🔳 مجارااااااة بعنوان:

((العودة إلى الله ))
؛----------------------

الشاعر عاقل بن صبر

اذا اشتدت وضاقت واظلمت لابدما تُفرَج
بفضل الباري اسرع من يلبي العبد لا احتاجه..!!

فلا منقذ لأمتنا من الأزمــــه ولا مخرج
سوى العودة الى الله وإتباع امره ومنهاجه..!!

*

الشاعر نشوان الغولي

إلهي و النبي و الآل و القرآن لي منهج.
و ذكر الله حصني من قوى العدوان و افواجه..!!

و ذي ما يعتصم بالله يبقى تحت هج اعوج.
مع الشيطان ما يدري بمدخاله و مخراجه..!!

*

أمين الجوفي

معي ربي ولا بحرج معي حاشد معي مذحج
مـعي صـبّة بـكيل الـشامخه لـلحرب وهّـاجه..

وبـاتـفرج مـدام إن الـقبائل مـثل يـوم الـحج
سـيـول اجـتـاحت الـغـازي لـتأديبه وفـدّاجه..

*

عبدالرحمن الخطيب

من ا توكل على رب السماء في الضيق مايحرج
حقيقه داخل القرآن ماهي قول بن ماجه!!

ومن صدق يهودي!! مثل من يركب حمارأعرج!!
خسردينه!!وفي دنياه خاسر ماربح حاجه..

*

أ. ضيف الله سلمان

ووعد الله في القرآن واضح كالنهار ابلج.
ونصر الله من(سورة محمد) تم إنتاجه..!!

وبالإيمان والحكمة رجال (الأوس والخزرج).
ركبنا في(السفينة)يوم هاج البحر بامواجه..!!

*

الشاعر أبوحيدر الحمزي

ألا يا الله لا ضاقت عليك الحل والمخرج
إلهي ما لنا دونك وغيرك ما لنا حاجه..

لك الحمد ولك المنه هديت الناس حق أبلج
بـ آل البدر منجانا من الطوفان وأمواجه..

*

الشاعر بدر الكهالي

مع الله بانسير اصفوف بنهج الله باننهج
وفي الله الثقه كبرى ومنه نطلب الحاجه

سبيل الله منهجنا ودرب الحق درب أبلج
قلوا للحلف حرب الحق ماهي حرب مزغاجه..

*

#الشاعرابورعدالحيدري

الئ القران بانرجع وللايات نتفرج
وكل مؤمن وثق بالله والقران منهاجه ..

مع الله بانواصل فالمسيرة هي لنا المخرج
باذن الله با نتجاووووز الطاغوت وسياجه ..

*

الشاعر ابوغزوان الوحيشي

تضيق وكيفما ضاقت ومهما الوضع يتأجج..
مدام الله معانا كيف نخشى من تإجّاجه..

ثقة بالله منها ريحة النصر اليماني عَج..
مع ابن البدر لو يبغى نخوض البحر بأمواجه...

*

#محمد_مفلح

من اتوكل على الله فاز والواقع له اتبرمج
يسخّر له جميع الكون ويسهل له الحاجه

صنعنا المعجزة بامره وطورنا به المنتج
ولا فاد العدو قدامنا ميجه وميراجه..

*

أسامة الجنداري

وهذه مرحلة تمحيص فيه الراسيات ترتج
وكل لأرض تتزلزل وموج البحر هياجه

بنهج بانثبت ، وبعد الليل صبح أبلج
وهدي الله والايمان نور القلب وسراجه..

*

أبو العباس مفلح

مع الرحمن ما غيره على نهج الهدى الابلج
يكون النصر والتمكين ذي نطلب ونحتاجه

ونتحمل امانه ربنا من دون نتحجج
إلى الميدان ما نخشى فلول الكفر وافواجه

*

الشاعر احمد درهم المؤيد

بجاه المصطفى (يارب) وفقني وفضل الحج
رضاك ورحمتك والمغفرة ياقاضي الحاجة

إليك احفاد (الانصار) أقبلت من كل صوب وفج
بعونك تجبر (الطاغوت) يتراجع الى ادراجه

*

#الشاعرعبدالباري_عبيد

لربك عود وارجع يارفيق الحال لاتحرج
فمن يمسك بحبل الله ماله في البشر حاجه

وفي ساح الوغاء دك المنافق رُج حلفه رج
وبالله انطلق فوق العدو كي تنسف ابراجه

*

الشاعر أحمد الخاشب

ولا ملجأ ولا مخرج إذا هاج الزمن واغتج
سوى عودة حقيقية إلى الله قاضي الحاجة..

ومن جادل في أهل البيت واعلام الهدى واحتج..
كمن جادل رسول الله وقد همّوا بإخراجه..

*

ابو هاجس الشاعرمحمد الراعي

إلهي كلما ضاقت دعيتك والكرب تُفْرَج
ولاغيرك دعيت يارب وانته تقضي الحاجه

مجاهد في سبيلك ضد من كذّب ومن روّج
وواليت النبي والآل من ساروا بمنهاجه..

*

ابوعلي البريهي

:

مع الله والنبي والآل شعبي للخيول أسرج
جهاد جهاد نعلنها على الشيطان وأعلاجه

معك ياسيد الأحرار نور الله لي يلهج
على أمريكا وإسرائيل وابن سعود ونعاجه

*

ابوعزالدين الشمسي

سلكنا درب آل البيت والقرآن لنا منهج
وعادينا يزيد العصر واذنابه وحَجّاجَه!!

تعاهدنا مع ابن البدر ندخل فاتحين ونحج
ووعد انصار ربي دين رجال سيول ثجاجه..

*

عبد القدوس الصباحي

دعينا الله ذي بالنصر قلوب المؤمنين أثلج
هو اللي في رخا او سلم دائم سوف نحتاجه

يثبتنا علا دينه ويجعل لليمن مخرج
ومن يرجع إلئ الباري يهيىء كل مااحتاجه..

*

شاعر بلاد الروس

وثقنا باالله القادر وباالقران لنا منهج
تعدينا خطوط العقل والمعقول وامشاجه

سرينا في سبيل الله والباري لنا توّج
بعون الله باننهي ولد سلمان وابراجه

*

ابو ثائر الهمداني

عظيم الشان مولانا ونور الحق قد سرّج
ومنهو في رضا الله مايهمه كلشي واجه

إليه الملتجا وحده معه نمشي و نتدرّج
وحلف الشر متلبج ويا ما أكثر تلبّاجه..

*

حسن السعيدي

مع الله عزنا دايم وبه والله ما نحرج
ومنهو في طريق الله ماله فالبشر حاجة

كفى بالله ياشعبي ولو ذا الكون كله ضج
بعونة نصرنا مضمون على الباغي وميراجه

*

ضيف هجوان حساب بديل

من اتوكل على

رب السماء لابد له مخرج
ولاغيره احد يقدر يقضي للبشر حاجه..

طلبناالله يفرجها ويصلح كل