مشت قعدت وفادي وقيس دخلو المطعم
فادي : دي جايبها من وين😂
قيس : صحبة اختي
فادي : بس كأني شايفها
قيس : بتكون شفتها طبيعي حايمه
فادي : دقيقه .. اهاا .. لا ياخ ما بتكون هي
قيس : منو
فادي : انسى كدي تعال انا مريت على السوبر ماركت وهسي جاي اقفل حساباتي
"فادي عندو سوبر ماركت غير المطعم دا"
...............

غاليه : مسافر ليك4 شهور ولا بتقول اسأل من مرتي وولدي المجدعوين بهناك ديل .. ثانيا نقلته شغلك في السودان لمدة سنه وانا اخر من يعلم .. ولا والاحلى عاوز تتزوج
حسان : اي بتزوج عندك اي اعتراض وولدي انا يوميا بتكلم معاهو اما انتي ما عايز اعرف عنك اي شي
-- انته جادي في البتعمل فيهو دا ياحسان
-- اي جادي
-- ماما لو عرفت ما بتخليك
-- لا انتي فاكراني خايف منها ولا خاتم في اصبعها تحركني متى ما دايره يا زوله امشي كلميها وكان فتحت الموضوع معاي انا بحكي ليها بأي شي اصلا عايز لي فرصه
-- طيب وكريم
-- كريم مالو
--حنتطلق
-- لا طبعا ما حأعمل كدا عشان كريم واذا انتي مصره نتطلق كريم حيفضل معاي
--طيب ما حنتطلق
-- تمام
-- ربنا يتم ليك على خير
-- امين يارب
قفلو على كدا وغاليه عيونها بقو مولعين
غاليه : طيب يا حسان بتشوف الزواج دا لو تم ولا لا
مشت على كريم ولدها وشالتو
غاليه : كيمو حبيبي انته بتتكلم مع بابا
كريم : ايوه
غاليه : بجوال مين
كريم : العنود
غاليه : وكمان شايل رقم مديرة الروضه دا كلو عشان ما يتكلم معاي تمام
.................

علا : اتفضل .. برجع ليك بعدين ياعهد
عهد : طيب سلمي على ناس البيت
علا : الله يسلمك
منير: كيفك يا بتي
-- تمام الحمدلله كنته بتكلم مع عهد "عهد اختها لو متذكرنها"
-- قبيل كنته بتكلم معاها.. معليش ما بسأل منك كتير اعفي لي
-- مامشكله عارفه ضغوطات الشغل
-- عرفتي بالحتعملو امك
-- لا مالا
-- قالت لي جاسر لو ما اتزوجته غيم ما حأعفي ليك
-- كيف؟
-- سمعتها بتتكلم معاهو ومصره على كلامها شديد
علا قامت من سريرها وابوها بوقف فيها
منير: يا بت تعالي ما صح تقومي قبل الاسبوع دا يتم
اتجهت على غرفة امها ولقتها بتتكلم بالتلفون
علا : دا شنو البتعملي فيهو دا يا امي
صباح : بسم الله المقومك شنو يا بت مش الدكتوى قال ليك ما تقومي الا بعد اسبوعين
علا: ياخ حريقه في الدكتور انتي ليه بتعملي كدا بت الناس عملت ليك شنو ذنبها شنو هي اذا ما

بتقدر تخلف وجاسر راضي بالحاجه دي تاني في شنو ليه مصره تخربي ليهم اي شي ياخ انتي ما عايزه تشوفي ولدك مبسوط الله يسألك ما شفتي اللمعه البتكون في عيونو لمن يشوف لما مبسوطه ولا كيف بخاف عليها من النمله الماشه في الارض انتي ليه ما عايزه تفهمي انهم كدا مبسوطين والحاجه دي بيد ربنا متى ما يأذن بجيهم المولود
صباح : انا ما قلته حأفرقهم من بعض ولا قلته ليهو طلقها بس انا عاوزه اشوف احفادي وجاسر كمان نفسو يشوف اولادو لكن ما بقدر يقول لي لما ودا اخر كلامي وما عايزه زول يناقشني كتير خلاص
علا : عمرك ما حتفهمي البين جاسر ولما

علا رجعت وهي بتبكي ومنير مشا وراها
منير : يا بتي خلاص اهدي انتي عارفه امك
علا وهي بتبكي : ليه بتعمل دا كلو هسي لو الحاجه دي حصلت معاي انا هي بترضى
منير : خلاص انتي روقي بس وانا بتكلم معاها تمام
علا هزت راسها ومنير طلع
................
11 م فادي رجع البيت لقا صلاح رسل ليهو رقم منذر دخل غرفتو وطوالي اتصل عليهو
منذر : الو
فادي : وين ياا اخبارك
منذر : معليش بس ما عرفتك
-- ما ضروري تعرفني المهم انا بعرفك
-- وداير مني شنو
-- ما شي كتير بس عايز اشوفك ونتفاهم في كم حاجه كدا
-- انت شكلك فاضي وما عندك موضوع
وطق منذر قفل الخط فادي ضحك واتكلم مع نفسو
فادي : فعلا انا الفتره دي ما عندي موضوع غيرك نهاائي مفرغ ليك نفسي تماما
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《11》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*9:30 pm*
وهي بتقبل ع الجهه التانيه وبتدي الحيطه ظهرها
نور: نفسي اعرف انتي اصلا لسانك خفيف كدا ولا مع قيس بس
غفران فتحت عيونها : هههه لا مع قيس بس
-- وانتي القال ليك منو انا ببكي بالليل
-- بسمعك قبل انوم
-- اممم
غفران قامت وقعدت ف سريرها ومسكت ايديها : نور انتي البتعملي فيهو دا ما صح انا قبل كدا قلت ليك ما حتستفيدي شي من البكا غير الصداع البتقومي بيهو كل صباح وعدم تركيزك في قرايتك .. الله يخليك بطلي البتسوي دا وما تفكري في اي شي حاليا وانا معاك خطوه بخطوه عشان تقدري تتفوقي وتجيبي النسبه العايزاها
نور: ان شاء الله
غفران : وعد
نور بابتسامه مكسوره: وعد
غفران وهي بترجع لسريرها: طيب نومي لأنو بكرا كمان حنقوم 3
-- لاا بتهظري صح
-- ابدااا
-- الله يسامحك يا غفران
-- هههه امين يارب
.................

نهله : اعمل شنو يا هلال يعني انا شغلي ما بسمح لي لحاجات زي دي
هلال : بتك اهملتيها شديد يا نهله وبتبعد منك كدا انا ابوها وما بتقدر تصارحني بأي شي لكن انتي لو قربتي منها حتقرب لينا احنا الاتنين
-- انا ما مقصره منها في شي اي شي عايزاهو بجيبو ليها في وقتو
-- الحنيه ما بشتروها بالقروش وبتك دايراك جمبها وتحسسيها باهتمامك بيها ووقوفك جمبها في الايام دي بالزات
-- ان شاء الله هسي انا اتأخرت وطالعه
-- استغفر الله العظيم يارب

نهله وهي طالعه مشت لحلا دقت باب غرفتها ودخلت لقتها نايمه قفلت الباب براحه وطلعت " ي حليلنا احنا البقومونا بي لبعه لمن السلسله الفقريه تتفرتق سلسله سلسله"

هندا : اي ي قيس
قيس : كيفك ي خاله ان شاء الله تمام
-- كويسه الحمدلله انت اخبارك شنو وناس بيتكم كيف
-- كلهم في نعمه الحمدلله
-- اها نور كويسه وبتذاكر كويس؟
-- اي ما تشيلي هم كويسه شديد
-- لالا الحمدلله لو كدا هسي نامت ولا صاحيه
-- انا لسه ما رجعت البيت والله لكن بكونو نامو لأنو كانو معاي قبل شويه طلعو يفرقو وكدا وكانو بقولو قامو بدري وراجعين يرقدو طوالي
-- ما تكون بتطلع كتير
-- لالا بس الليله وانا العزمتهم
-- طيب تمام سلم ع امك
-- الله يسلمك يارب
............
*12:30*
جاسر طلع من الغرفه..لما كانت ف الارض راقده ع الحيطه جمب الباب اول ما فتح الباب قامت .. وكانت تاني مره تشوف فيها دموعو (اول مره يوم زواجهم لأنو تعبو شديد عشان يصلو لليوم دا بس ديك كانت دموع فرح) اتسمرت مكانها وهم بتبادلو النظرات دموعها نزلو وهي بتعاين ليهو وهو بالشكل دا كان جارح يدو لأنو كسر المرايه بيدو .. تابع خطواتو ع الباب وهي جرت ووقفت قدامو اتخطاها وكان طالع جرتو للكنبه ختت راسو صدرها واللحظه دي حست بتنهيداتو كانت بتبكي معاهو بدون ما تفهم الحاصل شنو ...فضلو على الحاله دي قريب 10دقائق جاسر قام دخل الحمام غسل وشو وشال مفاتيح عربيتو وطلع
لما قامت دخلت غرفتهم ولقت اي شي مجدع ف الارض ختت ايدها ع شفايفها غمضت عيونها ودموعها لسه بتنزل رقدت ع السرير وهي ضامه المخده من خوفها عليهو .. بعد شويتين شالت تلفونها واتصلت على علا .. ما ردت الا في المكالمه التالته

علا بصوت نعسان: بسم الله يابت متصله لي الوقت دا مالك
لما وهي بتبكي : علاا جاسر .. جاسر
علا قامت مخلوعه : في شنو جاسر مالو
لما : جاسر كان هنا كسر اي شي في الغرفه وطلع
-- طيب اهدي هسي وفهميني في شنو بالظبط حصل شنو خلاهو يعمل كدا
-- ما بعرف اصلا اليوم كلو زهجان وقبيل جاتو مكالمه ما عارفه منو الاتصل ولا قالو ليهو شنو كسر التلفون واي شي وطلع
علا اللحظه دي اتذكرت كلام امها وما عرفت تقول لي لما شنو
لما : انا خايفه شديد ي علا ما عارفه حيعمل لنفسو شنو
علا: طيب روقي انا هسي بتكلم معاهو وبشوف الحاصل شنو
لما : ما معاهو تلفون ولا اي شي
علا : عندو تلفون صغير بكون في عربيتو طوالي نسيتيهو
لما : ااا كيف نسيت بس ما عندي الرقم
علا : طيب ما تقلقي انا عندي بتصل عليهو هسي وبشوفو
لما : رسليهو لي
علا : كويس طيب
..............................

غيم : اها ي ماما الحصل شنو
حباب: انتي ي بت شنو الخفه العليك دي ما قلنا اصبري يومين تاني
غيم : اوووف طيب
مشت غرفتها ولقت غاليه متصله عليها
غيم : هلا هلا
غاليه :ازيك يابت
-- بخير الحمدلله انتي شخبارك
-- الحمدلله بخير
-- الحمدلله
-- طبعا نازله السودان الاسبوع الجاي
-- اووميقاد جاده؟؟؟؟
-- ما تصرخي ي بت انا ما كلمت زول لي هسي
-- اوبس طيب طيب
-- فضيحه
-- ما مصدقه اخيرا حشوف كيمو حبيبي
-- كيمو بس ي جزمه وانا
-- انتي مين اساسا ي بيبي
-- جزمه خلاص
-- اي نو
-- وجايه اشوف موضوع حسان دا
-- لا هو جادي يعني
-- جادي اي
-- ماما لو عرفت بتجيب اخرتهم الاتنين😂
-- اوعى تعرف خليهو علي الموضوع دا
-- طيب
-- تتذكري فال الكانت ساكنه في الفله القصادنا
-- الكان عاجبها حسان ايام شغال عندنا😂
-- اي ياها
-- المشكله هي شينه لمن غلط وبتعاين لحسان كمان محن غايتو اها مالا
-- ما شفتيها بقت سمحه كيف
-- جااده؟
-- اي برسل ليك صورها بعدين
--دي ياها الحيتزوجها حسان؟
-- لا طبعا جنيتي .. حيتزوج وحده هناك اصلا في السودان
بعد ونسه تمت ساعه غيم فتحت الفيس وقابلها منشور لؤي قبل 3 ساعات
" حين يهوى القلب... ويحتل الكيان .. وتميل النفس .. تنسى من تكون.. وتتغير طباعك .. بنظره واحده وكلمه واحده تغدو في عالم اخر .. تصبح كل اهمامتك متعلقه بشخص واحد (سواء كان يستحق ام لا) يتركز خوفك -على من تميل اليه نفسك- في اتفه الاشياء .. وحين تستيقظ .. تتذكر فقط ان دوام الحال من المحال" فتحت التعليقات وركزت على تعليقات البنات الكانو بشاغلو فيهو ... ف النهايه جدعت التلفون ونامت


حباب : اها الحصل شنو كلمتيهو
صباح : اي كلمتو ما قال اي شي
-- لالا كان كدا حيوافق خلاص
-- ان شاء الله ياخ تعبت انا والله
-- اي انتهينا بس هسي اصبري ليهو للصباح بجيك براهو
-- خلاص تمام
.................

علا : الو
لما : علا اتكلمتي معاهو عرفتيهو وين؟
علا : اي ي لما ما تخافي هو هسي هنا في غرفتو
-- خلاص انا بجي هسي
-- لالا ما تجي زي الوقت دا براك الساعه 2 وما حتلقي حاجه توصلك واصلا هو قافل الغرفه وقال ما عايز يتكلم مع اي زول
-- لا حأجي
-- لما اسمعي.." تيت تيت"


كان قاعد ف الارض خاتي رافع راسو وخاتي قبضة يدو عليها رفع راسو لمن سمع صوت الباب بفتح
جاسر : انا مش قلت ما عايز اتكلم مع زول
علا وهي واقفه ومربعه يدينها: انا ما زول انا اختك
-- علا اطلعي ما عايز اشوف او اسمع اي شي
-- الزول الضعيف القدامي دا ما اخوي الانا بعرفو
-- انتي قلتي لي تعال وانا جيت اي كلمه ذياده حأطلع
-- اتفضل اطلع .. بس كدا ما حتقدر تهرب من الانت فيهو وخليك قوي شويه اول مره اشوفك ضعيف كدا
-- انتي عارفه انو انا ضعيف قدام اي شي بخص لما
-- كدا تبقى غلطان اذا بتضعف من هسي حتقدر تحافظ عليها كيف
وهو بطلع :انا طالع
-- اطلع اي اصلا لما جايه هسي وما حتقدر تواجهه لأنك ضعيف
قبل عليها : جايه وين
-- جايه هنا
-- تجي كيف زي الوقت دا
-- سألتني وقلت ليها انك هنا
-- استغفر الله العظيم يارب
طلع بخطوات سريعه واتجه على شقتهم .. كان سايق بسرعه شديده لكن ما وصل في اقل من 10 دقايق نزل من العربيه وطلع على بيتهم لقاها بتقفل في الشقه قبلت عليهو وشهقت من الخلعه
لما :بسم الله الرحمن الرحيم
مسكها من دراعها فتح الباب لزاها جوا وقفلو
جاسر وهو بكورك فيها: جنيتي انتي صح جنيتي .. عايزه تطلعي زي الوقت دا وبراك كمان لو حصلت ليك حاجه هسي.. قسما بالله حتجلطيني انتي يوم دا تصرف زول مسوؤل .. افتحي خشمك دا بتكلم معاك انا
لما وهي بتصرخ زيو: عايزني اعمل شنو وانا طالع بالحاله ديك اقعد انتظرك وانا ما عارفه شي ولا فاهمه الحاصل شنو
جاسر وهو برفع سبابتو : لما ما ترفعي صوتك
لما : كنت وين
جاسر : خشي نومي يلا
-- ما حتوريني صح
-- خشي قلت ليك
-- تمام
دخلت الغرفه التانيه لأنو غرفتهم لسه في حالا .. جاسر رقد ف الصاله على الكنبه وختا زراعو ع حبهتو وهو سرحان في السقف لحدي ما نام وهو ما عارف نفسو نام متين
.............
*7:00am*

مها :بتعمل في شنو لي هسي يا احمد يلا سريع
احمد وهو طالع وبلبس تشيرت المدرسه: اها يا ماما
بخت ليهو عطرو وختت ليهو وجبتو في الشنطه
مها : يلا الحق خالو تحت منتظرك ف العربيه
احمد وهو بتثأب : ااااه نعسان
مها : ما مساهر لي للساعه 12 ف التلفزيون الما بنعسك شنو اطلع يلا
بعد خلصت من ولدها مشت لي حنين لقتها ماسكه تلفونها وبتضحك
حنين : اي نعثاانه
مها : ي بت بتتكلمي مع منو
حنين : دا جدو يا ماما
حسن : ماما جات؟
حنين : اي
حسن : يلا قومي اتسوكي وغسلي وشك
حنين :عايزه اتكلم معاك😢
حسن :لحدي ما تجي بكون اتكلمت مع ماما يلا حبيبتي
حنين :حاضل .. هاتي ماما
حسن : بتي كيفك
مها : الحمدلله كويسه انت كيفك
حسن : والله كويس الحمدلله
مها : الحمدلله
حسن : فادي كيف بتصل ليهو ما برد
مها : كويس بس بكون مشغول
حسن : اهاا ربنا يعينو وزوجك كيف
مها : الحمدلله كويس
حنين : حلاااس اديني جدو
مها : ي بت متين خلصتي وجيتي ارح اشربي الشاي طيب
حنين وهي بتحاول تشيل التلفون : مام ماام اديني جدو بث
مها : ي بت جدو ما فاضي
حسن : هههه لا خليها فاضي عشان خاطر عيونها
حنين : انننا اننا ثوفتي
مها : طيب هاك
حنين : ديبي لي الساي هنا وما عايزه بسكوين ديبي لي زلابيه
مها : اجيب زلابيه من وين اشربي بالبسكويت ساي
حسن : دي حاكماكم شكلها كدا
مها : اي شديد اي شي لازم يجيبو ليها
حنين : حالتو عبير البتبيع الزلابيه دااعده قبيل سفتها بالبلكونه وسلمت عليها
مها : سمح حااضر

.....................

غفران : ما عرفت ليها والله يا نور لقيتيها وين

نور : في امتحان 2014
-- حليتو انا ما لاقتني مسأله زي دي
-- تجريبي ولاية الجزيره
-- خلاص نمشي نسأل منها الاستاذ بكرا اصلا بكرا في حصة رياضيات
-- اي امشي اسأليهو
-- حتمشي معاي
-- انتي ما عايزاني امتحن ولا شنو
-- كيف يعني
-- مش قلت ليك المدير قال لينا ما تجو الا للامتحان
-- اهااا ارح ياخ بقول ليهو جبتها معاي
-- بري خلقتو دي زاتا ما عايزه اشوفا
-- حرام عليك المدير دا طيب والله😂
-- طيب معاك انتي بس يا ماما
-- خلاص ما مشكله بمشي بكرا براي
-- اوكي
-- امشي اعمل الشاي ناس البيت بكونو قامو
-- خليني اعملو انا
-- جاده😂
-- يبب ما تستهيني بقدراتي ي بت ارح يلا
-- قدرات شنو كان ما شاي هو😂

مشو المطبخ نور بتسوي الشاي وبتونسو الاتنين جا قيس داخل
قيس : صباح الخير
نور وغفران : صباح النور
قيس عاين لي غفران القاعده: نور حتعمل لينا الشاي ولا شنو
نور: ايووون
قيس بهمس لغفران: ناويه تسممينا الليله ولا شنو
نور وهي بتخت الكبابي على الصينيه : سمعتكم ع فكره😒
غفران : ههههه ما لي دخل انا
قيس حاول يتسحب براحه نور ختت المعلقه وقبلت عليهو
نور : عندك شك في قدراتي بس وريني لو ما عجبك ما تشربو تعال سوي براك مش بتعرف...
قيس : الخلاني اتكلم شنو
غفران كانت بتضحك وقيس ماسك الضحكه
نور : كويس بس كدي مد يدك على الشاي دا
شالت الصينيه وعاينت لغفران: خلي الضحك وشيلي السيمرس وتعالي
قيس : بهظر والله معقوله نور ما تعمل شاي سمح تعالي وريني زاتو بعملو كيف اتعلم منك
نور : بترريق فيني؟
قيس : حشا وكلا
نور : قومي ي زفته
غفران وهي بتقوم : يلا طيب
مشو قعدو جمب فتحيه ونور كبت الشاي قيس جا قعد جمب فتحيه ..وغفران ونور في كراسي
فتحيه : يا سلام عملتي لينا الشاي انتي
نور : ايوه ي خالتو
قيس بصوت واطي : الله يستر
نور : المقعدك شنو انت قوم اعمل شايك عشان ما تتأخر على شغلك
قيس: خايفه علي يطردوني
نور : خالتو ولدك دا مالو اهبل كدا
فتحيه : هههه ما تشتغلي بيهو وانت قوم اعمل شايك براك
قيس : كدا انتي كمان يا امي؟
فتحيه : اي يلا يلا
قيس عاين للتلفزيون : دا شنو
كلهم قبلو عليهو شال كبايه براحه وقام قعد في الحوش
نور : ي حيوان تعال هنا جيب الكبايه دي
قيس : لا😂 معقوله ما اشرب شاي
نور : غياظ😒
غفران : اشربي يلا عشان نقوم على القرايه
نور : والله يا خالتو اولادك ديل الاتنين ما نصاح
فتحيه : مالم😂
بتكلمو جا وضاح
وضاح : صباح الخير
فتحيه : صباح النور
عاين لي غفران ونور نظام لي ما رديتو
غفران : يلا ي نور
نور : ارح
دخلو الاتنين ووضاح جا قعد جمب امو
وضاح : امي انا عايز اكلم غفران ياخ
فتحيه : ايااك ثم اياك
قيس : تفتح خشمك دا بكسرو ليك
قبلو عليهو ووضاح اتخلع
وضاح : انا اخوك الكبير اتكلم معاي كويس
قيس : ههه حاضر .. يا اخوي

قيس طلع وهو بشرب ف الشاي تلفونو وفجأه جاهو منشور عاملين فيهو تاق لأمل وكاتب " اخيرا خطبتها❤️"
.......................

صباح : ايوي ايووووي
جاسر : اميي انا وافقت بس اسمعي كلامي دا كويس ما عايز اي جوطه وحفله وكلام فاضي عقد وبس وقسما القاكم عملتو جوطه وعزمتو امة محمد كلها اخلي العرس دا واتخارج
صباح : لالا ما تخاف الدايرو بنعملو ليك اخيرا يا ولدي فرحتني اخيراااا حاشوفك ما البت البتستاهلك واشوف احفادي

جاسر خلاها بتتكلم وطلع على الشركه
علا كانت سامعاهم رجعت غرفتها واتصلت على فادي
فادي : صباح الخير
علا : صباح النور
فادي : كيف اصبحتي
علا : ما كويسه خالص
-- ليه في شنو
حكت ليهو بالحصل كلو
-- لا حوله ياخ وامك مصره يعني
-- اي والله قلبي بتقطع عليهم ما شفت جاسر حالتو كان كيف اول مره من اتخلقت اشوف جاسر اخوي بالحاله ديك والله خفت عليهو
-- انا بتكلم معاهو
-- تتكلم شنو خلاص وافق
-- انتي جاده
-- جاده والله
-- ولما عارفه بالكلام دا
-- لا ما عارفه لو عرفت حتجن
-- طيب اتكلمي معاها انتي او ابوك يتكلم معاها
-- امي لو ختت حاجه في راسها تاني خلاص ما بتسمع لأي زول
-- وحتعملو شنو هسي
-- ما عارفه والله ما عارفه

...............

محمد : كيف يا ابوي كيف توافقو على حاجه زي دي .. راجل قاعد بدون ام واب ومتزوج وتدوهو بتكم
منتصر : يا ولدي قلت ليك هو حكى لينا اي شي والاتخلو عنو اهلو ما هو
محمد : كيف الكلام دا
منتصر : عديل كدا
محمد : فهمني
ريان : باسل خلي العواره
باسل : عوارة شنو عايزاني اديك رقمها عشان تقولي ليها شنو
-- عشان اربيها وما تعاين لحاجه ما بتاعتها
-- خليها اصلا حتزهج براها
-- ما حتديني الرقم يعني
-- لا
-- خلاص بجييو بطريقتي
-- ريان الله يهديك خلي الجن الانتي فيهو دا
-- عشان بغير عليك يعني بتسميهو جن

-- ما كدا لكن ما تعقدي الامور
-- طيب "وفصلت الخط"
...................
باب المكتب بخبط
نهله : اتفضل
عدي : السلام عليكم
نهله : اهلين وعليكم السلام اتفضل اتفضل
جا داخل وايديهو جوا اللابكوت ومنزل راسو (تواضع وكدا)
عدي : يا خاله كيفك
-- الحمدلله يا ولدي انت كيفك وناس بيتكم كيف
-- كلنا بخير والله انتو اخباركم شنو وحلا كيف
-- الحمدلله كويسه والله
-- الحمدلله نفسياتا كيف الامتحانات قربت وكدا
-- مضغوطه والله
-- ربنا يعينها ياخ ويوفقها
-- امين يارب... امك كلمتني بالموضوع وانا ما عندي اي مشكله والله انت زول كويس واهلك كويسين وما فيكم اي كلام بس هسي خلي الموضوع دا بعد تخلص امتحاناتها وانا بفتحو
معاها
-- تسلمي ياخ بس عايز رقم زوجك اتفاهم معاهو في الموضوع وكدا
نهله شالت التلفون : طوالي سجل عندك 09123
عدي : يلا استأذن انا عندي عمليه بعد نص ساعه
نهله : اتفضل يا ابني

بعد خلصو كلامهم طلع وهي تابعتو بنظراتها
نهله : " والله زول بأدبو واحترامو ما لاقاني وما حألقى احسن منو لي بتي راجل بالجد حيصونها ويحفظها"
....................

جات السكرتيره داخله وهو كان ماسك قلمو وسرحان ف الورق القدامو
-- استاذ جاسر مطلوب منك توقع ع الاوراق دي عشان المستثمرين مفروض يستلمو...
جاسر وهو مقاطعها : جيبي جيبي
-- والاجتماع بتاع شركة Iom بعد ربع ساعه بنحضر فيهو
-- اجلوهو
-- ما بنفع يتأجل احنا اتفقنا معاهم واي....
-- قلت يتأجل
-- تمام
منير : الاجتماع ما حيتأجل
الاتنين رفعو راسهم ومنير داخل على المكتب
منير : حضرو للاجتماع لأنو ما حيتأجل
السكرتيره : طيب يا استاذ
طلعت ومنير قعد في الكرسي
منير : لو ما قدر المسؤوليه دي وريني عشان ارجع استلمها انا
جاسر وهو بجدع القلم : ما قادر اركز
منير : ما تدخل مشاكلك العاطفيه بالشغل انت دخلت الشركه دي يبقى ترمي اي شي وراك برا الا الشغل
جاسر : تمام ان شاء الله
منير :جاسر دي اول واخر مره تتصرف فيها تصرف زي دا مفهوم
جاسر : تمام
منير : انا طالع كنت حاسي انو حتعمل حاجه زي دي عشان كدا جيت
..............

مها : واااي جادي اصلو ما بصدق
فادي : الله يهديها بس
-- يعني خلاص جاسر حيعرسها
-- تقريبا
-- يا حليلهم ياخ ما يستاهلو
فادي وهو بتجه ع غرفتو :اعملي لي الجبنه انا طالع
مها : والحيجيب احمد وحنين منو
-- مشوار صغير وبجيبهم
-- طيب

فادي دخل غرفتو شال غيارو من الحمام ودخل استحمى طلع وهو بنشف ف وبصفر شعرو سمع رنة تلفونو عاين للاسم وابتسم
فادي :يا مرحب
-- انت منو وداير مني شنو
-- ما قلنا انا زول ما عندي موضوع مالك تاني ماتشتغل بي كتير
-- الصور دي جبتها من وين
--دا شي ما يخصك المهم عشان ما اكتر معاك الصور دي حتكون عند شرطة الاداب لو ما جيت قابلتني الساعه 5
-- اقابلك وين وكيف
--في...
-- انا ما في الخرطوم اصلا
--والله دي مشكلتك انت
-- شوف اديني اسبوعين وبجي بس الصور دي ماتمشي لزول
-- لالا اسبوعين كتيره
-- طيب اسبوع.. اسبوع بس
-- تمام كدا ظابط
-- عايز كم
-- لا ما عايز شي عايزك انت بس
-- شنو ما فهمت
-- يعني تجي براك ما معاك ولا جنيه
-- طيب مصلحتك شنو
-- بعد تجي حتعرف بل الصبر

فادي شال ظرف الصور من الدولاب وتاني رجعو : " استغفر الله العظيم "

الصور كانت لي منذر وكل صوره مع بنت في وضع قذر جدا
...................

قيس كان سرحان وبتذكر تفاصيل اخر يوم ليهم مع بعض
*Flash back....*

امل : احنا ما حنقدر نكمل مع بعض
قيس : نعم؟ كيف ما حنقدر الحاصل شنو
-- انا .. اتقدم لي واحد و و ابوي وافق
قيس قام على حيلو وهي قامت وراهو
-- انا عارفه انك حبيتني بأخلاص وعمرك ما غلط في حقي ولا زعلتني بس الظاهر انو ماف لينا نصيب
--ما بتقدري ترفضي وتقولي ما دايراهو؟
-- ما بقدر انت عارف المشاكل الفي بيتنا ما عايزه اعقدها ذياده .. عن اذنك


رجع لواقعو لمن سمع صوتها
نور : هيي سرحان وين
قيس : بسم الله الجابك شنو
نور : يعني .. قبيل لمن طلعت ما كنت طبيعي وكدا ف قلت اشوف مالك
-- لالا ماف شي ارجعي ساي ما تشتغلي بالموضوع
--ارجع دي شنو طاردني يعني ما حتعزمني؟
-- اي يلا امشي شوفي قرايتك وين
-- قر ينفخك ما ماشه لو ما عزمتني بيتزا
-- انتي حتدمري ميزانتي بي بيتزاتك دي
-- ما شغلتي يلا انا في الحديقه شوف الجو حلو كيف العصريه دي
طلعت وهو ابتسم من تصرفاتها العفويه

قيس : اها بيتزا وبيبسي تاني في شي
نور : لا شكرا... ماشي وين تعال اقعد
-- ما فاضي يا بت الناس اكلي واتخارجي يلا
-- ما حأرجع لو ما جيت قعدت معاي
-- اللهم طولك ياروح
قعد جمبها وهي بتاكل وبتونس فيهو مره يضحك ومره يسرح
قيس :نور
وهي بتاكل : امهم
-- عايز اقول ليك حاجه
-- احكي
.........................

جاسر رجع البيت قريب المغرب ولما كانت بتجهز الغدا دخل استحمى وغير ملابسو جا داخل المطبخ
جاسر : لما تعالي عايزك
لما : ثواني اخت الغدا
-- لا تعالي خلي الغدا
مشا قعد في الكنبه وهي قعدت جمبو مسك يدينها وسكت مسافه
لما :في شنو يا جاسر ما تقلق بي
جاسر : تتذكري يوم اتزوجنا قلت ليك شنو
لما : اي بتذكر
-- قلت شنو
-- قلت كلام كتير عايزني اقولو ليك كلو يعني في شنو وريني
-- لمن قلت ليك تاني ماف قوة في الكون حتقدر تبعدني منك
-- اها
-- لما انتي عارفه مكانتك في قلبي وماف وحده غيرك حتقدر تصلها ولا تدخلو اصلا
لما قامت ودموعها في طرف عيونها : حتعرس صح؟


*" الظروف بتجبرنا نعمل حاجات ما اتوقعنا في يوم نعملها ولا حتى فكرنا مجرد تفكير..* *بتسوقنا الدنيا لمحل عمرنا ما ختينا بالنا انو ممكن في يوم نكون فيهو ... اها نرضى ولا نرجع لمكان ما كنا؟"*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《12》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
سهام : ي بتي ما صح البتسويهو في روحك دا
لؤي بهمس: امي خليها علي واطلعي
سهام : هي كيفن اخليها كدا البت من امس ما اتكلمت ولا اتحركت بس راقده رقدتها دي نوم زي الناس ما نامت
لؤي : امي اطلعي بس انا بتصرف
سهام طلعت ولؤي اتقدم لأختو الراقده ومقبله على الحيطه ..قعد ف السرير
لؤي : يعني كدا حيخلي العرس؟
لما غمضت عيونها بدون ما تتكلم
لؤي : يا لما جاسر ما غلطان من حقو يعرس ويجيب اطفال وهو زاتو متمسك بيك وما داير يطلقك وجا وكلمنا انا وامي قبل يكلمك اها نقول ليهو شنو ما تعرس وما تجيب اولاد ولا نربطو .. ارضي بالواقع وما تكوني انانيه
لما هنا اتذكرت كلمات جاسر وغمضت عيونها بشده لمن دموعها نزلو "وانا عايزك تكوني انانيه فيني"
لما بصوت مبحوح ومخنوق: اطلع
لؤي : شئتي ام ابيتي دا واقعك عيشيهو واقبلي بيهو
باسها ع راسها وطلع
لما كانت بتتنهد وبتتذكر تفاصيل يوم امس

لما : حتعرس صح؟
جاسر قام وراها ومسكها من اكتافها : لما اسمعين...
لما نفضت يدينو منها بلعت ريقها وبقت تتكلم بصعوبه: ليه.. ليه يا جاسر انت... انت وعدتني
جاسر : ما تصعبيها علي
لما : ما حأصعبها بالعكس حأسهلها عليك
مشا وراهو ومسكها من زراعها ولفاها عليو وهو ضاغطها على اكتافها
جاسر : مش قلتي لي عرس ومن حقوقك تشوف اولادك مش بعضمة لسانك قلتي الكلام دا مالك هسي
لما حاولت تتفكا منو: زح مني
جاسر فكاها ومشا قعد
مشت لبست عبايتها وطرحتها طلعت وجاسر طلع وراها
جاسر : تعالي انا حأوديك
لما : جاسر ما عايزه اشوفك الله يرضى عليك امشي
ما ردا عليها دخلها العربيه وهو دخل وساقها لحدي بيتهم انتظرها لحدي ما دخلت ومن وقتها دخلت غرفتها القديمه وما اتكلمت مع امها ولا اخوها
رجعت لواقعها لمن سمعت صوتهم
امل: هاااي
علا : جيناا بشنطنا
امل : ما عبرتنا
علا : نايمه ولا شنو
مشو عليها وبقو يهزو فيها عشان تصحى
امل : عارفنك صاحيه قومي
علا : لما قومي ياخ
امل : نرجع يعني
علا : قومي ي امل ارح
قامو الاتنين وقبل يصلو الباب لما قامت وارتمت في حضن علا .. حضنتها وهم التلاته ببكو ما عارفين يسندوها كيف ولا يقولو ليها شنو علا قعدتها في السرير ومسحت ليها دموعها
علا : هشش خلاص واحد زي اخوي دا ولا تخسري دموعك فيهو ما يستاهل
امل مسكتها من يدها وطبطت عليها : واحنا هنا جمبك ومعاك
علا : يلا قومي غسلي وشك وتعالي عندنا ليك حكاوي كتيره ولا ما كدا يا امل
امل : كدا ونص وخمسه يلا سريع الشمارات ما تفوتك
لما ابتسمت في نص دموعها وقامت
علا : اخخخخ يا جاسر اخخ
امل : الله يسامحك
علا : بيتنا دا ما حأعتبو كان العرس ما خلص
امل : ولا انا حأمشي بيتنا كمان
علا : امي ما خلت زول ما عزمتو كأنو اول مره يعرس الناس من الليله بدو يجو
امل : اقفلي السيره دي عليك الله براي قلبي متقطع
علا: استغفرالله العظيم يارب
سهام جات داخله وهي جايبه ليهم كبابي العصير
امل : دا شنو يا خالتو ما كان تتعبي روحك
علا : اي البيت بيتنا لو عايزين برانا بنقوم
سهام : دي حاجه بارده اشربو في الحر دا بتكونو سخنتو وافتحو المكيف دا ما بعرف ليهو عرفنا تلفزيون بي ريمود كمان جانا مكيف بي ريمود عشنا وشفنا والله

علا وامل ضحكو وشالو العصير
سهام : عليكم الله يا بناتي اتكلمو معاها وونسوها ما تخلوها براها
علا : واحنا اصلا جايين عشان كدا ما تشيلي هم
امل : ما تخافي عليها ما حنخليها ان شاء الله
لما جات داخله وسهام هزت ليهم راسها وطلعت .. قعدت في السرير القصادهم وهي منزله راسها
امل : تعالي هنا خايفه مننا ولا شنو
علا : اي الشمار ما بكون حلو لو ما قعدتي جمبنا
جات قعدت جمبهم
لما: عارفاكم جايين عشان تقيفو جمبي بس انا ما زعلانه منو ولا بلومو وانا اصلا كنت بقول ليهو الكلام دا من زمان بس ما اقتنع ما عارفه الاقنعو هسي شنو بس المهم اقتنع وحيكمل حياتو بالطريقه الصح .. يمكن انا ما قدرت افرحو زي ما هو عايز بس الله حيعوضو ان شاء الله
علا : لما ما تقولي ك...
لما : بالجد صدقوني انا ما زعلانه وواعيه للبقولو اي بكيت بس دي حاجه طبيعيه واي وحده مكاني كانت حتبكي المهم هسي فرحتو اهم من اي شي
امل : خلاص يا جماعه الله يخليكم اقفلو الموضوع دا
علا : نلعب ليدو؟
لما : انا ما عايزه حأقوم اعمل الفطور
علا وامل عاينو لبعض وهم ساكتين حيقولو شنو يعني؟!
.....................

غيم : اخيرااا اخيرااا ياخ
حباب : ادعي لي امك دي صباح ومسا لو ما انا ما كان تم الموضوع دا
غيم قامت باستها في خدها وضحكت
غيم : يعني هسي خلاص وافق واي شي تم؟
حباب : اي وقال العرس يكون هسي خلال اسبوعين بس مستعجل يا بت عشان تكوني مرتو

غيم : وااي واي امشي اكلم غاليه
جرت غرفتها فكت تلفونها من الشاحن واتصلت لي غاليه
غيم : هاتي زغرودته
غاليه : مالك ي بت
-- انا وجاسر خلاص حنكون سواا في بيت واحد
-- اي عارفه
-- عارفه كيف
-- واومال انا جايه السودان ليه ما عشان احضر عرسك
-- وتحضري عرس راجلك🤣
-- امشي يا جزمه تفي من خشمك
غيم بدلع : تفوو
الاتنين ضحكو وكملو ونستهم الكانت كلها عن تحضيرات العرس تلبس وين وتحجز الميكب عن منو وووو
بعد قفلت منها مسكت التلفون وهي متردده تمد سبابتها وقبل تصل شاشة التلفون ترجعها في النهايه مدتها وسمعت الجرس وفي الجرس القبل الاخير ردا
جاسر : الو
غيم : هاي كيفك
سمع الصوت الناعم ورفع حاجبو باستغراب
جاسر : الحمدلله
غيم : انا غيم
جاسر : اهلا
-- كنت عايزه اطمن عليك بس(اللهم لا اعتراض ف حكمك🐸)
-- انا كويس انتي كيف
-- بخير الحمدلله .. شكلك مشغول يلا مع السلامه
-- الله يسلمك

غيم : مالو بتاقل كدا (كويس عرفتي نفسك خفيفه:) )
......................

غفران : سين سؤال
نور : ما تحاكيني
غفران : عاديتيني خلاص
نور : اها اسألي
-- انتي بتسرحي كتير كدا في شنو
-- انا😂 .. لمن اركز شديد بتشوفيني سرحانه
-- لا ياخ
-- والله اسألي حلا
-- سمح انا اقوم عشان الحق الاستاذ قبل يطلع من المدرسه
-- طيب تمام
-- لو عايزه حاجه البيت بيتك
--انتي معاي انا؟
-- لالا انا زاتي ما عارفه بقول كدا لمنو😂
-- امشي ساي يا بت

غفران لبست وطلعت مع قيس
قيس : نور ليه ما مشت معاك
غفران : قالت ما عايزه تشوف وش المدير
-- والله البت دي
-- ما نصيحه خالص
-- خلاص يلا بوصلك
-- لالا امشي اول مره امشي المدرسه انا
-- ارح اصلا طلعت بدري الليله وعايزك في موضوع
-- اوكي اها موضوع شنو
--عن نور...
-- حزرت
-- بسم الله مالك
-- بتحبها؟
-- يا الله الصبر
-- بتحبها صح كنت حاسه والله
-- ممكن تديني مجال اتكلم
-- طيب اها سكت احكي
-- امها قالت عايزاها ترجع وانا ما حأقدر افتح معاها الموضوع دا
-- وعايزني انا اقول ليها؟
-- اي
-- يعني اقول ليها امك قالت ليك ارجعي
-- لا .. قولي ليها اي شي بس يخليها ترجع بأرادتها عشان ما نكون ضغطنا عليها
-- ياخ انا ما عايزاها ترجع
-- ولا انا
-- ولا انت؟😼
-- اااا ما تفهمي غلط قصدي عشان اتعودنا عليها وكدا
-- مالك اتكبكبت كدا بهظر بس
-- خلينا في المهم هسي
-- لالا ما بقدر.. اقول ليها شنو يعني كدا حتفهم انو انا طارداها
-- امس حاولت اقول ليها لكن ما قدرت غيرت الموضوع
-- هي امها ما تخليها قاعده ياخ
-- قالت ما حتطمن الا تكون جمبها
-- حناكلها احنا يعني
-- قلت ليها ما مطمنه انتي قالت لالا عارفاكم ما مقصرين لكن برضو الا تكون جمب عيوني
-- خلاص قول ليها اتكلمنا معاها وابت ترجع
-- بشوف ان شاء الله .. يلا انا حأمشي
-- هي وصلنا طيب يلا

...............................

وهي ماشه على الجامعه جات وقفت قدامها
ساره بلهجه مصريه : ازييك يا حلوه
ريان : اهلا اتفضلي
-- انتي ريان صح كلامي؟
-- ايوه اتفضلي
-- لا بجد طلعتي مزه
-- عايزه شنو يا بت الناس
ساره وهي بتغير ملامحها للجديه: عايزاكي تبعدي من باسل
-- وانتي منو اصلا
-- الله هو باسل ما حكلكيش عني
-- انتي ساره؟

لما كانت شايله تلفونها وعلا وامل بلعبو ليدو بتلفون امل
علا رفعت تلفونها وعملتو سايلنت
امل : مالك يا بت
علا بهمس : دا جاسر وما عايزه ارد
امل : امممم
رفعت التلفون تاني لمن سمعت صوت رساله فتحتها
" ردي علي ضروري"
علا : ثواني يا امل بجي هسي
طلعت برا واتصلت ليهو
علا وهي بتحاول توطي صوتها : في شنو يا جاسر مش قلت ليك دا تتصل لي
جاسر : لما وين
علا : جوا
-- كويسه يعني؟
-- اي كويسه وهسي كانت بتلعب معانا ليدو
-- بطلي كذب شايفها هسي اونلاين في الفيس
-- ومالو يعني تلعب وتتصفح
-- اسمعي اديني ليها
-- ما حتتكلم معاك
-- اديني ليها بس وما عليك
علا دخلت ومدت لي لما التلفون واتفاجأت لمن لقتها بتشوف الاسم وبتخت التلفون في اضانها
جاسر : لما
لما : نعم
-- دا شنو البتعملي فيهو دا
-- شنو مالي
-- انا مش محذرك تعلقي على منشورات الاولاد في الفيس
-- اسمع يا جاسر من اليوم دا ولقدام انت ما عندك دخل بي ولا بي حياتي اعلق اتونس معاهم ما شغلتك بي بكرا تسلمني ورقتي وانتهينا
-- دا اخر كلام عندك؟
-- وما عندي غيرو
-- تمام
................

جا داخل البيت وهو بحاول يمسك اعصابو بس ماف نتيجه جا لي فتحيه الكانت داخله على جوا

قيس : وضاح وين
فتحيه عاينت وراهو : هدااك جا داخل مالك في شنو
قيس مشا عليهو واداهو بوكس في وشو لمن وقع ونزف دم من خشمو رفعو ومسكو بيدينو من ياقة قميصو
قيس : هسي ومن اللحظه دي ماف ليك قعاد في البيت دا وكان فكرت ساي تعتبو ما حيحصل خير ابدا ... ابداا
وضاح لزاهو وقعد يضحك غفران مشت وقفت جمب امها بخوف
وضاح : ههههههه قلت لي شنو اطلع من البيت ( قرب منو وضحك تاني) لاا يا اخوي شكلك نسيت انو البيت دا لي حق فيهو زي ما انت ليك حق فيهو وابدا .. ابدا ما ليك حق تطردني (ورفع ليهو حاجبو)
هنا قيس وفتحيه عاينو لغفران ووضاح زاتو انتبه لنفسو وبقو التلاته مركزين عليها


*" باكر الالام تطيب وننسى انو الفات خزلنا💙"*

--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

نور وهي بتلزو : وضاح ... زح .. زح مني
وضاح مسك يدها ولسه بحاول يقرب: ليه بتعملي فيني كدا ليه يا نور انا بحبك وعايزك جمبي محتاج ليك ما تبعدي منو
نور لزتو بكل قوتها وجرت من المطبخ دخلت غرفة غفران وقفلت الباب قعدت في الارض وهي بتبكي خاته ايدها على فمها ومغمضه عيونها قامت سريع لبست عبايه وشالت شنطتها وفتحت الباب براحه اتلفتت يمين وشمال وجرت حست بإيدو بتسحبها على الغرفه التانيه وقبل تتم صرختها قفل ليها خشمها بيدو وهو محاوطها بيدو التانيه
وضاح : هشش هشش
قرب منها لدرجه شديده ونور دموعها بتنزل وبتتنهد ... رجع لمن حسا بصوت وهي لزتو برجولها وجرت فتحت الباب وبقت جاريه وبتبكي وما عارفه نفسها ماشه وين ... وضاح طلع وراها ولقا الكديسه طالعه
وضاح : شتتت ياخ الله ينعلك
غفران كانت راجعه من المدرسه وشافت نور جاريه وبتمسح في دموعها جرت عليها ومسكتها
غفران : نور مالك في شنو
نور : عايزه ... عايزه .. وديني ... وديني بيتنا
غفران : طيب روقي تعالي البيت فهميني في شنو
نور : لااا ..لا ...وديني بيتنا بس الله يخليك وديني بيتنا
غفران : طيب تعالي نتصل على قيس يودينا انا ما بعرف بالضبط
نور : ما ما ماشه ما ماشه بيتكم .. وديني بيتنا بس
غفران : طيب طيب حأوديكي تعالي
غفران مشت لبتاع البقاله شالت تلفونو عشان تتصل لقيس ونور واقفه جمبها وحلفت ما تفك يدها وبيدها التانيه بتلف طرحتها في نفسها كل شويه

غفران : قيس تعال جمب بقالة عمو قرشي
فيس : مالك
غفران : ما عارفه لقيت نور في الشارع وبتبكي
قيس قفل الخط واول تكسي وقفو ومشو .. وصل ولقاهم واقفين هناك ونور لسه في حالتها ديك
قيس : تعالو البيت ما حتتكلم وهي في الحاله دي
نور وهي بتبكي : لا ودوني بيتنا بس ودوني بيتنا
قيس : مالا
غفران رفعت اكتافها بمعنى ما عارفه
قيس: طيب غفران ارجعي البيت انا بوديها
غفران : لا طبعا ما حأخليها وهي بالحاله دي
قيس وقف تاكسي وراهو المكان وركبو
غفران كانت محاوطاها وبتهدي فيها ونور بتبكي بدون صوت وقيس ما شال عيونو من المرايه ... وصلو الفله قيس ادى السواق قروشو وكانو داخلين قيس وقفهم
قيس : لو ما هديتي ما حتدخلي البيت
غفران : قيس خلي البت تخش ما شايفها
قيس: حتقلقي بي ناس البيت عشان كدا امسحي دموعك وتعالي غسلي وشك من الكولر دا
اتجهت ع الكولر غسلت وشها وصلحت طرحتها ودخلو ما كان في زول في الصاله نور جرت على السلم ومشت لغرفة امها فتحتها وهندا كانت بتقفل الدولاب قبلت لمن سمعت صوت الباب نور جرت ووقعت في حضن امها وهي بتبكي
هندا وهي بتمشي يدها ع شعرها : بسم الله عليك يا بتي بسم الله مالك
نور : امييي ما تخليني تاني ما تخليني😭😭😭💔 ( كطفل تائه، كمتشرد جائع،كوردة زابله، كليل حزين دائم ..كنت انا بغيابك ، وعند حضنك كان وطني، كان عيدي ،كان اماني ،كفرحة طفل فلسطين باستقلال بلده ، كنظرة المتشرد لمائدة حلمه، كانتعاش وردة وفرحة الساقي بأنبات امله، كالنجوم تضئ الليل والقمر يذيل حزنه ، كنت انتي كذلك واكثر ، لطالما حلمت بهذا اليوم الذي سأرتمي فيه بين اضلعك وانسى كل ما حولي وبيني 💙 "نور")
هندا : طيب طيب ما حأخليك بس انتي اهدي وتعالي فهميني في شنو
نور : اشتقت ليك😭😭💔
هندا : يا بعد قلبي انتي تعالي اقعدي هنا اجيب ليك حاجه تشربيها
نور : لا لا ما تخليني براي
هندا : طيب تعالي معاي
طلعو الاتنين ونور ماسكه امها من زراعها زي الطفله نزلو وهندا شافت قيس وغفران في الصاله
هندا وهي ماشه عليهم : قيس اهلين اتفضلوو
سلمت عليهم وقعدو
قيس : اها جبناها ليك بتك البكايه براها قالت مشتاقه ليك وعايزه تشوفك
هندا : ما قصرتو والله شكرا ليكم كتير
هندا : اقوم اعمل ليكم حاجه تشربوها
قامت على المطبخ
قيس : تعالي احنا طالعين اصلا مستعجلين والله
هندا : لا والله ما بتطلعو قبل تشربو حاجه
قيس وهو بقوم : اسمعيني احنا اصلا فاطرين وشاربين الشاي وجينا حتى لو جبتي لينا ما حنقعد عشان كدا خليك يلا مع السلامه
هندا : الله يسلمكم ان شاء الله سلمو على فتحيه
قيس : يصل ان شاء الله


غفران : دا شنو ليه ما كلمتها
قيس : اكلمها اقول ليها شنو ارح البيت هسي خلاص عرفت الحاصل عليها دا من شنو
غفران : شنو
قيس : ارح ارح


هندا ساقت بتها ومشت بيها لغرفة حلا .. حلا كانت بتقرا وبتلف القلم حولين كفين يدها زي المفراكه وبتسمع لمن الباب فتح قبلت وهي لسه بتسمع وسكتت لمن شافت نور وقفت مسافه وجرت عليها حضنتها وببكو الاتنين .. هندا خلتهم ومشت بعد كملو بكاهم دخلو الاتنين وقعدو
حلا : الجابك شنو ي جزمه
نور : اشتقت ليكم
حلا وهي بتحضنها: حيوانه ما كان تجي
نور : حلا انا تعبانه
حلا : طيب يلا نومي وبصحيك العصر

نور طلعت ومشت غرفة امها رقدت في سريرها وحضنت التوب الكان مرمي في سريرها وغمضت عيونها .. هندا جات داخله لقتها نايمه باستها على راسها وغطتها لأنو الغرفه كانت بارده وطلعت

............................

-- ايوه يا روح امك انا ساره
-- احسن تزحي من طريقي لأنو كان رغيتي كتير حألم عليك خلق الله كلهم😊
-- لاا والله
ريان وهي بتحاكيها :اااا والله
-- يا حبيبتي انا شفت صورك انتي وباسل وقذارتك معاه وصدقيني هو بقضي بيكي وقت وهيرميكي زيك زي اي وحده قبلها يلا بقى وريني خلق الله ههههههاي
ريان عاينت شمال ويمين ومسكتها من شعرها الاشقر وبدت تمعطها وتكفت فيها وساره تصرخ وتخربش فيها افتكرتها بتتكلم ساي لكن مسكينه ما بتعرف ريان.. الماشي على الجامعه كلو وقف يعاين
باسل كان في مكتبة الجامعه بفتش في المراجع( ملحوظه باسل اول دفعتو وخريج ادارة اعمال وبقرا مع ريان في نفس الجامعه) جو صحبات ريان جاريين ليهو
وحده منهم وهي نفسها قايم : باسل الحق
باسل اتلفت مخلوع : في شنو خير
التانيه : ريان ... ريان بتضرب في ساره وما قادرين نفكها
باسل رما الشيتات في يدو وجرا على برا ما عارف نفسو دخل وا الناس ديك كلها كيف
باسل بصوت عالي : رياااان
ريان قامت وساره جاريه عليها البنات مسكوها
ساره : سيبوني سيبوني اربيها الواطيه بنت الواطي (انتي الله ما ليك يا بت امي)
ريان تاني ماشه عليها باسل مسكها وجراها لحدي باب العربيه ركبها وهو ركب وامن العربيه
ريان : نزلني كيف تقول علي واطيه وابوي واطي نزلني قلت..
باسل بنهره : هووس ولا كلمه ذياده عشان ما افنك بالشباك دا
ريان ربعت يدينها وقبلت على الشباك وصاره وشها العلامات ضفور ساره اتشوه بيهم

ركن عربيتو ووقف مسح يدو بوشو وقبل عليها
باسل : ريان لا اله الا الله
ريان : محمد رسول الله
--احنا امس اتكلمنا في الموضوع دا ولا ما اتكلمنا فيهو
-- باسل انت ما سمعتها كانت بتقول شنو كانت بتز....
باسل وهو بضرب الدريكسون بقوة وبكورك لمن ريان اتخلعت: ولا عايز اعرف .. ما عايز اعرف ولا عايز اسمع .. لحدي هنا وخلاص انا تعبت من تصرفاتك الطفوليه دي
-- نزلني
-- انزلك وين اسكتي بس لحدي ما اوصلك الجامعه
ريان وهي بتكورك ودموعها بتنزل : ما عايزه اي زفت ولا جامعه افتح التأمين دا خليني انزل
باسل مسك يدها وضماها عليهو (ضما يدها ) وساق العربيه ...اكيد حتكون فصلت بعد كدا😸
وصلو الجامعه نزلت واتجهت على محطة المواصلات باسل مشا وراها لحدي ما وصلها
باسل : انتي عارفاني لمن اعصب ما بعرف نفسي بقول في شنو عشان كدا احسن ترجعي وما تشتغلي بكلامي
كانت ماسكه تلفونها وبتتصل لي فؤاد (بتاع الترحيل)....
باسل : ريان انا بتكلم معاك
ريان : الو فؤاد تعال انا راجعه البيت
باسل خطف منها التلفون
باسل: اسمعني ما تجي
وقفل الخط
ريان : انا ما عايزه معاك اي كلام اديني تلفون
باسل : م دام ما عايزه تخشي الجامعه تعالي نشوف حتى هاديه نتكلم فيها
ريان : ماف كلام بينا واديني تلفوني دا خليني اتخارج
باسل مدا ليها التلفون وهي مشت ركبت في الحافله القدامها بدون ما تعرف هي ماشه وين اصلا
............................

منتصر : منو هي وبتعرفها من وين
محمد : تتذكر عرس ولد الهادي بس شفتها هناك
-- ياتو القبل 3 سنه؟
-- اي
-- بتعرفها كويس يعني
-- اي زوله كويسه شديد ومحترمه حتى اهلها ناس محترمين.. بتعرف دكتوره نهله كمال بتاعت المخ والاعصاب
-- لا والله
-- طيب مهندس هلال العبادي
-- اااا اي عرفتو عرفتو
-- بس بتهم
-- ايواا لالا كويس اها وكلمتها متين حتمشي ليها وكدا
-- لالا لسه داخله على امتحانات هي
-- بتقرا شنو طب ولا هندسه؟
-- لالا لسه ممتحنه شهاده
-- شهاده؟ عايز تعرس شافعه
-- ما شافعه يا ابوي شافعه كيف وبعدين انا بعمل خطوبه بس وبعد ارجع المره الجايه حأعرس
-- والله كلام لكن خلاص كان مقتنع بيها اقول ليك شنو ربنا يتم ليك على خير بس
-- اللهم امين يارب

محمد طلع من الصالون وعمل مكالمه
محمد : يا السمحه كيفك
امل : لالا السمحه دي وراها حاجه
-- هههه الزول ما يدلعك شويه
-- حافظك بصمه انا يا زول اها المفرحك كدا شنو
-- كلمت الوالد ووافق مبدئيا
-- منو ابوها؟
-- لا ابوي انا
-- ايوااا ربنا يتم ليك على خير ياخ اها وحتتكلم مع اهلها متين؟
-- بعد تخلص امتحاناتها
-- لالا ظابط
-- عايز اسألك
-- احكي
-- انتي متأكده انك موافقه على الاتقدم ليك دا
-- اي ليه
-- لالا بس عشان اتأكد انو امي وابوي ما ضغطو عليك
-- لالا ابدا
-- ربنا يتم ليكم على خير ان شاء الله
-- امين يارب

..............................

نور :" دي مالا اتأخرت كدا الساعه 11 جات ... اقوم اسوي الفطور لي خالتو فتحيه بتكون جاعت ياخ"
ختت القلم وقامت لقت فتحيه نايمه مشت المطبخ وبقت بتجهز في الفطور كانت بتقطع في السلطه حست بي زول وراها اتلفتت وشهقت من الخلعه
وضاح وهو بقرب منها : حبيبتي اشتقت ليك

*#وبنغلط《13》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فتحيه وهي قاعده جمب بتها الراقده في السرير : انتي كويسه يا بتي
غفران : كويسه
قيس : ما تقلقي يا خالتي دوخه بسيطه وهدي قدامك كويسه.. يلا خليها عشان ترتاح شويه
فتحيه : سمح قمت
فتحيه طلعت وقيس جا قعد جمبها
قيس : زعلانه؟
غفران : من شنو
-- لأنو ما كلمناك
-- لا
-- طيب ما تشتغلي بالموضوع كتير
-- خليهو يطلع من البيت دا انا ما عايزه اشوف وشو
-- ركزي في قرايتك هسي وانسي الحصل دا كلو
-- طلعو بس من هنا البيت دا بيت امك ما بيت ابوي وريهو وخليهو يطلع
-- حااضر بطلعو ارتاحي انتي هسي وما تشغلي بالك
قيس قام وقبل يطلع وقف لمن نادتو
-- قيس
قيس وهو بقبل عليها : عايزه حاجه؟
-- انت بس اخوي انا ما عندي اخو غيرك
جا باسها في راسها ومسح ع شعرها وطلع
غفران بقت تتقلب وهي متضايقه .. اخوها الشافتو اخر مره وهي عمرها 5 سنوات جا هسي يفتشهم؟


قيس طلع برا فتحيه نادتو
فتحيه : تعال يا ولدي
جا قعد جمبها
قيس : نعم
-- انا ما عارفه الخلاكم تتضاربو كدي شنو لكن يا ولدي عليك الله خليهو قاعد انا ما صدقت ولدي رجع لي في حضني بعد السنين دي كلها ما بدور اخسرو تاني عارفاهو طايش وما بعمل الا الفي راسو لكن دا ولدي في النهايه وما بقدر ابعدو مني بعد رجع لي تاني
قيس : خير ان شاء الله
فتحيه : الله يرضى عليك يا ولدي ويفتحها عليك محل ما تقبل

قيس : تعال وراي
وضاح : في شنو
-- دايرين نتكلم كلام رجال تعال
طلعو الاتنين برا البيت
وضاح : خير اها
قيس : قعاد في البيت دا ما عندك تلم حاجاتك وتمشي لحدي ما غفران تخلص امتحاناتها وبنشوف البحصل بعد داك
وضاح : انا عايز اتكلم معاها
-- بعد تنتهي من الامتحانات قلنا
-- تمام لكن امشي وين ما عارف لي محل وشغل ما شغال
-- كنت قاعد وين قبل تجي هنا
-- مع حسان
-- امشي اقعد معاهو
-- ما حيخليني
-- ليه
-- قبل ما اجي هنا قال لي لو وصلت بيتهم تاني ما تجي راجع
-- انتظر هنا
قيس دخل وجا راجع بعد عشرة دقايق وهو شايل ظرف
قيس : دي شوف بيها شقه ودبر بيها روحك الشهر دا
-- ههه الحنيه القامت عليك فجأه دي شنو
-- عشان امك بس لو ما كدا كنت رميتك في الشارع زيك زي اي كلب
-- ههههه ظاابط
-- تعال هنا
-- اها في ظرف تاني ولا شنو
-- قسما بالله قسما برب العرش العظيم يا وضاح تاني اشوفك تعاين لي نور ساي ما بتلقى اليطلعك من يدي
-- يا زول انا نور دي زمان كسرتا حنكا
قيس مسكو من ياقة قميصو ولزاهو بقوه : امشي قبل ارتكب فيك جريمه
وضاح : يلا سلم على الوالده كتير بالله

دخل جوا ولقا فتحيه جمب الباب
فتحيه : في النهايه دا بيتك وانت حر بس كنت دايره ولدي جمبي
قيس : تعالي تعالي يا امي
دخلها جوا وقعد جمبها
قيس : وانا ما بقدر اقول ليك لا .. وضاح حيمشي فترة غفران تخلص امتحاناتها وحيجي راجع .. انا ما داير اي شي يأثر على دراستها او يخليها تتوتر الايام دي هي تعبت شديد عشان تصل للعايزاهو وما بسمح لي اي شي هسي يجي وينرفزها
فتحيه : الله يوفقك يا قيس ويديك مرادك ويسعدك في الدارين يارب بركة العصريه دي
.......................

ريان وهي بتطبظ في تلفونها وتختو في اضانها:اوووف ياخ رد رد قافل تلفونك دا ليه ياخ
جو مجموعة اولاد مارين بي جمبها
-- يا مزه كدا المزهجك شنو
-- تعالي معانا نبسط بسطه هههه
ريان : زحو من قدامي
الاولاد تابعو طريقهم وهي الخوف اتمكلها خصوصا الدنيا بدت تمغرب
ريان : ياربي اتصل ليهو لا لا .. لو اتصلت لي محمد حيقول لي الجابك هنا شنو اووف ياخ ماف حل غير اتصل ليهو
ريان : اا الو
باسل : وصلتي البيت؟
-- لا
-- كيف يعني لا انتي وين
-- ما عارفه ياخ الحافله نزلتني ومشيت مسافه وما فهمت اي شي تاني
-- طيب لو في زول جمبك اديني ليهو
-- ثواني ... (اتقدمت لست الشاي ومدت ليها التلفون )يا خالتو عن اذنك اتفضلي
المرا شالت التلفون ووصفت لي باسل مكانهم
ريان : اها
باسل : خليك جمبها ما تتحركي لحدي ما انا اجي
ريان : طيب
قعدت جمب ست الشاي وونستها لحدي ما باسل جا استأذنت منها ومشت ركبت
باسل : نفسي اعرف فهمك شنو من البتعملي فيهو دا
ريان عاينت ليهو وسكتت
-- بحبك .. بحبك يا بت الناس عبريني
-- احسن تسكت وتعاين قدامك عشان ما تعمل بينا حادث
-- مالو نموت سوا احلى موته دي
ركن العربيه وبقى بعاين ليها
-- وقفت مالك
-- ما حأتحرك الا تقولي لي بحبك يا باسل
-- دور العربيه دي عشان ما انزل
-- خلاص انزلي وبعد شويه تاني حتتصلي لي وتقولي انا ما عارفه وين انا ضايعه
-- غلطانه انا البكلمك
-- هاا عندك واحد من تلاته خيارات .. تقولي لي بحبك باسل .. نقعد هنا للصباح.. تنزلي وتشوفي حاجه تانيه ترجعك

-- اوووف باسل بطل حركاتك دي ورجعني ياخ
شبك ايدينو وختاهم ورا راسو واتكل على الكرسي : قدامك نص دقيقه ما اخترتي حأطبق الخيار التالت وءامن العربيه
ريان : خلاص.. بحبك يلا
باسل : لالا قوليها زي الناس ما كأنك مجبوره
ريان بصوت حنين : بحبك يا باسل يلا رجعني
باسل وهو بعدل قعدتو : وانا بحبك يا طفلتي
ريان ضحكت

وقبلت على الشباك
باسل : اي ياخ حرام عليك حارمانا من الضحكه دي من قبيل
.......................

صباح : اعمل ليك شنو يعني اصلا لو ما حباب وافكارها ما كان وافق
-- انا لي سنين .. سنين وانا بحنس فيك يا صباح من قبل يعرس لما عشان تقنعي جاسر انو يعرسني وانتي تقولي لي ابى وما بسمع كلامي وبعد عرس لما لسه بوصي فيك وانتي برضو تقولي لي ما حيعرس فوق مرتو وانا بكلمو وما شغال بي اها والحيعرسها دي مالا احسن مني في شنو
-- اها هسي انا اعمل شنو انتي زاتك بعد دا حتعرسي
-- هسي مستعده الغي اي شي
-- يا بت ها ختي عقلك دا في راسك اااا وشوفي حياتك بي وين جاسر ولدي دا ما لعبه عشان كل شويه وحده تقول دايراهو خلاص كفاهو غيم دي وهي براها بتقنعو يطلق لما
-- تماام تمام يا صباح
...................

حلا : نور نور قومي العشا قرب يأذن وانتي لسه نايمه
نور : امممم مالك ياخ
-- كفايه نوم يلا قومي
-- طيب طيب
حلا وهي بتجر فيها :ما تقولي لي طيب ارح
نور : خلاص فكيني قمت
نور قامت مشت غرفتها عملت شاور وطلعت صلت الصلوات الفاتتها وبتطبق المصلايه لقت حلا داخله غرفتها وشايله كبايتين قهوه
حلا : عارفاك حتكوني مصدعه تعالي اشربي
نور : احب البفهمني
-- تعالي
قعدو الاتنين في الكنبه وبشربو
نور : انجزتي؟
حلا : ما فضل لي كتير وانتي
نور : فضل لي الانجليزي
حلا : كويس والله اصلا ما عندك فيهو مشكله
-- اي اسبوع وبخلصو
-- حلو طيب
-- ومحمد كيف متواصله معاهو؟
-- اتكلمت معاهو مرتين بعد مشيتي كويس الحمدلله وسألني منك
-- تسأل منو العافيه
-- غفران كيف
-- كويسه والله
-- طبعا محمد حيسافر اول ما نخلص امتحاناتنا
-- لالا ي بت بعد الخطوبه
-- خطوبة منو
-- ااا .. الخطوبه ياخ الخطوبه
-- خطوبه منو ي بت
-- ... اختو مش اختو قلتي لي حيخطبوها
-- امل .. خطوبها زمان
-- ااا افتكرت لسه
-- مالك اتكبكبتي كدا
-- لالا ماف شي يلا القرايه يا بت

بعد خلصو قرايتهم نص الليل اي واحد شاف سريرو بي وين نور كانت بتتقلب وما جاييها نوم قامت مخلوعه لمن سمعت صوت الباب ولعت نور الابجوره وكانت دي حلا
حلا : مالك اتخلعتي كدا يا بت
نور : لا ماف شي بس عشان كنت نايمه
حلا : طيب هاك تلفونك زاتو قومني مخلوعه
نور :منو؟
حلا :هاك
شالت التلفون وحلا طلعت.. عاينت للاسم " Gufran"
نور : الو
قيس : ما اكون صحيتك
-- لا اصلا ما نمت
-- كيفك
-- الحمدلله بخير كيف انت وغفران وخالتو فتحيه
-- كويسين الحمدلله
-- اسفه على الدوشه العملتها ليكم قبيل بس حلمت حلم كعب وكنت مشتاقه لأمي
-- امممم يعني عايزه تقنعيني انك كنتي نايمه الوقت داك
-- اي نمت شو..
-- نور انا عارف الحصل
نور سكتت مسافه غمضت عيونها دموعها بدت تتسلل وقيس كان سامع تنهيداتها ..بعد حسا بيها وقفت بكا..

قيس: لو جمبك سماعه ركبيها وغمضي عيونك عشان اقرا ليك بترتاحي
نور فتحت درج الكومدينه الجمب سريرها وشالت السماعه ركبتها لأنها كانت محتاجه للحاجه دي بالجد
قيس : خلاص؟
نور : امممم
اول ما سمعت صوتو فتحت عيونها من الصدمه .. كان صوتو حلو شديد بالزات مع بحتو وهو بتلي ليها ايات سورة الملك.. غمضت عيونها مره تانيه وحست برعشه بتسري في جسدها مع كل ايه لحدي ما نامت وهي مرتاحه
قيس بعد خلص السورة عرف انها نامت قفل الخط دخل الواتس اتأكد انو امها متصله واتصل ليها
قيس : السلام عليكم معليش على الازعاج
هندا :اهلين يا قيس لالا ماف اي ازعاج والله
قيس : بس كنت عايز اقول ليك شيلي التلفون من جمب نور عشان السماعات ما تضايفها
هندا : طيب كويس
هندا قامت مشت غرفة نور شالت التلفون ختتو فوق الكمودينه وطلعت

*قبضتكم🌚👋عارفاكم بتفكرو هندا ليه ما استغربت انو قيس بتكلم مع نور الوقت دا كل الحأقولو ليكم انو هندا بتعرف قيس من بدري يعني قبل نوؤ تعرفهم اصلا كيف وبي وين دا حتعرفو لقدام..*
.....................
*1:30am*

لؤي جا داخل البيت .. اتجه على المطبخ عشان يدخل الاكياس الفي يدو واتفاجأ لمن شاف لما هناك وهي قاعده في الكرسي ومتكله راسها على التربيزه المرصوص حولها اربعه كراسي
لؤي : لما؟
رفعت رأسها بخلعه وكانت طالعه لؤي مسكها
لؤي : المصحيك للوقت دا شنو وقاعده هنا ليه
ركز شويه لأنو المكان كان مضلم ولاحظ لدموعها ضماها عليهو وهو بطبطب ع راسها مسكتو من قميصو وبكت قدرتهاا لؤي قعدها في الكرسي وقعد جمبها

لؤي : حرام عليك يا لما البتعمليهو في نفسك دا
لما : ما قادره يا لؤي ما قادره
لؤي : لا بتقدري .. لمره وحده خليك قويه وجمدي قلبك دا
لما وهي بتمسح دموعها : انتو ما حاسين بي ولا فاهمني
لؤي : انو اقرب زول لقلبك يكون مع غيرك ... فاهمك جداا.. يلا امشي نومي وبطلي تفكير في الموضوع دا لأنو ما حيتغير شي
لما : طيب

مشت رقدت وهي بتتذكر فيهو
(اغار جدا ،للحد الذي يجعلني اتمزق اربا اربا ،في عيناه وطني وبين يديه عالمي ،غيرتي تجاوزت كل الحدود لدرجة انها عادت لنفس النقطه، اكان #خطئي عندما احببته؟ "لما" )
طلعت فونها وكتبت في مذكرتها " فعلا الغيره

بتقتل بس الحب بذيد معاها"
وكتبت تاني " يمكن يكون اخر يوم لينا سوا وبكرا انفصالنا بس مكانتك في قلبي ما حتزح ولا شبر رغم العملتو فيني"
...........................

*بعد مرور شهر* 💜
*2:00pm*
ايوووووي ايوووووي ايووي
علت صوت الزغاريد بعد ضرب السلاح البعلن عن اتمام العقد .. غاليه كانت متألقه بتوبها الاصفر ساده وكاسراهو بكحلي والدهب يقول يا انا ..داخله ومارقه وبتستقبل الضيوف ومشرفه على السيرفس
غاليه : امي انا حأمشي الكوفير بعد دا انتو خليكم مع تجهيزات الحفله
حباب : امشي ساي ما تشيلي هم اي شي مرتبين ليهو
غاليه : طيب

غاليه طلعت على الكوفير ومسكت ولدها لي قريبتهم .. نزلت من عربيتها ودخلت الكوفير
غيم : مالك اتأخرتي كدا
غاليه : اسكتي ساي ي بت امك وخالتك ما خلو زول حايم في الشارع الناس ما عزمو
غيم : خلاص طيب اها مكياجي ظابط؟
غاليه : تحفهه تحفه ي بت .. بس شعرك دا ليه ما عملو ليك استريت
غيم وهي بتهبش فيهو : لالالالا قلت ليهم ما يهبشو
غاليه: يا بت انتي غبيه في بت بتمشي يوم زواجها بي كيرلي
غيم : ما عليك بس سيبيهو
غاليه : حره انتي انا ماشه اتظبط زاتي
غيم وهي بتعدل طرحة الزفاف وبتعاين في المرايه: اوكي
.............................

ايووويوي واي حاسه اني عايزه اطير في الشارع دا واغني
حلا : اسكتي يا مجنونه فضحتينا
غفران : ليها الحق والله
نور : انا الليله ما حأرجع البيت الا الشارع يطردني
غفران : كيف يعني ماشين وين
حلا : لا بالجد عايزانا نرجع من هنا وللبيت
نور : هبله ساي دي انتي ما عارفاها😂 ماشين نصيع نقل ادبنا نكورك نلم الخلق كلها
غفران : شنو😳
حلا : نور خوفتي البت حرام عليك😂 ماشين نلف ساي يعني نحتفل بمناسبة اخر يوم وكدا
غفران : اهاا طيب انبسطو يلا
نور مسكتها من يدها : على وين يا السمحه
غفران : بيتنا يعني وين
حلا : بتهظري صح؟
غفران : لالا اكيد ما حأمشي معاكم
نور : ولا على كيفك
غفران : ما بقدر والله تعبانه وما كلمت زول من البيت
حلا : هسي نتصل على امك نكلمها
نور وهي بترفع اكتافها: ها بسيطه
غفران : اعفوني عليكم الله
نور : لا ماف ليك
غفران : وحنمشي بملابس المدرسه دي كدا
نور وحلا عاينو لي بعض وضحكو
نور : تعالي تعالي
ساقوها برا محل الحمامات وطلعو العبايات من شنطهم
نور : تراااا
غفران : والله انتو ما نصاح
حلا: هاك البسي عارفنك ما حتعملي حساب
نور : انا حأتصل لي قيس اكلمو

طلعت تلفونهم ومشت مسافه منهم.. غفران قربت من حلا وخفضت صوتها
غفران وهي بتعاين لي نور: تعالي هنا انتي الحاصل شنو
حلا وهي بتعاين لي نور البتضحك : بري شايفه في تطورات حاصله
غفران : اي اي واضح مكالمات كل يوظ وحركات
حلا : اي واوريك الاحلى كمان ما بتكلم معاها
غفران : كيف يعني
حلا: بتصل ليها بالليل بس وقت تنوم بقرا ليها لحدي ما تنوم ولو اتكلمو بس كيف تمام والقرايه كيف
غفران : اهااا لا بالجد دي تطورات
نور : بتوسوسو في شنو
حلا : هاا لا ماف شي
غفران : اها قال ليك شنو
نور : قال ماف مشكله بس نرجع بدري وقال اول شي نمشي ليهو عازمنا كمان
حلا : طيب يلا
غفران : ارح

طلعو من المدرسه وركبو مع اشرف وصلهم المطعم والطريق كلو يتونسو ويضحكو نزلو ودخلو سلمو على قيس
قيس : حمدلله على السلامه
التلاته : الله يسلمك
قيس : يلا اتمنو واوعك يا نور تقولي بيتزا .. بيتزا ماف الليله
نور وهي بتقبل عليهم ورافعه سبابتها : بيتزا ولا ما بيتزا يا بنات
حلا وغفران : لاا
قيس : عافي منكم😂
وضحكو التلاته
نور : طيب طيب
قيس : انا بأكلكم على زوقي الليله

قيس جاب ليهم الاكل وقعدو يتونسو بعد خلصو طلعو وما خلو مكان ما مشو ليهو وقررو يختمو بشارع النيل مشو اشترو مكسرات وقعدو يلعبو صراحه
نور: تحدي
حلا : جاده؟
نور : كل الجداد
غفران : سجمك
حلا وهي بتأشر بتحت عشان الناس ما تلاحظ : شايفه الشله بتاعت الشباب ديك(غفران ونور قبلو عليهم)
نور : اها
حلا : شايفه الولد اللابس قميص مخطط اسود بأبيض داك
نور: اها
حلا : امشي اعزميهو قهوه
نور : بتهظري
حلا وهي بتهز راسها وبتعاين ليها بتحدي: تؤ تؤ
غفران : براك جبتيهو لنفسك
نور : قروشنا المعانا صرفناها كلها
حلا : وانا عشان عارفه قلت ليك كدا
نور: خلاص غيرت رائي
حلا : يا زوله ما بعرف بس قومي يلا
نور قامت بتردد واتجهت عليهم وغفران وحلا يضحكو فيها😂

نور : " الله يستر شكلو ماا مطمني" عن اذنكم
-- اتفضلي
نور وهي بتعاين للولد المقصود : لحظه بس ثواني من وقتك
الولد ولا كضب طوالي قام ومشا معاها
-- اتفضلي
نور : ااا ما عارفه اقول ليك شنو
-- عفوا؟
نور :تتفضل معاي قهوه؟
-- تمام اتفضلي
مشو قعدو الاتنين وبشربو في القهوه
-- انا وليد بدرس معمار وخريج
نور بصوت واطي :بس انا ما سألتك
وليد : نعم؟
نور :" نور هيي امسكي لسانك دا عليك يقوم الولد يمشي وانتي تتورطي في الحساب" اااا وانا نور اتشرفنا شديد يا استاذ وليد
وليد : لي الشرف والله بتدرسي شنو يا نور
نور : لا انا امتحنت
-- يا زوله حمدلله ع السلامه
-- الله يسلمك
-- اختي برضو ممتحنه
-- اهاا بالتوفيق ليها
بعد اتونسو قريب نص ساعه
نور : يلا بعد دا انا اتأخرت
وليد قام دفع الحساب وجا
نور : ليه ياخ انا عزمتك ما كان تدفع
وليد : اكيد ما حأخليك تدفعي


غفران : تلفون نور شكلو بضرب
حلا طلعتو من الشنطه وقبلت التلفون على غفران
غفران : واي ياخ دا قيس اتأخرنا المغرب حيأذن بعد دا
حلا : هاك ردي
غفران : الو
قيس : رجعتو؟
غفران : ااا لالا خلاص راجعين
قيس : وين انتو
غفران : شارع النيل
قيس : تمام انا قريب بجي اسوقك
غفران : طيب
حلا : ما يكون شاكلك
غفران : لالا قال حيجي يسوقني
حلا : ما كان في داعي بنرطعك احنا
غفران : قال قريب... اها هداك ليهو
غفران وحلا قامو وهو وصلهم
قيس : نور وين
حلا : اااا جايه بتجي هسي
قيس عاين من بعيد شافها وهي بتضحك وجايه معاهو حسا بعروقو كلها اتجمعت في راسو
وليد: يلا بالاذن فرصه سعيده
نور : تسلم يارب
وليد مشا لي شلتو ونور لي جماعتها
نور : قيس جيت متين
قيس : ما طولت يلا سلام
حلا : اقيفو طيب نوصلكم
قيس : لالا صحبي واقف لي
قيس عاين لي نور مسافه ومشو

نور : بسم الله دا مالو زهجان كدا
حلا : ما عارفه يعني زهجان ليه
نور : وراكم طيب؟
حلا : ارح ارح واحكي في الطريق الحصل شنو😂
نور : وااااي الله يجازيك خلينا نصل البيت بس بأدبك
حلا : قلت ليهو ادفع انت؟😂😂
نور : يا بت انا بتصنع في الضحكه والابتسامات دا كلو عشان يدفع الحمدلله لكن دفع براهو بدون ما اقول ليهو
حلا : واتأخرتي كدا مالك
نور : عمل لي فيلم عديل عن قصة حياتو وانا خلااص روحي عايزه تمرق
حلا : تستاهلي عشان تاني تتحديني😂


غفران : قيس .. قيس مالك
قيس : لالا ماف شي
-- كيف ماف شي وانت من طلعنا قالب خلقتك
-- ضغط الشغل بس
--امممم ضغط الشغل.. على العموم ما تفكر كتير الولد داك ما عندو بيها علاقه كنا بنلعب واتحدت حلا وحلا قالت ليها اعزميهو قهوه
-- سألتك انا؟
-- لالا لكن بفهمك انا يا ولد حافظااك بصمه
-- قفلي قفلي احسن ليك
.........................

علا : لما انتي من امس ما اكلتي شي ما صح الكلام دا منك

لما : انا ما عايزه يا جماعه شبعانه والله
امل :على الاقل لقمه واحده
لما : ليه محسسني اني شافعه .. لمن اجوع براي باكل والله
علا : ابكي يا لما
لما : ابكي لي شنو عادي اول وحده يعرسو فوقا؟
امل : ما تكابري بتأذي نفسك كدا
لما : اقول ليكم حاجه قومو من جمبي انتو تزهجو الزول
علا : تعالي يا امل
طلعو الاتنين
امل : ليه خليتينا نطلع
علا : يمكن عايزه تبكي بس ما قدامنا خليها
امل : طيب تعالي نعمل الغدا لي خالتو سهام المغرب حيأذن
علا : يلا طيب

مشو عملو الغدا واتغدو مع سهام صلو المغرب وعملو الشاي شربو واتونسو بعديها دخلو لي لما ...
......................................

جا داخل وهي منزله راسها مع كل خطوه ليهو كانت بتحس ضربات قلبها بتذيد .. جا وقف قصادها ورغم جمال الدنيا كلو الاتلمى فيها الا انو كان شايفها عاديه جدا ..رفعت راسها واتفاجأت بالكائن الشايفاهو قدامها وخصوصا انو كان لابس جلابيه ما بدله (ما عارف انو عاملين حفله صغيره في حديقة البيت)
غيم في نفسها : " دا ما جاسر!!!"
مسكها من يدها بدون ما يتكلم كلمه وطلعو وصلو البيت وجاسر عفاريتو كلها قامت لمن شاف الحفله العاملنها دخلو بي زفتهم وقعدو في الكوشه والناس بباركو ليهم صباح جات وهمست ليهو
صباح : افرد وشك دا شويه الناس يقولو شنو
جاسر: امي احسن تمشي لأنو قسما برب العرش العظيم ما طايق نفسي
الحفله شغاله والناس كلها مهججه جاسر حسا بهزة التلفون الفي جيبو طلعو ومشا مسافه بعيده شويه وردا
جاسر : اي ي علا
علا : جاسر الحق لما وقعت ووديناها مستشفى"""
جاسر دخل التلفون في جيبو وجرا بعد وصل العربيه استوعب انو نسا المفتاح جرا تاني دخل البيت جابو ورجع كان سايق بسرعه ما طبيعيه وبتخطى اي عربيه قدامو لحدي ما وصل المستشفى اتصل لي علا وورتو مكان غرفتهم جا داخل وعيونهم وقعت في بعض

" اول ما الباب اتفتح كلنا قبلنا عليهو .. عاينت مره مرتين تلاته بس اتصدمت.. اتصدمت تماما انا لو ما حافظه اي بصمه في جاسر ما كنت عرفتو ..هالات سودا.. عيونو داخله جوا.. نحف شديد .. وبقى عندو لحيه وكثيفه كمان .. وشعرو الناعم واصل قريب كتفو .. كنت بتعرف اهمالو لنفسو من تشوفو دا لو عرفتو اصلا لأنو اتغير شديد من شفتو اخر مره قبل شهر لمن جا وقال لي " لو كنتي في ماليزيا وانا في الاسكا.. لو كرهتيني وما طايقه تشوفي وشي.. ما حأطلقك يا لما " مشا بعد الكلمتين ديل وتاني ما شفتو ولا اتواصلت معاهو.. رغم اي شي حصل من شفتو نسيت اي شي .. كان نفسي اقوم وارتمي في حضن وافتح عيوني والقى روحي في غرفتنا وانو الحصل كلو كان كابوس .."

علا : اا جاسر
جاسر دخل وجا جمب لما وهي بتعاين في الاتجاه التاني باس راسها وهي حست بدمعتو سايله على خدها
امل : ما تخاف ماف شي بس هبوط حاد وهسي بعد تخلص الدرب دا بنرجع
جاسر مشا قعد وهو مشربك وخاتيهم في راسو ومدنقر
ماف زول نطق لحدي ما الدكتورجا
واداهم الروشته وقامو كلهم
جاسر لي علا: امشي وسوقي معاك امل وخاله سهام
علا : كويس
ركبو علا وامل وسهام عربية علا ..لما قبل تركب جاسر جراها ..علا اتحركت وجاسر مسك يد لما ومشو على الصيدليه اخدو الادويه ركبو العربيه واتحركو ولحدي البيت ماف زول اتكلم نزلو الاتنين ولما دخلت غرفتها ورقدت بدون ما تتفاهم بعد نص ساعه جاسر جا شايل الصينيه وكيس الادويه
جاسر : قومي
لما : خليني في حالي ما عندي حيل للنقاش
ولا اتفاهم معاها شالها وقعدها جمب التربيزه وبقى بأكل فيها وبلعها الادويه بتاعتها رجعت رقدت وهو ودا الصينيه وجا رقد جمبها حاوطها ورقد في حضنها
لما : قو....
جاسر : انا محتاج ليك اكتر مما انتي محتاجه لي



*" هو الخذلان بخليك تتعلقي فيهو اكتر؟"*

--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《14》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*10:30 am*
فادي وهو بلبس في الساعه وواقف قدام المرايه : اي ماشي ي مها جننتيني من الصباح
مها : انت كمان قايم متأخر وحركتك ابرد من الديب فريزر 😒
فادي وهو بتجه عليها ويخت ايديهو في اكتافها : اها طيب عملتي الجبنه ولا كمان حأمشي بدون ما اشربها
مها : لالا جاهزه
فادي : اولادك صحو؟
مها : لالا مساهرين لي 12 تاني ما بقومو الا الظهر
فادي : ما تعوديهم السهر من هسي
مها : تعبوني والله كل يوم بشكي لي طلال منهم
فادي : فالحه في الشكيه انتي بس
مها : اعمل شنو يعني
فادي : طيب يلا جيبي لي القهوه عشان طيارتو بتكون وصلت
مها : ظاابط

مها مشت تكب ليهو القهوه جاتها حنين شعرها الواصل لأكتافها والمقصوص بطريقه حلوه كان منكوش ونازل على وشها جات وهي بتدعك عيونها وصارة وشها
مها : خير اها مالك صارة لي كدا
حنين بصوت نعسان : ليه ما ثحيتيني
مها : واصحيك ليه
حنين : عسان جدو حثن داي وانا ماسه مع حالو فادي
مها : تمشي وين يا السمحه ماف ليك اي مشيه
حنين وهي بتبكي وبتضرب رجلها في الارض : ماام ماام ماثه مع حالو اااعع😭😭😭💔
جرت لي فادي وهي بتبكي شالها وبمسح لي دموعها
فادي : خير خير مالو الحلو ببكي
حنين : ماما دالت لي ما بتمسي مع حالو عشان نديب جدو😭😭
فادي : لكن جدو حيكون جا ومنتظرني وانتي ياداب قايمه لحدي ما تستحمي وتشربي الشاي وتلبسي جدو حيمشي ويخلينا
حنين : لا لا لا ماسه انا بث ماسه😭😭😭
فادي : طيب امشي الحمام لحدي ما اكلم ليك ماما طيب
حنين : طيب
حنين جرت ع الحمام وفادي لقا مها جهزت القهوه قعدو الاتنين يشربوها
فادي وهو بحرك الملعقه في الكبايه : انا سايق حنين معاي
مها : لالا كدا بتجيب لي الهوا هسي احمد يقوم يعمل حفله هنا
فادي : ما بقوم هسي يلا لبسيها سريع
مها : ماف زول خارب البت دي غيرك
فادي : شكرا

مها لبست حنين شربت الشاي فادي طلع ليها شوكلت شالها وطلعو
..................

غاليه : غيومه كفا عليك الله ما تعملي في نفسك كدا
غيم وصوتها تعبان شديد : كيف يعني ما اعمل كدا يخليني زي دا ويمشي في يوم زواجنا من هسي عمل كدا بعدين حيحصل شنو يعني
-- عمو منير قال اتصل لي علا وقالت ليهو مع لما
-- نعممم؟ لماا؟
-- اي قالو هبطت وهو مشا ليها وابى يرجع الا تبقى كويسه
غيم قامت ونزلت ليهم تحت كان في حباب وصباح ومنير وبقت تكورك
غيم : هو اصلا كان ميت فيها كدا انتو بتعرسوني ليهو ليه ذنبي شنو انا كلو بسببكم انتو الاتنين(واشرت ع حباب وصباح) اسمعوني هنا جاسر كان ما رجع اليووم يسلمني ورقتي بس شايفني خاتم في اصبعو يحركني زي ما عايز ما عافيه ليكم انا ما عافيه ليكم😭😭💔
وجرت ع الغرفه الكانو فيها
غاليه : عافيه منك دا الكلام
غيم : انا اصلا غلطانه احب لي واحد زي دا حسبي الله عليكم 💔


منير : استغفر الله العظيم يارب دي مصيبة شنو كمان .. انا حأمشي للولد دا اعقلو عشان يخلي الجنون البعملو دا
حباب : اصلك ما تسألو خليهو براحتو بس يجي البيت دا انا بوريهو الما شافو
صباح : هي مالك على ولدي
حباب : مالي على ولدك؟ اسكتي يا صباح عليك الله اسكتي بس
صباح لوت خشمها : ولدي يا يمه انتو الجيتو ليهو جايه تتكلمي هسي
حباب : بتهيني فيني يا صباح؟
منير : انا حأمشي ليهو انتو اخدو راحتكم واتناقرو زي ما عايزين(ريحت نفسك😹👏🏻)

.....................

حلا : شوفي قالو عاملين رحلة في المدرسه ومعانا الاولاد
نور : اولادهم الوهميين ديل بالله تتذكري يوم عملو لينا الحصة الجماعيه ودمجونا معاهم😹
-- وهميين وهمنه يااخ😹
-- تاني يوم جينا لقينا السبورة مليانه ارقام

-- والولد الكان بتظارف مع الاستاذ
-- اي اي لكن اداهو في جبهتو لمن قال ليهو خلي الظرافه وركز في الحصه شتت يااخ😹
--اها حنمشي؟
-- نمشي مالو
-- طيب
تينا (الشغاله) دقت ليهم باب الغرفه
حلا : اتفضل
تينا : بابا قال تعال الفطور
نور : تيينا ياخ الشوق الشوق ويين انت مختفي كدا
تينا : اختي كان عيان وبراهو انا زاتي اشتقت لي جنك😂
نور : جنك في عينك ي تينا انا جعانه ما حأرد عليك هسي
حلا : الحقيقه😂
نزلو وقعدو في السفره كلهم يتونسو وياكلو
نور : ماما عندنا رحله الاسبوع الجاي في المدرسه نبي نروح🌚❤️
هندا : امشو انكربتو شديد ايام الامتحانات
هلال : اي احسن
حلا : امي ما جات؟
هلال : بتجي العصر
حلا : اممم طيب
خلصو فطورهم ونور مشت لأمها لقتها لابسه وبتسرح في شعرها
نور : امس جاك اتصال وما قلتي لي الموضوع
هندا : ايوة هسي طالعه مشوار ضروري امشي واجي احكي ليك
نور : احكي لي هسي ياخ قلقتي بي عديل
هندا كانت لابسه عباية رماديه وفي النص فيها شريطين بالابيض طرحة بيضاء بدرة وشبشب الحريم داك رمادي وشنطه بيضاء عدلت الطرحه وشعرها نازل لنص ظهرها .. جات باستها في في خدها ونزلت النظاره الكانت في راسها
هندا : بعد اجي حبيبتي تمام
نور : ok don't late
هندا : لالا ما بتأخر

محمد : حمدلله ع السلامه
حلا : الله يسلمك
-- الامتحانات كانت كيف اشتغلتي كويس ركزتي في الاسئله
-- الحمدلله تمام جزء صعب وجزء ساهل .. انت كيفك
-- انا تمام ما عندي عوجه
-- الحمدلله
-- رائك شنو امر عليك ونطلع
-- اممم ما بقدر
-- حلا ياخ ما بتقدري شنو انا حأسافر وتاني ما بجي قريب
-- طيب بس ما هسي
-- متين
-- العصر
-- ليه
-- بس كدا
-- طيب الساعه 5 بجي تمام كدا؟
-- تمام
-- ع فكرة اشتقت ليك
-- كميات
-- حلا مالك في شي مضايقك
-- لا ماف شي
-- يعني عايزة تكذبي علي؟
فجأه دموعها جات نازله وقفلت الخط نور جات ماره بغرفتها لقتها جايه تقفل الباب وخاته يدها على عيونها دخلت قبل ما تقفل الباب مسكتها من يدها قعدو الاتنين نزلت ليها ايدينها من عيونها وحضنتها
نور : ما بعرف اواسيك زي محمد واخليك تضحكي بس ما ممكن تحكي لي يعني عشان ترتاحي؟
حلا قامت ومسحت دموعها: ماف شي نفسنه بس
نور : ما ممكن يا حلا انا اي شي بحكي ليك اي شي يحصل لي انتي بتكوني عارفاهو اما انتي تبكي براك وما عايزاني اكون جمبك فائدة خوتنا شنو طيب
قامت عشان تطلع جات حلا وقعدتها
حلا: امي يا نور انا يومين ما شفتها ولا حتى اتصلت عشان تسألني من الامتحان انا بقيت حاسه كأنو انا ما فارقه معاها انا بتها الوحيده وما هاميها شي عني
نور : ما تقولي كدا يا حلا انتي عارفه امك وشغلها يعني هي اكيد ما بيدها الحاجه دي
-- 5دقائق بس يا نور لو رفعت تلفونها وسألتني بس امتحنتي كيف حتموت زول يعني من البيشن؟
-- طيب ما تزعلي نفسك بعدين حتجي وتسألك اكيد
-- ان شاء الله
" من الحاجات البتفقد قيمتها الغاليه جدا .. الكلام الحلو واللطيف الما بجي في وقتو "

...................

قبل تفتح عيونها ببطء حست بأيديهو المحاوطه خصرها سرحت في وشو الحرمت نفسها منو طول الشهر الفات حست بوخز في قلبها لما اتذكرت انو ف وحده تانيه حتشاركها فيهو
لما : " انا كيف سمحت لنفسي بكدا صحي الحب بنسي الواحد كرامتو💔"
قدر ما حاولت تقوم بس كأنو في مغنطيس بجذب عيونها ع وشو وفي جنازير رابطاها مدت يدها ع وشو رجعت شعرو الناعم لورا وقبل تنزل يدها حست بإيدو مسكت يدها فتح عيونو باسها في يدها وابتسم
جاسر : ودا الصباح الباهي لونو 💜💜
لما : عايزه اقوم
-- قومي
-- زح ايدك
-- لاا
-- جاسر انا جاده معاك
-- وانا بهظر يعني؟
صرت وشها وقبلت ع الجهه التانيه حاولت تقوم لكن كان ماسكها بقوة قرب منها واختلطت انفاسهم طبع قبله وفكاها
جاسر : قومي يلا
لما قامت فتحت باب الغرفه وطلعت لقت امها وعلا وامل بفطرو نزلت راسها بخجل واتجهت ع الحمام
علا : ما بدري😉
لما : قفلي
امل : شوفو الخجل😉
استحمت وطلعت لقت جاسر ماف في الغرفه طلعت برا تاني لقتو ماف
امل : مشا الحمام التاني ما تخافي😂
لما : منو هو
علا : ما تعملي روحك ما فاهمه 😉
لما : انتو مالكم من الصباح بتغمزو لي كدا امي اتكلمي مع البنات ديل
سهام : عاد كلامهم صح اغلطهم كمان
علا وامل فكو الضحكه وضربو كف يدهم ببعض ✋ لما حمرت ليهم ودخلت
بعد خلصو الفطور غسلو العده عملو الفطور لي لما وجاسر ولي روحهم الشاي

علا : ودي الشاي انا حأودي ليهم الفطور
امل : طيب
شالت الفطور ومشت لقتهم بتناقرو ضحكت ختتو وطلعت
لما وهي مربعه ايدينها: قلت ليك ما ماشه معاك من البيت دا ما طالعه
جاسر : طيب تعالي افطري و نتفاهم بعدين
لما : ما جعانه
جاسر : اهااا دا الكلام الما بنفع عايزة تقعي لينا تاني ونجري بيك المستشفى
لما : ماف زول جابرك امشي لمرتك التانيه ما بتعذبك
جاسر جراها قعدو وبقى بأكل فيها

..........................

فادي وحنين وصلو المطار وكانو منتظرين حسن ظهر من بعيد وفادي كان حاسي جسمو كلو بارد وبرجف لاحظ لأبوهو المشا بأتجاه مرا سلم عليها وكانو بتكلمو شاف ابوهو شال تلفون المرا وسمع صوت نغمة تلفونو شالو وردا
حسن : الو فادي
فادي : ايوه
حسن وهو بتلفت : انت وين اشر لي بي يدك لو ما شايفني
فادي رفع يدو وحسن شافو واتجهو عليهو الاتنين.. حسن حضن ولدو بلهفه ودموعو نزلت فادي بادلو الحضن وقدر يمسك دموعو
هندا شالت حنين وباستها : ازيك يا حلوه
حنين ابتسمت بخجل : تويسه ☺️
حسن بعد سلم على ولدو شال حنين وبقى ببوس فيها وحاضنها
حنين : جدوو حثثثثن💙
هندا مدت يدها لفادي وفادي صافحها
هندا : كيفك يا فادي
فادي : الحمدلله تمام
بعد خلصو سلامهم طلعو
حسن : هندا انتي الحقينا بعربيتك انا بركب مع فادي
هندا : تمام
اتحركو على البيت وحسن الطريق كلو يتونس مع فادي وخاصة حنين .. حنين كانت مبسوطه شديد وبتضحك لأنو كان كل يوم بتصل علي مها فيديو بتكلم معاها ويضحك في كلامها فأتعلقت بيهو قبل تشوفو ..

مها وهي بتأكل فرح : احمد ما تجنني عليك الله قلت ليك فادي ساقها معاهو
احمد : كنتي تصحيني لييه يعني يسوقها وما يسوقني
مها شالت التلفون : انا بتصل لأبوك يتفاهم معاك
احمد : اتصلي
مها : قليل ادب وكمان ما بتخاف بس خليني أاكل اختك دي براي بأدبك لا ابوك ولا يحزنون
سمعو صوت الباب بفتح احمد جرا عليهو ومها قامت بسرعه غسلت لي بتها وغسلت يدها ولمت الحاجات ابوها جا داخل وفادي وراهو شايل الشنط
حسن مشا على بتو باسها في راسها وحضنها وقعدو يبكو الاتنين هندا طلعت عشان ياخدو راحتهم ومشت ع البيت .. بعد خلصو موال السلام والبكاء قعدو ومها جابت مويه وعصير لأبوها
حسن : كيفك يا بتي والاولاد كيفهم
مها : الحمدلله كويسين كلنا انت كيفك
حسن : في نعمه الحمدلله
مها : الحمدلله
حسن : هندا مشت ولا شنو
فادي : اي طلعت ... ما تشرب العصير مها سوي الفطور
مها : طيب
حسن : لالا انا ما جعان هسي عايز ارتاح بس
فادي : طيب ادخل ليك شنطك
فادي دخل لأبوهو شنطو في غرفتو وحسن دخل استحمى ونام على طول

.........................

منير مشا بيت ناس لما دقا الباب وعلا جات فتحت ليهو ما اتفاجأت لأنها عارفه حيجي لجاسر سلم عليها ودخل سلم ع سهام وامل وقعدو
منير : كيفك ي سهام وولدك كيف كويسين
سهام : الحمدلله كويسين
منير: الحمدلله
علا مشت دقت باب الغرفه جاسر قال ليها ادخلي لما كانت بتبلع حبوبا وهو ماسك كيس الادويه
علا : اممم جاسر
جاسر : ايوه
علا : ابوي برا عايزك
جاسر : طيب جاي
علا طلعت ولما بقت تعاين ليهو
جاسر وهو بخت يدو ع خدها: ما تخافي ما حأمشي
نزلت راسها جاسر بايسا ع خدها وطلع سلم على ابوهو وطلعو برا الاتنين
منير : دا شنو البتعمل فيهو دا يا جاسر
جاسر : مالي
منير : هسي دا تصرف زول عاقل؟
جاسر : يا ابوي لما وقعت وودوها المستشفى عايزني اعمل شنو
منير : تقوم تخلي البت في نص الحفله وتمشي دا تصرف زول متزوج ومسؤول؟
جاسر : قلتو لي عرسها وعرستها تاني في شنو يا جماعه
قبل منير يرد جاهو اتصال طلع تلفونو وردا
منير : ايوه
حباب : الحق صباح يا منير وقعت في المطبخ ع يدها وهسي وديناها المستشفى
منير : شنوو وين مستشفى شنو
حباب : في() تعال عليك الله سريع
منير : كويس جاي انا...
جاسر : في شنو
منير : امك دي قالو وقعت ع يدها وهسي في المستشفى
منير ركب عربيتو وجاسر دخل جوا وهو جاري شال مفاتيح عربيتو وقبل يطلع لما وقفتو
لما : في شنو مالك جاري كدا ونفسك قايم
جاسر : اا امي في المستشفى وقعت ع يدها
لما : شنوو😳
جاسر طلع بدون ما يرد عليها جات علا مخلوعه وبقت تسأل لما
علا : في شنو جاسر مالو جاري كدا
لما : امك وقعت ع يدها وهسي في المستشفى
علا بقت مصدومه وبتعاين ليها لما لبست عبايتها وعلا وراها لما كلمت امل وطلعو كلهم ..سهام الوقت دا نامت
وصلو المستشفى ..طلع كسر وجبصو ليها يدها علا كانت بتبكي وحباب تعاين لي لما وتحمر ليها لما وامل كانو بهدو في علا جاسر مشا يجيب الادويه حباب وصباح وعلا كانو في عربية منير وامل ولما ركبو مع جاسر وصلو البيت ودوها غرفتها ترتاح كلهم طلعو الا علا ابت تطلع ...

في الصاله ...
حباب : ما كان تجي بالله
جاسر وهو خاتي اصابعو في عيونو : دا ما وقتو
حباب : لا وقتو .. دي عمله تعملها بالله انت كان راجل بحق وحقيقه ما بتخلي عروستك في حفلتكم وتمشي تكوس البت الما تسوى ضفر من بت دي
جاسر زحا ايدو قام على حيلو منير جا وقفو
منير : جاسر دا وقتو روق
كان في تربيزه جمبو لزاها برجلو طارت هنااك وطلع لما كانت ماشه وراهو جات حباب لزتها الا امل مسكتها
حباب : وانتي اسمعيني هناا كويس اكان قايله كدا جاسر بخلي بتي تبقي بتحلمي بتشوفي براك كان ما طلقك وجدعك في الخرابه الكنتي فيها ما يبقى اسمي حباب
منير : حبااب دا كلام شنو البتقوليهو دا احتررمي نفسك
لما فكت امل وطلعت امل مشت وراها لقتها بتبكي وقفت تاكسي ورجعت بيتهم امل ما قدرت ترجع معاها وتخلي علا بالوضع دا واتصلت على امها عشان تكلمها

.........................
*4:30pm*

نهله جات داخله البيت اول شي مشت ع غرفة حلا لقتها راقده ماسكه تلفونها
نهله : بتيي السمحه كيفك
حلا وهي مركزه ع التلفون: الحمدلله
نهله قعدت جمبها وهي بتمسح ع شعرها : حمدلله ع السلامه
حلا : الله يسلمك
نهله : اشتغلتي كيف
حلا : تمام الحمدلله
نهله : ما ممكن تختي التلفون وتتكلمي معاي
حلا قفلت التلفون ختتو وقعدت
حلا : اها
-- زعلانه مني صح؟
-- ابدا شنو البزعلني😊
-- حلا انتي عارفة طبيعة شغلي
-- اي عارفه وما زعلانه منك
-- حبيبتي انا يلا انا عايزة ارتاح
-- تمام
نهله طلعت وحلا بقت سرحانه وعت ع نغمة تلفونها رفعت السماعه
حلا : ايوه
محمد : جاهزه اجي؟
حلا : نص ساعه كدا
محمد : تمام

نور : اهلين قيس
قيس : اخبارك
نور : الحمدلله انت كيفك
قيس : انا تماام .. وحمدلله ع السلامه
نور : الله يسلمك
قيس : خلصتو من الهم
-- اي ياخ كان هم تقييل
-- لسه فضل ليكم كتير
-- مش خلصنا من تالته الباقي بتجازف (تالته الابت تخلص😀💔)
-- هههه ربنا يعينكم
-- امين يارب.. بعدين كلم غفران قول ليها عندنا رحله الاسبوع الجاي
-- طيب بس ما اظن تمشي
-- ليه؟
-- ما بتحب جو الرحلات وكدا
-- هي جمبك؟
-- لا انا في المطعم
-- اممم طيب بعدين لمن ترجع اديني اتكلم معاها
-- تمام .. ااا لو قلت ليك عازمك
-- انت عازمني😂
-- ليه مالو يعني
-- لالا ماف شي
-- اقول ليك حاجه خليتو خلاص

-- لالا لا ما تخليهو

-- جزمه😒
--متين طيب
-- هسي
-- لالا ما ينفع الليله
-- طيب بكرا
-- طيب بكرا بشوف وبكلمك
-- تمام اتفقنا يلا كترتي علي وانا مشغول
-- انا كترت عليك يا حيوان 😹👊
-- اي
قفل منها وهي مشت على غرفه امها كانت بتصلي انتظرتها لمن خلصت
نور : المره دي حتحكي لي يعني حتحكي لي قبيل جيت لقيتك نايمه
هندا قامت طبقت المصلايه قعدت في الكنبه ونور جات قعدت جمبها
هندا : طيب اسمعي عايزة تعرفي انا ليه خليتك السنين دي كلها وما كنت معاك؟
نور : دا الموضوع؟
هندا : ايوه ... قبل 16 سنه

.......................

حسن قام بعد العصر صلى الصلوات الفاتتو طلع لقا مها وفادي بتونسو واحمد وحنين بحضرو وفرح بتلعب بألعاب الاطفال في الارض جا قعد معاهم
مها : طيب انا اقوم اسوي الغدا
عملت الغدا قعدو كلهم اتغدو وشربو الشاي
حسن : حموودي تعال
احمد :نعم
حسن : جوا في شنطه حمرا صغيرونه فيها حاجات ليك انت وحنين امشو العبو بيها
احمد وحنين جرو على الغرفه وهم بضحكو
حسن وهو بخت كباية الشاي : انا حأدخل ليكم في الموضوع طوالي...موضوع سفري وليه خليتكم السنين دي كلها براكم
مها وفادي عاينو لبعض وسكتو
حسن : قبل 16 سنه
.....................

حلا ومحمد مشو مطعم ظريف طلبو غدا وقعدو يتونسو
محمد : حلا
حلا : نعم
محمد : بالجد كدا قبيل الكان مضايقك شنو
حلا : كنت متضايقه ساي نفسنه بس
-- مش قلنا ما ندس حاجه من بعض؟
-- اممم
-- يلا قولي طيب
حلا حكت ليهو بالموضوع ودموعها جات نازله محمد كان قاعد قصادها جرا الكرسي قعد جمبها ومسك يدينها طبطب عليها
-- طيب حبيبتي انتي مش عارفه انو امك شغلها ما هين
-- عارفه
-- وعارفه انو هي بتعمل دا كلو عشان ما تحوجك لي حاجه وتعيشي احسن عيشه هي عندها منو غيرك تتعب عشانو انتي لو عارفه مهنة الطب دي صعبه كيف ما كنتي حتزعلي منها ابداا وبعدين هي بتنقذ حياة ناس وربنا قال " ومن احياها كأنما احيا الناس جميعا" مفروض تكوني فخورة بالحاجه دي صح كلامي ولا غلط
-- صح
-- طيب انتي عايزة شنو اكتر من كدا انتي مفروض تحمدي ربك ليل نهار انو امك عايشه معاك وشايفاها قدامك في ناس كتيرة بتتمنى لو تشوف امها ثواني بس فماا تزعلي نفسك وما تحسسيها انك زعلانه منها عشان ما تحس نفسها مقصره في حقك حتى لو كانت مقصره
-- طيب
-- يلا امسحي دموعك دي وخلينا ناكل انا جعاان شديد