في الديوتي الاول امس دا جانا عيان بمشكله في الكلى محول من ام روابه.. عمره 12 سنه معاه ابوه و عمه..
ف دخل جوه استلمته الرجسترار سوزان الشهيره ب (سوزي) 😂
طيب نديكم صوره خياليه ل سوزان..
بت طويييييييييييييييييله.. اطول من عدد حروف ال (ي) في الكلمة..
بتلبس نظارات عرييييضه لحدي البنكرياس لكن كسرتها قبل كم يوم 🙈
لطيفه شديد جدآ.. و مهتمه شديد جدآ.. طيبه شديد جدآ.. دموعها قريبه شديد جدآ و بنت الناس الكويسين شديد جدآ..
المهم العيان دا وقفت فيه كده لحدي ما اموره زبطت..
على نهاية اليوم قام جاء الاب جاب ليها الكيس ال في الصوره دا في نص العنبر..
اتفاجئنا انه جواه عدد 2 بطيخه 🍉🍉
اي والله البطيخ الواااااحد دا..
حركه عفوية و كساره..
طبعآ شكرته جدآ.. لكن لحدي اسي مغير لينا جو و بيناتنا الموضوع بقى هظار و ضحك و بطيخ 😂

ما يستفاد من القصة..
-الشعب السوداني دا بسيط و طيب و كريم لدرجه غريبه خلاص..
-اهلنا كانوا بيقولوا الجود بالموجود و عيب الزاد و لا عيب سيده..ف العندك دا ما تبخل بيه..
-الكرم ما ليه علاقه بالوضع المادي..
-اقل اهتمام بالعيان بيرضي أهله و اقل تقدير بيرضينا نحن..
-عاين حواليك كويس..حاجات بسيطه ممكن تعملها للناس الانت بتحبهم ممكن يكون عندها بصمة و اثر كبير ..

كسرة بره الشبكة
و ﺃﺑﻘﻲ ﻟﻼﻃﻔﺎﻝ ﺣﻜﺎﻳﺔ ﺣﺠﻮﺓ ﻣﻦ ﺿﻤﻦ ﺍﻻﺣﺎﺟﻲ..
ﺑﻴﻬﺎ يتهنوا ﻭ ﻳﻨﻮﻣﻮﺍ ﻭﺃﺣﺮﺳﻬﻢ ﻃﻮﻝ ﻟﻴﻠﻲ ﺳﺎﺟﻲ..
ﻭ ألقى ﻓﻲ ﺭﺍﺣﺔ ﻧﻔﻮﺳﻬﻢ ﺑﺴﻤﺘﻲ ﻭﻃﻮﻝ ﺇﺑﺘﻬﺎﺟﻲ..
ﻟﻮ ﺃﻋﻴﺶ ﻃﻮﻝ ﻋﻤﺮﻱ ﻧﺴﻤﺔ ﺃﻭ ﻣﻊ ﺍﻻﻳﺎﻡ ﺳﺤﺎﺑﺔ..
ﺃﻫﻄﻞ ﺃﺩﻱ ﺍﻟﺪﻧﻴﺎ ﺑﺴﻤﺔ ﻭﺃﺭﻭﻱ ﻭﺍﺩﻱ ﻭﺃﺳﻘﻲ ﻏﺎﺑﺔ..
ﻟﻮ ﺃﻋﻠﻢ ﻃﻔﻞ ﻭﺍﻋﺪ لسه ﻣﺎ ﻋﺮﻑ ﺍﻟﻜﺘﺎﺑﺔ ❤
كسرة تانية
اللهم لا نظلم و لا نظلم
كسرة اخيره
هوي ها
مذكرات طبيبة بره الشبكة

اﻟﺘﺤﻴﻪ ﻟﻜﻞ ﺑﻨﺖ ﺗﺴﻜﻦ #ﺍﻻﺭﻳﺎﻑ ﻣﻌﻠﻴﺶ ﻳﺎ ﺑﻨﺎﺕ #ﺍﻟﻤﺪﻥ :_____ ﻻﻧﻲ ﺟﻴﺘﻚ ﺷﺎﻥ ﻋﻴﻮﻧﻚ ﻻ ﺍﻟﻤﺴﺎﺣﻴﻖ ﺍﻟﻘﻮﻳﻪ ﻭﻻ ﺍﻟﻜﻼﻡ ﺍﻻﻧﺠﻠﻴﺰﻱ ﻻ ﺍﻟﺘﻔﺎﻫﻪ ﺍﻟﺠﺎﻣﻌﻴﻪ ﺟﻴﺖ ﺍﻗﻮﻟﻚ ﻳﺎﻣﺰﻳﻔﻪ ﺍﻧﺘﻲ ﻓﻲ ﺍﻵﺧﺮ ضحيه ﻭﺍﻧﺖ ﻣﺎ ﻋﻨﺪﻙ ﻣﻼﻣﺢ ﻭﺍﻧﺘﻲ ﻣﻌﺪﻭﻣﺔ ﻫﻮﻳﻪ ﺍﻧﺘﻲ ﺳﻮﺩﺍﻧﻴﻪ ﺍﺻﻶ ﺇﻻ ﺻﻮﺭﺗﻚ ﺍﺟﻨﺒﻴﻪ ﺷﺎﻳﻠﻪ ﻣﻦ ﺟﻴﻦ ﺍﺑﺘﺴﺎﻣﺘﻚ ﻭﺷﺎﻳﻠﻪ ﻣﻦ ﺭﻭﻻ ﺍﻟﺘﺤﻴﻪ ﻋﺎﻣﻠﻪ ﻃﺒﻌﻚ ﺑﺮﺟﻮﺍﺯﻱ ﻭﻛﻞ ﻣﺒﺎﺩﺋﻚ ﻣﺎﺭﻛﺴﻴﻪ ﻣﺮﻩ ﻣﻦ ﻣﺎﺩﻭﻧﺎ ﺧﻄﻮﻩ ﻭﻣﺮﻩ ﺧﻄﻮﺍﺕ ﻋﺠﺮﻣﻴﻪ ﻭﻣﺮﻩ ﺗﻀﺤﻜﻲ ﺑﺎﻟﻔﺮﻧﺴﻲ ﻟﻤﺎ ﺗﺼﺒﺤﻲ ﻭﻻ ﺗﻤﺴﻲ ﺷﺎﻳﻞ ﺑﺮﺝ ﺇﻳﻔﻞ ﻗﻀﻴﻪ ﻭﻛﻞ ﻳﻮﻡ ﻋﻴﻨﻴﻚ ﺑﺘﺤﻠﻢ ﺑﺎﻟﻤﻼﻫﻲ ﺍﻟﻤﺨﻤﻠﻴﻪ ﻣﺮﻩ ﺳﺎﻳﻘﺎﻟﻚ ﻛﻮﺭﻳﻼ ﻭﻣﺮﻩ ﺁﻛﺴﻦ ﻟﺆﻟﺆﻳﻪ ﻣﺮﻩ ﺇﻋﻼﻣﻴﻪ ﺑﺤﺘﻪ ﻭﺇﻧﺘﻲ ﺍﻳﻀﺂ ﻣﺴﺮﺣﻴﻪ ﻣﺮﻩ ﻗﺒﺮﺹ ﻭﻣﺮﻩ ﺩﻟﻬﻲ ﻭﻣﺮﻩ ﻣﺎﺷﻪ الاﺳﻜﻨﺪﺭﻳﻪ ﻭﺍﻟﻠﻪ ﺣﺎﻟﻚ ﻣﺰﺭﻱ ﺟﺪﺁ ﻭﺍﺻﻠﻲ ﺩﺍﻳﺮ ﺍﻭﺻﻴﻚ ﻭﺻﻴﻪ ﻣﻬﻤﺎ ﻏﻴﺮﺗﻲ #ﺍﻟﻤﻼﻣﺢ ﺍﺻﻠﻮ #ﺻﻮﺭﺗﻚ ﻫﻲ ﻫﻲ ﻭﻣﺎﻟﻮ ﻟﻮ ﻭﺭﻳﺘﻲ ﺍﺻﻠﻚ ﺇﻣﻜﻦ ﺍﺣﻠﻲ ﻭﻣﻴﻪ ﻣﻴﻪ ﺗﻮﻡ #ﻛﺮﻭﺯ ﻣﺎ ﺍﻇﻦ ﻳﺤﺒﻚ ﺇﻧﺘﻲ ﻣﻮﻫﻮﻣﻪ ﻭﻏﺒﻴﻪ ﻭﻻ ﻛﻤﺎﻥ ﺍﻧﺎ ﻣﻤﻜﻦ ﺍﻋﺸﻖ ﻟﻲ ﻣﻼﻣﺢ ﻟﻨﺪﻧﻴﻪ ﺍﺻﻠﻲ ﻭﺩ ﺣﻠﻪ ﻭﻣﺄﺻﻞ ﻭﻗﻠﺒﻲ ﻣﻜﺘﻮﻝ ﻓﻲ ﺑﻨﻴﻪ ﺃﺻﻴﻠﻪ ﻣﻦ ﺣﻠﻮﺍﺕ #ﺑﻠﺪﻧﺎ ﻭﺳﻤﺤﻪ ﺯﻱ ﻗﻤﺮ ﺍﻟﻌﺸﻴﻪ ﺷﺎﻳﻠﻪ ﻧﺒﺾ ﺍﻟﺮﻳﺪﻩ ﻏﻨﻮﻩ ﻭﻓﻴﻬﺎ ﻋﻔﻪ #ﻣﻼﺋﻜﻴﻪ

زمن يا ليطف ...نسأل الله الستر

سلام عليكم معليش انا عايز احكي ليكم قصتي وتجربتي لانو القروب كبير ولامي الجنسين .وتكون عظه وعبره للمتزوجين واللي حيتزوجو
انا قصتي بدت مع (ن) وكنا وقتها في الجامعه حبيتها حب شديد وهي كمان وكنا مضرب للمثل والحمدلله اول مااتخرجت انا كنت قدامها بسنه اشتغلت واتوفقت وبعد ماهي اتخرجت اتزوجنا على طول وبعد الزواج بدت المشاكل وللاسف انا الكنت سبب ماصدقت اني امتلكتها وخلاص يعني حبي ليها كان حب امتلاك بقيت مابهتم ليها ولا لي مشاعرها واحساسها بقيت بتعمد اعمل الحاجات البضايقها بساهر مع الشباب شيشه وكشتينه عادي بجيها وش الصبح بنوم وبسمع صوت بكاها ونحيبها ولا بحاول اني اسالها حتى انا معترف اني اتغيرت معاها واذيتها وجرحتها ..نسيت اقول ليكم عندنا بنت وولد برضو ماعملت حسابهم بكاها معاي كان اكتر من ضحكها كنت مابهتم اني عملت ليها ولا جبت ليها ولا لا مرات كنت بمد يدي عليها كتير كانت بتقعد تتكلم معاي وتحاول بكل السبل انها ترجعني زي ماكنت معاها ماكنت بسمع ليها بقول ليها لو عاجبك كده اهلا وسهلا ماعاجبك في ستين وانا كنت عارف حبها لي ومستقل الحته دي ومستقل انها هي البتبادر عشان تتكلم معاي ماتتخيلو انا ندمان قدر شنو وكانت دايما بتقول لي الله يريحني منك ماكنت قايل ربنا حيستجيب ليها وياخدها مني وكنت لسه بزيد زياده معاها وهي متحمله فوق لطاقتها المرات الاخيره بقت تقول لي انا ماقادره اتحمل اكتر طلقني كنت بقول ليها البيت ده الا تطلعي منو ميته انا معاها نسيت انو في رب حيحاسبني علي اي اذى سببتو انتو عارفين انا مرات كتيره كنت بشاكلها وبمشي بقعد مع اصحابي بالايام مابسال منهم عادي بطلع بخليها عيانه ولا واحد من الاولاد عيانين ومابسال ماعارف انا كنت مالي معليش كلامي جايط ومامرتب بس انا لي 9 شهور ماعارف نفسي عايش كيف عارفين الحصل شنو ماتت وخلتني لغروري وانانيتي ماتت وهي حامل بسببي لما شاكلتها وطلعت خليتها جيت لقيتها ماتت بزبحه ماتت من غير مااودعها ولاتودعني من غير مااقول ليها اعفي مني ماتت وكلها وجع بسببي وعدم مسؤوليتي ولا مبالاتي انا بتمنى بس ارجع الزمن لورا وترجع لي اشيلها في عيوني اعوضها عن كل دمعه انا حتى اولادي ماقادر اشوف في عيونهم ولا حتى لنفسي انا كنت فاكر البعمل فيه ده الصاح ورجوله مني ماختيت حساب انها ممكن تمشي وتخليني وفي حاجات كتيره وتفاصيل انا اختصرتها بس عايزكم تخلو بالكم من نسوانكم وتخافو فيهم الله ربنا كرمهم وحفظ حقوقهم رسولنا الكريم وصى بيهم وانا لو قعدت اتكلم من هسي لحدي مااموت وبتمنى اني احصلها مابقدر اوصل ليكم الالم والحسره والندم الانا عايشو ادعو لي ربنا يخفف علي ويسامحني وخلو بالكم من اخواتكم ونسوانكم والدنيا دي غداره ماتشوفو نفسكم وماتغركم ولو ماقدر المسؤوليه ماتسوقها من بيت ابوها وتمرمطها معاك المشكله حلوها وادفنوها في وقتها ماتخلو المشاكل تسرق سعادتكم وعمركم وادعو لي
#كسره ده ماحسابي الاصلي لانو كتار هنا بيعرفوني وخجلان يعرفو حقيقتي
#تعديل الناس البتهاجم ومامصدقه انا حبيت انبه بس الغافلين كتار زي وعشان مايندمو وعشان الواحد لما يختار بت ناس يعرف يحافظ عليها ووالله العظيم حقيقه والماعايز يصدق شكلو بعمل نفس الشي ..اما بالنسبه للصفحه انا كتبت فوق انها ماصفحتي الحقيقيه دي صفحه كانت عاملاها المرحومه لقيتها في تلفونها ..وعليكم الله ماتدعو علي ادعو لي ربنا يسامحني

#مثل_اليوم
المناي لقاي
#مثل_سوداني
#زول_بشخبط

....
سليم الطبع بترفع عن الاقذار..
والدايرك بيتجاوز عن الاوزار..
الحابيك ببحث ليك عن الأعذار.
تجرحو وانت متعمد يشوفو هظار
.....

المابيك في اقل حاجة يدي انذار
اتنفخ عليك ذي زوجة الجزار *
مابحترمك ان بقي اتخذتو مذار
بسمة صغيرة في حقك بشوفا بزار
.....
* : زوجة الجزار ضاربة ام فتفت

حكيم الدوبيت

#مثل_اليوم
بَخِيت شَكَروه قال دَاك شهر تَاني
#مثل_سوداني

لاتوجد الا فـ #السوداان 😉

ست التسالي البعد تشتري منها كيس تخمش ليك بيدها وتديك زياده ..♥
ست الشاي اللمن تقعد تجيب ليك المويه وتشرب شاي وقهوه وانت ماعندك قروش وتقول ليها خلاص بكره تبتسم وتدعي ليك وتقول ليك ربنا يفتحها علينا كلنا 😍
شفع الحله البلعبوو الدافوري لمن تجي ماشي واكوركو جمد جمد خلي عمك امشي وتضحك لانك بقيت عممك 😂
شباب قاعدين ف الشارع فجاة واحد قام جاري حصل لي كفيف قطعوا الظلط ❤
سيد العربيه البقيف للناس فـ الزحمه وبقول ماشين قدام 😊
ولد الجيران اقول ليك هااك دا صحن الليله عندنا كرامه ❥
الكمساري البقول ليك رجع قروشك دفعوا ليك قدام وتعاين ممكن ماتلقي زول بتعرفوا او ماتتذكروا 💖
الحبييبه بت النااس البتقيف معاك عشان تجي لابوها بالبـاب وبترضي منك بالقليل ..❤
نحن شعب مختلف عن كل شعوب العالم ٳفتخروا بسودانيتكم 
الــصورة وحــدها تغـنيك عن الف كــلمة ..😍

إستيقظوا لتخبروا العالم ان هناك شعب بخيير ♡
هنالك امه بعاافيه ♥😍

كل العِدة البتحتاجيها لمطبخك ولبداية حياتك الزوجية والاسرية لميناها ليك في شيلة عِدة العروس يا عروسة
اطلبي الان من هنا 👇
https://tttttt.me/joinchat/AAAAAEhO1qIHCFC2NTL3Kg

عاارفه يعني شنو تكوني معرررسه
انا من زماان بسمع عبارات انا البت الفلانه انتو منووو
يلا جيتكم الليله
انا البت المعرسه سيد الرجااال😍انا الراجلي م بزعلني ولا لحظه انا الراجلي صبرته معاهو علي المره قبل الحلوووه انا الراجلي اتنازلته ليهو عن اي حاجه ولمن عرسني وربنا فتحه ليهو م نسي وقفتي معاهو😍انا الراجلي قدااام نسابتي ببوسني في راااسي😘انا الراجلي لمن نكون ماشين في الشارع م بفك يدي من يدو😍انا الراجلي مهما اكورك وازعل منو برجع يعتزر لي😍انا الراجلي قدام الناس بضحك لي اتفه الاشياء البقوله انا انا الراجلي بشاغلني بي غمزته عينو وبي وجناتو😍🙊
انا الراجلي يوم ولادتي بكا معاي وبقي يقرا لي في القران ويدعي لي 😍
انا الراجلي يوم عرسي مسكني قدام اصحابو شالني😍انا الراجلي يوم عرسي في الزفه بقي يصفر وفي العربيه زغرت لي😂
انا الراجلي بسرحني وبقعدني تحتو زي الشافعه يمكيجني😂انا الراجلي قال الا يرسم لي في جسمي ورسم لي ضفدعه ميته مخنوقه😂
انا الراجلي بحسسني اني شافعه وانو هو ابوي😍القبل م احتاج ليهو بلقاهو واقف جمبي السندي في الحياه دي
انا البت البايرة الماعندها موضوع
اه اه نسيت انا الحرامية السرقت البوست ههههههههههه

مرة من المراريت جاتنا نسيبتي وحماتي في البيت ... وانا بحترمن جدآ وجهزت الغداء والبيت مرتب ونفسياتي في السماء اني ح اقضي يوم حلو مع نسابتي وراجلي يشوف كيف انا بقدر امو ...وانو انا مرة ولد ما فيها كلمه 😌

اليوم كان حلو بالونسه والضحك والمساء طلعنا الحديقه وجينا لي عشرة بالليل ... ولدي حسون في اولى ابتدائي ... حبوبتو بتريدو شان مسمينو ع الحاج ع قولا ...
يلا نحن جينا مبسوطين وعملت عشاء ونأكل ونتونس ونضحك كان نسمع ليك من تحت السرير ( حبوبه عجوزة وكرتوبه 🎶 ) وانا بطني طمت من الأكل وعاينت تحت السرير القى ليك حسون راقد ع بطنو وبأعلى صوت حبوبه عجوزة وكرتوبه. ..😵 مسكتو قرصتو قرصه حاااااارة ... نسيبتي سمعتو والزعل ظهر عليها بس انا حاولت الطف الجو واغير في الموضوع واتظارف واتربشت وهو تااني دور حبوبه عجوزة وكرتوبه 😤
الساعه النسيبتي نهرت حسون انا قربت اقع في الصينيه ... ولدي جا مارق زي السوسيو 😢
امو قالت لي القال ليك قول كدة منو .... وانا عامله فاهمه ودايرة اخلي الولد يتحمل غلطتو ... اكان اسمع ليك حسون .ددددددي امي دي 😠

انا 😵😵😵😵😵😵
بطني طمت قعدت اهضرب ... متين ي كذاب ... حسوني ي ولد متين قلت كدة ... وانا والله ي خالتي ما قلت ليو😰 وبقيت اتحلف واتحرجت جنس احراج .
نسيبتي ولا عبرتني بكلمه ... ختت الأكل من يدها ودخلت الغرفه 😒

وانا هنا اتعذر لحماتي ... وهي نظام اتكشفتي ( الشفع ما بجييو كلام من راسم ...بقولو البسمعو ) وانا 😥

ابونا جا ل 12 لقاني مقلقه ومتنشنه ... حكيت ليو شبع ضحك .... وانا مغيوظه ... قال لي دا كلام شفع ساي شنو الجوطه العاملاها دي ... قلت لي بس ناس امك ما حيفهمو كدة 😥

المهم الصباح ختيت الشاي وانا متحسسه وساكته سااااي 😐
نسيبتي عامله صامت وحماتي شغاله مطاعنه ... بقيت احاول انسيهم كلام امس وامشي الموضوع ع خير بس حماتي كانت مصرة تجيب سيرة الشفع ما بجيبو من عندهم... بعد شويه كدة .... حماتي لقيتا تفتش ...سألتها قالت لي محفظتي ما لقيتا ... قلت ليها تكون في الأوضه النمتو فيها ...هي قالت لي كدي شوفي لي دولابك يمكن لميتيها مع اكياس امس ... كان ولدي جا شايل المحفظه وقال لعمتو. لقيتا هدي في اوضه امي الحراميه دي 😐
انا 😳😳😳😳😳

انا حراميه ي ولد ...😵😵
طوالي اتذكرت موقف امس ... وعاااارفه ولدي فتان ... قلت لي ي ولد القاليك انا حراميه منو ...قال لي دي عمتي دي 😒

وعاد عمتو بقت تهضرب وتتحلف والله ما قلت ويمين ما قلت ...يهرد فشفاشي كان قلت انتي حراميه

انا 😼 عاد يختي الشفع مااااا بجيبو كلام من راسم ... كان ما سمعو. ما كان قال 😼

ونسيتي قالت هي ي نسوان حسون ود ولدي دا من يومو فتان وبنضم من راسو ...وحات الله جابدو جدو الحاج ...
😂😂😂😂

غايتو ي حسون انت بتخرب بلد 😂😂😂😂

جعليه ✏

ﺃﻫﺎﻟﻲ ﺷﻤﺒﺎﺕ ﻳﻀﻌﻮﻥ ﻻﺋﺤﺔ ﺟﺪﻳﺪﺓ " ﻟﻸﻓﺮﺍﺡ ﻭﺍﻻﺗﺮﺍﺡ " : ﺍﻟﻤﻬﺮ 8000" ﺟﻨﻴﺔ " ﻭﺇﻟﻐﺎﺀ " ﺣﻔﻼﺕ ﺍﻟﺼﺎﻻﺕ " ﻭ " ﻓﻄﻮﺭ ﺍﻟﻌﺮﻳﺲ " ﻭ " ﻣﻮﻳﺔ ﺭﻣﻀﺎﻥ "
ﺣﺼﻠﺖ " ﺳﻮﺩﺍﻥ ﻧﻴﻮﺯ ﻣﻮﻧﻴﺘﻮﺭ " ﻋﻠﻰ ﻣﺴﻮﺩﺓ ﻻﺋﺤﺔ ﻟﺘﻘﻠﻴﻞ ﺗﻜﺎﻟﻴﻒ ﺍﻟﺰﻭﺍﺝ ﻳﻌﻜﻒ ﺃﻫﺎﻟﻲ ﺷﻤﺒﺎﺕ ﺑﺎﻟﺨﺮﻃﻮﻡ ﺑﺤﺮﻱ، ﻋﻠﻰ ﺗﻌﻤﻴﻤﻬﺎ ﻋﻠﻰ ﺃﻫﺎﻟﻲ ﺍﻟﺤﻲ ﻟﺘﺼﺒﺢ ﻣﻠﺰﻣﺔ ﻟﻠﺠﻤﻴﻊ ﺑﻌﺪ ﺍﻟﻤﻮﺍﻓﻘﺔ ﻋﻠﻴﻬﺎ، ﻭﺣﺪﺩﺕ ﺍﻟﻼﺋﺤﺔ ﺍﻟﻤﻬﺮ ﺑﻨﺤﻮ 8000 ﺟﻨﻴﺔ ﻭﺍﻟﺸﻴﻠﺔ ﺑـ 4 ﻣﻦ ﻛﻞ ﺻﻨﻒ ﻭﺃﻥ ﻳﺘﻢ ﺍﻟﻌﻘﺪ ﻓﻲ ﺍﻟﻤﺴﺠﺪ ﺃﻭ ﺍﻟﻤﻨﺰﻝ ﻭﻳﻮﺯﻉ ﻓﻴﻪ " ﺍﻟﺒﻠﺢ " ﻓﻘﻂ ﻭﺣﻮﺕ ﺍﻟﻼﺋﺤﺔ ﻗﺎﺋﻤﺔ ﻃﻮﻳﻠﺔ ﻣﻦ ﺍﻟﻤﺤﻈﻮﺭﺍﺕ ﻋﻠﻰ ﺭﺃﺳﻬﺎ " ﺣﻈﺮ ﺍﻗﺎﻣﺔ ﺣﻔﻼﺕ ﺍﻷﻋﺮﺍﺱ ﻓﻲ ﺍﻻﻧﺪﻳﺔ ﻭﺍﻟﺼﺎﻻﺕ ﻭﺣﻈﺮ ﺍﺳﺘﺠﻼﺏ ﻓﻨﺎﻧﻴﻦ ﻣﻜﻠﻔﻴﻦ ﻣﻦ ﺧﺎﺭﺝ ﺷﻤﺒﺎﺕ ﻭﺣﻈﺮ ﺍﻗﺎﻣﺔ ﺍﻟﻮﻻﺋﻢ ﺑﻜﻞ ﺍﺷﻜﺎﻟﻬﺎ ﻓﻄﻮﺭ ﺍﻭ ﻏﺪﺍﺀ ﺍﻭﻋﺸﺎﺀ ﻭﺇﻟﻐﺎﺀ ﻋﺎﺩﺍﺕ " ﺧﺮﻭﻑ ﺍﻟﺠﺮﺗﻖ ﻭ " ﺍﺭﺳﺎﻝ ﻣﻮﻳﺔ ﺭﻣﻀﺎﻥ "
ﻛﻤﺎ ﻧﺼﺖ ﺍﻟﻼﺋﺤﺔ ﻋﻠﻰ ﺗﺸﻜﻴﻞ ﻟﺠﺎﻥ ﻟﻠﻤﺘﺎﺑﻌﺔ ﻣﻦ ﺍﻟﺮﺟﺎﻝ ﻭﺍﻟﻨﺴﺎﺀ ﻓﻲ ﻛﻞ ﺍﻻﺣﻴﺎﺀ
ﻭﻓﻲ ﻣﺎ ﻳﻠﻲ ﺗﻨﺸﺮ ﺳﻮﺩﺍﻥ ﻧﻴﻮﺯ ﻣﻮﻧﻴﺘﻮﺭ ﻧﺺ ﺍﻟﻼﺗﺤﺔ :
ﻣﻘﺘﺮﺡ ﻣﺴﻮﺩﺓ ﻟﺘﻘﻠﻴﻞ ﺗﻜﺎﻟﻴﻒ ﺍﻟﺰﻭﺍﺝ ﻓﻲ ﺷﻤﺒﺎﺕ
ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
ﺟﻤﻌﺔ ﻃﻴﺒﺔ ﻣﺒﺎﺭﻛﺔ
ﺑﻤﺒﺎﺩﺭﺓ ﻛﺮﻳﻤﺔ ﻣﻦ ﺍﻟﺸﻴﺦ ﻋﻤﺮ ﺣﻀﺮﺓ ﺍﺟﺘﻤﻊ ﻓﻲ ﻣﻨﺰﻟﻬﻢ ﺍﻟﻌﺎﻣﺮ ﻓﻲ ﻣﺴﺎﺀ ﻳﻮﻡ ﺍﻟﺜﻼﺛﺎﺀ ﺍﻟﺴﺎﺑﻖ ﻧﻔﺮ ﻛﺮﻳﻢ ﻭﻋﺪﺩ ﻣﻘﺪﺭ ﻣﻦ ﺃﻫﻞ ﺷﻤﺒﺎﺕ ﻳﻤﺜﻠﻮﻥ ﺃﻏﻠﺐ ﺷﺮﺍﺋﺢ ﺍﻟﻤﺠﺘﻤﻊ ﺍﻟﺸﻤﺒﺎﺗﻲ ﺗﻘﺪﻣﻬﻢ ﺷﻴﻮﺧﻨﺎ ﺍﻷﺟﻼﺀ ﻣﻦ ﻛﻞ ﻣﺴﺎﺟﺪ ﺷﻤﺒﺎﺕ ﻭ ﻣﻤﺜﻠﻴﻦ ﻋﻦ ﺃﻏﻠﺐ ﻗﻄﺎﻋﺎﺕ ﺍﻟﺤﺮﺍﻙ ﺍﻟﺸﻤﺒﺎﺗﻲ ﻛﺎﻥ ﻫﻤﻬﻢ ﺍﻷﻭﻝ ﻭ ﺍﻷﺧﻴﺮ ﺗﻘﻠﻴﻞ ﺗﻜﺎﻟﻴﻒ ﺍﻟﺰﻭﺍﺝ ﻟﻠﺸﺒﺎﺏ ﻭ ﺗﺒﺴﻴﻄﻪ ﺑﺼﻮﺭﺓ ﺗﺴﺎﻋﺪ ﻛﻞ ﺍﻟﺸﺒﺎﺏ ﻋﻠﻰ ﺇﻛﻤﺎﻝ ﻧﺼﻒ ﺩﻳﻨﻬﻢ ﻣﻦ ﺑﺎﺏ ‏( ﺍﻥ ﺍﻋﻈﻢ ﺍﻟﻨﻜﺎﺡ ﺑﺮﻛﺔ ﺍﻗﻠﻪ ﻣﺌﻮﻧﺔ ‏) ﺻﺪﻕ ﺭﺳﻮﻝ ﺍﻟﻠﻪ
ﺗﻨﺎﻗﺶ ﺍﻟﺤﺎﺿﺮﻭﻥ ﺣﻮﻝ ﺍﻷﻣﺮ ﻭﺗﺸﺎﺭﻛﻮﺍ ﺍﻻﻓﻜﺎﺭ ﻭﺍﻟﺘﺠﺎﺭﺏ ﺍﻟﺴﺎﺑﻘﺔﻭ ﺍﻳﺪﻭ ﺟﻤﻴﻌﺎ ﺍﻟﻔﻜﺮﺓ ﻭﺍﻣﻨﻮﺍ ﻋﻠﻴﻬﺎ ﻭ ﺗﻮﺣﺪﻭﺍ ﺣﻮﻝ ﻫﺬﺍ ﺍﻟﻬﺪﻑ ﺍﻟﺴﺎﻣﻲ ﻭ ﺧﻠﺼﻮﺍ ﻟﻨﻘﺎﻁ ﻧﺠﻤﻠﻬﺎ ﻟﻜﻢ ﻓﻲ ﻫﺬﻩ ﺍﻟﻨﺸﺮﺓ ﻭ ﺑﺈﺫﻥ ﺍﻟﻠﻪ ﺗﺘﺒﻌﻬﺎ ﻧﺸﺮﺍﺕ ﺁﺧﺮ ﺑﻜﻞ ﺧﻄﻮﺓ ﻧﺨﻄﻮﻫﺎ ﺣﺘﻰ ﻳﻜﻮﻥ ﺍﻟﺸﺒﺎﺏ ﻭ ﺍﻟﺸﺎﺑﺎﺕ ﺟﺰﺀ ﺃﺻﻴﻼ ﻓﻲ ﺍﺗﺨﺎﺫ ﻫﺬﺍ ﺍﻟﻘﺮﺍﺭ ﻭ ﺗﻄﺒﻴﻘﻪ ﻋﻠﻰ ﺃﺭﺽ ﺍﻟﻮﺍﻗﻊ ﺑﺼﻮﺭﺓ ﺗﺮﺿﻰ ﺟﻤﻴﻊ ﺍﻷﻫﻞ ﻭ ﺗﻜﻔﻲ ﺍﻟﺠﻤﻴﻊ ﺭﻫﻖ ﺍﻟﻤﻨﺼﺮﻓﺎﺕ ﺍﻟﻌﺎﻟﻴﺔ ﻟﻠﺰﻭﺍﺝ ﻭﺍﻟﺘﻲ ﺃﺩﺕ ﻟﻌﺰﻭﻑ ﺍﻟﺸﺒﺎﺏ ﻋﻦ ﺍﻟﺰﻭﺍﺝ
ﻭﺧﺮﺝ ﺍﻻﺟﺘﻤﺎﻉ ﺑﻨﻘﺎﻁ ﻋﺪﻳﺪﺓ ﻧﺬﻛﺮ ﻣﻠﺨﺺ ﻟﻬﺎ
/1 ﺍﻟﺨﻄﺒﺔ
ﻳﺘﻘﺪﻡ ﻟﻠﺨﻄﺒﺔ ﻋﺪﺩ 6 ﺭﺟﺎﻝ ﻣﻦ ﺍﻫﻞ ﺍﻟﺨﺎﻃﺐ ﻳﻘﺎﺑﻠﻬﻢ -6 ﺭﺟﺎﻝ ﻣﻦ ﺍﻫﻞ ﺍﻟﻤﺨﻄﻮﺑﺔ ﻳﻘﺪﻡ ﻓﻴﻪ ﻫﺪﻳﺔ ﺑﺴﻴﻄﺔ ﻋﺒﺎﺭﺓ ﻋﻦ 3 / ﺑﺎﻛﺖ ﺑﺎﺭﺩ ﻭ 3 ﻋﻠﺐ ﺣﻠﻮﻯ ﻟﻤﻘﺎﺑﻠﺔ ﺍﻟﻤﻬﻨﺌﻴﻦ ﺑﺎﻟﺨﻄﻮﺑﺔ ﻭﺗﻜﻮﻥ ﺿﻴﺎﻓﺔ ﻭﻓﺪ ﺍﻟﺨﻄﺒﺔ ﺑﺼﻮﺭﺓ ﺑﺴﻴﻄﺔ ﻣﻦ ﻏﻴﺮ ﺗﺒﺬﻳﺮ ﻭﺗﻤﻨﻊ ﺍﻟﻬﺪﺍﻳﺎ ﺑﻴﻦ ﺍﻟﺨﺎﻃﺐ ﻭﺍﻟﻤﺨﻄﻮﺑﺔ ﻭﺑﻴﻦ ﺍﻻﺳﺮﺗﻴﻦ ﻭﺍﻥ ﻃﺎﻝ ﺍﻣﺪ ﺍﻟﺨﻄﻮﺑﺔ
2 / ﺳﺪﺍﺩ ﺍﻟﻤﻬﺮ ﻭﺍﻟﺸﻴﻠﺔ
ﻳﻘﻮﻡ ﺑﺬﻟﻚ ﺍﻟﻨﺴﺎﺀ ﺑﻌﺪﺩ 4 ﻧﺴﺎﺀ ﻣﻦ ﺫﻭﻱ ﺍﻟﺨﺎﻃﺐ ﻳﻘﺎﺑﻠﻬﻢ ﻣﺜﻠﻬﻢ ﻣﻦ ﺫﻭﻱ ﺍﻟﻤﺨﻄﻮﺑﺔ ﻭﻳﺤﺪﺩ ﺍﻟﻤﻬﺮ ﺑﻤﺒﻠﻎ 8000 ﺟﻨﻴﻪ ‏( ﻗﺎﺑﻞ ﻟﻠﻤﻨﺎﻗﺸﺔ ﻭ ﺍﻟﺘﻌﺪﻳﻞ ‏) ﻣﻊ ﻋﺪﺩ ﻣﻼﺑﺲ 4 ﻣﻦ ﻛﻞ ﺻﻨﻒ ﻭﻓﺘﻴﻠﻴﻦ ﻣﻦ ﻛﻞ ﺻﻨﻒ ﻣﺘﻌﺎﺭﻑ ﻋﻠﻴﻪ ﻣﻦ ﺍﻟﺮﻳﺤﺔ ﺍﻟﺴﺎﺋﻠﺔ ﻣﻊ ﺍﻟﻜﻤﻴﺔ ﺍﻟﺘﻲ ﺗﺘﻨﺎﺳﺐ ﻣﻦ ﺍﻟﻌﻄﻮﺭ ﺍﻟﻨﺎﺷﻔﺔ ﻣﻊ ﺍﻟﺴﺎﺋﻠﺔ
/3 ﺣﻨﺔ ﺍﻟﻌﺮﺑﺲ ﻭﻗﻌﻮﺩﺓ ﺍﻟﻌﺮﻭﺱ
ﺍﻟﻘﻌﻮﺩﺓ ﻭﺍﻟﺤﻨﺔ ﺗﻜﻮﻥ ﻣﺤﺼﻮﺭﺓ ﻋﻠﻲ ﺍﻗﺮﺏ ﺍﻻﻗﺮﺑﻴﻦ ﻭﻳﻘﺪﻡ ﻓﻴﻬﺎ ﺍﺭﺯ ﺑﻠﺒﻦ ﻭﻟﻘﻴﻤﺎﺕ ﻭﻳﺤﻴﻬﺎ ﻓﻨﺎﻥ ﺍﻭﻓﻨﺎﻧﺔ ﻣﻦ ﺷﻤﺒﺎﺕ ﺍﻭ ﻣﻦ ﺍﻟﺨﺎﺭﺝ ﺑﺴﻌﺮ ﺭﻣﺰﻱ
/4 ﺍﻟﻌﺰﻭﻣﺔ
ﻣﺮﻃﺒﺎﺕ ﺑﻌﺪ ﺍﻟﻤﻐﺮﺏ
ﺑﺎﺭﺩ ﻭﺻﺤﻦ ﻓﻮﺍﻛﻪ ﺑﺴﻴﻂ
/5 ﺍﻟﻌﻘﺪ
ﻓﻲ ﺍﻟﻤﺴﺠﺪ ﺍﻭ ﺍﻟﻤﻨﺰﻝ ﻳﻘﺪﻡ ﻓﻴﻪ ﻓﻘﻂ ﺍﻟﺒﻠﺢ
/6 ﻣﺪﺓ ﺍﻟﻔﺮﺡ
ﻳﻮﻡ ﻭﺍﺣﺪ ﺗﺒﺪﺃ ﺑﺎﻟﻌﻘﺪ ‏( ﺍﻥ ﻟﻢ ﻳﻜﻦ ﻗﺪ ﺗﻢ ‏)
ﺛﻢ ﺍﻟﻤﺮﻃﺒﺎﺕ ﺛﻢ ﺍﻟﺴﻴﺮﺓ ﺍﻟﻲ ﺍﻫﻞ ﺍﻟﻌﺮﻭﺱ ﻭﻳﻘﺪﻡ ﻟﻬﻢ ﺍﻟﺒﺎﺭﺩ ﻭﺍﻟﺤﻠﻮﻱ ﻓﻘﻂ ﻭﻳﻘﻮﻡ ﺍﻟﻌﺮﻳﺲ ﺑﺎﺧﺬ ﻋﺮﻭﺳﺘﻪ ﺑﻌﺪ ﺻﻼﺓ ﺍﻟﻌﺸﺎﺀ ﻣﺒﺎﺷﺮﺓ ﻭﺍﻥ ﺭﻏﺒﻮﺍ ﻓﻲ ﻋﻤﻞ ﺟﺮﺗﻖ ﻳﻜﻮﻥ ﺑﺪﻭﻥ ﺧﺮﻭﻑ ﻭﺑﺬﺥ .
/7 ﻋﻠﻲ ﺍﻻﻃﺮﺍﻑ ﺧﺎﺭﺝ ﺷﻤﺒﺎﺕ ﺍﻻﻟﺘﺰﺍﻡ ﺑﻠﻮﺍﺋﺤﻨﺎ ﻭﻋﺎﺩﺍﺗﻨﺎ ﻛﻤﺎ ﻫﻲ
/8 ﺍﻟﻤﺤﻈﻮﺭﺍﺕ
/1 ﺗﻠﻐﻰ ﻋﺎﺩﺓ ﻓﻄﻮﺭ ﺍﻟﻌﺮﻳﺲ ﻛﻠﻴﺎ
2 ﻳﻤﻨﻊ ﻣﻨﻌﺎ ﺑﺎﺗﺎ ﺍﻧﺘﻘﺎﻝ ﺍﻟﻔﺮﺡ ﺍﻟﻲ ﺻﺎﻟﺔ ﺍﻭﻧﺎﺩﻱ
/3 ﺗﻠﻐﻲ ﻋﺎﺩﺓ ﺍﻟﻔﺄﻝ ﻧﻬﺎﺋﻴﺎ
/4 ﺗﻤﻨﻊ ﺣﻔﻼﺕ ﺍﻟﻐﻨﺎﺀ ﺑﺎﻟﻔﻨﺎﻧﻴﻦ ﺍﻟﻤﻜﻠﻔﻴﻦ ﻣﻦ ﺧﺎﺭﺝ ﺷﻤﺒﺎﺕ
/5 ﺗﻤﻨﻊ ﺍﻟﻮﻻﺋﻢ ﺑﻜﻞ ﺍﺷﻜﺎﻟﻬﺎ ﻓﻄﻮﺭ ﺍﻭ ﻏﺪﺍﺀ ﺍﻭﻋﺸﺎﺀ
/6 ﺗﻠﻐﻲ ﻋﺎﺩﺓ ﺧﺮﻭﻑ ﺍﻟﺠﺮﺗﻖ
/7 ﺗﻠﻐﻲ ﻋﺎﺩﺓ ﺍﺭﺳﺎﻝ ﻣﻮﻳﺔ ﺭﻣﻀﺎﻥ
/9 ﻳﺒﺪﺃ ﺗﻨﻔﻴﺬ ﻫﺬﻩ ﺍﻟﻀﻮﺍﺑﻂ ﺑﻌﺪ ﺍﻻﺟﻤﺎﻉ ﻋﻠﻴﻬﺎ ﻣﻦ ﺍﻟﻐﺎﻟﺒﻴﺔ
/10 ﺗﻜﻮﻳﻦ ﻟﺠﺎﻥ ﻟﻠﻤﺘﺎﺑﻌﺔ ﻣﻦ ﺍﻟﺮﺟﺎﻝ ﻭﺍﻟﻨﺴﺎﺀ ﻓﻲ ﻛﻞ ﺍﻻﺣﻴﺎﺀ
/11 ﻟﻤﺰﻳﺪ ﻣﻦ ﺍﻟﻀﺒﻂ ﻭﺍﻻﺣﻜﺎﻡ ﻭﻟﺘﺠﻨﺐ ﺍﻟﻘﺼﻮﺭ ﻭﻻﺳﺘﻴﻌﺎﺏ ﺍﻟﻤﺴﺘﺠﺪﺍﺕ ﻭﺍﻟﻤﻘﺘﺮﺣﺎﺕ ﺗﺮﺍﺟﻊ ﺍﻟﺘﺠﺮﺑﺔ ﻋﻠﻲ ﻓﺘﺮﺍﺕ ﻣﺨﺘﻠﻔﺔ ﻭﺗﻘﺒﻞ ﻛﻞ ﺍﻟﻤﻘﺘﺮﺣﺎﺕ ﺍﻟﺒﻨﺎﺀﺓ ﺍﻟﺘﻲ ﺗﺜﺮﻱ ﺍﻟﺘﺠﺮﺑﺔ ﻭﺗﺰﻳﺪﻫﺎ ﻗﻮﺓ .
ﺛﺎﻧﻴﺎ
ﺑﺨﺼﻮﺹ ﺍﻟﻮﻓﻴﺎﺕ
ﺳﻴﺤﺪﺩ ﻟﻬﺎ ﺷﺮﻭﻁ ﺍﻳﻀﺎ ﻭﻣﻮﺍﺻﻔﺎﺕ ﻣﺤﺪﺩﺓ ﻟﺸﻜﻞ ﺧﻴﻤﺔ ﺍﻟﻌﺰﺍﺀ ﻭﻣﺤﺘﻮﻳﺎﺕ ﺻﻴﻨﻴﺔ ﺍﻟﻔﻄﻮﺭ ﻭﺍﻟﻐﺪﺍﺀ ﻭﺍﻟﻌﺸﺎﺀ ﻓﻲ ﻳﻮﻡ ﺍﻟﻌﺰﺍﺀ ﺍﻟﻮﺍﺣﺪ ﻭﺷﻜﻞ ﻣﺴﺎﻫﻤﺔ ﺍﻻﻫﻞ ﻭﻣﺸﺎﺭﻛﺘﻬﻢ ﻭﺗﻜﺎﻓﻠﻬﻢ ﻓﻲ ﺫﻟﻚ
ﻧﺴﺄﻝ ﺍﻟﻠﻪ ﺍﻟﺘﻮﻓﻴﻖ ﻭﺍﻟﺴﺪﺍﺩ

الداير السترة والبساطة والبركة يقع شمبات

وانا طالع الصباح لقيت الشفع طالعين في كبوت العربيه وبيتزحلقو وتاني يطلعو وكده يعني.. واصغر واحد فيهم شغال بالطين جلبطه في القزاز..
حقيقي سرحت معاهم واتذكرت طفولتي وجاتني سعادة كده من جوه لضحكاتهم الصافيه البريئة..
😍😍😍
اصلو ما سالتهم ولا نهرتهم ولا سكيتهم ....

خليتهم ...
وما زعلت كلو كلو
مع انهم ما اولادي ولا اولاد اخواني ....

ولا العربيه زاتها حقتي✋

#مثل_اليوم

راكوبة الكِضب هِدِيمة وبيت الصّح يقيف لا دِيمة.

#مثل_سوداني