لو اقول مشتاق والله
كلمه الشوق ما بتكفي
والشعر المكتوب عشانك
لا بيكفي ولا بيوفي
كم قصيده انا ليك كتبتا
فيها بان الشوق في وصفي
ارحميني وزوري مره
نظره منك بس بتشفي
لو اقول مشتاق والله
شوقي عاد ما عندو آخر
ديمه بشتاق لي عيونك
وكل يوم انا فيها ساهر
اصلي ما بخفيهو شوقي
وديمه بيهو انا ليك بجاهر
انت حني تعالي مره
لي قليبي اديهو خاطر

كم سنين عديتا تايه
في عيونك وفي جمالا
وكم قصايد قلتا فيها
واصلو ما لاقيت مثالا
ديمه بشتاق ليها واكتب
اوصف افعالا وخصالا
بس اريتو تجودي مره
وما تقولي لي قلبي لالا

انت زيدي الشوق عليا
برضي فاضل ليك صابر
وافضل انتظر اتصالك
وانتظر لو حتي اساهر
وبسال الله يحن قليبك
وفي حياتي تجيني باكر
بيك بشوف الدنيا جنه
ولي قليبي تجبري خاطر

يا جميل انا جد بريدك
ومن زمان ادمنت ريدك
وأصلي شدة ما بريدك
حتي شريان قلبي زاتو
بحسو منساب من وريدك
القليب احساسو عندك
والفكر اصبح شريدك
والحروف إلهامه منك
وكلي غرقان في قصيدك
الجمال الفيك خرافي
وما اتخلق في الكون نديدك
ومهما اكتب فيك قوافي
ما بجيد اوصافو جيدك
في نهاية قولي ليكا
يالجدي الضارب هويدك
لا بخليك لا بسيبك
والله عالم بّي بريدك

عايزين نعيش
عايزين نعيش على الأمل والتوكل
الساقية تعمل بعد ما أصيبت بالشلل
رزازها كثيف يغمرالارض بالبلل
يا ناس سوداننا اصيل امره ح يتذلل

سوداننا
سوداننا جاييك خيراً طمل
لا بيتشال في قفة ولا قلل
يغمر الأرض عطشانة البلل
يفرح الصغير صاحب العلل
أمه كئيبة زوجها منها اتفصل
أخته من الألم دمعها هطل
جده المريض ديما كاتم الزعل
علاجه غالي إلا يحصد البصل
الهم كتير غلب الصبر غلب الأهل
إنت وانا نمشي سريع بعجل
نزرع الخير شان نحصد الأمل
نشرع في التغيير ننسي الكان حصل
بلدنا أصيلة ننشلها من الوحل
انتو عارفين حمدوكنا ما فشل
بس كان يدبر يخطط بمهل
عايزين صبر عليو ما نستعجل
حمدود في الغمة حمدوك البطل
🍇🍇🍇🍇🍇
عائشة عوض

م تستسلم يوم لي حزنك🌸اضحك ساي ان شاء الله مضرة🌸وانسى هموم الدنيا وكافح🌸 تلقى دروب البسمه مجرة🌸نضف قلبك وسامح وصافح🌸 وخلي دواخلك اساسا مسرة 🌸ياما بكينا وياما
تعسنا 🌸ويااها الدنيا ماشه ومستمرة🌸ما معقوله عشان احزانك تنسى مشاعرك🌸 وتبقى الفرحه ف قانون مضرة🌸اشرح صدرك وعمق فكرك🌸 وارمي حزنك الجواك برة🌸ياها حياتنا وياها الدنيا🌸 م بتتغير لو كشرنا🌸 ياخ استغفر وعيش اللحظة🌸 م نحنا ضيوف وح نعيش بس مرة🌸🎐💕

ﻋﺪﻡ ﺍﻟﻘﺮﺵ ﻭﺍﻟﻠﻪ ﺟﺪﺁ ... ﻗﺎﺳﻲ
ﻭﻋﺪﻡ ﺍﻟﻘﺮﺵ ﺟﺎﺏ ﻟﻲ ﺃﻟﻢ ﻓﻲ ... ﺭﺍﺳﻲ
ﺩﻋﻴﺘﻚ ﻳﺎ ﻛﺮﻳﻢ ﺗﺪﻳﻨﻲ 6 ... ﺑﻜﺎﺳﻲ
ﺍﻧﻔﻊ ﻧﻔﺴﻲ ﺍﻭﻝ ﺛﻢ ﺍﻧﻔﻊ ... ﻧﺎﺳﻲ
ﻋﺪﻡ ﺍﻟﻘﺮﺵ ﺧﻼﻧﻲ ﻳﺎﺍﺥ ... ﺣﻴﺮﺍﻥ
ﻭﻋﺪﻡ ﺍﻟﻘﺮﺵ ﺟﺎﺏ ﻟﻲ ﻟﻮﻡ ... ﺟﻴﺮﺍﻥ
ﺩﻋﻴﺘﻚ ﻳﺎ ﻛﺮﻳﻢ ﺗﺄﺷﻴﺮﺓ ﻟﻲ ... ﻋﻤﺎﻥ
ﺍﺭﺗﺎﺡ ﻓﻲ ﺣﻴﺎﺗﻲ ﻭﺍﺭﻛﺐ ... ﺍﻟﺘﻮﺳﺎﻥ
ﻋﺪﻡ ﺍﻟﻘﺮﺵ ﺟﻨﻨﻲ ﻳﺎ ... ﺳﺎﺩﺍﺗﻲ
ﻭﻋﺪﻡ ﺍﻟﻘﺮﺵ ﺯﺍﺩ ﻟﻲ ﻳﺎﺍﺥ ... ﺍﻫﺎﺗﻲ
ﺩﻋﻴﺘﻚ ﻳﺎ ﻛﺮﻳﻢ ﺗﺴﻌﻴﺪﻧﻲ ﻳﺎﺍﺥ ﻓﻲ ... ﺣﻴﺎﺗﻲ
ﺍﺭﺗﺎﺡ ﻓﻲ ﺣﻴﺎﺗﻲ ﻭﺍﺭﻛﺐ ... ﺍﻟﺒﻮﻏﺎﺗﻲ
ﻣﻨﺎﻱ ﻓﻲ ﺍﻟﺪﻳﻨﺎ ﺍﺭﻛﺐ ﻳﺎﺍﺥ ﺍﻱ ... ﺣﺪﻳﺪﺓ
ﺗﻜﻮﻥ ﺟﻤﺒﻲ ﺍﻟﻤﺪﺍﻡ ﻓﺮﺣﺎﻧﺔ ﻭﺍﻣﺴﻚ ... ﺇﻳﺪﻩ
ﻭﺍﻭﻻﺩﻱ ﺍﻟﻜﺘﺎﺭ ﻣﻠﻤﻮﻣﺔ ﺟﻤﺒﻲ ... ﺳﻌﻴﺪﺓ
ﺷﺎﺣﺪﻙ ﻱ ﻛﺮﻳﻢ ﺗﺪﻳﻨﻲ ﺍﻱ ... ﺣﺪﻳﺪﺓ

وسخ الضـــمير ما زي الارض بــتكنس
والناقص يمين دا البي العروض بتونس
تربـــايه الحـــريم تــلقاهو ديمه مفنس
التلـــج في المــويه مع الزمن بتجنس

اخوك ان غِلط وفي يوم عليك إتفسل
اعفــاهو ان جــاك اعــتزر و اتــوسل
واديك كلاماً دغري وما بجيبو مرسل
كعب وسخ الضمير وسخ الهِدم بتغسل

مجادعة بين الطويلة والقصيرة 😂😂

ﺍﻟﺴﻨﻔﻮﺭﺓ ...
ﻃﻮﻳﻠﺔ ﻭﻣﻜﻌﻮﺟﺔ ﻭﺍﻟﺮﻛﺐ ﻣﻔﺘﻮﻟﻪ
ﺯﺍﻱ ﺍﻟﻨﺎﻗﺔ ﺗﻤﺸﻲ ﺑﺎﻟﻄﺮﻳﻖ ﻣﻤﻬﻮﻟﺔ
ﻱ ﺳﺠﻢ ﺍﻟﺴﺠﻢ ﺍﺻﻠﻮ ﻡ ﻣﻌﻘﻮﻟﺔ
ﻋﻴﻨﻚ ﻧﺎﻋﺴﺔ ﻳﺎﺥ ﺗﻘﻮﻝ ﻣﺴﻄﻮﻟﺔ
ﺍﻟﻄﻮﻳﻠﺔ ....
ﻱ ﻧﺺ ﺍﻟﻤﺘﺮ ﺍﺣﻜﻲ ﺷﻦ ﺑﺘﺪﻭﺭﻱ
ﺍﺻﻼ ﻭﻳﻨﻚ ﺍﻧﺖ ﻭﺍﻟﺠﻤﺎﻝ ﻣﻘﺪﻭﺭﻱ
ﻟﻮ ﺍﻟﺼﻮﺭﺓ ﻋﻨﺪﻙ ﻭﺍﺿﺤﺔ ﻑ ﺍﻻﺳﺘﻮﺭﻱ
ﻡ ﺷﺎﻳﻔﻚ ﺍﻧﺎ ﻱ ﻋﻠﺒﺔ ﺍﻟﺴﻤﺪﻭﺭﻱ
ﺍﻟﻘﺼﻴﺮﺓ ...
ﻗﺎﻟﻮ ﺍﻟﻘﺼﻴﺮﺓ ﺩﺍﻳﻤﺎ ﻗﺮﺽ ﺩﻟﻮﻋﺔ
ﺳﻨﻔﻮﺭﺓ ﻭﻛﻴﻮﺕ ﻭﻛﻠﻤﺘﻬﺎ ﺍﻟﻤﺴﻤﻮﻋﺔ
ﻡ ﺯﻳﻚ ﺍﻧﺖ ﻱ ﺍﻡ ﺧﻤﺞ ﻣﻘﻄﻮﻋﺔ
ﻭﻳﻦ ﺍﻟﻔﺮﻕ ﺑﻴﻨﻚ ﻭﺑﻴﻦ ﺟﻤﻮﻭﻭﻋﺔ
ﺍﻟﻄﻮﻳﻠﺔ ..
ﺍﺻﻠﻮ ﺍﻟﻄﻮﻝ ﻫﻴﺒﺔ ﻭﻣﻼﻥ ﺃﻧﻮﺛﺔ
ﻭﺍﻟﺒﺖ ﺍﻟﻘﺼﻴﺮﺓ ﻭﺍﻟﻠﻪ ﺑﺲ ﺑﺴﺒﻮﺳﺔ
ﻭﻳﻨﻚ ﻱ ﺍﻡ ﻟﺴﺎﻥ ﺍﻟﻠﻴﻠﺔ ﻭﻳﻦ ﻣﺤﺒﻮﺳﺔ
ﻱ ﻭﺻﻠﺔ ﺍﻟﺸﺎﺣﻦ ﻡ ﺃﻇﻦ ﺗﻜﻮﻧﻲ ﻋﺮﻭﺳﺔ
ﻛﻴﻒ ﺑﻼ ﺍﻱ .. ﺍﻫﺎ بتقيف ﻣﻊ ﻣﻨﻮ.....

& #الهنباتي &

ابوي سيد الرجال من الحلال ربانا
ابوي البي حنانو روانا تب عمانا
ابوي اخلاقو عاليه وما حصل زلانا
سائلك يا كريم تديهو اعلا مكانا

ابوي سيد السماح ما انذكر بي شينه
ابوي قليبو كبير دايما طبايعو حنينه
ابوي بضحك ليك حت لو مشاعرو حزينه
ابوي بريدك يوت ويا يابا تسلم لينا
#ودالشرق

ﻛﻴﻒ ﺍﻣﺴﻴﺘﻲ ﻳﺎ ﻳﻤﻪ؟
ﺃﺭﻳﺖ ﺍﻟﻌﺎﻓﻴﺔ ﻋﻨﻮﺍﻧﻚ
ﺃﺭﻳﺘﻚ ﻃﻴﺒﺔ ﻳﺎ ﺃﻣﻲ
ﻭﺃﺭﻳﺖ ﺍﻟﺼﺤﺔ ﻓﻨﺠﺎﻧﻚ
ﺑﺮﺳﻞ ﻣﻦ ﺑﻌﻴﺪ ﺷﻮﻗﻲ
ﻭﺑﻌﺮﻑ ﺷﻮﻗﻲ ﻋﻨﻮﺍﻧﻚ
ﺑﺮﺳﻞ ﻟﻴﻚ ﻛﻞ ﺍﻟﺤﺐ
ﺷﺒﻪ ﻋﻄﻔﻚ ﻭﺗﺤﻨﺎﻧﻚ
ﻭﻟﻤﺴﺔ ﺇﻳﺪﻙ ﺍﻟﺤﺎﻧﻴﺔ
ﺑﺘﺮﺳﻢ ﻓﻴﻨﻲ ﺃﺷﺠﺎﻧﻚ
ﺑﺪﻭﺭ ﺃﺳﻤﻊ ﺩﻋﺎﻙ ﻳﻤﺔ
ﻭﺗﻘﺮﻱ ﻋﻠﻲ ﻗﺮﺁﻧﻚ
ﺗﺤﺼﻨﻲ ﻓﻴﻨﻲ ﻳﻮﻣﺎﺗﻲ
ﻭﺗﺰﺭﻋﻲ ﻓﻴﻨﻲ ﺇﻧﺴﺎﻧﻚ
ﺗﻌﻄﺮﻳﻨﻲ ﺑﻲ ﺃﻧﻔﺎﺳﻚ
ﻭﺗﻀﻤﻴﻨﻲ ﻟﻲ ﺃﺣﻀﺎﻧﻚ
ﺃﻗﺎﻟﺪﻙ ﺯﻳﻦ ﻳﺎ ﻳﻤﺔ
ﺃﻗﺎﻟﺪ ﻓﻴﻚ ﺇﻳﻤﺎﻧﻚ
ﻭﻃﻴﺒﺔ ﻗﻠﺒﻚ ﺍﻟﻨﺎﺻﻌﺔ
ﺑﻴﺎﺿﻚ ﺃﺯﻫﻰ ﺃﻟﻮﺍﻧﻚ
ﺳﺎﻟﺖ ﺍﻟﻤﻮﻟﻰ ﻳﻐﻔﺮ ﻟﻴﻚ
ﻳﺰﻳﺪ ﺣﺴﻨﺎﺗﻮ ﻣﻴﺰﺍﻧﻚ
ﻭﻳﺤﻔﻈﻚ ﻟﻴﻨﺎ ﻳﺎ ﻳﻤﺔ
ﻳﻌﻠﻲ ﺩﻳﻤﺔ ﻣﻦ ﺷﺎﻧﻚ

سلام عليكم وسنه سعيده عليكم

بين السعوديه واب حراز والدندر

ابوطه

ببكيك طيلة أيامي وعليكي بنوح
لامن مني عزرائيل يشـــيلا الروح
يابت البدارتن في البــطانه مروح
بعدك قلبي بيخمد والكبد بتسوح

ود الخاويه
بركة الاوليا الدرسو الـكتاب واللوح
يتعافي الفواد الجرحو بات مملوح
كان ماحظي من ماقمت كُج وكلوح
مالي ومالو عشق البي نواجلو بلوح

طلال عماد
قلبي النارو لا بــــــــــــتبرد ولا بتروح
عارف حظو في ريد الحسان مسنوح
فرع المحلب المن هبة نسيـــمو بموح
ايه خلفلي غير دمعه و نبيح وجروح

ابو طه
اللون جسمو بيلصف وند عبيرو بفوح
راقد منهني وانا في ام لهـيب مطروح
أكان ببقالي بي قارح عــــنانيف شوح
هسع بصلو مابيحـجزني طـوفان نوح

ود الخاويه
الاماتو بي جيهــــــــــــــة اللتيمه مروح
شاغل فكري قاسم قلبي سارحو سروح
الما تاقا لي الناس من عـــــوالي صروح
نهملو الهي والاقـــــطاب قباب وضروح

طلال عماد
الاوفيتلو بي الدم والدمــــــــع والروح
وين ما حلَّا زي ورد الخمــــــيله بفوح
الفي وصفو ما لاقيه الفطاحـله شروح
بعد بكاني شمَّـــــت في زواجل الدوح

ود الخاويه
مهر السنجك العاضي اللجام وجموح
محجولاً مخمس اغر وســدرو طموح
الاتغلتو صادين من شــــــرعتو قموح
كسبنا اوصافو قافياتا مــتان وسموح

طلال عماد
جرحا لسه ما طــاب تاني زادو فتوح
خلى حلقنا بي نار النويح مــــــكتوح
السمنا ليهو الروح وكـــــــــل ما اتوح
عرف قفلتنا في جوكرنا جابلو فتوح

ود الخاويه
حشيماً لسنو من لفظ الفشيح مكسوح
وبينو وبين مجـــــــالات الاشاو فسوح
الما شافو وسط الداره عــــــام وبسوح
جميلاً غير دلال وزمام وشـف ومسوح

طلال عماد
قلبي الوافي دايما وفي المحبه صروح
هداو رسمي ماخـــــــــــلالو غير قروح
اللي روحو بعشق وبي جمـــــالو فروح
سدد سككو واحتجــــز القبيل مشروح

ابو طه
أصبح مبلي كاتم وقـــــلبي مابي يبوح
تفويض أمري ليك يا هــــــادي ياسبوح
عاشقي الكان قبيل لي كل شقاي كبوح
أسعدو ربي سعدا" بعــــدو مافي تروح

ضفه ﻓﺎﺗﺤﺔ ﻣﺪﺍﻫﺎ إﻟﻔﺔ
ﻭﺍﻟﻄﻴﻮﺭ ﻓﺮﺩﺕ ﺟﻨﺎﺣﺎ
ﺷﺎﺩﻳﺔ ﺑﻲ ﺭﻭﻋﺔ ﻏﻨﺎﻫﺎ
ﻭﺷﺤﺖ ﻣﻴﻼﺩ ﺻﺒﺎﻫﺎ
ﺍﻟﻮﻃﻦ ﻓﻲ ﻋﻴﻮﻧﻚ ﺍﻧﺖ
ﺩﻧﻴﺎ ﻏﺮﻗﺖ ﻓﻲ ﺍﻟﺴﻤﺎﺣﺔ
ﻭﺭﻏﻢ ﺭﻳﺢ ﺍﻟﺼﺪ ﻋﺘﻴﺔ
ﺑﺎﻗﻴﺔ ﻟﻸﻓﺮﺍﺡ ﻣﺴﺎﺣﺔ
ﻭﺍﺣﺔ ﻭﺍﺣﺔ ﺷﻤﻮﺳﻨﺎ ﺗﺮﺣﻞ
ﻋﻦ ﻣﺪﺍﻳﻨﻚ ﺩﻳﻤﺔ ﺗﺴﺄﻝ
ﺳﺎﺣﺔ ﺳﺎﺣﺔ ﺍﻟﻐﻴﻤﺔ ﺭﺷّﺖ
ﺍﻟﻴﺒﺎﺏ ﺍﻟﻴﺎﻣﺎ ﻃﻮّﻝ
ﻭﺭﻏﻢ ﺭﻳﺢ ﺍﻟﺼﺪ ﻋﺘﻴﺔ
ﺍﻧﺖ ﻟﺤﻈﺔ ﻭﺩ ﻧﺪﻳﺔ

ﺍﻟﺸﻘﺎ ﺍﻟﻼّﺯﻣﻨﻰ .. ﻣﺪﺓ
ﻳﻮﻡ ﺑﻔﻮﺕ ﻭﺍﻟﻔﺮﺣﺔ ﺗﺒﺪﺍ
ﻣﺎ ﺑﻘﻮﻝ .. ﻓﺎﺭﻗﻨﻰ ﻋﺪّﻯ
ﻋﺸﺎﻥ ﺑﺨﺎﻑ ﺗﺮﺣﻞ ﻋﻴﻮﻧﻚ
ﻭﺗﻨﻬﺰﻡ ﻓﻴﻨﻰ ﺍﻷﻣﺎﻧﻰ
ﻭﺑﻰ ﺷﻘﺎﻫﻮ ﻭﺑﻰ ﺃﺳﺎﻫﻮ
ﺗﺎﻧﻰ ﻳﺘﻮﺷـّﺢ ﺯﻣﺎﻧﻰ
ﺃﺻﻠﻮ ﻏﻴﺮ ﻋﻴﻨﻴﻚ والله
ﻣﺎﻓﻰ ﻟﻸﻓﺮﺍﺡ .. ﻣﻌﺎﻧﻰ

ﻳﺎ ﺣﺮﻭﻑ ﺟﻮﺍﻙ ينبض
ﺗﺎﺑﻲ تطلعي ﻟﻠﻘﺮﺍﻳﺔ
ﻳﺎ ﺭﺳﻢ ﻣﺤﺒﻮﺱ ﺣﺪﺍﻙ
ﺩﺍﻳﺮ ﻳﻤﺮﻕ ﻟﻠﻤﻌﺎﻳﺎ
ﺍﻧﺖ ﺑﺴﻤﻞ ﻭﺍﺑﺪﺍ ﺍﻛﺘﺐ
ﺗﻠﻘﻲ ﻛﻞ ﺍﻟﺸﻮﻕ ﺭﻭﺍﻳﺔ
ﻭﻟﻤﺎ ﺗﺤﻜﻲ ﺗﻬﺪﺍ ﻧﻔﺴﻚ
ﻭﺗﻤﺮﻕ ﺍﺳﺮﺍﺭ ﺍﻟﺤﻜﺎﻳﺔ

ﻫﻮ ﺷﻨﻮ ﺍﻟﻔﻀﻞ ﻓﻲ ﺍﻟﺪﻧﻴﺎ
ﺷﺎﻥ ﺍﻟﻨﺎﺱ ﺗﺬﺍﻛﺮ ﻭﺗﻤﺘﺤﻦ
ﺑﺲ ﻧﺒﺮﺍ ﻣﻦ ﻋﻴﺸﺔ ﺍﻟﻔﻘﺮ...
ﻭﺳﻤﺢ ﺍﻟﺴﻜﺎﺕ ﺍﻟﻔﻲ ﺧﺸﻢ ﺳﻴﺪﻭ
ﻭﻛﻤﺎﻥ ﺳﻤﺢ ﺍﻟﺼﺒﺮ
ﻣﺎﺩﺍﻡ ﻓﻲ ﻣﺪﺭﺳﺔ ﻣﺪﺭﺳﺔ
ﻭﺃﺳﺎﺗﺬﺓ ﺧﺼﻴﺼﻴﻦ ﻧﺠﺎﺡ
ﻭﺣﺼﺺ ﺻﺒﺎﺡ ﻭﺩﺭﺱ ﻋﺼﺮ ...
ﺣﺄﻧﺴﻮﻱ ﺃﻳﻪ ؟ ﺣﺎﻧﺪﻕ ﺟﺮﺱ
ﺁﺧﺮ ﻓﺼﻞ ﺃﻭ ﻧﻨﻔﺼﻞ
ﻧﺘﻠﻢ ﻧﺸﻮﻑ ﺑﺎﻗﻲ ﺍﻟﻌﻤﺮ
ﻣﺎ ﻭﺍﺿﺤﺔ ﺫﻱ ﻋﻴﻦ ﺍﻟﺸﻤﺲ
ﻭﺍﺿﺤﺔ ﻛﺎﻥ ﻫﺴﻲ ﻭ ﺃﻣﺲ
ﻭﺃﺻﻠﻲ ﻣﺎﺭﻕ ﻳﺎﺿﻨﻰ
ﻣﻦ ﻏﺮﺑﺘﻲ ﺍﻷ‌ﻧﺎ ﻣﺪﻣﻨﻪ
ﻣﻦ ﺑﻠﻮﺗﻲ ﻭﺳﻠﻮﺍﻱ ﺍﻧﺎ
ﻣﻦ ﻗﺼﺔ ﻻ‌ ﺑﺘﺄﻛﻠﻨﺎ ﻋﻴﺶ
ﻻ‌ﺗﻔﺮ ﺟﺒﻴﻦ ﻫﺬﺍ ﺍﻟﻌﻨﺎ

فتش حلمك جواي
وأسأل قلبك عن حِني
وأتحسس نبضك في قلبي
تلقاه مطامن ومتهني
والروح لو تاهت في حسنك
ما تتوه ..
روحي المِنّك ..
يا الأصلاً روحك مني ..
تستنشق رئتّي أنفاسك مره
يا شاهقني زفير وتمني ..
وعيني البتشاهد بعيونك حلمي
ماخابت أبداً
لا خاب في عيونك ظني ..
وخطاي الماشاك في درب الروح
يا الشلت خطاك الماشيني
إتمدد جواي في قلبك
هدِهد قلبي الفيك وطمئني ..

ﺃﺣﺴﺎﺳﻲ ﺑﻴﻚ ﺯﻱ ﻗﻬﻮﺗﻚ
ﺑﺨــﺮﻡ ﺷﺪﻳﺪ ﻟﻲ ﻃﻠــﺘﻚ
ﻧﻘــــﻌﺪ ﻫﻨــﺎﻙ ﻭﺍﺗﻘﺮيفك
ﻧﻘﻠـــﻲ ﺍﻟﻐــﺮﺍﻡ ﻭﺍﻛﻠــﻤﻚ
ﻭﺍﺳﺤﻦ ﻫﻮﺍﻱ ﺑﻲ ﺿﺤﻜﺘﻚ
ﻓﻨﺠﺎﻧﻲ ﻳﺒﻘــﻲ ﻣﻌــــﺰﺗﻚ
ﺳﻜﺮ ﻛﺘــﻴﺮ ﻣﻦ ﺭﻭﻋــــﺘﻚ
ﺍﺷﺮﺏ ﻭﺍﻋﻴﺪ ﻓـﻲ ﻗـﻬﻮﺗﻚ
ﺍﻏﻠﻴـــﻚ ﺗﺎﻧــﻲ ﻭﺍﺷــﺮﺑﻚ
ﻭﺍﻗﻠﺐ ﻣﺸﺎﻋﺮﻱ ﻭﺍﻭﺻﻔﻚ
ﻭﺍﺩﻣـﻦ ﻋــﻴﻮﻧﻚ ﻭﻗــﻌﺪﺗﻚ
ﻭﻟﻮ ﻗــﻠﺖ ﻳﻮﻡ ﻣﺎ ﺑــﺸﺮﺑﻚ
ﺗﻠﻘﻴﻨﻲ ﺭﺍﺟــﻊ ﺍﻓﺘـــﺸــﻚ
ﻣﺎ ﺍﺻﻠﻲ ﻣﺪﻣــﻦ ﻗﻠـــﻴﺘﻚ
ﻭﻣـﺎ ﺑﻘﺪﺭ ﺍﺣﻤــﻞ ﻓﺮﻗـــﺘﻚ
ﻭﺍﺣﺴﺎﺳﻲ ﺑﻴﻚ ﺯﻱ ﻗﻬﻮﺗﻚ