#آنالار گونو موبارک 🌹

سنسن شان حیاتین جان یاراشیقی
آی چتین دردلرین چاراسی آنا
سن دعا اِئیلَسَن خسته جانلارین
اینان کی ساغالار یاراسی آنا

آیاقین آلتیندا جنّت دیر سنین
دانیشاندا خئیر سؤیلر دهنین
جانیندا دوققوز آی یاشایار جنین
سنسن او اوشاغین غذاسی آنا

نییه گولشنینه اَسْدی سازاق یِئل
«قیزیل قلم»گؤزیاشلاری اولدو سِئل
عطیرلی ساچلارین آغاردی تِئل تِئل
یوخ اولدو ساچینین قاراسی آنا
#دکتر_مهدی_عراقی_یکانی