የአውሮፓ ሕብረት ፓርላማ በሶሪያ የሚገኙ ክርስቲያኖች አስፈላጊው የሆነ ጥበቃ እንዲደረግላቸው ጥሪውን አቀረበ።

የአውሮፓ ሕብረት በሶሪያ የሚገኙ ክርስቲያኖች እና ሌሎች አናሳ የማህበረሰብ ክፍሎች የበለጠ ጥበቃ እንዲደረግላቸው አስቸኳይ ጥሪ አቅርቧል።

የቀረበው ጥሪም በማር ኤሊያስ ግሪክ ኦርቶዶክስ ቤተ ክርስቲያን የደረሰው የአጥፍቶ ማጥፋት የሽብር ጥቃት ያወገዘ ነበር። በማር ኤሊያስ ግሪክ ኦርቶዶክስ ቤተ ክርስቲያን የሽብር ጥቃት አማካኝነት 25 ሰዎች ሕይወታቸውን ማጣታቸው ይታወሳል።

ግኝቱ ከአልቃይዳ የሆነው ኤችቲኤስ ሳሪያን በመምራት ላይ የሚገኝ ሲሆን ምንም እንኳን መገኛው አልቃይዳ ቢሆንም በሳሪያ ውስጥ የሀያማኖት እኩልነትን እንደሚያከበር ሲናገር ቆይቷል።


በአውሮፓ ህብረት የቀረበው ጥሪም የሶሪያ መንግስት የማር ኤሊያስ ቤተ ክርስቲያን እንደገና መገንባቱን እንዲያረጋግጥ የሚጠይቅ ነው።
መረጃውን ከክርስቲያን ቱዴይ አገኝነው።

ለኢቫንጀሊካል ቲቪ ፡ አማኑኤል ዴቢሶ

በሱዳን ቤተ ክርስቲያኖች ላይ በደረሰ የቦምብ ጥቃት አማካኝነት 5 ሰዎች ሕይወታቸውን አጥተዋል።


በባለፈው ወር በሶስት ቤተ ክርስቲያኖች ላይ በደረሰ የአየር ጥቃት አማካኝነት የ5 ሰዎች ሕይወት ማለፉን እና ብዙዎች ጉዳት እንደደረሰባቸው ኢንተርናሽናል ክርስቲያን ኮንሰርን በያዝነው ሳምንት ይፋ አድርጓል።

የክርስቲያን ሶሊዳሪቱ ወርልድ ዋይድ ፕሬዚደንት የሆኑት መርቪን ቶማስ በቤተ ክርስቲያናቱ ላይ የደረሰው ጥቃት በህንጻዎች ላይ ብቻ የደረሰ ጥቃት ሳይሆን በእምነት ነጻነት ላይ የተደረገ ግፍ ነው።” በማለት ገልጸውታል። “በኤል ፋሸር 3 ቤተ ክርስቲያናት ላይ ጥቃት የተፈጸመ ሲሆን… የአርኤስኤፍ አላማ የቤተ ክርስቲያኖችን ህንጻ እንደ ወታደራዊ ጣቢያ መጠቀም እና አረባውያን ያልሆኑ ክርስቲያኖች ላይ ጥቃት ማድረስ ነው።” ሲሉም አክለዋል።


የሰሜዊ ዳርፉር ዋና ከተማ የሆነችው ኤል ፋሸር በሱዳን የእርስ በእርስ ጦርነት ከጀመረበት ጊዜ አንስቶ ከፍተኛ የሆነ ውጊያ ሲካሄድባት የቆየች ቦታ ነች። እናም በከተማው የሚገኙ ቤተ ክርስቲያናት በታሪክ ውስጥ እንደ ማምልኪያ ቦታ ብቻ ሳይሆን በጦርነት እና ግጭት ጊዜም እንደ መጠለያነት በማገልግላቸው ይታወቃሉ።


ይህም አገልግሎታቸው ነው በቤተ ክርስቲያናቱ ላይ የደረሰውን ጥቃት የበለጠ አስከፊ የሚያደርገው።


መረጃውን ከፐርስኪውሽን ዶት ኦርግ አገኘነው።

ለኢቫንጀሊካል ቲቪ ፤ አማኑኤል ዴቢሶ

በኢትዮጵያ የሃይማኖት ተቋማት ጉባዔ የተመራ ልዑክ ከትግራይ ክልል ጊዜያዊ አስተዳደር ጋር መምከር ጀመረ ።

በኢትዮጵያ የሀይማኖት ተቋማት ጉባኤ የተመራ የልዑካን ቡድን ወደ ትግራይ ክልል መቐለ አምርቶ፤ ከክልሉ ጊዜያዊ አስተዳደር ፕሬዝዳንት ሌተናል ጄኔራል ታደሰ ወረደ ጋር መወያየት ጀምሯል፡፡

ጠቅላይ ሚኒስትር ዐቢይ አሕመድ ከሁለት ሳምንት በፊት በኢፌዲሪ የሕዝብ ተወካዮች ምክር ቤት መደበኛ ስብሰባ ላይ ተገኝተው ማብራሪያ በሰጡበት ወቅት፤ "በክልሉ ግጭት የሚጀመር ከሆነ ከዚህ በፊት ከምናውቀውም በላይ የከፋ በመሆኑ አስቀድሞ ማስቆም ያስፈልጋል" ማለታቸው ይታወሳል፡፡

ጠቅላይ ሚኒስትሩ አክለውም፤ “የሁሉም እምነት አባቶች በፍጥነት ትግራይ ወደ ግጭት፣ ወደ ጦርነት እንዳይገባ ሥራችሁን አሁን ጀምሩ፣ ከተጀመረ ወዲያ ብትናገሩ ዋጋ የለውም" ሲሉም አሳስበዋል፡፡

ስለሆነም የኃይማኖት አባቶች፣ ምሁራን፣ የተለያዩ ሀገራት ኤምባሲዎችና ሌሎችም የሚመለከታቸው ባለድርሻ አካላት ትግራይ ክልል ወደ ግጭት እንዳይገባ በፍጥነት ሥራ እንዲጀምሩ ጠይቀው ነበር፡፡

ይህንንም የጠቅላይ ሚኒስትሩን ንግግር ተከትሎ በኢትዮጵያ የሃይማኖት ተቋማት ጉባዔ ከትግራይ ክልል ከተውጣጡ የሃይማኖት አባቶች ተወካዮች ጋር በጋር በመሆን፤ ከጊዜያዊ አስተዳደሩ ፕሬዝዳንት ጋር መምከር መጀመራቸውን የክልሉ ኮሙኒኬሽን ጉዳዮች ቢሮ አስታውቋል፡፡


በጉባኤውም የኢትዮጵያ ወንጌል አማኞች አብያተክርስቲያናት ካውንስል ፕሬዚዳንትና ዶ/ር ጣሰው ገብሬ እና የካውንስሉ ጠቅላይ ጸሀፊ ቄስ ደረጄ ጀንበሩ ተሳትፈዋል፡፡

ለኢቫንጀሊካል ቲቪ ፤ ቤተልሔም ደረጄ