إتصل عليه ابوه ....
الووو :يا علي؟
اهلا يا ابوي
سعد ود عمك التوم دا قال: جاي هو وجماعتوا يوم الجمعه عشان يعقدوا علي آمنه اختك دي ويسوقوها طوالي .. وانا قلت احدثك من بدري عشان تقضي غردك وتجي..

خير يا ابوي وانا ان شاء الله بكون معاكم قبل الجمعه..
إتلفت علي كمال صاحبه ..
اها ياسيدي من زماااان شابكني داير اشوف حلتكم -داير اشوف حلتكم اها الفرصه جاتك لحدي عندك وحنسافر يوم الخميس جهز نفسك ...
والله؟؟؟ بسس انا عند.......قاطعه يازول هوووي مافي كلام حتسافر يعني حتسافر ...

وفي يوم الجمعه من صباح الرحمن قاموا ضبحو وجهزو الفطور واتلمو الاهل والجيران والاصحاب القراب وبعاد- وجابوا الماذون وهم مبسوووطيين - والعروس بهناك جهزوها وديل داخلات وديل مارقات عشان يشوفن العروس قبل ماتمشي والزغاريد لي رب السماء .. والكل في حالة ترصد لي باااااظ السيرة
جو ؟
ماجو
جو ؟
الزمن الإفتراضي عدى وفات وانتو يا ناس السيره ما جيتو
والناس بدت تقلق وابو العروس بقى داخل ومارق ومارق وداخل والعجب ام العروس!!!

علي شال التلفون وضرب لسعد العريس: وين انتو ياناس ؟مالكم الحاصل عليكم شنو؟
نحن ؟ نحن - نحن ماشين عليكم ...
خلاص تمام -ومشى علي ابوهو قال ليهو:يابا كدي استهدى بالله الناس ديل قالوا: ماشين جاي ..
ومرت ساعه ولا حس لاخبر
والناس قعدو كيمان ،كيمان واشتغلو وس وس وس وس ...يستنتجوا ويقطعوا...
والعروس بي غادي يشيلو ويصلحو ليها في المكياج وقاعده معسسسمه من الصباح ومانعنها تحك راسها عشان التسريحه ماتتجاط ...

علي تاااني شال التلفون واتصل : شنو يا اخوانا انتو قصتكم دي كيفنها؟؟
إتسلل ليهو صوت ام اسعد : هووووووي شوفو شغلتكم وانفكو مننا نحنا ولا جاينكم ولا شيتين - سعد ولدي عقدنالو سميرة بت خالو حسن وتن تن تن ... اتقطع الاتصال !!

راسو اتقسم نصين وماعرف يقول لابوه الكان ملهوووووف وعندو فضول يعرفهم وصلو وين وجاين متين - يقول شنو؟
وقبل ما يطلع لي ابو ويكلمو بالحاصل -صدمو كمال صاحبه وقال ليهو: اها يا علي الحكايه شنو؟
الناس ديل وصلو وين ؟
كلمو بالحاصل وهو حزيييين وراسو في الارض ...
كمال قال ليهو : يازووول ولا يهمك ابششششر بالخيييير
وبعد عشرة دقايق.... الزغاريد ضربت ووزعو الشربات والحلاوة- وآمنه سكنت مع كمال فوق الخرتووووم !!

هاله محمد

اما ان الاوان بأن يكرم هذا الشعب برغد العيش ؟؟؟؟؟؟

اتحداك ان تجد مثله في اي دولة
شعب ما يستاهل غير كل خير. .
هذا المنظر لم يكن في سوق أو ساحة لعب
هذا المنظر في محطة وقود بحي النسيم شرق الحاج يوسف
شباب وقفو ( تكتك) ملان اكل (لقمة بالتقلية ملاح الروب ) وبراميل ملانة موية .. كل هذا لإطعام أصحاب السيارات الصطفة منذ أيام للوقود.... مجاااااااااانا. لوجه الله تعالي

والله لو ماكنت من زي دي وا اسفاي وا ذلي منقووول

‏فارشنها مُصلايه الصبُر ..
و مُتيقنّين الجايي خييير ..
والمُرّ بِمُر ..

3mr ..

من يوم عرسها -مفهمها انو لابشرب شاي ولا جبنه
الا شاي الصباح دا مره ،مره بشربوا ...قال ليها: دا ضياع وكت ساي وانا زول عملي ومافي داعي تتعبي روحك بالحاجات دي ...
وهي ذاااااتها خلت شراب الجبنه الكانت بتريدها وبتريد تشم ريحة القلوة- وحتى الشاي خلتو ودا كلووو علشان خاطر عيونوا ...

ولمن تسمع واحده من الحريم قالت ماشه تسوي الجبنه لي راجلها تبتسم وتقول : بررري عاد انا الحمدلله الله فكاني من سواة الجبنه - حسن لابشرب الجبنه لاعندو علاقه بالحاجات دي ..

وشااااااااء القدر
وجات مارقه مع سعديه جارتها عشان يحمدن السلامه لكوثر اخت سعديه - وركبن الركشه وجن ماشات بجنب السوق
وفجأة
سعديه اتلفتت يمينها ومرقت راسها بره الركشه وقالت : أجي؟؟؟
قالت ليها: مالك يا سعديه في شنو؟
وحاة الله شفت حسن راجلك مصنقر مع ست الشاي ويقرقر ساااكت ..
ضحكت : ههههه حسن راجلي انا ؟
هو اساسا لابشرب شاي لاجبنه البجيبو يقرقر جنب ست الشاي شنو؟
وحاة النبي شوفتو بي عيوني البياكلن الدود ديل - وان مامصدقاني ارجعاكي ليهو!!

وعشان تقطع الشك وتطلع سعديه غلطانه ،قالت لي بتاع الركشه كدي ارجعبنا تاني يا اللخو ؟
وهي ماشه عليهو ومطيره عيونها تشوف ليك حسن قاااعد تبب ومسترخي وخاتين ليهو الجبنه بي بخورها ومعاااااا وقفت الركشه كدي حسن رفع الفنجان ومبتسم كمان وشفططططططططك !

وقبضته متلبسسس....

هالة محمد

سوداني بمواصفات خاصة
فى صف البنزين تلاتة بنات قاعدات فى عربيتهن ويتحركن مع الصف عشان ياخدن حصتهن من البنزين ويمشن بس الزمن اتاخر وبدا الليل يدخل عليهن وماف امل يصلن للوقود
بعد قليل سمعن صوت حولهن وشافوا كم من الرجال حول العربية بتاعتهن ودب فيهن الخوف لحد كبير طلبوا منهن يفتحن الباب المهم بعد خوفة بسيطة تشجعت الكبيرة فيهن وفتحت الباب ونزلت سالها واحد قال ليها يابنات انت ماعندك راجل يجي ياخد ليكن بنزين ليه تقعدن للزمن دا فى طرمبة
قالت ليهو نحن تلاتة بنات والدنا راجل كبير وماينفع يجي يقيف معانا هنا ونحن خلاس شوية وحنصل
قال ليها واحد ادخلي عربيتك واطلعي من الصف دا
بس قالت ليهو يااخ انا واقفة من الصباح ولو حصل لوالدنا حاجة بالليل ماحنعرف نطلع بشنو
قال ليها ختي الرحمن فى قلبك يابنية تعالي حتاخدي حصتك هسا وتطلعي علي بيتك
نظرت للرجال الحولها واحد قال ليها يلا يابنية نحن كلنا موافقين تاخدي حصتك من البنزين وترجعي بيتكم يلا اتوكلي
وقالت بس كدا ماعدل يااخوانا نحن ممكن نتظر دورنا
واحد صاح فيها قال ليها
يابت اسمعي كلام الرجال ويلا اركبي عربيتك وتوكلي
موقف بيحصل فى بلدنا دي
موقف عادي بيعمله الرجل السوداني بكل بساطة ومن غير مايحس انه محتاج شكر
دايما بنحس نحن السودانيات
اننا فى وسط اخوانا فى كل شارع او زقاق فى البلد دي
هو السوداني يحمل شرف اخواتك ويعامل به كل مراة
هو السوداني فقط
صاحب المواصفات الخاصة

فجر طه
٥مايو٢٠١٨

ﻭﺳﺎﻋﺎﺕ ﺍﻟﺒﻠﺪ ﺿﺎﻗﺖ ﻋﻠﻲ ﺯﻭﻻ ﻃﻔﺤﺒﻮ ﺍﻟﻜﻴﻞ
ﻣﺴﺎﺣﺎﺕ ﺍﻻﺭﺽ ﺿﺎﻋﺖ ﺑﻌﺪ ﻛﺎﻧﺖ ﻫﻰ ﻣﻠﻴﻮﻥ ﻣﻴﻞ
ﺑﻠﺪ ﻓﻴﻬﺎ ﺍﻟﺴﻠﻊ ﻃﺎﺭﺕ ﻋﺪﺍ ﺍﻟﺒﺮﻛﺎﻭﻱ ﻭﺍﻟﻘُﻨﺪﻳﻞ
ﻗﺪﺭ ﻣﺎ ﺟﺎﻫﺪ ﺍﻟﻤﺴﻜﻴﻦ ﻏﺎﻟﺒﻮ ﻳﻀﺎﻫﻲ ﺍﺳﻌﺎﺭ ﺩﻳﻞ
ﻋﻴﻮﻥ ﻓﻴﻬﻮ ﺍﻟﺪﻣﻮﻉ ﺣﺎﺭﺕ ﻣﺮﻗﺮﻗﻲ ﻣﺎﻫﺎ ﻗﺎﺩﺭﻱ ﺗﺴﻴﻞ
ﺑﻘﻴﻨﺎ ﻧَﻜﻠﻜِﻞْ ﺍﻟﺪﻣﻌﺎﺕ ﺑﻌﺪ ﻛﺎﻥ ﺍﻟﻀﺤﻚ ﻛِﻠﻜﻴﻞ
ﻟﻜﻦ ﻧﺤﻦ ﻧﺴﺘﺎﻫﻞ ﻏﻠﺒﻨﺎ ﻧﻌﺪ ﺭﺑﺎﻁ ﺍﻟﺨﻴﻞ
ﺣﺼﺎﻥ ﺧﻠﻘﻮﻫﻮ ﻟﻠﻐﺎﺭﺍﺕ ﻣﻌﻠﻖ ﻓﻲ ﺍﻟﻜﻮﺍﺭﻭ ﺫﻟﻴﻞ
ﺗﻌﺎﻝ ﻳﺎ ﺍﻳﻬﺎ ﺍﻟﻔﺎﺭﺱ ﺗﻌﺎﻝ ﻧﻜﺮﻡ ﻣﻴﺎﻩ ﺍﻟﻨﻴﻞ
ﺍﺫﺍ ﻛﺎﻥ ﺍﻟﺒﺮﺩ ﻗﺎﺭﺱ ﺍﺧﻴﺮ ﺍﻟﻌﻮﻡ ﻣﻦ ﺍﻟﺒﻠﺒﻴﻞ
ﺗﻌﺎﻝ ﻗﻮﻝ ﻟﻲ ﺑﺎﻟﻮﺍﺿﺢ ﺑﻘﻲ ﺍﻟﻠﻌﻮﺝ ﻧﺸﻮﻓﻮ ﻋﺪﻳﻴﻞ
ﺍﺫﺍ ﻛﺎﻥ ﺍﻟﻨﻬﺎﺭ ﻓﺎﺿﺢ ﺗﻌﺎﻝ ﻧﺴﻠﻚ ﺩﺭﻭﺏ ﺍﻟﻠﻴﻞ
ﺳﻮﺍﻗﻴﻨﺎ ﺍﻟﺰﻣﺎﻥ ﻛﺎﻧﺖ ﺗﻐﺮﺑﻞ ﻓﻲ ﺍﻟﻈﺮﻭﻑ ﻏﺮﺑﻴﻞ
ﺗﺸﻴﻞ ﺍﻟﻠﻴﻞ ﺩﻣﻊ ﻫﺎﻃﻞ ﻭﻻ ﺟﺎﻟﻮﻥ ﻭﻻ ﺑﺮﻣﻴﻞ
ﻻ ﺍﺳﺒﻴﺮ ﺑﻴﺸﻐﻞ ﺑﺎﻟﻨﺎ ﻭﻻ ﺯﻭﻻ ﻋﻠﻴﻨﺎ ﻛﻔﻴﻞ
ﺑﺮﺍﻫﻮ ﺍﻟﻤﻮﻟﻲ ﺳﺎﺗﺮ ﺣﺎﻟﻨﺎ ﻣﺎ ﻃﺎﻝ ﺑﻨﻮﻓﻲ ﺍﻟﻜﻴﻞ
ﻗﺒﻠﻨﺎﻙ ﻳﺎﺩﻫﺮ ﻋﺎﺑﺲ ﻣﻊ ﺍﻟﻮﺟﻊ ﺍﻟﻄﺮﻳﻘﻮ ﻃﻮﻳﻞ
ﺣﻤﻠﻨﺎﻙ ﻭﺍﻟﻆﻼﻡ ﺩﺍﻣﺲ ﻧﻌﺰﻝ ﻓﻰ ﺍﻟﺪﺭﻭﺏ ﻋﺰﻳﻞ
ﻫﺠﺮﻧﺎ ﺧﻼﺹ ﻏﻨﺎﻭﻱ ﺍﻟﺮﻳﺪ ﺑﻌﺪ ﺭﺣﻠﺖ ﺟﻤﺎﻝ ﺍﻟﺸﻴﻞ

سؤال اذا النسيبة مدت يدها على مرت الولد
الحل شنووووو؟؟؟
موضوع الدق دا ذكرني زميلتي خمسة سنة ماولدت ونسيبتها كل يوم نقة في الموضوع ومخدماها ومريحة بناتها… .يوم كدا وفي نقاش بسيط النسيبة ضربت مرت الولد ضرب لما فترت… الولد لما جا وعرف الموضوع مشى لامو قال ليها كل الحاصل دا سببه انها ما ولدت .....ياامي السبب مني انا وبت الناس دي صابرة علي على امل اني بكرة اتعالج ويشهد الله طيلة الفترة دي صااابرة وماورت اهلها… ..صرفت دهبا عشان اتعالج وعاهدتني ماتفشي سري لي زول….. لكن لحدي هنا كفاها…… ياحليلو طلقها ووداها اهلها وهاجر خلا البلد… . في سنتا عرست وجابت بت والام لي يوم الليلة تعضي في اصابع الندم.

منقققققققوووووول

اليوم الشين ببدا بخيانة الصباح
الكلام دا واضح ولا ما واضح
جلابيتك قديمة ومرقوعة عادي جداً ماقلنا شي لكن برضو كان غسلتها وبخيتا بي موية وختيتة تحت اللحاف تاني يوم حاتكون نصف مكوية ودا بنطبق علي البنطلون والقميص
وإتا مارق إتسوك ولو بي فرع شدرة مُرة (مرارة الشدر ما اشد من مرارة الخشم لما الزول مايتسوك )عشان تقدر تقول صباح الخير بي مزاج ولو ماعندك حق المعجون دا ماعذر ليك الشدر راقد
لياقتك ماتنساها جوة القميص حاول استعدل اللياقة ياخ
لما تركب الحافلة قول السلام عليكم مابتكلفك حاجة قول صباح الخير أو ابتسم أو حاول تبتسم المهم اطرح وشك ومافي داعي تصُر للناس وتوريهم إنك ورمان وزهجان
ماتحاول تفتعل مشاجرة مع الكمساري لأنو ناس البيت طالبوك بي حاجة اتا ماقادر عليها
اليوم الشين ببدا بي خيانة الصباح
كدي عاين للناس القاعدين قدامك ديل شوفن متفائلين ومبسوطين ونضيفين كيف
كدي إتخيل معاي إنو فيهم ناس إستحمو الصباح بي بروة صابونة حقت غسيل
بروة صابونة كانت ملصقة في ليفة العِدة وبعد كلو مدي الصباح حقو بالكامل
إتا خُنتا يومك من الأول .. مالازم كمان هو يخونك
حاول جرِب تفتش جيب الصباح ممكن تكون فيهو حاجة ليك
الشمس الاشرقت دي ماتديها شلوت بي هِدِم وسخان وشكل مامرتب وزهج في الفاضي والمليان خليك زول متفائل
هسة اليوم دا لو أداك حاجة سمحة تفتكر تقدر ترجع لي بدايتو عشان تعتذر ليهو
لو اتفائلتا باليوم دا في زول حايجي يلومك
كان مشيت السوق ولا المكتب ولقيت عندك ترقية ولا حبة جنيهات تفتكر حا تقدر ترجع للكمساري وتقول ليهو ياخ اليوم دا كان سمح وأنا متأسف علي زهجتي فيك
اليوم الشين ببدا بخيانة الصباح
أدي الصباح حقو وإنتظر باقي اليوم ياخ
سهل الطيب

إحداهن تزوجت في سن الـ ٢٢ ٬ خوفا من أن "يفوتها القطار”٬
وعاشت حياه تعيسة في قطار أخذها بعيدا عن أحلامها.
واخرى تزوجت في سن الـ ٣٥ ٬
واختارت الحياة التي طالما حلمت بها٬ فهي تؤمن بأن ذات القطار يعيد ذات الطريق آلاف المرات بركّاب مختلفين، فأبت إلا أن تجلس بجانب الحبيب الذي يستحقها.
.
.
أحدهم تزوج في عمر الـ ٢٠ لمجرد إنه يريد أن “يخاوي أولاده"٬
ولكن أولاده عاشوا في بيت كئيب لكثرة الخلافات بينه وبين من اختارها لتكون مجرد أم لأولاده.
وأخر تزوج بعمر الـ ٣٠ من رفيقة عمره٬
وأنجب طفلاً بعد سنة ورباه في بيئة صحية٬ فهو يعلم تماما بأنه لا يوجد أسوء من أن يعيش الأولاد في بيت كئيب فاقد للحب والحياة٬ مع أب وأم كارهين حياتهم مع بعضهم البعض.
.
.
أحدهم تزوج مباشرة بعد التخرج٬ فقط لأنه يخاف من"الوحدة”٬
وبعدها اكتشف أنه يعيش في وحدة أعظم مع أمرأة لا يعرفها.
وأخر تزوج في أواخر عقده الثالث بعد سنين وسنين عاشها في الوحدة٬
ولكنه بعد كل هذه السنين وجد ونيس عوضه سنين وحدته.
.
.
إحداهن تزوجت سريعا بأول من طرق بابها٬ بعد أن أقنعها الجميع بأنه "عريس لقطة ومايترفضتش”٬ لكنها ندمت بعد أن نضجت فكريا وعاطفيا٬ وعلمت بأنه ربما يكون شخص جيد٬ ولكنه لا يناسبها.
وأخرى تزوجت بعد أن وجدت الشخص "المناسب لها"٬ وعاشت سعيدة وراضية بعد أن كانت لديها الشجاعة الكافية لرفض الكثير والكثير من العلاقات الغير مناسبة في نظرها٬ في الوقت الذي كانت في نظر جميع من حولها "أملة" و “ماتتعوضش”.
.
.
لا يوجد “عمر" مثالي للزواج٬
بل هناك “وقت" مثالي للزواج٬
يأتي هذا الوقت عندما يأتي "الشخص المناسب” ٬
فليس المهم "متى" نتزوج ٬ بل “من” نتزوج.

خاص بالمغتربيين

عزيزي المغترب : وانت ترسل لأولادك مصاريف رمضان زيد عليها خمسين ريال صدقه وكلم زوجتك او ولدك يتصدقون بها على محتاج في القريه. فانها بركة بيتك وأولادك ومالك.
انت مهتم بشراء اجود انواع التمر والشعيرية والكاكاو والعصائر والفواكه لأولادك وفي قريتك من لم يجد قليل دقيق او قليل ارز او سكر .

تحروا هلال رمضان في بيوت المحتاجين قبل ان تتحروه في السماء.

‏قالت : أُحبُّ النَحوَ قُلتُ لها : أعربي
‏أضحى غرامي في الضميرِ الغائبِ

‏قالت : فأضحى فعل ماضٍ ناسخ
‏نَسَخَ الغَرامَ ، فقلتُ : لا لا تَهربي

‏ضُمي غَرامي فإنَّ مَوقِعَهُ كذا
‏لا تَكسِري بالجَرِّ قَلبَ المُتعَبِ

‏لا تجعليني مِثلَ حرفٍ لا محلَ
‏لَهُ من الاعرابِ .. هذا مطلبي👇

...
‏ضيفي غرامي لقلبك و أقبلي
‏وتَقربي من خافقي تقربي

‏إن المُضاف إذا أُضيف لِمن هوى
‏حُكم الإضافةِ واجبٌ لا تعجبي

‏أحببتكِ والفعل مَبنيٌّ هنا
‏إبنيه للمعلومِ قلبي وانسبي

‏لا تحسبيني بالمشاعرِ جاهلٌ
‏لا لست بالفظِّ الغليظِ المُذنِبِ

‏رحماك إني في الجفاء مُعذبٌ
‏فتَقربي مني ولا تَتَغَيبي

#عن جمال اللغة العربية