Алҳамдулиллаҳ. Вассолату вассаламу ала расулиллаҳ.
Аллоҳ таоло дейди: "Бас нафсга фужурини ва тақвосини билдирди. Батаҳқиқ, ким уни покласа, нажот топур. Ва батаҳқиқ, ким уни кирласа, ноумид бўлур". (Шамс сураси, 8-10-оятлар)
Гуруҳ ўрганадиган мавзу мана шу оятлар кўрсатмаси бўлади. Яъни, нафснинг фужур ва тақвоси нима экани, уни поклаш қай йўсинда бўлиши ва унинг кирланиши, ҳамда бундан сақланиш йўллари асосий масала бўлади. 
Бунда биз Ибн Атоуллоҳ Сакандарийнинг ислом оламида севиб ўқиладиган "Ҳикматлар"ини енгил шарҳ билан, имом Қушайрийнинг "Рисола"ларини озроқ изоҳ билан ва имом Ғаззолийнинг "Эҳё"ларидан "Қалб ажойиботлари" китобининг таржимасини сиз азизларга тақдим этишни кўзлаганмиз.
Шунингдек руҳий тарбияга оид айрим фикрларимизни ва бу тарбиянинг самарали бўлишини таъминлаш мақсадида "Енгил фиқҳ" номи ила шариатнинг ибодатга доир ҳукмларини саҳифада эълон қилмоқчимиз.

Бу йўлда Аллоҳнинг тавфиқидан умидвормиз.

☪https://tttttt.me/UniPoklaganNajotTopur

Қалбимизни поклаш учун энг муҳим қадам.
Аллоҳ Шайхимиздан рози бўлсин.

007. Кимни ғафлат ўлдирган бўлса, бахтсизлигу-балолар унинг кўзини очолмайди. Чунки ақли ноқис аёл, боласи ўлганда ҳам тиржайиб туради. Шунга ўхшаб сен ҳам тун намозидан ва кундуз рўзасидан четда қоласан, лекин озорланмайсан. Бу ҳолат қалбингнинг ўлиб қолганидан пайдо бўлади. Чунки тирикка тикон кирса озорланади, ўликни пичоқ билан қиймаласа ҳам сезмайди. Демак сенинг қалбинг ўлибди.
Шундай бўлса, ҳикмат мажлисларида ўтиргин. Чунки уларда жаннат неъматларидан тортиқлар бор. Уларни йўлларингда, ҳовлингда ва уйингда топасан. Ушбу мажлислардан қолиб кетмагин. Агар маъсият устида бўлсанг ҳам: "Мажлисга ҳозир бўлишимдан не фойда? Гуноҳкор бўлсам, гуноҳни тарк этишга кучим етмаса", демагин. Балки камончи отиши керак. Нишонга бугун тегмаса, эртага тегади.

Ибн Атоуллоҳ Сакандарий роҳимаҳуллоҳ

☪https://tttttt.me/UniPoklaganNajotTopur

008. Кимнинг гуноҳи шаҳватдан бўлса, унинг тавбасидан умид бор. Кимнинг гуноҳи кибрдан бўлса, бундан қўрқгулик. Чунки Одам шаҳват ортидан гуноҳ қилдилар, шу сабаб кечирилди. Шайтон эса кибрланган ҳолда осий бўлди, шу сабаб лаънатланди.

Суфён ибн Уяйна роҳимаҳуллоҳ
---
Изоҳ:
Шаҳватдан бўлган гуноҳ - бир нарсага қизиқиш ортидан бўладиган гуноҳ. Аёлларга, мол-дунё йиғиш, фаровон яшашга қизиқиш ва бола-чақага муҳаббат қўйишлар сабабли қилинган гуноҳлар бунга мисол бўлади.
Кибрдан, яъни ўзини катта олишдан бўладиган гуноҳларга эса мутаккаббирлик, ҳасад, ғазаб, кўролмаслик, риё, ужб каби маъсиятлар мисол бўлади.

☪https://tttttt.me/UniPoklaganNajotTopur

009. Абу Ҳозим бозорда мевалар олдидан ўта туриб, улардан егилари келди. Шунда: "Сен билан жаннатда учрашамиз", деб ўтиб кетдилар.

010. Динда тортишув қалбни қаттиқлаштиради ва адоватни пайдо қилади.
---
Ҳеч қачон бировнинг хато этишини хоҳлаб мунозара қилмадим.

Имом Шофеъий роҳимаҳуллоҳ

011. Кўзингизни ёшга ва қалбингизни тафаккурга ўргатинг.

Абу Сулаймон Дороний роҳимаҳуллоҳ

012. Қалб давоси қуйидаги беш нарсададир: Қуръонни тафаккур билан ўқиш, очқаган қорин, тун намози, саҳардаги тазарруъ ва солиҳлар билан ҳамсуҳбат бўлиш.

Яҳё ибн Муоз роҳимаҳуллоҳ

013. Илоҳо..
Сенсиз кечган ҳар бир фараҳ зоилдир^.
Сендан ўзга ҳар бир бандлик ботилдир.
Сурур Сен биланла сурурдир.
Сенсиз бўлган сурур зур ва ғурурдир^^.

"Алкалимут тоййиб"дан
---
^ Кетувчи ва йўқ бўлувчи
^^ Ёлғон ва алдов

☪https://tttttt.me/UniPoklaganNajotTopur

014. Уч хислат қалбни қотиради: Кўп ейиш, кўп ухлаш ва кўп гапириш.

Фузайл ибн Иёз роҳимаҳуллоҳ

015. Сўфий ерга ўхшайди. Унга ҳамма ёмон нарсаларни ташланади. Ундан еса ҳамма яхши нарсалар чиқади.

Низар Ҳаммадий

016. Ҳилол ибн Хаббоб айтадилар: "Мен Саъид Жубайрга: "Одамлар ҳалок бўлишининг нима аломати бор?", дедим. У киши: "Ораларидан уламоларининг кетиши", дея жавоб қилдилар.

017. Яқинлар диёри ва маҳбублар қабрини кўришдан ҳам таъсирлироқ насиҳат бормикан? Билингки, кунлар ўтиб сиз ҳам улардек бўласиз. Сўнг сиз энди ибрат олмайсиз, балки сиздан ибрат олишади.

Шайх Абдураҳмон ибн Жавзий роҳимаҳуллоҳ

☪https://tttttt.me/UniPoklaganNajotTopur