المدعوة / القفة خرجت ولم تعود بعد ترحيل سوق زنكي الخرطوم تتصف بالاتي:
* لها اضانان
* صنعت بالسعف
* خفيفة ومريحة بالشيل
* تحفظ الخضار والفواكة بصورة طبيعية
* لا يري مابدخلها ( السرية)
* سرعة الاستخدام من قفل وفتح
* لا تتاثر بالعوامل الطبيعية
* تستخدم طول العمر
* تكفي البيت والجيران والضيفان
* بها بركة عجيبة
يرجي من يعثر عليها ان يبلغها شوقنا لها

يلا المنشور دا عجبني
وقلت انشروا هنا..

البت دي لخصت الحاصل 😂

#بوست_عدم_الموضوع

بالنسبه لي انا وأي بت سودانيه .. لو طلعت من البيت مطقمه و في منتهى التأنق والتعطر .. او طلعت متبلمه بي توب امي الهزاز .. وشعري متكوم في شكل اربعه كحكات مرعبات تحت التوب .. مخلين راسي اقرب لي عنقريب الجنازه .. في الحالتين ﻻزم اتشاغل .. لااااازم اتشاغل مااقل من مرتين تلاته .. يللا المشاغله دي بقت جزء من متطلبات المرقه من البيت .. يعني امرق "احول رصيد و اتشاغل واجي" .. "نهى اغشي الفرن جيبي عيش و اتشاغلي وتعالي عليك الله" .. "اخخخخ نسيت ماجبت معاي صباع امير .. ولا اتشاغلت زاتو" ..

يللا لو ركزنا مع طبيعة المشاغلات الحديثه دي زاتها .. حنلقى انه 80% منها مابتحمل اي طابع بتاع تحرش ولاااا اي شي .. هي عباره عن كومنتات ساي .. زي البنلقاها في الصور في الفيسبوك هنا .. سواء تجي ماره جمب زول يقوم بي هسهسه كده يقول "ماشششاالله" .. او يديك اطراء عام .. "سمحه والله.. وسكر بعشرق في الحلق" .. او كان من النوع الذواق البيعلق على حاجه معينه "اصفر يااامنقه" "فريمك خطيييير" او اذا شايله معاك اي حاجه في يدك .. المدخل حيكون "مااااتدونا معاكم".

#معطيات .. زي طبيعة المشاغلات مثلا .. أو انه دايما الزول البيشاغل ده ماعنده اي اجنده .. ماف خطه .. ماعنده next step .. يعني بيشاغل ومتوقع البت تتجاهله او تصر ليهو .. اذا السيناريو ده اتكسر او اتغير لي اي سبب .. عمك ده حيتجهجه شديد .. وحتروح ليو عديل "مثلا افتراض لو قال لي بت ياعسل .. وقامت البت اتلفتت وقالت ليو عسل انت ده" .. الموضوع ده كده حيبقى بره نطاق اختصاصه .. واحتمال هو الحيسكت ويصر ليها خخخخخخ ... اضافة لي انه اغلبية الناس البيشاغلو .. هم "العطالة الفي الحلة" و الناس البيكونوا تاكلين في مواقف المواصلات و ستات الشاي .. والرجال الشغالين في الاسواق .. فااا ديل شريحة الرجال البعيدين جدا عن الحتت البيكون فيها اختلاط او تعامل شخصي مستمر مع البنات .. زي الفي الجامعات .. واماكن العمل المختلطه.

المعطيات الفاتت دي كلها تخلينا نستخلص انه الفهم الاسااااااااااسي للمشاغله هي مجرد محاولة الرجل السوداني المحدود .. للتواصل مع الجنس الاخر بس!! ماعندها اي فهم تاني .. غير انه بس داير يعمل كونتاكت مع الكائنات اللطيفه الكتييييره الماره في الشارع دي .. لﻷسف طبعا هي محاوله تعيييسه وباااائسه وحزيييينه .. ﻻ تنتج الا من كائن تعييييس وباااائس وحزيييين .. غالبا هو نفس الكائن الانتج امثال على شاكلة "ونسة الضكير للضكير النوم أخير" ..
لكن برضو نحن متفهمين .. ومقدرين المجهود .. ومدركين انه شرف التجربه يكفيكم.

#نهى_محمد_هاشم
#مهتمه_بقضايا_الرجل_في_المجتمع_السوداني

ﺗﻌﺮﻑ ﻏﻨﺎﻭﻱ ﺍﻟﺨﺴﺘﻜﺔ؟ ..ﻟﻤﻦ ﺑﺘﺸﺮﺏ ﻣﻦ ﺳﺒﻴﻞ ﺍﻟﺪﻧﻴﺎ ﻛﺎﻥ ﺣﻠﻘﻚ ﻧِﺸِﻒ .. ﻣﺎﺗﻜﺘﺮﺙ ﻟﻠﻤﻮﻳﺔ ﻛﺎﻥ ﺳﺎﻟﺖ ﻣﻦ ﺍﻟﻘﺪﺓ ﺍﻟﺘﻲ ﻓﻲ ﺃﺳﻔﻞ ﺍﻟﺤﺎﺟﺎﺕ ﺷﺪﻳﺪ .. ﻟﻮ ﺑﻠّﺘﻚ ،، ﻗُﺸّﺎ ﻑ ﺣﻨﺎﻧﻚ ﻭﺃﻣﺸﻲ ﺳﺎﻱ .. ﺍﻟﺒﻨﻄﻠﻮﻥ ﺑﻨﺸﻒ ﺳﺮﻳﻊ .. ﻭﺍﻟﺒﻘﻌﺔ ﻓﻲ ﻧُﺺ ﺍﻟﻘﻤﻴﺺ ﺑﺘﺰﻳﻨﻮ ..ﻭﺍﻟﺠﺰﻣﺔ ﺍﺻﻼً ﻟﻠﻤﺸﻲ .. ﻧﻀﻴﻔﺔ ﺍﻭ ﻭﺳﺨﺎﻧﺔ ﻣﺎﻓﺮﻗﺖ ﻛﺘﻴﺮ .. ﻭﻟﻮ ﺣﺎﻭﻟﻮ ﺍﻟﻨﺎﺱ ﻳﻨﻀﻤﻮ .. ﺃﻣﻠﺺ ﻫﺪﻭﻣﻚ ﻭﺇﻧﺒﺴﻂ .. ﻭﺍﻟﻜﻮﺯ ﺇﺫﺍ ﻗﺮﺭ ﻏَﻄَﺲ .. ﺃﻭﻋﻚ ﺗﻤﺪ ﺇﻳﺪﻙ ﻋﺸﺎﻥ ﻣﺎﺗﻤﺮﻗﻮ .. ﺡ ﺗﺒﺸﺘﻦ ﺍﻟﻤﻮﻳﺔ ﺍﻟﺘﻲ ﻣﺎﺻﺪّﻗﺖ ﺭﺍﻗﺖ ﻭﻓﺘّﺶ ﻟﻠﺒﺪﻳﻞ .. ﻛﺒﺎﻳﺔ ﻓﻨﺠﺎﻥ ﻣﺎﻣُﻬﻢ .. ﺇﻻ ﺍﻟﻌﻄﺶ ﻣﺎﺗﺠﺮﺑﻮ .. ﺃﻭ ﺟَﺮّﺑﻮ ﺇﻥ ﻛُﻨﺖَ ﺑﺘﺤﺐ ﺍﻟﺸﻘﻰ .. ﺃﻭ ﺟُﺮﺑﻮ ﺍﻟﻄﻴﻦ ﺍﻟﻤﺤﺎﻭﻃﻚ ﻓﻲ ﺍﻟﻄﺮﻳﻖ ﺧﻤﺴﻴﻦ ﻋﺪﻳﻞ .. ﺇﻥ ﺍﻟﺠﻤﺎﻝ ﺯﻱ ﺃﻱ ﺣﺎﺟﺔ ﺑﺘﺘﺄﻛﻞ .. ﺍﻟﻨﺎﺱ ﺑِﻀﻮﻗﻮ ﻭﺑِﺤﻜﻤﻮ .. ﻟﻮ ﺍﻟﺒﻴﺎﺽ ﻛﺎﻥ ﺯﻱ ﺟﺪﺍﺩﺓ ﻣُﺤﻤﺮﺓ .. ﻳﺒﻘﻰ ﺍﻟﺴﻤﺎﺭ ﺯﻱ ﺷﻴﺔ ﺣﺎﺭﺓ ﻋﻠﻲ ﺍﻟﺠﻤُﺮ .. ﺍﻟﻄﻮﻝ ﺇﺫﺍ ﻛﺎﻥ ﺯﻱ ﺷﻤﺎﺭ ﺃﻭ ﻛﺴﺒﺮﺓ .. ﻳﺒﻘﻮ ﺍﻟﻘُﺼﺎﺭ ﺍﻟﺸﻄﺔ ﺑﺎﻟﺪﻛﻮﺓ ﺍﻟﺘﻲ ﻣﺎﺑﺘﻨﻬﺒﺶ .. ﻃﻮﻝ ﺍﻟﺸَﻌﺮ ﻟﻮ ﻛﺎﻥ ﻣﺨﻠﻞ ﺍﻭ ﻣِﻠِﺢ .. ﻗﺼﺮﻭ ﺑﻴﻜﻮﻥ ﺑﺲ ﺳﻠﻄﺔ ﺑﺲ .. ﻣﻦ ﻣﺎﺳﺒﻖ ﻗﺪ ﻳﺘﻀﺢ .. ﺍﻟﺪﻧﻴﺎ ﻣﻨﻴﻮ ﻛﺒﻴﺮ ﺷﺪﻳﺪ .. ﻓﻴﻬﻮ ﺍﻟﺠﻤﺎﻝ ﻣﺮﺻﻮﺹ ﻭﻗﺎﻋﺪ ﺟﻤﺐ ﺑﻌﺾ .. ﻭﻛﻞ ﺍﻟﺤﻨﻚ ﻣﺎﻓﻲ ﺍﻟﺒﻘﻮﻟﻮ ﺍﻟﻨﺎﺱ ﻋﻠﻴﻚ .. ﺇﻥ ﺍﻟﺤﻨﻚ ﻓﻲ ﻛﻴﻒ ﺑﺘﻄﺒﺦ ﺃﻛﻠﺘﻚ؟ ..ﻭﺩﺭﺱ ﺍﻟﻄﺒﺎﺧﺔ ﺭﻗﻢ ﺻﻔﺮ .. ﺇﻧﻚ ﺗﺜﻖ ﻓﻲ ﻛﻮﻧﻚ ﺇﻧﺖ ﺧﻄﻴﺮ ﺷﺪﻳﺪ .. ﻣﺜﻼً ﺳﻤﺎﺣﺘﻚ ﻣﺎﻓﻲ ﺯﻳﻬﺎ ﻓﻲ ﺍﻟﻌﺼﻮﺭ ﺍﻟﻬﺴﻲ ﺩﻱ .. ﺇﻧﻚ ﺗﺜﻖ ﺇﻧﻚ ﺇﺫﺍ ﺷﺎﻓﻚ ﺑﺸﺮ .. ﺡ ﺗﺠﻬﺠﻬﻮ ﺡ ﺗﺠﻬﺠﻬﻮ .. ﺇﻧﻚ ﺇﺫﺍ ﺍﻟﻨﺎﺱ ﻗﺎﻟﻮ ﻟﻴﻚ ﻣﺎﻓﻴﻚ ﻃﻌﻢ .. ﺡ ﺗﻌﺬﺭﻫﻢ ﺩﺍ ﻷﻧﻮ ﻣﺎﻋﺮﻓﻮ ﺍﻟﻔﻬﻢ .. ﺇﻧﻚ ﺗﺜﻖ ﻓﻲ ﺃﻱ ﺣﺎﺟﺔ ﺑﺘﻌﻤﻠﻬﺎ .. ﺗﻠﺒﺲ ﻛﻤﺎ ﺑﻘﺮﺭ ﻣﺰﺍﺟﻚ ﻛﻴﻒ ﺗﻜﻮﻥ .. ﻭ ﺗﻜﻮﻥ ﻋﻴﻮﻧﻚ ﻫﻲ ﺍﻟﺤﻜﻢ .. ﻭﺡ ﺗﺸﻴﻠﻮ ﻛﺎﺱ ﺩﻭﺭﻱ ﺍﻟﺴﻌﺎﺩﺓ ﺍﻟﻌﺎﻟﻤﻲ .. ﺗﻨﻀﻢ ﻛﻤﺎ ﻟﻮ ﻛﺎﻥ ﻟﺴﺎﻧﻚ ﻧﺺ ﻣﺘﺮ .. ﻟﻮ ﻗﻠﺖ ﺻﺎﺡ ﻗﺪ ﻛﺎﻥ ﺑﻬﺎ .. ﻟﻮ ﻏﻠّﻄﻮﻙ ﺷِﻦ ﻋﺮﻓﻬﻢ .. ﻫﺬﻱ ﺍﻟﺤﻴﺎﺓ ﻣﺎﺑﺘﺤﺘﻤﻞ ﺇﻧﻚ ﺗﻘﺎﺿﻲ ﻋﺰﻳﺰ ﻋﻠﻴﻚ .. ﻓﺄﺣﻜﻢ ﺭﻭﻳﺤﺘﻚ ﺇﻻ ﺑﺲ ﻣﺎﺗﺤﺎﻛﻤﻬﺎ .. ﻭﻣﻤﻜﻦ ﺇﺫﺍ ﺣﺎﻛﻤﺘﻬﺎ .. ﺗﺒﻠّﻮ ﺍﻟﻘﺮﺍﺭ ﻓﻲ ﻣﻮﻳﺔ ﺣﺎﺭﺓ ﻭﺗﺸﺮﺑﻮ .. ﺃﻭ ﺗﻜﺸﺤﻮ ﻫﺬﺍ ﺍﻟﻨﺪﻡ .. ﺇﻥﺍﻟﻨﺪﻡ ﻣﻌﻨﺎﻭ ﻧﺪﻡ .. ﺇﻥ ﺍﻟﻨﺪﻡ ﻟﻮ ﻛﺎﻥ ﺃﻛﻞ ..ﺯﻱ ﻛﻮﻡ ﻗﻄﻦ ﻣﺎﻓﻴﻬﻮ ﻓﺎﻳﺪﺓ ﻭﻻﻃﻌﻢ .. ﺟﻠﻴﻬﻮ ﻳﺎﺥ .. ﺍﻟﻨﻮﻡ ﺟﻤﻴﻞ ﻟﻮ ﻛﺎﻥ ﺟﻤﻴﻞ .. ﻓﺄﻓﻀﻞ ﺇﺫﺍ ﻣﻤﻜﻦ ﺗﻤﻄّﻖ ﺷﺨﺮﺗﻮ .. ﺣﺘﻰ ﺍﻟﺴﻬﺮ ﺯﻱ ﻭﻧﺴﺔ ﺟﻮﺓ ﺍﻟﺮﻭﺡ ﻣﻊ ﺍﻟﺰﻭﻝ ﺍﻟﺴﻤﺢ .. ﺳﺎﻫﺮ ﺇﺫﺍ ﺍﻟﺼﺤﻴﺎﻥ ﺳﻤﺢ .. ﻭﺃﺿﺤﻚ ﻋﻠﻲ ﺍﻟﺤﺎﺻﻞﺷﺪﻳﺪ .. ﺃﺑﻜﻲ ﺇﺫﺍ ﺍﻟﺒﻜﺎ ﺑﺒﺴﻄﻚ .. ﺇﻥ ﺍﻟﻤﻬﻢ ﺃﻥ ﺗﻨﺒﺴﻂ .. ﺣﺘﻰ ﺗﻜﻮﻥ ﺍﻷﻛﻠﺔ ﺫﺍﺗﻬﺎ ﻣﺴﺒﻜﺔ .. ﻭﺣﺘﻰ ﺃﺟﺎﻭﺏ ﻟﻠﺴﺆﺍﻝ .. ﻓﻬﺬﻱ ﻏﻨﺎﻭﻱ ﺍﻟﺨﺴﺘﻜﺔ ..

#نظام_الدين

أصليه كيف الزولة دي ..!!

ما بتلقى ليها ولا محل .. لو قلت داير تعربا ..
او تقرأ في البينكم وصف .. لامن تقرر تكتبا ..
بي سواتا بتألف كتاب .. صفحاتو ما أظن تحسبا..
بتحير القاموس عديل .. وكل القواعد تقلبا ..

أصليه كيف الزولة دي ..!!

لو كفكفت قميص الخوة ليك .. بتدق معاك طوب التعب ..
وتشيل كواريكا وتجيك .. في ملاطم الزمن الصعب ..
وتجر خيوتا عليك وفا .. بكرات صدق ما خيوت عصب ..
من غير رسومات خرطتك .. تبني التدورو زي العجب ..

أصليه كيف الزوله دي ..!!

تمسك مكان أجمل حبيبة .. إذا حبيبتك فاتتك ..
وتسد محل أجدع فرد .. لو يوم ظروفك خانتك ..
ما بتسألك خبرك شنو .. وتدق طناش من قصتك ..
من غير تفكر في الكلام .. تلقاها جاتك حتتك ..

أصليه كيف الزوله دي ..!!

دغريه واضحه بدون رتوش .. ضكرانه.. ما بتعرف تدوش ..
يا فرده.. أوضاعك تمام ؟.. انا شكلي محتاج لي قروش ..
تضحك تقوليك يا فقر .. فلستا بي ..
وتدخلك في الشنطه توووش ..

أصليه كيف الزوله دي ..!!

تحكيلا عن وجع السباق .. لامن تضايقك صهوتك ..
عن كونو كيف الدنيا كيف .. قلبت نخاسه وباعتك ..
عن حالك الدور نزيف .. وقدر بلادك جرحتك ..
عن الخريف الما بقيف .. وعن اللواري الخلتك ..

أصلي كيف الزوله دي ..!!

لو إشتهينا ملاح سمح .. بتسوقنا بيتهم وحلتا ..
بنلاقي في بيتهم هناك .. أما ..وابوها.. وعمتا ..

ولامن تكون زولة عرس .. نحنا البنحرس حنتا ..
نحنا النشيل فوقنا العريس .. ونحنا البنكتم حفلتا ..

أصلية كيف الزولة دي ..!!

..
الجميل ..
#نظام_الدين
..
...

#الأمان
لمن تقول كلام ياعزيزي الرجل (عن المستقبل البجمعك بأنثاك) وترجع منو..
ما بتكون في نظرها .. إنك غيرت في أقوالك أو رجعت عن وعد... (بس)..
بتكون بدون ماتحس هزيت حتة الأمان الجواها
والأنثى وأي أنثى.. حتى لو بتحب المغامرات وشخصيتها مقدامه وجريئه
بتجي لي حتة القلب دي .. بتكون عايزه
#حب_وأمان...
#إحترام_وأمان..
#إهتمام_وأمان
#ثقه_وأمان
كل حاجه منك ليها لو ماخلطتها بالأمان ح تكون ناقصه وماليها طعم..
كدي جرب أدي حبيبتك حب الدنيا كلو... أبقى ليها عاشق ولهان ... وقول ليها
(أنا حاسي إننا ما ح نكون لبعض)... شوف ح يحصل شنو...
إنت قلت (حاسي)... بس دي في عقلها بتترجم بي (متأكد.. أقسم بالله.. ماح نكون لبعض)
وفي اللحظه دي ح تتحول في نظرها من عاشق ولهان لي النقيض
وتاني لو حلفت ليها علي المويه تجمد إنك واثق في مستقبلكم مع بعض .. ما ح تصدقك
ولو إتزوجتها عديل.. برضو ح تكون مقهوره علي اللحظه الفقدتها فيها الأمان وحسستها بالخوف.....
..........................
طيب نجرب لو حبيبتك هي القالت ليك (أنا حاسه إننا ما ح نكون لبعض) ح يختلف مفهوم الجمله دي عندك.. ح يكون رد الفعل السريع منك إنك تطمئنها وتوعدها.. لأنوفي الغالب قالتها ليك عشان برضو تحس بالأمان من وقع كلماتك بعد سماعك للجمله
وإنك كيف ما ح تتخلى عنها أو تقدر علي فراقها.. وده بعزز الأمان عندها أكتر
...........
ولو إنت ما محسسها بالأمان .. ومعودها علي رجوعك من كلامك كل شويه
وهي لسه مواصله معاك ومتحملاك.. ده ما معناه إنها مبسوطه وسعيده
هي #صابره والصبر عادة على #الإبتلاء بكون قاسي جداً وبعمل أثر نفسي دائم
ويمكن في لحظه.. الصبر يخلص.. واللحظه دي قد تأتي فجأه.... وتلقى نفسك براك
.......................
وليه الإختلاف ده....؟؟؟ الإختلاف ده ناتج عن إنو مجتمعنا أداك مفتاح كل شي
إنت البتصرح بالحب أول..
إنت البتتقدم للزواج
إنت البتقدر تقاوم المجتمع عشان حبك..
إنت البتقدر تقول لأ
إنت البتسافر وإنت البتشتغل عشان تكون الأسره
إنت الممكن تقيف ضد أهلك ..
إنت البتقدر تقاوم كل الضغوط
..................................
مجتمعنا هو المسكك مفتاح الأمان ده.... ف عشان كده #أبقى_قدرو

ما يؤلم الشجرة ليس الفأس ، ما يؤلمها حقا هو أن عصا الفأس من خشبها !

👈 كذلك الأوطان ما يؤلمها ليس المؤامرة الخارجية فقط وإنما من يقتلها ويدمرها من أبناء جلدتها

🗣 صرخنا بصوت عالي نحبك يا وطن

😞 فأجاب الوطن :
حبوا بعضكم أولا

المغتربين في السعودية 😂
عزيزنا المغترب: نود ان نلفت انتباهكم الي ان مستوي المعيشة بالخرطوم وفي ابسط صورة هو كما ستضطلع عليه هنا تماما وهذا البوست بمثابة فواتير نهائية لكل ماورد فيه ، اٍقرأة جيدآ قبل ان تتخذ قرارك بالعوده مجدداً.

واليك بعض التفاصيل:

ايجار = 3 مليون

مصاريف بيت= 4 مليون

كهربة = مليون

بنزين= مليون

و (لو راكب مواصلات برضو ياها المليون)

بامبرز + حليب+ مستلزمات اطفال اخري = مليون

فطورك و مكالمات وانترنت وشاي وقهوه = مليون ونص

بمجموع: 11 مليون ونص الي 12 في الشهر

ده برا المقابلات والفحوصات والعلاج والمجاملات والاعياد والمدارس واعطال العربية لو عندك

(العذابة تكاليف الزواج نسبيه و معلومة مسبقاً)

ملحوظة: متوسط الاجور ودخل الفرد في اعلي مستوياته يبلغ 5 مليون جنيه.

بعد كده كان داير تجي راجع تعال ، بس اوعك تسالنا انتو عايشين هنا كيف لانه ما حنوريك ،

اللهم هل بلغت اللهم فاشهد

لامِنْ دخلت الحفلة فجّيتْ الخلوق و ركزت
شان البت سعاد ❤❤
اصلي عارف جنها في زولاً بيركز و ينستر
لكني عارف انها ..
لو كل زول في الحلة بالسترة انجلد
ياني الاذاها و جنها ❤❤

من روائع الاديب العالمي الطيب صالح.


ﻛﻨﺖ ﺃﻏﻀﺐ ﻭﺃﻧﺎ ﺃﺷﺎﻫﺪ ﺃﺣﺪﻫﻢ ﻳﺄﻛﻞ ﻣﺎﻝ ﻋﻤﻲ ﻣﺜﻼً ﺯﻭﺭﺍً
ﻭﺑﻬﺘﺎﻧﺎً ﻭﻋﻤﻲ ﻳﺘﺴﺎﻫﻞ ﻣﻌﻪ ،
ﺭﻏﻢ ﺫﻟﻚ ﻛﺎﻥ ﺍﻟﻤﺤﺘﺎﻝ ﻳﻀﺤﻚ ﻻﺣﻘﺎً ﻋﻠﻰ ﻋﻤﻲ ﻭﻳﺘﺒﺎﻫﻰ
ﺑﺬﻛﺎﺋﻪ
ﺫﺍﺕ ﻳﻮﻡ ﻗﻠﺖ ﻟﻌﻤﻲ :
ﻳﺎﺑﺎ .. ﺍﻟﺒﺎﺑﻮﺭ ﺃﻛﻠﺖ ﺟﺎﻟﻮﻥ ﻭﺍﺣﺪ ﺑﺲ ، ﻟﻜﻦ ﻣﺤﻤﻮﺩ ﺳﺎﻱ ﺑﻘﻮﻝ
ﻟﻴﻚ ﺃﻛﻠﺖ ﺟﺎﻟﻮﻧﻴﻦ ..
ﻧﻈﺮ ﻟﻲ ﺑﺈﺑﺘﺴﺎﻣﺔ ﺧﻀﺮﺍﺀ ﻭﻗﺎﻝ ﻟﻲ :
ﻋﺎﺍﺍﺭﻑ ﻳﺎ ﺃﺣﻤﺪ ﻳﺎ ﻭﻟﺪﻱ ، ﺃﻧﺎ ﺍﻟﺒﺎﺑﻮﺭ ﺩﻱ ﻋﺎﺭﻓﻬﺎ ﺻﺎﻣﻮﻟﺔ
ﺻﺎﻣﻮﻟﺔ ، ﻣﺎ ﺣﺎﻋﺮﻑ ﺑﺘﺎﻛﻞ ﻛﻢ ﺟﺎﻟﻮﻥ؟؟ ﻟﻜﻦ ﻳﺎ ﻭﻟﺪﻱ ﺯﻭﻝ
ﺍﺣﺘﺎﺝ ﻟﺤﻖ ﺟﺎﻟﻮﻥ ﻭﻣﺴﺘﺤﻲ ﻳﻄﻠﺐ .. ﻧﻘﻮﻡ ﻧﺤﺮﺟﻪ ؟؟
ﺇﻧﺖ ﻋﺎﺭﻑ ﻳﺎ ﺃﺣﻤﺪ .. ﻋﻤﻚ ﻋﺒﺪﺍﻟﻠﻪ ﻛﺎﻥ ﻟﻤﻦ ﻳﺸﻮﻑ ﻧﺎﺱ ﻣﻦ
ﺍﻟﺤﻠﺔ ﺑﺴﺮﻗﻮ ﻣﻦ ﺣﻮﺍﺷﺘﻪ ﺑﺒﺮﻙ ﻓﻲ ﺍﻟﻮﺍﻃﺔ ﻳﺘﻀﺎﺭﻯ ﻣﻨﻬﻢ
ﺑﻘﻨﺎﺩﻳﻞ ﺍﻟﻌﻴﺶ ﻋﺸﺎﻥ ﻣﺎ ﻳﺸﻮﻓﻮﻩ ، ﻋﺸﺎﻥ ﻋﻴﻨﻪ ﻣﺎ ﺗﻼﻗﻲ
ﻋﻴﻮﻧﻬﻢ ﻭﻳﺘﺤﺮﺟﻮﺍ ﻣﻨﻮ ..
ﻭﺟﺪﻙ ﺃﺣﻤﺪ .. ﺟﺪﻙ ﺃﺣﻤﺪ ﻛﺎﻥ ﺑﺮﻛﺐ ﺣﻤﺎﺭﺗﻪ ﻭﻳﺨﺖ ﺍﻟﻌﻴﺶ
ﻓﻲ ﻣﺨﻼﻳﺘﻴﻦ ﻣﻘﺪﻭﺩﺍﺕ .. ﻛﻞ ﻣﺎ ﻳﻤﺸﻲ ﺣﺒﺔ ﻳﻘﻊ ﻗﻨﺪﻭﻝ
ﻋﻴﺶ ، ﻭﺍﻟﺠﻤﺎﻋﺔ ﻣﺒﺎﺭﻧﻮ ﻳﻠﻘﻄﻮﺍ ﻓﻲ ﺍﻟﻘﻨﺎﺩﻳﻞ ﻭﻫﻢ ﺑﻀﺤﻜﻮﺍ
ﻋﻠﻰ " ﺯﻭﻝ ﺍﻟﻠﻪ" ﺍﻟﻤﺎ ﺑﻌﺮﻑ ﻋﻴﺸﻪ ﻭﻗﻊ ﻭﻻ ﻣﺎ ﻭﻗﻊ ﺩﺍ ، ﻭﺟﺪﻙ
ﻛﺎﻥ ﻗﺼﺪﻩ ﻳﺪﻳﻬﻢ ﻣﻦ ﻏﻴﺮ ﻣﺎ ﻳﺤﺴﺴﻬﻢ ﺇﻧﻮ ﺍﺗﺼﺪﻕ ﻋﻠﻴﻬﻢ ..
ﻋﺸﺎﻥ ﻛﺪﻱ ﻳﺎ ﺃﺣﻤﺪ ﻳﺎ ﻭﻟﺪﻱ .. } ﺍﻟﺒﺘﻔﻮﻟﺤﻠﻚ ﺍﺗﺒﻮﻫﻤﻠﻮ

من اجمل ماقرات…

انت في التلجرام وما مشترك في قناتي 🤔 يبقي تمشي سريع تشترك فيها لو بالرجالة او الحناسة 🙊 لانك ما علي كيفك علي كيفي انا 😡
سريع من هذا الرابط 👇🤓
https://tttttt.me/joinchat/AAAAAEBNbkT4enKitikrmw

😂😂 ابتسامة الصباح 😂😂
ﻭﺍﺣﺪﺓ ﺍﺗﺼﻠﺖ ﻋﻠﻰ ﺑﺮﻧﺎﻣﺞ ﺍﻻﺳﺮﺓ ﻗﺎﻟﺖ ﺭﺍﺟﻠﻰ ﻛﺎﻥ ﻋﺎﻳﺶ ﺑﺮﺍ ﻭﺟﺎ ﺍﻟﺴﻮﺩﺍﻥ ﻧﻬﺎﺋﻲ ﻭﻫﻮ ﻣﺘﻌﻮﺩ ﻳﺨﺪﻡ ﻧﻔﺴﻮ ﺑﻘﻮﻡ ﻣﻦ ﺍﻟﺼﺒﺎﺡ ﻳﺴﻮﻯ ﺍﻟﺸﺎﻯ ﻭﻳﺠﻬﺰ ﺍﻟﺴﻨﺪﻭﺗﺸﺎﺕ ﻟﻠﺸفع ﻭﻳﺮﻛﺒﻢ ﺍﻟﺘﺮﺣﻴﻞ ﺑﻌﺪ ﺩﺍﻙ ﻳﺠﻰ ﻳﻜﻨﺲ ﻭﻳﻤﺴﺢ ﻭﻳﻐﺴﻞ ﺍﻟﻌﺪﺓ ﻭﻳﺴﻮﻯ ﺍﻟﻔﻄﻮﺭ .. ﻗﺪﺭﻣﺎ ﺣﺎﻭﻟﺖ ﺍﺳﺎﻋﺪﻭ ﺑﻴﺮﻓﺾ .
ﻫﺴﻰ ﺍﻟﺤﻞ ﺷﻨﻮ
ﻣﻘﺪﻣﺔ ﺍﻟﺒﺮﻧﺎﻣﺞ ﻗﺎﻟﺖ ﻟﻴﻬﺎ
ﻳﻄﻠﻘﻚ ﺍﻧﺘﻰ ﻭﻳﺠﻰ ﻳﻌﺮﺳﻨﻰ ﺍﻧﺎ !

وتحية للمرأة السودانية

.

.
🌹 يقول الشاعر:

النسوان عموم في الكون
قالوا مقسمات كيمان
أوعك في المصيبة تقع
وتتبع حظك الفقران

أعزل.. نقي.. واتمهل
وخلي الباقي للرحمن
قادر يلقي ليك شريك
ويبعد عنك الشيطان

📌 الخباره..
📌 والبوبارة..
📌 والشمشارة..
💥 ديل اختاهم إنت الآن..

📌 الحقارة..
📌 والكوبارة..
📌 والقوالة..
💥 ديل بيجيبو ليك مصران..

📌 الممحوقة..
📌 والمطلوقة..
📌 واللايوقة..
💥 ديل زلزال مع بركان..

📌 النقناقة..
📌 والخناقة..
📌 واللقلاقة..
💥 ديل راقدات رقاد الضان..

📌 الحنكوشة..
📌 والتمبوشة..
📌 والمربوشة..
💥 ديل في الأصل ما نسوان..

📌 الهباشة..
📌 والبكاشة..
📌 والغشاشة..
💥 ديل تابعات خطي الشيطان..

📌 النضامة..
📌 والنمامة..
📌 والكلامة..
💥 ديل من أبغض النسوان..

📌 الحوامة..
📌 والنوامة..
📌 واللوامة..
💥 ديل زي سلعة في الدكان..

📌 الكضابة..
📌 والنصابة..
📌 والربرابة..
💥 ديل والله مافي ضمان..

📌 الواتسابة..
📌 والفسباكة..
📌 بنات التابة..
💥 ديل دايرات رصيد الآن..

فضّل تاني كوم نسوان
لسه برضو في الميزان.. ⚖

المسكينه سمحه رزينة
ما بتعمل عوج لا شين..

والرياده عندها عادة
كلها رقه ليك تلين..

كلها طيبه تبقي نصيبة
تسقيك من حنانه حنين..

والصلاية عاد يا اخيه
دي البت البتملا العين..

بت خدامه تخدم ديمة
في كل الظروف والحين..

دي ست البيت وراس الخيت
تدبر حالة بي آمين..

تضاير ده.. وتصلح داك
تباصر ليك في التموين..

تعدل الحال إذا ما مال
سريعة هميمة ليك تعين..

كسره

الزواج. الجماعي بدا? ???

😂 غير قابل لي التقليد

♥واحد تزوج واحدة هبلة قال ليها سافرش لكي قلبي لتنامي عليه .... قالت ليهو ونعلاتي اختهن وين ؟ .. قال ليها ختيهم في خشمك بلاء ياخدك وياخد نعلاتك . 😂😂😂😂😂😂😂😂
سؤال منطقي صحي نعلاتها تختهن وين ؟

مرا اتشاكلت مع راجلها قالت ليو طلقني .. الراجل مااا كضب طوااالي طلقها ... المرا اتخلعت
وقامت لمت حاجاتاها كلها.... ومنتظراو يقول ليها اقعدي وخلي حاجاتك وهو قعد يعاين ليها ساكت....

اخر شي باقي ليها الزير عايزه تشيلو وهي اصلا دايره ليها كلام معاهو امكن يغير رايو..

لما قلعتو لقت تحتو عقرب قالت: ووووب علي يا راجل قوم اكتل العقرب دي...

قال ليها: يا وليه هوووي شيلي زيرك وخلي لي عقربي!!!
😂😂😂😂😂😂

بديت بيكم مشوار سماح
سامحت كل الزيكم
خليت وراي كمين حزن
توهت اهات حزنكم
مديت شعاع عين الشمس
يوصل يبارك عيدكم
وشلت من نسم الصباح
مليون وعود للزيكم
طوقت اهات المستحيل
سافرت قاصد عزكم
واتفقت مع نجم السماء
يطلع ينور حيكم
حتي القمر طلع الصباح
فارق مدارو للزيكم

خلاص معني القصيد
خلو السماح في سركم

اتصافو لاخر شعاع
خلو الطيبه تعمكم

م كلو عيد انتو الفرح
وعيدنا دايما عندكم

وانا كان علي شلت الفرح
قاصد اجيكم عندكم

لا قوني بالطيب والسماح
خلوني افرح عندكم

وما كل عيد ينعاد عليكم
والفرحه دايمه تلمكم

سامحت كل الزيكم
سامحوني اصلا منكم

عيدت اصلا عندكم
وشلت العفو من عندكم

وعافي عن كل الوجوه
وخصوصا انتو بعزكم

هلت بشايرك يافرح
عمت ديارك بالحنين

جانا السرور عم الفرح
وكان السماح عنوان شعار
سامحت كل الزيكم
سامحوني اصلا منكم

(العفو والعافيه )

ما تستغربو من البت البترفض عريس جاهز بسبب أنها مامرتاحة ليهو أو حاسه أنو ما مناسب ليها😯😯😯
هى ما متدلعه ولا معقده بالعكس هى بتختار باحساسها أكتر من عقلها 👌👌👌
سيدنا عمر بن الخطاب مشي للسيدة عائشة عشان تتوسط ليهو عند كلثوم بنت ابى بكر علشان يتزوجها💖💖💖💖
تخيلوا رأى كلثوم كان شنو؟ أمير المؤمنين نفسو طالب ايدها 😵😵😵😵
قالت: مالى وعمر! أنه خشن العيش انا أريد رجلا حنونا يصب عليا من الحب صبا 😍😍😍😍
ماقالت ده أمير المؤمنين وأنا حالقى زيو وين لا رفضتو لأنها شافت أنو غير مناسب ليها 🌷🌷🌷
وبعد كده اتزوجت طلحة بن عبيد الله بارادتها. وحبو بعض بالرغم من أنو كان رجل حرب لكن أنه كان حنون معاها. 😄😄😄😄 اختارى صح ....اختارى البكملك❤...اختاري بقلبك
اللهم خير سند في الدنيا و رفيقا في الجنة.....💓💓💓