🌟«Хай песняй ляцяць мае думкі і мары»🌟

Марозным зімовым днём у Зэльвенскай раённай бібліятэцы было мнагалюдна. Удзельнікі літаратурнай гасцёўні “Ліра”, а таксама аматары паэтычнага слова сабраліся на літаратурнай сустрэчы «Хай песняй ляцяць мае думкі і мары» з мясцовай паэткай Святланай Патаповіч. Гэта вельмі сціплая жанчына можна сказаць пакарыла аўдыторыю сваімі мілагучнымі вершамі. Удзельнікі аматарскага аб’яднання з задавальненнем дэкламавалі іх. Значнай падзеяй для Святланы Васільеўны стаў падарунак ад работнікаў Зэльвенскай раённай бібілятэкі - выданне персанальнага зборніка вершаў.

✨️Турнір знаўцаў роднай мовы “З любоўю да роднага слова”✨️

21 лютага ў свеце адзначаецца Дзень роднай мовы – свята, якое нагадвае кожнаму з нас, што без роднай мовы немагчыма адчуваць сябе часткай свайго народу. У нашай краіне, якая існуе ва ўмовах двухмоўя, гэта асабліва важна.
20 лютага ў Елкаўскай сельскай бібліятэцы з вучнямі 3 і 4 класаў ДУ “Елкаўская сярэдняя школа” быў праведзены турнір знаўцаў роднай мовы “З любоўю да роднага слова”. Удзельнікі мерапрыемства актыўна спаборнічалі ў конкурсах, адгадвалі загадкі, падбіралі словы, якімі можна ахарактарызаваць, апісаць нашу мову. Хлапчукі і дзяўчынкі з задавальненнем паўдзельнічалі ў флэш-батле “Скорагаворкі”. На прыканцы мерапрыемства дзеці сабралі вялікі букет кветак для роднаймовы.