قصيدة سميتو افراح السنين
وئام كمال
--------------------
سميتو ﺍﻓﺮﺍﺡ ﺍﻟﺴﻨﻴﻦ
ﺳﻤﺎﻧﻲ ﻣﺼﺪﺭ ﻓﺮﺣﺘﻮ
ﻭﻫﻮﻳﺘﻮ ﻓﻮﻕ ﻣﻌﻨﻰ ﺍﻟﻐﺮﺍﺍﺍﻡ
ﺍﻛﺘﺘﺘﺮ ﻣﻦ ﺍﻣﻮ ﺍﻟﺮﺑﺘﻮ
ﻭﻫﻮ ﺣﺘﻪ ﻣﻨﻲ ﻭﺣﻘﻲ ﺑﺲ
ﻭﺍﻧﺎ ﺑﺮﺿﻮ ﻟﻴﻬﻮ ﻭﺣﻘﺘﻮ
ﻟﻮ ﻟﺴﻪ ﻣﻜﺘﻮﺏ ﻟﻲ ﻋﻤﺮ
ﻳﺎﺍﺍ ﺍﻟﻠﻪ ﺍﺻﺒﺢ ﻗﺴﻤﺘﻮ
ﺍﺗﻬﻨﻰ ﺑﻴﻬﻮ ﻣﻊ ﺍﻟﺴﻨﻴﻦ
ﻳﺘﻬﻨﻰ ﺑﻲ ﻓﻲ ﺩﻧﻴﺘﻮ
ﻭﺍﺻﻮﻧﻮ ﺩﺍﻳﺮ ﻣﺎﺍﺍﺍ ﻳﺪﻭﺭ
ﺍﺑﻘﺎﻟﻮ ﺑﻴﺘﻮ ﻭﺟﻨﺘﻮ
ﺍﺣﺴﺎﺳﻮ ﻟﻤﺎ ﻳﻜﻮﻥ ﺳﻌﻴﻴﺪ
ﺯﻳﻨﺔ ﻣﻼﻣﺤﻮ ﻭﺑﺴﻤﺘﻮ
ﺍﻧﺎ ﺣﺘﻪ ﺣﺘﻪ ﺑﺤﺒﻮ ﺟﺪ
ﺑﻌﺸﻖ ﺣﻀﻮﺭﻭ ﻭﻃﻠﺘﻮ
ﺑﻘﻪ ﻣﺎﺍﺷﻲ ﻓﻴﻨﻲ ﻣﻊ ﺍﻟﻮﺭﻳﺪ
ﻣﺮﻛﺰ ﻗﻠﻴﺒﻲ ﻭﺩﻗﺘﻮ
ﺷﻔﺮﻧﻲ ﻣﻦ ﻛﻞ ﺍﻟﺪﻣﻮﻉ
ﺩﺧﻞ ﺷﺮﻳﺤﺔ ﻓﺮﺣﺘﻮ
ﺑﺮﻣﺞ ﻫﻮﺍﻱ ﻋﻠﻲ ﻛﻴﻔﻮ ﺑﺲ
ﺍﺻﻼ ﺍﺳﺎﺳﺎ ﺣﻘﺘﻮ
ﻭﺍﻧﺎ ﻟﻴﻬﻮ ﺯﻱ ﺍﻣﻮ ﻭﺍﺑﻮ
ﺧﺎﺍﻟﺘﻮ ﻭﺍﺧﻮﻩ ﻭﻋﻤﺘﻮ
ﻭﺣﺒﻴﺒﻪ ﺍﺭﻭﻉ ﻣﺎﺍﺍ ﻳﻜﻮﻥ
ﺗﺒﻘﺎﻟﻮ ﺳﻨﺪﻭ ﻭﻫﻤﺘﻮ
ﻳﺎﺍﺍ ﺭﺑﻲ ﺣﻘﻖ ﻟﻲ ﻣﻨﺎﺍﺍﺍﻱ
ﺍﻧﺎ ﺍﺑﻘﻪ ﻣﺮﺗﻮ ﻭ ﻋﺼﻤﺘﻮﻭ
ﻳﺘﻮﺿﻰ ﺑﻲ ﺷﻮﻓﺔ ﻫﻮﺍﻱ
ﻳﻠﻘﺎﻧﻲ ﻓﺮﺿﻮ ﻭﺳﻨﺘﻮ
ﻭﺍﻧﺎ ﺑﺪﻋﻲ ﻟﻴﻚ ﻳﺎﺍﺍ ﺍﻟﻠﻪ ﺑﺲ
ﻣﺎ ﺑﻘﺪﺭ ﺍﺻﻼ ﻓﺮﻗﺘﻮ
ﺑﺴﺘﻘﻮ ﺑﻴﻬﻮ ﻣﻊ ﺍﻟﺴﻨﻴﻦ
ﻟﻤﻦ ﺍﻛﻤﻞ ﺳﻜﺘﻮ
ﻭﻫﻮ ﺑﺮﺿﻮ ﺑﻲ ﺿﻌﻔﻲ ﺍﻟﻌﻠﻲ
ﺧﺎﻟﻴﻨﻲ ﻣﺼﺪﺭ ﻗﻮﺗﻮ
ﺩﺍ ﺣﺒﻴﺒﻲ ﻳﺎﺍﺍ ﺭﺑﻲ ﺍﻟﻜﺮﻳﻢ
ﺍﻛﺮﻣﻨﻲ ﺑﻴﻬﻮ ﻭ ﻗﺴﻤﺘﻮ
ﻟﻤﻦ ﻳﺘﻢ ﻧﺺ ﺩﻳﻨﻮ ﺑﻲ
ﺍﺑﻘﺎﻟﻮ ﺩﻳﻨﻮ ﻭﺩﻧﻴﺘﻮ ...

عرس زميلنا أمس كان عجيب عديييييل بس شايف كم بت لابسات فساتين مع الرُكب
يأخي دا كلام !!؟ والغريبة بجوا داخلات مع #أبهاتم_واخوانهم والضحك للضروس
ههههههه عادي يا زول .. تعال #أوديك مطاعم بجوا بنات #لابسات شورتات مع بلوزات كت(وِزاوت) طرحه #وليه_ماشي بعيد ماشايف مواقف #المواصلات والبناطلين الاسكيني والبلوزات البودي الحايمة دي !!؟
ولا #الجامعات تشوف فيها العجب العجاب .. تقول لي عرس زميلنا !!
يا زول معروف البنات في الاعراس الله المستعان
وأزيدك من الشعر بيت #أهلهم_بكونوا_مفتخرين_بيهم وهم بالشكل دا
تسمع أم تقول ليك بتي كانت نجمة الحفلة بالله المصور مافات طاولتنا ..📹
لكن صراحة طلعت أحلى من العروس زاتا .
لمتين..!! ⁉؟؟!
#العري_والسفور_والخلاعة_والدياثةوالإختلااااط الشايفنو ده!!
الحالة : الما يشتري يتفرج و علينا جاي كلو في المافي شنو .
لو سمعت زول بنادي في السوق بالعبارات دي فبتعرف انو البضاعة ردية ورخيصة
وما بجيها الا الزول الماداير يخسر أو المابعرف في الحاجات أو العاوز يستعملا يوم يومين ويرميها .
اها يا مؤمنة بترضى تكوني انت السلعة دي !!؟
والله وبالله وتالله إنك #غالية وبتتوزني دهب لو سترتي نفسك وأطعتي ربك.
و أكيد في نفسك عارفه إنو مظهرك دا ما برضي الله بغض النظر عن مقصدك شنو
ما خايفة من #الموت البياخد من طرف دا ؟
ولا عندك صك ضمان بإنك ما #حتفارقي_الدنيا_دي_إلا_بعد_تتوبي !!!
براك شايفة الصاحبة الماتت عيانة والقريبة الماتت فجأة ممكن تموتي فجأة في الحفلة والإختلاط ده ولاماسمعت بالجارة الاتوفت في الولادة
فأرضى الله علشان الله يرضى عنك ويسعدك في حياتك وأخرتك ✅
عارفه #إنصلاحك في روحك إنصلاح جيل بحالو كبارهم وصغارهم شفتي الخير دا
فخافي الله فينا وما تفتنينا وكوني سبب في #دخولنا الجنة زُمرا .
#منقول

جفاف عاطفي
بخيتة ربة منزل بسيطة أغمي عليها وتم نقلها للمستشفي وبعد أن فاقت سألوها :خير مالك الحصل شنو😯
قالت :ثلاثين سنة منتظرة الكلمة دي ماكنت بسمع غير (ياسجم يابجم ي ولية) أمبارح العوض قال لي:عيوني😍😭
مشو للعوض لقوه مخلووع مافاهم شئ سألوه إنت قلت ليها شنو؟
قال ليهم بحكي ليكم بس ماتحكوا للعويرة دي:أمس عايز أقول ليها :
عيوني وجعتني من كترة رسائل الواتساب😌 الهبلة دي أول ماسمعت :عيوني ......وقعت زي حيطة الجالوص في الخريف🙁

😄😄😄😄😄😄😄😄😂😂😂😂😂😂😂😂😂😂😂😂😂😂😂😂

صباحكم بسمه

إستشارة من عضو

عايز اعرس تاني .... رأيكم شنو؟؟!!
انا عمري ٣٦ سنه متزوج قبل سته سنوات والحمدلله عندي ولد وبنت.
ظروفي كانت صعبه وزواجي كان بسيط جدا.
الان اموري الماديه بقت ظابطه وتمام عشان كدا بفكر جادي والله اني اعرس تاني.
عايز اعمل مفاجأة لي زوجتي (ربنا يخليها لي) واعمل ليها عرس من اول وجديد.
عايز افرحها .
اوديها الكوافير والبسها الفستان واعمل ليها ليله في احلى قاعه.
واعزم كل اهلي واصحابي والما حضروا زواجنا زمان.
عايز اقوليها شكرا على كل لحظة جميله عشناها سوا.
عايز اقوليها لو رجع بي الزمن حا اختارها تاني وما حا اعاين لي وحدة غيرها.
عايز اقوليها: انتي اول وانتي تاني وانتي تالت وانتي رابع.
لانها بالجد تستاهل كل خير.
رايكم شنو بالجد؟
هل هي حا تقبل فكرة زي دي ؟
اهلي والحولي حا يتقبلوا الفكرة ولا حا يعارضوا وينتقدوني؟
وهل في طريقة احلى من كدا ؟
#منقول..

يوميات زوجة مفروسة
زوجي العزيز زيو وزي اي زوج اصيل خفيف ولفيف وضعيف قدام البنات الحلوات وعاجباهوروحو ودايما مشعلل غيرتي ببعض تصرفاتو ، قبل فترة جاني قال لقى ليهو اعلان عن مركز طبي لعلاج الاسنان حاجة فايف ستارز كدا بادارة خواجات وعندهم عرض انهم يعملو ليك فحص وصورة بانوراما مجانية للاسنان ، وبحكم انه بعاني من فترة من التهابات لثة متكررة وتساقط للاسنان جاني وقال لي تمشي معاي ترافقيني ، من ما دخلنا من البوابة استقبلونا مجموعة فاتنات من جنسيات مختلفة بالابتسامات والكلام الجميل وطبعا لما عرفوهو هو الجاي للفحص قعدوني في كراسي الاستقبال واستلموهو ، طبعا في اللحظة ديك حسيت بيهو نساني تماما من حياتو ودخل في دور الولد الوجيه الحليوة وعيني ليهو يتكشم ويتظارف ويتبسم وهن يتضحكن ليهو وما عارفاهو بقول ليهن في شنو ولاول مرة الاحظ انو ظهرت ليهو نونات من التكشم ، طبعا في جواي كان في حاجة قوية تدفعني اقول ليهو خلاص يلا نشوف عيادة تاني بس قلت اصبر حدهن هنا وبعداك بدخلوه الدكتور ، جاني قعد جنبي ما سألتو ولما ندهوه يخش للدكتور دخلت معاه وطلعت الدكتورة حور عين افظع واجمل من الممرضات البره وبرضو صاحبنا نساني من السوفت وير بتاعو تماما ، وبعد شافت الصور قعدت تشرح ليهو في مراحل العلاج انو كمرحلة اولى لازم تتقلع مجموعة السنون القدامية التحت والمرحلة التانية تتزرع اسنان جديدة مكانها والاحظ ليهو مبسوط ومندمج مع شرح الدكتورة زي كأنو كلام القلع والشلع دا البتنضم عنو في خشم زول تاني ، طلعنا منها بحجة نفكر ونجيها تاني انا زعلانة وصامتة وهو الانبساطة تحسها من عيونو ، المهم راجعنا في كم عيادة اكدو نفس الخطة العلاجية وأصر انو يمشي عندها للقلع بحنك انو راحة المريض للطبيب البعالجو عامل مهم للعلاج رغم معارضتي ، وبقى كل يوم يمشي يقلع سن ويجي مبسوط ومعنوياته مرتفعة لحدي ما شالت كل السنينات القالتهم وبقى قاعد في السهلة ولسانو ماخد راحتو وكلامو زي الزول السافي سكر وهو متعقد من القصة دي بس صابر لحدي المرحلة التانية ، المهم قبل كم يوم جاني زعلان انو شركة التأمين اتجننت وقالو انو تجاوز الحد بتاعو بتاع الاسنان في تكاليف القلع لانو كل سن كانت بتقلعو بمبلغ وقدره وانهم ما حيقدرو يغطو تكلفة الاسنان الجديدة لانو فاتورتها عالية وهو تجاوز الحد ولازم يتحمل هو التكلفة ، ولانو مفلس بقى قاعد اليوم كلو محنبك وساكت وبطل يناديني باسمي عشان حرف السين واخيرا ليهو يومين بحاول يقنع فيني ابيع شوية من ديهباتي عشان السنون الجديدة وانا رافضة وبقولي ليهو كدا احلى وعاجبني وكفاية اسمعك تاديني يا ثوثن ثوي لي ثكثكانية .... ياربي لو اصريت على موقفي بكون غلطانة ( المعذبة ... ثوثو ) ... منقول

المساعد الطبي زمان تلقاهو فاتح الشفخانة وتاااااكل عجلتو بره او رابط حماره بره . وعيونو حممممر . وغلاية الحقن راااااشحة تقول شادين فيها كوارع . والحقن يجقجقن بس فاقدات البصل والبهارات . وعدة العملية الصغيرة مغطنها بي شاش . خاتنها طرف زي عشاء الفنانين . وكان جيت وعندك قحة . بكون مدنقر ولا بشتغل بيك الشغلة . بي اعتبار انو القحة ومرارة الخشم ما مرض طالما البلد ملياااااانة ضان ّوأول سؤال بقوليك جمبكم جزارة لو قلتا ليهو أي جمبنا طوااااالي بوصف ليك المرارة والبصل وبقوليك بالليل أمسح صدرك بي زيت سمسم وملح . ولو قلتا ليهو ما جبنا بقوليك اكل ليك كسرة بي روب وشطة وشقق معاهن بصلة كبيرة .
بالله هسه تمشي الصيدلية اول ما تقح قبال تكمل قحتك تلقى الصيدلي نزل ليك تلاتة رفوف حقات دواء . واي فتيل كتب ليك فيهوّ بي قلم شيني كبير . زي المغتربين زمان لمن يجيبو الهدايا عشان ما يتلخبتن . بلفوهن بي كيس ويكتبو عليهن . ومرات كان غفلتا منو عااااااااادي ممكن يخت ليك درب وحقنة فاضية . ده غير الزرزرة عندك بلغم ولا قحة ناشفة . وصدرك بوجعك ولا بتقح عادي . وقصص كتيرة.ولو قلتا ليهو خشمي مسيخ ممكن عادي يقطع فيك مضاد للحموضة يكون سعرو اغلى من كيلو الضان .

# مناشدة

رجعو لينا قحة زمان بي صمة خشما

موضوع جادي جدا

ياجماعة حبيت اتكلم عن موقف حصل لي حسة قبل شوية وحبيت الفت نظر الناس ليهو..

وقفتا ركشة السايقا عمك كبير... المهم اخدني كم مشوار (وداني المشتل من الجريف.. وتاني رجعتا الجريف... ومنها مشيت اركويت لفة جوبا). وانتظرني في كل مشوار.. اللفة دي اخدت 45 دقيقة تقريبا.. لحدي هنا حلوين.. كان صبور وانتظر...
اخر محطة لفة جوبا لمن نزلت وسالتو حسابك كم قال لي (30) ج!!! قولتا ليهو كم!!!! كرر تاني 30 يا بتي... قمتا سألتو قولتا ليهو إنت شكلك اول يوم تطلع ولا غريل هنا... قال لي غريب من الحتة....
قولتا ليهو: عشان كدا انت ماعارف الاسعار كويس لأنو ال30ج دي مشوار اتجاه واحد وانا عملتا 3 مشاوير غير الانتظار انت مفروض حسابك يكون كذا (المبلغ الاديتو ليهو).
فاستغرب جدا وضحك ونزل من الركشة سلم علي باليد قال لي ربنا يذيدك من خيرو انتي عارفة انا لي حسة زمن شغال في الركشة والسعر البقولو بدوني ليهو ومابذيدوني نهائي.. قال لي قبال يومين وديت مرا من بري لحدي جبرة فقولتا ليها 25 طوالي ركبت وحسيت المشوار طويل لكن خجلت اقول تديني ذيادة فادتني ال25 لمن وصلت مشوارا ..!!!

حكي القصة ودور ركشتو ومشى بعد ماوريتو الاسعار المفروض يطلبا.

كسرة: الناس تخاف الله في خلقة وتكون أمينة مع نفسها.. الناس دي بتتعب وتشقى عشان لقمة العيش بلقطوها لقيط... لمن تلقا زول ماعارف حاجة وريهو واشرح ليهو واديهو حقو الانت عارفو عشان تكون مرتاح نفسيا... زول قال ليك مشوار بعيد وانت عارف السعر ماتبخل عليهو بالحق دا... عشان ربنا يطرح البركة في رزقك... وتأكد لقدام ربنا بيعوضك كتير... خلونا نساعد بعض ومانكون قاسيين.

ملحوظة : في ناس بيطلبو اسعار هلامية لمشوار بسيط يالله ديل مستنكحين اتفاوضو معاهو😂😂😂

شكرا ليكم

بوست الجمعه معمول بحب💖
بقولو العاطفه والحب اكتر شي بتكون عند المراه وربنا خلقه حنينه وصدرها واسع💖 ودا شي مافيو خلاف بس مابنفي انو الرجال كمان عندهم العاطفه والحب بنسب متفاوته وبطبيعه الحال ظروفنا في السودان خلت الراجل يخجل من تقديم الحب والعطف بشوف نفسو ضعيف اذا قال لي زوجتو انا بحبك رقم انو قبل العرس بكون راقد رز😄 لكن خلاص هسي ضمنها حب شنو وبطيخ شنو 😌 وببقي عندو اهداف اسمي من الحب زي مثلا يجي هائج وجلابيتي وينا وشالي وينو والجمعه فاتتني ويعمل موضوع وزيطا وزمبريطا في شي مابستاهل⭐ في حين انو كان ممكن يجي براحه ويقوليها يا ست البنات وين حاجات الصلاه؟ وصدقني حتديك ليهم ومعاهم ابتسامه تسعد روحك 😍بس يلا مافي كلام زي دا مابنقدر نحنا والله وانا شخصيا مابثتثني روحي انا كمان مابقول ست البنات بجي هائج وحاجاتي وينا والفطور وينو والكلمه الطيبه مابتزكره الا لمن يحضرو الشي العاوزو وبعد يجيبو بستخسر اقولها وماعدم تقدير بالعكس بنكون مقدرين بس نحنا كده عادات وتقاليد😄 حتي كمان المراه السودانيه اتعودت علي كده واتعودت علي جوطتنا لدرجه لو حاولت تظهر حبك او امتنانك عادي يقوليك انت الليله ماشديد عيان😄 لانو اتعودنا خلاص علي الجوطه والكلام الكتير ودي مامشكلتنا برانا حتي اهلنا من زمان كده 😄 بس انا بشوف من الافضل اننا ننمي بزره الحب في الجيل الجديد دا ونوريهم انو المراه ام حتي وان لم تنجب والام واجب احترامها ومعاملتها بالزوق والحنيه وانو كلمه حب ماعيب وولا حرام وولا ضعف💖 وكلمه شكرا وعفوا واسف ديل شعار المعامله الحسنه اللي المفروض يكونو جزؤ من حديثنا اليومي⭐ ونحاول بقدر مانقدر نخليهم جيل محترم وجميل بتبادل الحب حتي في ابسط الحاجات💝 واذا قدرنا زرعنا الحب والمعامله الطيبه صدقوني حنقلع كميه من الحاجات الكعبه واولها العنصريه لانو البتعامل بحب اووردي بنبز العنصريه بكل اشكاله لانو الحب فطره الانسان والعنصريه عاده مكتسبه وماا اظن العاده تغلب الفطره.
وجمعه مباركه عليكم💚
محمد معاطي

قرطوط

نغير برضو من كتمات القروب

😂😂😂😂😂
واحد. بيحكي. قصتو

مكتبنا بتكون من تلاتة اشخاص بنتين وحدة شينة شديييد👹 (بتول) ووحدة حلوة شديييد 👧(تسابيح)
وولد واحد ياهو انا الخير☺

الحلوة مكسراني 😍😍والشينة انا مكسرها😩😩 ومافينا زول قادر يعبر عن مشاعرو للتانـي 😷😷

وقدر ما اقول الليلة بقول ليها اني بحبك وماقادر اعيش من دونـك😠😠 الشينة تجي ناطة لي 😭😭😭

الخير فطرتا ولا اجيب ليك شئ تأكلو
عشان انا بخاف عليك😏😏

(الله يهديك لاتخافي علي ولا اخاف منك)

وكل يوم اقول الليلة لو لقيت لي تلاتة دقائق بس مع تسابيح
برانا بحكي ليها عن مشاعري😎😎 وانتهي من العذاب دة واتخلص من بتول تشوف ليها زول غيري

لكن نهائيآ العواليق دي ما دايرة تدينا فرصة😡😡
ويا كافي البلاء لا بتمرض لا بتموت😝😝
السنة كلها شغالة وغياب دة في قاموسها مافي
تقول الحكومة دي مشغلاها بالانتاج😂😂

ويوم بالصدفة بس لقيت لي زي عشرة دقائق مع تسابيح وطوالي من غير مقدمات ولا في زمن للمقدمات كبيت ليها الحنك

شوفي يا تسابيح صرااااحـة كدة
انا بحبك😘😘 وبموت فيك😘 والله والله العظيم تلاتة

الليل كلو ⛺ بكون صاحي وبفكر فيك😳😳 وبحسب في النجوم

قالت لي مستحيل اخون صحبتي😳😳
قلت ليها صحبتك منو
قالت لي بتول 😰😰
بتول منو

بتول قالت بتحبك وهي بتحكي لي اليوم
كلو عنك وعن مستقبلكم اجي انا اخطفك منها
لا لا دي ما انا ولا انا البنت البتخسر صحبتها عشان ولد

شنوووووو بتول منو لا لا لا
بتول دي اكيد فاهمة غلط
قبال ما اتم شرحي بتول جات ناطة
وصحـي والله (كل كنزآ يحرسه جان) وقفت لي في راسي

بتقول ليها في شنووو ياكضاااااب
قوووم امشي شوف شغلك

اتضايقت جنس ضيق ومشيت بيتنا انعل في اليوم الجاب بتول والداية الجابت حبوبتها زاتوو
😡😡😡

معاويه لقاني صاري وشي
مالك يا الخير حكيت ليهو الحاصل
وسبحان الله انا مشاكلي ما احكيها الا لي معاوية
والبباري معاويـة بوديهو الكوشـة

قال لي بسيطة حلها عندي☺☺
بكرة بعد الشغل
تجيني نمشي لي فكـي جامد اسمو (ادم شفرات)

دة اي بنت تقول ليهو اسمها بس هو طوالي
بشفرها ليك

مابتشوف زول تاني غيرك وتحبك حب لمن تستغرب
زاتو 💏
وفعلا مشينا اول ماقعدنا وقبال ما احكي ليهو شئ قال لي
الطويلة ولا القصيرة ياولدي
امممممممك
يااااااخ انت معلم عديييييل والله
القصــيرة ياشيخنا الطويلة اعمل بيها شنو العاملة
زي الكراكة بعدين دة منو البحب ليهو بنت طويلة الزمن دة
والله ( )ساكت تفلس بيك الطويلة😂😂

القصيرة ياشيخنا
ولو عندك لي حاجة تطفش لي بيها الطوييلة وريني

قال لي شفرة مؤقتة ولا دايمة
قلت ليهو دايــمة يامولانا لحدي ما امووووت
ماتحب زول غيري😁😁

اداني عرق المحبة وقال لي ختو ليها في شئ تشربو
🍧🍨☕🍵🍺🍻🍹🍷
وفعلا عزمتها شاى وختيت ليها العرق فيهو
بالله قبال ماتشرب منو جغمة واحدة
جات بتول
مسكت الكباية حقتها وقرطعتها
قرطع قرطع قرطع☕☕
نزلتها فاضية
تقول وصاها معاوية
اتحرقت حرقة وزعلت زعل طوالي
قطعت ليك فيها كف الكفتريا كلها بقت مركزة معانا

قالت لي شوف يا الخير لو ضبحتني عديييييل بكون مبسووووووطة منك ياغالي علي قلبي ياروحـي
يااغلي ما في الوجود ياروحي ياسمح ياجميل

وضرب الحبيب زي اكل الذبيب

امممممممممك
معناها مفعولو سريييييع

وبقت متلحاني وماعندها شغلة غيري
من جانب مريحاني شغل بقيت مابشتغل نهائي
وقالت لي مستحيل تتعب تاني انا موووجودة
وبقيت اجي الصباح اوريهم وشئ بس
وافطر معاها لانها بقت يوميآ تجيب لي فطور معاها من بيتهم بالله يومي ضابحة لي ديك🐓 لمن خفت
علي الفراااااخ من الانقراااض وقلت الموضوع دة كان استمري اكتر من كدة البلد ماحايفضل فيها ديك حايم وماحانأكل بيض🍳🍳 تاني

وكلمت معاوية يطلعني من الورطة دي وفعلا قررنا
نمشي للفكي يفك لينا الشفرة بتاعت بتول دي

ومشينا للفكي اول ماوصلنا بيت الفكي لقينا صيوان
كبير قدام بيتو
لمن قافل الشارع قالوا لينا الفكي دة مات
وبقيييييت اكورك معاهم وااااااااي وااااااااي
ياحليلي ياحليلي الاتشفرت مع بتول
😂😂😂😂😂😂😂😂

شباب اخر زمن واحد مسافر الي كسلا من الخرطوم ----)واقف في صف التزاكره البص تظهر حسناء رقيقة جميلة لوسمحت ممكن تقطع لي معاك تزكره "ماده ✋ بقيمة التزكره :: صاحبنا ماصدق وعلى قرار الحب من اول نظره تعلق بها وأصر عامل الشباك أنه لازم يكون المقعدين متجاورين لأنه هو مع أخته ولا يمكن يتركها تجلس قرب شخص غريب وبعد تصرفات عامل الشباك بتبديل أحد المقاعد يحظى صاحبنا بالمقعدين المتجاورين؟؟؟ويخشى محل المجلات ويشتري مجلات نسائيه من نوع سيدتي و لهاولهو وغيرها ومناديل ورق معطره وعدة باكوهات من اللبان بمختلف أنواعها والنكهات وبينما صاحبنا جالسى؟؟؟؟؟ ينتظرها تظهرها من تحت من ناحيه الشباك وتقول له لوسمحت نعم نعم نعم نعم نعم تفضلى اركبي لالالالالالا ياريت بس ما انا المسافره مسافره معاك حبو بتي ؟؟؟عاين ليها في الممر لو ما اكون تقلت عليك ممكن ترايها لغاية كسلا هناك اخواني راح يلاقوك في الموقف ولو حصلت اي حاجه تلفوتهم في ورق دي صاحبنا تلقي الشاكوش البارد بنكهة الفانيليا ؟؟؟؟وهو ينظر على الحاجات ويتنقف طيب وسيدتي و ألبان والمناديل اوديهم وين وتمباكى الرميتو ؟؟؟؟؟؟الحبوبة شلامتك يا ولدي قلت... حاجه .....اخينا .... لا لا لا لا لا لا......شلامتك انتى يا حاجة .... مافي . شئ

#الماحتقرا_الموضوع_أحب_اقول_ليها_مستقبلك_في_خطرر_يي_ماما ،،😂😂
انا مامعقد لكن الغلط مابسكت عليه
والله العين تدمع صور اخوات وعروض في الملأ ووممكن البوست ده يتحذف ومايلاقي قبول زي صوره مكشوفه ومعروضه فشنو ركزي معاي بالله ،،😌😌

أول قاااعدة ،،
أوووعك تثقي في راجل على نفسك ،سامعاني ؟؟ 😒
يلا نفسك دي ما قصدي بيها مشاعرك واحساسك لا لا 😂
مشاعرك دي مرمطيها براااحتك يختي 😂
وسخيها مع مية ولد زي ماا تحبي ،،
وبعد تنتهي غسليها بالتوبة 😊وامصريها شديييد بالندم😊 وشريها في حبل الصدق😊وخلي هبوب النسيان ينشف ليان احساسك حسه ..حسة الكانت للزول الخزلك دا ،، 😊💔

اها مشاعرك الضاعت دي كلهاا ما مشكلة ولحدي هنا تماام
وباسطة جدأ ومعليش اي بت بتغلط عادي يعني.. وبترجع تعرف الصاح والحياة ماشة..
وبتكوني اجمل لو حافظتي علي مشاعرك برضو❤
بس اووعك تثقي في رااجل على نفسك الجسدية ،، ?
اي بالعربي كدة يا زولة نفسسك الجسديية ،،😒😒
ما تثقي في زول عليها ،، يعني بالاوضح كدة توب شرفك النضيف دا ،، ما تلبسي لزول وسخان ،، 😆بوسخو ليك ،،
وشوفو هنا انا ما بتكلم عن كل الاولاد انا بشرح في نوعية وشريحة معييينة من الشباب فما يجيني زول يقول لي انت مالك مع الاولاد 😒😒

المهم الزول البعمل الحرام والغلط دا ما بجيك من أول مرة يقول ليك ارح نغلط لا لا لا انتي فاهمة غلط 😂😂😂
عايني ،،😌😌
ما من اول مررة بتعدى حدود الشرعية والاخلاقية وبوسخ شرفك بدناسة نيتو الوسخة ،، 😒
لا لا بستدرجك ،، 😂 او انتو الاتنين بتستدرجو الغلط ليكم ،،😁

كييف؟؟ بمسك ايدك وبخلي حساسك دا في
اجملل حالات مزاجو وكيفو ،،

وممكن عادي خجلك يموت وينتحر قدامك وتطلعي تلفونك ولا تلفونو وتصوري مسكة ايديكم ،، 😒😒
ولا لا ما كدة وبس بتشيلي الصورة بصمة خشما وتختيها في الواتساب ولا الفيس ،،

والشي البوجع اكتر انو الواتس دا فيو خالا وعمها ،،

وابوها الطيب ،، 😖

الما عندو خبرة كافية في الواتساب عشان يعرف انو دي صورة شخصية مختوتة في الواتساب

وانها عبارة عن يد بتو الشريفة العفيفة المربيها ماسكا واحد وبفضي في رغباتو الدنية فيا ،،

قسم بالله لو انتي فيك احساس بعد جملتي الفاتت دي حقت ابوك تاني لو حبييك دا يبقى اخر راجل ما تتعدي حدودك معاو ،، 😒

ولو جد ما اثرت فيك الجملة دي ولو بجرعة صغييرة من تأنيب الضمير ف احب اقول ليك مبرووك 😘😘

وحضرتك مجردة جدا من اي ذرة خجل وضمير ،، 😒😒😒

وانك عبارة عن جسد بس ،،😒

بترينة للعرض ،، عضام ولحم رخيص ,.
لحم رخيص دا فلم ،، 😂😂😂

اخييررآآ فهمت يا وديع ،، 😂😂😂

المهم 😒

دا ابوك ،، اما امك المسكينة الزولة البسييطة الما مواكبة للعصر و ال يا حليلا فرحانة بيك بتي بقت كبيرة ومشت الجامعة 😍

وياا امي بتك ال يا حليلا من ضل شجرة لركن حديقة ،،😂

شوفتي كيف الاحساس !!😒

اها يا اختي الطيبة ،، 😊 زي ما قلت ليك زولك دا ما بناديك كدة بالوااضح هيا اللى الرزيلة ،،😂

لا لا يا السمحة بمهد ليك حتة حتة 😌

وبعدين عايني ممكن هو زاتو الاروش دا يكون ما في نيتو كدة بس عشان سيادتك وحضرتك اديتيو الامان وابليس فااضي ليكم وما عندو شغلة
غيركم بظبط ليكم الامور ،، 😂😂

ويا حبيبي وحبييتي يا سلااام من مسكة ايدك انا بموت
عديل كدة وانا بسيح ،، ها الموهومة دي ،،😒😒

بس فعلا انتي قاعدة تموتي وما حاسة ،،

معلومة ختيها في رااسك الماكن دا للزمن 😂😂

#ااي ولد بلمس ليو بت بطريقة شهوانية وحيات
ديني ما بعرسا ،،😝

شوفتي ما بعرسك ما بعرسك بس ياها زاتا

لن يتزوجكي ،،😂😂😂

وشوفي كمان ما بخليك لا لا اناني فيك جدآ
كيف ؟ لا بعرسك لا بخليك ،،😒😒

عشان سيادتو مخليك الزاوية العفنة في حياتو البجي ليها كل مرة وينسى بيها قرف باقي الزوايا بتاعتو ،،😒

فشنو انسيني انا وكدي فكري بينك وبين نفسك وصلتي ياتو مرحلة شينة في الريد ،،

النظرة البتكتل حيلك ولا مسكة الايد البتموتك ،،
ولا الشي الكعب الما بتقال داااك ،، 😒😒المافي منو رجعة ،، 😒

وحاجة تانية ما انساها حكاية الصور الطالعين لي فيها دي ،، 😲

حبييتي انا مشتاق ليك رسلي صورتك هسي بالوضع
الانتي فيو ،،😍😍

افرض انها في الحمام ؟ ح ترسلا ،، ؟ 😱

بترسلا بترسلا يامصعب اطلع منها انت ،، 😂😂😂

المهم فعلا بترسلا ،، حبييتي لابسة شنو هسي ؟ 😌😌

وواي انا يا مرراتي الاتهريتي ،، 😭😭

ح تكون لابسة شنو سين سؤال ،، ؟؟ 😱

و عاينو ليها هي كمان لابسة جلباب لونو فوشي مخطط ،، 😌😌

وتلقاها لابسة ليها جلابية حقت امها
ليها تلاتة يوم لامن شربانة ،، 😂😂😂😂😂😂

لكن قلة ادب منها سااي تخلي زولنا داك يسرح بخيالو
ويتأمل ويخم في الذنب ،، 😒😒

ياخ صورك دي ما ترسليها لزول الكلام دا ما مفهموم ،،؟؟😱

ولا ل صحبتك زاتو ما ترسليها ياخي ،،😭😭

المهم يا الزولة الطيبة اكيد انا ما ح اخاف عليك اكتر من نفسك واكيد لو ما

دايرة انفعك ما بضرك ،
والمهم يا زولتي ابقي عشرة على نفسك الجسدية ،،😊

ابقى مية على كرامتك ك زولة محترمة
تستاهل الريد ،،😊

ابقى الف على شرفك شرفك شرفك
ما عندك غيرو يا بت امي ،،😊

دا اغلى من التلفون الجلكسي البجيبو ليك زولك واغلى من العشا البعشيك ليو فبطلي دناوة يا ام كرش ،، 😂😂

واحفظي نفسك لزولك الحلااال ،،😊😊

ما تضيعي حياتك وحياة ابوك الطيب
وامك السمحة ،، 😊

عشان لحظات من المتعة الحرام البتخلف مية الف
حسرة وندم وبذرة صغيرة ،، 😢

ما ليها اي ذنب في دناوة شهواتكم وتترمي في
المايقوما ولا في محل زبالة والكلاب
تنهش في اي حته فيهو
#ربنا يهديناا كلنااا وكلنااا غلطااانين وربناا غفوور رحيم
#ساعدني

عجيب أمرك أيها السودانى

حكم علي امرأة بسدادمبلغ 600جنيه اجرة شهر و في خلال جلسات تنفيذهذا الحكم....عجزت المرأة عن السداد وليس امام القاض الا ان يحبسها حتي السداد. و لكن رجلا كان موجوداً في قاعة المحكمة مصادفة و هو ينتظر ان يظهر في قضية تخصه ، قام بسداد هذا المبلغ للمرأة ....و عندما نودي علي تنفيذ اخر...وقف الرجل الذي سدد لتلك المرأة..... وكان واضحا انه المدين في التنفيذ الاخر... ساله القاضي هل احضرت مبلغ التنفيذ.. اجاب نعم لكنه ينقص 600 جنيه وهو المبلغ الذي سددته للمراة التي كانت تقف في مكاني هذا قبل قليل.. ذلك ان الافضل ان ادخل انا السجن علي ان تدخل امراة فما كان من دائن هذا الرجل الا ان وقف و عفاه من الدين.. هذه القصه لم تحدث في عهد بني اميه انما حدثت امام محكمة بحري.....
الشعب السودانى رغم كل شئ لازال بخير ...
.
و لو اصبح الدولار بمليون جنيه يظل السودان بلد الكرامة

ﺩﺍﻳﺮ ﺍﻭﺻﻴﻚ ﻳﺎ ﺑﻨﻴﻪ ﻓﻲ ﺯﻣﻦ ﻓﻘﺪ
ﺍﻟﻮﺻﻴﻪ
ﺍﻟﻨﺼﻴﺤﻪ ﺗﺒﻘﻲ ﻣﺎﻓﻲ ﻭﺍﻟﺒﻌﺮﻓﻮ ﺍﻟﺤﺐ
ﺷﻮﻳﻪ
ﺍﻟﺒﻐﺶ ﺍﻟﻨﺎﺱ ﺑﻌﻴﺶ ﻭﺍﻟﺒﺤﺐ ﺑﺎﻟﺠﺪ
ﺿﺤﻴﻪ
ﻓﻲ ﺍﻟﺒﻴﺴﺮﻕ ﻓﻲ ﺍﻟﺒﻴﻨﻬﺐ ﻭﻓﻲ
ﺍﻟﺒﻴﺨﻄﻒ ﺯﻱ ﺣﺪﻳﻪ
ﻓﻲ ﺍﻟﺒﺮﻳﺪﻙ ﺭﻳﺪﺓ ﺻﺎﻓﻴﻪ ﻭﻓﻲ ﺍﻟﺒﺠﻴﻚ
ﻧﺎﻭﻱ ﻧﻴﻪ
ﻭﻓﻲ ﺍﻟﺘﻘﻮﻟﻲ ﻋﻠﻴﻬﻮ ﻭﺍﻋﻲ ﻭﻳﺒﻘﻲ ﻓﻲ
ﺍﻻﺧﺮ ﺍﺯﻳﻪ
ﺧﻠﻲ ﻋﻘﻠﻚ ﺻﺎﻓﻲ ﺟﻮﺍﻙ ﻣﺎ ﺣﺘﻮﻗﻌﻲ
ﻓﻲ ﺍﻟﻬﻮﻳﻪ
ﺷﻴﻠﻲ ﻣﻦ ﺟﻮﺍﻛﻲ ﺧﺎﻃﺮﺓ ﺍﺳﻤﻬﺎ
ﺍﻟﺤﺐ ﻭﺍﻟﺒﻠﻴﻪ
ﺑﻜﺮﺓ ﻳﻠﻌﺐ ﺑﻴﻜﻲ ﻭﺍﺣﺪ ﻭﺍﻧﺘﻲ ﺭﻭﺣﻚ
ﻟﺴﻪ ﻧﻴﻪ
ﺑﺎﺑﺘﺴﺎﻣﺔ ﺟﻤﻴﻠﻪ ﻣﻨﻮ ﻭﺳﺎﻋﻪ ﻓﻲ
ﺻﻨﺪﻭﻕ ﻫﺪﻳﻪ
ﺗﻠﻘﻲ ﻧﻔﺴﻚ ﺗﺎﻳﻬﻪ ﺟﻮﺍﻙ ﺗﻔﻘﺪﻱ ﺯﻣﺎﻡ
ﺍﻟﻘﻀﻴﻪ
ﻭﺗﺒﻘﻲ ﻓﻲ ﺍﻻﺧﺮ ﻣﺰﻟﻪ ﻫﻮ ﺍﻟﺒﻘﻮﻟﻮ
ﺍﻟﻨﺎﺱ ﺷﻮﻳﻪ
ﺍﻟﺒﺠﻴﻚ ﺑﺎﻟﺒﺎﺏ ﺣﺒﺎﺑﻮ ﻭﺍﻟﺒﻨﻂ ﺍﻟﺴﻮﺭ
ﺍﻛﻮﻳﻬﻮ ﻛﻴﻪ
ﻭﺍﺑﻘﻲ ﻋﺸﺮﺓ ﻳﺎ ﺑﻨﻴﻪ

كلمات:عثمان محمد

*نموت ساي*

حضرت محاضره دينية بتتكلم عن طاعة الزوجة للزوج ومفروض الزوجة كل يوم تشيل العفو من زوجها عشان لو ماتت يكون زوجها راضي عنها ...قلت خلاص أقول ليهو اعفي عني ...
بس بالليل كدا قاعدين نتونس قمت بعد تردد كتير قلت ليهو عليك الله اعفي عني ..
قام نطط عيونو
وقال لي
ليه عملتي شنو ؟؟
قلت ليهو ماعملت حاجه
بس عايزاك تعفي عني يمكن أموت....
بس الساعة القام هاج وقال لي والله ماتقولي عملتي شنو الليلة ماتبيتي في البيت ده ...

*أها جنس ديل ينفع معاهم عفو ؟؟؟!!!*

*أخير نموت ساي* 😂😂😂😂😂

عشان تقتنع. .!!!!وماتختنع!!!!
حليل زمن الفات الكبار والقدرو
حليل زمن البشيل الحمووول ويعدلو
حليلو الكان يتضايرن منو بنوت الفريق يتسترو
حليلو الكان اننضم ستار عروض عوين فريقو واهلو
حليلو الفات الاسد في مر حقارتو وصقرو
كرهت الوسط نسوانو حديثو وفخرو
وابيت المن مسوح خياتو مجلط شعرو
غبني الخيتو سراحة مع رفاقتو وهو كاتل ضلو
وغبني حريمو مرقن كاشفات زنودن وضلو!!!!!
وهو سارح مع ابليسو وجهلو
اريتو يْعود مقنع الكاشفات لي محلوووووووو

للجادين فقط
فتاة عمرها ٣٥ سنة طولها ١٧٥سم وزنها ٧٦كيلو لون بشرتها أبيض حاصلة على الدكتوراه.
امرأة أعمال مبتدئة عندها منزل متكامل حالتها المادية ممتازة تصوم وتصلي صلواتها الخمس الحمد لله.
متدينة حيوية رومانسية تعشق السفر والتسوق تقدس الحياة الزوجية تملك شقة في المنشيةواخرى في العمارات شارع 15 وورثت من أبوها بيت في الطائف
.
.
.
.
.
.
.
.
.
.
.

تبحث عن ويكه ناشفة تشتريها من وين ؟؟؟؟؟
😂😂😂😂😂

ﻭﺍﺣﺪ ﺑﺤﻜﻲ ﻗﺎﻝ ﻋﻨﺪﻭ ﺍﺧﺘﻮ ﻋﻨﺪﻫﺎ ﺻﺤﺒﺘﻬﺎ ﺷﺪﻳﺪ ﺍﻣﻬﺎ ﻣﺎﺗﺖ ﻭﺍﺧﺘﻮ ﻣﺎ ﻣﺸﺖ ﻟﻴﻬﺎ ﻓﻲ ﺍﻟﺒﻜﺎﺀ
ﻗﺎﻣﺖ ﺍﺗﻔﻘﺖ ﻣﻊ ﺍﺧﻮﻫﺎ ﻋﻠﻲ ﺍﻧﻮ ﻳﻤﺸﻮﺍ ﻟﻴﻬﺎ ﻭﻳﻌﻤﻠﻮ ﺭﻭﺣﻬﻢ ﻣﺎ ﻋﺎﺭﻓﻴﻦ ﺑﺎﻟﺒﻜﺎﺀ ﺩﻩ ﻭﻳﺴﺎﻟﻮﺍ ﻣﻦ ﺍﻣﻬﺎ ﻟﻤﻦ ﺗﻮﺭﻳﻬﻢ ﻳﺸﻠﻮﺍ ﺍﻟﻔﺎﺗﺤﻪ ﻭﻳﻌﺰﻭﻫﺎ ﻭﻛﺪﻫﺎ
} ﺧﻄﻪ ﻓﻲ ﻣﻨﺘﻬﻲ ﺍﻟﺬﻛﺎﺀ {
ﺍﻭﻝ ﻣﺎ ﻣﺸﻮﺍ ﻟﻴﻬﺎ ﻭﺳﻠﻤﻮﺍ ﻋﻠﻴﻬﺎ ﻭﻗﻌﺪﻭﺍ ﻧﻈﺎﻡ ﺍﻟﻮﻧﺴﻪ ﺍﺧﺒﺎﺭﻙ ﺷﻨﻮ ﻭﻋﻤﻠﺘﻲ ﺷﻨﻮ ﺣﻨﻚ ﺍﻟﺒﻨﺎﺕ ﺍﻟﻌﺎﺿﻲ ﺩﺍﻙ
ﺑﻌﺪ ﺷﻮﻳﻪ ﻗﻮﻭﻭﻭﻭﻭﻭﻭﻣﻲ ﻳﺎ ﺍﺧﺖ ﺻﺎﺣﺒﻨﺎ ﺍﺳﺎﻟﻲ ﺍﻟﺒﺖ : ﺍﻫﺎ ﺍﻟﻤﺮﺣﻮﻣﻪ ﻭﻳﻦ ﻣﺎﺷﺎﻳﻔﺎﻫﺎ
ﺃﺧﻮﻫﺎ ﺗﻠﺐ ﺑﺎﻟﺸﺒﺎﻙ ﻭﻟﺤﺪﻯ ﻫﺴﻲ ﻣﺎ ﺭﺟﻊ ﺍﻟﺒﻴﺖ ....