عينيها في ليله الطويل زي التقول قِطعة نهار
أو زي كأنها نيل ونيل قاسمه القمر قمرين صغار
ريانة زي ورد الخَميل من كل ناحية تشِع نَضار
وأنا غايتو شايف مُستحيل ، الغُنية غيره تكوس مَدآر
-ست المكان - 💙

الحَبيب إن فات اليفوت
لا تقولي انا باكر بموت
الحيط هي الساتره البيوت
هِينو قلبك ، عِز النَفِس
أركز أخير
أركز إن بقى قلبك يئِس
وعُود هواك قِدامك يِبس
إن وَقع مقدورك أخير لا تخرب الموت بالرفِس

أنا في قلبي الوَجع تاويتو لكن طَفر
بي هِدم اليقين غطيتو أبا يدثر
كل ما أقول جِديول أفرآحي سال إتحدر
ألقى مياهو عَكراني ونكد تتقطر

يا ﻋﻨﻴﺪ ﻳﺎ ﺯﻭﻝ ﻣﺘﺎﻫﻪ
ﻳﺎ ﺍﻟﻤﻠﻴﺖ ﺍﺣﺴﺎﺳﻲ ﺁﻫﻪ
ﺇﻧﺖ ﻟﻮ ﻣﺎﻙ ﻋﺎﺭﻑ ﺍﻋﺮﻑ
ﺭﻳﺪﻱ ﻣﺎ ﻣﺤﺘﺎﺝ ﻧﺒﺎﻫﻪ
✺✺✺
ﻣﺎ ﺗﻔﻜِّﺮ ﻛﻴﻒ ﺗﺮﻳﺪﻧﻲ
ﻣﺎ ﺑﻘﻮﻟﻚ ﻳﻼ ﺭﻳﺪﻧﻲ
ﻭﺍﻟﻤﺸﺎﻋﺮ ﺍﻟﻤﺎ ﺣﻘﻴﻘﻪ
ﻏﻴﺮ ﻣﻮﺍﺟﻊ ﻣﺎ ﺑﺘﺰﻳﺪﻧﻲ
ﺷﻴﻼ ﻋﻨﺪﻙ ﻳﻼ ﺭﻭِّﺡ
ﻗﻠﺒﻲ ﺍﻭﻫﺎﻣﻚ ﺍﺑﺎﻫﺎ
✺✺✺
ﻣﺮﻩ ﺍﻟﻘﺎﻙ ﻛﻠﻤﻪ ﺣﺎﻧﻴﻪ
ﻭﻣﺮﻩ ﺍﻟﻘﺎﻙ ﺣﺎﺟﻪ ﺗﺎﻧﻴﻪ
ﻣﺮﻩ تغتر ﺯﻱ ﻛﺄﻧﻚ
ﻣﺎﻙَ ﻋﺎﺭﻑ ﺍﻟﺪﻧﻴﺎ ﻓﺎﻧﻴﻪ
ﺻﺤﻲ ﻧﻔﺴﻚ ﻭﻣﻦ ﻋﻴﻮﻧﻚ
ﺍﻃﺮﺩ ﺍﻟﻐﺒﺶ ﺍﻟﻌﻤﺎﻫﺎ
✺✺✺
كنت ﺗﻘسىﻭﺍﻧﺎ ﺍﻻﻗﺎﺳﻲ
ﺯﻱ ﺗﻘﻮﻝ ﺧﻠﻘﻮﻙَ ﻗﺎﺳﻲ
ﺑﻬﺪﻱ ﻟﻴﻚ ﺭﺍﺣﺔ ﺿﻤﻴﺮﻙ
ﻭﺍﻧﺖ ﺗﻬﺪﻳﻨﻲ ﺍﻟﻘﻮﺍﺳﻲ
ﻭﺍﺻﻠﻮ ﻃﺎﻝ ﻣﺎ ﺍﻟﺠﻔﻮﻩ ﺣﻠَّﺖ
ﻣﺎ ﻣﻬﻢ ﻫﻮ ﻣﻨﻮ ﺍﻟﺒﺪﺍﻫﺎ
✺✺✺
ﻓﻲ ﺍﻻﺧﻴﺮ ﺍﻟﻜِﻠﻤﻪ ﻫﻴﻠﻚ
ﻭﺍﻧﺖ خابر ﺿُﻞ ﻣﻘﻴﻠﻚ
ﻣﺎ ﺗﺨﺎﻑ ﺇﻥ ﺟﻴﺖ ﺣﺒﺎﺑﻚ
ﻓﻲ ﺣﺒﺎﺏ ﺍﻟﻌﻴﻦ ﺑﺸﻴﻠﻚ
ﺇﻧﺖ ﺑﺲ ﺣﺮِّﻙ ﻣﺮﺍﻛﺒﻚ
ﻭﺳﻴﺒﻬﺎ ﺗﻤﺸﻲ ﻋﻠﻲ ﻫﻮﺍﻫﺎ
...

ﺍﻧﺎ ﻣﻦ ﺷﺠﻮﻧﻲ..
ﺑﺎﻛﻴﺎﺕ ﻋﻴﻮﻧﻲ..
ﻳﺎ ﻧﺎﺱ ﺩﻟﻮﻧﻲ
ﻗﺎﺑﻠﺘﻮ ﻣﺮﺓ..
ﺍﻫﺪﺍﻧﻲ ﺯﻫﺮﺓ..
ﺩﻟﻴﻞ ﻭﻓﺎﻫﻮ
ﻭﻋﺪﻧﻲ ﺑﻜﺮﺓ..
ﺍﻭ ﺑﻌﺪ ﺑﻜﺮﺓ..
ﻟﻴﻪ ﻣﺎ ﺍﻭﻓﺎﻫﻮ؟
ﺍﻟﺒﻌﺎﺩ ﻗﺴﺎﻫﻮ..
ﺍﻟﺪﻻﻝ ﻧﺴﺎﻫﻮ..
ﺯﺍﺩﺕ ﺷﺠﻮﻧﻲ
ﻗﻠﺒﻲ ﺍﻟﻤﻌﺎﻫﻮ..
ﺃﺳﻴﺮ ﻫﻮﺍﻫﻮ..
ﻟﻜﻨﻮ ﻧﺎﺳﻲ
ﺯﺍﺩ ﻓﻲ ﺟﻔﺎﻫﻮ..
ﺍﻟﺮﻭﺡ ﻓﺪﺍﻫﻮ..
ﻣﻊ ﺍﻧﻮ ﻧﺎﺳﻲ
ﻳﺰﻳﺪ ﺃﻵﻣﻲ..
ﺍﻧﺎ ﺣﺒﻲ ﺳﺎﻣﻲ
ﻳﺎ ﻧﺎﺱ ﺩﻟﻮﻧﻲ
ﻛﻠﻤﺎ ﺍﺭﺍﻫﻮ..
ﺟﺎﻟﺲ ﺑﺮﺍﻫﻮ
ﻳﺰﻳﺪ ﺩﻻﻝ
ﺍﻗﻮﻝ ﺍﺳﻼﻫﻮ..
ﺣﺒﻮ ﻗﺴﺎﻫﻮ
ﻟﻜﻦ ﻣﺤﺎﻝ
ﺍﺳﻴﺐ ﺣﺒﻴﺒﻲ
ﺩﺍﺋﻲ ﻭﻃﺒﻴﺒﻲ
ﻣﻠﻬﻢ ﻓﻨﻮﻧﻲ

هنا الشغل يايمه قاسي
إنتظار ما عندو رحمة
الفراغ يايمه قاتل
كل شي بيناتو زحمة
البرد يايمه كافر
كم غريب ماضاقلو لُقمة
كم بيوت أنواره ظُلمة
يعني زيك بينا يودر
ضمه يتعب حالو يصعب
والمعايش قاسية يُمه ..💙

المجروح بنييين لامن يجيهو صباحو
والكايس الرزق عند الكريم مفتاحو
المسك شرع الله دايما في زيادة ارباحو
والطير ما بطير لو قصو ليهو جناحو

الفعل القبيح ما بودي لي قدام
والراجل الكلس ما بقاطع الارحام
البدور ارتاح واصبح في نعيم وسلام
يمسك نفسو وتقوى المولى صوم وقيام

📝
متوكل محمد الكاهلي

بخصوص انحياز فيسبوك لأسرائيل على حساب الفلسطينيين


الخطوات بسيطة جدا لرد الصاع صاعين لفيسبوك، ما عليك سوى الدخول إلى قوقل ستور (الرابط في الحالة الثانية) وعمل تقييم لفيسبوك بنجمة واحدة وكتابة تعليق يدين ويعترض على انحياز فيسبوك للكيان، هذه الخطوات ستجبر فيسبوك على تغيير معاييره التي تعتبر حق الفلسطينيين في الدفاع عن أنفسهم أرهابا.
وصل تقييمه حاليا 3.7 بعدما كان قبل يومين 4.2.
عندما يصل تقييمه إلى 1 سيقوم قوقل بحذفه تلقائيا من متجره، وهذا يعني خسارة مارك لمليارات الدولارات.

الآن عدد المقيمين هم 220 الف، نحتاج إلى حوالي 100 الف تقييم بنجمة واحدة حتى نصل به إلى مرحلة حذفه من متجر قوقل.

https://play.google.com/store/apps/details?id=com.facebook.katana

مرحب حباب اولادي الشباب
طرقت الباب قالوا لي حباب
نورتوا الطريق زلتوا الضباب
طلعتونا من الاسى والعزاب
العمر عدى والرأس شاب
زمن كان كله ملئ باﻻكتئاب
الجاي احلى ما تسجل غياب
🍒🍒🍒🍒🍒
ياشعبنا الغالي البطل
شعب التفاؤل والامل
انتو بقيتو مضرب مثل
زلتوا الحواجز والعلل
زلتوا الخمول والكسل
ريحة دعاش علينا طل
السحاب بغيومه هطل
الدمار سواقه اتعطل
ما لاقيلو مطارا ينزل
تاه ما عارف وين يقبل
اتبكم تجم صابوا الشلل
في كل تخطيطا فشل
ياهي دي ثورة ولدي
اللي فيها مفقود واتقتل
😭 😭 😭 😭 😭
سوداننا جايييك خيراً طمل
لا بتشال في قفة ولا قلل
يغمر الارض عطشانة البلل
يفرح الصغير صاحب العلل
جوعان، زمنا طويلا ما اكل
اخته من الالم دمعها هطل
جده المريض كاتم الزعل
علاجه غالي إلا يحصد البصل
امه كئيبة زوجها منها انفصل
الهم كتير غلب الصبر والطبيب
انت وانا نمشي سريع بعجل
نزرع الخير عشان نحصد الامل
هموا في التغيير نترك الحصل
🍇 🍇 🍇 🍇 🍇
انتو ناس خبرة في كل المهن
العمر بيعدي يلا نعمل للوطن
يلا ما نضيع زمن
قولوا ما عايزين تمن
ايوة ما عايزين تمن
#عشه عوض

يا بلد....

قدر البعرفو سويتلك حشايا غطا..
ومطيت روحي
مليون ميل
من الصبر اليقينو
رضا ..
وناضمت الليالى الفيك
هلاويس
مرة مرة قضا..
ومهما تعست ما هميت
من العمر العمارو مضى..
ندهتك غربتي ومأوي
مداري وودرتي ومدراي
وعن أسفي العليك مغبون
حنيني إليكا ديمة غضا..

دحين_ فوق ما يظن الناس
برغم تلاتل الوسواس_
جريت فوق عيوني نعاس..؟؟

دحين ...؟؟
نتلب من دوار فى خور..
ومن غرفة حزن لي خوف
ومن حرقة حنايا الجوف
إلى أقصى المظنات دور..
طوابق من عشم دائم
لامست السما المكشوف.
وكل ما نشوف
بصيص البسمة فى ذاتنا
يلاوى السوء ملذاتنا..
دا معقول يا حبيب الناس
يا هجعتنا
يا فجعتنا
يا وجعتنا
يا آخر رحيق فى الكاس.؟
معقول ياخ..
أغرب حاجة
نحن عمالقة إحساس..
بكل الفيكا من محنة
برغم تباين السحنة
نداوى جرحنا بملحنا
وقايدين الرسن أنجاس..
معقول يا شقي الطيبة
متين ما تنتهى الغيبة
نلاقى الغربة ترمى الساس..!!
....ويتبع

مشاركه

أقولها ليك 🍁❤
فكرته قلته اقولها ليك --💖بس خايفه تزعل منها
خايفاك كمان ترحل تفوت🚶 تقطع✂ معاك كل الوصال الكان بتوصل..... حنها
خايفه القلب يرجع وحيد 💔موجوع شديد 💘وتكون بعيد لا يقدر يوصل ليك سلام🖑 لا حتى أحوالك كمان يسأل عليك......كيفنها
تتباعد الاحلام سراب وتضيع معاك كل المشاعر الكنا ليك مالكنها 🔐🔓
وريني يا قلبي الأليم طيب شنو الراجينها💁
كده ما بضيع قدام عيني😨
على كل حال الفرقه دام خايفين نكون شايلنها ؟!احسننننن
نبادر بي الوداد ترتاح من الجواكا تب تفضا اللي كان زاحمنها💭
طاوعني مره وقولها خير يمكن قليبو بيشبهك 💕
يطلع كمان محتار يقوليك ياخ بريدك بعشقك 🙈
اتخيل الاحساس وصل 😄خليني مره اقولها ليو 😢اصلو الندم ما بينفعك 😷
انا تاني ما بحمل سكات🤐 يا اما اكتمل النصيب💙 يبقالك الروح والحبيب 💑يا اما سافر وودعك 👋
الخوف شهق 😖قررت إني اقولها ليك 😌واسممعك 🔈
والله بريدك يا مناي بالجد بريدك وبعشقك ☝
اناااااا بعشقك 😍🔐💕

بقلم Soha Adam

مشاركه


الزول البريد م اظن يجاااافي رفيقو
والمشتاق دوااااااام باللقيا ينبل ريقو
الداااايما عبوس م بتعرف في ضيقو
والم بريد لقاك اوعاك تمر في طريقو

اوعاااك يوم تلين للفارغه والممنوعه
واوعاك من سماع الديمه بتغز كوعه
الماسكو الضعف م اظن يحس بالجوعه
واحزر من قريبك يوم ترمي دموعه

القاااااااااصد ازاك اوعاك من تسمحلو
والعاتب جفااك ملزوم عليك تشرحلو
الكااايس العسل لابد يضوق لي نحلو
والم عاجبو فرحك اوعي من تفرحلو

صلي دوام وخلي المولي يرضي عليك
كافح لي رضاااااهو الفوق رضا والديك
انسي الكان زمااااااان بالفارقه بيناجيك
وخلي المولي يحكم وين طريقو مشيك

Adila_Adil

فلسطين
فلسطين تصرخ تان من الألم
اتدمرت صبحت حطام مثل الفحم
غارات كثيفة تقذف من غير فهم
سواد دخان غطى السحاب الأصم
سالت دماء بشر من ناسا عجم
الأم تنوح ضمت صغارها بالهدم
صرخة من تحت الحطام ارحمنا
ياذا الكرم
لا فرحة طلت لا طفل ابتسم
حزنا أليم للدنيا مازايقبن طعم
يا مسلمين أنقذونا زيلوا السقم
يارب أبعد العدو ارميو رماد
ارميو لحم
يا ودود ارحمنا يا خالق الروح
من عدم
عائشة عوض

امي الغالية
حليل امي الغالية رحلت من دنياي
ودعت سافرت خلاص خلتني برأي
منو الغيرها بكلمني ويسمع شكواي
منوالغيرها بشيل همي ويزيل بلواي
كذاب من يقول يفهمني ويعرف الجواي
لو ضاقت علي الدنيا دعواتهاديما معاي
حليلها شجرة الضل نور عيني وسلواي
لكن الضل اختفى خلاني للشمس الكواي
حرقت بنيرانها ولهيبها قلبي وحشاي
حليل امي وحليل امي القمر الضواي
حليل اللمة والنمة مع القهوة و الشاي
عايزاك تحميني من الزمن القاسي ما رضاي
بصدرك تضميني و تمسحي دموع عيناي
من بعدك كم شفت العذاب وانحلت قواي
كم خففتي المي كم شلتي تعبي وشقاي
ما كملتي مشوارك انالسه ما حققت مناي
بعفوكي ورضاكي أن شاءالله الجنة مثواي
يرحمك رب العباد يا الرحلتي من دنياي
يا الرحلتي من دنياي يا الرحلتي من دنياي
😭😭😭😭😭😭
عشه

ﻧﺤﻨﺎ ﻟﻤّﺎ ﺍﻟﻌﻴﺪ ﻳﺠﻴﻨﺎ..✨
ﻭﺗُﻌﻠﻦ ﺍﻟﺪﻧﻴﺎ ﺍﻟﺴﻌﺎﺩﻩ..
ﻧَﻌﻠﻦ ﺍﻟﺤُﺐ ﻭﺍﻟﺘﺴﺎﻣﺢ
ﻭﺍﻟﺘﻮﺍﺻﻞ ﺩﻭﻥ ﺣﻴﺎﺩﻩ
ﻧﻨﺴﻰ ﺣﺰﻥ ﺍﻟﻤﺎﺿﻲ ﻛﻠﻮ
ﻭﻧﻤﺴﺢ ﺍلذﻛﺮﻯ ﻭﻋﻨﺎﺩﻩ
ﻭﻳﺒﻘﻰ ﺑﻴﻨﺎﺗﻨﺎ ﺍﻟﺘﻮﺍﺩﺩ
ﻫﻮ ﺍﻷﺳﺎﺱ ﻭﺍﻟﻌﻴﺪ ﻋﺒﺎﺩﻩ...
🤍🤍🤍🤍🤍🤍🤍🤍🤍🤍🤍🤍🤍🤍🤍🌸!!

ريده..
*
ورده بتعكس ريحتك فينا
وتاخد من احساسنا الدهشه
وتسكن شوقنا الساكن فيكي
وتقاسمينا معاه الرعشه
ايدنا وايدك اكيد بنعدي
ونبني العش والعش من قشه

*

واتلاقينا قبل نتشاوف
في أعماقنا غرام اتجلى
شايل من افراحك شوقو
شبع كل أطراف الحله
وانتي مقامك عالي وفوق
وحتى القمره عليك تدلى

***

اكيد بنحبك فيكي شويه
وانتي النسمه ونسمه عليله
وانتي الروح والعقل الخاطر
واصلو حكاية الريدة طويله
وما بنبدل ريدك ابدا
الا كمان غالبانا الحيله

شبّهتك ل ملامح زول ...
لا ...
شايف كيف من اول جمله لخبطت القول ...
ولسه الدهشه قدام عينيك ماابيه تزول ..!؛
معقول يا زول ؟؟!
معقوله تشتت ثبات الكلمه ..
و تلخبط احساس الريده و تفكيرنا يطول
وانا ما قاصده شبّهتك ل ملامح زول
انا قاصده أقول ..
بقيت شايفاك كتير
في كل مكان و في كل زمان ...
مستوطن ملامح الغير
وعلى طول شاغل التفكير
و حتى الكلام قدام عينيك عايز تحضير
و بعد التفكير و كمان تحضير كلامي بطير
واتلخبط وفي الصباح تطلع مساء الخير 🌚
ويااخ الدهشه تطير 😑💔
طيب دقيقه انا عندي سؤال ليك بالتحديد
كيفن قدرت تجّمع اشعه الحب وتكون بؤره ريد 💜
كيفن قدرت تكون لمه أصحاب ...
و بهجه أحباب ..
وإحساس ينساب في شكل قصيد
كيفن قدرت تكون كل الأمآل ...
و حجا الأطفال ....
و فرحه فال...
وفي وصفك احترت شديد
لا بتوفيك كلمات ...
لا قصيد ... لا ابيات ...
لا غنا و رنات ...
ولا حتى سيد الريد 😂💜
لأنك انت الريد وكل الريد ..و بيك الريد ...
وياااا زول يا عيد انا ليك بريد 🙈❤

أعاين ليك♥✨
ألاقي معاي مدن مشدودة لشوفتك 🎶
تقاسم قلبي في ريدتك 🧡
ونتغالط
منو الأكتر بريد عينيك🎶✨
منو الأدمن سماع صوتك
وأباري هواي 💔
ألاقي الغلبة لي قلبي✨
عشان ريدك سكن جوواااي 🎶♥💕 أعاين ليك♥✨
ألاقي معاي مدن مشدودة لشوفتك 🎶
تقاسم قلبي في ريدتك 🧡
ونتغالط
منو الأكتر بريد عينيك🎶✨
منو الأدمن سماع صوتك
وأباري هواي 💔
ألاقي الغلبة لي قلبي✨
عشان ريدك سكن جوواااي 🎶♥💕

الريــد بـي الـريـد💜🌸و الهـم بـي الهـم💜🌸وأنا جيـــت أجــرد💜🌸هو حســابك كـم؟💜🌸فاتـــورة الـريــد💜🌸مليـــانه شــديد💜🌸مكتـوب في القيد💜🌸إما التـســـديــد💜🌸أو لا ينـــتـــــــم💜🌸و أنا جيـت أجــرد💜🌸هو حســـابك كم💜🌸أنا شِلــت هــموم💜🌸جـــافيت النــــوم💜🌸و بقيــت كل يــوم💜🌸أصـبــح مهمـــوم💜🌸و أشــعر بي الغـم💜🌸وأنا جيـــت أجــرد💜🌸هو حســابك كـــم💜🌸هل عِشت أوهــام؟💜🌸أو شـــــفــت آلام؟💜🌸عُمـــرك حـســيت 💜🌸بي شـــوق و غرام؟💜🌸أو جاك إحساس انك تهتم💜🌸وأنا جيــــت أجـــرد💜🌸هـو حســابك كـــم؟💜🌸الحـــب إحســاس💜🌸ســـلوي وإينـــاس💜🌸في قـلوب النــاس 💜🌸زي الصندل💜🌸 يوم يلقي الفاس💜🌸عطـــــرو بينشّــم💜🌸و أنا جيت أجـــرد💜🌸هو حســابك كـــم💜🌸الريــد بـي الـريـد💜🌸و الهـم بـي الهـم💜🌸وأنا جيـــت أجــرد💜🌸هوحســابك كم💜🌸

محمد الفكي ناجح ما هو فاشل
الرجل العظيم ابدآ مو ساهل
واعي لكل شيء ما هو جاهل
صابر صامد للحق مناضل
من اجل الوطن وشعبه الباسل
ع.ع