نور : ما مالي ولا شي وامسح رقمي دا واوعك تفكر تتصل هنا تاني
وضاح : طيب فهميني الحاصل شنو
نور : اوريك الحاصل شنو ؟ ياخ انا قرفته من نفسي لأني عرفتك امشي لي وصال العاجباك دي وتم معاها باقي قرافتك دي ي وسخ يا قرف انته "وقفلت الخط"
وضاح : عرفت من وين دي ومنو الوراها معقوله نور تمشي كدا بدون حتى ما المسها نو نو مستحيل هههههه

*نور 17 سنه ابوها اتوفى قبل ما تتولد وامها بعد ولدتها ب3سنين اتزوجت وخلتها مع هلال اخوها وخال نور سافرت قطر مع راجلها وبعد فترة اشتغلت دكتوره هناك وكانت بترسل ليها المصاريف نزلت شافتها كم مره لكن ما اخدتها معاها وحاليا قررت تاخدها لكن نور رافضه بتاتا .. نور بنت انطوائيه شويه يمكن بسبب امها الاتخلت عنها وابوها الما كان معاها صح خالها موجود ومرتو نهله موجوده بس ما كانو قادرين يسدو مكان امها وابوها تماما .. رداحه درجه اولى وما بترضى الغلط نهائيا ..*


*"نعم اخطأت ولكن عقوبتي كانت اكبر من ذنبي نفسه وهل من كان حق ابن ادم الا يخطئ ابدا؟💔"*

--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*قيس 26 سنه شاب هادئ وخجول شويه* امو وابوهو اتوفو .. ابوهو حاج الطيب قبل ما يتزوج امو كان متزوج فتحيه جاب منها 3 اولاد وبنت اللي هي غفران حاج الطيب ما كان مكلم مرتو ولا اولادو بزواجو من حنان(ام قيس) وبعد عرفو زعلو شديد واي واحد فيهم لام ابوهو وقررو انو ما يقعد معاهم ف البيت ويمشي لي حنان لكن فتحيه رفضت وابت تخليهو اولادها طلعو ابوهم من البيت وقالو لي فتحيه لو عاوزاهو الحقيهو فتحيه رضت بالامر الواقع وقعدت مع اولادها والوقت داك غفران كانت لسه صغيرن ولدها الكبير بعد اتخرج سافر هو واخوهو الاصغر منو وما كانو برسلو ليهم مصاريف ولا حتى بسألو منهم واتزوج هناك واخوها الفي الثانوي اتوفى فاضطر الطيب ياخدهم ويسكنهم مع حنان وولدو قيس الكان عمرو 14 سنه غفران كان عمرها 5 سنوات..حنان وفتحيه كانو متفاهمين البشوفهم ما بقول ضرات بعديها بفتره ما طويله حنان والطيب عملو حادث واتوفو وبقو عايشين فتحيه وغفران وقيس هو الكان بصرف عليهم الوقت داك كان امتحن لسه ما امتحن شهاده .. وحاليا غفران ممتحنه عمرها 17سنه وبتقرا ف مدرسه قوية شديد لأنها جابت نسبه كبيرة في تامن فقبلوها مجان .. وقيس عمرو 26 سنه وكل فترهه بشغل جديد م ثابت يعني
قيس شاب طويل اسمر شايل ملامح ابوهو وعيونو الواسعه وهداوة امو
..........

*10:30م الرياض*
صابرين : امل انتي متأكده انك فكرتي في الموضوع دا كويس؟

امل : ايوه فكرته
صابرين : طيب و...
امل بأنفعال : ما عاوزه اسمع سيرتو تاني والا ما بحصل خير فاهمه
صابرين : طيب سكته.. انا اتأخرته راجعه
امل : طيب
صابرين طلعت امل رقدت واتذكرتو
امل : ممكن اعرف ليه بتقول لي مدرستي وكمان مسجلني بي مدرستي كمان؟ 😒💔
قيس : لأنك انتي مدرستي بتوريني الصح من الغلط مدرستي الما في نفسي يوم اطلع منها نهائي ولا افارقها💜
مسحت دموعها لما حست بزول دخل الغرفه
ريان : امل ؟
امل : مالك
ريان : بابا قال عايزك
امل قامت من السرير : طيب ماشه

امل قامت ومشت لي ابوها
منتصر : يا بتي انا مبسوط شديد لأنك وافقتي صدقيني حسان حيخليك اسعد انسانه ف الدنيا وما حيحوجك لي حاجه
امل : ان شاء الله
منتصر : بكر عمك منير وناس بيتهم جايين كلمي امك عشان انا بايت ف الشغل
امل : لما جايه معاهم؟😍❤️
منتصر : ما عارف والله
امل : اووف ان شاء الله تجي ياخ

*امل 21 سنه بتدرس علم نفس وعلاقتها مع قيس اتجاوزت ال3سنه لحدي ما حصلت الحاجه الخلتها تقطع علاقتها مع قيس نهائيا*
........................

*10:30م الطائف احدى الفلل الضخمه*
هندا : يعني ي بتي انتي عاجبك الحال دا امك قاعده وانتي قاعده بيت ناس خالك ما بنفع كدا ي نور
نور : ماما انا كلمتك انا ما مسافره يعني ما مسافره انتي جادعاني السنين دي كلها وجايه هسي تسألي مني
هندا : نور عيب الكلام دا منك انا سافرته واشتغلته عشانك انتي
نور : وانا ما ماشه قاعده هنا ومبسوطه الحمدلله انتي امشي لي راجلك وشغلك وانبسطي اوكي
هندا : دا اخر كلام؟
نور : وما عندي شي اقولو تاني

هندا شالت شنطتها وطلعت لقت هلال وبنتو حلا قاعدين ف الصاله
هلال : حصل شنو
هندا : ابت كالعاده
هلال : خليها ع راحتها كام مبسوطه كدا ما تضغطي عليها
هندا : حيجي يوم وحترجع
طلعت ودورت عربيتها ورجعت
حلا : انا ماشه لي نور
هلال : امك ما رجعت
حلا : قالت بترجع 11

حلا مشت لي نور لقتها ماسكه فونها
حلا : ي زفته
نور : مالك
حلا : قلتي لي امك شنو زعلانه كدا
نور : قلته ليها ما ماشه معاك
حلا : امممم طيب بكرا نمشي المدرسه؟
نور : بكرا النتائج صح
حلا : الليله العشره الاوائل اخدو وبكرا احنا
نور : قولك بننجح؟
حلا مطت شفايفها ورفعت اكتافها : ما ادري .. الليله غفران تبكي ساي عشان رسبت فيزياء
نور : وبعليااا يا حليلا ما تستاهل والله البت مجتهده شديد
حلا : نفسي اصاحبا البت دي
نور : لشنو
حلا سرحت واتكلمت : عشان ابقى زيها طموحه وعندي هدف ومثابره
نور فكت الضحكه : هههههههاي شنو شنو طموحه قلتي لي قومي قومي ي طموحه انتي خليني اخلط عليك الله مدرسة شنو وقرف شنو
حلا : سمح ي حيوانه
حلا طلعت وخلت نور وهي بتفكر ف امها السابتها من 16 سنه عند خالها وجايه تسأل منها هسي وبكت قدرتها
نور : انا تعبته من دور البت القويه تعبته ما قادره ليه بحصل معاي كل دا ليه؟؟ انا ذنبي شنو غلطته ف شنو عشان يحصل لي كل دا
صحت بصوت تلفونها عاينت للاسم "وضاح" مسحت دموعها وضحكت باستهتار وردت
نور : نعم
وضاح :وين انتي بدق عليك يومين ما بتردي يا بتفصلي
نور : لأني كرهتك وقرفته منك وما عاوزه اسمع صوتك دا تاني ولا اشوف وشك دا تاني فاهم
وضاح : بسم الله نور مالك؟

مها : طلال لا ما تقفل .. اااوف ياه
بقت حلا تكورك بجهه واحمد عمرو 8 سنه يكورك بجهه وحنين عمرها 5سنه تحضر وتكاوي في اخوها وتضحك فيهو بجهه
مها : لا انا خلاص فاض بي ... "وفجأه علت صوتها بطريقه مخيفه وبدت تبكي" هووووس ولا كلمه ما عاوزه اسمع اي صوت ما ممكن معاكم ياخ اليوم كلو صراخ في صراخ في صراخ💔
اطفالها من شدة الخوف لما اتخلعو واي واحد بعاين للتاني حتى حلا سكتت والمكان بقى هادي الا "وجهي للسماء انا وجهي للسماء انا عندي عينان للاعلى تنظران" .. دخلت جوا الغرفه جدعت حلا في السرير وختت ايدينها ع وشها وبقت تبكي بعد اقل من عشره دقائق جوها احمد وحنين
احمد : ماما احنا عرفنا نفسنا غلطانين اسفين خلاص ما تبكي
حنين زحت ايدينها مسحت دموعها وباستها وابتسمت ليها: انا علطته بلدو واثفه
مها عاينت لوجوهم البريئه وضمتهم عليها " بالجد مجرد ابتسامه بريئه من طفل كفيله بأنها تخليك تنسى الدنيا وما فيها💙💙💙"
احمد : ماما انتي بتقولي لي دايما خليك قوي وما تخلي شي يبكيك طيب لي انتي بتبكي
مها مشت يدها ع شعرو : ماف شي ي روح ماما ماف شي
فجأة مها عاينت لقت حنين نامت ع يدها
مها : الليله ساهرتو حبايبي وانت ي احمد يلا ع النوم
رقدتهم في غرفتهم وجات هي رقدت واتصلت ع فادي اخوها
مها : وين انت اتأخرت
فادي : اي خلاص ربع ساعه واكون وصلته
مها : طيب انا حأنوم حتلقى العشا جاهز تمام
فادي : حاضر بس كأنو صوتك م تمام
مها : مبادئ التهاب وكدا
فادي : خلاص بغشى الصيدليه اجيب ليك مضاد حيوي
مها : لا ما بحتاج بشرب ليمون دافي وبتروح
فادي : تمام

فادي قفل من اختو وعمل مكالمه تانيه
علا : اهلا
فادي : كنتي وين بتصل
ليك ما بتردي
-- كنته مع حلا ونسيت اخد تلفوني
-- مشا معاك منو ؟
-- بابا
-- اممم والولد دا اتكلم معاك تاني؟
-- لا بتحاشاهو بس
-- اي احسن ولو ضايقك شديد كلميني بس انا بتصرف
-- ما تتناقش معاهو خليه لما يزهج
-- علا انا ما مطمن للولد دا نهائي هو مش مؤجز ما راجع اهلو ؟
-- تقريبا حيمشي بعد يومين
-- تمام احسن .. يلا حبيبي انا سايق
-- طيب تصبح ع خير
-- وانتي بخير

*" مها شابه ف عمر 26 اتزوجت قبل 9 سنوات وعندها الكتاكيت الفوق ديل زوجها طلال كان شغال ف الامارات ونقلوهو بريطانيا نسبة لخبرتو .. اخوها فادي30 سنه قاعد معاها امها متوفيه وابوها متزوج وقاعد ف قطر .. مها بنت سمراء ما طويله ولا قصيره يعني طولها مناسب لعمرها بتحب اطفالها شديد لكن مجننها جن زي ما شفنا قبل شويه لكن قدام ابوهم وخالهم سكتم بكتم ما بقدرو يعملو شي "*
..............................

*10:30 ام درمان في واحد من البيوت العاديه*
مكون من حمامين ومطبخ وعريشه بتدخلك لي غرفتين وهول ما كبير العريشه فيها زيرين واربعه سراير وتلفزيون وتربيزتين صغار.. جا داخل شايل اكياس ف يدو دخلها المطبخ ومشا يشرب مويه من الزير لقا حجه فتحيه راقده جاب بطانيه غطاها لأنو الجو كان بارد حبتين وقفل التلفزيون وبقا بنده ع اختو
قيس : غفران يا غفران
اما هي كانت راقده ف غرفتها متغطيه وبتبكي كاتم صوت ..لما سمعت صوت اخوها مسحت دموعها وحاولت تخفي بحة صوتها من البكا الكتير وقامت
قيس جا داخل ورغم محاولات غفران انها تخفي اثر البكا الا انو عرفها
قيس : بتبكي صح🤦‍♂
غفران : لا بتثأب و..
قيس : بتكذبي علي انا؟
غفران قعدت ف السرير وذادت البكا : راسبه
قيس : ودا سبب يخليك تبكي للدرجه دي ؟
غفران : قيس بقول ليك راسبه
قيس : راسبه مجموع؟
غفران : لا فيزياء بس
قيس : ويعني.. دا امتحان تجريبي عشان تعرفي نفسك الواقف ليك شنو ما عشان تيأسي وتعزي كدا
غفران : انا حاولته لكن ما قدرته ابت تتفهم لي نهائي كل ما احاول ما بقدر
قيس : لأنك خاته في بالك الحاجه دي كدي قولي بسم الله وابدي من الاول وشيلي من بالك الاوهام دي وقولي انا حاقدر ولو ما فهمتي بعد دا انا حأجيب ليك استاذ
غفران : استاذ لاا .. انا قلته ليك قبل كدا ما عاوزه اي استاذ براي بجتهد وبجيب بي حقي
قيس : طيب نسبتك كم؟ وجايبه ف الفيزياء كم
غفران : 86.8 والفيزياء 46
قيس : حلو طيب بس شدي حيلك شويه
غفران : ان شاء الله
قيس : كلمتي امك؟
غفران : لاا
قيس : طيب كلميها عشان لو عرفت حتزعل منك
غفران مسحت دموعها وابتسمت : طيب
قيس بعد اتثأب : انا هلكان الليله حأمشي انوم تمام
غفران : اوكي تصبح ع خير
قيس : وانتي بخير ❤️ واوعك تقري بعد الوقت دا الساعه 11 جات ما حتستوعبي حاجه
غفران : طيب

قيس طلع بي جاي غفران مشت ع تربيزة القرايه بتاعتها ومسكت كتاب الفيزياء اخدت نفس عميق : حأقدر ان شاء الله
فتحت الكتاب وجابت كراسها وقلمها وبدت تقرا ...

قيس طلع منها ومشا غرفتو رقد طلع فونو وفتح صورتها وكالعاده سرت رعشه ف جسدو وهو بعاين ليها لا اراديا لقا دمعه بتنزل ع انفو لأنو كان راقد بالجمبه مسحها سريع وهو بقول : ربنا يسعدك وين ما كنتي .. عارف نفسي ما عارف نفسي غلطتا في شنو عشان يحصل كدا

*#وبنغلط《01》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*10:30 مساء.. الطائف في احدى الشقق ..*

لما : يعني طلعته انا الغلطانه ؟ سبحان الله
جاسر : ابدا ما غلطانه ..انا الغلطان ي لما انا الغلطان 🙂
... غلطان لأنك اتزوجتني صح ندمان يعني طيب مالك اتزوجتني من البدايه ااا وريني
... اللهم طولك ي روح اسمعي انا طالع ولو اتأخرته نومي وما تتصلي لي تمام
(شال تلفونو ومفتاح عربيتو وطلع )
... جاسر اقيف حتخليني براي يعني جااسر 😠

جاسر طلع وما اشتغل بيها لما قعدت في الارض وهي بتبكي بعد ربع ساعه متواصله من البكا اتصلت لي علا صحبتها شديد واخت جاسر في نفس الوقت

لما وصوتها متحشرج من البكا : علا تعالي لي سريع
علا : بسم الله ف شنو ي لما جاسر حاصله ليهو حاجه؟ 😳
لما : م عارفه بس تعالي سريع الله يخليك
__ طيب ثواني وبكون عندك

علا لبست عبايتها وشالت مفاتيح عربيتها وطلعت وهي طالعه لاقاها منذر ود خالتها
منذر : وين ان شاء الله
علا : وانت مالك🙂
منذر : كيف مالي انتي بت خالتي ولي الحق اسألك ماشه وين وجايه من وين كمان خايف عليك
علا وهي بتقرب منو وتمد بتطقطق ليهو : اسمعني هنا اذا ابوي م بسألني جاي تسألني انته وما تنغمس في دور الاخ المتحكم دا كمان اوكي
منذر مسكها من ذراعها : ليه بتعملي فيني كدا وانتي عارفه مشاعري تجاهك
علا وهي نفضت يدها ومدت سبابتها: اياك تمدها تاني اياااك والا بترجع مقطوعه
منذر : بتعملي دا كلو عشان الزفت داك صح
علا طنشتو وكملت طريقا وقبل تطلع قابلت امها
علا ف سرها : "اهو الناقصه تمت "
صباح : على وين يا بت زي الوقت دا
علا : ماما .. لما اتصلت علي و..
صباح : لماا اوعك تمشي اقلعي عبايتك دي سريع واترزعي نومي
-- بس ي ماما هيا...
-- بلا بس معاك وقسما بالله تعبتي باب البيت دا م اخليك
منير (ابو جاسر): في شنو ي ولية صوتك دا عالي كدا
علا : بابا لما قالت لي اجيها ضروري وماما قالت لي ما امشي يمكن حاصله ليها حاجه
صباح وهي بتطنطن بي تحت : " ان شاء الله تموت وتريحنا العقربه دي " تمرقي زي الوقت دا الناس يقولو علينا شنو يا منير وبعدين لما دايرة بيها شنو كمان البيت غير المصايب والكلام م جايبه لينا حاجه
منير : انا بوصلها وبجيبها وانتي ي صباح خشي جوه عندي معاك كلام بعد اجي😒

منير وعلا طلعو وصباح تكورك وتداعي في لما .. المسافه م كانت بعيده زي 10 دقائق ووصلو البيت
علا : ما نازل ي بابا
منير : لالا شوفيها عاوزه شنو وتعالي سريع عشان امك دي م تعمل لينا موضوع تاني
علا : اوكي
علا نزلت ودقت الجرس وكالعاده لما كانت في حالة يرثى لها علا ختت يدها في شفايفها وهي بتشهق لما دخلت وهي جات داخله وراها قعدت في الكنبه وختت يدها في وشها وبدت تبكي تاني علا حضنتها عليها وهي بتهدي فيها
علا : تاني مشاكل مع جاسر صح ؟😑💔
لما وهي بتبكي وتشهق: اعمل ليهو شنو يعني هو دايما بحب يضايقني
علا زحت ليها يدينها من وشها ومسحت ليها دموعها
علا : عيني في عينك كدا البدا النقاش منو
-- هو والله هو البدا
-- طيب احكي لي الحصل شنو بالتفصيل
-- طيب قبيل في اللمه كنت بلم في العده مع عرفه(الشغالة) جات وحده من اهلكم ديل قالت لي لو سمحتي سوي الشاي سريع الناس ديل طالعين انا م افتكرتها قاصده حاجه عملتو مع عرفه انا شلته صواني الحريم وعرفه مشت تنادي واحد من الاولاد المهم اثناء م بكب في الشاي للحريم في واحده قالت لي ي بتي انا البت الشغاله معاي في

البيت امها اتوفت وقالت تاني ما اظن تجي لو عندك ايام فاضيه فيها تعالي لي عليك الله وبديك رقمي انا اللحظه دي دموعي جات جاريه قلته ليها عفوااا بس انا ما بشتغل في البيوت قالت لي طيب انتي منو قلته ليها مرت جاسر المرا نططت عيونا قلته ليها وانتي منو القال انا شغاله هنا سكتت مسافه وقالت لي صباح قالت لي كدا انا طوالي طلعته من البيت وجيت هنا جاسر اتصل لي وقال لي انتي وين قلته ليهو في البيت قفل وجا قال لي مالك مشيتي قلته ليهو انا ما بقعد في بيت بهينوني ويزلوني فيهو بالطريقه دي قال لي في شنو حكيت ليهو الحصل قال لي انتي كنتي بشكلك دا هناك قلته ليهو يعني انا الغلطانه قال لي ابدا انا الغلطان وطلع قال لي نومي وما تنتظريني 💔 اها وريني الغلطان منو انا تعبته يا علا تعبته من امك واخوك والبعملوهو فيني

علا مسكتها من يدها ومشت بيها لفرفتها ووقفتها في المرايه
علا : لماا كدي شوفي نفسك انتي اتعيرتي كتير ي لما شوفي القميص اللابساهو دا حبوبتي الله يرحمها ما كانت بتلبس زيو وشوفي وشك دا عامل كيف زي المرا الحامل في الشهر التامن "مسكت خصل من شعرها" وشوفي شعرك اتقصقص كيف وواقف زي الضارباك كهربا .. في شنو ي لما الحاصل شنو البشوفك قبل كم شهر ما يشوفك هسي كل يوم عاملة مشكله مع راجلك ولاتفه الاسباب ومشكلتك راسك قوي وما بتعترفي بغلطك .. عارفه انا ما بلوم جاسر ابدا لو مشا واتزوج عليك ما عشان اخوي وبدافع ليهو بس انا بقول الشايفاهو اي واحد مكانو كان عمل كدا 🙂💔 وامي اصلا ما جديده عليك حركاتها دي .. حاولي ارجعي زي م كنتي ي لما الله يخليك
لما كانت بتبكي لأنو كانت عارفه اي كلمه قالتها علا صح قبلت عليها
لما : كلامك صح انا غلطانه
علا : ولازم تصلحي غلطك قبل ما جاسر يشوف وحده تانيه " وضحكت"
لما وهي بتضربها في كتفها : في عينك ي جزمه جاسر مستحيل يعمل كدا
وقبل ما علا ترد باب الشقه فتح وجاسر جا داخل لما مسحت دموعها سريع وعلا استأذنت وطلعت .. جاسر دخل جدع مفاتيحو وتلفونو ورقد نام لما جات راقده جمبو قبل ع الجهه التانيه ... كلام علا بقا يتردد في اضانها وخصوصا " انا ما بلوم جاسر ابدا لو مشا واتزوج عليك " قامت من جمبو ومشت الحمام بقت تبكي وتغسل وشها لما صوتها طلع جاسر جا وقف ليها جمب الباب لحدي م طلعت لما جات طالعه وشافتو
لما وصوتها شبه رايح : اسفه
جاسر : نعمم قلتي شنو " استغرب لأنها م حصلت غلطا واعتذرت ليهو "
لما ختت راسها ع صدرو وبقت تبكي تاني : اسفه اسفه
جاسر ضماها عليهو وكأنو م مصدق : خلاص م تبكي حبيبتي خلاص انا البعتذر الله يخليك كفى
لما : انا عارفه نفسي غلطانه وبوعدك ارجع زي الاول بس ما تتزوج علي انا بحبك يا جاسر وما بتحمل حاجه زي دي 💔
جاسر مسكها من حنكها ورفع ليها راسها : ومنو القال ليك انا حأعمل كدا
لما : ماف زول بس اوعدني ما تعملها
جاسر : طيب انتي متوقعه اني ممكن اعمل كدا في يوم ؟
لما : بس اوعدني
جاسر : حبيبتي لو جابو لي ملكة جمال العالم هنا وخيروني بينك وبينها بختارك انتي ما تفتكري عشان الايام دي.. بتسموها شنو انتو البنات اهاا منفسنه ممكن اعاين لغيرك انا غيرك ما شايف وعيوني تتقلع لو عاينته لوحده غيرك 💜
لما : عارفه نفسي غلطانه اسفه

((نتعرف ع الجماعه الطيبين ديل .. لما وجاسر متزوجين ليهم 4 سنه اتزوجو عن حب طبعا💕 *لما 24 سنه بنوته قصيره وحلبيه عندها وجنه بالجهه اليمين من اقل شي بتظهر .. خجوله ووشها برئ جداا بتحب جاسر حب ما طبيعي والشي دا بخليها تغير عليهو من اقل شي ابوها متوفي وعندها اخو واحد مهندس ميكانيكي وهو الكان بصرف عليها هي وامها ووضعهم ع قدر حالهم ...*

*جاسر 31 سنه طويل اسمر حلااتو عندو سكسوكه تقول يا انا👋👋 عندو اختين عهد متزوجه وفي الامارات وعلا خريجة ادارة اعمال وبتشبهو شديد ..جاسر شغال مع ابوهو في شركتهم وعلا حتلحقهم بعد فتره قصيره .. صباح ما كانت موافقه ع زواجهم حسب فهما بتقول انو لما ما مستواهم وكانت عايزه ليهو بت خالتو 💔*
......

*10:30 الرياض*

كانت شايله بتها حلا العمر سنه ونص بيد وهي بتبكي وماسكه التلفون بيدها التانيه ببتكلم مكالمة فيديو
مها : طلال شوف لي حل للموضوع دا انا ما قادره والله ... خلاص حبيبتي م تبكي
طلال : ي مهاا افهميني الوضع حاليا مختلف انا ما صدقته رقوني ووصلته الحته دي عايزاني اجي راجع
احمد وهو بكورك : مامااااا شوفي حنين اخدت التاب بتاعي
حنين وهي بتكورك بنفس الطريقه : بسيلو مث انته ابيت تديب لي تيول الدنه 😾😾
مها : شايف.. شايف الحاله الانا فيها دي قسما بالله انا ما فضل لي الا ابكي معاهم طلال عليك الله ارجع😭😭
طلال : عايني حبيبتي انا عندي اجتماع بعد ساعتين المهم انتي حاولي خليهم يخافو منك ما تقومي ترعبيهم كمان بس بالطريقه التخليهم يحترموك بيها وبوسي لي اي واحد فيهم تمام يلا باي حياتي❤️ "وقفل"

*#وبنغلط《02》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الساعه 8ص جاسر جا داخل البيت لقا ابوهو برا ف الحديقه قاعد ف كرسي حول الطاوله المرصوصه فيها اربعه كراسي حديد مطليه باللون الابيض لابس نظارتو ماسك الجريده بيد وكباية الجبنه بيد تانيه ومندمج شديد
جاسر : السلام عليكم
منير وهو بقلع نظارتو ويقوم يسلم عليهو : اهليين ولدي وعليكم السلام اتفضل
قعدو الاتنين ف الكراسي
-- كيف حالك ابوي
منير : تمام والله كيفك انته ولما كيفها
-- الحمدلله كويسين وبتسلم عليك
-- الله يسلمها مطولين منها امس جات وما شفتها مع جوطة اللمه
-- بجيبا ليكم قريب ان شاء الله .. اممم امي قاعده؟
-- ايوه جوا بتعمل غدا ماشين لي عمك منير ذكرتني قال لي اكلمك تجو انتو ولما
-- ليه خير؟
-- بنتو امل جاها عريس ومنتصر قال لي تجي بكرا ونتشاور ف الموضوع واصلا مطولين منهم قلنا بالمره نمشي كلنا
-- اهاا كويس والله طيب بعدين بنجي انا ولما
-- طيب
-- حامشي لي امي
-- اي ادخل سلم عليها
جاسر : تمام
جاسر جا داخل بباب البيت قابل علا وهي طالعه ع الجامعه
علا : جاسر ازييك
جاسر : الحمدلله تمام طالعه الجامعه ياداب؟
علا : ايوه الليله محاضرتي بتبدا 9
جاسر : اهاا كويس
علا كانت ماشه جاسر وقفها
جاسر : بت اقيفي
علا : هاا
جاسر : امس قلتي شنو لي لما خلاها تتقلب كدا؟ لا والاحلى انها اعتذرت ودي اول مره من نتزوج تعملا
-- هههه لالا ي حبيبي دا سر المهنه المره الجايه تدفع قبل اتكلم معاها
-- لا يا شيخه دا اصلا لو بقى في مره تانيه
-- من يومك حيوان🌚
-- بعدين جايا هناك؟
-- بيت عمو منير ايوه بجي اصلا عندي محاضره وحده بخلصها وبجيكم بهناك
-- تمام
علا طلعت وجاسر مشا المطبخ لامو وكانت بتخت الاكل ف العمود
جاسر : امي
صباح : جاسر اتفضل اتفضل ي ولدي
جاسر : كيفك كويسه
صباح : ف نعمه الحمدلله انت كيفك
جاسر : انا كويس وين عرفه بتسوي ف الاكل انتي؟
-- بنتها ولادتها الليله م قدرت تجي وماشين لي عمك
-- امي جاي اسألك دا شنو العملتيها امس دا
صباح لوت خشمها وكتفت يدينها : عملته شنو
-- يمه انتي فاهمه انا قصدي شنو
-- ايوه فاهمه والعملتو دا الصح وابدا ما ندمانه عليهو
-- صح ؟؟
صباح بأنفعال: ايوه صح عايزني ارفع راسي واقول ليهم دي مرت ولدي .. ولدي ي يمه الالف بت وبت بتتمناهو اقول ليهم دي مرتو؟ انت ما شفته شكلها كان كيف؟ والله عرفه الشغاله شكلها كان احسن منها وانت جاي تقول لي دا شنو العملتيهو؟ خليها تبقى زي النسوان اول وتهزب نفسها شويه ما ممكن اصلا وانا من البدايه البت دي ما عاجباني قلته ليك ما تعرسها ي جاسر م تعرسها البت دي م مستوانا وانت عملته الفي راسك وعرستها واهندي ملابس زي الناس ما عارفه تلبس وكمان قدام اهلي حايمه بيها وعايزني اقول ليهم دي مرت ولدي؟ وبعدين هي 4 سنه متزوجه ولد ما جابتو ليك قاعد معاها للان لي انا ما بعرف
"جاسر كان ماسك نفسو وما عايز ينفعل لأنو ف النهايه دي امو"
-- امي لا اله الا الله
-- سيدنا محمد رسول الله
-- التصرف دا تاني كان اتكرر ما حيحصل خير انا لما بحبها وعاجباني كدا البت زنبها شنو تسمع كلام زي دا عشان الايامات دي نفسياتها تعبانه ومتضايقه تتعاملي معاها بالطريقه دي؟ واذا انتي الوضع ما عاجبك فا انا زاتي حأريحك من لما ومني انا كمان وحنسافر انا وهي وتاني م بتشوفي وشي

صباح شهقت وختت يدها ع صدرها : سجميي انت بتقول لأمك الكلام دا البت دي اكيد عامله ليك حاجه ولا كاتباك انا اصلا عارفاها وعارفه حركاتها دي
-- امممي الله يهديك دا شنو البتقولي فيهو دا "وقام طلع "
صباح : الحيوانه دي خلت ولدي يتكلم معاي بالطريقه دي ؟ شوف البت دي بالله

جاسر وهو في طريقو للشركه كان بفكر ف كلام امو وكيف هي بتكره لما للدرجه دي ؟
جاسر مع نفسو : اعمل شنو ف الحاله دي انا متأكد امي ما حترحم لما ولما ما بتتحمل كلام زي دا ..#يارب هل انا غلطان لأني اتزوجته لما انا بحبها ومستعد اعمل اي شي يخليها مبسوطه لكن هي ما عندها ذنب تسمع فارغ كدا .. انا لازم القى حل للمشكله دي كدا ما ينفع

.............................

مها قامت من النوم 8ص بصوت فرح بتها وهي بتبكي
مها : صباح الخير حبيبتي هووس الحلوه مالا
قامت من السرير حممتها وحضرت ليها البزه بتاعتها وقعدت تلعب معاها
فادي طلع من غرفتو : صباح الخير
مها : صباح النور الليله النومه شالتك ولا شنو
فادي شال منها فرح وبقا بلعبها : يا حبيبة خالو انتي ..لالا ما ماشي الشغل
-- ليه
-- وعدته حنين واحمد بعد يرجعو افسحهم
-- كان تمشي وتجي بعد هم يرجعو
-- ما فرقت وعازم علا كمان
-- اهاا قول كدا من البدايه😉
-- وقالت الا اجيبكم معاي وخصوصا حنونه الشيطونه
-- اصلا كل يوم متصله لي وتقول لي اديني ليها وحنين زاتا عندها مزاج معاها تمسك التلفون تتكلم معاها لحدي ما اقلعو منها قلع
-- اي متعلقه بيها شديد
-- طيب والمطعم ماسكو منو؟
-- الايامات دي ماشي كويس مسكته الاداره لواحد كدا وممشي لي الشغل
-- ودا منو؟

-- اسمو قيس زول امين ومجتهد متأكد انو حيقدر على شغلة المطعم دي احسن مني
-- اممم ما تثق في اي زول بالسرعه دي
-- حصل يوم زول مسك ادارة المطعم غيري؟
-- لا
-- طيب لو ما واثق منو كيف ابقيهو المدير؟
-- طيب تمام حلو برضو ترتاح شويه
-- اممم وبعدين من هو جا والمطعم بقا زباينو كتار جاب لي الرزق
-- لالا دا ما تفرط فيهو لو كدا
-- اصلا ولا حأفكر
-- طيب م دام قاعد الليله حتمشي تجيب حنين من الروضه واحمد من المدرسه صح 😀
-- اهاا انا اقول ارتاح من الشغل تجي تشغلني الاخت الكريمه عندها
-- عندك كم اخت انته؟😌✋
-- وحده ومطلعه زيتي .. امس اتكلمت مع ابوي
-- ابوي؟؟؟ بي وييين
-- انا عارف
-- والذكرو بينا شنو فجأة كدا
-- ما عارف والله

..................................

قيس وفتحيه كانو بشربو ف الشاي وبتونسو جات غفران طالعه وهي لابسه لبس المدرسه غفران : صباح الخير
فتحيه وقيس : صباح النور
قعدت جمبهم وامها كبت ليها الشاي
فتحيه : اها الشغل كيف يا ولدي
قيس : كويس ي خالتي متعب بس احسن من القبلو
فتحيه : الله يعينك
غفران بتردد : امي
فتحيه : نعم
غفران : امس كانت نتائجنا وو
فتحيه : اهاا بشري ي بتي
غفران عاينت لقيس بنظرات حزينه وهي شايفه الفرحه ف عيون امها قيس هز راسو بمعنى تكلمها
غفران : جبته 86
فتحيه : ما كعبه بس شدي حيلك انتي بتجيبي احسن من كدا
غفران : ان شاء الله دعواتك بس
فتحيه : ربنا يوفقكم الاتنين يا اولادي ويفتحها عليكم وين ما تقبلو " وعن دعوات الام البتفتح النفس💜"
قيس وغفران : امييين ياارب
فتحيه : طيب ماشه ليه الليله مش قلتي بعد النتائج تاني ما بتمشو؟
غفران : ايوه بس ف حاجات كدا عاوزه اسأل منها
فتحيه : طيب

بعديها قيس وغفران طلعو سوا
قيس : ليه ما وريتيها الحقيقه؟
غفران : ما قدرته انته ما شايفها كانت مبسوطه كيف؟؟؟
قيس : طيب بس اجتهدي
غفران : تمام .. صراحه الليله ماشه لأنو المدير قال لي اجي عندو كلام معاي اكيد بخصوص الفيزياء
قيس : طيب م مشكله بعدين تعالي لي ف المطعم عازمك حاجه حلوه
غفران : بالجد؟؟؟
قيس : ايوه
غفران : طييب😍❤️

.............
حلا : اتأخرنا الليله
نور : الساعه 8 ياداب
حلا : طيب يلا عمو اشرف حيكون منتظرنا من قبيل
حلا ونور نزلو من غرفهم وقابلو هلال وهاله ف الصاله
نور وحلا : صباح الخير
نهله وهلال : صباح النور
نهله : نتائجكم الليله صح؟
نور وحلا عاينو لبعض لأنو ما كلموها ولا كانو ناوين يكلموها
نهله : مستغربين صح .. امس المشرفه رسلت رساله عشان الطالبات الزيكم والما عاملين اعتبار لاهلهم
هلال : ليه ما كلمتونا
نور : كنا حنكلمكم بعد ناخدها
نهله : طيب اطلعو لأنو الوقت اتأخر

نور وحلا طلعو والطريق كلو خايفين من نسبهم تكون كعبه لأنو نهله ما حترحمهم وحتحبسهم لحدي ما يخلصو المواد كلها .. وصلو المدرسه بعد ربع ساعه وكان بدو توزيع النتائج
نور : انا ما حأخد نتيجتي
حلا : جنيتي اكيد صاح ماما حتكسرنا لو مل اخدناها يلا يلا نتوكل وما بحصل الا خير

نور : الخير يجي من وين واحنا 24 ساعه التلفون ف يدنا
حلا : اتفائلي ياخ وبعدين صراحه احنا اجتهدنا ف التجريبي يلا يلا
حلا ونور دخلو وشالو نتيجتهم وكانت نضيفه والاتنين كانو حيموتو بالفرح وبنططو
نور : مستحيييل م مصدقه 76 عديل كدا وما راسبه ماده
حلا : قلته ليك ما حنرسب امي لو عرفتني جايبه 80 بتزغد عديل
بتكلمو كدا جات نضال وصحباتها ودي بتكره نور شديد وبتحب تضايقها دائما كل ما تلقاها
نضال : ههههه سبحان الله قالو لي نجحتي
نور : نضال احسن ما اشوف وشك لأنو ما طايقاك
نضاله : وااااو شايفين ي بنات خليكم زيها نجحت وجابت نسبه حلوه بالرغم من انو امها جادعاها عند خالها وعايشه حياتها مع راجلها اصلا هي لو كانت بت جايه عدييل ما كانت جدعت عند خالها ومشت ولا ما كدا
بقت تضحك وصحباتها بضحكو معاها وفجأه نضال لقت روحها مرميه ف الارض ونور بفوقها وبتكفت فيها وبدت الشكله البنات كلهم اتلمو وبقو بحاولو يفرقو بين نور ونضال
خالده (المشرفه ):بنااات
كلهم اتفرقو حتى نور ونضال بعدو من بعض
خالده : وراي ع مكتب المدير حااالا
نور ونضال صلحو طرحهم ومشو وراها واي وحده شكلها اكعب من التانيه

عادل (المدير): طيب ي غفران انزلي اعادة المقرر واساتذت الفيزياء كلهم بقيفوا معاك نفسي اعرف لي مصممه انك ما تنزلي
غفران : اسفه يا مدير ما بقدر انزل لأسباب خاصه ومشكلتي ف الفيزياء شبه اتحلت وبوعدك ف امتحان الشهاده نسبتي ما حتقل عن 90 بأذن الله
عادل : طيب براحتك ما حأضغط عليك كتير بس اذا حسيتي نفسك لسه ما قادره تفهميها تعالي طوالي وكلنا بنقيف معاك..

خالده : استاذ عادل بعد اذنك ف مشكله حاصله
عادل : خير مشكلة شنو
خالده : اتفضلو اصلا قعادكم ف المكتب اكتر من قعادكم ف الفصل
عادل : تااني نور ونضال .. طيب يا غفران اتفضلي
غفران طلعت والمدير استلم نور ونضال
عادل : الليله اخر يوم ما حاسألكم لكن اذا وحده فيكم بشوفا ايام اعادة المقرر ما حأرحما وشكم دا ما عاوز اشوفو الت ايام الامتحانات (المدير رفع سبابتو وكمل ) واذا وحده فيكم عملت لي مشكله ايام الامتحانات وجابوها لي هنا وقسما ما تكمل باقي الامتحانات اتفضلو اطلعو برا طلعو بدون م يتكلمو واي وحده بتحمر للتانيه .. نور لقت حلا واقفه مع غفران رفعت حاجبها بأستغراب واتجهت عليهم سلمت ووقفت جمبهم
حلا : اممم شوفي ي غفران انا شايفاك عندك مشكله ف الفيزياء وما عندي مشكله اني اساعدك
غفران : تساعديني؟ لا ما عاوزه اعذبك معاي اكيد بتكوني عاوزه تقري الفتره دي
حلا : ابدا ماف تعب ولا اي حاجه بالعكس حأكون مبسوطه لأني بساعدك واكيد حيكون عندي باقي وقت عشان اقرت باقي المواد
غفران : ما عارفه اقول ليك شنو بس تسلمي كتيير انتي اكتر واحده شاطره ف الفيزياء في فصلنا وانا ما بقدر اقول ليك لا ما دام ماف تعب بالنسبه ليك
حلا : طيب نبدا متين؟
غفران : اممم انا ما عندي مشكله اي وقت
حلا طلعت ورقه من دفترها وكتبت فيها رقم ومدتو ليها : طيب دا رقم نور بت عمتي انا تلفوني الايامات دي بايظ وقت تحسي نفسك عاوزاني اساعدك اتصلي علي فيهو واكيد ما بنتأخر عليك ونور كمان حتساعدك لأنها بتعرف توصل المعلومه احسن مني
غفران : طيب تسلموو شديد ما بتعرفي فرحتوني قدر شنو
حلا : ولو ياخ احنا لبعض
غفران : طيب استأذنكم
حلا : اتفضلي
غفران مشت وحلا قبلت ع نور وهي مبسوطه لقتها غازه يدها ف نصها ورافعه حاجبها
نور وهي بتصفقت ليها : واااو يلا واااو بتتجودي ع الناس بلساني انا هل انا قلت بساعدها ولا اديتك الاذن تديها رقمي؟ قال " نحن لبعض " عارفاني ما بحب اتعامل مع زول من المدرسه دي ولا برا المدرسه
حلا : بس انا ما عملت شي غلط احنا ما خسرانين شي يا نور البت محتاجه مساعده
نور : #انا غلطانه لأني سكته وما قلته ليها ما بقدر اساعدك.. انقلعي قدامي انقلعي

نور وحلا طلعو ولقو اشرف منتظرهم ركبو والطريق كلو نور تشاكل حلا واثناء ما هم ف الطريق
نور : سبحان الله اصلا انا ما قاريه وبتقول ليها حتشرح ليك هسي حأعمل شنو وري....
حلا :عمو اشرف انتظر لحظه .. نور شوفي دا ما وضاح؟
نور عاينت لقت وضاح واقف مع غفران وهي هايجه فيهو
غفران : انته عايز مني شنو يا ود الناس كم مره قلته ليك ما تمشي وراي انته ما بتفهم 😡😡
.............

*في بيت منتصر ..*
امل : ي حيوانه ما بتصدقي مشتاقه ليك قدر شنو ما بتسألي من الزول مالك
لما : والله ي امل انا زاتي ما عارفه الشاغلني شنو وانتي كيف عليك الله مع الجامعه
امل : تعب شدييد ياخ هلكانه عديل
لما : ههههه لسه فضل ليك سنه وكسر
-- اي والله .. وعلا الجزمه دي وينا مالا ما جات؟
-- مشت الجامعه بتجي بعدين العصر قايلاها عاطله زيك

-- عاطله بي حقي
-- فضل اسبوع وتنزلي ما تفرحي😂
-- بتضحكي فيني يا جزمه .. اها منذر لسه بضايقها؟
-- غايتو بتقول بقا ما بتكلم معاها لكن علا كتومه م بتحب تحكي مشاكلها انا متأكده انو لسه ما التزم حدودو
-- اي صح علا ما بتحكي اي شي
-- طيب خلينا من علا انتي متأكده انو خلاص قيس شلتي من راسك؟
-- ايوه
-- بس يا امل هو بحبك
-- عارفه الكلام دا بس زي ما قلته ليك هو كلم ابوي وابوي رفض
-- وانتي استسلمتي بالبساطه دي
-- ايوه لأنو ماف حل انا عارفه ابوي كويس وما عاوزه اعلق الولد ساي احسن يشوف حياتو وانا بشوف حياتي وربنا ما قاسم لينا نكون سوا
-- طيب كان تكلمي امك يمكن تقدر تقنعو
-- هئه لما انتي اكتر واحده عارفه المشاكل الفي بيتنا عايزاني تاني اقوم النيران بعد الدنيا هدت انا ما صدقته امي وابوي علاقتهم رجعت طبيعيه #يمكن ارتباطنا من البدايه كان غلط عشان كدا الله بعدنا من بعض

صباح : انا ما عارفه اعمل للولد دا شنو حيجنني يا وجدان
وجدان : يا صباح الاولاد بحبو بعض ومتزوجين وعايشين حياتهم متفاهمين انتي لي زعلانه كدا
صباح : انا زعلانه لأني عاوزه اشوف احفادي ولدي الوحييد وما اشوف اولادو قبل اموت؟
وجدان : كل شي لي خير اصبري عليهم شويه
منتصر : عن اذنكم ارد ع التلفون
منير : اتفضل
جاسر : ابوي اسمعني عاوز اقول ليك حاجه مهمه شديد وانا القرار دا اخدتو بعد تفكير شديد
منير : خير ان شاء الله
جاسر : امي
منير : مالا؟
............................
علا طلعت من الجامعه الساعه 2 ومشت ع بيتهم تغير ملابسها استعدادا لموعدها مع فادي نزلت من عربيتها وفتحت باب البيت مشت غرفتها لبست فستان اسود عملت شعرها ذيل حصان وطلعت خصل بالجمبه بخت عطرها وعاوزه تشيل الشنطه اتفاجأت بباب غرفتها بتقفل قبلت وراها لقت منذر دخل وقفل الباب

علا : انت مجنون ولا شنو كيف تدخل كدا وبعدين انت قلته مسافر الليله القعدك شنو
منذر كان بقرب عليها بدون ما يتكلم
علا وهي بترجع لي ورا وبخوف شديد : منذر... منذر خليك مكانك ا.. اياك اياك تقرب .... #انا غلطانه الجابني هنا شنو اصلا 💔💔💔


وضاح عاوز شنو من غفران وجاسر ياتو قرار عاوز يكلم بيهو ابوهو ومنذر حيقدر يعمل حاجه لي علا ولا لا ..

"

*مرات بنحس انو الحاجه العملناها دي غلط في حين انو بتكون اكبر صاح في حياتنا بس تفكيرنا السلبي البخليها تكون غلط بالنسبه لينا وبنكون* *ندمانين عليها طول حياتنا ولو عاينا ليها من جانب تاني حنلقى انو لولاها ما كانت حاجات كتيره اتغيرت ف حياتنا ويمكن حياة غيرنا كمان💙"*

--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《03》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
حلا : نور شوفي دا ما وضاح؟
نور عاينت لقت وضاح واقف مع غفران وهي هايجه فيهو
غفران : انت عايز مني شنو ي ود الناس كم مره قلته ليك ما تمشي وراي انته ما بتفهم
نور نزلت من العربيه وحلا نزلت وراها اتجهت عليهم ووقفت جمب غفران وقصاد وضاح
نور : خير ان شاء الله عاوز منها شنو
وضاح : نور؟
نور : حلا اخدي معاك غفران وانا بلحقكم
حلا اخدت غفران ونور ربعت لي وضاح يدينها
نور :خلاص فاض بيك ما لقيت وحده تلعب عليها وقبلت على المسكينه دي
وضاح : بتعرفيها ؟
نور : ايوه بعرفها صحبتي وزي اختي واسمعني هنا اذا لقيتك المره الجايه بتعاين ليها ساي عيونك دي بقلعا ليك فاهم دي وحده انضف من امك الجابتك امشي العب على الشبهك ي وسخ
وضاح : انتي فاهمه غلط انا ما عايز العب عليها دي..
نور: ولا كلمه انا حذرتك وانت عارفني كويس انت ما عندك شغله غير تجري ورا البنات وتقضي بيهم وقت تفوو عليك ياخ
نور مشت وخلت وضاح واقف وعلامات الاستفهام في راسو

حلا : طيب من متين هو بضايقك؟
غفران : طول اكتر من 3 شهور وكل مره بعيد ليهو نفس الكلام ولسه مواصل ما عارفه اعمل ليهو شنو
حلا :طيب نور هسي بتربيهو ليك
غفران : هو بعرفا؟
حلا : اي معرفه بس يعني
نور جات داخله العربيه وقفلت الباب: اذا اتكلم معاك تاني كلميني بس
غفران :شكرا ليكم كتير ما عارفه اجازيكم كيف بالجد جنني
نور : عادي ما عملنا شي غير الواجب
غفران :طيب انا بستأذنكم
فتحت باب العربيه عايزه تنزل نور مسكتها
نور: على وين
غفران : كيف على وين ماشه البيت
حلا : بنوصلك احنا
غفران : ماف داعي
نور جرتها وقفلت الباب
نور : اتحرك يا عمو .. بيتكم وين؟
غفران : ماشه لأخوي ف مطعم """
حلا : ماشه تقابلي اخوك؟؟
غفران : لاا هو شغال هناك
حلا :اهاا
نور : ف زول عاقل بقابل اخوهو ي فهيمه
حلا : اعمل شنو يعني اي زول مكاني كان حيفهم كدا

................

علا : منذر خليك مكانك انا بت خالتك ي منذر اوعك تقرب
منذر مسكها من يدها وبقا بقربها عليهو وعلا بتضرب فيهو بتبكي وتحاول تتفكا منو بعد محاولات قدرت تلزو وشالت العطر بتاعها وبختو ف وشو منذر ختا ايدو ف عيونو وهو بكورك
منذر : ااااخ لا دا شنو العملتيهو دا ي مجنونه
علا جرت قبل منذر يقوم عليها طلعت من البيت وكانت جاريه ما عارفه نفسها ماشه على وين كان همها كلو تبعد اقصى مسافه بتقدر عليها عن الذئب الكان شايفاهو قدامها قبل لحظات
.. وفجأه حست نفسها رجلها اتخدرت والدم جاري من راسها وجات واقعه من طولها كانت ما حاسه بأي شي بس سامعه اصوات "دا شنو البت ماتت .. قتلها والله شوفو الدم .. قوموها سريع .. وينو الضربها ي جماعه .. ما وقف ساق عربيتو واتحرك طوالي " وشويه شويه عيونها غمضت والاصوات اختفت

.........
فادي : مها اطلعي سريع علا بتكون منتظرانا
مها : خلاص البس فرح بس سوق حنين واحمد وانزلو انا بلحقكم
فادي : طيب بس ارد ع التلفون دي علا اكيد حتكون انتظرت كتير ياخ... علا خلاص احنا طالعين م بنتأخر ربع ساعه بالكتير
-- السلام عليكم

-- وعليكم السلام مين؟
-- صاحبة التلفون عامله حادث ولقينا اخر مكالمه كانت في الرقم دا وهي حاليا ف مستشفى """
فادي قفل الخط قبل ما يسمع باقي الكلام وجرا ع عربيتو مها بقت جاريه وراهو وهي متوتره وميته من الخوف من منظر اخوها
مها : في شنو يا فادي انطق😳
فادي : ع .. علا .. علا عملت حادث
مها : طيب وانت ماشي وين
فادي : ماشي ليها في مستشفي """
مها : سجميييي علا😱😱 طيب انتظر جايا معاك
فادي : لا خليك مع الشفع

فادي دور عربيتو وفوووو ع المستشفى
................

منير : يعني ما لقيت حل غير تسافر؟
جاسر : ايوه وغير كدا انت بتكون مرتاح لأنك من رجعته من قطر قلته لي اسافر وامسك الشغل الهناك
منير : والله ما كنته عارف انو امك بتسمع البت دي كلام زي دا اي عارفها بتكرهها لكن ما للدرجه دي كمان
جاسر : انا زاتي ما عرفته الا قريب
منير : مظلومه ياخ .. خلاص زين يا ولدي كلم مرتك وفي اقرب وقت سافرو لأنو امك م دام بتعمل كدا ماحترحما وانا كدا بكون مطمن ع الشغل هناك
جاسر ابتسم لأبوهو : تمام
منتصر : دا ابو حسان قالو حيجو يوم الجمعه للتعارف
منير : لالا تمام
تلفون جاسر بضرب
جاسر : دي علا مالا ي ربي
فادي : الو
جاسر : اهلا
فادي : انت اخوها لي علا صح؟
جاسر : ايوه بس مين حضرتك؟
فادي : اختك عملت حادث وحاليا ف مستشفى """
جاسر قام على حيلو : علا؟؟؟
منير ومنتصر قامو معاهو
منير : علا مالاا؟
..............

نهله : عموما درجاتكم ما كعبه ونسبتكم كمان بس اجتهدو شويه وكمان قفلو التلفونات دي يكون احسن لأنها بتشغلكم

حلا وهي بترفع اكتافها : انا اصلا فوني بايظ
نهله قبلت ع نور
نور : بليييز خالتو الا التلفون
نهله : لمصلحتك يا نور
نور : بوعدك احسن من مستواي وارفع درجاتي كلها بس ما بقدر اقفل التلفون
نهله : نور سلميني التلفون
نور : خالتو نهله🥺
نهله : بسلمك ليهو ساعتين او تلاته ساعات ف اليوم كفايه
نور : اووف طيب
حلا ختت يدها ع شفايفها وضحكت : ههههه ما عجبني ليك
نور حمرت ليها طوالي سكتت واتجهت ع غرفتها ونور عملت نفس الشي جابت تلفونها وسلمتو لي نهله
نور : ما مداومه ف المستشفى اليوم؟ "نهله دكتورة مخ واعصاب "
نهله عاينت للساعه : بطلع بعد نص ساعه
نور : وجايه متين؟
نهله : ما عارفه 12 او 1 عندي عمليه ليه في حاجه؟
نور : ابداا بسأل بس
-- ايااك ي نور
-- في شنو ي خالتو
-- انتي فاهماني .. عاوزين تعملو زي المره الفاتت تطلعو تسهرو برا للساعه 1 صح
-- لا بنرجع بدري والله
-- لالا عاوزين تكذبو علي زي المره الفاتت؟
-- لا والله بنرجع من 9 ي خالتو وعد واذا ما رجعنا احبسينا وما نطلع الا بعد تخلص الامتحانات
نهله سكتت شويه وبعديها اتكلمت: الساعه9
-- ايوه 9 بالظبط
-- تمام نشوف
نور نطت ف نهله وبقت تصرخ : يس يس شكرا خالتو شكرا 😍😍
نهله : ي بت حتخنقيني خلاص .. هاك التلفون عشان الظروف م معروفه
نور شالت تلفونها وجرت ع غرفة حلا
حلا : اها قالت شنو
نور : وافقت😍
حلا : جااااده يا الله
نور : واخيراا حنشوف محمد القادانا بيهو
حلا : متشوقه اكتر مني انتي
نور : اي يااخ قاداني اليوم كلو محمد عمل محمد سوا محمد فعل محمد ترك كيف ما اتشوق
حلا : ع فكره هو كمان كان بقول لي نفسي اشوف البت الرداحه دي😂
--طيب تعالي اظبطك ي بت الليله يومك
-- لاا ما عاوزه اعمل اي شي
-- كيف يعني ؟
-- هو قال لي كدا قال "ما عاوزك تعملي اي شي ف نفسك وانا عارف انك حتقولي اول مره وتكوني مجهجهه لكن خليك طبيعيه بس تعالي بفستانك البيجي
-- ي يمه محمد الهنا والسرور اريتو حالي
-- هي صحي اتكلمتي مع وضاح؟
-- ايوه وفصلتها منو
-- احسن يلا اصلا انا ما حبيتو ولا ارتحته ليهو .. يلا افتحي تلفونك عشان لو محمد اتصل
-- انتي ي حيوانه قبيل تضحكي فيني اصلا المفروض ما افتحو
-- ههههه والله ما قدرته امسك نفسي
-- طيب بفتحو عشان خاطر محمد بس
فتحتو كدا ما تم 5دقائق محمد اتصل
حلا : الو
محمد : حلتي كيفك
حلا بخجل : انا بخير كيفك انته وصلته كيف
محمد : كويس والله ... زي ما قلته ليك انتي اول وحده عاوز اشوفها
حلا :اممم عارفه
محمد : طيب اجهزي لأنو انا ماشي ع مطعم""" تعالي هناك
حلا : طيب
محمد : يلا سلام

حلا : قال لي اطلعي
نور : اي 7جات
حلا : عارفه حنلاقيهو وين؟
نور : وين؟
حلا : نفس المطعم الشغال فيهو قيس اخو غفران
نور : حلو نقول ليهو احنا صحبات اختك يضيفنا مجان 😌
حلا : احنا شكلو ما بنعرفو عايزانا نقبض اي واحد ونقول ليهو كدا😂
..........

7مساء فجاء المستشفى اتملت بعيلة جاسر امو وابوهو ولما ومنتصر بي مرتو وبناتو الاتنين كلهم ببكو وعلا ف العمليه البدوها قبل 4 ساعات ولسه فضل ساعه ... اما فادي كان في مصلى المستشفى صلى ركعتين و سجد دموعو جات نازله وهو بدعي

فادي : يارب ما تاخدها انا ما عارف حيحصل لي شنو لو حصلت ليها حاجه علا بقت كل دنيتي انا السبب في الحصل ليها لو ما قلته ليها تجي ما كان حصل ليها الحادث #انا-الغلطان كلو بي سببي ليه كدا يارب ليه💔
بعد ربع ساعه من الدعاء مشا عليهم ولقا اي واحد حالتو اكعب من التانيه لما وريان وامل قاعدين جمب بعض وببكو جاسر قاعد ف الكرسي منزل راسو ويدينو ع وشو منير نفس قعدة جاسر ومنتصر قاعد جمبو وبصبر فيهو وصباح قاعده ف الارض وتبكي
صباح : يا حليلك يابتي الماشفتي للدنيا حاجه ياااا حليلك اقول يا منو الليله انا اقول ياامنو
فادي جا قعد جمبها
فادي : قولي يارب وادعي ليها ان شاء الله ما بتجيها حاجه
صباح : ياااارب ياااارب
اللحظه دي الدكتور جا طالع ووشو ما ببشر نهائي كلهم عجزو انو يسألوهو خايفين من الصاقعه .. في النهايه فادي قام ع حيلو واتجه عليهو

.............

نور وحلا وصلو المطعم وشافو محمد سلمو عليهو وقعدو "محمد 27 سنه مهندس معماري شغال في الامارات .. هو وحلا علاقتهم كملت ال3سنين يعني من هي في تامن بتحبو ... هي ما حصل شافتو بس هو شافها في عرس قرايبو وهي جات لأنو العريس كان اخو صحبتها ومن الوقت داك تاني ما شافها وهي شافتو في الصور بس .. محمد كان بحب حلا شديد وكان جادي في ارتباطو بيها وهي كمان بتحبو وبتسمع كلامو وبتثق فيهو شديد يعني كانو حلوين مع بعض ومتفاهمين 💜"
محمد : كيفكم ان شاء الله عافيه

حلا كانت متوتره شديد وخايفه وبتطلع الكلام ياا الله
حلا : تمام
نور : كويسين الحمدلله انت كيفك
محمد : بخير والله وكيف الوالده والوالد
نور : كلهم بخير .. اممم عن اذنكم انا بقعد ف الحديقه الورا دي وقت تكونو طالعين اتصلو علي
نور طلعت ع الحديقه وطلبت قهوه "المطعم كان فيهو حديقه صغيره كدا بورا فيها 4 سفر وكان شكلا حلو شديد وفيها ورود طبيعيه وبتجذب شديد" قعدت في واحده من السفر واتذكرت وضاح واول مره شافتو فتحت مذكرتها بتاعت التلفون وبدت تكتب

قبل 4 شهور انا راجعه من المدرسه حلا كانت غايبه لأنها ادعت المرض يعني ما كانت مرضانه ولا شي بس لأنو كان
عندنا اختبار كيمياء وما قاريه .. انتظرته عمو اشرف كتييير وما جا رجعته المدرسه تاني واتصلته من تلفون المشرفه على عمو اشرف لأنو رقم اي ترحيل كان بكون مسجل عندهم .. اتصلو عليهو وقال العربيه وهو جاي بيها عطلت وقال ارجع بالمواصلات .. شميت الوضع كيف اتوكلته ع الله وطلعته بقيت ماشه على المحطه بتاعت المواصلات وقفته وبقيت منتظره مع الناس وما عارفه نفسي اصلا حأركب شنو .. حسيت بزول بضربني ضربه خفيفه ع كتفي قبلت وشفتو وياريتني ما شفتو ولا اتعرفته عليهو ولا وثقته فيهو .. المهم دار الحوار بيناتنا
-- نعم؟
وضاح : على ما اظن الورقه دي وقعت منك
خطفتها منو وانا مصدومه
-- شكرا.. فتحتها؟
-- ايوه اقصد لاا ما فتحتها
-- طيب شوف انا ما حصل ركبته مواصلات ولا بعرف ممكن تساعدني
-- اكيد
وريتو مكان ماشه وساعدني حتى اصر انو يركب معاي والطريق كلو كان بونس فيني وما عارضتو ابدا بالعكس اتونسته معاهو بعد وصلته ونزلنا
-- شكرا ليك ما قصرته
-- معقوله ياخ ولوو
-- طيب يلا مع السلامه
-- لحظه ما وريتيني اسمك منو
-- نور اسمي نور عبدالله
-- اتشرفنا يا نور
ابتسمته ليهو ومشيت واتفاجأت انو ف نفس اليوم دخل لي ع الماسنجر وعرفته انو قرا الورقه .. كنت كاتبه فيها عن امي السابتني ومشت وعن زعلي منها واني ما قادره اتقبلها للان .. كان كل يوم بتكلم معاي ما بعدي يوم بدون ما اسمع صوتو واعترف لي بأنو بحبني كنت مبسوطه شديد يمكن لأنو اول مره اصاحب زول للدرجه دي ويبقى جزء لا يتجزأ من يومي وبدت علاقتنا من اليوم داك ما كان تم شهر من اتعرفته عليهو .. كانت 3 شهور بس .. لكن بالنسبه لي كانو احلى حاجه في حياتي .. كنت عميانه تماما وما شايفه غير وضاح البحبني وحلا كانت بتحذرني منو وعارفه انو بتاع بنات لكن ما اشتغلته بيها لحدي ما في يوم شفتو مع بت وكان ماسكها بطريقه مقرفهه .. اللحظه ديك حسيت انو الدنيا كلها لافه بي قفلته تلفوني الما كان بفارقني لحظه 3 ايام وما اكلته شي ف ال3ايام دي عايشه ع المويه بس لحدي ما هبطته واكلوني بالغصب بعد بقيت كويسه عرفت انو هو ما بستاهل اعمل دا كلو عشانو اتكلمته معاهو وشاكلتو وقلته ليهو تاني ما عاوزه اشوفك وقطعته علاقتي بيهو "
نور قفلت المذكره وياداب حست بدموعها النازله مسحتها سريع قبل زول يشوفها بدت تشرب من قهوتها ..فتحت الفيس وكتبت
" عزيزتي قبل ان تقعي بشباكه عليك ان تغلقي عينيك التي ترين بيها وتبصري بعين الحب لأن الحب اعمى وسوف تعمين حقا من كثرة البكاء اذا لم تبصري بها" ونشرت كمان " اريد ان اعتزر من نفسي ....ولكن لا اعرف كيف سابدا 💔هل ستقبل اعتزاري ام لا ؟؟؟..اريد المسامحه علي اشياء كثيره.... اريد المسامحه لانني عجزت عن ان اساند نفسي بنفسي اريد المسامحه لانني احببت اشخاص ليس لدي بهم النصيب كي احبهم....

اريد المسامحه لانني اجبرت نفسي علي حب اشخاص لا يحبوني ......اريد المسامحه لانني اجبرتك علي العيش بزله اريد المسامحه لانني اجبرتك علي تحمل الكثير .....اريد المسامحه لانني اهلكتك علي تحمل البكاء طوال الليالي اريد المسامحه لانني كرهت نفسي بنفسي.... اريد المسامحه لانني اجبرت نفسي علي التغير فتغيرت حقا وجعلت نفسي تعيش علي احلام لم تتحقق .... تغيرت لانني اجبرت نفسي علي العيش بمفردها ....والبعد عن العالم اجبرتك علي تحمل حزني وعصبيتي حقا جعلتك تتغير سأعدك بان اتغير وارجع كما كنت من قبل... فقط اريد المسامحه وبعدها ساتغير اعدك بذلك....💔"
ختت تلفونها وسرحت مع قهوتها فجأه لمحت شاب طلع ع الحديقه ابتسمت وعرفتو انو قيس اخو غفران لأنو كان شبهم وااضح واي زول بعرفهم اخوان ..

قيس : منو معاي وانت عاوز منو؟
-- انت قيس صح؟
قيس : ايوه
-- وقاعد ف المطعم
-- اي
-- طيب خليك هناك انا حأجيك
بعد دقيقتين قفل تلفونو وجا وضاح داخل ووقف جمبو
نور : وضاح؟؟؟

قيس كان بعاين ليهو وساكت
وضاح : ازييك يا قيس طولنا ياااخ
بعد اتكلم قيس ع طول عرفو
قيس : وضاح؟؟؟؟؟؟

................
مها كانت بتتصل لي اخوها كتيير وما برد كانت خايفه عليهو شديد ف النهايه لبست عبايتها خلت حنين واحمد عند جارتها كانت طالعه حنين جرت وراها وجرتا من عبايتها
حنين : ماما حالتو علا مالا😢
مها : ما فيها حاجه حبيبتي
حنين : لاا انا ماثه معاك ماثه لي حالتو😭
مها : لالا عيب الاطفال يمشو المستشفى لو مشيتي حيطعنوك بالحقنه طيب خليك هنا وانا بجيب معاي خالتو علا طيب؟
حنين : بتديبيها معاتي؟
مها : ايوه بجيبها معاي
حنين : تيب

مها طلعت ودموعها جاريه دورت عربيتها واتحركت وهي في الطريق ابوها اتصل عليها
حسن : ي بتي كيفك
مها : كويسه الحمدلله
حسن : وين انتو ي اولادي ما بتسألو من ابوكم
مها : ابونا لو كان بسأل مننا واحنا اطفال كنا احنا بنسأل منو
حسن : ي بتي انا قلته ليكم #عارف نفسي غلطته وجيتكم واعتذرته منكم وانتو قبلتو اعتذاري تاني شنو؟
مها : انت فاكر القصه بالبساطه دي اي نعم احنا سامحناك لكن دا ما بعني انو علاقتنا معاك ترجع زي علاقة ابو مع اولادو
حسن : حترجع ان شاء الله .. مرتي ليها فتره عندكم في السودان حتجي عليكم قالت عاوزه تعرفكم ما ممكم تكونو ما عارفين مرت ابوكم و..
مها : ما تجي ولا تتعب نفسها لا تتعرف علينا لا نتعرف عليها ولو جات انا بيتي ما بدخلها
حسن : ي بتي كيف الكلام دا
مها : دا اخر كلامي يا ابوي
وقفلت الخط .. مها كانت متأثره شديد بفقدان ابوها شديد .. بعد خلاهم واتزوج وسافر وما سأل منهم تاني .. ما قدرت تسامحو ولا تنسى الحصل والعملو فيهم ..مسحت دموعها وشالت بتها ونزلت

--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《04》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فادي : طمنا يا دكتور
الدكتور : بنتكم ما عليها خطر ..حاليا ما حتقدر تقوم الا بعد يومين ووارد كمان انها تدخل ف غيبوبه اذا دماغها ما استجاب للعلاج في اليومين ديل .. ادعو ليها بس
فادي : طيب ممكن نشوفها؟
دكتور : لا ممنوع انو زول يدخل عليها خلال اليوم دا
صباح قامت على حيلها وجرت على الدكتور
صباح: عليك الله يا دكتور خليني ادخل ليها بتي بين الحياه والموت الله يرضى عليك
الدكتور : معليش ي حجه دا كلو لسلامة بتك
الدكتور مشا واهل علا اطمنو شويه لأنو ما كان في واحد فيهم مفتكر انو علا ممكن تقوم بعد شافو وضعها والدم الكان مغطي كل جسدها .. فادي رجع لورا وبدون ما يتكلم طلع من المستشفى وهو طالع كدا قابل مها
مها : حصل شنو يا فادي طمني؟
فادي : كويسه لكن احتمال تدخل في غيبوبه
مها : غيبوبه؟ لا حول ولا قوة الا بالله طيب انا حأمشي عليهم
فادي ركب عربيتو وختا راسو ع الدريكسون وهو بستغفر .. مها اتجهت عليهم سلمت وقعدت تطمن فيهم
صباح : انتي منو
مها : ااا انا اخت فادي .. فادي زميل علا في الجامعه هسي كان معاكم وطلع
جاسر : امي وخالتي وجدان سوقو البنات وامشو قعدتكم هنا ما حتعمل حاجه
صباح : انا من هنا متحركة قبل ما اشوف بتي
منير : دا كلام شنو يا صباح قالو ما بنقدر نشوفا اليوم دا امشو انتو وانا جاسر بنقعد
صباح : قلته ليكم ما ماشه وما تتكلمو معاي كتير
لما : خالتي ارح وبكرا بنرجع ما...
صباح : انتي تسكتي اصلا من يوم جيتي بيتنا دا والمصايب كلها هلت علينا يوم واحد حلو كدا ما ضقنا ولدي انا بقا يرفع صوتو علي (وبعلييا من الكذب🤦‍♀) مليتي ليهو راسو بشنو ما عارفه خشمك دا ما تفتحيهو لو ماشه طيري براك انا...
جاسر: امي خلااص ما ممكن نهائي
منير : صباااح دا وقت للكلام الزي دا؟ خشمك دا لميهو عليك .. منتصر انت سوق مرتك وبناتك وامشو
منتصر : بوديهم وبجي
منير : لالا ماف داعي تعال بكرا
منتصر وعيلتو طلعو وفضلو منير وعيلتو لما بعد كلام صباح طلعت طوالي وركبت عربية جاسر .. ودمعه واحده ما نزلتها .. ومها انسحبت قبل صباح تتم كلامها.. وبعد نقاش طووويل وعريض صباح ابت تقتنع
منير : ما حيخلونا نقعد التلاته خلاص انت سوق مرتك وتعال الصباح
جاسر : امي الله يهديك بكرا من اذان الصبح بجيبك...
صباح : جاسر ما عايزه كلام كتير
منير : خلاص يا ولدي ما حتقتنع عارف امك انته
جاسر : تمام
جاسر طلع من المستشفى لقا لما خاته راسها ع الشباك وسرحانه اتحرك بدون ما يتكلم معاها
..................

نور كانت قاعده في نفس مكانها سرحانه في الناس الحولينها تعاين للبتين القصادها وباين انو وحده فيهم زعلانه وبتشكي لي صحبتها ودموعها قربت تنزل .. البت والولد المبسوطين وهم مع بعض كانت بتعاين للبت الظاهر الخجل في عيونها والولد كيف كان بضحك فيها .. العيله المكونه من الاب والام والبتين وكيف كانو بضحكو وابوهم بشاغل في بناتو .. ابتسامتها زالت تدريجيا لما اتذكرت امها واهمالا ليها حاولت تمسك دموعها بقدر الامكان .. كانت حتطير من الخوف لما حست بي زول ضربها في كتفها

نور : انا قلته ليك شنو انت ليه ما عايز تختاني يا ود الناس
وضاح قعد جمبها وخلف رجلو
وضاح : ببساطه لأني مابقدر نور انا بحبك انتي لي ما قادره تفهمي
نور : اذا ما قمته من هنا انا الحأقوم
شالت شنطتها وقامت وضاح قام وراها ومسكها من يدها
وضاح : خلينا نحل سوء التفاهم الحاصل
نور شالت فكت يدو منها بقوه مدت سبابتها ورفعت حاجبها
نور : اسمع هنا قسما بالله تاني لو شفتك وجيت فتحت خشمك دا معاي تاخد كف عمرك ما ضقته زيو وعارفني كويس بعملا وما بتغلبني
وضاح مشا ونور قبل تتحرك محمد اتصل عليها
نور : طلعتو؟
محمد : ايوه تعالي
نور : تمام
طلعت ولقتهم منتظرنها
نور : 9 جات عالفكره خالتو نهله لو عرفتنا لسه ما رجعنا بتذبحنا
محمد : يلا طيب تصبحو ع خير
نور وحلا : وانت من اهلو
محمد : حلا ما تنسي تطمنيني بعد تصلو تمام
حلا : اوكي
محمد رجع ونور وحلا رجعو بيتهم
نور : اها يا السمحه محمد طلع كيف
حلا : واااي يا نور انا كنته حاموت من الخوف بس اول ما قعدته معاهو حسيت الخوف كلو راح طريقة كلامو ولبسو وتعاملو وكل شي فيهو ذوق
نور : حسستيني اول مره تتكلمي معاهو 😂 صح والله باين عليهو ذوق
حلا : شوفي جاب لي شنو
نور : صحي تعالي نشوف
حلا ختت كيس الهدايا الكبير وبدو يشوفو الحاجات كان جايب ليها فستان وعطرين وعلبة مكياج كلها ماركات وفي كيس صغير مكتوب فيهو تبع نور
نور : شتتت جايب لي انا كمان
فتحتو ولقت فيهو علبة كت كات وسنيكرز وعطرها المفضل نور نطت في السرير وقعدت تصرخ
نور : كت كااات واااي محمد دا عسل والله عسل عدييل
حلا : يا بت السرير بتكسر😂😂
نور : الله يخليهو لي ياخ وما يحرمني منو
حلا: قدامي ي حيوانه
نور : كان نفسي اغيظك لكن ما بتحبي الشوكلت انتي😑💔
حلا : انا البغيظك يا حلوه (رفعت علبة الميكب) شوفي واوعك تجي تقولي لي خليني اتمكيج منك😌👋
نور :حيوانه خلاص 😹شوفي هدا متصل
حلا شالت التلفون وخلت نور بتشوف في الحاجات
حلا : محمد دا شنو الجايبو ليه معذب روحك كدا؟
محمد : عيب عليك عذاب شنو كمان دي حاجه بسيطه
حلا : ههههه ما شفته منظر نور وهي شايفه الحاجات الجايبها ليها
محمد : عارفها بتموت فيهم عشان كدا جبتهم
حلا : اي انبسطت(انبسطت ولا امبسطت اقروها بالبتعجبكم بس😁)
حلا خلصت كلامها ادت التلفون لي نور ونور اتفكفكت غرفتها اتسطحت ع سريرها شالت تلفونها فتحت مذكرتها وكتبت: نسطر مشاعرنا علي رمال السعاده ولكن الرياح تخزلنا تحملها وتذهب بها لرمال الحزن ونحن نبكي وننوح طوال ليالينا حتي تجف حناجرنا نبكي حتي تشكي الدموع من التعب وتنقطع اوتار حناجرنا رغم اننا نعلم ان السعاده لاتليق حياتنا نعلم ذلك ولكن نريد ان نخرج من تلك الحياه المحزنه نريد ان نخرج من دائره الدموع وبكاء الليالي وشكو الهموم لوساداتنا تعبنا من تلك الهموم التي حملناها ف زمن لا يناسب ضيق قلبونا الي متي سنكون هكذا .....الي متي ي احزاننا 💔
..............
غفران : قيس.. هييي يو
قيس : هاا
فتحيه : مالك سرحان وما بتاكل
قيس : لا ماف شي
غفران : كيف ماف شي وانته من قعدته سرحان
قيس : ماف شي والله اكلو اكلو

بعد خلصو الاكل غفران دخلت غرفتها تذاكر وقيس قعد جمب امو
قيس : خالتي عاوز اقول ليك حاجه
فتحيه : اي انا عارفه في حاجه اصلك ما طبيعي من جيت من الشغل قول يا ولدي في شنو
قبل قيس يتكلم جات غفران وهي بتناديهو
غفران : يا قيس عاوزه تلفونك ثواني
قيس : جوا في الشاحن
غفران دخلت وفتحيه رجعت سألتو
فتحيه :في شنو يا قيس؟

غفران شالت تلفون اخوها نقلت الرقم واتصلت اول جرس تاني جرس تالت جرس رابع جرس تيت
غفران : الو
نور : اهلا
غفران : معاك غفران
-- اهلين غفران كيفك
-- كويسه والله كيفك انتي وكيف حلا
-- احنا بخير الحمدلله
-- اتصلته عشان اقول ليكم ممكن نبدا بكرا لو فاضين
-- اوكي ما عندي مشكله انا
-- طيب كلمي حلا وشوفيها اذا فاضيه
-- يا بتي شنو شابكاني فاضيه فاضيه احنا ما عندنا شغله غير الونسه والحوامه وقلة الادب😹
غفران بقت تضحك ع كلام نور لمن غلبها الكلام
-- فاضيين ساي وما عندنا شغله برسل ليك اللوكيشن هسي
-- اممم نور انا ما بقدر اجي لأنو امي براها وبتحتاج لي ممكن تجو انتو؟
-- اوكي ماف مشكله
-- معليش عذبتكم معاي
-- لالا ما تشيلي هم ماف اي عذاب بس رسلي لي اللوكيشن
-- طيب .. وانتو كمان لو عندكم حاجه ما فاهمنها ولا ما واضحه بشرحا ليكم تمام
-- طيب تمام اصلا انا ما عارفه نفسي الفاهمه شنو والمافاهمه شنو
-- هههه ليه؟
-- ما عارفه 😅 ... قبيل مشينا المطعم الشغال فيهو اخوك
-- جد .. عرفتوهو؟
-- عرفتو بالشبه بس
-- اي بنتشابه اي زول بقول كدا بقولو بشبهني اكتر من اخواني

-- وهو ما اخوك؟
-- اخوي بأبوي
-- اهاا عندك اخوان من امك وابوك يعني؟
-- اممم اي لكن حتى شكلهم كيف ما عارفه
-- كيف يعني
-- سافرو من عمري5سنوات وتاني ما شفتهم
-- وما متواصله معاهم؟
-- لالا
-- سوري على اسألتي الكتيره😅
-- لا عادي ما فيها حاجه.. طيب وانتي ما عندك اخوان ولا اخوات؟
-- لا انا وحيده بس حلا زي اختي يعني اليوم كلو مع بعض وبحكي ليها اي شي وكدا
-- اهاا حلو 💙

فتحيه : مستحيل انا ما موافقه
قيس : لكن يا خالتي...
فتحيه : قيس انا ما عاوزه نقاش في الموضوع دا خلاص يتقفل على كدا
قيس : طيب ما حأضغط عليك بس اتذكري مهما عمل هو في النهايه ولدك ومن لحمك ودمك وحاليا محتاجكم وعرف غلطو وجاي يعتذر
فتحيه : ولدي ناسينا السنين دي كلها وجاي يسأل مننا هسي؟
قيس: كل انسان بغلط وهو عرف غلطو طيب اديهو فرصه بس
فتحيه : ....
قيس : طيب انتي ما نفسك تشوفيهو بعد السنين دي كلها؟

*Flash back..*
قيس : وضاح؟؟
وضاح : متذكرني يعني؟
-- في زول بنسى اخوهو
-- ما اتوقعتك تعرفني بعد السنين دي كلها
-- الرجعك شنو؟
-- ندمته .. ندمته ياقيس انا كل يوم ضميري بأنبني على العملتو لكن اعمل شنو حسان "اخوهو التاني" كان جابرني اعمل كدا وهو زاتو رجع معاي لكن رافض يجي يعتذر .. وانا خجلان من امي شديد ما حأقدر اقيف قداما ونفسي بالجد اتلمى معاهم تاني ساعدني يا قيس انا عاجز الله يخليك
قيس كان ساكت وبعاين ليهو
وضاح : انا اخوك ياقيس

"اي غلط ممكن نسامح عليهو بس في غلط بكون اثرو كبير وعميق جدااا اي بنسامح بس ما بنقدر نتجاوز ولا بننسى.. قلبنا ما اسود والله بس نحن كبشر عندنا احاسيس وذاكره كل يوم بتضربنا في الوتر الحساس وتذكرنا ببشاعة الغلط الارتكبتوهو"

...........
مها : فادي خلاص بكرا امشي هسي اصلا ما حيخلوك تدخل انا جبتك بالعافيه والجلاله تقول لي راجع
فادي بصوت مخنوق : مها انتي عاوزاني اخلي علا هناك راقده في المستشفى وارقد انوم هنا؟؟
مها : فادي افهمني انا ما قصدي كدا ابدا لكن اهلهم حيقولو شنو زميلا ومهتم للدرجه دي واصلا ما حتستفيد شي حترجع ساي ..شوف احنا الاتنين بكرا حنمشي لكن هسي ماف طريقه
فادي قعد في الكنبه ودموعو جات نازله مها قعدت جمبو وختت راسو ع كتفها
فادي : لو حصلت ليها حاجه ما حاسامح نفسي ابدا
مها : ما بحصل الا الخير ما تخاف ادعي ليها بس
فادي الليل كلو ما نام بصلي وبدعي انو علا تقوم بالسلامه
فادي وهو رافع ايدينو للسما وبدعي من كل قلبو :يارب تقومها سالمه ياارب هي بقت كل شي بالنسبه لي بقت امي وابوي وبقت النفس العايش بيهو يارب ما تمتحني فيها اي شي الا علا ياارب
"وحين يناجي العبد ربه هل سيرجع بخفي حنين؟"
مها كانت واقفه في باب غرفتو وبتعاين لأخوها ودموعها جاريه مشت غرفة حنين واحمد باستهم وغطتهم ومشت غرفتها رقدت جمب بتها وضمتها عليها وفتحت مذكرة تلفونها
مها :" اليك ي ابي ......كيف سنسامحك بعد ان تركتنا ف نصف الطريق؟؟ كيف بعد ان كسرتنا وخزلتنا كيف لنا ان ننسا كل م فعلته بنا؟؟ كيف سننسا تلك الطفولةة المشرده 💔.....كيف سننسا اننا ف طفولتنا فقدنا اغلى ما نملك وهي امنا وانت ماذا فعلت في اللحظه التي كان من واجبك احتوائنا حرمنا من حنان الاب؟؟ ف طفولتنا فقدنا ابانا ...💔فكيف لضميرك ان يأنبك بعد كل هذه السنوات ....ي ابي للحياه قوانين وبها قانون يقول من تركك ف نصف الطريق لاتستقبله ف نهاية الطريق ....فانا الان اعمل بذاك القانون انت لن تهتم بامرنا حين كنا في امس الحاجه لك فنحن الان لن نحتاج لك.... فارجوك ارحل كما رحلت منذ البدايه ...💔انا الان اعلم شيئا واحد وهو ان ابي مات منذ الصغر💔
فتحت الفيس نزلت منشور وعملت تاق لي فادي " ورأيت في عينك السلام ودون ان اشعر قلت السلام لعينيك الجميلتين♥ انت تجذب كل شخص بجمال عينيك😴🖤 فمن الصعب رؤية تلك العينين باهته حزينه ما بينها الهالات.. انت جميل للغايه انت مبدا االسلام للمتخاصمين♥ حفظك الله من كل شر وادامك لنا🖤✨
....................

لما كانت في المطبخ بتحضر في الاكل لبكرا جاسر جاها وحضنها من ورا
جاسر : حبيبتي بتعملي في شنو نص الليل
لما : بعمل اكل لي بكرا وما تنسى تصحيني بدري عشان اعمل الشاي
جاسر لفاها عليهو
جاسر : اتضايقتي من امي صح؟(لالا اتكيفت شديد سبحان الله)
لما : لا اصلا بقا عادي ما فارق معاي
جاسر مسكها من حنكها ورفع راسها ورفع ليها حاجبو
جاسر : جد كدا
لما دموعها نزلت وبصوت مبحوح: جاسر انا تعبته من امك ما قادره خلاص كل يوم بتطاعن فيني وتجرحني بالكلام قلته ما مشكله تقوم تذلني قدام الناس كدا ؟ انا بشر يا جماعه والله بشر
جاسر ختا راسها ع صدرو وبقا بهدي فيها : خلاص حبيبتي ما تزعلي انا بحل كل شي بس خلي علا تقوم بالسلامه وتبقى كويسه واوعدك تاني ما حتسمعي ولا كلمة

لما : امك انا بعرفها مستحيل تسكت وتبطل تجرحني بالطريقه دي
جاسر : طيب لو قلته ليك حنسافر وحترتاحي
لما رفعت راسها وظهرت ابتسامه في نص دموعها : بالجد؟
جاسر : ايوون
لما : حنسافر وين؟
جاسر : قطر
لما ختت راسها ع صدرو وهي مبسوطه : بحبك💜
جاسر: ما حأقول ليك بحبك لأنها بسيطه شديييد ... يلا ما اشغلك تمي باقي حاجاتك
جاسر طلع برا شال تلفونو وكتب : " اريد ان ابث لك كل هذه الكلمات الصادقه سأبثها لكن من اعمااق قلبي 💜
انت لقد دخلت حياتي كالقمر المضئ ف جوف الليل الهادئ ✨انت اتيت لتكون لي وحدي اتيت فرتبت كل ما في حياتي واحده تلو الاخرى ..جعلتني اعرف من اكون انا جعلتني اصدق اوهام الحب اثبته لي ان الحب ليس في الروايات والقصص الخياليه فقط 🖤ادمنتك بشده ي روحي🖤لن اخسرك بثمة مشكلةة صغيره وحتى لو كانت كبير ..واقول لنفسي حافظ علي رووحك التي ف جسد شخص اخر🖤✨
#عاشقتي❤️
.............
منتصر : دا منو الجاي زي الوقت دا .. ريان يا بت قومي افتحي الباب
ريان قامت فتحت الباب وبقت تفتح عيونها وتغمضها بعدم استيعاب
محمد : حتخليني واقف في الباب كتير؟
ريان فجأه اتشعلقت فيهو وبقت تصرخ
ريان : محمممماد واااي ما مصدقه
محمد : يا بت خنقتيني
ريان وهي بتكورك : بابااا ماماااا امل تعالو شوفو منو الجا
منتصر ووجدان وامل كلهم اتجهو على الباب وبدو السلام والاحضان والتعزيه
محمد : يا جماعه حنفضل واقفين كدا في الباب؟
وجدان : ادخل ياولدي ادخل
وهم بدخلو وبقعدو في الصاله
منتصر : دي شنو الجيه المفاجئه دي
محمد : قلته اعملا ليكم مفاجأه لكن قلبتو لي بيت عزا
امل : مشتاقين ليك ياخ
وجدان : ومطولين منك 4 سنوات
منتصر : ادخل ارتاح يا ولدي بتكون تعبان

محمد : اي والله ما قادر افتح عيوني صباح الله بي خيرو
منتصر : اي ارتاح عشان تمشي معانا بكرا الصباح المستشفى
محمد : مستشفى؟؟ ليه في منو في المستشفى
منتصر : علا بت عمك حصل ليها حادث وعملو ليها عمليه
محمد : لاا ياخ الف سلامه عليها
منتصر : الله يسلمك
محمد : وهسي بقت كيف
منتصر : كويسه بتفتح بعد يومين قالو.. يلا ادخل ارتاح

محمد اتجه ع غرفتو الكانت زي ما هي نضيفه ومرتبه .. اخد دوش صلى ورقد شال تلفونو وعمل مكالمه
محمد : ما اكون ازعجتك
نور : لالا اصلا صاحيه لكن حلا دي شكلها نامت ثواني اشوفها واصحيها ليك
محمد : انتظري انا عاوز اتكلم معاك انتي ما عاوز حلا
نور : عاوزني انا؟


*"كلنا بنغلط عمرو الغلط ما كان عيب بس العيب انو ما نتعلم من الغلط ونعيدو مره تانيه💙"*
#كسره
*الخواطر البتكون في الروايه دي بتكتبها لينه صلاح فبحب اشكرها شديد على تعبها معاي💜*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*بــــــــــــــيــــــــــــــــــــجــــــــــــــة*

*#وبنغلط《05》💖*
*#بقلم_لينه_جمال*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
نور: عاوزني انا؟
محمد: ايوه انتي .. اممم شوفي انا عاوز قبل ما ارجع الامارات اخطب حلا
نور : تخطبها جااادي
-- ايوه والبخليني اهظر في موضوع زي دا شنو
-- لا بس اتفاجأته يعني
-- اها طيب انتو بتخلصو متين من الامتحانات؟
-- شهرين كدا بنكون خلصنا
-- شهرين عديل كدا
-- ايوون شهرين ليه انته اجازتك كم
-- شهرين
-- طيب حلو مالو
-- ي هبله يعني يوم انتو تخلصو مفروض انا اسافر
-- اهااا .. طيب اقعد اسبوع بس
-- والله هي صعبه لكن بحاول
-- اوكي
-- اسمعي ما تفتحي معاها موضوع
-- ليه
-- انا لو كنته عاوزها تعرف ما كنته سألتك انتي ي هبله👋
-- هبله ف عينك .. حتعملها ليها مفاجأه يعني؟
-- مفاجأه شنو احنا في فيلم هندي ؟ بس ماا عاوز اشغلها من قرايتها
-- اي وتشغلني انا صح 😒
-- الله😂انتي ذنبك شنو
-- بفكر البس شنو في الخطوبه وامشي اي كوفير وكدا
-- والله انتي ما نصيحه😂😂
-- محمد
-- نعم
-- عليك الله حافظ على حلا
-- عارفه نفسك بتوصي في منو؟
-- عارفاك ما محتاج توصيه بس حلا زي اختي واكتر كمان صدقني ما حتلقى زيها ما عشان بت خالي والله اي زول بعرفها بقول عنها انها طيبه وقلبها ابيض ونضيف شدييد وبتحب الخير لأي زول وبتساعدو حتى لو ما بتعرفو
-- وانا لو ما شايف فيها الصفات دي كلها ما كنت اخترتها تكون مرتي حلا اكتر انسانه طيبه وحنينه في الدنيا دي كلها وانا حأعمل كل شي بقدر عليهو عشان اسعدها
-- ان شاء الله ربنا يسعدكم
--امييين يارب هي يلا يلا انا تعبان وبكرا راجياني قومه بدري
-- طيب تصبح ع خير
-- وانتي بخير
...............

تاني يوم الصباح بدري جاسر ولما مشو المستشفى لقو صباح ومنير وفادي ومها سلمو عليهم كبو ليهم الشاي لكن مها وفادي قالو شاربين
جاسر : انت فادي صح
فادي : ايوه زميل علا
جاسر : هههه ماف داعي تكذب انا بعرفك كويس علا كانت بتحكي لي عنك وكان نفسي اشوفك
فادي سكت ما ردا عليهو.. اهل علا كانو بجو وبمشو ..منتصر ومحمد ووجدان وبناتها برضو جو ..منير وعيلتو اتفاجأو بمحمد وسلمو عليهو سلام حار ..
وجدان : يا بت تلفونك دا من متين بضرب ما تردي
امل : ما عاوزه ارد مضايقك يا امي؟
وجدان : دا حسان صح؟ ردي ي بت
امل وهي بتقوم من جمبهم وترد : اوووف
حسان : تلفون جادعه وين بتصل ليك وما بتردي؟
امل : كان بعيد مني
-- اسمو محمول ما متروك
-- قلته ليك بعيد خلاص
-- طيب ما مشكله مستعده ليوم بكرا؟
-- بكرا في شنو؟
-- لحقتي تنسي بكرا حنجيكم احنا وناس البيت
-- ما ينفع بكرا
-- ليه
-- بت عمي في المستشفى عملت حادث
-- اها ويعني
-- نعم؟؟
-- ااا قصدي خلاص تمام بكلم عمي نأجل الحكايه كم يوم اصلا ما مستعجلين
-- ما يهمني "وقفلت الخط"

حسان : طيب يا امل اصبري بس خلينا نتزوج وبقطع لسانك المترين دا 😼😼

..................
9صباحا ..كانو قاعدين حولين طاولة الدراسه حلا ماسكه القلم وبتشرح لي غفران ونور مع تلفونها
حلا : نور ختي التلفون دا وركزي معانا شويه
نور وهي لسع مركزه مع تلفونها: اممم طيب طيب
حلا خطفت منها التلفون وصرت ليها وشها : انا حأكلم ليك ماما لو عرفتك لسه شايله التلفون بتوريك ليهو

غفران : الامتحانات قربت يا نور حاولي تخلي التلفون بعيد منك الفتره دي بس
نور : اها طيب واصلو
حلا : طيب كنته بقول انو الفيزياء اصلا ما صعبه بس اسئلتها في الامتحان معقده شويه يلا انتي بس تفهمي حاجات معينه وبتقدري تحلي اي شي
غفران : طيب
حلا : طيب حلي المسأله دي ي غفران
نور : انا عطشته
غفران : طيب ثواني اجيب ليك مويه
حلا مسكت غفران : لي تجيب ليك قومي اشربي براك
نور حمرت لي حلا وطلعت
غفران : كان تخليها انا بجيب ليها
حلا : لالا ليه تجيبي ليها محننه هي ولا مكسره
نور طلعت شربت مويه وكانت راجعه الباب دقا فتحيه كانت قايمه
نور : خليكي خالتو انا بفتحو
فتحيه : الله يرضى عليك يا بتي
نور اتجهت على الباب فتحتو وطق لقت في وشها وضاح وجمبو قيس بقت واقفه في الباب وما فضل ليها الا تكفت وضاح ووضاح زاتو اتخلع لمن شافا
نور : الجابك هنا شنو؟
قيس : عفوا؟
نور بعدها رجعت لوعيها واتحرجت
نور في سرها :"واي يكون صحبو اي صح امس شفتهم مع بعض يااادي الفضيحه "
قيس : ممكن ندخل؟ "متخيلين معاي بستأذن يدخل بيتو من واحده اول مره تدخل البيت اصلا😹💔"
نور : ااا اسفه ادخلو
نور طواالي دخلت الغرفه قعدت معاهم وهي سرحانه
حلا : نور سرحانه وين انتي
نور : هاا مافي حاجه
غفران : لا في احنا خلصنا وانتي ما مركزه معانا اصلا
نور : ماف شي يا جماعه اها يا غفران قلتي حتشرحي لينا رياضيات ابدو سريع عشان نخلص

غفران : طيب نفطر اول
حلا : لالا ماف داعي احنا ما جعانين
غفران : ماف حاجه اسمها ما جعانين ثواني وبجي
غفران طلعت برا وشافت قيس ووضاح وفتحيه قاعدين مع بعض وبتكلمو رجعت سريه لبست عبايتها وطلعت
غفران : انته؟؟
قيس : بتعرفيهو؟ دا صحبي جاي الايامات دي يقعد معانا
غفران : صحبك؟ ومن متين عن

دك اصحاب بقعدو معاك بالايام
قيس : غفراان .. امشي اعملي لينا الفطور
غفران : طيب

قيس : اوعك تكون اتكلمته معاها ووريتها
وضاح : ااا لا لا ما اتكلمته معاها
قيس : كويس
فتحيه : لي ما كلمتوها في النهايه حتعرف
قيس : قبل الامتحانات احسن ما تعرف حاجه لأنو حيأثر على قرايتها عارفه غفران حساسه واقل شي بأثر عليها
فتحيه : سمح ما تجيبو ليها سيره
وضاح : يمه اذا ما سامحتيني انا مابقدر اقعد
فتحيه : قيس انت ما شغال الليله؟
قيس : شغال
فتحيه : ونان المقعدك شنو قوم على شغلك
قيس : طيب "وقام"
فتحيه : اسمع يا وضاح انا وافقته انك تقعد عشان قيس ما عشان حاجه تانيه واذا الوضع ما عجبك بتقدر تمشي ترجع لأخوك حسان
-- يمه وش دعوه
-- شنو
-- ااا قصدي ماف داعي للكلام دا انا جيت اعتذر خلينا نتصافى
-- نتصافى؟؟ انت واعي للبتقولو؟ انت واخوك خليتونا انا واختك ومشيتو وانا يوميا بحمد الله انو ابوك عرس فوقس يعني لو ما كان عرس وجاب قيس احنا كنا من الوقت داك ولي هسي بنشحد ومتشردين في الشوارع قيس الاصغر منك بي 9 سنه دا والعلاقتو بي ابعد من علاقتك بي لو ما هو احنا كنا متنا من الجوع وما معروف عايشين لي هسي ولا لا وانته واخوك نسيتو انو عندكم ام مجدوعه بي هناك واخت محتاجه لي وقفتكم جمبها ومشيتو لي اهل ابوكم وملو ليكم راسكم وسمعتو كلامهم وجاي بي كل نفس مفتوحه تقول لي نتصافى انا في الوقت دا عندي ولد واحد بس وهو قيس
وقامت من مكانا ..وضاح اتأفف ومسح وشو .. نور الكانت طالعه برا وسمعت الكلام بقت واقفه مصدومه وما مصدقه فتحيه وهي داخله قابلتها
نور بتوتر: ااا كنته ماشه اساعد غفران
فتحيه: ماف داعي يا بتي
نور : لالا ما مشكله
وطلعت لي غفران في المطبخ وقبل تدخل سمعتها بتتكلم مع قيس"
غفران : انتي كيف تقعد واحد غريب عندنا في البيت واصلا تضمنو كيف نسيت انك عندك اخت في البيت دا
قيس : غفران اسمعي دا صحبي وزي اخوي ولو ما واثق منو ما كنته خليتو يقعد كلها شهر شهرين لحدي ما علاقتو مع ابوهو وامو تتحسن
غفران : انا ما مرتاحه للولد دا
-- انتي بتعرفيهو؟
-- لا بس كدا قلبي ما مطمن
-- ما تخافي ما بحصل شي لو ضايقك بس كلميني تمام؟
-- اوووف طيب

قيس طلع ونور جات داخله
غفران وهي بتقطع في السلطه : تعالي اتخيلي وضاح طلع صاحب قيس اخوي
نور مع نفسها:" دي شنو اللخبطه دي برا يقولو اخوها وهنا يقولو صحبو "
غفران : هي بتكلم معاك
نور : هاا اي معاك
-- انتي طبيعي بتسرحي كتير كدا؟
-- شبه ذلك
-- انتي بتعرفي وضاح صح؟
-- ايوه
-- طيب هو حيقعد معانا الفتره دي وانا خايفه منو يعني هو كعب لدرجة انو يأذيني او كدا؟
-- لالا ما تخافي ما بعمل ليك شي
-- اممم قيس قال انو عندو خلاف مع ابوهو انا بستغرب كيف الزول ممكن يتشاكل مع امو ولا ابوهو لدرجة انو يبعد عنهم بالشهور والايام

نور اللحظه دي اتذكرت امها
نور : طيب يمكن ابوهو او امو يكونو غلطانين
-- عايني مهما غلطو اكيد ما حيعملو حاجه ما لمصلحتو او بتضرو بي شي في النهايه دا ولدهم ومن لحمهم ودمهم ومستحيل يفكر يأذوهو بي شي
-- بس ما كل ام او اب بكونو عاوزين مصلحة اولادهم او بكونو قاسيين
-- شوفي من ناحية المصلحه دي حاجه مستحيله انو ما يكونو عاوزين مصلحتك.. ممكن الاب يكون شويه قاسي لأنو طبيعة مهنتو في الحياه علمتو كدا اما بالنسبه للام الا يكون الاب متوفي او ما مؤدي دورو كويس لأنو ماف حاجه بالشكل دا مهما كان اي ام بتحن على ولدها وبتتمنى ليهو يعيش احسن عيشه ومستحيل في يوم تفكر انو تقسى على اولادها الا لشي ضروري شديد
-- طيب لو امك سابتك من وانتي عمرك 3سنوات وما كانت بتسأل منك الا قليل جدا وبتشوفك في السنتين مره ممكن تسامحيها؟
-- ما اظن في ام ممكن تعم...
-- لا في وكتير كمان
-- انتي بتعرفي وحده عملت كدا؟
-- ايوه حق المعرفه وهسي قالت عاوزاهم يقعدو معاها
-- واولادها قالو شنو
-- ما حيقدرو يسامحوها
-- طيب يمكن كان عندها سبب
-- ماف سبب يخليها تخليهم وتمشي اتزوجت وسافرت
-- خلتهم مع ابوهم؟
-- لا عند قرايبهم
-- امممم يمكن عشان تقدر تعيشهم هي ما حتقدر تخليهم العمر كلو تعيشهم على نفقة الناس
-- برضو ما سبب
-- شكلو الناس ديل قريبين منك شديد
-- شبه كدا
حلا : هي انتو بتعملو في شنو ومخليني جوا براي
نور : تعالي ساعدي صحبتك طيب

البنات خلصو فطرو مع فتحيه وغفران عملت لي وضاح الفطور ورجعو كملو قرايتهم
...............
*الساعه 8م*
مها : ياا احمد افتح الباب
احمد : ماما انا بحضر ياخ
حنين وهي مركزه في التاب : انت دليل ادب وما بتثمع التلام
مها : يا ولد قوم انا بعمل في العشا يكون دا خالي عمر
احمد وهو بقوم : اوووف
احمد فتح الباب وبقى بعاين في المرا القدامو
-- السلام عليكم
-- وعليكم السلام
-- ماما قاعده
-- ايوه ادخلي
المرا دخلت ومها جات طالعه من المطبخ وقفت لما شافت مرت ابوها واقفه قدامها ومبتسمه
مها : مرحب
هندا : انتي مها صح؟
-- ايوه
-- عارفاك ما طايقاني ولا طايقه تشوفي
وشي بس ممكن نتكلم شويه
-- احمد سوق اختك وادخلو جوا
احمد: ماما انا عاوز احضر بن تن
مها : احمد ما عاوزه كلام كتير
احمد : اووووف
احمد ساق اختو حنين ودخلو
مها : اتفضلي
هندا قعدت في الكنبه ومها قعدت جمبها مها : ادخلي في الموضوع طوالي
هندا : طيب انا عارفه انكم زعلانين من ابوكم وعلاقتكم معاهو متوتره شويه بس ابوكم كان مجبور انتو ما حاولتو تسألوهو من السبب الخلاهو يبعد السنين دي كلها
مها : لأنو ماف سبب مقنع يخليهو يجدع اولادو ويعرس
هندا : لا في وما سبب واحد اسباب كمان بس انا ما بقدر اقول ليك لأنو موصيني ما اتكلم كل العاوزه اقولو ليك انو ادوهو فرصه وصدقيني اي شي برجع زي الاول واحسن عارفه حتى بتي الوحيده انا سافرته مع ابوك وخليتا لكن صدقيني سببي انا وسبب اقوك كان اقوى من ما انتي متخيله
مها : قلتي كل العندك؟
هندا : طيب مع السلامه بس فكري في القتو ليك
هندا طلعت ومها رجعت عملت العشا لأولادها
حنين : ماما دي منو؟
مها : وحده انتي ما بتعرفيها حبيبتي
احمد : حلوه لكن شفتي التوب اللابساهز زي توب العروسات والشنطه الشايلاها والنظاره كمان
مها : يا ولد عيب دا شنو الكلام البتقولو دا
احمد : انتي غيرانه عشان قلته عليها حلوه صح؟
وفكا الجريه قبل ما امو تجري وراهو وهي بتكورك فيهو😂😂
مها : اصبر لي الليله يا كلب اوريك الغيره الانته ما بتعرفها
..............
10م في المستشفى
جاسر : امي انتي امشي ع الاقل غيري ملابسك وتعالي تاني
صباح : انتو ما بتفهمو يا جماعه ما ماشه انا
منير : خلاص ي صباح انتي قلتي تشوفي بتك وشفتيها يلا بعد دا بنرجع هسي
بعد نقاش ونقاش صباح وافقت ترجع وكانو عاوزين يرجعوها البيت وما تجي المستشفى الا بكرا لأنهاا من حصل الحادث ما غمضت عينها وتعبانه شديد
فادي : جاسر خلي عمك يرجع انا ببيت هنا الليله
جاسر : ما ضروري يا فادي انته ارجع ماف زول مع اختك
فادي : بكلم خالي يبيت معاها
جاسر : والله ماف داعي هدا انا موجود وعمي وولد عمي كمان
فادي : جاسر افهمني انا ما بقدر ارجع
جاسر : طيب اشوف عمي
جاسر اتكلم مع عمو لحدي ما اقنعو وبقو هو وفادي ومحمد في المستشفى
فادي : من متين انته عارف
جاسر : قبل فتره كلمتني وقالت لي اول ما اتخرج حتتقدم ليها وما اكذب عليك انا سألته منك واي زول بقول انك كويس جدا
فادي :ربنا يقومها سالمه
جاسر : امييين يارب

............
لما كانت بايته مع امل لأنو جاسر في المستشفى
لما ودموعها نازله : اشتقت ليها شديد