ሱዳን በዋና ከተማዋ ካርቱም የኮሮናቫይረስ ስርጭት ለመግታት የተጣለውን የእንቅስቃሴ ገደብ #ለሁለት_ሳምታት አራዝማለች።

የመራዘም ሐሳቡን ያመነጨው በመንግሥት ስር የሚገኘው የጤና ኮሚቴ የረመዳን ወር መጨረሻ መድረሱ ጋር ተያይዞ የኢድ አል ፈጥር በዓል መምጣቱን ተከትሎ ነው ተብሏል።

ኮሚቴው በበዓሉ ወቅት የእንቅስቃሴ ገደብ ካልተጣለ በስተቀር የሚፈጠረውን መጨናነቅ መግታት አይቻልም የሚል ስጋት ማንሣቱን ራዲዮ ዳባንግ ገልጿል።

የጤና ኮሚቴው ምክትል ሊቀመንበር እና የሉዓላዊ ም/ቤቱ አባል ሲዲግ ታዊር ተጨማሪ መመሪያዎች ይፋ እንደሚደረጉ አስታውቀዋል።

ሱዳን በአሁኑ ወቅት ሁለት ሺህ አምስት መቶ ዘጠና አንድ (2,591) ዜጎቿ በኮቪድ-19 በሽታ የተያዙ ሲሆን፣ ከእነዚህ መካከል 105ቱ ሕይወታቸውን አጥተዋል።

Via:- EBC /BBC
@Yenetube @Fikerassefa