من نمر بوقت صعب اكيد نحس بان الانتقال من الثقل للراحة مكلف وثمنها جدا غالي، دائماً تسمع وتتكرر عندك و للناس اللي داير مدايرك ب انو هية فترة وتعدي، وهلشي حقيقي لان فعلاً ممكن تنتهي.
بس اللي محد سولفلكياه انك انته لازم تعيش الوقت هذا بنفسك حتى ينتهي، ماكو عصا سحرية رح تخفيك من وقت الظلمة وتطلعك للنور، لازم تتعب علمود توصل .
ف كلامي لكل شخص فاقد الأمل وما شايف النور، شايف ان ماكو هدف يعيش علموده ، ضايع ومخربط ، وحيد حتى وهو بين عدد هائل من الناس ، دائماً يحس بنفسه انو منسي، اتمنى من الله يغير مشاعرك وينطيك معنى جديد تعيش حياتك بي .
اتمن تلگي نفسك الضايعة منك وتلگي قيمة حقيقية، علمود تگدر تتأقلم وتعيش الظلمة بس وأنت مليان ثقة وأمان ان النور موجود ورح تعيشة عن قريب .💕
#حمد

هم خطر على بالك فد يوم كلام بينك وبين نفسك: "ان اني ما انتمي لهذا المكان ، هالمكان مو إلي ولا يناسبني؟"
لمن يجي ابالك هيج كلام ، بفد شي معين ، ف صار لازم تبلش تدور ع بديل، مهما يكون الأمر مكلف ومتعب، لأن بقاءك بمكان غير مناسب الك، راح يقتلك بصورة بطيئة
#حمد

الاخت ان كانت اكبر منك عمرا فلازم تعاملها مثل امك الثانية وان كانت اصغر منك فلازم تعاملها مثل طفلتك المدللة الانثى كتلة من العاطفة و الحنان مثل ما هي تنطي كذلك هي تحتاج العاطفة و الحنان خليك مصدر عطفتها و مصدر للحنان الي تاخذه منك حتى لا تلتجئ وتاخذه من مصادر ثانية خارجية دللها قدملها الهديا اسمع كلامها من تنصحك اخذ بارائها اطلع وياهة حسسها بقيمتها وياك وانه هي غالية عليك صدكني ما راح تخسر شي وتشوفها تنطيك عيونها همين رغم هي بدون شي هي اصلا تضحيلك

#حمد

اكتشفت ان اصدقاء المدرسة رح يبقون احلى شي بحياتنه
حچينه الي كله يبدي ب " تتذكر لمن .. " و كل الفضايح والاسرار الي بيناتنه وصورنا الي جان اشكالنه بيها تحشيش وتـ ـخزي بس گلوبنه چانت صافيه ..
اصدقاء المدرسة همة الي مهما ابتعدت عنهم ورجعتو تحجون سوة تحس انك تركتهم البارحة وماكو اي شي اتغير
كل شي يخصهم الة طعم مختلف وفعلا عمرهم ما راح يتعوضون 🤍.
#حمد
سوي اعادة توجيه لصديقك الي جان وياك بلمدرسة

لا تخاف مارح تخسر احد بسبب شغلة مو مقصودة أو كلمة عفوية طلعت منك .. لأنو الغصن القوي ما يترك الشجرة مهما كانت الشجرة خاوية .
لهذا السبب ريح نفسك وكافي تلوم بنفسك لان الي يريد يتركك رح يتركك وبدون حتى مبررات والي يريد يبقى وياك ف ما يحتاجلة عزيمة 🙁

#حمد

لاتتعرف ع شخص وتخلي يثق بيگ من ثم يحبك ويودگ ويتعلق بيك اما يخليك صديق ام حبيب اذا انت مو كد هل علاقة لاتسويها بالبداية تخلي يحسك ملاك وتهتملة وتسمعة الكلمة الحلوة والزينة بعدين تنسحب منة تدريجيآ
تهملة تبطل تحجي ويا مثل اول تطلع حجج بس في سبيل ماتتكلم معا يابشر ترة كسر الخاطر وكسر المشاعر ووجع القلب مو شوية ان كانت من صديق او حبيب هي نفس الوجع مو كد كلمتك لاتتكلم مو كد وعودك لاتوعد الي يتأذة بسببك والي ينكسر قلبة بسببك والي والي واليوكلة بسببك الله راح يحاسبك اضعاف الي سويتةاتركوا عندكم احساس ومشاعر حتى تحسون بغيركم وما تخطأون بحقهم

#حمد