امل : حتى انا والله
لما : تلفونك بضرب
امل : خلي عليك الله اها قفلتو
-- حسان صح
-- ايوه
-- انتي ما عايزاهو
-- ...
-- امل الزواج ما لعب اذا ما عايزاهو اتكلمي احسن مما تندمي بعدين حيث لا ينفع الندم
-- ما بقدر ما مشكله شويه شويه بتقبلو
-- طيب ما حأضغط عليك بس فكري كويس قبل ما تاخدي قرار تندمي عليهو طول عمرك
" مرات بنتخذ قرارات ما حأقول بنندم عليها.. بطريقه اوضح احساس الذنب والخوف بفضل ملازمنا في كل خطوة بنخطيها اتجاه القرار دا وحتى لو كانت الخطوة ممكن تنقذنا من دوامة الندم العايشين فيها "
.............

نور وحلا رجعو البيت قبل المغرب بشويه واي وحده رحعت منتهيه من تعب القرايه ورقدو نامو نور صحت الساعه 9 بصوت تلفونها فتحت دموعها عاينت لتلفونها وهي بتتثأب شافت الاسم "Mom" صرت وشها وردت
نور : خير
هندا : انتي اصلا ما عندك ذوق في الكلام ولا معاي انا بس
-- عاوزه شنو
-- نور انا امك اتكلمي معاي بطريقه احسن
-- عاوزاني اقول ليك اميي حبيبتيي مشتاقه ليك يا امي الما بتسألي عني ولا جايبه لي خبر
-- انا كل يوم بتصل عليك لكن انتي ما عايزه تردي
-- امي حتقولي عاوزه شنو ولا اقفل؟
-- انا بكرا جايه لو عندك مشوار ولا حاجه اجليها
-- ان شاء الله
-- طيب حبيبتي يلا تصبحي على خير
-- وانتي بخير

بعد قفلت فتحت الواتس وكتبت في الحاله...
..................

قيس رجع البيت الساعه 11 لقا ناس البيت نايمين دخل غرفتو ولقا وضاح بتكلم بالتلفون اول ما دخل قيس قفلت الخط ..

قيس دخل شال ملابس من الدولاب مشا استحمى ورجع رقد وطلع تلفونو فتح الواتس ردا على رسايلو وفتح الحالات اثناء ما بشوف في الاستوريهات ظهرت ليهو " أكان خطأي حين خرجت للدنيا ام ان الدنيا مخطئه لأنها لم تخرجني بعد🙂؟" جذبتو الحاله شاف الاسم Noor
قيس : نور؟؟ مابعرف وحده بالاسم دا الجابها تلفوني شنو؟
رسل ليها : منو؟
نور : جنيتي يابت
-- عفوا؟
-- عاوزه تعملي مقلب صح بس ما انا البعملو فيني مقلب
-- يا بت الناس انتي منو وعايزه منو
-- غفران يا حيوانه ما تلعبي معاي😒
وطق قيس اتذكر لما غفران سألتو من تلفونو
-- انتي صحبة غفران؟
-- وانت منو؟
-- انا اخوها
-- اهاا اسفه افتكرتها بتمقلب فيني
-- عادي م مشكله انتي ام لسان طويل صح؟
-- نعم؟
-- قبيل لما جينا بتشاكلي ساي انتي
-- اهاا ما قصدي
-- عادي لكن شكلم بتعرفي وضاح
-- ايوه معرفه قديمه
-- اهاا تمام


*"وتحدث الصدف الاثر العميق الذي لا يزول الا بزوال الذاكره❤️"*
............

تاني يوم 7صباحا في المستشفى كلهم منتظرين الدكتور يبشرهم جاسر كان ماشي وجاي وبفرك في يدينو منير كان قاعد ورافع راسو وبدعي فادي كان قاعد شابك يدينو وخاتيهم قدام قدم وشو مغمض عيونو وبحرك في رجلو بسرعه شديده صباح كانت دموعها نازله وبتدعي وبتستغفر وتدعي لما وامل كانو قاعدين جمبها وبهدو فيها منتصر ومحمد كانو بتكلمو مع الدكتور قبل ما يدخل
الدكتور دخل وبعد ربع ساعه جا طالع وكالعاده فادي قام طوالي
الدكتور كان بعاين ليهو وبعاين ورا لي باقي الناس

--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《06》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الدكتور وهو مبتسم: حمدلله على السلامه بتكم استجابت للعلاج وفتحت بتقدرو تدخلو تشوفوها
الفرحه الدخلت فيهم كانت باينه في وشوشهم وعيونهم فادي سجد على الارض ودخلو عليها .. صباح جرت عليها وحضنتها وبقت تبوسها في راسها وهي بتبكي
صباح : بتي قامت يا جماعه بتي قامت الف الحمدلله يارب الحمدلله
كلهم كانو مبسوطين وبحمدو فيها
جاسر مشا عليها باسا في راسها : حمدلله على السلامه حبيبتي ما تشوفي شر تاني يارب
علا : الله يسلمك
امل : علا حبيبتي ما بتصدقي كيف خوفتينا عليك
منير : يا جماعه خلوني اسلم على بتي
كلهم ضحكو ووسعو ليها منير اتجه عليها ضماها وباسها في راسها
منير :الف حمدلله على السلامه
علا : الله يسلمك بابا
محمد : بت عمي البطله حمدلله ع السلامه
علا : الله يسلمك
جاسر بهمس: لما وين فادي ما شفتيهو؟
لما : مها قالت مشا يصلي ركعتين شكر
الدكتور جا داخل
منير : دكتور متين بتطلع
الدكتور :ممكن تطلع هسي بس في اجراءات لازم تعملوها
جاسر : طيب يلا نخلصها

..................
نور : الو
قيس : مرحب
نور : ممكن اتكلم مع غفران؟
قيس : طيب دقايق
غفران : اهلين نور كيفك
نور : كويسه الحمدلله انتي كيف
غفران : الحمدلله تمام
نور : اسمعي فاضيه الليله
غفران : ايوه ليه؟
نور : طيب رائك شنو نطلع ونرفه شويه
غفران :نطلع؟
نور : ايوه نطلع من جو القرايه شويه
غفران : اممم طيب بس ما نتأخر
نور : لالا ما بنتأخر ساعتين تلاته بالكتير
غفران : تمام
نور : بمر عليك الساعه 9 خليك جاهزه
غفران : طيب ان شاء الله

حلا : مش على اساس امك جايه تشوفك
نور : حتفتح معاي موضوع الرجعه معاها تاني وانا ما ناقصه
حلا : اممم طيب
نور : يلا قومي البسي
-- نوو ما ماشه
-- حلا ما عاوزه معاك اي عواره قومي اتزفتي البسي
-- والله ما نفسي اطلع وعاوزه احاول اخلص جزء كبير من الفيزياء الليله
-- غفران قالت ليك ما تركزي على الفيزياء عشانها اقري باقي المواد
-- احسن لي اخلص الماده كلها وامشي للبعديها
-- اوكي براحتك
-- خلي لي فونك😁
-- يا شيخه
-- بلييز ياخ امس ما اتكلمته مع محمد
-- خلي محمد هسي وركزي على قرايتك
-- لا يااخ خليتك انتي المقطعه الكتب كلها
-- عايني انا ما فاضيه للكلام الكتير خلاص بخليهو ليك
حلا نطت فيها وهي مبسوطه : يس احبك انا
-- وانتي ما ناويه تصلحي تلفونك دا
-- ماما قالت الا بعد الامتحانات😢💔
-- الله يستر على تلفوني لسه ما فقدتو ..هي طلعت المستشفى صح؟
-- ايوه
-- طيب انا حألبس واطلع
نور لبست بنطلون جنز ازرق فااتح(لبني) معاهو تشيرت اسود لبست عبايتها المفتوحه عملت شعرها زيل حصان وطلعت خصلها والطرحه في الكتف وطلعت
نور : عمو اشرف انا الحأسوق العربيه الليله
اشرف : نهله موصياني ما اخليكم تسوقوها براكم
نور : اووف طيب يلا على بيت غفران
اشرف : غفران؟
نور : الاخدتنا عليهو امس
اشرف دور العربيه واتجهو على بيت غفران ..
.................

صباح :نورتي البيت يا بتي يلا يا بنات سوقوها على غرفتها
وجدان: حمدلله على سلامتها ياخ

صباح : الله يسلمك
منير : اسمعو بكرا بضبح لي خروفين لازم نعمل كرامه اعزموا اي زول بتعرفوهو
صباح : انا زول ما جاني في المستشفى لي بتي ما بعزمو
منير : بدينا
محمد : انا علي الخروفين
منتصر : وانا بجيب الضباح
محمد: انا بفكر تعملوها الاسبوع الجاي لأنو علا محتاجه راحه في الوقت دا
صباح :خلاص تمام الاسبوع الجاي

جاسر كان واقف مع فادي
جاسر : عاوز تشوفها
فادي بخجل : اكيد لو بتسمح لي
جاسر : طيب تعال
جاسر مشا مع فادي غرفة علا لقا البنات قاعدين طلعهم وبقو هو وفادي وعلا
فادي : الحمدلله على سلامتك
علا عيونها دمعو وقبل على الجهه التانيه : الله يسلمك
فادي : مالك بتبكي؟
علا : ماف شي
فادي : ما حأضغط عليك هسي ارتاحي "وقام"
علا : فادي
فادي : نعم
علا ودموعها في عيونها : ما تمشي
جاسر وهو بضحك: ماف اي احترام لي يعني
علا ابتسمت بخجل بعد اتذكرت انو اخوها موجود
فادي : بتصل عليك بعدين
فادي استأذن وطلع وجاسر طلع معاهو والبنات دخلو لي علا
امل : علا انتي اخوك عارف ؟😳
علا : ايوه كلمتو
ريان عاينت لي لما: لما اعملي حسابك انا بديت اخت عيني على جاسر دا🥺💙💙
لما : ختي ساي ولا حيشتغل بيك اصلا😌
امل : ثقه😂😂
لما : جاسر واثق من اختو وكان عارف انو فادي عاوز يجيها في البيت لكن هي رفضت وقالت الا بعد تتخرج
ريان : ما تبدلينا بالقاعد معانا دا
امل : هييي وتاني هي محمد مالو راجل وسيد الرجال
علا : صدقتي لكن ريان دي ما يملى عينا الا التراب
ريان: محمد عصبي ماتنكري
امل : برضو راجل وسيد الرجال
ريان وهي بتحاكي فيها : انننن قال برضو سيد وسيد الرجال
كلهم قعدو يضحكو
لما : طيب احنا حنطلع ونخليكي ترتاحي
البنات طلعو وعلا انكمشت في سريرها وهي بتتذكر تفاصيل اليوم الحصل ليها فيهو الحادث وبتبكي

امل : الو
حسان : انتي وين ؟
-- في بيت عمي
-- منير؟
-- طيب حلو انا برا جمب البيت تعالي؟
-- نعم؟؟؟
-- جيت اقول ليهم حمدلله ع السلامه وهسي طلعته تعالي
-- جايه
امل لبست عبايتها وطلعت لقت حسان في العربيه وماسك سيجارتو فتح ليها باب العربيه
حسان : اركبي
امل : نعم؟ لا اسفه ما بركب مع واحد غريب
حسان : غريب شنو انتي هبله انا حأتزوجك بعد فتره
امل : لما تبقى زوجي بركب
حسان وهو بنزل : ياارب صبرني
جا وقف جمبها اتكل على عربيتو دخل يد في جيب بنطلونو ويدو التانيه بسجر بيها
حسان : ليه ما بتردي على اتصالاتي
امل: قلته ليك مشغوله كنته ومع بت عمي
-- دا ما سبب
-- انت ليه مستهون كدا البت كانت راقده في المستشفى بين الحياه والموت تقول لي ما سبب كافي
-- طيب اسف ما قصدي ..بس ليه انا حاسي انك مجبوره علي؟ انتي حتى ما بتعرفي شي غير اسمي
-- اسمك حسان شغال في السعوديه وقاعد مع عمك ابوك متوفي في شي تاني لازم اعرفو اكتر من كدا؟
-- برضو حاسي انك مجبورة
-- منو القال كدا
-- تصرفاتك البتقول كدا
-- ليه انا عملته شنو ؟
-- ما عملتي شي ابدا
-- اها طيب
-- اوووف امل شوفي انا حأقول ليك الكلام دا وانتي حره تصدقي ولا لا انا من شفتك وانا ما طبيعي وما قادر اشيلك من بالي بحاول اتجاهلك وما قادر ما عارف عملتي لي شنو انتي اول وحده تخليني اخاف انو اخسرها عشان كدا طلبتك من ابوك انتي خلقتي شعور جواي ما اتخلق قبل كدا ولا قدرت بت تعملو مع انو كتار الحاولو يخلو قلبي يميل ليهم لكن انتي بس بي نظره وحده خليتيني كلي اميل ليك ما قلبي انا ارتكبته غلط كتييير في حياتي واغلاط يمكن عمرها ما حتتغفر وانتي حتكوني اكبر صح في حياتي واخر شي بقول ليك اني بحبك وياريت تفكري في كلامي القلتو ليك واذا حاسه نفسك ما عندك شي لي ما تترددي في انك تكلميني يلا مع السلامه
محمد رجع دور عربيتو واتحرك امل بقت واقفه مكانا وما مصدقه وابتسامتها ظااهره لما جات طالعه وشافتها بمنظرا دا
لما : بسسم الله مالك بتتبسمي براك يا بت
امل وهي بتحاول تخفي ابتسامتها : ماف شي
لما : طيب ردي على تلفونك الطبيعي جادعاهو دا
امل شالت تلفونها وردت واول ما فتحت الخط
حسان : خليكي دائما مبتسمه كدا لأنو وشك ما لايق عليهو الا وتكوني مبسوطه
امل اتخلعت وقبلت وراها لقتو موقف عرببتو على مسافه ما بعيده وبعاين ليها ابتسمت بخجل قفلت الخط ودخلت جوا


محمد : اي حاولي ما تطلعي الايامات دي ونور المجنونه دي خليها تبطل طلعات وتركز في قرايتها
حلا : قالت الليله اخر يوم حتقفل تلفونها وما حتطلع تاني
محمد: لالا تمام لو كدا ..دقيقه حتقفل تلفونها؟؟؟؟؟
-- يب
-- وانا اتكلم معاك كيف؟
-- اممم خلينا الفتره دي ما نتواصل عشان اقدر اذاكر كويس
-- يعني كنتي بتفكري فيني؟
-- اممم ما كتير
-- ما كتير اعترفي يا زوله بتفكري فيني اليوم كلو

-- محمد يااخ
-- هههه حلتي الخجوله
-- بت عمك بقت كيف؟
-- كويسه طلعوها الليله من المستشفي
-- حمدلله ع سلامتها
-- الله يسلمك
-- هي حصل ليها الحادث دا كيف؟
-- والله ما عارف اظنها كانت راجعه من الجامعه
بعد ونسه تمت ساعه ونص
-- خلاص يلا ما اشغلك من القرايه
-- طيب يلا
-- حلا
-- ايوه
-- ركزي في قرايتك وما تساهري ولمن تذاكري ذاكري بي ورقه وقلم ولو حسيتي راسك كبس توقفي طوالي تاخدي ريست ساعه ساعتين وتواصلي وما تركزي على الكيمياء والفيزياء وتنسي باقي المواد لأنها بتخذل ولو في حاجه وقفت ليك امشي المدرسه واسألي منها وما تخافي ولا تشيلي هم للامتحانات لو قريتي كويس وركزتي ماف شي بغلبك و اتذكري دائما اني معاك وو .. اخر شي بحبك 💜
-- ان شاء الله حأعمل كل القلتو لي .. و انا كمان بحبك
-- يلا خلي بالك من نفسك
-- طيب وانته كمان
.................

غفران : يلا يا امي انا طالعه
فتحيه : سمح ما تتأخري
غفران : طيب
غفران طلعت ووضاح جا قعد جمب امو
وضاح : امي
فتحيه : نعم
وضاح وهو بتبسم : امس الورقه دي لقيتا واقعه جمب سريرك
فتحيه خفطتها منو : وانت مالك بتشيل حاجه ما حقتها
وضاح : شلتها عشان ما تضيع بس
وضاح مشا قعد جمب امو وباس راسها شال الورقه فتحها وقراها تاني
"لقد كنت انتظر عودتك طيلة السنوات الماضيه كان قلبي يتقطع وجعا علي فراققك.... كنت اعيش علي اوهام عودتك... كنت احلم بك دائما كنت اعيش علي زكرياتك التي ماذالت حتي الان عالقه في ذهني💔 رؤيتك وانت ملطخ بالطين وترفض ان تستحم .. خروجك من المنزل وعدم رجوعك الا بقطعة شوكولا .. دخولك للمدرسه وللجامعه التي كنت تحلم بها من صغرك .. تخرجك وحملك للشهادة بين يديك ... لقد حرمتني من رؤيتك يابني لقد ابعدتني عنك وكأنني لست امك.....

رحلت بعيدا عني ولن تفكر ابدا كيف حالي من دونك؟؟؟ انت فعلت ذلك لانك لم تعلم ماهو حنان الام لانك لم تعلم بأوجاع الام من دونها صغيرها......كنت اعيش علي سكرات الموت من دونك ....كنت دائما ادعوا لك بالسعاده اينما ماذهبت .....كنت راضية عنك لاني اعلم ان حياتك ستكون مليئة بالمصائب دون رضاي💔 اتعلم لماذا كل هذا ؟ كل هذا لان الام قلبها حنين علي صغيرها رغم انك فعلته كل هذا فأنا راضية عنك لانك ابني ❤️ لانك نبت داخل احشائي❤️ سأسامحك لانك ندمت علي اخطائك وتعلمت منها ....فيا بني كن دائما هكذا وتعلم من اخطائك لتتعلم من الحياه فما هي الا رحلة ونتعلم منها❤️"
وضاح كان بقرا في الورقه ودموعو نازله رقد في رجلين امو وهو بعتذر : اسف يمه سامحيني عارف نفسي حمار وغبي وحيوان
فتحيه وهو بتمسح على شعرو : كلنا بنغلط احنا ما ملاك وانا ما لي الحق في اني ما اسامحك
نور : ساعتين واقفين ليك
غفران : كان تنزلي
نور : ما عاوزه اشوف وشو
غفران :منو
نور : وضاح؟
غفران : نور
نور : نعم
غفران : عاوزة اعرف قصتك مع وضاح
نور : خلينا ننزل وبحكي ليك
غفران : طيب وريني ماشين وين
نور : شارع النيل

...................

مها فتحت باب الشقه
مها : انت ادخل وانا بجيب حنين واحمد من المدرسه وبجي
فادي : انتي ادخلي انا بجيبهم
مها : فادي انتي ليك يومين ما نمته ارحم نفسك يا اخي
فادي : طيب امشي
فادي دخل اخد دوش جا طالع صلى الظهر ورقد
فادي مع نفسو :" يا ربي اتصل؟ لالا هسي بتكون نايمه وحأزعجها .. بس انا قلته ليها حأتصل عليك .. خلاص حأتصل ولو ما ردت معناها نايمه "
فادي اتصل وفي اخر جرس علا ردت
علا : الو
فادي : اسف شكلي ازعجتك كنتي نايمه صح؟
علا : لا ما نايمه
فادي : طيب حاسه بي حاجه؟.
علا: لا كويسه
فادي : الحمدلله يارب
-- اسألك؟
-- بدون ماتستأذني
-- لو كان حصل لي حاجه كنت حتعمل شنو
-- بعد الشر ليه بتقولي كدا
-- ماف شي خلاص انسى
-- ما تفكري في حاجه زي دي تاني
-- طيب
-- حأقفل عشان ترتاحي
-- تمام

فادي قفل ونام نومه طويله لأنو من يوم الحادث عيونو ما غمضت
..............

هندا : وين نور
حلا : ااا طلعت قريب
هندا : طلعت؟؟ البت دي بتتحداني يعني؟
حلا: عمتو روقي هسي بتجي
هندا : ما بهداا .. طيب خليها تجي الليله بحددا معاها
حلا مع نفسها : "الله يستر اول مره اشوف عمتي كدا"
..................

غفران : يعني خانك؟
نور : بالظبط كدا
-- قيس لو عرفو من النوع دا ثانيه وحده ما بقعدو في بيتنا
-- هي اوعك تجيبي ليهو سيره انا ما حكيت ليك عشان توري زول
-- لالا ما تخافي ما بجيب ليهو سيره
-- طيب ... انتي ما دخلتي في علاقه قبل كدا؟
-- لا ولا بفكر
-- اممم احسن ليك
-- انا جعته ارح ناكل
-- طيب يلا نمشي المطعم الشغال فيهو اخوي
-- اي شي المهم ناكل
غفران نور مشو المطعم

قيس كان قاعد وفاتح مذكرتو وبكتب
"ومازلت معتاد علي احتساء قهوتي ف الصباح الباكر ومازال تفكيري عالق بك دائما 💔 تلاحقني الزكريات ف كل دقيقه وثانيه ومازلت اتزكر اول لحظه رأيتك فيها كانت عيناي عالقه بعيناك الساحره مازلت اتزكر تلك الثواني التي اغرقتني ف حبكك ....لقد ادمنتك حقااا ...ولكن ياعزيزتي اعلم ان للقدر دروب اخره غير التي نضعها نحن ربما يصادف دوربنا وربما لا💔....وهذا هو م فعله قدرنا اجبرنا علي الافتراق اعلم ي عزيزتي قبلتي به لان هذا يرضي ابويك ....لاتهتمي بأمري فأنا يرضيني سعادتك ....لاتفكري بي لأن هذا يجعلني اتألم....هذا قدرنا يجب علينا ان نتقبله.....اتمني لك السعاده اينما ذهبتي...ودمتي بخير.. مدرستي❤️"
غفران : قيس
قيس وهو بخت تلفونو : اهلا اهلا
غفران : نور قيس .. قيس نور
نور وهي بتمد ليهو يدها: اتشرفنا
قيس وهو بمد يدو : شرف الله قدرك
غفران : مش كنت بتقول لي اطلعي فرقي شويه من جو القرايه هدي طلعته
قيس : اخيرا اقتنعتي
نور : بطلو كلام انا جعانه
غفران وقيس قعدو يضحكو
قيس: طيب اقعدو وانا بجيب ليكم الاكل
غفران ونور قعدو قيس جاب ليهم الاكل وقعد معاهم
قيس : اخبار القرايه شنو
غفران : تمام الحمدلله
قيس: قربتو خلاص
غفران : ماف داعي تذكرنا
قيس : ما تخافو الخوف دا بطير ليكم اي شي
نور : نخاف شنو انا مبسوطه اصلا اننا حنخلص
كانو بتونسو وقيس وغفران ميتين بالضحك في نور وكلامها .. ما كانو حاسين بالوقت
................

نهله: هندا روقي
هندا : اروق كيف بس وريني يعني ماحترتاح الا تجلطني الساعه 4 جات وتقولو لي مشوار صغير
نهله : طيب يا حلا نور ما معاها تلفون
حلا : لا ما شالت تلفونها لكن دقيقه يمكن غفران تكون شايلا تلفونها
هندا : طيب اتصلي ليها سريع وخليها تجيني هسي دا

حلا مشت غرفتها فتشت رقم غفران واتصلت
حلا : غفران اديني نور سريع
قيس مدا التلفون لي نور بدون ما يتكلم
نور :منو .. الو
حلا : انتي وين تعالي سريع
نور : ليه في شنو؟
حلا : امك قالبه البيت فوق تحت تعالي بس
نور : امي؟؟ لسه ما مشت
حلا : ما مشت تعالي ياخ
نور : طيب جايه "وقفلت"
غفران : في حاجه؟
نور وهي متضايقه : ماف حاجه ارح اوصلك لأنو اتأخرت
غفران ونور طلعو وغفران الطريق كلو بتسأل نور "مالك في شنو" وما بترد لحدي ما نزلت نور وصلت البيت اول ما دخلت امها جات عليها وطااااخ كف زي السم في وشها

--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《07》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*الساعه 11م*
فتحيه : بسم الله الجاي زي الوقت دا منو ... قيس يا قيس
غفران جات طالعه
فتحيه: صاحيه؟
غفران : اي كنته بقرا
فتحيه : طيب افتحي الباب
غفران وهي بتتقدم ناحية الباب
غفران : طيب جاايه.. نور؟
نور كانت شايله شنطة ضهر ووشها مورم من البكا
نور بصوت رايح: ممكن اقعد معاك الفتره دي
غفران : اتفضلي اتفضلي
غفران ونور دخلو وفتحيه بتسأل فيهم
فتحيه : في شنو؟
غفران: ماما نور حتقعد معانا اليومين ديل
نور دخلت غرفة غفران وطوالي رقدت وقبلت على الحيطه غفران جابت ليها موية شربت ورجعت رقدت
غفران : الحاصل شنو يا نور؟
نور : ممكن ما تسأليني
غفران : طيب ارتاحي لي بكرا .. واقلعي عبايتك ماف زول بجي داخل هنا
نور : انا كدا مرتاحه
غفران مشت جابت ليها بطانيه نور اتغطت لأنو الجو كان بارد وغطت وشها .. غفران طلعت وامها نادتها
فتحيه : يا بت تعالي
غفران : نعم
-- مالا صحبتك
-- ما عارفه شكلا تعبانه وما عاوزه تتكلم
-- الله وفي زول من بيتهم عارفها طالعه زي الوقت دا
-- ما عارفه
-- اجيي يا الزي دا كيفن ما عارفه البت شاردة من اهلها يعني؟
-- امي يااخ يعني شنو مش قيس صحبو قاعد معاهو انا كمان صحبتي محتاجه لي اقول ليها اطلعي يعني؟
قيس جا طالع بتثأب وبمسح وشو
قيس : مالكم شكلكم ما طبيعي
غفران اتأففت ودخلت جوا
قيس : في شنو يا امي؟
فتحيه : صحبتها جايه تقعد معاها
-- صحبتها؟؟
-- اي
-- نور
-- شكلا كدا
-- مالا
-- ما عارفاها اظن لي متشاكله مع ناس بيتهم
قيس اتذكر لما نور ردت وكيف كانت متضايقه ومشت بسرعه

...........................

فادي قام الساعه 11 مشا المطبخ اكل وبشرب في العصير كدا مها جات داخله
مها : بسم الله خوفتني
فادي : قمته جعان
-- اممم ما انته من يوم الحادث عايش بدون نوم بدون اكل بس اللهم انسان حايم جسد بدون روح
-- اول مره في حياتي اخاف كدا
-- بتحبها للدرجه دي
فادي ختا كباية العصير وبقا بلف بسبابتو على حافة الكبايه : تصدقي حتى انا ما عارف نفسي اتعلقت فيها للدرجه دي متين وكيف
-- عارف الحب دا ببدا شويه شويه حتى انت ما بتكون حاسي يبدا بقلبك وشويه فكرك وشويه عقلك لحدي ما بردلب تلقى نفسك وقعته
-- واحلى وقعه في حياتي
-- ههههه يا رومانسي انته
-- انسينا من دا .. ابوي اتصل عليك تاني؟
-- لا بس ما حتصدق امس منو الجا هنا
-- منو؟
-- هندا مرت ابوك
-- هندا؟؟ الجابها شنو
-- ما عارفه قاعده تقول انو ابوكم كان مضطر يعمل كدا وانو هو ما غلطان وخرابيط زي دي
-- ههه ما كان غلطان لأنو جدع اولادو ومشا اتزوجها وما سأل منهم
-- وقالت انو هي عملت نفس الشي مع بتها
-- ليه هي عندها بت؟
-- ايوه كان مرسل لي صوره ليها هي وبتها دقيقه اوريك ليها
جابت تلفونها وفتحت ليهو الصوره كانت صورة ليهم الاتنين هندا محاوطه نور وماسكاها من كتفها ونور مبتسمه ابتسامه متصنعه
فادي : هههه باين انها بتكرهها
مها : كيف
-- شوفي كيف هي مغصوبه على الصوره
-- صدقت 😂
-- اها وتاني قالت ليك شنو
-- قالت انو نرجع علاقتنا ترجع وكدا

-- يعني احنا ما سمعنا كلامو مرسلها لينا ومتوقعنا نسمع كلامها سبحان الله
-- تخيل .. هي انا نعسته يلا طفي معاك الانوار
-- تمام
فادي كمل عصيرو غسل الصحن والكبايه ( واحنا الله يخلي لينا البياكلو ويخلو اي شي في مكانو حتى ما بكلفو نفسهم ويختو في المغسله🙂💔) اتجه على غرفتو واتصل لي علا
فادي : صاحيه
علا : ايوه
-- مفروض ترتاحي
-- نمته وصحيت قبل شويه
-- ما تساهري
-- طيب .. فادي عاوزه اقول ليك حاجه
-- احكي انا سامعك
-- اممم .. لالا خلاص انسى
-- انتي عارفاني ما بحب الحركه دي
-- وانته عارفني ما بحب الجدال الكتير
-- طيب .. ما بتصدقي كنته خايف عليك قدر شنو
-- اي قالو لي ما كنته بتنوم والليل كلو بتدعي
-- منو القال ليك
-- جاسر ومها
-- الله يخليهم للزي دا
-- فادي
-- نعم
-- ربنا يخليك لي وما يحرمني منك انت اثبت لي واثبت لي جاسر كمان انك راجل وفعلا عايزني
-- انتي ما كنتي واثقه فيني ولا شنو
-- ما كدا ياخ قصدي جاسر ..هو في البدايه ما كان مقتنع بيك لكن لمن شاف خوفك علي وسهرك الليل كلو وانت بتدعي انو اقوم سالمه كان كفيل انو يخليهو مبسوط اني حأكون مع واحد زيك بخاف علي ومتمسك بي للدرجه دي
-- وانا اوعدك مهما حصل حأكون متمسك بيك كدا وماف شي حيخليني ابعد منك .. وانا قبل كدا قلته ليك انو الشي الوحيد البفرقني منك هو الموت
-- بحبك
-- وانا بحبك يا قمري
-- طيب بكرا تعالو انت ومها وجيب معاك احمد وحنين
-- بس كدا .. جداا
-- طيب
-- منذر سافر صح لأنو ما شفتو نهائي ... الو ... علا انتي معاي؟ الوو
-- ن .. نعم
-- مالك فجأه سكتي من جبته سيرتو
-- ماف.. ماف حاجه
-- علا اتكلمي في شنو انا اصلا كنته حاسي انو وراهو حاجه
-- ماف شي يا فادي انا تعبانه وعاوزه انوم تصبح على خير "وقفلت"
-- علا .. انتظري ما تقفلي .. اوووف معناها في حاجه وقسما بالل

ه اعرف انو وراك شي ما حتسلم مني اصلا عايز لي سبب
.................

كانت راقده وبتقرا في كتاب هو كان راقد جمبها بلف خصل من شعرها في اصبعو ويجرو وبكرر نفس الحركه وهو منتبه لتلفونو
جاسر : عارفه ي لما
لما : اممم
جاسر : ما كنته فاكر انو فادي يكون كدا
لما وهي مركزه مع كتابها : اممم
جاسر جرا منها الكتاب وبجديه
جاسر : مليون مره قلته ليك لما اتكلم معاك تنتبهي
لما : اها قلته شنو
جاسر : خليتو خلاص
-- طيب رجع لي كتابي
-- مسييخه بدل ماتحنسيني
- احنسك😂😂 شوف عاوز تقول قول ما عاوز رجع لي كتابي وخليني اكمل الكنته بقرا فيهو
-- طيب خلينا السفر
-- نعععم؟
-- زي ما سمعتي
-- ليه لكن
-- لأنو انتي اصلا ما فاضيه لي 24 ساعه الكتاب في يدك ولمن اتكلم معاك كأني بتكلم مع حيطه
-- طيب اسفه حبيبي ما بعيدل تاني اها كنته بتقول في شنو
-- حنسيني يلا 😌
-- جااسر😂
-- قلته ليك فادي
-- مالو اها عايز تتكلم فيهو تاني؟
-- لا ياخ اي انا ما كنته مقتنع بيهو بس لمن شفتو يومتا وهو كيف بدعي ودموعو نازله حسيت انو خايف عليها اكتر مني
-- انا قلته ليك فادي بحبها ومستحيل تلقى واحد يحبها زيو ياخ دا مجنون بيها عديل
جاسر وهو بضمها : زي ما انا مجنون بيك
لما : اننننن هل انت بتجيب لي شوكلت كل يوم ؟ هل بتطلعني مشاوير مرتين في الاسبوع؟ دا انا بشوف الشارع في الشهرين مره ولا مرتين .. هل بترسل لي بوكس بتاع هدايا وتفاجئني كل اسبوع؟ هل...
جاسر كان بسمع الكلام ورافع حاحبو وكل ما تقول حاجه بقول ليها "اها اها" فجأه قاطعها
جاسر : ثواني ثواني انتي ما مقتنعه بي حبي ليك صح
لما : هو ما كدا لكن بوريك عشان تحس على دمك وتبقى زيو
جاسر : يعني الكنته بعملو ليك كلووو نكرني حطب
-- ايوااا براك قلته الكنته بعملو
-- اصلا قبل الزواج بكون كدا اصبري ليهم شويه علا حتبقى زيك وكل يوم تجي تشكي ليك منو
-- فادي لا يشكى منه
-- لا عليك الله بعد دا امشي قولي ليهو تعال عرسني🙂
-- نوو انا عيني مليانه بي جاسري وبس💙
-- من قبيل وين الكلام الحلو دا
-- طيب يلا انا نعسته وعاوزه انوم
...............

صباح: اي ياحباب الاسبوع الجاي عاملين كرامه لي علا تعالي وجيبي معاك غيم
حباب : لالا تمام بنجي ان شاء الله
-- اي وانا اصلا عايزاك في موضوع
-- موضوع شنو
-- القلتو ليك قبل كدا موضوع غيم وجاسر
-- اهااا لكن يختي ولدك دا عنييد وشكلو كدا ما عايز بتي
-- ولدي خليهو علي انا انتي بس كلمي غيم
-- خلاص تمام
-- يلقى زي بت خالتو وين يا يمه تسد عين الشمس اخير ليهو من العاقر ديك
-- هههههه انا كلمتك لكن انتي ما قدرتي عليهو
-- تقولي شنو بس اصلا اولاد الزمن دا عنيدين وما بعملو الا الفي راسهم
-- واحنا زاااتنا اعند منهم شوفي يوم نجي انا بديك طريقه عشان تخليهو يوافق ولو ما وافق انا ما ابقى اختك حباب
-- هي انتي من زمان وين طيب دي اختي حباب الانا بعرفها مخها اصلو ما بقيف من التفكير

.....................

امل : الو
حسان : كيف امسيتي
-- تمام الحمدلله وانته
-- انا كويس بس ضغوطات الشغل
-- شغل شنو انته مش شغال في السعوديه
-- لا نقلته هنا
-- اممم
-- امل احكي لي عنك
-- احكي شنو
-- اي شي المهم ما تسكتي
-- طيب ليه ما تحكي لي انته
-- انا حتعرفيني ان شاء الله بس اول عاوز اعرف انا
-- طيب انا امل بدرس علم نفس و ووبس
-- بس؟ تاني ماف شي
-- لا
-- طيب اسألك وتجاوبيني بصراحه
-- اسأل
-- حبيتي قبل كدا؟
امل بعد مسافه وبتردد : ايوه
-- ليه خايفه كدا على فكره ما تفكري انو عشان كان عندك علاقه حأسيبك انا ما صدقته وصلته ليك
-- ما خايفه
-- بس انا خايف.. خايف انك فجأه تغيري رأيك
-- ما تخاف ماحأغيرو
-- بحبك
--...
-- ما منتظر منك رد حاليا
-- طيب تصبح على خير
-- وانتي من اهلو


حسان رجع لي صحبو وصحبو مدا ليهو الشيشه
ناصر : ناوي على شنو
حسان : ولا شي
-- عيونك بتقول حاجه تانيه
-- حأتزوج قريب
-- بتهظر صح
-- اهبل انته اهظر في حاجه زي دي؟
-- هههههه😂😂 يعني حتقول باااي لحياة العذوبيه الرهيبه دي
-- يب
-- جبروك عليها ولا شنو
-- في البدايه لكن حاسي نفسي بديت اميل ليها
-- لا يااخ ما تقول لي حبيتها
-- يمكن
-- ربنا يوفقك وعقبالي ربنا يهديني
-- امين لكن حاسي اني بغلط
-- في شنو
-- حأظلمها معاي
-- كيف؟
-- البت مسكينه واسرتها كويسين شديد وابوها عشان بعرف عمي وانا عصبي وعارفني لو قمته كعب ممكن افلعها بأي شي واجيب اجلها وشيشه وسيجاره وكمان لو عرفت بي ....
-- دا كلو هين اوعك تقول لي ما كلمتها بي غاليه
-- لا
-- احسن ليك تكلمها لأنو لو عرفت بعدين حتقع في مشكله معاها ومع اهلها
حسان وهو بمسح وشو بي يدو : ياا الله
..........................

نور قامت 8صباحا كانت مصدعه شديد قبلت على الجهه التانيه لقت غفران مندمجه مع القرايه شديد غفران لما لاحظت ليها ابتسمت وقامت قعدت جمبها
غفران : بقيتي كيف
نور: الحمدلله
غفران : طيب قومي اتسوكي وصلي عشان تشربي الشاي
نور : لا ما عايزه بس اديني بندول لو في
غفران : ما على كيفك انا من الساعه 6 منتظراك عشان نشرب سوا
نور وهي بتقوم : طيب
غفران ونور طلعو سوا لقو فتحيه راقده وبتحضر في الاخبار
نور : صباح الخير
فتحيه : صباح النور
نور : اسفه يا خالتو فتحيه امس ما استأذنت منك ودخلته طوالي
فتحيه :عاادي يا بتي البيت بيتك
نور وهي مبتسمه : شكرا

غفران عملت الشاي ونور اتسوكت وصلت وقعدو سوا في غرفة غفران
غفران : ما حتشربي الشاي حيبرد
نور : انا قلته ليك ما عاوزه براك عملتيهو
غفران : حلفتك عليك الله اشربيهو
نور حمرت ليها وبقت تشرب وهي سرحانه وبتتذكر في الحصل امس
غفران : ما ناويه تحكي لي
نور شافت انو ما ظريفه هي قعدا معاهم في البيت وما يكونو فاهمين حاجه
نور : طيب

*Flash back*

نور جات داخله البيت واول ما دخلت امها جات عليها وطااخ كف زي السم في وشها نور اترنحت وكانت حتقع الا نهله مسكتها نور عاينت لأمها ومشت هندا جات وراها وجرتها من شعرها ومشت بيها غرفتها
هندا وهي بتكورك: دا اخر الدلع معااكي صح انا اقول ليك جايه اشوفك تطلعي لا وكمان ما مكلمه زول من البيت مكان طايره صح داخله وطالعه على كيفك وماف زول بسألك لكن خلاص تاني طلعه من البيت دا ماف تترزعي هنا في غرفتك دي وما تطلعي الا للامتحانات وبعد الامتحانات تجهزي حاجاتك وطوالي تسافري معاي بلا قلة ادب معاك
نور كانت دموعها جاريه سيل وهي بتسمع كلام امها لحدي ما هندا طلعت وقالت ماف زول يدخل ليها ..نور قفلت باب غرفتها وبقت تكسر اي شي قدامها وفرفرت سريرها وهي بتقول " بكرهك بكرهك قعدت في الارض واتكلت على السرير وهي بتبكي في النهايه قامت مسحت دموعها ودخلت كم حاجه جوا شنطتها وكانت طالعه سمعت امها بتتكلم مع نهله وهلال
هلال : يا هندا استهدي بالله البت حتنزل الجامعه تسوقيها وين الناس بتجي من قطر عشان تقرا الجامعه هنا انتي تسوقيها هناك؟
هندا : اي تقراها هناك ولو ما عاوزه ان شاء الله عنها ما قرت فاضيه لي من الحوامه والفارغه من جيت ما حصل شفتها فاتحه ليها كتاب وبتقرا
نهله: لالا والله بتقرا ونسبتها في التجريبي كويسه شديد بس انتي كدا بتحطميها خليها تتم امتحاناتها دي وبعدين اتفاهمي معاها
هندا : الموضوع دا كدا اتقفل ما عاوزه اي نقاش فيهو
نور طلعت بالباب الورا وطوالي على بيت غفران وبعديها حصل الحصل ....


غفران : يعني ما ناويه ترجعي مع امك
نور : ولا عاوزه اشوفها تاني اذا ما رجعت قطر انا ما برجع البيت
...............

هلال : نور .. يا بتي افتحي الباب خليني اتكلم معاك كلمتين بس
نهله : افتح الباب كدا ماحترد علينا
نهله فتحت الباب والاتنين بقو بعاينو لي بعض الغرفه كانت مقلوبه فوق تحت واي شي مكسر ومرمي في الارض
بقو بنادو فيها نهله وهلال وحلا وبفتشو في البيت هندا جات طالعه من غرفتها وبتدعك في عيونها
هندا :مالكم من الصباح
نهله : نور .. نور مافي في البيت
هندا : نعم؟؟؟؟

--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《08》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
حباب : ااي وانا حأكذب في موضوع زي دا
غيم : واااو جاسر ما مصدقه خالتو صباح قالت ليك كدا؟
-- ااي بعضمة لسانا دي وقالت يوم الكرامة حنتفاهم في الموضوع دا
-- اخيراا واي يا ماما انا بحبك
-- يلا قومي اعملي لينا كبايتين شاي بمناسبة الخبر الحلو دا
-- ماماا ياخ انا رجعته من الجامعه تعبانه
-- مششم خلاص خلي انا بسوي
-- امممم اتكلمته مع غاليه قبيل
-- مطوله منها انا
-- اتصلت لي وكنته داخله على المحاضره قفلت منها سريع لكن شكلها كدا كانت بتبكي لأنو صوتها ما عجبني
-- طيب هاك اتصلي لي عليها انا الايمو دا ما بعرف ليهو
غيم اتصلت على اختها ادت التلفون لي امها ومشت غرفتها

حباب اخت صباح عندها بنتين غيم وغاليه .. غاليه 25 سنه متزوجه في السعوديه وعندها ولد عمرو 5 سنوات بتصمم ازياء وعندها مشغل هناك.. وغيم بتدرس صيدله في رابعه عمرها21 سنه
حباب: وين انتي يا بت ما بتسألي من امك الا تسأل منك هي نسيتينا يعني
غاليه: لالا يا امي والله بس الايامات دي مع الشغل وسليم متعبني شديد الحمدلله بس
حباب: وحلااتي ي ناس وينو اسلم عليهة
غاليه : نايم والله ما صدقته نام
حباب: يا حليلو .. غيم قالت اتصلتي ليها وزي الكنتي بتبكي اها مشاكل تاني مع راجلك صح
غاليه : لالا ماف اي مشاكل وما كنته ببكي اصلا بس كنته قايمه من النوم عشان كدا
حباب : ايواا خوفتني البت قلته في حاجه حاصله
غاليه : لالا ماتخافي ماف اي شي حاصل كلو تمام

غيم كانت في غرفتها واقفه قدام المرايه وبتعاين لي نفسها.. غيم حلوه شديد حلبيه لمن غلط جسمها مقسم وقوامها حلوو شديد وطولها حلو ومناسب مع عمرها شعرها بصل لي نهاية ضهرها وعاملاهو كيرلي فيها حاجه كدا بتجذبك من تشوفهاا
غيم مع نفسها: اخيراا ي جاسر حنبقى سوا l can't believe ..l so happy بس حسب علمي هو بحب مرتو شدييد .. "ختت يدها في نصها ومسكت شعرها بيدها التانيه وبقت تلف فيهو " ويعنيي انا كمان حلوه ويمكن احلى منها كمان بس خلينا نتزوج وبخليهو ينساها تماماا❤️❤️
............

غفران ونور كانو سوا اي واحده ماسكه كتاب وبتقرا بس نور كالعاده سرحانه خاته يدها في راسها وبتشخبط بالقلم
غفران : نووور ما ممكن كدا انتي ما مركزه نهائي
نور وهي بتجدع القلم : ما قادره ياخ ما قادره اركز نهائي
غفران : شوفي ما تخلي الفات يأثر عليك مش امك فاكراك انك ما مهتمه وما بتقري طيب انتي اثبتي ليها العكس اثبتي ليها انك بتقدر تنجحي وماتنجحي بس تتفوقي كمان وكدا بتخليك هنا تكملي دراستك وبعديها ممكن تمشي معاها
نور : انتي ما فاهماني انا اصلا ما عاوزه امشي معاها ولا عاوزه اثبت ليها شي اصلا
-- طيب ما تثبتي ليها حاجه وانسي القصه دي تماما اقري عشان نفسك انتي مش امك سابتك وما كانت مهتمه بيك وبتقولي انو الناس بتنظر ليك نظرة شفقه وانو الحاجه دي مضايقاك شدييد اثبتي للناس ديل انك قويه وبتسندي نفسك بنفسك عشان يعرفو انو البت مهما كان هي بتقدر تتقدم وبتقدر تعمل اي شي هي عايزاهو وماف شي بوقف في طريقها مهما كان اثبتي ليهم انك بت بي مية راجل وما اي بت اهلها ما سألين عنها ما بتقدر تعمل شي في حياتها احنا كبنات لو ختينا حاجه في راسنا حنعملها حنعملها وانتي بالزات يا نور مع اني ما بعرفك من فتره طويله بس انتي لو ختيتي حاجه في راسك بتعمليها غصبا عن عين اي زول طيب ليه ما تختي في راسك انو انتي لازم تنجحي وتتقدمي وتخلي امك

وكل الناس تعرف انو انتي ما ضعيفه وبتقدري تعملي اي شي بنفسك وما محتاجه لي زول يقيف جمبك💜 .. نور اسمعيني حتى اذا انتي ما فاهمه حاجه ولا ناقشه شي من الكتب دي انا معاك ومستعده ابدا معاك من الصفر وانا متأكده انك قاريه وما باقي ليك حاجات كتيره شديد وانتي مخك سمح وبتفهمي سريع واذا ما عندك مانع ممكن تقعدي معاي الفتره دي كلها لحدي الامتحانات تخلص وانا بوعدك للوقت داك انا وانتي نكون خلصنا كل المواد وان شاء الله بنجيب نسب حلوه ونفرح بيها اهلنا .. ها قلتي شنو؟ " نتفق انو الصاحب هو المخرج الوحيد لبر الامان💜"
............
*7م في فلة هلال..*
هندا وهي خاته يدينها على راسها وبتبكي: ما بعرف بس جيبو لي بتي اااخ يا بتي مشيتي وين اااخ انا من قوة راسك
نهله : روقي ي هندا بنلاقيها ان شاء الله بس انتي اهدي
هندا : نلاقيها وين لكن ما خلينا زول بنعرفو ما سألناهو ما خلينا حته ما فتشناها
نهله : خلاص هلال وعدك انو حيجيبها ليك
حلا : دقيقه انا عرفتها وين
هندا : وين؟؟
حلا : فضل مكان واحد هي بتعرفو وما فتشناه
نهله : انطقي وين
حلا : عند غفران
هندا ونهله: غفران؟
حلا : ايوه صحبتنا يا ماما القلنا ليك ماشين ندرس معاها
نهله : ما اظن انتو مشيتو ليها مره وحده البخليها تقعد معاهم شنو وهم ناس غربه
حلا : انا اقترحت عليكم بس لأنو دا اخر مكان
هندا : انتي عارفه البيت وين صح
حلا : ايوه بس خليني اتصل على غفران اول
هندا : هاك اتصلي عليها
حلا : رقمها في تلفون نور انا ما حافظاهو
نهله : طيب جيبيهو من فوق
حلا جابت تلفون نور من غرفتها واتصلت على الرقم فتحت الاسبيكر ونهله وهندا بقو مركزين معاها
حلا : السلام عليكم
-- وعليكم السلام
حلا : دا رقم غفران؟
-- ااا لا انا اخوها
-- طيب ممكن تديني ليها
-- انا برا البيت برجع بعد ساعه كدا اول ما اصل بكلمها وبتتصل عليك
-- طيب تمام
هندا : كان تسأليهو هو مش اخوها اكيد حيكون معاها في البيت
حلا : عمتو اهدي اها ولو ما معاها حنجهجه الناس معانا ساي خليهو بعد يصل بتتصل علينا وتكلمنا
نهله : حلا
حلا : نعم
نهله : انتي عارفه نور وين صح؟
حلا : والله يا ماما ما عارفه
هندا : عليك الله يا حلا لو عارفه وريني
حلا : ي جماعه احلف ليكم بشنو يشهد الله ما عارفه
...............

صباح : اجييي تسافر لشنو
جاسر : الشغل هناك ما ماشي تمام وماف زول حيقدر يحل المشاكل بتاعت الشركه الا انا
-- وطيب لما المسفرا شنو معاك
-- يعني اخليها وامشي؟
-- اي مالو هديل الحريم قاعدات زي العجب ورجالهم مغتربين
-- لالا ما بخليها وبمشي
-- طيب خلي السفر هسي
-- لالا لسه شويه عليهو شهرين تلاته اجراءاتنا بتتم وبنسافر ان شاء الله
-- سمح
-- انا ماشي الصالون فادي شكلو قاعد
-- اي اختو جات ومعاها بناتها وولدها .. لكن الولد دا حكايتو شنو زميلا بس ولا في حاجه تانيه
-- حاجة شنو يا امي زميلا بس وعايز يطمن عليها
-- كويس

حنين وهي بتأشر على راس علا : علا ليه حاتين ليك الحاده دي في لاسك
علا : دا شاش حبيبتي عشان الجرحه
حنين : الجلحه وادعاك
علا : هههه لالا ما واجعاني بقيت كويسه بعد عملو لي الدوا
مها : ي بت اسكتي شويه من جينا انتي بتتكلمي
علا: سيبيها ياخ ما تشتغلي بي ماما دي اصلا انا مشتاقه لي ونستك وكلامك العسل دا
حنين عاينت لي امها ومدت ليها لسانا : ثوفتي دالت لي اتكلمي
علا : وين احمد
مها : مع فادي ..اها بقيتي كيف عليك الله
علا : تمام احسن بكتير
مها: الحمدلله ان شاء الله بالشفاء العاجل
علا : امين يارب
مها : لما وامك كيف لسه علاقتهم ما تمام
علا : لسه والله ما عارفه امي لي بتكرهها للدرجه دي
مها : حيجي يوم وتزهج ما تشيلي هم
علا : مستحييل انا بعرف امي
مها : طيب اتكلمي معاها انتي
علا : انا اتكلمته لمن حلقي وجعني بتقول لي ما تدخلي في امور زي دي
مها : طيب ولما
علا : لما تعبانه منها شديد قدامها ما بتقول حاجه لكن لمن تمشي بيتهم بتكون منهاره
مها : الله يصبرها ياخ
علا : ويهدي امي كمان
مها : هههههه امين يارب

................

جاسر ولما وهم طالعين من السينما
جاسر : لما خلاص دا ما كان فيلم دا
لما وهي بتبكي : انت اصلا ما عندك قلب ما شفتهم كيف بعدوهم عن بعض وقتلوهو قدام عيونا
جاسر : دا تمثيل يعني ما حقيقه عشان تبكي كدا
لما : اااععع اسكت اسكت انت اصلا ما عندك احساس
جاسر : ارح اركبي اركبي خلينا نمشي
لما وجاسر ركبو العربيه ولما كل دقيقتين تشيل منديل تمسح دموعها تجدعو وتاني تشيل
جاسر : ياا قلبي خلاص انا زاتي غلطان اني جبتك هنا خلاص تاني لا فيلم لا طلعه لا يحزنون
لما : خلاص سكته

جاسر : ناس ما تجي الا بالعين الحمره
-- هسي ببكي تاني
-- لالا خلاص سكته والله ما تفتحي بيت عزا تاني
-- كريه
-- حنغشى ناس امي نشوف علا ونمشي البيت
-- طيب ... جاسر
-- اممم
لما وهي بتلعب بي اصابعها : عاوزه سنيكرز
-- بس كدا اقرب سوبر ماركت وبجيب ليك كرتونه سنيكرز
-- بالجد😍😍
-- ايوه وانا عندي كم لما
-- بحبك ياااخ
-- بحبك دي ما بسمعها الا لو جبته ليك حاجه زي الاطفال
-- شكرا
-- العفو

لما وجاسر وصلو دخلو سلمو على صباح ومها وفادي كانو طالعين
جاسر : على وين نرجع يعني؟
فادي : من بدري احنا بي جاي نرجع بعد دا
لما : مها اقعدي ياخ لاحقه شنو
مها : لالا ياخ نمشي بعد شويه ديل بنومو لي بعد الساعه 8 تاني ما بقدرو يفتحو
جاسر : دي بتك
مها : اي
جاسر : حلااتا ما شاء الله
جاسر شال فرح منها وبقا بلعبها
صباح بهمس لي لما : شايفاهو مبسوط كيف اكيد هسي بكون متمني لو عندو بنوته زي دي لكن نعمل شنو اذا انتي عاقر وما راضيه ولدي يعرس ويجيب لي اولاد يفرح بيهم انتي انانيه شديد يا لما معقوله ما عايزه جاسر يعيش اللحظه دي
لما كانت ماسكه روحها بالعافيه .. كانت بتعاين لي جاسر وهو كيف مبسوط وبلعب في فرح .. بعديها فادي ومها طلعو .. وجاسر ولما مشو لي علا
جاسر : يا حلوه
علا : اهلين اتفضلو
لما : كيفك
علا : تمام الحمدلله انتو كيفكم
جاسر : كويسين الحمدلله
.........................

نور : لا طبعا
غفران : حيكونو متصلين عشان كدا
قيس : انتي كدا بتخوفيهم ذياده وريهم انك هنا
نور : لا اكيد اذا عرفو برجعوني معاهم وامي ما حتفكر تخليني ثانيه هنا وحتاخدني معاها
غفران : طيب انا بخلي امي تتكلم معاهم ثواني بس
غفران وقيس طلعو لأمهم ونور قعدت مكانها
غفران : يا امي البت محتاجه لينا انتي بس تتصلي عليهم وتقولي ليهم بتكم معانا وما بجيها شي واطمنو عليها حتقضي الفتره دي لحدي الامتحانات تخلص وترجع
فتحيه : يا غفران انا ما عندي مانع لكن الاحسن تجي منها هي وانا بعد داك بتكلم معاهم .. كدي ناديها لي
غفران وهي بتكورك ليها : نور ياانور تعالي
نور جات وقعدت جمبها وقصادهم فتحيه وقيس
فتحيه : يا بتي انا شايفه انو احسن انتي تتكلمي مع ناس البيت انتي مش عارفه نفسك ما غلطانه
نور : ايوه
فتحيه : طيب واجهيهم انتي وبعديها انا بتكلم معاهم عشان يطمنو عليك
نور : طيب خالتو فتحيه انا خجلانه والله ما عارفه اقول ليك شنو
فتحيه : لالا ي بتي تخجلي من شنو انا زي امك واي وقت محتاجه لينا بتلقينا جمبك
نور وغفران دخلو وغفران مدت ليها التلفون
نور : لا انا حأمشي ليهم
غفران : جاده
نور : ايوه
غفران : ما خايفه؟
نور : اخاف من شنو .. بتمشي معاي
غفران : انا
نور : ايوه
غفران : طيب
نور : يلا طيب
غفران لبست عبايتها ونور اصلا كانت لابساها ومشو على البيت
غفران : دا بيتكم؟😳
نور : ايوه
دخلو وفي الصاله كان في هندا وحلا ونهله
هندا : يعني معقوله الولد دا ما وصل ساعتين تمت
حلا : نور
هندا رفعت راسها وشافت بتها جرت عليها وحضنتها وقعدت تبكي
هندا زحت منها ومسكتها من اكتاقها : ليه كدا يا بتي ليه تخوفينا عليك كدا يهون عليك خوفنا دا كلو كنتي وين اتكلمي
نور : امي انا ما عاوزه ارجع معاك ولا عاوزه اقعد هنا انا حأقعد مع غفران لحدي ما نخلص الامتحانات وما عاوزه اشوف اي زول
هندا : شنوو تقعدي وين
نور : عند غفران صحبتي
هندا : لا طبعا
نهله : هندا اصبري كدي .. نور ليه كدت احنا قصرنا معاك في حاجه
نور : حاشاكم والله يا خالتو نهله بس انا تعبته والبيت دا بذكرني بي حاجات انا ما نفسي اتذكرها ولا طايقاها وما حأقدر ادرس ولا اجيب شي ولو بعدته من هنا حأقدر اركز
بتتكلم كدا تلفونها دقا وكان مع حلا وردت
حلا : هاك يا عمتو
هندا : الو
فتحيه : السلام عليكم
هندا : وعليكم السلام
فتحيه : انا والدة غفران صحبة نور .. انا ما بدور ادخل في مشاكلكم ولا عايزه اعقدها ليكم لكن بتك محتاجه لي صحبتها الايامات دي وغفران بتي اسألي منها في المدرسه البقرو فيها لو ما بتعرفيها وقالت حتساعد بتك وتقيف معاها ان شاء الله
هندا : خير ان شاء الله
وقفلو على كدا
هندا : طيب يا نور انتي ركبتي راس وعملتي العايزاهو بس بعد تخلصي الامتحانات قعده ليك هنا تاني ماف
نور طلعت بدون ما تتكلم وغفران طلعت وراها رجعو البيت وقعدو يكملو باقي قرايتهم
...............

جاسر ولما رجعو البيت وجاسر كان ملاحظ لي تغير لما المفاجئ بدلو ملابسهم ومن التعب طوالي رقدو لما قبلت ع الجهه التانيه وغطت وشها جاسر شال منها الغطا وشالها وقفها قدام المرايه
جاسر وهو واقف وراها وحاضنها : وش زي دا ما يستاهل تنزل فيهو دمعه وحده

لما : خلينا نسافر ي جاسر انا ما قادره اتحمل
جاسر : حااضر بس نحضر كرامة علا وع طول نسافر ثانيه وحده ما بنقعد لأنو ما ظريفه نمشي قبل الكرامة
لما : طيب
-- وبعدين انتي عارفه امي ما جديده عليك اصبري عليها اليومين ديل بس
-- انت لو بتسمع الكلام البتقولو لي ما كنته بتقول لي كدا
-- ليه قالت ليك شنو
-- ولا شي انا تعبانه وعاوزه انوم
-- طيب يلا وحأحكي ليك قصه حلوه شديد
-- شايفني طفله
-- وليه القصص دي للاطفال بس يلا
رقدو وضماها عليهو وبدا يحكي ليها
-- كان يا مكان
لما وهي بتضحك : جاسر انت جادي😂😂
-- اسكتي ما تقاطعيني هسي بحردا ليك
-- اها طيب سكته
-- في قديم الزمان .. كان في اميره اسمها لما ... كانت حلوه شديييد وكانت بتحب واحد اسمو جاسر وجاسر دا كان بعشقهاا وبموت فيها بأختصار كانت الحاجه الهو عايش عشانها .. لمن اتقدم ليها اول مره اهلها رفضو لأنو كانو عاوزنها لولد عمها .. وجاسر تعب شديييد عشان يقنع اهلها لأنو من غيرها ما كام بقدر يعيش .. في النهايه اتزوجو وام جاسر كانت بتضايق لما كتير ولما كانت بتزعل شديد لكن جاسر ما بقدر يخليها زعلانه وبراضيها على طول في النهايه قررو يسافرو بعيد عن اي زول بزعجهم وعاشو هناك حياة حلوه شديد من غير متضايقات وزعل ونكد وتوته توته خلصت الحدوته💜
لما : لا ما خلصت
جاسر : اها
لما : وجاسر كان نفسو يجيب اطفال بس لما ما كانت بتقدر تجيب ليهو هو اسعدها كتير في حياتها وكان بعمل ليها اي شي نفسها فيهو بس هي ما قدرت تبسطو بأقل شي وجاسر حيتزوج ويجيب اطفال و..
جاسر وهو بقاطعها : والاطفال ديل لو امهم ما كانت لما هو ما عايزهم .. لما افهمي انا غيرك مابتزوج واذا فتحتي السيره دي تاني ما بحصل خير
لما : بس انته من حقك تفرح وتجيب اولاد انا ما عايزه اكون انانيه
جاسر : وانا عايزك تكوني انانيه فيني 💙
..............

غاليه : اياك تكلمي امي يا غيم انا قبيل اتحججت ليها وما كلمتها
غيم : لو ما كلمناها الموضوع دا ما بتحلا
غاليه : لا ما تكلميها لو كلمتيها حسان حيطربق الدنيا فوق راسي
غيم : اها وحتعملي شنو
غاليه : وهو ما كلمني بالموضوع دا بس انا بواجهو بيهو لأنو ما من حقو ما يكلمني


*صح مرات بنغلط و بنختار الزول الغلط :) صح مرات نحنا بنفرط شويه في حبنا لبعض الاشياء :") وزي ما معروف انو الحاجات دي اغلبها بنتقلب ضدنا 💙✨🍃 صح انو نحنا بنعمل حاجات غلط كثيييير شديد :) بس ما ننسى انو بنى البشر خطاء وافضل وخير الخطائين التوابين 💙 فنحنا ما نقوم وننفسن عشان حاجه مقدر لينا حصلت عكس امالنا وطموعاتنا 💙 فهى لو كانت لي خير اكيد ما كان حصل ده كلو ✨💙*
*واتزكر دايما انو الله سبحانه وتعالى اذا احب عبدا ابتلاه ليه ؟؟! عشان لما يقابل الله عز وجل يقابله بصدر و روح بيضاء✨ ف الابتلاء ده عشان روحنا تنضف ما اكتر ولا اقل 💙🍃✨*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《09》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الساعة4م .. يوم الكرامه البيت كان مليان شديد الناس داخله وطالعه ولمة وونسه وضحك
في غرفة علا كان في امل وعلا وبتونسو
امل : دي حباب خالتك وبتها؟
علا : اي
-- اول مره اشوفهم
-- اصلا كانو في السعوديه انا دي المره التانيه اشوفهم تصدقي
-- جاده
-- ايوه والله لما جو من السعوديه مشينا ليهم ايوااا وتاني جونا مره تاني ما اتقابلنا حتى بناتها ما متواصله معاهم
-- ايوااا لكن بتها حلوه شديد ياخ
-- غيم اصلاا اولاد اهلنا كلهم جارين وراها 😂
-- الصراحه ليهم الحق
-- امي كانت عايزاها لي جاسر
-- هي ما للدرجة دي كمان اي حلوة لكن دمها تقيل وما بتتبلع
-- اصلا عشان كدا ما عندي بيهم علاقه ولا متواصله معاهم ماما بتشاكلني طوالي بتقول لي اتكلمي معاهم واتصلي ليهم قلته ليها ليه هم ما عندهم تلفونات ولا عاملين فيها تقيلين الا احنا نسأل
-- بري بري ديل تربية ناس برا ومفتريين
-- مع نفسهم يا ماما
لما جات وانجدعت في السرير : اااخ انا هلكته
علا : براك هالكه نفسك جايبين طباخ 3شغالات انتي متعبه نفسك مالك
لما جات ورمت روحها في الكنبه : برضو عايزين زول من البيت يقيف ليهم في راسهم
امل : فعلا
لما : طيب ما دام عارفه فعلا ما تقومي تساعديني
امل : لا استطيع😁
علا : والله شايفين شغلهم كويس انتي براك عايزه التعب🌚
لما : علا اسكتي عشان ما يجيك كف ثلاثي الابعاد
امل : مها ما جايه؟
علا : كلمتها وقلته لي فادي يجيبهم معاهو لكن ما عارفاها ليه ما جات ثواني اتصل ليها
علا شالت تلفونها واتصلت ليها
علا : مها ازييك
مها : ماف زينا😌
علا : هههه طيب كيفك
مها : كويسه الحمدلله كيفك انتي وبقيتي كيف
علا : بخير الحمدلله .. ليه ما جيتي؟
مها : والله فرح تعبانه ومحمومه شكلو جاييها التهاب
علا : الف سلامه عليها ياخ
مها : الله يسلمك يا علا

علا : قالت فرح مريضه
امل : بناتها ديل عسل ياخ الواحد ياكلهم اكل
لما : بالجد ياخ وولدها كمان كيوووت شديد
امل : عندها ولد كمان
لما : اي الكبير عمرو 8 سنه تقريبا
علا : انا اصلا كل ما الاقيهم اقعد ابوس فيهم واعضيهم بالزات حنين دي عسسل عسل عديل
امل جاها اتصال عاينت للتلفون وابتسمت : عن اذنكم
علا : شايفه في تطورات حاصله مع العم دا
لما : امممم تطورات ساي اسكتي بس
امل طنشتهم ومشت البلكونه
حسان : يا حب
امل وهي بتتبسم : اهلين
حسان :العبايه اللابساها تجنن ومع ابتسامتك حاجه تانيه
امل بقت بتتلفت شافتو واقف جمب عربيتو اول ما شافتو اشر ليها
حسان : تعالي منتظرك
امل : طيب ثواني
#مليحيظه حسان اتقدم لي امل واتخطبو
علا : على وين يا السمحه
امل اشرت ليها يعني تسكت لبست طرحتها وطلعت
حسان : برضو ما حتركبي معاي
امل : لا
حسان : خمسه دقائق بس وبرجعك
امل عاينت ليهو وسكتت
حسان : السكوت علامة الرضا
فتح ليها الباب وهو ركب امل ركبت دور العربيه واتحركو
حسان : انتي ما بتثقي فيني حتى بعد اتخطبنا؟
امل : الحكايه ما ثقه بس...
-- كيف ما ثقه امل انتي خطيبتي فتره قصيره شهور حتبقي مرتي والثقه حاجه مهمه في العلاقه

-- تمام
-- ما تزعلي انا بقول كدا عشان علاقتنا تقوى❤️ "تقوى ولا سعاد نهنهنهنه"
-- طيب
-- ننزل المطعم دا؟
-- لا رجعني ماف زول عارف اني طلعته
-- واذا ..اصلا ما حيلاحظو لغيابك وبعدين واحد وسايق خطيبتو فيها شنو يعني اكيد ما حيقومو القيامه
-- طيب بس ما نتأخر
حسان وهو ببركن العربيه
...............

نور وغفران كانو مجتهدين شديد منظمين وقتهم ونور حست انها انجزت وماشه كويس ما كانت بتقابل زول من ناس البيت كتير اليوم كلو في غرفة غفران ما بتطلع الا للحمام ووقت الصلاه تتوضى وتجي راجعه ..
نور : غفران
غفران وهي مندمجه مع ورقة الامتحان البتحل فيها :اممم
نور : يا اختي ركزي معاي شويه
-- هاا ايوه معاك
-- انا اشتقته لي حلا شديد وعاوزه اتكلم معاها
-- طيب ما مشكله بعد نخلص قرايه اتكلمي معاها
-- الساعه كم طيب
غفران شالت ساعة اليد الجمبها : 5 بعد المغرب اتصلي ليها اصلا فضل ليهو ساعه بس
-- اممم طيب اتصل ليها وين
-- مش تلفونك في البيت ؟
-- اي
-- طيب احتمال يكون معاها اتصلي فيهو ولو ما ردت اتصلي لأمها
-- كويس
بعد المغرب اذن صلو وغفران مشت لأمها ووضاح كان قاعد معاها
غفران : امي
فتحيه : نعم
غفران : وين تلفونك نور قالت عايزه تتصل لي ناس البيت
فتحيه : هدا ليهو لكن ما اظن تلقي فيهو رصيد
وضاح : هاك تلفوني
غفران : شكرا حأحول رصيد في تلفون امي
وضاح : طيب انا بمشي
غفران : مشكور يا الاخ ما تنسى انك ضيف هنا فما تتدخل لو سمحته
فتحيه بنهره : غفران دي شنو قلة الادب دي خلاص امشي

غفران : تمشي معاي؟
نور : وين
غفران : نجيب رصيد امي ما عندها
نور : لالا خلاص ماف داعي خليهو
غفران : انا سألتك بتمشي ولا امشي براي؟
نور : غفران خلاص الموضوع ما مستاهل
غفران وهي طالعه: خلاص بمشي براي
نور وقفتها: اسمعي رقمي ما مسجل في تلفون امك يلا حتتعبي نفسك ساي تمشي وتجي بعد اخوك يجي بنتصل منو
غفران : نور بطلي عواره
نور : وانتي بطلي هباله وتعالي استفيدي من الوقت دا واقري
غفران : عنيده خلاص
نور : شكرا يلا تعالي شوفي البتاع دت لو حليتو صح ولا بخرف ساي
غفران : طيب
..............
الساعه8م ..قفلت الكتاب ختت راسها ع التربيزه ودموعها بتنزل فتحت دولابها شالت التلفوت وعملت مكالمه
حلا : الو
محمد : اخيرا حنيتي علي
-- محمد انا مخنوقه ما قادره اقعد في البيت
-- اسمعي ثواني وبكون عندك البسي عبايتك وانزلي بتلقيتي جمب الباب
-- محمد ما تجي انا ما بقدر ...
-- ما عايز كلام كتير "وقفل الخط"
حلا : يا الله
مشت غرفة امها وابوها لقت ابوها قاعد وبقرا في جريده
حلا : بابا
هلال : ايوه يا حلا تعالي
حلا : وين ماما
هلال : في المستشفى بترجع الساعه10
حلا : اممم
هلال : ليه في حاجه؟
حلا : لا بس في حاجه في الكيمياء كنته عاوزاها تشرحها لي
هلال : طيب لو انتظريها لمن تجي
حلا : طيب
حلا طلعت واطمنت انو امها ماف وابوها ما حينزل لبست عبايتها واتسحبت براحه وطلعت لقت محمد واقف بعربيتو ركبت ومحمد اتحرك
محمد : في شنو مالك كنتي بتبكي؟
حلا : اشتقته لي نور
محمد : ليه وينا هي؟
حلا حكت ليهو بالحصل ودموعها نازله محمد مسك يدها وطبطب عليها
محمد : طيب اوديك ليها؟
-- لا هي قالت ما عاوزه تشوف زول معناها حتى انا ما عاوزاني
-- حلا انتي عارفه نور لما تكون معصبه بتقول اي شي
-- كانت اتصلت ع الاقل
-- طيب امسحي دموعك وتعالي ننزل هنا ناكل ايسكريم
-- لا ما عايزه
-- ما بكيفك انزلي يلا
حلا ومحمد نزلو وقعدو ياكلو الايسكريم
محمد : تتزكري اول مره لما اتصلته ليك وكيف كنتي زهجانه وقفلتي فيني الخط
حلا ضحكت ونزلت راسها وهي خجلانه : كنته هبله
محمد : ضحكته فيك ضحك نفسي اعرف الكان المزعلك شنو
حلا : كنته ممتحنه وامي كانت مزهجاني قومي اقري قومي اقري
محمد : اي كنتي زهجانه شديد ولما سألتك مالك زهجانه قلتي لي شنو
حلا ضحكت وردت عليهو : قلت ليك انته مالك وانته بتعرفني من وين عشان تسألني وما يخصك المزهجني شنو
محمد ضحك معاها : وضحكت فيك
حلا : ودا الشي الاستفزاني ذياده
محمد : وقلت ليك حتى وانتي زهجانه حلوه
حلا : اي وانا رديت عليك انت تافه وما عندك موضوع
محمد : وقفلتي طوالي وكل ما اتصل عليك بترفضي
حلا فجأه ضحكت من قلبها لما دموعها نزلو : لحدي ما يوم خليت نور ترد عليك
محمد بعد ضحك: لا اله الا الله اليوم داك ما عملتي فيني خير نهااائي والله سمعتني وسخ اضاني
حلا : قالت لي انا بربيهو ليك هاتي التلفون
محمد : والله ردحت لي ردح عمري ما بنساهو
حلا : بعد قفلت انا حنيت عليك والله قلته الولد تاني ما حيفكر يتصل اصلا
محمد : اي لكن انا ما بتوب رسلته ليك رساله

حلا : اممم وللان بتذكرها
محمد : طيب قوليها لي
حلا : "الى التي سرقت قلبي وعقلي .. لا ادري متى استحوذتي كل افكاري اصبح خيالك الخير لصباحي وبه يسعد نهاري وبه ايضا يضئ مسائي 💙 اتدرين اصبحت كل طموحاتي ان اسرق قلبك كما احتللت كياني .. صار سماع صوتك كعيد ينتظره طفل بفارق الصبر ليبتهج قلبه .. من اللحظه التي رأيتك فيها وصورتك عالقه بذهني لم يمحى منها ولا شئ .. بفستانك الازرق وبه بعض الزخارف البيضاء بحجابك الابيض وحذائك الابيض اللامع كان وجهك كالبدر .. كنتي في ذلك اليوم ساندريلا التي نسيت حسنها خلفها وكنت انا الامير الذي بحث عنك ولكن ماذا حدث وجدها الامير ولكن سندريلا عنيدة لا تريد ان تطفئ النار التي اشعلتها في قلب اميرها ولا زالت تقسو عليه ...ولكن النهايه ستظل ثابته مهما عاندت وستكون سندريلا للامير الذي صار غارق في تفاصيلها التي تأخذه لعالم اخر💜"
محمد : حافظاها للان؟
حلا : كنت كل يوم بقراها كيف ما احفظها
محمد : لكن برضو عاندتي وما عبرتيني الا بعد خلصتو امتحاناتكم
حلا : صراحه كنته عاوزه ارسل ليك لكن قلته احسن بعد امتحن عشان ما اشغل نفسي
محمد : يعني من الرساله ديك انتي حبيتيني
حلا : شبه كدا .. هي الوقت اتأخر ارح سريع قبل امي تجي ويفقدوني
محمد : طيب يلا
قامو الاتنين محمد مسك يدها حلا عاينت ليهو جرت يدها لكن محمد ضغطها
محمد : خليكي عارفه انو مستحيل اخذلك انتي الانسانه الوحيده الحبيتها والوحيده البحس معاها اني ما عاوز شي من الدنيت غير تكون مبسوطه وتاني ما اشوف دمعه نازله من عيونك لأنو القمر عمرو ما ببكي
حلا ابتسمت بخجل ونزلت راسها اتحركو علي البيت هي نزلت وهو اتجه على بيتهم
............

الساعه 8 بيت منير بقا شبه فاضي كانو معاهم لما وجاسر اصلا بايتين وحباب وبتها .. لما كانت مع علا في غرفتها وحباب وصباح وغيم في الصاله اول ما شافو جاسر جاي اشرو لي غيم وهي طوالي مشت المطبخ
جاسر : السلام عليكم
حباب وصباح : وعليكم السلام
جاسر : خالتي كيفك
حباب : كويسه والله يا ولدي انته كيفك ومرتك كيف
جاسر : الحمدلله في نعمه والله
حباب : ناسينا نهائي اصلو ما بتقول اشوف خالتي دي
صباح : اي متلوم مع خالتك يا جاسر
جاسر : اي والله يا خالتي بس تقولي شنو مع جوطة الشغل دي والله بجي راجع البيت الساعه 9 ومرات10 وبكون هلكان تماما بس الا الجمعه يوم راحه
حباب : اي والله الله يعينكم ياخ
جاسر : اميين يارب
صباح : كدي يا ولدي جيب لي مويه من المطبخ
جاسر : كويس
جاسر قام وهناك كانت غيم عامله روحا بتغسل في العده وهي اصلا نظيفه نزلتها من الدولاب ...لابسه بجامه عاديه وفاكه شعرها ونازل نهاية ضهرها.. جاسر جا داخل وشافها طوالي رجع وبقا بتنحنح غيم عبايتها كانت معلقه في باب المطبخ شالتها ولبستها جاسر دخل سلم عليها عادي وشال المويه
غيم : جاسر كيفك
جاسر : كويس الحمدلله كيفك انتي
غيم : الحمدلله بخير
جاسر : والجماعه كيف معاك
عيم : تعب شديد بس الحمدلله

صباح جات داخله غرفة علا
صباح : لما
لما : ايوه
صباح : قومي اعملي لينا عصير انا وحباب قبل ما يطلعو قالو مستعجلين
لما : طيب
لما قامت مشت على المطبخ وشافت جاسر وغيم سوا وبتونسو
غيم : الجامعه تعععب والله بس الحمدلله جاسر : ربنا يهوون
جاسر طالع كدا شاف لما بوراهو ووشها احمممر
جاسر طلع قرب من اذنها وهمس ليها : تعالي فوق منتظرك
لما دخلت طلعت العصير من التلاجه وبقت تكب فيهو
غيم : انتي لما صح
لما عاينت ليها وابتسمت ليها ابتسامة الغيظ ديك : ايوه
غيم : امممم ما تختي حاجه في بالك بس جاسر جا يشيل مويه وقعدنا اتونسنا عاادي و..
لما : وانا ما سألتك ابدا
وشالت صينيتها وطلعت
حباب وبتها بعد اتسممو طلعو صباح ولما قدموهم وراجعين كدا
صباح : شايفاها حلوه كيف .. لون وجسم وظرافه هسي لو كانت اتزوجت جاسر كانت جابت عيال حلوين زيها كدا لكن نعمل شنو احنا مع الناس القلوبهم ما بتحس دي
لما اتجاهلتها واتجهت على الغرفه البقعدو فيها هي وجاسر لما يكونو معاهم اول ما دخلت جاسر كان ورا الباب ضماها وقفل الباب
جاسر : اشتقت ليك
لما وهي بتبعد منو: اممم باين
جاسر : عرفتك حتتضايقي من شفتيني مع غيم لكن انتي عارفاني اصلا ما عندي حاجه ليها صح ولا لا؟
لما : انا ما اتضايقته
جاسر : قلتي لي ما اتضايقتي والقبل شويه وشو كان زي الطماطمه وقرب يخنقني انا وغيم منو😁
لما : جاسر😒
جاسر : هههه خلاص حبيبي اسف تاني كان شفتها ما بسلم عليها
لما : ما غيم بس على فكرة شفتك قبيل وانت بتتونس مع بنات اهلك وكيف متلصقين فيك ويتخاففو
جاسر : اعمل شنو اذا انا حلو والبنات كلهم بتلمو فيني😌

لما وهي بتضربو في صدرو :جاسر ياخ انا ما بهظر
جاسر مسكها من اكتافها : حبيبتي كانت ونسه عاديه صدقيني
لما : وهم ما لقو غيرك يتونسو معاهو
جاسر : اها انا اعمل شنو اخليهم يتكلمو وامشي؟
لما :....
جاسر : انتي ما بتثقي فيني يعني؟
لما : ما كدا لكن ما بحب اشوف بت غيري واقفه وبتضحك معاك وانت بتتظارف معاهم كمان
جاسر : خلاص تاني لساني يتقطع لو اتكلمته مع بت غيرك
لما : كل مره بتقول نفس الكلام
جاسر وهو بشيلها : طيب ممكن ننوم لأنك بقيتي نقناقه وانا تعبان وعاوز ارتاح لما وهي بتجرو من شعرو : نقناقه في عينك
جاسر وهو بختها في السرير ويرقد: اااخ غلطان انا البشيلك وبعدين تعالي انتي اكلتي كتير الليله ولا شنو؟
لما : ليه؟
جاسر : لأنو فجأه بقيتي تقيله ووزنك ذاد لما وهي بتضربو بالمخده : قوم من هنا يا كريه
جاسر طلع لسانو وهو بكاوي فيها : برضو سمينه😝
لما : طيب انا بوريك سمينه دي كيف
وبقو يتجارو في الغرفه
..................

حلا اول ما دخلت لقت التلفون بضرب شافت الاسم "غفران" وطوالي ردت
نور : الو
حلا : اهلا
نور : يازفته والله مشتاقه ليك شديد الا اسأل منك انا يعني؟
حلا : ومنو القال ما عايز يتكلم مع زول مننا ولا يشوفنا
-- ااا يعني زعلانه
-- البزعلني شنو
-- حلا انتي عارفه اليوم داك انا كنته متضايقه وزهجانه كيف
-- اممم
نور وهي صوتها مبحوح : اشتقت ليك يا زفته
حلا اصلا كانت واقفه ع الهبشه ودموعها نزلو : وانا كمان والله يا حيوانه
-- كيفك وكيف مع القرايه
-- انا كويسه انتي كيفك
-- الحمدلله
-- ما ناويه ترجعي ياخ
-- امي قاعده؟
-- اي
-- احسن اكون هنا صدقيني مرتاحه شديد
-- يعني احنا كنا مضايقنك؟
-- حلا دا شنو البتقولي فيهو دا انا طول ما امي موجوده ما حأقدر اقعد
-- طيب يعني لمتى بتقعدي هناك؟
-- لبعد الامتحانات
-- طيب وبتقري؟
-- ايوه غفران بتصحيني من اذان الصبح
-- حلو طيب
-- وانتي؟
-- ايوه خلصته مادتين
-- واصلي كدا ❤️
-- ان شاء الله

قيس وغفران كانو في المطبخ بعملو في العشا
غفران : والله نور دي مسكينه ياخ
قيس : مالا
غفران : البت ما بتنوم بليل كل يوم بسمعها وهي بتتنهد بتبكي لكن ما صوتها ما بطلع ما عايزاني اسمعها
قيس :بتقرا؟
غفران : اي الحمدلله دا احسن شي بقيت اتونس معاها لحدي ما تنوم عشان ما تبكي لكن لمن اصحى بلقاها بتبكي
-- طيب ممكن اتكلم معاها؟
-- انته؟
-- اي
-- حتقول ليها شنو؟
-- خليها علي .. بس انتي بكرا قولي ليها نمشي المطعم شويه ونجي
-- طيب

نور بعد اتكلمت كانت طالعه قابلها وضاح ما عاينت ليهو اصلا وواصلت وضاح مسكها من يدها
وضاح : نور اسمعيني مره وحده بس
نور ولعت عيونها وبقت تعاين ليهو : انا ما حأسالك لأنو دا ما بيتي وانا ضيفه هنا بس احسن ليك تحترم نفسك وما تتكلم معاي ولا اشوف خلقتك دي
قيس جا داخل وسمع كلامهم بس عمل روحو داخل ياداب
قيس وهو بمسكو من كتفو : تعال معاي
نور طلعت وقيس ساق وضاح ودخلو
قيس اداهو بوكس على وشو لمن قرب يقع الارض : انا قلته ليك شنو .. مش قلته ليك تحترم نفسك وما تسألها
وضاح : انت فاهم غلط
قيس : ما فاهم غلط انا فاهم اي شي وعارف انك كنته بتكذب عليها واوهمتها انك بتحبها بس تاني وقسما بالله اشوفك بتعاين ليها ساي بقدد ليك عيونك ديل
.............

جاسر قام بصوت الباب : بسم الله اللهم اجعله خير
قام فتح الباب وكانت صباح
جاسر :خير يا امي
صباح : تعال الحقني الصالون
جاسر مشا وراها قعدت في الكنبه وقعد جمبها
صباح : اسمعني انا عايزه اشوف عيال ولدي ومن حقي افرح ومن اكبر حقوقك كمان انك تفرح وتشوف عيالك فمن الاخر كدا انت كان ما اتزوجته غيم انا ما عافيه ليك لا دنيا لا اخره ورضاي ما يلحقك وين ما مشيت
جاسر : امي كدي استهدي بالله في شنو؟
صباح : ماف اي شي انا العندي قلتو الباقي والدور عليك انته وانا ما عندي مانع تكون مع لما اتزوج عليها بس
وقامت جاسر كان مصدوم ما عارف يقول شنو ختا ايدو على راسو ونزلو بعد شويتين قام
لما قامت مخلوعه عاينت لقت جاسر ماف قامت بسرعه اتجهت على الباب لقتوو داخل وقفل الباب ارتمت في حضنو وهي بتبكي
جاسر : بسم الله مالك في شنو يا لما
لما وهي بتشهق : حلمته حلم كعب كعب شدييييد جاسر الله يخليك ما تسيبني الله يخليك انا ما بتحمل اشوفك مع غيري ابدا 💔


*علاقاتنا عباره عن فيلم قد يكون قصيرا او طويل ففي كلا الحالتين كن مستعدا لعبارة The end*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《10》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*الساعه 8م*
نور : انا تعبانه يا غفران مصحياني من الساعه 3 وتقولي لي نطلع؟
غفران : نص ساعه بس ياخ انا زهجانه والله
نور : يااااخي
غفران وهي بتجرها : قومي يلا بطلي كسل
نور : حنمشي وين طيب
غفران : بعد نطلع بوريك
نور : اووف يلا امري ل الله
لبسو واستأذنو من فتحيه وطلعو بعد وصلو المطعم
نور : من البدايه ما تقولي جايين هنا
غفران : يلا نقعد برا الجو مغيم وحلو
سلمو على قيس وقعدو في حديقة المطعم يتونسو بعد شويتين جاهم قيس
قيس : بقيتو حوامات
نور : دي اختك
غفران : يعني ما نجي نسلم عليك
قيس : تسلمو علي؟ محسساني انو سنه ما شايفاني انا قاعد معاك في نفس البيت يا الاخت
نور ضحكت وغفران حمرت ليهو
غفران : طيب قوم جيب لينا حاجه ناكلها
قيس : تأمرو انتو
قيس قام
نور : اليشوف اخوك يقول انو ما بعرف يتكلم اصلا
غفران : اصلا هو كدا ما بحب يتكلم مع اي زول الظروف الصعبه الشفناها والهو بالزات عانه منها خلاهو انطوائي شويه
نور : امممم
قيس : عارفكم بتحبوها
نور : بيتزااا💜
غفران همست ليهو : "عارفني انا ما بحبها"
قيس بهمس:"اسكتي واكلي بس"
نور : على فكرة لو قعدتي مضايقاكم ممكن اقوم
قيس : قومي طيب وخلينا ناكل البيتزا برانا
نور وهي قايمه: انننن حأشيل البيتزا واقوم
قامت خلتهم وقعدت في تربيزه تانيه
غفران وقيس قعدو يضحكو ويعاينو ليها مدت ليهم لسانا وبدت تاكل
غفران : يلا انجز لأنو قالت نرجع سريع تعبانه وعايزه تنوم
قيس : طيب خليها تاكل
...............

غيم : ممكن نتلاقى
لؤي : هسي؟
غيم : اي عايزاك ضروري
لؤي : طيب
غيم لبست بنطلون جنز ازرق وتشيرت ابيض في كلمات سوداء بالانجليزي واسبورت ابيض وطبعا بدون طرحه دورت عربيتها واتحركت ووصلت في المكان المعتادين يتلاقو فيهو
لؤي : غيم انتي وعدتيني انك تحاولي تتحجبي صح؟
غيم : انا جيت هنا اقول ليك كلام معين وماشه
لؤي : طيب احكي
غيم : انا حأتزوج
لؤي : نعم؟ تتزوجي ؟
غيم : ايوه
لؤي : طيب الله يسعدك
لؤي قام وغيم وقفت محتاره
غيم : معقووله؟ لؤي اتجاوز الموضوع بالبساطه دي؟
رجعت بيتهم قعدت في السرير وهي محتاره كيف لؤي يقدر يتجاوز قصتهم بالبساطه دي لؤي الكان بحبها وميت فيها ومستعد يعمل اي شي عشانها يتخلى عنها بالسهوله دي؟ شالت تلفونها اتصلت عليهو اول مره ما ردا تاني مره في اخر جرس ردا
غيم : اتخليت عني بالسهوله دي؟
لؤي : اقول ليك شنو؟ شايفك مبسوطه وانا متأكد ما حيكون جبروك على الحاجه دي لأنك لو ما عايزه امك مستحيل توافق المهم م دام انتي مبسوطه انا ما حأعترض على الحاجه دي لأنو اهم شي عندي انك تكوني سعيده ويا بختو القدر ياخدك وياخسارة رجولتي لأني ما عرفت احافظ عليك
غيم : بس يا لؤي..
لؤي قفل الخط وغيم حست بضميرها بعذبها شديد فجأه حست بحاجه حاره ع خدها مسحت الدمعه النزلت وهي بتتبسم
غيم : غيم وش بيك تبكي انتي كنتي تموني وجاسر يتزوجك وهسي زعلانه؟

حباب : اها يا صباح الحصل شنو
صباح : والله كلمتو بالقلتيهو لي لكن ما قال لي شي
حباب : كيفن عاد انتي خليك صعبه شويه اسمعي تقولي ليهو الكلام دا ولو ما وافق تاني يبقى خلاص تاني ما حيشتغل بينا
صباح :له له له لازم يوافق
حباب : طيب اسمعي
................

علا وهي بتطلع الحاجات من البوكس الجايبو ليها فادي بيد وماسكه التلفون بيد : وبعدين معاك يا فادي ما حتبطل حركاتك دي
فادي وهو راقد وخاتي يدو تحت راسو : عجبوك ولا لا
علا : لا
فادي : وبتتبسمي مالك طيب
علا وهي بتحول نظراتها لأركان غرفتها : انا شاكه انك حاطي كاميرات مراقبه في غرفتي وبتراقبني
-- هههه ما كدا بس انا حافظك بصمه
-- لا ياخ
-- جد والله يعني تفاصيلك الصغيره كلها حفظتها
-- مثلا؟
-- مثلا ابتسامتك وانتي بتشوفي الحاجات دي وبتجدعي ضفيرتك لورا وضحكتك المميزه وانتي بتلعبي مع حنين وبتضحكي في كلامها والحركات البتعمليها بوشك لما تكوني متضايقه والخاتم الفضي الما بتطلعيهو من يدك نهائي والساعه البنيه الما بتلبسيها الا لما تكوني ماشه الجامعه ونهائي ما بتطلعي بيها مشوار .. والخلخال اليوميا بشاكلك فيهو وانتي ما جايبه لي خبر والمنكير اللونو كيف كيف نهائي ما بتضربي غيرو اهاا ومره كدا عملتي اسود مره واحده بس لكن والفستان البيجي البتكوني بيهو حاجه تانيه خالص و..
-- خلاص خلاص لأنو حأقع بعد شويه
-- صدقتي كدا
-- امممم بس انته متين لاحظته لي كل دا
-- علا انا معاك 5 سنوات يعني معقوله ما اركز لي دا كلو
-- طيب سكته
-- امس كان نفسي اشوفك لكن بيتكم كان مزحوم وما قدرته
-- ما مشكله اهاا نسيت اتصل لي مها قالت فرح تعبانه بقت كيف؟

-- كويسه الحمدلله
-- الحمدلله
-- شوفي يا علا انا حأسالك وما عاوزك تخافي ولا تتهربي
-- اسأل
-- منذر سافر متين؟
تيت تيت تيت
فادي :علا علا .. شت ياااه
رجع ليها كم مره ما بترد في النهايه عمل مكالمه تانيه
فادي : ابو الصلح كيفك
صلاح : اووو فادي تمام والله كيفك انت
فادي : الحمدلله تمام اسمع

ني دايرك في شغله كدا
صلاح : تأمر انته ياخ
فادي : في زول كدا عاوز رقمو وقدر ما حاولته في صفحتو ما لقيتو
صلاح: جدا بس رسل لي اسكرين لصفحتو ونص ساعه كدا بجيك الرقم
فادي : تسلم ياخ
صلاح : ولو العفو
وقفلو على كدا
فادي : بتشوف يا منذر كان ما هرستك بي يدي ما ابقى فادي حسن .. طلع ولقا مها بتحضر
فادي : وين الجماعه الطيبين
مها : اااخ نامو واخيرا
فادي : طيب انا بمر على المطعم واجي
مها : اوكي
''''
علا بعد قفلت من فادي اتكرفست كالعاده غمضت عيونها شديد وهي بتتذكر الحصل ليها ليلة الحادث بقت تبكي وتشهق وتهز رأسها
علا : الله ياخدك الله ياخدك ياخ
..................

حسان وامل كانو في توتي جمب البحر وبلعبو بالمويه برجولهم وبتونسو حسان فجأه شال مويه بيدو ورشاها
امل وهي بتضحك : حسان دا شنو طيب اصبر
شالت مويه وبقت ترشو ويتهابلو بعد خلصو قعدو الكراسي وهم ميتين بالضحك
امل : انت مجنون 😂
حسان وهو سرحان فيها : معاك بس
امل ابتسمت ونزلت راسها
حسان: خليك مبتسمه كدا دائما
امل : معاك بس
فجأه حسان جاهو اتصال
امل : في شنو مالك انزعجته كدا
حسان وهو بدخل التلفون وببتسم ليها: ولا شي .. كنتي بتقولي شنو
امل : ولا شي
حسان : والله؟ قلتي معاك بس بكون مبتسمه
امل : طيب لو عارف مالك بتستهبل
حسان وهو بمسكها من يدها : امل انتي بتحبيني
امل وهو بتقوم : ممكن نمشي لأنو اتأخرنا
حسان قام وراها : اوكي يلا
قامو الاتنين ركبو العربيه واتحركو على البيت وهم في الطريق
امل : ليه ما عايز ترد تلفونك دا من قبيل بضرب
حسان : سيبيهو
امل : ما عايز ترد لأنو انا معاك؟
حسان شال التلفون وردا
حسان : نعم
غاليه : بتصل ليك من قبيل مالك ما بترد
حسان : مشغول في حاجه؟
غاليه : لا ابدا ماف شي من انته سافرته مشغول؟ ما فاضي دقايق بس عشان تكلم مرتك وولدك
حسان : بعدين نتفاهم
وقفل الخط
امل : شكلك متضايق
حسان : ضغط الشغل حتى وانا مؤجز ما برحموني
امل : اممم تمام
وصلها البيت جات داخله وهي بتتبسم ريان كانت بتحضر وخاته مكسرات قدامها وبتاكل
ريان : اعوذ بالله من الشيطان الرجيم
امل : مالك
ريان :come here😼
امل جات قعدت جمبها وبقت تاكل معاها
ريان : شايفه طلعاتك كترت مع الاسمو حسان ولا مين دا
امل : خطيبي ولي الحق اطلع معاهو في اي وقت
-- همممم ما كنا بنقول غليظ ومتحكم وما عايزنو
-- تتخيلي انو طلع عكس ما كنت متواقعاهو
-- سبحان الله
-- يعني رومانسي شدييد وكلامو حلو ودايما بخليني مبسوطه
-- يعني وقعتي؟😀
-- لا ياخ بس ارتحته ليهو
-- امممم ارتحتي ليهو
امل وهي بتقوم : انا اصلا المقعدني معاك شنو
ريان وهي بتجرها : اقعدي ياخ
-- وين امي
-- اكيد بتتناقر مع ابوك
-- يعني هم ما حيسيبو حركاتهم دي؟
-- مستحيل .. اها انتي كيف مع الجامعه يا برلومه
-- وااي اتمنيت اني ما دخلتها
-- قلته ليك انتي شغاله لي نفسي ادخلها واموت ادخلها .. اهو دخلتيها

بتكلمو كدا جا محمد داخل
امل : حموده تعال
محمد وهو جاي عليهم : احكي
امل : اقعد معانا شويه ياخ من جيت ما اتونسنا معاك زي الناس
محمد : انا اصلا عايزكم في موضوع
ريان : احكي
محمد : اممم عايز اخطب لي وحده و..
ريان : واااي كذاب
محمد : يا زفته خليني اكمل كلامي
ريان : اوبس اسفه كمل طيب
محمد : هي ممتحنه وبعد تخلص امتحاناتها بتقدم ليها
امل : احنا بنعرفهم؟
محمد : ما اظن
ريان : وانته شفتها وين
محمد : تتذكرو عرس مهاب بس هي كانت هناك مديحة اختو صحبتها
امل : ايييك من عرس مهاب
محمد : اي
ريان : اهاا وكلمته ماما وداد
محمد : لا ما كلمتهم
امل : ومنتظر شنو
محمد : انتو عارفين علاقتي مع ابوي ما كويسه ما عارف زاتو اكلمو كيف
امل : لا يعني ما حتكلمو؟
محمد : لا اكيد بكلمو بس امي اول
ريان : اخيرااا حيكون عندنا فرحة في البيت😍😍😍❤️
محمد : الناس في شنو والحسانيه في شنو
ريان : يلا انا عاوزه اتعرف ليها هات رقمها
محمد : اذا انا ما كنت بتكلم معاها اديك رقمها عشان تجننيها ذياده
امل ضحكت وريان ضربتو في كتفو
ريان : جن اليجننك
امل : وليه ما متواصل معاها
محمد : امتحاناتها قربت وما عايز اشغلها
ريان : يا خطييير انته😉
.............
لما : ممكن توريني مالك من اصبحنا وانته ما طبيعي وسرحان
جاسر وهو بمسح وشو : ماف شي

لما : ماف شي واحنا من قعدنا ما دخلته لقمه في خشمك
جاسر بنهره : عليك الله انا مصدع وما ناقص كلام كتير
لما قامت جابت ليهو بندول ختتو ليهو في التربيزه بقوة ومشت غرفتهم .. جاسر بعد وعا لنفسو مشا ليها لقاها راقده ومغطيه وشها
جاسر : لما..لما قومي انا ما قصدي
مشا عليها وزحا الغطا
جاسر : في داعي لي دا كلو انا اسف خلاص قومي
جاهو اتصال وتلفونو كان في الشاحن لقاها امو وقف مسافه وردا
صباح : اسمعني اذا انته ما وافقته ع القلتو ليك من اليوم دا انا ما امك ووشك دا ما عاوزه اشوفو خلي لما تنفعك
وطق قفلت الخط
جاسر جدع التلفون بقوةة لمن اتفرتق حته حته لما قامت مخلوعه جايه عليهو رفع يدو يعني ما تجيهو
لما بخوف : جاسر مالك
جاسر وهو مغمض عيونو ورافع يدو: لما اطلعي
لما : ما بطلع وبخليك كد...
جاسر بصوت عالي شديد : قلته ليك اطلعي وما عايز نقاش كتير
لما بصوت عالي : وانا قلته ليك ما بطلع
جاسر مسكها من يدها وطلعها وقفل الباب
لما وهي بتضرب الباب ودموعها نازله: جااسر افتح الباب جااسر الله يهديك
جاسر بجوا كسر اي شي قدامو وقعد في الارض وهو بتكلم مع نفسو
جاسر : ليه ليه كدا يا امي ليه بتختني في موقف زي دا كلو الا لما كلو الا لما
...............

نور : وين غفران
قيس : طلعت قريب وجايه
نور : اممم
سكتو شويه وبعدين قيس اتكلم
قيس : نور ممكن اسألك؟
نور : احكي
قيس : عارف انو دي خصوصيات بس ممكن اعرف انتي مشكلتك شنو مع امك؟
نور : لا
-- لا؟
-- اها لو عرفته حتعمل شنو
-- حتى لو ما ساعدتك حتكوني فضفضتي بس
-- ما عايزه
-- مهما كانت مشكلتك معاها ففي النهايه دي امك ولو ما هي ما كنتي جيتي على الدنيا
-- ياريتني ما جيت
-- ليه بتقولي كدا
-- لأني تعبته واتخنقته من اي شي وما نفسي اصلا اعيش اكتر من كدا
-- ما صح البتقولي فيهو دا
-- اصلا شنو الكان صح في حياتي اي شي غلط في غلط
-- طيب صلحي الغلط مالو اي انسان بغلط
-- انت شفقان علي؟
-- في فرق بين انو الزول يشفق عليك ويخاف عليك
-- وتخاف علي ليه اصلا من متين بتعرفني
-- ما شرط اكون بعرفك من 10 سنين ولا مليون سنه بس الانا عرفتو انو قلبك ابيض وبتتظاهري انك قويه بس انتي لا
-- انت بتستفزني؟
-- بقول الحقيقه الانتي نفسك ماقادره تعترفي بيها
-- ما انت البتحدد انا قويه او لا
-- وما الشخص نفسو البقدر يحدد هل هو قوي او لا
-- انت عايز شنو
-- عايزك الفتره دي تنسي اي شي وتركزي في قرايتك
-- ودا الانا بعملو
-- كذابه
-- نعم
-- نعم الله عليك .. اي كذابه لأنك كل يوم بتبكي
-- والقال ليك منو
-- يعني بتبكي؟
-- لا
-- انا قاري علم نفس وبفهمك
-- انننن انت ما قريت الجامعه اصلا
-- اها بتبكي ولا لا؟
-- قلت ليك ما ببكي وانا عايزه امشي نادي غفران
-- داك فادي؟ اي والله
فادي جا عليهم وسلم على قيس بحراره
قيس : وين انت ياخ اختفيت فجأه كدا
فادي : والله يا قيس تقول شنو عندي قريبتي حصل ليها حادث وكنته معاهم وكدا
قيس : سلامتها ياخ
فادي : الله يسلمك
نور كانت راقده على التربيزه من التعب
فادي : دي زولتك ولا شنو
اول ما سمعت كلام فادي قامت
نور : لا طبعا وانت التاني اختك طارت وين
قيس : نور اهدي اقعدي كدي اتفاهم مع المدير واجيك
نور : خمسه دقائق وبمشي براي كان ما جات