عميق وبصوت انوثي هادئ , همس: الو , مازن: مساء الخير , همس: (بطرف لساني) مسا النور , مازن: صوتك مالو مرهق , همس: مافي حاجة , مازن: لا في , همس: ابوي كان في المستشفى ورجعنا البيت والضيوف كتار وانت عارف خدمة الضيوف , مازن: لا حول ولا قوة الا بالله ليه م كلمتيني , همس: م لقيت وقت , مازن: خلاص مسافة السكة بس , همس: ماف داعي والله تتعب روحك , مازن: همس دا كلام شنو البتقوليهو ماف تعب ولا اي حاجة يلا , همس: يلا , قفلت منه ودخلت ادوش فجأة تلفوني اتصل لمن طلعت لقيت الرقم غريب م رجعت ليهو اتصل تاني لمن رديت ماف زول بيتكلم قفلت بعد خمس دقايق جاتني رسالة من نفس الرقم محتواها ......

haboo🐼💜:
قصة_حب وغدر ♥️
ل هبة ابوبكر
(10)
الرسالة كان محتواها: م تفرحي بخطوبتك دي وخطيبك دا م حيكون ليك , استغربت دا منو ومصلحتو شنو رجعت للرقم لقيتو مغلق قفلت التلفون ونزلت تحت للبنات واحنا شغالين بس بالي م هدا ولا ثانية وسؤال ورا سؤال م قادرة اركز في البعملو اكتر سؤال كنت عاوزة اجابة ليهو دا منو داا ????! , سارة: اتخطبتي خلاص وبقيت تسرحي , وانا لسة سرحانة وم منتبهة هم بتكلم بقولو شنو , اية: بسم الله همممممس , همس: ييخ مالك خلعتيني , سمر: الشاغل بالك يتهنى بيهو, همس: سمر اقطعي وشك , سارة: مالك سرحانة في شنو , همس: في وقم غريب رسل لي , اية: قال شنو , همس: قال كلام جوط افكاري ولمن رجعت ليهو لقيتو مغلق , سارة: اجي دا شنو دا , سمر: مكتوب شنو يعني , همس: م افرح بخطيبي وم بعرف شنو , اية: م تدي الموضوع اكبر من قيمته , همس: م مدياهو اكتر من قيمته بس يعني دا منو ومصلحتو شنو , سارة: الايام بتوريك , نور: ي بنات انتو لسة م خلصتو العشا , البنات: لسة , نور: بتتونسو اكيد لو م كدا كان خلصتو زمااان 🌚 , البنات: 😂😂 , نور: همس شيلي كباية عصير وديها لي خطيبك , همس: م ماذن , نور: اي ماذن , البنات بدو يشاغلو فيني وامي قاعدة , همس: اصبرو لي لمن اجيكم 🌚🙂😒

haboo🐼💜:
شلت العصير وديتو ل ماذن سلمت عليهو واستأذنت بس ابوي قال لي تعالي اقعدي شوية مع خطيبك انا بطلع , همس: لالا ي ابوي ارتاح انت احنا بنطلع الحديقة برا , عبدالرحمن: ربنا يسعدكم ي اولادي , مازن: امين , طلعنا الحديقة وحالة صمت عجيبة لحد م هو قرر يتكلم , ماذن: شكلك بتحبي ابوك شديد , همس: ابوي دا كل شي بالنسبة لي اخوي وصحبي و اي حاجة تصدق ان اسراري كلها عنده وهو كمان اسراره كلها عندي انا وهو بالنسبة لبعض بئر اسرار , ماذن: ربنا م يحرمكم من بعض , همس: اللهم امين , اخبارك شنو انت وعامل شنو مع الشغل , ماذن: ماف عوجة الحمدلله , همس: الحمدلله , باب الشارع اتفتح ودخلو بتين سوسن ووحدة صحبتها كانو ماشين ببطء وثقة وجو علينا , سوسن: هموسة كيفك , همس: (جوا نفسي قلت من متين الظرافة دي هموسة قال) تماام وانتي , سوسن: تمام والله دي سندس صحبتي , همس: ي هلا اتشرفنا , سندس: الشرف لي , سوسن: م عرفتينا دا منو , همس: اوو اسفة دا ماذن خطيبي , سوسن: م شاء الله مبروك كمان ولو انها متأخرة , ماذن: الله يبارك فيك وعقبالكم , سندس وسوسن: 😊♥️ , ماذن: يلا انا استأذن , سوسن: اذنك معاك , مشيت معاهو قدمتو للباب ورجعت قعدت مع بت خالتي سوسن وصحبتها الكانت نظراتها ل ماذن م عاجباني ( ايي بغيير🌚😂💔💔) , سندس: عرفينا ع خطيبك اكتر , سوسن: واحنا بهمنا في شنو , همس: (م عرفت ارد ع سؤال صحبتها المتطفل ولا ارد ع سخافة بت خالتي ) ع قول سوسن يهمكم في شنو 🙂 , سندس: بس فضول , همس: ايوااا طيب عن اذنكم , سوسن: امي وين , همس: فوق مع امي , دخلت اترميت في اقرب سرير من التعب ونمتاا

haboo🐼💜:
قصة_حب وغدر ♥️
ل هبة ابوبكر
(11)
نور: همس قومي ع جامعتك , همس: امي الليلة السبت عندي محاضرة وحدة بكلم البنات يتندسو لي انا تعبانة , نور: خلاصري بتي ارتاحي , همس: ابوي بقا كيف , نور: كويس الحمدلله , همس: شجن مشت الجامعة ?! , نور: اي قبل شوية كدا , همس: اوك , امي طلعت وانا مسكت التلفون عاينت للساعة كانت 9 لقيت رسالة تاني من الرقم بتاع امبارح قال اكيد هسي بتسألي نفسك دا منو في اللحظة دي رميت التلفون وقعدت في نص السرير 😳 رديت ليهو مصلحتك شنو انت والغريبة كانه حاسس اني حرد ليهو يعني م قفل تلفونه طوالي زي امبارح طوالي رد في لحظتها بتعرفي بعدين مصلحتي شنو وانا منو يلا😉 (لا وكمان فيها غمزة 🤷‍♀😳) ي رب استر عايزة انزل من السرير التلفون ضرب (اكيد عرفتو دا منو ماذن ااي ماف غيره😂🙈) ماذن: صبااحو , همس: يسعد صباحك , ماذن: كيف اصبحتي , همس: الحمدلله وانت , ماذن: تمام التمام , ممكن طلب , همس: اتفضل , ماذن: نطلع سوا الليلة لو م عندك مانع , همس: كلم ابوي ولو وافق انا م عندي مشكلة , ماذن: ظابط يلا , قفلت منه ودخلت الحمام استحميت وانا جوا سامعة زول فتح باب الغرفة ودخل والمشكلة انه فتح تلفوني سمعت الصوت وانا م عاملاهو بي رمز🤦‍♀ قلت يمكن دي رغد بتلعب فيهو لمن طلعت لقيت سندس صحبة سوسن , همس: سندس ??!! , سندس: ه ه همس , همس: بتعملي شنو في تلفوني , سندس: كنت بشوف في الساعة عشان اضبط الساعة بتاعتي , همس: اا تمام , البت وشها اتخطف وطلعت طوالي بس انا م صدقتها م عارفة ليه نزلت تحت عملت شاي ودخلت سلمت ع ابوي وفتحت التلفيزون الفي غرفته وبقينا نحضر جات رغد رقدت في حضن ابوي , عبدالرحمن: حبيبة بابا , رغد: بابا ممكن طلب , عبدالرحمن: انتي تأمري , رغد: عاوزة شكولاتات كتيرة وشيبس , عبدالرحمن بضحكة: بس كدا حااضر , همس: انا ابتديت اغير🌚💔 , عبدالرحمن: تغيري من اختك , همس: ايي عشان اقرب ليك مني , رغد: مش اخر العنقود اصلا كدااا😌 , همس: انننن😒😝 , عبدالرحمن: همس انتي عارفة مكانتك كويس عندي , همس: عارفة عارفة😌🙈♥️ , نور: اطلعو ي بنات تعبتو ابوكم خلوهو يرتاح , عبدالرحمن: خليهم ي نور انا مرتاح معاهم , همس: ولا غيرانةةة عايزة تصرفينا باي طريقة😉 , نور: ي بت بطلي شايف بتك ي عبدالرحمن😂 , عبدالرحمن: اايي كلامها صاح😂 , نور: ايي انت اقعد اسمع لي كلام البنات كويس , همس: مش قلت ليك غيرانة😂🏃‍♀ (فكيت الجرية قبل م الاقي الشبشب في راسي 😂💔) قلت امشي ل خالتي في المطبخ وعندنا غرفة كدا قريبة للمطبخ سمعت صوت سندس بتتكلم في التلفون ومن طريقة كلامها ظاهر انها بتتكلم مع ولد اول م دخلت عليها قفلت الخط بسرعة قلت ليها مالك بسم الله قالت لي لالا ماف شي عايزة حاجة قلت ليها لا ومشيت وانا مستغربة من ردة فعلها🤷‍♀ دخلت المطبخ براحة وصرخت في اضان خالتي ( عارفة اذن بس حلوة لغتنا اضان 🌚✨) اتهجمت همس قطعتي خلفي مالك علي من الصباح دا , همس: معليش ي حلو اول مرة بس م اخر مرة 😂 , خالتي فاطمة: تعالي ساعديني في الفطور لو م عندك موضوع , همس: حاضر , جهزنا كل شي وختينا الفطور في السفرة وناديت رغد وسوسن كانت نايمة صحيتها وسندس جات براها ( تجيها الكشة البت دي من هنا م نزلت لي انتو برضو صح🌚💔) ابوي شلت ليهو صينيته دخلتها الغرفة في اللحظة دي سامي جا , همس: حماتك بتحبك يلا ادخل افطر مع ابوي جوا , سامي: فطرت وجيت , نور: تاني تفطر ادخل يلا , سامي: طيب , همس: فالح بتسمع الكلام😂 , سامي: اصبري لي بعد الاكل , همس: 😝🏃‍♀ , واحنا بنفطر خالتي قالت لي خطيبك كيف قلت ليها تمام بعدين جاي هنا , نور: ليه م كلمتيني , همس: والله نسيت هو اصلا قال لي نطلع قلت ليهو كلم ابوي اول , نور: كويس القلتي ليهو كدا عشان م يقول فاكيين بناتهم , همس: اي , سوسن: م صح اصلا تطلعي معاهو دا غريب لسة , همس: م انا م حطلع معاهو براي ه , سندس: اخديني معاك , همس: (قاطعتني واستغربت من كلامها😳) باخد شجن اختي , سندس: شجن حترجع تعبانة من الجامعة , سوسن: انتي الخفة العليك شنو , سندس: م خفة بس عاوزة اطلع انا , سوسن: بنطلع برانا مالك تمشي زي العزول بينهم , سندس: ي سوسن انتي مالك , دا كلو وانا مستغربة من البت دي ( اي شكلها عايزة تشلبو الشلابة المؤفنة🌚💔💔) م رديت عليهم شبعتا وقمتا طلعت الجنينة بس فجأة اسمع ليك...

haboo🐼💜:
قصة_حب وغدر♥️
ل هبة ابوبكر
(12)
بس فجأة اسمع ليك لب في ضهري لمن اتشرقت , سامي: 😂😂😂 , همس: ساااااممممييي😡 الله لا كسبك والله م اخليك استنى علي , هو جاري وانا جارية ب وراهو لحد م وصل باب الشارع فتحو وطلع وانا عايزة اطلع بوراهو اطقشت ب زول قربت اقع كان دا ماذن عاينت ليهو كدا 😳 م م ماذن ا اتفضل اتفضل وجريت جوا لبست لي توب وجيت لقيت سامي قاعد معاهو عملت ليهو حركة ( نظام اصبر لي😒) , ماذن: ود خالتك دا ظريف , همس: جوا نفسي ( ظريف شنو الا كان بقا يتظارف معاك حسي😒) ااي ظريف😅 , سامي: مالك كنتي جارية في الشارع , همس: سامي لم نفسك😒 , ماذن دا الضحك عايز يشرطو , ماذن: احكي ي سامي م تشتغل بيها , همس: 🙂😒😒 ( قربت اقوم اديهو كف ثلاثي ابعاد يمشي من وشو لي وش سامي الزفت دا الله لا جاب باقيهم ) , سامي: ماف شي بس ضربتها وهي بقت جارية وراي , ماذن: 😂😂😂💔 , همس: م حسيت ب نفسي شلت المسند بتاع الكنبة وفنيت سامي في شو وقمت جارية , مشيت غرفتي وقفت ورا الباب بحاول اسمع شي😂 شلت التلفون اتصلت ع روان اشتقت ليها اتونست معاها نص ساعة سمعت امي بتناديني قفلت من روان ونزلت تحت بتسحب عشان سامي م يغدر بي ويفلقني بي حاجة يوقعني من السلم يجيب اجلي😂💔💔 جريت ع امي في غرفة ابوي وماذن كان معاهم , همس: نعم ي امي , عبدالرحمن: ي بتي خطيبك قال عايز يطلع معاك الليلة وانا موافق وحتاخدي شجن اختك , همس: حاضر , ماذن: يلا امشي اجهزي , نور: ي ولدي اطلع بعد العصر الجو بكون حلو ورايق , همس: اي لو ممكن , ماذن: خلاص م عندي مانع , انا وماذن طلعنا البلكونة بتاعت الصالة وبقينا نتونس ( في الونسة دي شوية يعني اخدت عليهو وتفكيره قريب من تفكيري حتى تصرفاته وعصبيته البتجي فجأة يعني حلة ولقت غطاها 😂👌) الوقت اخدنا العصر اذن استأذن يمشي يصلي قلت ليهو تمام انا كمان بمشي اصلي واجهز تكون شجن جات كمان , ماذن: همس , همس: نعم , ماذن: م حلوة نعم دي , همس: عيوناا , ماذن: حلوة😂 , همس: كنت عاوز تقول شنو , ماذن: لا خلاص امشي م حسي , همس: مااااذن بكره الحركة دي الا تقول حسي , ماذن: ي شافعة طيري خليني امشي اصلي , همس: انا شافعة 😒جاي خاطبني ليه , ماذن: اصلا ادبستا , همس: شوف زول يطلع معاك , ماذن: 😂😂 بهظر معاك تعالي يخ , همس: م جاية , في اللحظة دي جراني من يدي ووقفني قدامه عيونا بقت في عيون بعض ( احنا يجرنا كلب 😂💔💔) قال لي انا اسف م قدرت ارد عليهو نظراته خلتني ارتبك في اللحظة دي جات داخلة .....

(تتوقعو منووو😳🤔)

haboo🐼💜:
قصة_حب وغدر ♥️
ل هبة ابوبكر
(13)
جات داخلة سندس طوالي زحيت يدي من ماذن منظرنا كان بيش , سندس: اسفة لو ازعجتكم , ماذن: لالا اتفضلي , همس: (اتمنيت الارض تنشقا وتبلعني) لا م تقولي كدا اتفضلي , ماذن: يلا استأذن انا , سندس: ليه اقعد ولا الشيطانين لمن تجي الملايكة تمشي , همس: ماذن م قصده كدا بس عشان اتأخر ع الصلاة واحنا طالعين طوالي , ماذن: ايي , سندس: تمام , همس: معليش ي سندس بس انا كمان مضطرة اقوم اصلي واجهز , سندس: اوك براحتك , همس: 😊 , دخلت الغرفة وانا بنبذ وبلعن فيها غياظة خلاص🙂💔💔😂 شلت لي اسكيرت اسود وقميص زيتي ودخلت غيرت وسرحت شعري وعملت كحل وروج بس مشيت لي شجن لقيتها جهزت نزلنا تحت انتظرنا ماذن لحد م جا وطلعنا اول حاجة مشينا السينما حضرنا فيلم وبعدها اكلنا وحلينا ب ايسكريم شجن قالت نمشي نقعد في شارع النيل شوية ماذن قال تمام وودانا قعدنا عند ست شاي ظريفة بس انا شلت قهوتي واستأذنت منهم وقعدت اعاين للبحر ( برتاح نفسيا لمن اعاين للبحر كأني طفل تائه بفتش ع امه ولمن لقاها ارتاح ♥️) ماذن جا قعد جمبي قال لي بتحبي البحر , همس: بجنون 😭♥️ , ماذن: انا كمان بذكرني ب امي الله يرحمها , همس: الله يرحمها بس انت م حصل قلت لي انها ميته , ماذن: بحاول اكذب نفسي دايما واوهم نفسي انها عايشة م قادر اتقبل حقيقة انها مافي دي , همس: انا اسفة , ماذن: امي لمن ماتت كان عمري 18 سنة وابوي جاف وداني ل خالي يربيني وهو مشا اتزوج وعاش حياته بس خالي م احسن منه زيه ويمكن اكعب مريت بي حالة نفسية لمدة سنة انا جمدت السنة وحاولت انسى عشان اقدر اكمل حياتي واحقق حلم امي التحت التراب دي 😔 , صوته فيهو بحة وزي عايز يبكي وبحاول يمسك دموعو بس دموعو خزلتو اترددتا في الاول بس مسكت ايده وقلت ليهو انا امك واختك وبتك وحبيبتك , ضغط على يدي وقال: وحتكوني مرتي وام عيالي ي احلى هدية , همس: امسح دموعك يلا , ماذن اخد نفس عميق: حاضر , تلفون رنة وكان هو الرقم ذاته بس م رديت , ماذن: دا منو , همس: م عارفة , ماذن: طيب ردي , همس: لمن ارد ماف زول بيتكلم , ليهو كم يوم بتصل وبرسل رسايل م مفهومة , ماذن: ممكن اشوف , همس: اكيد , اديته التلفون وبدا يقرا في الرسايل ولمن شاف الرقم ارتبك كأنه بيعرفه م غريب عليهو , ماذن: عرفتي دا منو , همس: لسة , ماذن: امسحي الرسايل دي وامسحي الرقم وم تشغلي بالك , همس: تمام , شجن: يلا ي جماعة نرجع بعد دا , ماذن: نقعد شوية , همس: لو اتأخرنا ابوي م هيخلينا نطلع تاني , ماذن: طيب ارح , ماذن كان بسوق وباله بعيد مما شاف الرقم دا م كان ع بعضه وصلنا البيت قلت ليهو انزل قال لالا مرة تانية ومشا , فتح لينا الباب سامي , شجن: سااميي ازيك , سامي: تمام مالكم اتأخرتو , همس: انت مالك , سامي: همس اسكتي مني , همس: ابيت , شجن: خلاص اسكتو الناس نايمين , سامي: اصبري الصباح في , همس: امشي ي شافع وفكيت الجرية بس للحظة لقيت الشبشب في راسي واااي ي كلب والله م اخليك اصبر لي 😭💔 , سامي: 😂😂 تاني بتقولي شافع , همس: شافع حيوان كلب كمان ( الله يديني ود خالة عسل كدا 😂💔)

haboo🐼💜:
قصة_حب وغدر ♥️
ل هبة ابوبكر
(14)
دخلت غرفتي وانا مغيوظة من سامي الشافع داا غيرتا ملابسي ورقدت نمتااا صحيت بالليل سمعت كركبة في الصالة خفت شديد وقفت من فوق بقيت اعاين جات شجن وراي انا اتخلعت وصرخت بأعلى صوت بقول حرامي وانا م فاكرة دي شجن الحيوانة قطعت قلبي في ثواني البيت دا كلو قام بصرختي بسألو الحاصل شنو وشجن دي الضحك شارطها وحكيت ليهم الحصل حسيتهم حيطردوني برا البيت , سامي: حسي الشافع فينا منو , همس: سامي خليني في حالي انا م ناقصاك حمرت ليهو ولي شجن ودخلت الغرفة اذان الفجر اذن صليت وقريت قران حاولت انوم النوم حلف م يجيني قمت جهزت ملابس الجامعة وكويتها واتصلت ع سارة , همس: صباحو , سارة: همس انتي عيانة😳 , همس: ليه مالي , سارة: المصحيك بدري كدا شنو , همس: بحكي ليك لمن تجي , سارة: خلاص نص ساعة وبجيك ,( طبعا سارة ساكنة جمبنا بتجيني وبنمشي الجامعة مع بعض ) الساعة 6 جات والمحاضرة الساعة 8 نزلت تحت سويت الشاي وناديتهم طلعنا شربناهو في الحديقة وسارة جات شربت معانا , سارة: همستي احكي يلا , همس: ش... , شجن: انا كنت عطشانة نزلت شربت موية ولقيتها واقفة في السلم بتعاين دا منو البتحرك وهي اتخلعت وصرخت البيت كلو صحى والاحلى بتصرخ بتقول حرامي 😂💔, همس: انا الكنت هحكي قاطعتيني مالك😒 , سارة: واايي م بسألك وانا اقول البت مالا صاحية بدري كدا 😂😂 , همس: معفنات🙂😒💔 , سامي بحاكي فيني: معفنات😂 , همس: م انت قرد كيف م تحاكي😒 , سامي: ي حلو انت ي جميل , همس: خالتو عايني ولدك بعاكس فيني , سامي: هاا الشينة دي يعاكسو ليك شنو بالله😂 , خالتو فاطمة: انت بعدين جيب وحدة زيها , همس: وريهوو😂🔥 , سامي: مش عندك جامعة قومي فزي المقعدك شنو , سارة: خلاص انا حموت من الضحك 😂, شجن: طبيعي الاتنين ديل كدا , همس: استنى علي🙂👊 دخلت صينية الشاي المطبخ وسمعت سندس بتتكلم برضو بس المرة دي م دخلت ليها مشيت ( البت لصقة خلاص اصوو م عاورة تمشي لاهلها😒) غرفتي غيرت ملابسي وشلت مفتاح العربية والتلفون لقيت مكالمة فائتة من ماذن رجعت ليهو لقيت الخط مشغول ي ربي دا بتكلم مع منو بالصباح كدا دخلت ل شجن قلت ليها ارح لو خلصتي قالت خلصت نزلنا شجن وسارة ركبو العربية وانا مشيت سلمت ع ابوي وطلعت

haboo🐼💜:
قصة_الحب وغدر ♥️
ل هبة ابوبكر
(15)
شجن: بنات الليلة عندنا احتفال بالبرالمة الجداد تعالو احضروهو معانا , سارة: قدااام ي زولة اساسا عندنا محاضرتين وبنخلص بسرعة ونجي , همس: خلاص تمام بكلم باقي البنات وبكلم هاشم يجي كمان , شجن: هاشم دا م بطيقو يخ , سارة: حرام عليك مسكين , همس: اكتر زول مسكين في الدنيا دي وزول صاحب صحبو يعني , يلا انزلي م تننقي كتير , شجن: حيوانة دي 😒😂 , وصلنا الجامعة ودخلنا ع المحاضرة طوالي قعدنا في اخر بينش القدام كلهم ملانين 😒( تقول من شطارتهم يعني قاعدين قدام😒😂💔) لقيت نفسي م فاهمة اي شي من البقولو الدكتور دخلت الواتس قلت ارسل لي هاشم اكلمو لقيتو اون لاين , همس: هاشم , هاشم: احكي , همس: المفروض دي محاضرة دخل التلفون دا 😒 , هاشم: ي شافعة وانتي ماسكاهو ليه , همس: حيوان , هاشم: دايرة شنو , همس: اختي عندهم احتفال البرالمة تجي معانا , هاشم: لا م بقدر , همس: ليه , هاشم: م فاضي , همس: عشان خاطري , هاشم: همس معليش اعفيني م بقدر , همس: يعني انا م عندي خاطر عندك تمام يلا , قفلت تلفوني ورميتو جوا الشنطة , سارة: ي بت مالك بسم الله , همس: سارة اسكتي مني م ناقصاك , سارة: ماذن زعلك , همس: لا , هاشم , سارة: ماالو , همس: قال لي م ماشي , سارة: خلاص خليهو براحته , همس: اوف خلاص😭 , المحاضرة انتهت مشينا الكفتريا نملى التلاجة جعانين😂💔 , اية: عصافير بطني ميتة من الجوع , سمر: انا برضو والله , همس: روان وين , سمر: قالت تعبانة م بتقدر تجي , سارة: سلامتها مالاا , اية: انا شاكة انها حامل , همس: يحليلهاا , هاشم: همس تعالي , همس: م جاية , (سارة الحيوانة عفصتني في رجلي 😒😂) , هاشم: همممس😡 , همس: عن اذنكم ي بنات , اية: يعني الا يدوك العين الحمرا حتى تقومي ي مؤفنة 😹 , همس:👊 , هاشم: زعلتي , همس: لا , هاشم: من لاا دي زعلانة , همس: هاشم من الاخر قول العايز تقولو , هاشم: ماشي , همس: عبيط 😒 , هاشم: خلاص افردي وشك دا 😹 , همس: يلا ماشة افطر , هاشم: تمام لمن تطلعو اديني رنة , همس: اوك , سارة: قال شنو , همس: قال ماشي , اية: ماشين وين انتو , همس: سارة م كلمتكم , سمر: لالا , سارة: نسيت , سمر: انتي فاضية من الاكل 😒😂 , همس: ماشين جامعة ** في احتفال برالمة وكدا , اية: من زون استشارة ماشين ي زولة الفي شنو والمافي شنو ورح حسي دا😂 , سمر: ورح يلا تاكلو السم قومو😒😂 , طلعنا واتصلت ع هاشم ومشينا , واحنا داخلين شفت عربية ماذن قلت دا الجايبو شنووو عاينت كدا لقيت سوسن وسندس نازلين جا فب بالي الف سؤال ديل بعملو شنو قلت للبنات ادخلو , هاشم: ماشة وين انتي , همس: جاية بس دقايق , مشيت على عربية ماذن لمن شافوني اتخلعو , سوسن: ه ه همس , همس: شفتي جني مالك , سندس: هموسة كيفك , همس: تمام😒 , سوسن: شجن كلمتنا وم لقينا زول يجيبنا كلمنا ماذن , همس: وبتعرفو رقم ماذن من وين , سندس: م انا المرة الفاتت شل... في اللحظة دي سوسن قرصتها براحة عشان م الاحظ بس شفتهم , ماذن: همستي , همس: اهلاا يلا عن اذنكم , ماذن: همس استني , وانا كأني م سامعة ودخلت الجامعة اتصلت ع هاشم وراني هم قاعدين وين مشيت عليهم قعدت معاهم هاشم عاين لي كدا نظرة تساؤل كنتي وين بس م قادر يسألني ب وراي جو داخلين سوسن وسندس وزفت ماذن 😒

haboo🐼💜:
قصة_حب وغدر ♥️
ل هبة ابوبكر
(16)
هاشم: دا مش خطيبك , همس: ايوة , هاشم: ديل منو المعاهو , همس: وحدة بت خالتي والتانية صحبتها , هاشم: ايوااا , اسمها سندس ???! , همس: بتعرفها من وين 😳 , هاشم: دي اختي من امي لكن انا عايش مع ابوي ومرته وهي مشت مع امي من وهي صغيرة , همس: 😳😳 , هاشم: ي بت مالك مقلعة لي عيونك كدا , همس: م حكيت لي يعني , هاشم: م جات مناسبة وحسي جات المناسبة وعرفتي , همس: واي لكن 😳💔 , م بطيقها البت دي , هاشم: 😅 , جو قعدو معانا ناس ماذن بس اول م سندس شافت هاشم نططت عيونها , سندس: ه هاشم😳😭 , سوسن: بتعرفيهو , سندس: دا اخوي , سوسن: اخوككك ???!😳 , هاشم: عن اذنكم ي جماعة , سندس: استنى , هاشم: لو سمحتي 😊 , همس: (جريت ورا هاشم كان غضبان ع زعلان) هاشم مالك , هاشم: همس ارجعي اقعدي معاهم م فيني شي , وطلع بقيت واقفة مكاني بقول ي ربي في شنو بينهم لكن لازم اصلح الوضع جاني ماذن , ماذن: همس , همس: نعم , ماذن: بتعرفي هاشم من متين , همس: هاشم دا زميلي وصحبي من وحنا في الثانوي , ماذن: اهااا , تعالي نقعد في اي مكان غير محل الجوطة دا , همس: اوك يلا , قعدنا اتونسنا م خلينا شي وانتهى الاحتفال ورجعنا البيت كانت الساعة 4 صليت العصر ونمتااا م صحيت الا الساعة 9 صليت المغرب والعشاء سوا ونزلت اتعشيت ودخلت الواتس اتكلمت مع البنات شوية وقلت ارسل لي هاشم لكن لقيت لخر ظهور من لما اتكلمت معاهو الصباح ي ربي حاصل عليهو شنو اتصلت عليهو رد لي واحد قال لي هاشم دا ضربته عربية وحصل ليهو كسور وحسي في العناية المكثفة وراني المستشفى ولبست عباية واخدت شجن معاي ومشينا ليهو بسرعة وحنستهم عشان يدخلوني وافقو بعد تعب

haboo🐼💜:
وافقو بعد تعب دخلت وقفت بعيد بعاين ليهو وشه لافينه بي شاش ويده مجبصنها ليهو وشكلو يحزن والله دموعي خزلتني ونزلت مشيت وقفت جنب راسه بقول ليهو هاشم قوم مش انا صحبتك انا همس ي هاشم قوم انت كويس م فيك شي فجاة الجهاز صفر طلعوني برا ودخلو مجموعة من الدكاترة وانا ببكي اتصلت علي سارة كلمتها وم تمت نص ساعة لقيت البنات واقفين معاي واهلو جو وجات سندس وامها اللي هي امه كمان والصدمة الاكبر كان معاهم صاحب ابوي داككك 😳 دا بيعمل شنو هنا حاولت م اركز معاهو عشان م يعرفني قمت من مكان م قاعد بعد شوية طلع الدكتور قال ....

يتبع....

haboo🐼💜:
قصة_حب وغدر ♥️
ل هبة ابوبكر
(17)
طلع الدكتور قال المريض فاق تقدرو تدخلو تشوفوهو فرحت شديد واهلو والبنات دخلو ليهو استنيت لحد م طلعو كلهم ودخلت , هاشم: همس , همس: خليك راقد م تقوم , هاشم: اتفضلي , همس: يزيد فضلك , هاشم: الدموع ل شنو انا كويس , همس: الحمدلله , هاشم: كنت حاسس انك جمبي وبتقولي لي قوم , همس: ( اتفقعت بكا) ا ا اي , هاشم: خلاص اسكتي حسي يقولو الولد مات 😂 , همس: حيوان 😂😭😂😭💔 , هاشم: عبيطة , همس: بعد كدا انا استأذن الوقت اتأخر وبكرة بنجيك تاني بس ممكن اسألك , هاشم: اتفضلي , همس: الراجل المع امك دا منو , هاشم: راجل امي🙂💔 , همس: اا اسفة , يلا تصبح ع خير , هاشم: وانتي من اهلو , طلعنا وانا الدنيا دي بقت تلف بي وصلنا البيت دخلت سلمت ع ابوي وامي وطلعتا غرفتي نادوني للعشا لكن نفسي كانت مسدودة قلت ليهم م عايزة بقيت اقول ي ربي سندس عارفة الحاصل بين راجل امها وابوي في الاخر استسلمتا ونمت😴💔

صباح الاتنين بتاريخ 13/8 ذكرى موت ود عمي ايمن لبست قميص اسود واسكيرت اسود وطرحة كبدية وطلعت الصباح مشيت شلت الفاتحة لايمن 😭💔 قعدت احكي ليهو الحصل معاي من بعد م مشا وخلاني بكيت وفضيت كل الجواي ومشيت المستشفى اخدت علبة حلاوة ل هاشم سلمت عليهو وطلعتا ع الجامعة سلمت ع البنات لكن م دخلت ولا محاضرة , سارة: همس😕 , همس: ايوة , سارة: ذكرى ايمن , همس (بصوت مكسور): اي💔 , سمر: الله يرحمه , همس: امين , اية: انا عازماكم في شيكانو بس اي وحدة تدفع براها😂 , همس:😂💔 , سارة: اي كدا اضهكي يخ😂 , طلعنا ع المطعم طقينا😂 ومشينا شارع النيل م خلينا زول م شاغلناهو 😂😂🙈😉 , قعدت اوتسب مع ماذن , ماذن: همس , همس: عيونا , ماذن: بحبك , همس: (م عرفت ارد ليهو) , ماذن: ااالو , همس: ايوة معاك , ماذن: قلت بحبك , همس: امم سمعتها 🙈 , ماذن: حبيبي خجلان ♥️ , همس: يلا برجع ليك بعدين , قفلت منه وانا عاوزة اطير من الفرح نساني كل شي 🙈😂♥️ , سارة: اخيرا قالها قال احبك قالها , سمر: وانا قلبي قلبي قلبي نبضه توقف بعدها 😉🔥💃♥️ , همس: ي بنات بطلو قلة ادب يلا ارح البيت🙈😂 , اية: المفروض تعزمينا بالمناسبة دي😂 , همس: الترابة في خشمك مفلسة 🌚🤚💔 , اية: يعزمنا ماذن وين المشكلة 😂🏃‍♀ , همس: امشي ي عفنة مااف ليكم بس تقعدو كدا 😂💔, وصلت البنات ورجعت البيت مبسوطة وانا بغني , امي: عساك دايما مبسوطة ي بتي , همس: امين , امي: يلا م حتقولي لي المفرحك كدا شنو , شجن: الحب ي امي , همس: اديتها حلات قرصة لمن صرخت 😒😳 , امي: ربنا يديم المحبة ♥️ , همس: امين , ابوي ورغد وين , امي: طلعو البقالة حسي , همس: ااا

haboo🐼💜:
في جهة اخرى /
: ي ولد اسمع الكلام
ماذن: ي خالي البت دي انا م بريدها ومستحيل اتزوجها
: يعني الخطبتها ديك بتريدها
ماذن: همس غير كل البنات ي خالي م بخليها ( اللهم ماذن اللهم الثبات😂)
: وبت مرتي دي مالاا سمحة ومؤدبة والحب بجي بعد الزواج
ماذن: ي خالي عليك الله اقفل الموضوع دا
: لو م سمعت كلامي بتشوف الحيحصل
ماذن: خالي لو همس حصل ليها شي صدقني البلد دي م بتلمنا احنا الاتنين
**: انت بتهددني ي ولد
ماذن: م بهددك بس بوريك الحيحصل

haboo🐼💜:
قصة_حب وغدر ♥️
ل هبة ابوبكر
(18)
مرت الايام وكل يوم بكون زي القبله هشام طلع من المستشفى ورجع يداوم عادي وروان طلعت حامل فعلا وعلاقتي انا وماذن بقت قوية وكلها حب بس م بتخلو من المشاكل والمشاكل دي هي ملح العلاقات ♥️✨ وامتحانات الفاينل باقي عليها اسبوع البنات جوني في البيت وكنا بنقرا مع بعض وروان جمدت السنة امتحنا كويس في فترة الاجازة علاقتنا انا وماذن اتوترت م بقا يسأل مني الا مرة في الاسبوع ولمن ازعل يقول لي مشغول شكيت انه في وحدة في حياته ومن ناحية تانية انا وهاشم علاقتنا سمنة ع عسل بس كان دايما بطريقة م ظاهرة بحذرني من ماذن وانا م كنت ماخدة بالي كنت بقول عشان صحبي دي غيرة منه بس الكان قاصده غير كدااا في يوم وصلتني رسالة من الرقم داك متذكرنه كاتب ي حلوة اكيد حسي ماذن م شغال بيك وشوية وكل واحد يمشي في طريق وقريبا حتعرفي انا منو انا خلاص قربت اجن دا منو وعارف كمان توتر علاقتنا انا وماذن اتصلت بي سمر وحكيت ليها قالت لي انا شاكة انها سندس قلت ليها انا برضو لكن لا قالت لي ربنا يبعد الشر وقفلنا ع كدا في يوم خميس طبيعي ناس خالتي فاطمة ام سوسن بكونو معانا في البيت لكن اليوم دا سوسن م جات سالت خالتي قالت لي عندها خطوبة صحبتها قلت ليها صحبتها منو قالت لي سندس البت الكريهة دي قلت انا ذاتي بكرها طلعت اتكلمت مع هاشم قال لي خطوبة سندس تعالي قلت ليهو خطبها منو قال لي ود اخت راجل امي قلت ليهو تمام بكلم ناس البيت وبجي وصف لي البيت وقفلت منه طبعا الشمار حرقني لبستا وكلمت شجن وسارة وطلعنا وصلنا البيت كان عبارة عن ڤيلاا فخمة بتدل ع انه سيدها مرتاح شديد دخلنا ضيفونا والبيت اتملى بالمعازيم سندس طلعت وامها وخالاتها بدو يزغرتو وهاشم في اللحظة دي جا لكن تعابير وشو م مطمنة

(تتوقعو دا منو الهيخطبها )😳🤔

haboo🐼💜:
قصة_حب وغدر♥️
ل هبة ابوبكر
(19)
هاشم جا سلم علينا وقعد بعيد لكن وانا مسكت تلفوني بس لحظة م قالو الولد وصل رفعت راسي الاااقي ماذن قلت م استعجل يمكن معزوم بس لااا عاين لي وعيونه جواها كلام كتير وقعد في الكرسي جمبها ولبسها الدبلة وانا بس كأني تمثال م بقيت قادرة ارمش ولا اتحرك ولا انطق البيحصل قدامي دا حقيقي والبنات بنادو فيني واصواتهم بقت لي بعيدة م صحيت الا وانا في المستشفى امي كانت بتقرا قران لمن صحيت قلت حصل شنو وانا وين امي بكت والبنات وابوي وخالتي دخلو سلمو علي واكتشفت اني دخلت غيبوبة شهر الصدمة م كانت سهلة بالنسبة لي قلت ليهم ماذن غدر بي وخطب الحيوانة صحبت بتك ي خالتي 😭 خالتي قالت لي كل واحد بياخد الشبهو ي بتي ماذن دا م كان ليك وم حينفعك لكن ي خالتي انا حبيته وهو كمان قال انه بحبني ليه يعمل فيني كدا انا عملت ليهو شنو امي قالت لي حرام عليك م توجعيني ع وجعي مش كفاية ابوك قلت ابوي حاصل عليهو شنو اتكلمو كلهم بقو يعاينو لي بعض رغد قالت لي باب عيان شديد وراقد في الاوضة الجمبك دي لبست شبشبي وجريت عليهو بقيت ابكي وراقدة في حضنه قال لي ي بتي م بيستاهلك بكرة يجيك اليسعدك ويبيع الدنيا كلها عشانك بس ي ابوي قال لي م تقولي شي ريحي نفسك ي بتي سكت وبقيت بتذكر كلامه وحركاته وكل حاجة عملناها مع بعض لحد اولادنا سميناهم وانا سرحانة غنيت ( رسمنا احلامنا وسمينا اولادنا اخترنا ليهم بيتنا وحددنا حاجاتنا لكنه فجأة رحل لكنه فجأة رحللل من غير م يكلمني😭 😭💔) والدموع ملت جلابية ابوي السمحة طلعت بي سفنجتي لبست طرحة وبقيت جارية وم عارفة انا ماشة وين لاقاني هاشم رجعني الغرفة وقعد معاي قال لي انا حذرتك منه وانا بعتذر نيابة عن العملتو اختي 😔💔بس الحصل دا كلو بسبب.. سكت وطلع م قدر يكمل كلامه بس اخدني الفضول واستأذن وطلع

haboo🐼💜:
قصة_حب وغدر ♥️
ل هبة ابوبكر
(20)
الاخيرة 💔✨

شلت تلفوني قلت اكيد حتكون جاتني رسالة من الرقم داك وفعلا شكي كان صحيح قال لي انا عمر صاحب ابوك والما بتعرفيهو انا خال ماذن وسندس دي بت مرتي وكذبت ع ماذن وقلت ليهو كلام م فيك وانتي عارفة لمن الشك يدخل قلب الراجل بحصل شنو وم اتردد سمع كلامي وخطب سندس وكدا انا كسرت قلبك وقلب ابوك واخدت حقي رميت التلفون وبقيت اصرخ ادوني حقنة مهدئة ودخلت في دوامة نفسيات واكتئاب بس كان البنات م قصرو وقفو معاي م خلوني لحظة وهاشم كمان ومرت الايام ونسيت ماذن بس م نسيته م عارفة كيف م تسألوني دا بكون حال البيحب بالجد💔 وبقيت كويسة وفتحت الجامعة ونزلنا السنة التالتة وروان طبعا ولدت جابت بت سمتها همس 😌🤚♥️ وفي يوم سمعت خالتي وامي بتكلمو خالتي بتقول لامي سوسن قالت لي صحبتها الاتخطبت لي ماذن فركشو وماذن اكتشف حاجة بس م عارفة شنو واتناقش مع خالو قال ليهو م عافي ليك ضيعت حب حياتي وشال ملابسو وطلع م معروف مشا وين بس انا م اتأثرت ولا حزنت عليهو لانه لو كان بيحبني كان حا اتاگد بنفسه مش يسمع كلام فيني وبكدا يقطع علاقته بي طلعت غرفتي وكتبت في منشور في الفيس

الحب ينتهي بإرادتنا...لا الموت ينهيه...ولا الغياب...ولا الوجع...ولا الالم...ولا السنين..ولا حتى ارذل العمر~♥️✨ م زلت احبك ي غائبي ونزلت كمان منشور تاني

"تظن أن لا أحد يحبك في العالم، وهُناك من يناجي الله من أجلك كُل ليلة دون ملل."💜 بعد م نزلت المنشور دا في واحد جاني في الخاص قال لي كنت قريب منك وبريدك بس م حسيتي بي رغم الكنت بعملو واتخطبتي وكنت بحاول اتمالك اعصابي واسيطر ع غيرتي ولمن عرفت انك فركشتي الخطوبة م انكر اني فرحت بس م قدرت اخطو خطوة واحد واعترف ليك عشان حبي ليك من كتر الغيرة والحزن اندفن بس اوعدك انك حتكوني لي , اسمو كان غريب بس عرفت دا منو

ومرت الايام وسمر اتخطبت لي اخوي الفي قطر دااكك😂♥️ واية اتكلمو فيها وهتتخطب قريب الا انا وسارة لسة بايرات بحجة بدري عايزين نقرا ✌️😂💔
( اجتهدو وبراگم حتعرفو الرسل لي في الفيس منو 😴)

#الحمدُلله!_الذي لم يَجعل لنا نَصيب في أشياء
كُنا نَحسبُها خيراً لنا."

وبگدا انتهت روايتنا وبتمنى تكون عجبتگم نتلاقى في رواية تانية دمتم سالمين🌚♥️✨

#ماتخبئة_لنا_الأيام

بقلم: عبير الطاهر
من متابعي القناة و ياريت تدوها رايكم بعد تخلص 😊❤️

متابعة ممتعه ✨

#ماتخبئة_لنا_الأيام ✨

#Abeer_Eltaher ♥️

(1)..

نظرت بإتجاه النافذة ، تظاهرت بأنها منشغلة بالنظر للسيارات وحركة المرور ، عم الصمت للحظات ، كانت تشعر بالمرارة لم تعرف ماتقوله له او بماذا ترد ، كانت يدها باردة تشعر بثقل في قلبها، لم تتوقع انه بعد عامين من قصة حبهما هو الآن يطلب منها الإنفصال عنه بكل بساطة ، هل كان يتلاعب بها ،! لا لاتظن ذلك لطالما شعرت بأن حبه صادق وانه يبادلها المشاعر ، انها آخر سنة لهما في الكلية فبدل ان يتقدم لخطبتها كما كانت تتوقع فاجأها وطلب منها الإنفصال!!! تظاهرت بالبرود ، إلتفتت اليه اخيراً لتجده ينظر في الفراغ ..
_ هكذا بكل بساطة
_ أنا أسف يا مروة لايمكنني ان اخبرك بأسبابي الآن ولكن...
وقبل ان يكمل جملته نهضت مروة من الطاولة وحملت حقيبتها وهاتفها وهمت بالمغادرة ، بحركة خاطفة امسك راشد بيدها ..
_ مروة لاتسيىء الظن بي اريدك ان تتفهمي على الأقل وبخيني إسأليني من السبب اسمعي تبريري لكن لاتتركيني هكذا
بحركة سريعة وقاسية افلتت مروة يدها وشعرت بالغضب
_ تريدني ان اسمعك وان تطلب مني الإنفصال!! هل تظن انه يحق لك ان تمسك بيدي ، انتهى الأمر يا راشد انت من طلب ذلك ولست انا لايهم مايقال بعد الآن.
وغادرت مسرعة تاركة راشد منتكس الرأس ولم تنظر خلفها ابداً .
.....
_ ماما
التفتت مروة لإبنتها الصغيرة بعد ان سرحت بأفكارها وتزكرت الماضي
_ نعم ياحبيبتي
_ اني اناديك منذ وقت طويل وانتي لم تسمعينني ، قالتها الصغيرة بنبرة عتاب
_ أسفة ياصغيرتي لقد سرحت بأفكاري قليلاً ولم اسمعك
_ الن نذهب للتسوق كما اخبرتني
_ اااه صحيح تزكرت هيا بنا
مرت السنوات بسرعة ، لم تنظر مروة للوراء ولو مرة اكملت حياتها، فمنذ ذلك اليوم وذلك اللقاء الأخير لم تسمع مروة شيئاً عن راشد، بعد ان تخرجت تزوجت وانجبت طفلتها نغم صغيرتها المدللة التي تحبها كثيراً.
....

_ لقد اشترينا الكثير من الأشياء ماما
ضحكت مروة مع ابنتها ذات الخمس سنوات وهي تركض هنا وهناك
_ لاتبتعدي عني كثيراً يانغم كوني قريبة
_ لاتخافي ياماما فأنا سأسير امامك واحميك ، ركضت نغم الى الأمام وامها تناديها وفجأة اصدمت بشخص يسير على الطريق ووقعت على الأرض وصارت تبكي، ركضت مروة نحو ابنتها بسرعة وهي تنظر إليها من بعيد ، عندما اقتربت كان الرجل قد اعتزر من الصغيرة وقام برفعها من الأرض وصار يبتسم في وجهها حتى توقفت عن البكاء ، للوهلة الأولى لم تتعرف مروة عليه ولكن عندما اقتربت تبينت ملامحه وتعرفت عليه ، نظر إليها الرجل بذهول لايقل عن ذهولها ، بحركة سريعة وخاطفة اخذت مروة نغم من يدها وسارت مسرعة وتركت الرجل واقفاً مكانه وينظر بإتجاههما ، لم تلتفت كانت تعرف من هو تعرف هذه الملامح وهذا الوجه ، إنه راشد !!! يظهر الآن في وجهها بعد خمس اعوام من لقائهما الأخير ، لم يتغير البتة برغم كل هذه السنين مازالت ملامحه كما هي ، لماذا يظهر لها في هذا الوقت !!

#ماتخبئة_لنا_الأيام ✨

#Abeer_Eltaher ♥️

(2)

دخلت مروة لغرفتها ورمت نفسها على السرير ، اغمضت عينيها لوهلة محاولة تزكر ملامحه لم يبدو عليه انه تغير ، ولكن تقابلت اعينهما بعد كل هذه السنوات ، لم تفهم نوع نظراته ولم تلقي عليه التحية حتى ، ارتبكت ولم تدري ماذا تفعل ، في هذه الثواني البسيطة تزكرت كيف تركها من دون سبب كيف انها لم تنسه ولكن حاولت اقناع نفسها بذلك.
بعد ان انفصلا لم يتقابلا ولو لمرة كانت تتجنب الأماكن التي من المحتمل ان يتقابلا فيها وبعد ان تخرجت سمعت بأنه سافر خارج البلاد بهذا قطع لها اي امل بعودتهما معاً، لم تجد اي عمل بعد التخرج ولم ترغب به ، تركها راشد محطمة وحيدة ومكسورة القلب شعرت انها تاهت وانقلبت حياتها العاطفية رأساً على عقب،، حاولت بمرور الأيام ان تنساه ولكنها لم تستطع الا ان جاء ذلك اليوم الذي تقدم لخطبتها خالد!!أحد معارف والدها، لم تجد سبباً لترفض لاسيما وانها لم تعد تنتظر راشد بعد اليوم وكانت تحتاج لمن ينسيها قصة حبها الفاشلة كما كانت تسميها ، وافقت مروة على الزواج من خالد وتدريجياً بدأت لاتزكر راشد وانشغلت بحياتها الجديدة ، تم الزواج بصورة روتينيه وبسرعة فجأة وجدت نفسها متزوجة من شخص غير راشد، ولكن خالد كان شاباً رائعاً خلوقاً وطيب القلب كان يهتم بها ويحبها كثيراً اما هي فوجدت نفسها تحبه بطريقة او بأخرى ، وبعد فترة اصبحت حاملاً منه وانجبت نغم لتكمل لهم دائرة السعادة التي رسموها ، استقرت حياتها لم تعد تزكر راشد ابداً فلديها اسرة تحبها وتهمتم لأمرها الآن، إلا ان ذلك لم يدم طويلاً جاء القدر يحمل فاجعته لمروة على غير سابقة ، بعد عام من ولادة نغم توفي خالد في حادث سيارة فجأة!! شعرت مروة ان ماتبنيه قد تهدم في لحظة واحدة ،انهارت واحترقت من الألم فقدت زوجها ووالد ابنتها ، الا انها نهضت من جديد من اجل صغيرتها واجهت الحياة بكل مصاعبها وقامت بدور الأم والأب ، عادت لتعيش مع والديها في منزلها القديم ، كانت مروة سعيدة برؤية ابنتها تكبر امامها وبسعادة والديها بحفيدتهما الصغيرة اكملت حياتها بطريقة او بأخرى ، علمت ان هذه الحياة ما هي الا حرب ان قاومتها ستعيش وان استسلمت لها سوف تحطمها وتقوم بالدهس عليها.
.......
فتحت مروة عيناها ونهضت بتثاقل ، مسحت تلك الدموع التي تساقطت من عينيها ، فتحت نغم الباب لتدخل على والدتها وتعانقها وتجلس بقربها
_ ماما ارأيتي ذلك الرجل لقد امسك بيدي عندما وقعت واعطاني قطعة حلوة انه طيب، إبتسمت الصغيرة في براءة وهي تحكي لأمها
إبتسمت مروة بدورها لطالما كان لراشد جازبية ملحوظة حتى عند الأطفال وهاهي هذه الجاذبية تعاود الحضور اليها هي بعد كل هذه السنوات، ابتسمت في استخفاف وحملت ابنتها
_ هيا ياصغيرتي توقفي عن الكلام يجب ان نساعد امي في تحضير الغداء هيا
_ يييي انا جائعة هيا
اقنعت مروة نفسها ان هذه مجرد صدفة لايجب ان تعيد لها ماحصل في الماضي مع نفسها او مع قلبها، ولكن للقدر رأي آخر دائماً غير مانظنه.
......

اخذت مروة مايلزم من الأشياء لوالدتها من المتجر ، كانت الساعة تقارب الثانية عشرة ، تركت نغم في المنزل واتت لوحدها .
وهي تخرج من المتجر بإتجاه المنزل لمحته مرة اخرى يقف في نهاية الطريق وينظر إليها شعرت بأن نبضات قلبها تتزايد انه راشد ، حاولت ان تتجاهله وتمر من امامه وكأنها لاتعرفه ولكن هو لم يترك لها فرصة حطم حاجز كل تلك السنوات ونادى عليها..
_ مروة
_ اهلا كيف لي ان اخدمك
_ مروة انا راشد الم تعرفيني!؟سألها
بالطبع عرفته ولكن تظاهرت بالعكس نظرت إليه كان يفوقها طولاً كالعادة مايزال يحمل جازبيته الخاصة كما كان، كان يرتدي بذلة مع نظارات شمسية خلع النظارات وبدأ ينظر إليها لم يكن يفصل بينهما غير امتار قليلة
_ كنت آتي الى هنا كل يوم على أمل ان اصادفك وألتقيك واليوم حالفني الحظ بذلك.
_ راشد ماذا تريد مني ،حاولت ان تتجاهل ماقاله
_ اريد ان تشربي معي كوب قهوة
_ لايمكنني انا على عجلة من امري
_ لن آخذ كثيراً من وقتك انا اعدك ، قال ملحاً فلم تجد غير ان تعرف ماذا يريد، فوافقت على الذهاب معه.