دونیا کیمینه کئف، کیمینه دهشت
بونلاری قانانا یازیغیم گلیر
دویوب دوشوندوکجه عؤمرون سونونو
اینسانام، اینسانا یازیغیم گلیر

دؤوران تزله‌دی یئنه دردیمی
ساز ندیر، بیلمه‌ین ترپه‌دیر سیمی
بیر عاغیلسیز ناشی قوواصلار کیمی
دوشنده عوممانا یازیغیم گلیر

عؤمور یولاریندا آغاردی بیرچک
آی ائللر، آتالار عالیم‌دی گئرچک
جوت اولسا میلچک‌ده قالیب گله‌جک
تک اولان آسلانا یازیغیم گلیر

خیلقتین سیررینی دویا بیلمیرم
هر سؤزو آشیکار دئیه بیلمیرم
نییه سیزیلداییر، نییه بیلمیرم
ناله‌لی کامانا یازیغیم گلیر

گؤزومدن یاش آخیر اوزومه دن- دن
آمان آی آیریلیق اولمویایدین سن
بیر اؤلوم یاخشیدی سئویلمه‌مکدن
طالعسیز جاوانا یازیغیم گلیر

ایگید ار آدلانار غئیرت اولاندا
اوزده حیا اولار، عیصمت اولاندا
دیل بیلمز نادانا قیسمت اولاندا
اهلی- حال جانانا یازیغیم گلیر

بیر آن چاتیلمازمی قاشی اووچونون
آخمازمی گؤزوندن یاشی اووچونون
دینده گولله‌سی ناشی اووچونون
یارالی جئیرانا یازیغیم گلیر

دؤورون گردیشینه اویا بیلمه‌ییب
قلبیندن قوباری یویا بیلمه‌ییب
عشقینی کیمسه‌یه دئیه بیلمه‌ییب
گیزلیجه یانانا یازیغیم گلیر

ظالیم زامان کیمی ائتدی بختیار
اورکلرده کدر، حسرت‌، اینتیظار
آمان آللاه داغلار بویدا دردی وار
بهمن تک اوزانا یازیغیم گلیر

#بهمن_وطن‌اوغلو


💫🍥🎁 @ZElKH 🎁🍥💫

.

عدالتین سازیندا

اصلی ناله چکر زولف پریشان
فغان إئيلر عدالتين سازيندا
كرم چيخار آلوولارين ايچيندن
عصيان إئیلر عدالتین سازیندا


محمود ایتگین یازیق آنا بير آغلار
سينه سينده چارپاز قالدي بير داغلار
بير له له دير ، بير كرم دير، بير داغلار
بوران إئیلر عدالتین سازیندا


هارای چکر دونیا منه دار دئیین
خان إوينده گولگز ياريم وار دئیین
توفارقانلی عاشیق عباس یار دئیین
طغیان إئیلر عدالتین سازیندا


داغ چکیلر نئچه درده ملالا
جیلوه له نر هر بنؤشه هر لالا
زوهره دئیین طاهیر یئتر ووصالا
دوران إئیلر عدالتین سازیندا.


گلر قیزیل گولو درمه یه دیلقم
دریب پونهانلارا سرمه یه دیلقم
او دونیادا یاری گؤرمه يه ديلقم
گومان إئیلر عدالتین سازیندا.


لیباسی پولاددان گئیه ن کوراوغلو
اولو شاهلار بوینون أيه ن كوراوغلو
نعره سيندن يئر تیتره یه ن کوراوغلو
جولان إئیلر عدالتین سازیندا.


غرق إئیله یر خیال لارا قانانی
بیرجه آندا دولانديرار جهاني
ظريف تئللر هر دویغوسوز نادانی
اینسان إئیلر عدالتین سازیندا.


نادان آهلار آنلامارام دردي نه
باغبان باغدان درمه دي نه دردي نه؟
او بارماقلار چوخ "بهمنين" دردينه
درمان إئیلر عدالتین سازیندا.


#بهمن_وطن‌اوغلو


💫🍥🎁 @ZElKH 🎁🍥💫

▫️عاغلیم

اؤزگه‌لره همدم، اؤزومه درد-غم،
آغلاسام گؤزومو سیلمه‌ین عاغلیم.
اونا-بونا عاغیل اؤيره‌دن اولوب،
عئيبيندن اوتانيب اؤلمه‌ین عاغليم.

نه خجالت چکیر، نه‌ ده اوتانیر،
اؤزونو عاریف ده، عالیم ده سانیر،
یوخسول اوجاغی‌تک سورادان یانیر،
واختیندا باشیما گلمه‌ین عاغلیم.

من"بهمن"ی اویاندیرماق ایسته‌ییر،
یانار اودا قالاندیرماق ایسته‌ییر،
نئچه‌سینی دولاندیرماق ایسته‌ییر،
منی دولاندیرا بیلمه‌ین عاغلیم...

#بهمن_وطن‌اوغلو


💫🍥🎁 @ZElKH 🎁🍥💫

من کیمم؟!

هئچ اوزوم ده درک ائتمه‌دیم بو دونیادا من کیمم؟
نئجه دئییم وئرمه‌یه‌جم عؤمرو بادا؟! من کیمم؟
حؤکمودارلار یئره دَیدی غضبیندن فلکین،
سرکرده‌لر دیز چؤکدولر بو دونیادا؛ من کیمم؟!

فیرعونون یای اوخلاریندان گؤی سینه‌سی تیتره‌دی،
بیر آللاهی نیشان آلدی، اوخون سسی تیتره‌دی،
ایسگندرین بوینوزوندا یئر کوره‌سی تیتره‌دی،
اونلار یانیب کوله دؤندو بو عوقبادا؛ من کیمم؟!

نامردلرین، ناکس‌لرین، گؤزلرینه بیچاغام،
اینصافسیزدان، ویجدانسیزدان، اینامسیزدان قاچاغام،
طالع وئرسه، باخت گئتیرسه، دئمه‌سینلر قوچاغام،
ایش دوزه‌لر بیر ایلاهی یئتسه دادا؛ من کیمم؟

اینانمیشام وار ائیله‌ین آهونو داردان خیلاص،
اسماعیلی کسیلمکدن، خلیلی ناردان خیلاص.
کرمیندن زرّه، بیزی ائیلر اودلاردان خیلاص،
«بهمن»م بئل باغلامیشام او اوستادا؛ من کیمم...؟!

#بهمن_وطن‌اوغلو

💫🍥🎁 @ZElKH 🎁🍥💫

اوتانماسام اوشاق کيمي آغلارام،
يامانجا دوشوبدو ياديما داغلار.
ايسته ييرم بير آه چکم اورکدن،
قورخورام آليشا اودوما داغلار.

قوينوندا اولاندا چکمه ميشم قم،
آيريلاندا گليب گؤزلريمه نم.
بختيمه يار اولوب، کؤنلومه همدم،
دار گونده يئتيشيب داديما داغلار.

شيرين لايلام اولوب بولاغي، چايي،
اونودا بيلمرم بو حاقي-سايي.
منيم سئوگيم يوخدور اوندان ساوايي،
بهمنم يازيليب آديما داغلار.

#بهمن_وطن‌اوغلو

💫🍥🎁 @ZElKH 🎁🍥💫

.

سن منیم قلبیمه دئیمه سن آلله،
نه من قالاسییام، نه سن دونیادا !
باشیندا گورشادلار_شیمشک لر چاخان_
اوستونده طوفانلار أسن دونیادا !

یئل اولوب أسمه یک ، دؤنوم باشینا،
اولفتی کسمه یک ، دؤنوم باشینا ،
باری بیز کوسمه یک، دؤنوم باشینا_
اونسوز دا نه چوخدو کوسن دونیادا !

گتیر خیالینا داغی_آرانی،
تکرار تزه له مه کؤهنه یارانی،
آغلایا_آغلایا کسمه آرانی _
عؤمرو گوله_گوله کسن دونیادا !

نه یئریم نه یوردوم، نه وطنیم دیر،
سنسیز یئرده _ گؤی ده منه غنیم دیر
ائله بیله رم کی دونیا منیم دیر _
بیرجه یول آدیمی دئسن دونیادا...!

#بهمن_وطن‌اوغلو

💫🍥🎁 @ZElKH 🎁🍥💫

.

سالام حؤرمتلی ایزله ییجی لر.
شاعیر ممد آسلاندان، بهمن وطن اوغلونا مکتوب و بهمنین ، ممد آسلانا جاوابلاما شعیرلری:

شاعیر ممد آسلانین زامانیندا بهمن وطن اوغلونا یازدیغی "سؤیودون دیبینده" شعیرینی و بهمن وطن اوغلونون ، ممد آسلانا یازدیغی جاوابی اولدوغو کیمی سیزلره تقدیم ائدیرم.
روحلاری شاد اولسون.

#ممد_آسلان ⬇️

نه زاماندان بری دیر بهمن وطن اوغلونا زنگ ووردوقجا تئلفونون او باشیندان عئینی سس گلیر : سؤیودون دیبی ائشیدیر...
یاغی جایناغیندا قالان کلبجری ده، ایندی سیغیندیغی گنجه سی ده، یئری_گؤیو، بوتون دونیاسی دا بو بخته ور سؤیودون آلتیندا یئرله شیر سان کی، بهمن وطن اوغلونون!

بیر واخت دلی داغا، بهمن، سیغمازدین،
ایندی بیر سؤیودو عنوان ائیله دین!
هر بیر یارپاغینا مین میصراع یازیب_
یئرینی_گؤیونو الوان ائیله دین!

چاغیریریق، سؤیود دیبی سسله نیر،
قول_قانادی نفسینله سوست له نیر
سؤیود آلتدا نه میصراع لار بسله نیر
سؤیله دین، باغریمی آل_قان ائیله دین!

دولاندی خیالین عرش ایله کورش ده،
سؤیودون دیبیمیش، الهی عشق ده،
سارالدی آهیندان گؤیده گونش ده _
او قده ر اینله دین، افقان ائیله دین!

کرم تک دوشموسن بنده ، گنجه ده ،
اصلی ده گنجه ده_ سن ده گنجه ده،
دردینی یازیرسان گونده گنجه ده _
یازدیقجا عؤمرونو داستان ائیله دین!

سؤیودون دیبینده قووغان، قاسیرغان!...
سؤیودون دیبینده قلم قوسور قان!...
هر میصراندا کرپیج قاندی، آثار قان_
آخیر بو سؤیودو سولطان ائیله دین!

هله "قیی" وورورسان مورووون اوسته،
محشر قوپاریرسان بیر اووون اوسته،
پولاد بیر چاخماقسان هر قووون اوسته_
چاخدیقجا ظولمتی شان_شان ائیله دین!

بیر قوش اؤتور او سؤیودده، او باشدان،
نه سیرردیسه، پیچیلداییر یاواشدان ،
گؤزلرینه نور چیله نیر آغاجدان _
سیسقا بولاقلاری عوممان ائیله دین!

شاعیر بهمن، سؤیود بهمن، سیرر بهمن،
سؤیود آتدا سؤیود اولماز هر بهمن،
در دردینی سؤیود آلتدا سر بهمن
سؤیودو نه اوجا مکان ائیله دین!

بو سؤیوده گرک منده کؤکله نیم،
غم آلتیندا یورنوق دوشوب کؤهله نیم
سؤزلرینله او-ووت منی بهمنیم_
بلکه منی "ممد_آسلان" ائیله دین!

#بهمن_وطن‌اوغلو ⬇️

ساغ اول عزیزیم ممد!
اؤزومه مسکن ائدیب سیغیناجاق بیلدیییم "تک سؤیود" دیبینی سنده بئیندین!(bəyəndin)

گورو نورلا دولموش گؤزل دئییب: سویوق مزارا دا زینت دیر انسان! او دا اولا گنجه سؤیودونون آباد اولموش دیبی.

آمما جسارت ائدیب شعیرینه جاواب یازدیم. کاش کی خوشونا گله آی ممد!

ممد آسلان! هاراییما، های وئردین،
غفلت دن نه یامان طغیان ائیله دین!
ائله خاطیرلاتدین داغلاری منه _
گؤزومون یاشینی لئیسان ائیله دین!

گلیملی_گئدیملی چاغیمیز واردی،
بولبول لر اؤتوشن باغیمیز واردی،
تک "سؤیود" آدلانان داغیمیز واردی_
یوخسا بونلاریمی گومان ائیله دین؟!

من کی اودلانیرام سرسم لر کیمی،
اؤزومده بیلمیرم نئیله دیگیمی ،
دردیمی سؤیوده سؤیله دیگیمی_
عالمه نه گؤزل بیان ائیله دین!

درد أیدی قددیمی، گونده قوجالدیم،
کوت گئتدی گنجه ده کونده، قوجالدیم،
اصلی ده قوجالدی، منده قوجالدیم_
سن نییه بو فیکری پونهان ائیله دین؟!

سوکوت دا بئیندین*، اون ده بئیندین،
کولگه ده بئیندین، گون ده بئیندین،
سؤیودون دیبینی سنده بئیندین _
گؤزومده جننتی_ریضوان ائیله دین!

قالدی او داغلاردا له له م ده قارداش،
ساریلدی بوینوما علم ده قارداش،
او گوندن قان قوسور قلم ده قارداش_
سن بونو مهشوری_جهان ائیله دین!

الیمیزده هانسی قلم ساغ قالدی؟!
قارشیمیزدا هانسی ورق آغ قالدی؟!
هانسی دره_تپه، هانسی داغ قالدی؟!
یانینجا منی ده گریان ائیله دین!

باخمادین چووغونا، قارا ، قیرووا،
سؤیکندین کپزه، قالخدین مورووا،
"عؤمرو سؤز اوغروندا قویدون گیرووا"
سن اؤزونو عالی اینسان ائیله دین!

آی قوربانین اولسون دؤولتیم_مالیم
حاقسیز دانیشارسام، اولارام ظالیم،
"بهمن" نه کاره دی ؟! آی قادان آلیم_
سن اؤزون_اؤزونو "آسلان" ائیله دین!

*بئیندین(bəyəndin) پسندیدن

💫🍥🎁 @ZElKH 🎁🍥💫

.

پاییز گلدی چیچک آچماز،
یوز سولاسان سولان عؤمرو!
کیم تزه دن جاوان ائیله ر _
آهیل یاشا دولان عؤمرو ؟!

دردین چوخو، غمین بولو،
سئل لر کیمی کسر یولو
یاخین قویما انسان اوغلو _
درد ائیله یر تالان عؤمرو !

بیر قوش ایدی اوچدو گئتدی،
ألیمیزدن قاچدی گئتدی ،
کئچن عؤمور کئچدی گئتدی_
خوش کئچیرک قالان عؤمرو !

"بهمن" اوچون درین اولان،
نادان اوچون سرین اولان،
دونیا کیمی شیرین اولان _
یوخو کیمی یالان عؤمرو !

#بهمن_وطن‌اوغلو


💫🍥🎁 @ZElKH 🎁🍥💫

.

دونیا کیمینه کئف، کیمینه دهشت
بونلاری قانانا یازیغیم گلیر !
دویوب دوشوندوکجه عؤمرون سونونو،
اینسانام، اینسانا یازیغیم گلیر!

دؤوران تزه‌له‌دی یئنه دردیمی،
ساز ندیر، بیلمه‌ین ترپه‌دیر سیمی،
بیر عاغیلسیز ناشی قَوواص‌لار کیمی_
دوشنده عوممانا یازیغیم گلیر !

عؤمور یولاریندا آغاردی بیرچک،
آی ائللر، آتالار عالیم‌دی گئرچک
جوت اولسا میلچک‌ده قالیب گله‌جک_
تک اولان آسلانا یازیغیم گلیر !

خیلقتین سیررینی دویا بیلمیرم،
هر سؤزو آشیکار دئیه بیلمیرم،
نییه سیزیلداییر، نییه بیلمیرم_
ناله‌لی کامانا یازیغیم گلیر !

گؤزومدن یاش آخیر اوزومه دن- دن
آمان آی آیریلیق اولمایایدین سن
بیر اؤلوم یاخشیدی سئویلمه‌مکدن
طالع‌سیز جاوانا یازیغیم گلیر!

ایگید ار آدلانار غئیرت اولاندا
اوزده حیا اولار، عیصمت اولاندا
دیل بیلمز نادانا قیسمت اولاندا
اهلی- حال جانانا یازیغیم گلیر !

بیر آن چاتیلمازمی قاشی اووچونون؟!
آخمازمی گؤزوندن یاشی اووچونون؟!
دَیَنده گولله‌سی ناشی اووچونون_
یارالی جئیرانا یازیغیم گلیر !

دؤورون گردیشینه اویا بیلمه‌ییب
قلبیندن قوباری یویا بیلمه‌ییب
عشقینی کیمسه‌یه دئیه بیلمه‌ییب
گیزلیجه یانانا یازیغیم گلیر!

ظالیم زامان کیمی ائتدی بختیار
اورک‌لرده کدر، حسرت‌، اینتیظار
آمان آللاه داغلار بویدا دردی وار _
بهمن تک اوزانا یازیغیم گلیر !

#بهمن_وطن‌اوغلو


💫🍥🎁 @ZElKH 🎁🍥💫