🌟 ብቸኝነት ሲሰማህ ማሰብ ከቻልክ የአሳብህ ጓደኛ ነህ። ማሰብ ካልቻልክ ብቻህን ነህ። መነጠል የስጋ ሳይሆን የአሳብ ስሜት ነው።

🌟 ብቸኝነትህን አሳብህ ሲጋራ የአሳብ ጓደኛ አለህ። ብቸኝነትም ጓደኝነትም ስጋ አይደለም። የአብሮነትና የመነጠል ስሜት ነው። ከሰው ጋር ስትሆን ለብቻህ እንደሆንክ ከተሰማህ በግርግር መሀል ብቸኛ ነህ። በስጋህ ብቻህን ሆነህ ከአሳብህ ጋር አብረህ ከሆንክ አንተማ ጓደኛ አለህ።

🌟 ከቻልክ የወዳጅ አስፈላጊነትን ቀንስ። ሰው ብታጣም ያጣኸው ስጋ ነው። አብሮህ የሆነ አላቂ ነው። ዛሬ የሚቀርብህ ነገ የሚርቅ ነው። ወሳኙ ጉዳይ ህሊናህን አለማጣትህ ነው። የሌላ ስጋ ሲለይ አሳብህ ካንተ ጋር ነው።

🌟 መለየት የስጋ ነው። ብቻህን እንዳልሆንክ ከተሰማህ የአንተ ጓደኛ ስሜትህ ነው።

በድጋሚ!
@yismakeworku

እንክርዳድ

አባቴማ ድሮ
ስንዴ እያበጠረ
አንዳንዱን እንክርዳድ
ይለቅም ነበረ።

እኔ ግን ዘንድሮ
ግርድ አነፍሳለሁ
ከእንክርዳዱ መሀል
ስንዴ 'ፈልጋለሁ።

(ይስማዕከ ወርቁ)

'የመጀመሪያውን እንግሊዘኛ ቋንቋን በቴሌግራም የማስተማር ስራዬ ተጀመረ' ይለኛል ወዳጄ።

ያሳቀኝም "መፎረፍ አይችሉም፣ ለወዳጆችህም አሳውቅልኝ" ብሎ ሀሳቡን ሲዘጋ ነው ሃሃሃሃ።

የእንግሊዘኛ ቋንቋ ትምህርቱን በ @EthioEnglizegna በኩል በቴሌግራም በነፃ መከታተል እንደምትችሉ ጋብዟል።

"ሊንክ" ፡ https://tttttt.me/+hRhOmsnuXG0zYTA0

ለመልካም ስራ እውቅና መስጠቴ ይቀጥላል!

"ምናለ ጎበዝ ተማሪ ባልነበርኩ” እላለሁ

“ከሰው አልጨመርም። አብዝቼ እተክዛለሁ። ፊደል ያልቆጠረ ብዙ የማውቀው ሰው ቤት ንብረት አለው። የተሻለ ሕይወት ይመራል። እኔ ለምን ተማርኩ እላለሁ - አንዳንዴ። እንደሱ አይባልም - አውቃለሁ። ግን ምን ላድርግ? ወደ አእምሮዬ የሚመጣውን ነው የምነግርህ።

ውስጤ ጠንካራ ሆኖ ነው ከራሴ ያለሁት እንጂ ጭንቅላቴ እኮ ልክ አይደለም።

እንደ ባይተዋር ነው የምኖረው።

አንዳንዴ ለብቻዬ እያወራሁ ራሴን አገኘዋለሁ።

ጓደኛ የለኝ፣ ምን የለኝ። ሰው ሆነህ ከሰው ጋ መጨመር ካልቻልክ ማበድ ማለት አይደለም?

ከወር-ወር ኪሴ ባዶ ነው።ከቤት የማልወጣውም ለዚያ ነው። ታክሲ ውስጥ ሰው ባገኝስ ብዬ እሳቀቃለሁ። ከዚህ ሁሉ ለምን ቤት አልቀመጥም ብዬ ነው ያለሁ።

በቀደም ትዝ ሲለኝ ለባለቤቴ የተጋባን ቀን ከገዛሁላት ስጦታ ውጭ ገዝቼላት አላውቅም።

ባትነግረኝም ሞራሏ መጎዳቱ አይቀርም። ለልጄም እንደዚያው። ከዚህ በላይ ምን የሚያሳዝን ነገር አለ?

እኔ መምህር በመሆኔ እና እነሱ የመምህር ቤተሰብ በመሆናቸወ ተጎድተዋል። ምንም ጥያቄ የለውም። አንዳንዴ ‘ምናለ ድሮ ጎበዝ ተማሪ ባልነበርኩ’ የምለውም ለዚያ ነው።

#BBC እንደዘገበው 😭

አንተ ጥፍራም ደራሲ፣
አንተ ጠኔያም ገጣሚ ፣ አድናቂ ጨረቃ
እፈር በማለትህ ፣ ተወለድኩ አፍሪቃ።
ሀገርህ ተመንገድ ፣ ለልመና ወድቃ፣
እህትህ ተመንገድ ፣ ለምፅዋት ተንፏቃ፣
እናትህ ተመንገድ ፣ ለርጥባን ተንቃ፣
እንዴት ታደንቃለህ ፣ የሰማይ ጨረቃ!!

የቀንድ አውጣ ኑሮ
(ይስማዕከ ወርቁ) @yismakeworku

ለሚመለከተው በሙሉ...

ይሄው በድጋሚ ወዳጄ ለወዳጆችህ ንገርልኝ አለኝ!

ወዳጆቼ በቴሌግራም በነፃ "የእንግሊዘኛ" ቋንቋ እጅግ በጣም በቀላል መንገድ ለመማማር ከፈለጉ አሁን ማስፈንጠሪያውን (ሊንኩን) የምሰጣችሁን "ቻናል" ተቀላቀሉ።

"ለመጀመሪያ ጊዜ ወደ ቻናላችን @ethioenglizegna የምትገቡ ተማሪዎች ትምህርት መማማር ከጀመርን አምስት ቀናት ስላስቆጠርን ወደ ላይ በመውጣት የተማርናቸውን ተመልከቱ" ሲልም ለእናንተ ለማስተላለፍ ፈልጓል።

ማስፈንጠሪያው ወይም ሊንኩ 👉
https://tttttt.me/+hRhOmsnuXG0zYTA0

የሰው ልጅ የልምምድ ውጤት ነው። በልምምድ እንጅ በመወለድ ብቻ ሰው መሆን አይችልም። ከማፍቀር እስከ መቆርቆር ይለማመዳል። ማፍቀርን ያህል ያህል ነገር እንኳ አውቆ አይወለድም። እርሱን ብቻ አይደለም፤ መጥላትን ሳይቀር ይለማመዳል። ከማወቅ እስከ መናቅ፣ ከመወለድ እስከ መታነቅ፤ ከመድቀቅ እስከማድቀቅ፤ ከመጋባት እስከ መፍታት፤ ከስንፈት እስከ ጥረት ... ከመርመጥመጥ እስከ መፈርጠጥ፣ ከቆመጥ እስከ ነፍጥ...ተለማምዶት እንጅ ተሰጥቶት አይደለም። ከክህደት እስከ እምነት ካልተለማመደ አይችልም።

ከራሱ ያገኘው ማንነት የለውም። ሁሉም በሂደት እና በልምምድ የመጣ ነው። መልኩን ቆላ ሲወርድና ደጋ ሲወጣ ይቀያየራል። ልቡን በየግድሙ ይጥላል። ቀልቡን መቋጠሪያ የለውም። በመለማመድ አሁን የደረሰበትን እንጅ ወደፊት የሚሄድበትን ማንም ሊያውቅ አይችልም።


ክቡር ድንጋይ | ይስማዕከ | @yismakeworku

ይህ የምወደው ፎቶዬ ነው!!!
በውቀቱ ስዩምም አንድ ግጥሙ ጋር እንዲህ የምትል ጠንካራ ስንኝ ነበረችው።

".. ከፈጣሪ ይልቅ ፎቶ አንሺ ይራራል
ለጋነታችንን ባለበት ያስቀራል..."

@yismakeworku

#ዴርቶጋዳ

"...ጉንዳኖች ውሀ ሲሻገሩ አይተህ ታውቅ ከሆነ በውሃው ላይ ተያይዘው ተያይዘው ይቆማሉ። ጉንዳኖች ተያይዘው በወንዝ ላይ በሚሰሩበት መንገድ ሌሎች ብዙ ጉንዳኖች ይሻገራሉ። ተያይዘዉ ይሻገራሉ። ተደጋግፈው አስፈሪውን ወንዝ ይሻገሩታል። ባይያያዙና ባይደጋገፉ ግን አይቻላቸውም። አንዲት ጠብታ ዝናብ ለአንድ ጉንዳን ውቅያኖስ ብትሆንም ብዙ ጉንዳኖች አንድ ላይ ከተያያዙ ግን ውቅያኖስ መሻገር ይችላሉ።..."


@yismakeworku

በህይወታችሁ "ፀሀይ" ሊሆኑ ያሰቡላችሁን ሳይሆን "ጨረቃ" የሚሆኑት ጋ አመዝኑ።

ምክንያት...

ጨረቃ በቀን ተደብቃ ብትኖርም ቅሉ በይበልጥ ደምቃ የምትወጣው ሲመሻሽ/ሲጨልም ነውና...

በብርሃናችሁ ጊዜ የሚመጣውን ፀሀይ ሰው ተዉት
ጨለማችሁ ላይ አለሁ የሚለውን "ጨረቃ" ውደዱት

@yismakeworku

ያሳዝናል...የስንት ሰው ላብ መና ሆኖ ሲያድር 💔

"አይ መርካቶ.." እንዲል ሎሬቱ

"...አሜሪካ አእሮን እንዴት ማጠብ እንዳለባት ታውቃለች። ገና ምድሯን ስትረግጥ አሜሪካዊ የሆንክ ያህል እንዲሰማህ የሚያደርጉ ታላላቅ ሰዎች ያሉባት ሀገር ናት ።
እኛ ሀገር ውስጥ ደግሞ ባደክበት ቀየ ባደክበት ምድር ወዘ ልውጥ እየተባልክ ትኖራለህ።ለሀገርህ ባዳ ሆነህ ትሞታለህ።
አሜሪካን ሀያል ያደረጓት አሜሪካውያን ብቻ አይደሉም፤አምባገነን መሪዎቻቸው ያሳደዷቸው የሌሎች ሀገር ስደተኞች ጭምር ናቸው።
ኢትዮጵያ የተማረ ሰው አጥታ አይደለም፤የተማረ ስለማትወድ እንጂ። ግን ለለውጥ እራስን መስጠት ያስፈልጋል።
አየህ...ለውጥን የሚጠላ ኢትዮጵያዊ የለም።ለውጡ ሆዳቸውን ከሚያጎልባቸው ትቂቶች በቀር።
ችግሩ የለውጡ አካል ለመሆን የሚፈልግ የለም።በሌሎች ሞትና ደም ለመጠርቃት እና ኑሯቸውን ለማደላደል የሚመኙ ብዙ ናቸው።..."

- ኢንጅነር ሻጊዝ እና ዶ/ር ሚራዥ ወደ ሀገር (ኢትዮጵያ )ስለመመለስ ሲመካከሩ (ዴርቶጋዳ መፅሀፍ ላይ)

መምህር ኤስድሮስ የተባሉት ሊቅ ያስተማሩትን የመንፈስ ልጃቸዉን ሲመክሩ እንዲህ አሉት፡፡

"ልጄ ከመሃይም አትጣላ ፣ ደጋፊው ብዙ ስለሆነ ያሸንፍሃል"

@yismakeworku

"ማንም ልጅ የወለደ ሰው እንደሚፈራው እፈራለሁ። ይህም ልክ አለው። ስንት ሞት በጠማው ሀገር ይህን ፍርሃት መፍራት ተገቢ ካልሆነማ ስጨክን በጣም ጨካኝ ነኝ። እንደ አፄ ቴዎድሮስ ክንዴ ይፋጃል።"

ሰው ከሞተ በኋላ በደሉ ሁሉ አብሮ ይሞታል። በስጋው የበደለው በደል ሁሉ አብሮ ስጋው ጋር ይቀበራል። የቀይ መስቀል ህግ እንኳን ውጊያ ላይ ፣ በወታደር ቦታውን ከያዝክ በኋላ፣ የገደልከውን ባላንጣ ወታደር ሁሉ እንድትቀብር ያዛል። የጠላትህ ሞት ከነፍሱ ጋር እንዳለ እንጂ፣ ቂም በቀል ከነፍስህ ጉያ እንዳለ እንጂ፣ በፍፁም የሞተ ስጋ ቂም እንዳልቋጠረ ወይም የመቋጠር አቅም እንደሌለው ያመላከታል።

"... ነገር ግን ልጅ በመውለዴ (ይቅርታ በማስወልዴ) አርቄ አስባለሁ። ይህም ወደትዕግስት ይጠጋጋል እንጂ ወደ ቦቅቧቃነት አይጠጋጋም። አሁን እንግዲህ ትዕግስት ያልኩትን ቦቅቧቃ ብለው ቢያስቡት አይፈረድባቸውም። ዘመናቸውን እንጂ እኔን አልገለፁኝም። እኔ ግን ሁሌም የማስታውሰው ግጥም አለ። ህልምህን ስላለመተው የተገጠመ ግጥም አለ። ህልምህን ስላለመተው የተጋጠመ ግጥም ነው። ታላላቅ ግጥሞችን በቃሌ የመያዝ ልማድ አለኝ። እንዲህ ይላል ግጥሙ።

"... ወታደርም ቢባል
ያው በቀቀናም ነው፣
ፍርሃት አለ ውስጡ፣
አሸናፊም ብትል
ይፈራል ነገውን
ፍርሃት አለው ነውጡ፣
ንጉሠ ነገሥትም
ፍርሃት አለ ቆጡ፣
አንበሳ ደቦሉም
ፍርሃት አለ ውስጡ፣
ማንኛውም ብትል
ጠልፎ የሚጥል ሰው
ፍርሃት አለ ውስጡ፣
"ብተወውስ" ብሎ
ይፈራል ታንቲራ፤
እኔ ግን የምልህ
ህልምህን አትፍራ፣
ድፈረው፣ ድፈረው
ወንጀለኛ አይልህም ፍርድ ቤቱ ደፍሮ
አቃቤ ህግ አይከስ፣
እንዲያውም ይፈራል-ይፈራል ወጥሮ
ህልምህን የምተው...
ወመኔ 'ሚዘራው
ገንዘብ ስላጣህ ነው?
ተስፋ ስላጣህ ነው?
ያዘው ግፋ ብሎ
ተስፋን የሚመግብ
ቤተሰብ ነው ያጣህ?
ወይስ ነው ከጀርባህ
ኦና ሆኖ ታየህ?
እኔ ግን የምልህ
እኔ የምመክርህ፣
እንዳትመለስ ነው
ከተስፋ ከእድልህ
እኔ የሚታየኝ
እኔ እንደሚሰማኝ፣
ችግርም ብትፈጥር
በራስህ ላይ ወጥር
ለውጥ አምጣ
ለውጥ አምጣ
ቀን አውጣ
ቀን አውጣ
ችግርና ፍዳህ የመኖርህ ትርጉም
ላብ ነህ ለዚህ ምድር
ወዝ ነህ ለዚህ ዓለም፡፡
ወዝና ጊዜየን በቁሜ ብቀማም
እንደ አሸን ተራግፈው
ጓደኞቼን ባጣም
ወደሁዋላ ስዞር
አንድም ሰው ባይመጣም
ተስፋዬን አልሸጥም
ህልሜን አላቀልጥም፡፡"

ይህን እጅ እስኪላጥ የሚያስጨበጭብ ግጥም በመውደዴ ምክንያት፣ ማንኛውም ሰው እንደሚፈራው። ፍርሃት አለብኝ እንጂ፣ በቀቀናም ግን አይደለሁም።

"... እኛ በህብረት መስራት አንችልም። በግለሰብ ደረጃ ግን እንችላለን። ሩጫ እንችላለን፣ እግር ኳስ አንችልም። ሜዳ ታጥቆ አይደለም። በህብረት መስራት ስለማንችል ነው። ብሔር ሆነን የሰራነው አንድም ቅርስ የለም። ብሔር ሆነን የሰራነው አንድም ቅርስ የለም። ብሔር ሆነን ለእኛ የማይታገሉ መሪዎች እንመርጣለን እንጂ ምን እንደሰሩ አንጠይቅም። ብንጠይቅም ሀገሪቷ ደሀ ናት ይሉናል። ሩጫ እንችላለን ያልኩትን በአትሌቶቻችን ማረጋገጥ እንችላለን። አትሌት ግለሰብ ነው። ይህም እግር ኳስን እንደማሳያ መጠቀም የለብህም ካላችሁኝ፣ የቅብብል ስፖርት አራት በአራት ሰው የሚተገበር ነው። እኛ ኢትዮጵያውያን በግለሰብ ደረጃ ይሳካልናል። በአለማቀፍ ደረጃ እንኳ ብዙ ሳይንቲስቶች አሉን። በግለሰብ ደረጃ።

ኢትዮጵያዊውን ተመሳሳይ ሀሳብ በግለሰብ ደረጃ ስታወራው መልእክ ሆኖ ይቀበልሃል። ግን ተመሳሳዪን ሀሳብ ይዘህ ምንም ሳትቀይር፣ በህብረት ስታወራው ደግሞ ሰይጣን ይሆኑብሃል። በግል "ጂኒየሶች" ነን። በህብረት ደግሞ እጅግ ደደቦች ነን። በነካ ልቡናዬ ስለመለያዬት ላውራ።

መለያየት ማለት "በአብዛቸው — አጥፋቸው" ህግ የሚመራ ሰይጣናዊ ህግ ነው። ይህ ምሳሌ እውን ቢሆን ኖሮ፣ የሚፈጠረውን መጀመሪያ እንይ። መከፋፈል ያምርብናል ካሉት ከእነርሱ እንጀምር። አይበለውማ ኢትዮጵያ ብትከፋፈል ኖሮ ክፍፍሉ አይቆምም። ለምሳሌ ከትግራይ እንጀምር። በትግርኛ ተናጋሪነት ስም ብዙ ሰዎች ተደፍጥጠዋል። ትግራይ ናችሁ ተብለው በአንድ ክልል ውስጥ ገብተዋል። በቋንቋ ሳይሆን በዘይቤ መከፋፈላችን የማይቀር ነው። የትግርኛ ዘይቤአቸው ይለያያሉና፣ ብዙ ብሔሮችን (እነርሱ እንደሚሉት) የጨፈለቀው የትግራይ ሪፐብሊክ ሀገር ቢሆን ጠቡ የሚጀመረው ከውስጥ ነው። የአክሱም ትግራይ፣ የአድዋ ትግራይ፣ የአጋመ ትግራይ፣ የሽረ ትግራይ፣ የወልዋሎ ትግራይ (የትግራይ ጉራጌዎች ተብለው ይጠራሉ።

ከክፋት ዘመን መድረስ እድሜ አይባልም!

"ሀበሻ ቀንድ አውጣ
ሀበሻ ቀንድ አውጣ
ኮሽ ሲል ተደብቅ ረጭ ሲል ውጣ..."