#جديد_ابوسيف_القيفي

ابوسيف المعنا ياهواجس@
هلمي نملا الدنيا قوافي

نقيم وضعنا الشوم المعاكس@
وبلواقع نكيله كيل وافي

عن اخبار المعارك والمتارس@
وعن حال المقابر والمشافي

وعن رئيس في الدمام جالس@
وعن جمهور صار اشعث وحافي

وعن مارب وقادتها الاشاوس@
وشبوه ذي بها كمن سنافي

ونسال عن عدن خط التنافس@
وندرس وضع مذبح والخرافي

ونمقت عاصفة اذار مارس@
وسبتمبر وشوطيه الاضافي

هنا نكبات مافيها كوالس@
تجلت دون حاجه للمصافي

فهذا قد اتى بمجوس فارس@
وهذا جاب رعيان العجافي

دخلنا بعدهم في ليل دامس@
وسبع سنين ماشفنا عوافي

وهم واذنابهم بين القنادس@
ورغد العيش فيهم غير خافي

وجمهور السعيده صار يائس@
وظهره من حمول الجور سافي

وهدت جامعاته والمدارس@
وزادت فاقة الناس العفافي

واسند امرنا لاكل خايس@
في اوطان السعيده والمرافي


t.me/suhailt