اسباب نجاح الزواج . .
على حسب فهمى مع انى صغيرة فى السن . . بس اتعاملته مع ناس كتااار . . وناس كتااار بحكو لى مشاكلهم . . فهمته من تجاربهم الحاجات دى
اول حاجه . . نجاح الزواج ما ليهو علاقه بالحب والوعود الاوليه . . حياة تانيه بالجد . . بس ليهو علاقه بالتفاهم والاتفاق على كل صغيرة وكبيره . . الحب بحلى ليك طعم الحياة بس ما بحل ليك المشاكل . . خصوصا لو دخلو اطراف تانيه بعد دة حتى لو الحب موجود ممكن عادى الزواج يفشل ويكون الحب موجود . . عشان كدة اتفاهو اول . . كل زول يرسم حياتوو مع زولو بالتفاهم وحسب الواقع والعادات والتقاليد .
تانى حاجه . . اى زواج فيهو مشاكل . . مستحيل تلقى حياة خاليه من المشاكل خالص . . بس المشاكل دى بتتحله بى حاجتين . . الاولى انو لازم الطرفين يتقبلو عيوب بعض ولازم الطرفين يتقبلو الظروف بعض . . العيوب دى بتعلق بالطباع دايما . . يعنى دة صعب ودة احمق ودة بمسك فى قلبو . . عيوب زى دى . . اهم شى الزول يتعامل معاها بصدر رحب وبالعتزار لانو بطيب الخاطر . . والاعتراف بالغلط لانو بشفى الغل . .اما الظروف دى يا ظروف ماديه يا ظروف من ناحيه الاهل . . يعنى الوضع المادى دة الناس ما تتكلم فيهو وتحاول تعيش بالموجود والبنات بالزات ما يطلبو حاجات ما واقعيه . . اما الظروف البتجى من ناحيه الاهل اذا كان اهل الراجل او المراة . . دى ما عندها حل غير الصبر وانك تفهم طبعهم وتحاول تتماشى معاهم خصوصا لو ساكنين سوا . . لانو لو خربته وش العلاقه تانى ما بتمشى لى قدام حتى لو فى حب وتفاهم بين الزوجين . . ماف زول بخلى اهلو والاهل بضغطو شديد اكيد الحل ح يكون فشل الزواج !
تالت حاجه . . فى مشاكل بتكون بسيطه . . بس الزوجين بحلوها بالطلاق . . واحيانا بكون فى اطفال فى النص . . والحاجات البسيطه دى بقصد بها العناد . . يعنى فى ناس شغلهم معاكسه بس بدون اى متطق او مبرر . . الحاجه دى للاسف بتولد الكراهيه !
واسلوب التهديد دة كعب ودة خاصى الرجال بالزات فى واحد بقول ليك لو عملتى كدة طلقانه . . الحاجه دى بتخلق عدم احترام وعدم تقدير بتخلق نظرة ما حلوة . .
اخر حاجه ودى اهم حاجه هى عبارة عن مبدأ امشى بيهو (اذا نفسك فى حاجه قدمها ) . . يعنى نفسك زوجك يتهم بيك اهتم انت بيهو . . عايزو يهديك اهديهو . . عايزو يحكى ليك احكى ليهو . . عايز اى احساس تعيشو معاهو بادر بيهو انت الاول واكيد ح تلاقهو . . حاول علم زولك الحاجات البتحبها براحه براحه . .دى الحاجات البتولد الحب ما بعد الزواج والبتخلى الحب دة يستمر الابتسامه والكلمه الطيبه 😊
علم زوجك ما يخاف منك بالعكس يطمئن ليك . .
الحياة بقت محتاجه زول مرح ياخد الامور ببساطه وحازم فى بعض الامور . . ومع تنشنه الحياة اتعلمو الصبر والتنازل . . وابعدو من الحماقه وركوب الراس وناس كرامتى الزواج والحب ما فيهم كرامه
. . نسأل ربنا سبحانه وتعالى يدى كل العزابه بنات واولاد الشريك الصالح والحب الحلال والسعادة فى الدارين . . ويدي كل المتزوجين السعادة ويهدى سرهم ولو فى اى خلاف بين اى اتنين ربنا يحلو ويرجعهم لى بعض ياااا رب 👐
فى الفترة دى فى ناس كتااار بحكو لى مشاكلهم . . دى الحاجات الفهمتها ان شاء الله نتعلم منها كلنا 😊

#منقول

الإساءات ماحبابا
والكلام الشين جريمه...
كل زول لو صان لسانو
بيبقى عندو مكان وقيمه...
وحقو نحسب كل كلامنا
وننتبه للفيهو ديمه...
والسباب والله بفسد كل
علاقاتنا الحميمه....
ومافي زول في الدنيا
اصلآ قالو مشكور بالشتيمه..
تعالو من الليله نجرد
كل عباراتنا الأليمه..
ونحذف الجمله البتجرح
وكل معانيها العقيمه..
ونحفظ العشره ونصونا
وننهي اي صفات ذميمه..
ومفرداتنا المره ترحل
ونبقى عايشين دون نميمه..
وتزدهر كل المجالس
ونمشي في الطرق السليمه.
............

يوميات مستجد في الخدمة
=============

اول ماخلصت الجامعه عندي قريبي ضابط اتصل علي قال لي تعال نفك ليك الخدمه معانا..
قلت خلاص دا الزيت زاتو ..
اها مشيت ظبطا اموري وشلت امر التحرك ومعسكر خالد بن الوليد جاك الفارس الجحجاح 😌
اها من وصلت البوابه جيت داخل طوالي نظام انا قريب عمك ومافي زول بسالني ..

اها اسمع ليك زول طالع فووق شبكني ليك:
ثااااابت🗣 انا لمن اتخلعت 😳
اها وقفت وجاني ملازم كده قال لي:
عندك شنو ؟؟
قلت ليهو: انا جاي من طرف سيادة العقيد فلان الفلاني وداير اقضي الخدمه الوطنيه ودا امر التحرك بتاعي ..📄
شال الورقه عاين ليها وطبقها دخلا في جيبو وقال لي :
يلا ارنب استعد يامجند ..
بسم الله الرحمن الرحيم😥
كدي اصبر ياشاب
قال لي انا شاب كمان .. انت قايل روحك قاعد في الجامعه ... استخدم لينا الساتر سريع ..😠
هي دي مصيبه شنو الوقعنا فيها دي ؟؟
قلت اخير ارنب نط ..
يازول مشيت ارنب نط مترين كده كثافتي جات ولساني طلع ..
وشفت ليك عربيه قريبي هناك جاي ..
و زي الشافع الشاف امو طوالي قمت وقلت ليهو ارنب شنو ياجنابو البتتكلم عنها .. انا سياده العقيد داك خالي طوالي انت ماعرفتني ولا شنو ..😌
اها دقيقتين وقريبي وصل سلام ما سلم علي 😥
مشا للملازم وقال ليهو المستجد دا دايرك تطلع منو المويه البارده لانو عامل فرعون ومشاكل في الحله ..

هو دا الجايبو فزعه بقا لي وجعه ..😥
وصحت ليهو بي اسمو طبعا هو في البيت عسل بس .. لكن ماعارفو هنا قالب وشو مالو ..؟؟😏
قلت ليهو ياخ انت ما قلت لي بفرغك .. شنو هسي ارنب نط وبتاع. ..😒
قال لي انتباه يا مستجد ياملكي نحنا ماعندنا تفريغ ..
نشتغل معاك زي ما قال الجيش ... ويلا يا جنابو شوف شغلك ومشا خلاني ..😭😭
والملازم بعد كلام عمك نفسو اتفتحت قال لي:
انتباه وامنع الحركه والمحركه والاشياء المتحركه😠
وجاب لي عسكري قال ليهو:
المستجد دا لو حكا اضانو ساي جيبو لي الغرفه رقم تسعه 😠
ومشى خلاني .. وانا واقف والشمس في نص الراس .. واقف ساعه .. وخلاااص الفيني انتهى 😔
قلت للعسكري كدي دقيقه امشي اشرب مويه واجي ..
قال لي مويه شنو يامستجد الجيش دا مافيو مويه ..
عليكم الله شوفو الكافر دا .. انت ماعندك اولاد في البيت😭
قنعني طبعا ..
واها مع الوقفه والدبرسة اشوف ليك الملازم القبيل جا ومعاهو واحد شايفهم من هناك بضحكو ..
قلت خلاص هسي يجو يقولو لي امشي 😃
اها بعد وصلوني صرو وشهم وزولي قال لي:
شايف العمود داااك .. تمشي تسلم عليهو في ظرف تلتين ثانيه وتجي تقيف مكانك ..
اخر الزمن والله كمان امش اسلم علي العمدان😪
طبعا العمود بعيد جنس بعد كان ركبت ركشه داير ليك ساعه بس انا قلت الجري اخير من الوقفه✌
فطوالي جريت اديت العمود كف وجيت .. اخدت لي زي تلت ساعه ..
قلت خلاص بعد الجريه دي تاني بقول لي امشي استريح .
اها وصلتو ونفسي طالع قال لي: بش أب استعد 😥
اها البش أب دي انا بعد التعب دا اربعه مابدقهن
بس قلت ليهو ادق كم ؟
قال لي اشتغل بس الجيش دا مافيهو أسئلة ..😠
اها بديت ادق هو شغال يعد لي .. بعد وصلت تمنيه رجع قال لي تلاته ..
قلت ليهو: قصدك تسعه ياجنابو😥
قال لي داك حساب الجامعه .. حساب الجيش براهو ..
طمم بطني طبعا وشغاال بعد وصلت عشره ونزلت غلبتني القومه تاني😆
وهو شغال لي قوم يا مستجد
قلت ليهو: والله قطعت ..
قالي دا النوم الكتير .. اثبت فوق وقفت وبقيت انفض في قميصي ..
قال لي: اتوسخت ولا شنو تعال جاي نوريك حمام الجيش 😌
انا قلت بتكون ماسوره وكابه بس ماحنك😃
مشيت معاهو لقيت لي ماسوره كاسره وماليا الارض ..
فقلت ليهو وينو الحمام؟؟
دقاني ليك في صدري بي يدو انا لمن كحيت ..😔

قال لي شايف الطين دا امشي ازحف لينا فيهو..
اها دي طبعا صعبه عديل فبقيت واقف مااشتغلت بي كلامو 😓
بس فجاه شفتو كورك لعسكري ..
العسكري جا وحياهو ..
قال ليهو أمشي البوابه جيب ليك بسطونه وحبل وتعال المستجد دا خالف التعليمات 😥
اها جابت ليها دق وربيط اخير ازحف زحفي ساي ..
مشيت علي الطين وبديت ازحف ..
قال لي: يلا اقطع لينا الطين دا بهناك .. وبقيت ازحف .. بعد قطعت بهناك قال لي ازحف تاني ارجع .. تاني رجعت😥
بعد وصلت نص الطين قال لي:
اتدردق نحنا دايرنك انت والطين دا وااحد 😠
عاينت كده وقلت الاتبلبل بعوم .. واتدردقت .. وفعلا بقيت انا والطين واحد ..
وبعد ساعه كده قال لي اثبت فوق .. وقفت علي حيلي والمويه والطين بتشُر والشعر يايُما والهدوم اتبشتنن بشتنة السواد😔
قال لي:
مستاء ولا عادي ..
طبعا عرفت الحنك لو قلت ليهو مستاء حيوريني سواد الليل فقلت ليهو استاء كيف يا جنابو دا شغل الجيش كده☺
قال لي: ايوااا
بس نحنا دايرنك تستاء وقت ما استئت تعال جاي الليله نوريك الاستياء ..
غايتو بقيت اتزكر في البنات الموسرتهن والناس الغشيتهم.. الليله دي ربنا خلص ليكم حقكم 😭
ومشيت وراهو وفي سري قلت الليله بربط

ني في التاتشر ويجرني لانو ما فضل لي شي 😪

اها وصلت معاهو في حته كده كلها حجار قال لي:
امشي جيب ليك حجر وتعال ..
اها مشيت رفعت الحجر وجيتو ..
قال لي: لالا دايرين حجر كبير ..
ماعارفو داير بيهو شنو 😒

المهم جبت لي صخره عديل بعد تعب قلت ليهو تمام سيادتك الحجر ..
قال لي:
ارفعو لينا .. 😳
ارفعو اوديهو وين 😥
ارفع يااااا مستجد ..
اها رفعتو وبقيت واقف بيهو ..
قال لي اتخيل دا اخوك وانت رافعو من ارض المعركه موديهو الخندق للعلاج ..

في سري كده قلت ليهو ارض المعركه البوديني ليها شنو ؟؟ نحنا معروفين موقعنا ارض المعارض بري😂
وبقيت رافع الحجر وواقف وخلاص يدي بقت ترجف والحجر دا لو وقع في راسي بقسمو علي اتنين ..
وبعد لاحظ ليدي بقت ترجف اداني بالبسطونه في يدي ..
ثبت يدك يامستجد ..
-- عليكم الله شوفو سواد النيه دا 😒
الغريبه دقت البسطونه ثبتتني وبقيت رافعه قريب نص ساعه ..
بعد داك قال لي: اها يا مستجد استئت ولا لسه ..
قلت ليهو:
استئت شديد والله😔

قال لي نزل خلاص ..
الجيش مافيهو استياء ..
تعال جاي ..
طبعا خلاص بطني طمت والفيني انتهى
وطوالي قلت ليهو يا جنابو انت ماتديني طلقه وتريحني ياخ مالك داير تعذبني😪
قال لي:
قلت شنو يا مستجد ..
وولا حاجه ياجنابو ..
قال لي كويس بالخطوه السريعه وراي ..
طبعا هو ماشي وانا جاري حوله..
وصلنا للبوابه وقال لي:
صفا .. انتباه .. بقا يكررا لي كم مره ..اخر انتباه دي جراها لي طوييله وقال لي ثابت واثبت كما ثبت النمتي في جبال الانقسنا ✌

وبقيت واقف تاني قريب ساعه ..
بس فجأه المح عربيه قريبي داك جاي ..
قلت الليله انا بعد يفكوني تاني لابيني لا بينو ليوم القيامه بس انا افكوني كيف😪
اها جا وقف جمبي وطلع تلفونو صورني😏
وقال لي:
يا مستجد الجيش دا مافيهو قريبي وقريبك .. واحد زايد واحد بساوي اتنين✌ وانت واصحابك قاعدين في الجبنات ومع ستات الشاي وتحت الكبري ومن حفله لي حفله ماعارفين الرجال ديل حارسنكم كيف وقدر شنو هم بتعبو عشان انتو تعيشو في امن وامان..
وبقى يسوق فيني نضمي وفارغة قريب ساعتين 😪

في الاخر عمل حركه كده ختا يدو في راسو في عسكري جاهو جاري جري ماعارف معناها شنو ..
لكن فجآه بس العسكري دقا كراعو لممن الواطه دي انهزت😥
وقال ليهو جيب جردل مويه كبو في المستجد دا خلي الطين ينزل ..
دقايق بس داك جاب الجردل كشحو فيني😨
وقال لي امشي اقيف لينا في الشمس بعد تنشف نجي نشوف الحاصل😌
تاااني حتشوفو الحاصل😭
الحمدالله غايتو انا ياداب عرفت المتمردين ديل بتمردو ليه😔
و مشيت وقفت في الشمس لحدي مانشفت وجاني ..
تاني قال لي بلغ العربيه ديك وتمشي البيت والصباح تجي تتمم لينا الساعه سبعه👆
في سري قلت والله كان جيتكم تاني ابقي بيلو😏
مشيت داير اركب وفتحت الباب .. الملازم الدرشني قبيل كورك لي قال لي:
يا مستجد يا ملكي داير تركب جنب سياده العقيد ..
انت مكانك ورا
يلا المهم اصل البيت😌
ركبت واتحركنا وصلت البيت ومشيت للحاجه طوالي ..
قلت ليها: اخوك دا تاني كان مات الفاتحه مابديك ليها😠

ومشيت بهناك شلت تلفوني حظرتو هو واولادو والحبشيه حقتهم والحمد الله ..
الواحد ياداب بقى يقدر يمش
انعل ابو الخدمه الوطنية زاتو ..
😂😂😂😂

(*مذكرات مجند*)

واحد من شفع المغتربيين الرجعو البلد..
حبوبتو قالت ليهو تعال نحدثك قال ليها: ياحاجة أنا آخر إصدار 🙊😂

كلمات السر ولع
حمار صديق ده طفرت الحقيقه حكايتو
مكلــوف عجوه ماخلت التمر مخلايتو
سيــــدو من النهب بانيلو جوه صرايتو
بي سيوبر سنين للراغـب ابا مايقايطو

طافة سرجـو من خشبآ ملمع وباهر
ملسه وناعمه فيها اسر نجر موظاهر
موسـر بي جلد ضاق الدباغه وطاهر
وهيط في الخته ماطالا المبدد ماهر

مكنتل خرجو كنتل جوده مودلقان
ومحتكر المناظر فــي تمانيه الوان
نوع بردعتـو مافـي مريحــه البطان
سماحة الجلسه فيها تمسخ النيسان

لجامو الصانعو زول افه وشقي وفنان
مكشبـو بالكباسيــــل راصــهن ريقان
قلاتو براها مــن الهيبه ماخده مكان
وتمه الناقصه بالوقفه الفعايلو حصان
.

انا متزوجة وعندي 5 أطفال الحمدلله وراجلي شغال رزق اليوم باليوم وحياتنا حلوة ومبسوطين وكنت داخلا لي صندوق مع نسوان الحلة على قدر حالنا اها أدوني صرفتي قلت امشي السوق اجيب للشفع ملابس صيف ماعندهم وفعلا مشيت السوق اشتريت حاجاتي وانا بحب عصير العرديب قلت أمشي الكافتريا اشرب لي عصير وارجع البيت دخلت الكافتريا لقيت مليانة المهم وفي واحدة قامت وانا قعدت في كرسيها وبديت اشرب في العصير كان اشوف ليك راجلي المايقبني قااااعد مع بت وديك يا الجدادة ومعاها شوربة والبطاطس الشبس وكمية من الحاجات وانا و أولادي ناكل في الفول والعدس🙀🙀هو ماشايقني طوالي مشيت لي بتاع الكاشير قلت ليهو أدنى كيس شلت الكيس ومشيت على طريبزتهم شلت الجدادة ختيت في الكيس طبعا رفع رأسه شافني لمن اتهجم والبت تعاين لي مخلوعة أظن قالت دي مجنونة ولا اشتغلت بيها والناس دي كلها تعاين لي وشربت الشوربة حقت البت كلها 😂😂وختيت الكورية قلت ليها براحة كدا انا مرة عمو دا 👊👊👊
البت في لمح البصر اختفت وهو طوالي اتخرج وانا لميت باقي الاكل لي أولادي ومافي اي حركة بتاع الكاشير حارقو الشمار قال لي لوسمحتي في شنو قلت ليهو مافي شيء دا راجلي قاعد يحب😻😻 وانا قبضتو الولد وناس الكافتريا ماتوا بالضحك ورجعت البيت واكلنا انا واولادي😂😂 قالو لي ياماما دي جبتيها من وين قلت ليهم رزق من الله وراجلي رجع متأخر البيت شال سريره ختاهو جنب الباب تحسبن لي اي طارئ الأولاد مشو ليهو بالعشا قال ماداير والدي الصغير قال ليهو يابابا الليلة ماما جابت لينا جدادة 😍😍😍قال ليهو اي عارف😂😂😂😂بعد الشفع نامو جاء قال لي البت دي كان عندها مشكلة وكنت بحاول احلها ليها وكنت ح اجي اكلمك قلت ليهو👉👉انا مامشكلتي في البت مشكلتي في مائدة الرحمن العامل ليها دي وانا عارفة هو ماعندو طريقة للعرس وعايزة اقول ليكن انو الرجال كلهم واحد حتي المفلسين لو لقوا فرصة مابقصروا
####منقووول

زوجة لا تحترم اهل زوجها ماذا عمل الزوج
في جلسة عائلية هادئة قال الزوج لزوجته : لقد اشتقت لاهلي واخوتي واولادهم ، أرجو منك غداً أن تُعدّي طعام الغداء ، وسأقوم بدعوتهم اليوم ، منذ زمن بعيد لم نجتمع .
فقالت الزوجه بتأفف : ان شاء الله يصير خير فقال الزوج : سأقوم بدعوة اهلي اذا "
وفي صباح اليوم التالي ,, ذهب الزوج إلى عمله ، و في الساعة الواحدة حضر الى المنزل ، وقال لزوجته : هل طبختي طعام الغداء ؟ سيحضر اهلي بعد ساعة .
فقالت الزوجه : لا ، لم اطبخ ؛ لأن اهلك ليسوا غرباء ، ويأكلون من الموجود بالبيت .
قال الزوج : الله يسامحك لماذا لم تقولي لي من أمس انك لن تطبخين وبعد ساعه سيصلون ماذا أفعل .
قالت الزوجه : اتصل بهم واعتذر منهم ما فيها شي هم ليسوا غرباء هم اهلك
خرج الزوج من المنزل زعلان ، وبعد عدة دقائق ،، واذا بباب المنزل يطرق فقامت الزوجه ففتحت الباب وتفاجأت بأن أهلها وأخوتها وأخواتها واولادهم يدخلون البيت !
فسألها ابوها أين زوجك
فقالت له : خرج قبل قليل .
فقال ابوها : لقد قام زوجك البارحة بدعوتنا الى طعام الغداء هذا اليوم عندكم ، معقول يعزمنا ويغادر المنزل .
صعقت الزوجة بالخبر ، وبدأت تفرك يديها محتارة فإن الطعام الموجود في المنزل لايليق بأهلها إنما يليق بأهل زوجها .
اتصلت بزوجها وقالت له : لماذا لم تعلمني بأنك عزمت اهلي على الغداء
فقال لها : اهلي واهلك مافي فرق
فقالت له : أرجوك أن تحضر معك طعام جاهز لا يوجد في البيت طعام
فقال الزوج : انا الأن بعيد عن البيت وهؤلاء اهلك مو غرباء اطعميهم من الطعام الموجود في البيت مثلما كنتي تريدين اطعام اهلي
( ليكن درسا لك تتعلمي فيه احترام اهلي ) !

*(غشيتني ياحريف ولا غشيت روحك)*
😂😂😂
.
.
.
قصة مهمة جدااااا وأدهشتني،،،
.
.
حكى لي بتاع تكسي عمك كبير قصة مؤلمة وفيها حكمة في نفس الوقت وأشهد لي ربنا عليها وقسم قسم مغلظ قال حصلت ليهو قبل سنوات،
👇
👇
قال بتو الصغيرة عندها أزمة وقال كان مفلس تمن بخاخ الازمة ماعندو ، قال لي اتوكلت على الله رغم إنو بخاخا خلصان وقفت في قلب السوق العربي بالليل راجي مشوار ، لغاية 12 بالليل مافي مشوار وانا قلبي على البت وبدعي ربنا يلطف ماتجيها نوبة أزمة في الليل دا هي وامها براهم وثالثن الفلس ، قال وصل شاب قيافة قاشر قال لي ياخال مشوار لي (منطقة طرفية) حاول يتفق معاي قلت ليهو ياولدي بالساهلة بس اركب مابنختلف وكان هدفي بس اطلع حق بخاخ الأزمة بتاع بتي وأرجع البيت ، لمن وصلنا الحلة وقف قصاد بيت كدا وقال لي ياخال قروشي ناقصة بس ادخل اتمها من اخوي وأجيك فقلت ليهو مافي مشكلة ، وقف دقا الباب كم دة ودفروا ودخل وقفلو وراهو ، إنتظرتو قريب ربع ساعة ماجا ، قال وانا صورة الشافعة قدامي خايفا تتعب وانا مافي ، نزلت دقيت الباب مافي زول فتح دقيتو تاني كم مرة قال واحد من الجيران طلع وقال لي ياخال دا مابيت دا حوش مسور وجا لزا الباب لقيت الحيطة البي ورا واقعة ومافي بيت بل قطعة مسورة والمطرة رامية الحوش الورى ، فقال لي إنت عاوز بيت منو فحكيت ليهو القصة فقال لي دا زول غشاك ودا زول مابيخاف الله 😕
قال حزنت جدا وإتألمت شديد الليل ليل ومافي قروش وانا في حته بعيدة جدا وبتي قدامي ، قال قعدت في الدركسون واتكيت بعد حسيت بي قهر وضعف وقلت (يااارب ، الزول دا قايل نفسو غشاني لكن هو غشى روحو لانو انا لو دعيت عليهو إنت بتنصرني يانصير المظلومين لكن يارب أشهدك إني عفيت ليهو تعبي دا لوجهك الكريم بس ياربنا الطف بي بتي الإبتليتا بالأزمة أنا صابر وقبلان يارب تغفر ليهو )
دورت اتحركتا ،،
في الزلط وانا طالع من الحلة وقفني شاب قال لي مشوار المطار ، مشينا شلنا أسرة وصلتهم المطار ونزلوا الشنط فقال بتهم الكبيرة المسافرة مع أمها هي الحاسبتني قال ادتني وقالت لي شكرا يا ابوي الله يقويك ، فقال قولت (يا ابوي دي) خجلتني أشوف القروش كم دخلتها في جيبي وقلت ليها تصلو بالسلامة ، وانا لافي في لفت صالة الوصول بتاع تكسي شاحن ضرب لي بوري قال لي في كم طيارة نزلت الخلق كتار أغشى شيل ليك مشوار ، شكرتو ورجعت على الوصول لاقاني شاب لازي عربيتو فيها شنط وقفني ، ما اتفقت معاهو قلت ليهو اركبي ياولدي فقال رفعنا شنطو وطلع ماشي قريب من سكني (الحتانه) فقال في الطريق قال لي ياعمنا والله انا جايي كونكشن ومرهق وجعان جوعة غريبة رايك شنو تمشي معاي مطعم نتعشا ونواصل ، فقلت ليهو والله ياولدي ياريت لكن بس محصل اشتري لي دواء لي بتي عيانة مابقدر آكل مقلق عليها فقال لي معليش واصل .
في الطريق سالني بتك مالا عيانة ، قلت ليهو عندها ازمة فكفر لي وقال لي الأزمة فقرية ربنا يشفيها وابتسم ، فقال إستغربت من إبتسامتو صراحة ،
في الطريق إستئذنتو انزل دقيقتين الصيدلية فقال لي لا ياعمنا ماتنزل واصل ، قلت ليهو يمكن ما القى صيدلية تاني فاتحة فقال لي يا ابوي (ياخ الصيدلية في شنطي دي) وقعد يضحك 😂😂 قلت ليهو كيف ؟
قال لي انا شغال في شركة ادوية خليجية وسيد الشركة بيدينا دايما ادوية مجانية نوزعا للمرضى المحتاجين مجانا (نوع من الزكاة)ومافي زول محتاج في نظري زي زول كبير في سنك سايق تكسي قديم الساعة 2 صباحا شان يوفر علاج لي بتو ، فقال وصلتو بيتو نزل الشنط وفتح شنطتو اداني تلاته بخاخات قال شلت واحد وقلت ليهو ياولدي واحد كفاية فأقسم إلا أشيل التلاته بخاخات وقال لي يا ابوي دا رقمي كل ماتحتاج برسل ليك مع زول جايي السودان ارجوك ماتشتري 😊
عمك ماشي قال اداني قروش إماراتية فقلت ليهو ياولدي الدواء دا كفاية انت شلت مني هم فقال حلف واصرا أشيلا فقال عاينت ليهو جوى عيونو وكنت بقصد ربنا في كلامي قلت ليهو (إنت كريم للدرجة دي ) ؟!!! 😢 فقال لي يا ابوي دا كرم من رب العالمين جاتك من الله نيتك طيبة ، يعني كانو رد الله سبحانه وتعالى على لسانو ، فقال اتحركت وانا مبسوط ، مبسوط من ربنا ومبسوط اكتر من الشاب (الغشاني داك) 😊
لمن وصلت البيت دخلت سريع لزيت الباب فلقيت بتي نايمة سالت زوجتي قلت ليها ان شاء الله ماتكون تعبت فقالت لي والله زي الساعة 12 ونص اتضايقت لمن قلت بتموت وضميتا علي وبقيت ادعي بعد شوية قالت لي يا امي والله نفسي رجع طبيعي ارتحت ، ونامت فقال لمن رجعت اتذكر الزمن لقيتو نفس الزمن الانا رقدتا فيهو في دركسون عربيتي وبكيت وعفيت عن الزول وقلت لي ربنا أشفيها وأحفظا !! فقال مشيت صحيتا وبوستها وقالت لي انا كويسة يابابا ، فقال من اليوم داك وصل لي حقيقة ، لو لجئت لي ربنا (بصدق) واستغنيت عن خلقو بيجيب ليك الخير ويسخرو ليك 😊
.
.
.
ــــــــــــــــــ
#منقووووووووول
اللهم اني وكلتك امري👐

ﺳﻮﺩﺍﻧﻲ ﻳﻌﺜﺮ ﻋﻠﻰ مصوغات ذهبية والماس بقيمة ربع مليون ويسلمها لصاحبها بخميس مشيط

ﻋﺜﺮ ﻣﻘﻴﻢ ﺳﻮﺩﺍﻧﻲ ﻓﻲ ﺧﻤﻴﺲ ﻣﺸﻴﻂ، ﻋﻠﻰ ﺣﻘﻴﺒﺔ ﻓﻴﻬﺎ ﻣﺼﻮﻏﺎﺕ
ﺫﻫﺒﻴﺔ ﻭﺃﻟﻤﺎﺱ ﻗﻴﻤﺘﻬﺎ ﻧﺤﻮ ﺭﺑﻊ ﻣﻠﻴﻮﻥ ﺭﻳﺎﻝ ﻭﺃﻋﺎﺩﻫﺎ ﻟﺼﺎﺣﺒﻬﺎ .
ﻭﺃﻭﺿﺢ ﺍﻟﻤﻘﻴﻢ ﻭﻳﺪﻋﻰ ﻋﺒﺪﻩ ﻋﺒﺪﺍﻟﺮﺣﻴﻢ ﻣﺼﻄﻔﻰ ﻭﻓﻘﺎً ﻟـ ”ﺳﺒﻖ ” ، ﺃﻧﻪ
ﺃﺛﻨﺎﺀ ﻋﻮﺩﺗﻪ ﻣﻦ ﻋﻤﻠﻪ ﺷﺎﻫﺪ ﺣﻘﻴﺒﺔ ﺗﺴﻘﻂ ﻣﻦ ﺳﻴﺎﺭﺓ ﻣﺴﺮﻋﺔ، ﻓﻘﺮﺭ
ﺣﻤﻞ ﺍﻟﺤﻘﻴﺒﺔ ﻭﺃﺧﺬﻫﺎ ﺇﻟﻰ ﻣﻨﺰﻟﻪ ﻟﻴﺘﻔﺎﺟﺄ ﻋﻨﺪ ﻓﺘﺤﻬﺎ ﺑﻮﺟﻮﺩ ﻛﻤﻴﺔ ﻣﻦ
ﺍﻟﺬﻫﺐ ﻭﺍﻟﻤﺠﻮﻫﺮﺍﺕ ﺇﺿﺎﻓﺔ ﺇﻟﻰ ﻣﺒﻠﻎ ﻧﻘﺪﻱ ﻓﻴﻬﺎ ﻭﺑﻄﺎﻗﺔ ﻫﻮﻳﺔ .
ﻭﺃﺿﺎﻑ ﻣﺼﻄﻔﻰ ﺃﻧﻪ ﺣﺎﻭﻝ ﺍﻟﺒﺤﺚ ﻋﻦ ﺻﺎﺣﺐ ﺍﻟﺤﻘﻴﺒﺔ ﻣﺴﺘﻌﻴﻨﺎً
ﺑﺼﺪﻳﻖ ﻟﻪ، ﺣﻴﺚ ﺗﻤﻜﻦ ﻣﻦ ﺍﻟﻮﺻﻮﻝ ﺇﻟﻴﻪ ﻭﺗﺴﻠﻴﻤﻪ ﺃﻣﺎﻧﺘﻪ، ﻣﺎ ﺟﻌﻞ
ﺍﻟﻤﻮﺍﻃﻦ ﺻﺎﺣﺐ ﺍﻟﺤﻘﻴﺒﺔ ﻳﺸﻜﺮﻩ ﻋﻠﻰ ﺫﻟﻚ ﻭﻣﻨﺤﻪ ﻣﺒﻠﻐﺎً ﻣﻦ ﺍﻟﻤﺎﻝ
ﻣﻜﺎﻓﺄﺓ ﻟﻪ ﻋﻠﻰ ﺃﻣﺎﻧﺘﻪ .

معليش شباب بعتزر منكم يا بنات بس الموقف دا مؤثر
لازم اتكلم فيهو شويه ودي الظاهره الحاصله ويعتزر تاني
شنو يعني لبستي إسكيرتي فنايلي {وملابسيك الداخلية ظاهرة }
شنو يعني خطوتك لحدي ركبتك ولما تجي تركبي المواصلات فخدك يطلع
شنو يعني تجسدي جسمك بره
شنو يعني صدرك برا
شنو يعني شعرك مكشوف
شنو يعني بتتكلمي بمياصه وتاكلي اللبان بصوت عالي وتعملي حركات
شنو يعني بتتعطري بارياح صااخبة
شنو يعني بتمشي مشيا وتهزي جسمك رقاصة انتي ؟
الشماسي والمحترم وبتاع الحافله وبتاع الدكان والكمساري والطالب والصغير
والكبير والصعلوق كلهم بيعاينو فيك
كداا ح تتزوجي مثلااا؟
كداا ح تواكبي الموضااا؟
كداا ح تكوني عصرية ؟
كداا انتي مربية اجيال ؟
رايك شنو لو إتشاقلتي ؟
لو إتحرشو بيكي ؟
رايك شنو لو إغتصبوكي ؟
المال السايب بيعلم السرقة ...والبنت السايبة مستهدفة
ماااا في حااجه اسمها { زي اخوي } ...مافي حاجه اسمها صااحبي ... م في حاجه اسمها زميلي
اي واحده عايزة تتاكد الشاب البتشوفوها { زي اختهم } حاولي إستدريجيهو
{شوفي فهمو شنو }
إحترمي نفسك ؟
إحترمي ابوكي البيفتخر بيك ..
إحترمي اخوكي سندك ...
خافي ربك في نغسك وفي الناس
خليكي مؤدبة
ألبسي كويس
إحتشمي
صلي صلاتك
البنت المطلوبة لازم تكون غالية
ربنا يسترنا ويستر بناتنا !!""
نصيحه من أخوكم وشكرا مع احتراااامي

#لحظة_خذلااان :
مزااااجو كان عالي شدييد وقال لااازم يمشي لي أختو في الجامعة ، كاااان عندو محاضرة واحدة بس خلصها وطلع على جامعة اختو .
وقرررب لي جامعة أختو ومبسسووط انو الليلة حا يشوف اختو وصاحباتها ويطمن عليها أكتر .
قبل ما أمشي ليها في مجمع القاعات احسن أمشي اشرب لي قهوة مع اي خااالة ، هسسي بتكون شغااالة محاااضرة وما فاضية لي .
وماااشي على محل الخااالااات الببيعن الشاي والقهوة وشااايف منظر كمية من الشباااب قاااعدين يشربو في القهوة والسجائر ، وكم وااحد قاعد ليهو مع واحدة ، قعد في حتة هادية كداااا ، وفجأة يسمع ضحكة قووية وإلتفت لي مكااان صوت ، لقااااهااا أختو قاااعدة مع أربعة اولاد ، تضرب وتشاغل فيهم ، ولا على باااالها ، ويااااا دنياااا ما فيك رااااجل .💔💔💔💔💔💔💔
- - -
أراد أن يفتخر بأخته فأثبتت له بأنه #عديم_الرجولة💔
أراد ان يتعرف على صديقاتها فعرفته على #أصحابها💔
خذلت أبيها الذي يكنيها ب #أميرتي💔
بضحكتها قتلت كرامة عائلة كاملة .💔
#أخر_خذلة :
كلما إنفتحتي على المجتمع ، كثرت الإهانة على أبيك
أنتي أمانة فحافظي على هذه الأمانة لكي تكوني حجة لأبيك يدخل بها الجنة .

لايحيق المكر السيء الا بأهله:-

#انا فتاة جميلة انتمي لأسرة ريفية عادية متوسطة الحال وأسكن الارياف ، عندما كنت في عمر 17 تقدم لخطبتي شاب من عائلة ثرية
وظللت الفرحة بيتنا، وأثنى أهلى على أسرته، ووصفوهم بأنهم مثال رائع للطيبة والكرم وحسن الأخلاق، وعرفت أن خطيبى هو الابن الثانى لأبيه، حيث يكبره أخ واحد بعامين،
وأنه هو الذى يدير ثروة أبيه من الأراضى الزراعية لما يتمتع به من القوة والحزم بعكس شقيقه الذى يغلب عليه الهدوء وعدم القدرة على مواجهة الآخرين.
وأقام والده لنا حفل زفاف كبيرا حضره أهل القرية والقرى المجاورة، وانتقلت إلى بيتهم الواسع ذى الغرف المتعددة، فى ركن خاص بي
ووجدت والدته سيدة رائعة، وأبوه رجلا دمث الخلق، وشقيقه شابا سمحا، لا يتكلم كثيرا ولا يحتك بمن حوله، ولعل ذلك هو ما دفع أباه إلى أن يفوض زوجى فى كل الأمور.
ولاحظت الرضا على الجميع بهذا الوضع، فهم وحدة واحدة، وقرارهم واحد، وبعد مضى عام على زواجنا، انجبت طفلا جميلا، فانطلقت الزغاريد تجلجل فى أرجاء البيت، وعلت الابتسامة وجه حماى وحماتي، وصار إبنى هو شغلهما الشاغل، فيسأل عنه حماى فى «الرايحة والجاية»، وتحمله حماتى «نائما أو مستيقظا»،
✍
وذات يوم وفى أثناء تناول طعام الغداء، فاتح حماى، شقيق زوجى فى مسألة الزواج الذى كان يؤجله باستمرار، وقال له «نفسى أفرح بك مثل أخوك»، وحدثتنى نفسى بأن أختار له العروس التى سوف يتزوجها على مزاجي، وصارحت زوجى بما يدور داخلي. وقلت له: «أنت الذى تدير أملاك أبيك ومن حقك أن تنال فى النهاية هذا الارث. ثم يكون لأولادك من بعدك، ولو تزوج أخوك وأنجب سيحصل على نصف الميراث، ومادام أنه لايفكر فى الانجاب ووصلت الأمور إلى حد الضغط عليه من أجل الارتباط، فسيوافق على من نختارها له»،
✍
فاقتنع زوجى بكلامى وسألنى عن الفتاة التى أرشحها له، فقلت له: «أنها ليست فتاة انها سيدة مطلقة لم تمكث مع زوجها سوى عام ونصف العام ثم طلقها لعدم الانجاب، مع أنها جميلة وتتمتع بالأخلاق الحميدة، علاوة على روحها المرحة، وهى تقترب فى صفاتها من صفات شقيقك، وقد اخترتها بالذات حتى لا تنجب، وتكون تركة إبيك فى النهاية لأولادك، فوافقنى على رأيى وتوليت مسئولية اقناع حماتى بالعروس المناسبة من وجهة نظرى دون أن أفصح عن سبب طلاقها، ولم يتوقف شقيق زوجى عند مسألة طلاقها، بل أبدى سعادته بهذا الاختيار،
✍
ومازال رده يرن فى أذنى إذ قال فى نهاية جلستنا «توكلت على الله» وخرج إلى المسجد لأداء صلاة العشاء، وتم عقد القران والزفاف وسط لقاء عائلى دون حفل كما جرت العادة مع من سبق لهن الزواج، وأحسست وقتها بنشوة الانتصار، وبأن خطتى للاستئثار بالميراث تمضى كما رسمتها،
✍
وعشنا معا حياة مستقرة، لم يعكر صفوها شىء، ومرض حماى ثم رحل عن الحياة، وودعناه بالدموع، والتففنا حول حماتى وازددنا ترابطا،
ثم فوجئنا بما لم أتوقعه إذ حملت زوجة اخ زوجي، وظهر عليها الحمل، فأخذت أضرب كفا بكف، كيف تحمل وهى عاقر، فلقد كان السبب فى طلاقها هو عدم الانجاب
✍
ووضعت زوجة شقيق زوجى توءمين جميلين، انجبت ولدين فى بطن واحدة، وعنفنى زوجى على صنيعى كما أننى لم يكن لدى وقتها سوى ابنى الوحيد الذى لم انجب سواه، وكبر الولدان وكلما شاهدتهما أمامى يمر برأسى شريط الذكريات، وما كنت أرتب له بعد رحيل الكبار حين تصبح الأرض كلها ملكا لأولادي، ثم توالى انجابها البنين والبنات فانجبت ولدا ثالثا وبنتين، فى حين أنا توقف انجابى تماما،
✍
ودارت السنون وصار الأولاد شبابا، وأصبحت أخاف على إبنى من كل خطوة يخطوها، فأتتبعه وأسأل عليه، وكان لدينا جرار زراعي، يعمل عليه فى أرضنا الزراعية فى أيام الأجازات الدراسية، وذات يوم أخذ الجرار، وذهب فى طريقه إلى الحقل، فصدمته سيارة نقل مسرعة فى أحد المنحنيات، فأطاحت به بعيدا لعشرات الامتار، وجاءنا الخبر المفجع، فأسرعنا به إلى المستشفى المركزى القريب منا، وظل فى العناية المركزة ثلاثة أيام، ثم صعدت روحه الى بارئها، ودارت بى الأرض وغبت عن الوعي، وأخضعونى للفحص الطبي، وشخصوا حالتى بانها صدمة عصبية شديدة، وتلقيت علاجا استمر مدة طويلة،
✍
وبعد أسابيع قليلة مات زوجى ولم أجد بجوارى سوى أبناء شقيقه الذين حاولت أن أمنع وجودهم فى الحياة، بالحيلة الدنيئة التى دبرتها له للزواج من عاقر، فإذا بالله عز وجل يخلف ظني، ويحدث ما حدث، وافقد ابنى الوحيد ليؤول كل شىء إلى أولاد شقيق زوجي، الذين صاروا أولادى بالفعل بعد كل ما صنعوه لي.
✍
ولقد أراد الله أن أعيش لأرى كل من حولى يرحلون من الدنيا واحدا بعد الآخر لكى انال العقاب الذى استحقه فى الدنيا، فلقد رحل شقيق زوجى وبكيته كثيرا، ثم رحلت زوجته، وكنت إلى جوارها فى اللحظات الأخيرة، وكان مشهد رحيلها مؤثرا فى نفسى الى حد لا استطيع وصفه، إذ امتلأ وجهها نورا، وكانت تتمتم قائلة «الحمد لله». وكررتها كثيرا، وكانما كانت ترى مقعدها فى الجنة، نعم والله يا سيدي: سمعتها وهى تؤكد شكرها لربها، وأدركت أنها تشاهد جزاء

نقاء سريرتها، وقربها من الله .
✍
وإننى أعيش الآن بين أبنائى أقصد ابناء شقيق زوجى الراحل.. وأنا بالنسبة لهم بمنزلة الأم، بل لا يتخذون خطوة واحدة فى حياتهم إلا بعد استشارتي، وكلما جاءنى أحدهم ضاحكا مناديا يا أمي، أقول فى نفسى «حكمتك يا رب»..
إنه سبحانه وتعالى علام الغيوب، وقد أراد لى أن أتعلم الدرس البليغ بأن الله يفعل ما يشاء، وان المكر السيئ لا يحيق إلا باهله، ولقد تعلمته بالفعل، وإننى أدعوه فى كل صلاة، وفى كل وقت ان يغفر لى ذنوبى ويستر لى عيوبي،
فالله هو القاهر فوق عباده، ويعلم خائنة الأعين، وما تخفى الصدور، «ربنا لا تزغ قلوبنا بعد إذ هديتنا، وهب لنا من لدنك رحمة، إنك أنت الوهاب 🌹

# فاعتبروا يا اولي الابصار.

#منقول