ﻻ ﻓﺎﺟﺎﺏ ﻗﺎﺋﻼ : ﻫﻨﺎﻟﻚ ﻋﺪﺩ ﻣﻦ ﺍﻟﻤﻮﺍﻃﻨﻴﻦ ﻳﻄﻠﻌﻮﻥ ﻣﺎﻓﻰ ﺍﻟﺒﻮﺭﺕ ،ﻭﺑﻌﺾ ﺍﻟﻄﻼﺏ ﺍﻟﺬﻳﻦ ﻳﻜﻮﻧﻮﻥ ﻓﻰ ﺣﺎﻟﺔ ﺍﺳﺘﻌﺠﺎﻝ ﻳﺼﻮﺭﻥ ﺍﻟﺸﻰﺀ ﺍﻟﻤﻜﺘﻮﺏ ﻭﻳﺎﺧﺬﻭﻧﻪ ﻓﻰ ﻫﻮﺍﺗﻔﻬﻢ ﻣﺜﻞ ﺍﻟﺤﻜﻢ ﻭﺍﻟﻤﻌﺎﺩﻻﺕ ، ﻭﻭﺍﺣﺪ ﻛﺎﻥ ﻣﺪﺭﺱ ﻓﻰ ﺍﻟﺨﻠﻴﺞ ﻗﺎﻝ ﺍﻧﻪ ﻳﺴﺘﻔﻴﺪ ﺍﻥ ﻫﺬﺍ ﺍﻟﺒﻮﺭﺕ ﺍﻛﺜﺮ ﻣﻦ ﺍﺳﺘﻔﺎﺩﺗﻪ ﻣﻦ ﺍﻟﺠﺮﺍﺋﺪ، ﻭﻛﺎﻥ ﻳﺎﺗﻰ ﻭﺗﻔﻘﺪ ﻣﺎﻳﻜﺘﺐ .
ﻛﺘﺐ : ﻟﺆﻯ ﻋﺒﺪﺍﻟﺮﺣﻤﻦ
النيلين

كان زمان الدنيا سمحه
وأحلى مافيها البساطه
الف نفاج فوق بيوتهم
والزياره بدون وساطه
كانو كيمان من محنه
وكانوعايشين إنبساطا
حله كامله ورادي وااااحد
تلقى صوت الموجه جاطا

ريكة الكسره الكبيره
للفريق كافيه وزياده
الدواوين فاتحه شارع
والجميع عايشين سعاده
تلقى جد الحله واااااحد
ورايو عندالناس قلاده
وإن مرقت بدون تصابحو
بتبقى خارق ليك عاده

المسلسل ليه نكهه
ويمشو ليه الناس مسيره
وياسلام لو يوم تصادف
وتحضر الحلقه الاخيره
البنيات والوليدات والعجائز
والخلق بالحيل كتيره
وكلهم في فد سباته
من اهل حبان وجيره

وإن جا جواب من مسافر
تلقى كل الحله تفرح
ويندهو الزول البيقرا
ولي الحروف الفيها يشرح
واي مفرده في الرساله
بتمسح الاحزان وتطرح
ما الرساله ملانه إلفه
ومابتلاقي كليمه تجرح

لمبة الفانوس تنور في الرواكيب الحنينه
والخلاص اوضاعو رايقه
بتلقى جايب ليو رتينه
ياسلام العيشه سمحه
واي حاجه تشوفو زينه
والعلاقات ماها هشه
والصلات كانت متينه

والمغارب كان جميله
واللبن كان جد حكايه
الوليدات بي الجرادل
واي بت تلفح عبايه
وشايله بستله وتسابق
وجاريه وقعت الغطايه
ولاحقه للشاي المقنن شان
مفور في اللدايه

الليالي وريفه جدآ
والقمر في الرمله ضاوي
وديمه حبوبه بتلولي
وتحكي تشرح في الحكاوي
فاطمه شالا الغول وروح
وبس ميويه تدور تكاوي
سمحه حبوبه وحنينه
ويومي نايمين بي الحجاوي

وإن في زول في الحله عرس
كل بت في الحي تفصل
اما ساعة الحفلى تبدا
يطلع الفارس يوصل
كوم من البنوت يقودن
ولي العرس ليهن يحصل
طالما الراجل معاهن
مافي زول ليهن برسل

اللعب كان حجله سمحه
هودنا وسيجه وحفيره
كان شليل جوانا رايح
ولعبه ماحبينا غيرا
والخريف كان حل جانا
نفرح ونقول يامطيره
يلا كبي المويه سرعه وكنا
نطلع ليها سيره

اي بيت بي مشلعيبو
وقربه في اقرب مكانه
تلق سحاره بتخزن وباقيه للناس كم خزانه
اما ساعة القهوه تلقى
مستفه بيوتهم ملانا
وكل زول متى مايجيهم
يلقى مختوت ليه خانه
.

ما تضحكو بصوت انا غايتو ضحكت لمن دمعت
😂😂😂😂😂😂😂😂

اوعا تدقس ..وخليك مفتح.....
ﺯﻣﺎﺍﺍﺍﺍﺍﻥ ﻋﺰﻣﻨﻰ ﺻﺎﺣﺒﻰ
ﻟﺰﻭﺍﺝ شقيقه ﺍﻻﻛﺒﺮ.. ﺍﻟﺰﻭﺍﺝ ﻓﻰ ﺍﺣﺪﻯ
ﺿﻮﺍﺣﻰ ﺷﻨﺪﻯ.. ﻛﺎﻥ ﻣُﺼﺮ ﺟﺪﺍ ﺍﻧﻰ
ﺍﺣﻀﺮ.. ﺍﻟﻤﻬﻢ ﺳﻘﺖ ﻣﻌﺎﻯ ﺻﺪﻳقي
ﻭﻣﺸﻴﻨﺎ ﻭﺍﺭﻳﺘﻨﺎ ﻣﺎ ﻣﺸﻴﻨﺎ..
ﻭﺻﻠﻨﺎ ﺣﻮﺍﻟﻰ ﺍﻟﺴﺎﻋﺔ 12 ﻭﻧﺺ ﻓﻰ ﻧﻬﺎﺭ
ﺣﺎﺍﺍﺍﺭ.. ﺍﺳﺘﻘﺒﻠﻮﻧﺎ ﺑﻜﺮﻡ.. ﻫﺎﺷﻴﻦ ﺑﺎﺷﻴﻦ..
ﻭﻫﺎﻙ ﻳﺎ ﺷﺎﻯ ﻭﻗﻬﻮﺓ ﻭ )ﺷﺮﺑﺎﺕ (
ﻟﻴﻤﻮﻥ.. ﻭﺑﻌﺪ ﺷﻮﻳﺔ ﺟﺎﺕ ﺍﻟﺼﻮﺍﻧﻰ
ﺗﺘﻀﺎﺭﺏ.. ﻣﻼﺣﺎﺕ ﻭﺷﻴﺎﺕ ﻭﺿﻠﻌﺎﺕ
ﻭﻣﺤﺎﺷﻰ ﻭﺳﻠﻄﺎﺕ.. ﺿﺮﺑﻨﺎ ﻟﻤﺎ ﻋﺮﻗﻨﺎ..
ﻭﺻﻮﺕ ﺍﻟﺪﻟﻮﻛﺔ ﻭﺍﺻﻠﻨﺎ ﻣﺨﻨﻮﻕ ﻣﻦ
ﺩﺍﺧﻞ ﺍﻟﺒﻴﺖ.. ﻭﺍﻟﺸﺒﺎﺏ ﻓﺎﻳﺮﻳﻦ ﻭﻣﺪﻓﻘﻴﻦ
ﻭﻣﺸﻨﻘﻴﻦ ﺍﻟﻄﻮﺍﻗﻰ ﻟﻤﺎ ﺍﻟﻄﺎﻗﻴﺔ
ﻣﻼﻣﺴﺔ ﺍﻟﺤﺎﺟﺐ.. ﺍﻟﻤﻬﻢ ﺻﺎﺣﺒﻰ
ﺍﻟﻤﻌﺎﻯ ﺑﺎﻟﺮﺍﺣﺔ ﻛﺪﺍ ﺩﻧﻘﺮ ﻓﻴﻨﻰ ﻗﺎﻝ ﻟﻰ
ﻳﺎ شلاقة ﻣﺎ ﻣﻼﺣﻆ ﺍﻥ ﺍﻧﺎ ﻭﺍﻧﺖ
ﻓﻘﻂ ﺍﻟﻼﺑﺴﻴﻦ ﺑﻨﺎﻃﻠﻴﻦ.. ﻳﺎﺥ ﺧﻠﻴﻨﺎ ﻧﻠﺒﺲ
ﺟﻼﻟﻴﺐ ﺫﻳﻨﺎ ﻭﺫﻯ ﺍﻟﻨﺎﺱ.. ﺍﻟﻤﻬﻢ ﻃﻠﻌﻨﺎ
ﺍﻟﺠﻼﺑﻴﺐ ﻣﻦ ﺍﻟﺸﻨﻄﺔ ﻭﻟﺒﺴﻨﺎ..
ﻗﺮﻳﺐ ﺍﻟﻤﻐﺮﺏ ﻛﺪﺍ ﺑﺪﺃﺕ ﺍﻟﺤﻔﻠﺔ
ﺍﻟﺮﺳﻤﻴﺔ.. ﺍﻟﻔﻨﺎﻥ ﻋﺰﺍﻟﺪﻳﻦ ﻛﺒﻮﺷﻴﺔ..
ﻭﻗﺎﺍﺍﺍﺍﺍﻝ ﻛﺪﺍ ﻗﺎﻝ ﻟﻴﻪ ﺭﻣﻴﺔ ﻃﻮﻳﻴﻴﻴﻴﻠﺔ
ﻣﺠﺪ ﻓﻴﻬﺎ ﺍﻟﻌﺮﻳﺲ ﻭﺍﻟﻘﺒﻴﻠﺔ.. ﻭﻗﺎﺍﺍﺍﺍﺍﻡ
ﺑﺘﺎﻉ ﺍﻟﺪﻟﻮﻛﺔ ﺧﻤﺞ ﺍﻟﺪﻟﻮﻛﺔ.. ﺧﺒﺖ ﺟﺪ
ﻭﺍﻟﺸﺘﺎﻣﺔ ﺩﻭﺭﺕ ﻃﺞ ﻃﺮﺝ ﻃﺞ.. ﻃﺞ
ﻃﺮﺝ ﻃﺞ.. ﻭﻗﺎﺍﺍﺍﺍﺍﻣﻮ ﺍﻟﺸﺒﺎﺏ ﻋﺮﺿﺔ
ﺟﺪ.. ﻭﺍﻟﻐﺒﺎﺭ ﻭﺻﻞ ﺍﻟﺴﻤﺎﺀ ﺍﻟﺴﺎﺑﻌﺔ.. ﻭﺍﻧﺎ
ﻭﺻﺎﺣﺒﻰ ﻓﻰ ﻧﺺ ﺍﻟﻤﻌﻤﻌﺔ ﺩﻯ..
ﺷﻮﻳﺔ ﻛﺪﺍ ﻭﺍﻟﺠﻤﺎﻋﺔ ﺍﻟﺒﻌﺮﺿﻮ ﺩﻳﻞ
ﻛﻠﻠﻠﻠﻠﻠﻬﻢ ﻣﻠﺼﻮ ﺍﻟﺠﻼﻳﺐ ﻭﺭﺑﻄﻮﻫﺎ ﻓﻰ
ﻧﺼﻬﻢ... ﻣﻤﻤﻤﻤﻤﻤﻤﻤﻤﻤﻤﻤﻤﻢﻣﻢ ..
ﻭﺍﻧﺎ ﺩﻗﺴﺖ.. ﺧﺠﻠﺖ ﻣﺎ ﻋﺎﺭﻑ.. ﺍﻟﻤﻬﻢ
ﺻﺎﺣﺒﻰ ﺯﺍﺗﻮ ﻣﻠﺺ ﺍﻟﺠﻼﺑﻴﺔ.. ﺷﻜﻠﻮ ﺻﻒ
ﻭﻟﻘﻴﺖ ﻧﻔﺴﻰ ﻓﻰ ﻧﺺ ﺻﻒ ﺍﻟﻤﻮﺕ ﺩﻩ..
ﻭﺟﺎﺀ ﺍﻟﻌﺮﻳﺲ ﻳﻘﺪﻝ ﺷﺎﻳﻞ ﺳﻮﻁ ﻃﻮﻝ
ﺍﻟﻘﻨﺎﻳﺔ.. ﻭﻣﻘﺒﺾ ﺍﻟﺴﻮﻁ ﻣﺰﺧﺮﻑ ﺑﺎﻟﺠﻠﺪ
ﺍﻻﺣﻤﺮ ﻭﺍﻟﺒﻨﻰ.. ﺍﻟﺴﻮﻁ ﺭﻭﻳﺎﺍﺍﺍﻥ
ﻗﻄﺮﺍﻥ.. ﻭﺍﻟﺪﻟﻮﻛﺔ ﻭﺍﻟﺸﺘﺎﻣﺔ ﻋﺎﻣﻠﻴﻦ
ﺷﻐﻞ.. ﻭﺍﺣﺪ ﻳﺪﻕ ﻭﻭﺍﺣﺪ ﻳﺨﻠﻒ.. ﺍﻟﻤﻬﻢ
ﺍﻟﺠﻤﺎﻋﺔ ﺭﻛﺰﻭﺍ.. ﻭﺭﻛﺰﺕ ﺣﺎﻟﻰ
ﺣﺎﻟﻬﻢ..ﻭﺻﺎﺣﺒﻰ ﺯﺍﺍﺍﺗﻮ ﺭﺍﻛﺰ ﻣﻌﺎﻯ..
ﺑﺪﺃ ﺍﻟﺠﻠﺪ )ﺍﻟﺒﻄﺎﻥ (.. ﻣﻦ ﺍﻟﻴﻤﻴﻦ.. ﺍﻟﺠﻠﺪ
ﺳﻮﻃﻴﻦ.. ﺳﻤﻌﺖ ﺟﻮ ﺟﻮ ﻭﺍﻧﺎ ﺑﻜﺸﻒ
ﻟﻠﺰﻭﻝ ﺍﻻﻧﺠﻠﺪ ﺑﺎﻻﻭﻝ ﺩﻩ ﺑﺎﻟﻄﻮﺍﺍﺍﺍﻝ..
ﺻﺮﺍﺣﺔ ﻛﺎﻥ ﻭﺍﻗﻒ ﺫﻯ ﺍﻟﺠﺒﻞ.. ﻟﻢ ﻳﻬﺘﺰ..
ﻭﺍﻟﺒﻌﺪﻭ ﺛﻢ ﺍﻟﺒﻌﺪﻭ ﺛﻢ ﺍﻟﺒﻌﺪﻭ
ﻭﺟﺎﻧﻰ ﺍﻟﺪﻭﺭ.. ﻭﺍﻧﺎ ﻭﺍﻗﻒ ﻫﻴﻴﻴﻴﻊ ﺍﻧﺎ ﺍﺧﻮ
ﺍﻟﺴﻤﺤﺔ.. ﺍﻟﺰﻭﻝ ﺩﻩ ﻋﺮﺽ ﻗﺪﺍﻣﻰ
ﻭﺑﻌﺎﻳﻦ ﻟﻰ ﺟﻮﻭﻭﻭﻭﻩ ﻋﻴﻨﻰ ﻭﺍﻧﺎ ﺯﻭﻝ
ﺣﺎﺭﺍﺕ.. ﺍﻟﻤﻬﻢ ﺭﻓﻊ ﺍﻟﺴﻮﻁ ﻭﻫﺰﺍﻩ
ﻣﺮﺗﻴﻦ ﺛﻼﺛﺔ.. ﺳﻤﻌﺖ ﺟﻮﻭﻭﻭﻭ.. ﺻﺮﺍﺣﺔ
ﺑﻌﺪ ﺟﻮﻭﻭ ﺩﻯ ﺣﺼﻠﺖ ﻟﻰ ﺣﺎﺟﺎﺕ
ﻋﺠﻴﺒﺔ..
ﺍﻭﻝ ﺣﺎﺟﺔ ﺷﻔﺖ ﺍﻟﻮﺍﻥ ﺍﻭﻝ ﻣﺮﻩ ﺍﺷﻮﻓﻬﺎ
ﻓﻰ ﺣﻴﺎﺗﻰ. ﻓﺴﺪﻗﻰ ﻋﻠﻰ ﺣﺮﺟﻠﻰ
ﺑﺎﻟﺒﺼﻠﻰ.. ﺳﻤﻌﺖ ﺍﺻﻮﺍﺕ ﻣﺎ ﻣﻔﻬﻮﻣﺔ..
ﺻﻮﺕ ﺩﻳﻚ ﻭﺻﻮﺕ ﻧﻤﻠﺔ ﻭﺻﻮﺕ ﺁﺫﺍﻥ
ﻭﺻﻮﺕ ﻛﻼﺷﻨﻜﻮﻑ.. ﻛﻠﻮﻭﻭﻭ ﻣﻊ ﻛﻠﻮﻭﻭﻭ
ﻓﻰ ﺁﻥ ﻭﺍﺣﺪ.. ﻭﺷﻌﺮﺕ ﺍﻟﺮﻋﺸﺔ ﻣﻦ
ﺻﻮﻑ ﺭﺍﺳﻰ ﻟﻰ ﻛﺮﻋﻰ.. ﻭﺟﻮﻭﻭﻭﻭﻭ
ﺍﺩﺍﻧﻰ ﺍﻟﺘﺎﻧﻰ.. ﻫﻨﺎ ﺍﻧﺎ ﺑﻄﻨﻰ ﻃﻤﺖ
ﻭﺭﺍﺳﻰ ﺩﺍﺵ ﻭﻋﺮﻗﺖ ﻭﺣﺴﻴﺖ ﺍﻇﺎﻓﺮﻯ
ﺍﻟﻌﺸﺮﺓ ﻃﺎﺭﺕ.. ﺟﺴﻤﻰ ﻧﻤﻞ ﻭﺣﺴﻴﺖ
ﺑﺤﻮﻝ ﻭﺯﻏﻠﻠﺔ ﻭﺍﻟﻌﺒﺮﺓ ﺧﻨﻘﺘﻨﻰ ﻋﺪﻳﻞ..
ﻭﺍﻟﺤﻤﺪﻟﻠﻪ ﻟﻢ ﺍﻧﺴﻰ ﺍﻟﺸﻬﺎﺩﺗﻴﻦ.. ﻧﻄﻘﺖ
ﺑﻬﻢ ﺳﺮﺍً.. ﺍﺷﻬﺪ ﺍﻥ ﻻ ﺇﻟﻪ ﺇﻻ ﺍﻟﻠﻪ ﻭﺍﻥ
ﻣﺤﻤﺪ ﺭﺳﻮﻝ ﺍﻟﻠﻪ...
ﺍﻟﻤﻬﻢ ﺑﻌﺪ ﺍﻟﺴﻮﻃﻴﻦ ﺩﻳﻞ ﺑﻄﺒﻚ ﺯﻭﻝ
ﻣﻦ ﻧﺼﻚ ﺑﻤﺮﻗﻚ ﻣﻦ ﺍﻟﺼﻒ ﻭﺑﺘﺴﻤﻊ
ﺻﻮﺕ ﺍﻟﺰﻏﺎﺭﻳﺪ ﺫﻯ ﺍﻟﻄﺎﻟﻌﺔ ﻣﻦ ﺑﺌﺮ..
ﻭﺑﺘﺎﺧﺪ ﻟﻴﻚ ﻧﻄﻪ ﻧﻄﺘﻴﻦ ﻭﺗﺒﻘﻰ ﺭﺍﺟﻊ
ﻋﻠﻰ ﻛﺮﺳﻴﻚ.. ﺍﻧﺎ ﺑﻌﺪ ﺍﻟﻤعط ﺩﺍﻙ ﻻ
ﻧﻄﻄﺖ ﻻ ﺣﺎﺟﺔ.. ﺑﺲ ﻋﺎﻳﺰ ﺍﻟﻜﺮﺳﻰ..
ﻫﻮ ﺯﺍﺗﻮ ﺍﻟﻜﺮﺳﻰ ﻭﻳﻦ.. ﻭﻫﻮ ﺍﻧﺎ ﻛﻨﺖ
ﺑﺸﻮﻑ.. ﺍﻟﻤﻬﻢ ﺑﻘﺪﺭﺓ ﻗﺎﺩﺭ ﻭﺻﻠﺖ
ﺍﻟﻜﺮﺳﻰ.. ﻭﻟﺒﺴﺖ ﺟﻼﺑﺘﻰ ﻭﻗﻌﺪﺕ..
ﺿﻬﺮﻯ ﺩﻩ ﺫﻯ ﺍﻟﻔﻴﻪ ﺟﻤﺮ.. ﺍﻟﻤﻬﻢ
ﺻﺎﺣﺒﻰ ﺍﻟﻤﻌﺎﻯ ﺑﺮﺿﻮ ﺍﺧﺪ ﻧﺼﻴﺒﻮ.. ﻭﺟﺎﺀ
ﻗﻌﺪ ﺟﻤﺒﻰ.. ﻣﺤﻤﺒﻚ ﻭﻻ ﺑﻌﺎﻳﻦ ﻟﻰ ﺯﺍﺗﻮ..
ﺑﻌﺪ ﻣﺴﺎﺍﺍﺍﺍﻓﺔ ﻗﺎﻝ ﺍﺳﻤﻊ ﻳﺎشلاقة
ﺍﻗﺴﻢ ﺑﺎﻟﻠﻪ ﺍﻧﺎ ﻣﺎ ﺑﺒﻴﺖ ﻫﻨﺎ.. ﻫﻬﻬﻬﻬﻬﻬﻪ ﺍﻧﺎ
ﺳﺎﻣﻊ ﻟﻜﻦ ﻣﺎ ﻗﺎﺩﺭ ﺍﺭﺩ.. ﻟﺴﺎﻧﻰ ﻣﻌﻘﻮﺩ
ﻛﻠﻮ ﻛﻠﻮ.. ﻧﺤﻦ ﻣﺎﻟﻨﺎ ﻭﻣﺎﻝ ﻛﺪﺍ ﻳﺎﺥ.. ﻧﺤﻦ
ﺍﻭﻻﺩ ﺍﻣﺪﺭﻣﺎﻥ ﻧﺎﺱ ﺑﻨﻴﺔ ﻭﺷﻠﻮﺕ ﺍﺻﻠﻰ..
ﻛﺎﺑﻮﻳﺎﺕ ﻋﺪﻳﻴﻴﻴﻞ.
. ﻣﺎﻟﻨﺎ ﻭﻣﺎﻝ ﺩﻩ..
ﺍﻟﻤﻬﻢ ﻓﺠﺮﺍً ﺑﺪﺭﻯ ﻭﻓﻰ ﺍﻭﻝ ﺑﺺ ﺑﻘﻴﻨﺎ
ﻣﺎﺭﻗﻴﻦ..
ﻭﺍﻟﺠﻤﺎﻋﺔ ﻳﺤﻠﻔﻮ ﺣﺮﺭﺭﺭﺭﺭﻡ
ﺗﻔﻄﺮﻭ ﺣﺮﺭﺭﺭﺭﺭﻡ ﻣﺎ ﺑﺘﻤﺸﻮ ﻃﻼﺍﺍﺍﺍﺍﻕ
ﺗﻘﻌﺪﻭ.. ﻫﺎ.. ﺍﻧﺘﻮ ﻭﻫﻢ ﻭﻻ ﺍﺷﺘﻐﻠﻨﺎ ﺑﻴﻬﻢ..
ﺭﻛﺒﻨﺎ ﺍﻟﺒﺺ ﺗﺐ.. ﺻﺎﺣﺒﻰ ﺩﻩ ﻃﻮﻝ
ﺍﻟﻤﺸﻮﺍﺭ ﻟﻢ ﻳﻨﻄﻖ ﺑﻜﻠﻤﺔ..
ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻪ ﻟﻤﺎ ﻭﺻﻠﻨﺎ
ﺍﻣﺪﺭﻣﻨﺎ ﺍﻟﺤﺒﻴﺒﺔ ﻗﺎﻝ ﻟﻰ ﻛﻠﻤﺔ ﻭﺍﺍﺍﺍﺍﺍﺍﺣﺪﻩ

ﺍه اه ﻳﺎ ﺿﻬﺮﻯ ﺍﻟﺒﻘﻴﺖ ﻫﺎمل

😂😂😂😂😂😂😂

#منقول

قصص وحكاوي:

#المرحاض:
- المرحاض دا عندو مسميات كتيرة ,يمكن لي اهميتو خاصة في الزمن الحاضر والناس اتحضرت وكمان مع التمدن والتمدد داخل العاصمة الناس بقت واعية وخلت الحركات العلى الحيط,وكمان زمان الناس بتمشي الخلاء الصقيعة الواسعة ديك وبتقضي حاجتها بدون تردد وبدون خجل,بس كل ما التطور التكنلوجي يحصل الناس بتتطور معاهو .

- المهم المرحاض دا عندو كم اسم:
1- بيت الادب
2- بيت الخلاء
المستراح
4- ال WC وهو اختصار لي Water cycle
5- الادبخانة (من شكل الاسم )الاصل تركي تقريبا.

- ما علينا على الاسماء الكتيرة المهم الموقع,وانو الناس بتدخل عشان تقضي الحاجة,بس للاسف في ناس بدخلو المرحاض بصورة غلط,المفترض الواحد يدخل بي رجله الشمال ويقول دعاء الدخول للمرحاض : ( اللهم اني اعوذ بك من الخبث والخبائث) الا بس الواحد بجي مزنوق وما بكون شايف قدامو يدخل باليمين ولا يدخل بالشمال المهم عندو انو يمشي يتخلص من كمية القاذورات الجواهو ويبقى مارق.

- في نوع كمان يحيرك عديل ,ياخ الواحد يدخل المرحاض ويقعد ساعة كاملة,وبالمناسبة عشان كدا جا اسم (المستراح) ايي يرتاح بس في مرحاض بيتو مش في المراحيض والحمامات العامة ,وتلقا الزمن زمن صلاة والناس مستعجلة عشان تمشي تتوضأ بس في ناس بتاخرو وباخرو الناس المنتظرين لحدي ما الصلاة تفوت الناس كلها.

- المشكلة في ناس بدخلو المرحاض وبنسو نفسهم وبنسو انو في ناس برة منتظرين,ياخ في ناس بتكتب شعر وفي ناس بتسرح في عالم تاني وفي ناس بتشخبط على حيطة المرحاض ويكتبو ليك عن البنات ولا عن الحكومة واحيانا يكتبو كميات من الاساءات .المهم بكونو اخدو راحتهم بالكاااااامل .

- النوع البنشغل داخل المرحاض بالكلام الفاضي والكلام الفارغ ,دا النوع البدخل المرحاض بي رجلو اليمين وما بقول : ( اللهم اني اعوذ بك من الخبث والخبائث)وللاسف في نوع بتكلم بالتلفون ولا تسمع صوت موسيقى شكلو بستمع للاغاني جوة الحمام,وبالمناسبة اية زول عايز يبقى فنان بغني جوة الحمام,لانو ما استعاذ بالله من الشيطان الرجيم عشان كدا الجن والشياطين محيطين بيه من كل جانب ويخلوه يتخيل ويسرح والعجب لو كان مياكل شطة تقيل,النوع دا ح يقعد ساعتين وتلاتة والمصيبة والمشكلة الكبيرة انو ما بكون حاسي بالزمن لانو مياخد راحتو زي ما قال (المستراح).

- وللاسف بعد الجرية الشديدة دييك عشان الواحد يدخل الحمام وبعد الزنقة البتخلي الواحد عاضي جلابيتو ,الواحد لما يخلص بنسى التعب والزنقة وما بحمد الله,ياخ لو ربنا حبس البول دا جواك والله دا عذاب,ولو ربنا حبس البراز دا جواك وبقيت ما قادر تتغوط اقسم بالله دا عذاب,عشان كدا اول ما تخلص من قضاء الحاجة واتغسلت واتنضفت واتلبست قول : الحمدلله الذي اذهب عني الاذى وعافاني)الفضلات دي لما تزنقك والله اذى كبير ولما ربنا يقدرك وتقوم باخراجها دي عافية كبيرة ,ياخ اتعود تحمد ربنا.

* تخريمة : غايتو في ناس كدا لو دخلو المرحاض بكونو زي الجايين يرمو همومهم واحزانهم في الحتة دي,ومشكلتهم بنسو الناس البرة

مع خالص الامنيات بحياة طيبة
حسب الله فضل حسب الله

بت من سسكر ..😍
وقصب السسكر من وجناتا ..
بت بتنقطط عسسل ومحنة ..
بت بتتتكسسر يااخي حلاتا 😍
بت بتخلي القمر يضارا ..ويجرد ليها محلتو زاتها
بت بتقعد أجمل واحدة .. وأجمل منها زاتها شناتها 😍😍..

قالو البكرهك عز الضلمه يحدرك
والزول البخافك في قفاك يغدرك
خاوي الفنجرى العارف مكانك وقدرك
وماتضيق للكعب خليهو واسع صدرك

الزول المضر ماتسوي اصلو رفيقك
ببراك بالضرر لامن ينشف ريقك
التلب اللزوم سويهو ديمة صديقك
ياهو البلحقك ساعه يحس بضيقك

مسطول يغازل زوجته
قال:أنا الليل وأنتي نهاري
فرحت وقالت:زيد😍
قال:أنا بستان وأنتي ازهاري
قالت:زيد😃
قال :أنا جحا وانتي حماري
كان رومنسي المرحوم😂😂😂😂

مساءكم ضحكه

يوميات علوب ...134.....وعد ويقين....!!

لاقيت أنور واقف بالأمجاد حقتو جنب الزلط سلمتا علي من بعيد ...!! أداني بوري طويل كدا( سلام مربع ) تحية في نص الحلة ...!! ضحكتا براي ..!! ورديت التحية بي يديني الاتنين ....!! أشر لي من بعيد يستفسر اذا ماشي الخرطوم قلتا ليهو أيوه ...!! قال لي ظابط ....تعال اركب أنا ذاتي ماشي ...!! ( الكلام دا كلو بالاشارة ) ....!!
( بالله مش سلاح الإشارة عديل كدا ... )
طوالي جيت نطيت معاهو ...!! ( أنور ) زول لطيف جدا وحبوب وطولنا من بعض ...!! المهم ركبتا جنبو وسلامات وتحايا قال لي غايتو انا ما محيرني الا الكبري القافلنو سنة للصيانة دا .....!! ياخ دا كان اختلس ماكان قفلو كدا ....!!! كبري مفتوح ليهو مية سنة ويقفلو فجاة كدا....!! وسنة كااااملة ...!! دا نفسيا حينهار ...!!
ضحكني غايتو مع الصباح.....!! قال لي نمشي بالمك نمر.... قلتا ليهو أبشر بالمك ...!! المهم دورنا ونشيل ونتونس في الطريق ماقاعدين ننلاقي في الحلة كتير كل زول جاري ...
اخر مرة اتلاقينا لو بتتذكرو يوم ودينا ( اسماعيل ) صاحبنا المطار ....( الله يطرا بالخير ) ..!! ( اسمّاعين )
المهم ماشين ليك بي مزاااج والحوت مدور في العربية ....وكأني مديون للعذاب تكاد أن تلامس السحاب ....!!! شجن عجيب ...( الله يرحمك يا جان ) .....!!
فجاة ظهر عمك كدا أشر لينا نقيف ليهو ...!! راجل كبير ومعاهو مرا ....!! حسّيت إنو بأشر وبي إصرار شديد ملوحا بطرف عمامته ....!! ( المنظر الزِّي دا انا بيأثرني شديد ...) قلتا لي أنور أقيف ليهم ياخ ...!!! قال لي بعطلنا ساكت عمك دا يا( مان ) ...وكمان معاهو الحاجة دي قصة طويلة ياعلوب ياخ الحافلات بتجي ...ما تخاف عليهم ...حيركبو ...بس هو يشيل الصبر ...!!
لا أدري مالذي جعلني أكثر إصرارا علي أننا يجب ان نتوقف ....!!!
وأمام الحاحي الشديد .....!! هدن أنور وتوقف علي ناصية الطريق ...!!! ...... ..........وعلي مضض
الرجل وعلي كبر سنه أسرع الخطي وجاء مهرولا يمسك بجلبابه من ناحيه ويدير بالة علي رفيقته من الجهة الآخري ...إلي أن وصل ...!!
خجلتا إننا أجبرناهو علي هذه ( الجكة ) ...!!
قلتا ليهو نحن اسفين يا أبوي والله مفروض نحنا نجيك جارين ...!!
قال لي مش بركة الوقفتو لينا...!! كتر خيركم ...!! نحنا لينا ساعة ونص واقفين هنا ...!!
إنتظر رفيقة دربه حتي وصلت ....!!!
أركبي ...أركبي يا ( الحرم ) ....!!! هكذا قدم من كانت معه ويبدو أن اسمها ( حرم ) ....لتركب قبله ...حتي هم هو بالركوب ....!!!
من الذي علمك هذا يا كبير ....!!!!؟؟
أنا علي يقين أنه ليس الخواجه بتاع ( ليديز فيرست ) لكنه المصطفي ( أن استوصوا بالنساء خيرا ...) وقد سبق عليه الصلاة والسلام ......!!
المهم قعدوا في الكنبة الورانا ....!! ولسانه يلهج بالثناء شكرًا لله ان هيأ له هذا الركوب وبعد طول إنتظار .....!!
خجلتا من روحي دي ...!! وأنا لم أقل ( الحمد لله ) منذ ان أصبحت ....!! فرددتها في سري ...!! ورددت متسائلا .....من اي طينة خلق هؤلاء الناس ...!!
قال مخاطبا رفيقته ( حرم )
ما تخافي يالحرم البجيبو ربنا كلو كويس ...!! والحرم مبلمة وتحس بيها مهمومة شديد ...!! وفِي عينيها خوف وأسي ....
قلتا ليهو خير يا أبوي ان شاءالله مافي عوجه .....قال لي
هو ربنا بجيب عوجه ...!!؟؟ ربنا ما بجيب ليهو عوجة ....!! الله بديك إمتحان بس ....!! ...!!! والقاري كويس بجاوب وبنجح
( الجمني الرجل وللمرة الثانية وفي أقل من خمس دقائق ...!! )
واستطرد يحكي...!!
والله يا ابني انا وخالتك دي عندنا ولد واااحد الله رزقنا بيهو بعد سنين ...!! بقولولو ( أبوذر ) سميتو علي ( أبوذر الغفاري ) الله يرضي عنو ...!!
والله ماخيب ظني ( أبوذر ) شايلنا في راسو دا انا وأمو دي .....!!! إلا ..الله أراد .....!! شن نسو ...!!؟؟؟ قسمتنا كدا ...!!
قلتا ليهو مالو ...خير ..!! ؟؟؟
قال لي هداك ليهو عيان راقد دا الأسبوع التالت ...وشوية يعني (الحكما ) مختلفين في أمرو .....!!؟؟ الله كريم علينا ...وتنهد الرجل .........!!
....!! في هذه اللحظة انفرط عقد ( الحرم ) وبكت ...!! بكت بمرارة .... إنه قلب الام عندما لايقو علي الاحتمال ...!!!
وعمك يهديء من روعها ...!! و أنا استوقفني المشهد .....!! وأنور بدا متأثرا و بشدة خاصة وانه لم يكن متحمس لمجرد الوقوف .......!!!!
توجهت اليه بسؤالي مرة اخري ....!!
قلتا ليهو لا يعني في النهاية قالو شنو ...!!؟؟
قال لي والله واحدين قالو ( شيتن ) في الدم ...!! يعني بينقص كدا براهو ...!! وواحدين قالو محتاج فحص برا البلد ....!!
قلتلم الله هنا في ...!! وهناك في ...!! ونحنا ماعندنا شي لي برا البلد .....علا راجين الله هنا .....!!
قلتا ليهو ونعم الوكيل ....!!!
إن شاء الله ربنا يرفعو .....!!
استغرقتني القصة ...!! وتأثرت بأحداثها...!!

! وتهت في تفاصيلها ......
قلتا ليهو وهسا هو وين ...!!؟
قال لي في المستشفي ماسكنو ما بيقدر يقيف حتي ....!!
أمو دي كانت بتبيت معاهو في الحوش تحت ...!! علا منعوها ...!! ياهو بقينا نمشي ونجي ...!! هسا كان دافعين كان خلونا ننوم معاهو .....!! الا ترانا في يدهم يمشو كلامن فينا ...!!
أها بنخلي لي الله ونفوت ...مرات للصباح ما بننوم ....!!!
الله غالب ...
وأمو المسكينة تقشقش في دميعاتا ....!! وانا إستوقفني المشهد
ونذرت نفسي الْيَوْمَ لهذه القضية ....!!
قلتا لي أنور نزلنا هنا في المستشفي أنا بنزل معاهم وبتصل بيك .....!! قال لي ومشاويرك ...!!؟ قلتا ليهو ياها دي مشاويري
مع الناس ديل ...!! المشاوير تطير ...!!!
نزلنا ثلاثتنا وأصر الرجل علي الحساب قلتا ليهو العفو أنا زي ولدك ....!! أنا بدفع ولما يقوم ( أبوذر ) بالسلامة خلي يرجعم لي ....!! لم تصدق ( الحرم ) مجرد هذا الأمل بعودة إبنها فأمسكت به وأمنت علية بي امييييين وتبارك ويس وكل الممسكات المنجيات ...!! لما حضنتني من الفرحة وهي تردد يسمع منك الله ....!! يسمع منك ربنا ...!! الله يخليك ...الله يخليك ...
( إنه الغريق والقشة ..) ...!!!
ودخلنا ثلاثتنا الي المستشفي .....!! ودلفنا مباشرة للعنبر وابنهم يرقد في ركن قصي ....والمكان بائس تشم فيه رائحة الشقاء ....
ورايت ( أبي ذر ) ...!!!
وما أحلاه ( أبوذر ) شاب غض ...!! جميل المحيا ...!! وضيء الوجه ....!! طيب القسمات ...!! بسام الإطلالة ...!! أراد المرض ان يسرق ملامحه لكنه فشل حتي هذه اللحظة علي أقل تقدير ....فالصبر والإيمان واليقين ... أقوي من كل المضادات الحيوية وحقن ( البنسلين ) .....!!!
لكنه بدا منهك القوي خائر النظرات ...!! ولكم أذهلني وهو يبدو متماسكا أمام أمه ( الحرم ) فما ان رآها حتي دبت فيه الحركة كالمطر حين يضرب الأرض الجدباء فتهتز وتربو وتخرج من كل زوج بهيج ....!!! فتح ذراعيه الصغيرتين محاولا النهوض في تحد و أمل وهو يحرك كفيه كجناحي فراشة أن تعالي يا أمي لإضمك واحضنك ..واتدثر بك ...وأشم رائحتك ...وتغطيني تعالي فانت عافيتي وصحتي وكل شي ....!!
وبين نداء ( أبوذر ) العفوي عبر يديه...!! واستجابة ( الحرم ) الفطرية بكل جوارحها ...!! رأيت الانسانية بكل نقائها ...!! وكما خلقها الله ...
دعوت لأمي في هذه اللحظة وعاتبت نفسي لماذا لا أحضنها في أي وقت أراها ...وعدت من جديد للحرم وهي ترمي نفسها في وحيدها تتحسسه كطفل صغير وفِي كل مكان ...تكاد أن تبتلعه في بطنها من جديد ...لم أقو علي المتابعة فالمشهد أكبر من الاحتمال ....!!! خرجت قليلا من المكان...!! ثم عدت ...والحرم لاتزال تمسك بوحيدها ...!!
صدقوني لقد رأيت العافية تسري في جسده النحيل ...دعوت الله في سري وبإصرار ان يأخذ بيده ويقر به عين والديه ....
وجدت أبوه يطمئنه بان الله ودود ورحيم ولطيف ...!! وأنهم يجب ان يصمدوا ويمتثلوا ليعبروا .... ا( أي إيمان هذا و ويقين ..) والحرم تقول لإبنها .....قسمت بالله الحبة دي ما بتجيك
الليلة بعد صليت الصبح ودعيت ليك ياجناي اخدتا لي غفوة اشوفك جاري يا ابوذر ذي يوم ولدتك و في نص المطرا ....!!
الله عالم بي ما بتجيك عوجه ...يا حبيبي ..ياحبيبي ...ياضي عيوني ...يحفظك الله لي ...!!! ويغتيك لي الله ...!! ماعندي غيرو ....!! وماعندي غيرك ....!! وقفتو ليك الواحد الأحد الفرد الصمد ....!! بي تبارك ويس وودعوات الصالحين ...يقومك يا ابوذر ...وتشيلك عافيتك .......ما اشيلك انا ...!! أشوف عديلك ...!! واشيل جناك ...!!!
لا ادري من أين جاءت بكل هذه الثقة ...!!
فتذكرت ان من يصدق الله يصدقة .....!!
وطبعت علي جبينه قبلة ( إنها قبلة الحياة ) ...!! وأبوذر يمسك بيديها وبقوة لايريد الفكاك ...!!
( يبدو ان الفتي يعلم من أين يستمد طاقته ليعيش ....!! )
وبكت الحرم ....
....!! بكيت انا لحظتها ...!!
تذكرت نفسي وانا ألطم حظي العاثر في أن أجد وظيفة واستقر
وغيري يبحث فقط عن لحظة عافية ...!! وتوقيت عبور ....!!
( ما أغباني ...!!! )
حاولت أن أفعل أي شيء يحرك ساكن ويبعث أمل ....!!
سألت الممرضة بجانبي عن حالة ( أبوذر ) صدمني ردها العاجز والذي لايحمل أي مضمون أو مواساة ...!! لا أدري مالذي يصيبهم هؤلاء ...!! أهي كثرة المصايب التي يرونها تجعلها عادية أمام ناظريهم ...أم أنهم بشر أيضا ولديهم طاقة إحتمال ...!! لا أدري ....!!! ( ولكنها قطعا لاتمثلهم جميعا .... )
فإجابتها كانت مقتضبة لا لون لها ولا رائحة وباردة برودة هذا المكان الموحش ....!!!
أهكذا كان سيكون الحال لو كان ( ابوذر ) يرقد في إحدي المستشفيات ( الملكية ) ...!!؟
الملك الْيَوْمَ لله ...!! ونعم الوكيل .....
بقيت اتجاري ذات اليمين وذات اليسار ...بحثا عن جواب ....!! يخفف المصاب ...ويبدد السراب ...
فجاة لمحتا دكتور عمر ...!! ( عمر ) دا كان

يقين ) ....!! الْبَيْت بكون قدامك طوالي ...
الحمد لله ...!!
الاعلامي الطيب عبد الماجد

زميلنا في الجامعة ود لطيف ومهذب من زمان ....!! سلم علي بحرارة ...وكيفك واخبارك... قال لي خير مالك .....!!؟؟ قلتا ليهو ياخ عندي زول بمهمني جدا اسمو ( أبوذر ) راقد هنا معاكم......!!
بس لو داير تخدمني في الدنيا دي تمشي معاي هسا وتوريني الزول دا مالو بالظبط..!! ومحتاج لي شنو ...!!
قال لي بس كدا ياعلوب معقولة ياخ ...دا أقلا واجب ...ياخ إنتا تأمر بس ....!! فعلا مشي معاي وشاف كل الفحوصات والأوراق
قال لي والله ياعلوب شوف... قريبك دا عندو مشكلة في ( الدم ) بس عشان أكون صريح معاك ...هو محتاج لي فحوصات تانية للأسف ما متوفرة عندنا هنا ...وبعملوها برا.....!!!
نظرت حولي وسألت نفسي...!!؟
( ومن سيصارح هولاء الذين يتقاسمون ( الغفاري ) المكان ....!! ياااا وجعي ....!!! )
بس قال لي أنا بديك مذكرة لي قريبنا في مختبر كدا إسمو ( اليمامة ) ....بساعدك ...!!
قلتا ليهو أبدا ماقصرتا ....!!؟بس ممكن نسوقو معانا نعمل الفحوصات ...!!!؟؟؟ قال لي ممكن ...!!!
ضربتا لي أنور ...تكلنا ( أبوذر ) تكيل سقناهو معانا ..ومشينا مختبر اليمامة ...!!! لاقينا قريب ( عمر ) دا راجل ضكران كدا والله ماقصر معانا ....!! عمل كل الفحوصات والتحاليل وقال النتيجة بكره الساعة حداشر ...!!!
ورجعنا بيهو المستشفي تاني ...!!
الحرم تسبح في تمني ...!! وعمك يدعو في صمت ...!! وكلنا في انتظار النتيجة ...!! ...........وكرم الكريم
بعد داك وديناهم البيت ...وقلنا ليهم ينجيكم الصباح نمشي نستلم النتيجة ونمشي المستشفي ....
ولسان حالهما يلهج بالشكر والدعاء ....!!
وإحساس كامل بأن الله يدبر الأمور ويتولاها ....!! يملأني حتي النخاع .....!!!
جينا الصباح لَقِيتُم واقفين قدام البيت ...!! ولا أظنهم قد ذاقو طعم نوم ....!! كيف لهم ذلك وفلذة كبدهم يتوهط السرير الأبيض بعيدا عنهما ....!!!
( حتي السرير هنا لم يكن بذلك البياض ...فقد أكل عليه الدهر وشرب... وهو نفسة في حاجة للعلاج ....)
مشيت للنتيجة وصدقوني كان هذا الْيَوْمَ هو اكثر يوم تخيفني
فيه ظهور نتيجة في حياتي ....!! وفِي رأسي الحرم ووالد ( أبوذر ) وهم داخل ( الامجاد ) يتطلعون من نافذتها بحثا عن شعاع ضوء ....!!!
طلعتا السلم بصعوبة وقابلت قريب دكتور عمر دا إسمو
( عبد الرحمن ) هو ذاتو راجل بركة كدا وصباح خير....!!! النوع دا أصلو ما بجي منو غير الخير ...!! أداني نتايج الفحوصات ...كدت أن أقفز أمامه فرحا .....لما قال لي زولكم ده الحمد لله كويس عندو بس شوية ( ايرقان ) ....!!
( شوف ( شوية ) دي ذاتا كيف ...!! ) أمثال ( عبد الرحمن ) هذا مهمتهم في الحياة هي تجميل الأشياء وامتصاص المصايب
واخرون أدمنوا صب الزيت والبنزين ...!! إنها الدنيا
وأضاف الرجل ....بس كان في تأخير في التشخيص عمل ليهو مضاعفات لكن مافي أي عوجة ألحقوهو بس بالعلاج و إن شاءالله يبقي كويس ويتحسن ...!!! بقية الفحوصات كلها كويسة ...!!
(الله يبشرك بالخير ياوش الخير إنتا ....!!
جيت جاري جري... شايل النتيجة في يدي طاير طيران في السلم جريت علي العربية حضنت عمك قلتا ليهو أبشر يا أبوي ( ابوذر ) ماعندو الحبة دي ...!! قالو ( ايرقان ) بسيط وما حصل مرحلة صعبة بس نديهو العلاج .....!! الحرم تبعثرت وتمتمت وصلت وشكرت .....!!!!
( لقد جاء رد السماء ....)
لكني لم أر سجدة شكر بهذا الوقار والصدق الا عندما خَر هذا الرجل ساجدا في منتصف الشارع شكرًا لله ....تجلي الخالق الجبار
والله يا اخوانا من المختبر الي المستشفي آكاد ان أغني فرحا ...!! مشينا لي ( أبوذر ) وكأن الله قد بعث له بشارات الشفاء قبل وصولنا فوجدناه جالسا أوشك علي الوقوف عندما رآنا ....!!
وديت النتيجة لي دكتور عمر ....!! غير أن يقيني الحقيقي الذي يملأني وأنا علي قناعة منه ...!! أن النتيجة الحقيقية قد جاءت مِن السماء ....!! إنه الامتحان الذي حكا عنه والد ( أبوذر )يوم ان التقيته ....!!
دكتور ( عمر ) قال لي الحمد لله دي بسيطة شديد ..أنا بكتب ليهو العلاج ...!! كم يوم ويتحسن .....!!!
ليتكم كُنتُم معي لتشاهدو ( الحرم ) وهي تنظر للسماء وقد اغرورقت عيناها بالدموع ...شكرًا وحمدا ..يستحق الشكر والثناء ...!!
قلتا لي أنور عارف ليييه المرة الفاتت مشينا بي المك ..
قال لي لييي ...قلتا ليهو عشان نلاقي الناس ديل ...!!! الكبري بقفل لكن في حاجات تانية بتفتح ...!! هذه الحياة يديرها ملك ويحكمها الديان ....!!!
ابوذر الغفاري الله غفر لي قبيلتو كلها عشانو ...غالبو يعافي أبو ذَر ( ود الحرم ) عشان خاطرا ....!! كرمك ياكريم ...
أبشركم ابوذر في احسن حال يستجيب للعلاج والجمعة الجاية كرامتو ....كلنا ماشين هناك ...!! بيتم في الثورة العاشرة
فاتح في الجامع طوالي ...وفي فرن برضو جنب البيت ....مكتوب فيهو ود الشيخ للعيش البلدي ...!!
اول ماتلقي الفرن ...تخليهو علي شمالك ....!!! وطوالي تاخد (

الصالح والمصلح

الناس تحبُّ الصالحين وتعادي المُصلحين !

قريش قوم الحبيبَ المصطفى ﷺ أحبوه قبل البعثة لأنه صالح ..
ولكن لما بعثه الله تعالى وصار مصلحًا عادوه وقالوا ساحر كذاب مجنون !

السبب : لأن المصلح يصطدم بصخرة أهوائهم ورغباتهم حين يريد أن ينتشلهم من فساد نفوسهم ..

قال أهل العلم :
مصلحٌ واحدٌ أحب إلى الله من آلاف الصالحين .

لأن المصلح يحمي الله به أمة ،
والصالح يكتفي بحماية نفسه!

قال تعالى فى كتابه :
{ وَمَا كَانَ رَبُّكَ لِيُهْلِكَ الْقُرَىٰ بِظُلْمٍ وَأَهْلُهَا مُصْلِحُونَ }.
ولم يقل: صالحون !

روى البخاري عن السيدة زَينَبُ بنتُ جَحشٍ قالت : يا رسولَ اللهِ ، أفنَهلِك وفينا ( الصالحونَ ) ؟ قال : نعمْ ، إذا كثُر الخبَثُ..

فلا تنفع كثرة الصالحين بدون إصلاح..

اسعد الله أوقاتكم بكل خير
وجعلكم صالحين و مصلحين في الارض .

*كلام حبوبات سمح بالحيل ويعجب:*

صدق القال جروحك مابتوجع زول ،،،
وصدق القال همومك لوشكيت بتطول ،،،
ماكل الكلام البنفعك معسول ،،،
وماكل الصداع بيعالجو البندول ...
وماكل التريدو مؤكد إنو بريدك ،،،
وماكل البيضرب ليك بهمو جديدك ،،،
الريد بالغصب لابنفعك لابفيدك ،،، و زولاً ماهو ليك أختاهو وأرفع إيدك ...
وماكل البيضحك ليك تبقى حبيبو ،،،
وماكل البيغلط مره إنت تسيبو ،،،
الأيام كتيره وكل زول بيلقى نصيبو ،،، والراجل مواقف مابيقيمو جيبو ...
وماكل البقابلك بي بشاشه يغرك ،،،
وماكل البصاحبك تديهو حالاً سرك ،،،
الليله البيضحك ليك ويقاسمك مرك ،،، باكر ياهو زاتو الفي النهايه بيضرك ...
وماكل البمد إيديهو قاصد يسلم ،،،
وماكل المسك قلمو وكتاب متعلم ،،،
ماتجرح مشاعر الناس وليها تألم ،،، وفكر في الحساب يوم قبرك يبقى مضلم ...
وماكل البتحلم بيهو دايما ساهل ،،،
وماكل البقولو الناس حقيقه وحاصل ،،،
ماتصدق كلام الناس وديمه تجامل ،،، ولو جنو الخلوق خليك براك العاقل ...

استشارة
أحس ان زوجي لا يحبني وغير رومانسي ولمن اقول ليهو كدا بيتضايق ...هسي لينا سنتين متزوجين..طول السنتين ما بخليني اركب مواصلات وبوديني ويرجعني من الشغل ونادر جدأ يتاخر علي..مرات كتيره بمشي مشوار بعيد من الصباح وبرجع لي تاني يوصلني..واي مشوار بالعربية بوديني ليهو وما بقول لا..بيحترم اهلي وصحباتي جدا وبتعامل معاهم حلو..كل ما يجي يسوقني يمسك يدي ويبوسة..وطول ما نحن ف العربية بكون ماسك يدي ..
كتير بجيب لي شوكولاته ..وهدايا في المناسبات ..هو وضعو المادي ما شديد لكن ما حصل قال لي لا في طلب حتى لو ما عندو بسجل طلباتي في نوته عشان م ينساها.. احيان ما بفطر عشان يوفر لينا قروش واحيانا لمن يكون براهو ما بشغل مكيف العربية عشان يوفر لينا بنزين..كتير يعتذر لي انو مقصر ماديا في حقي لكن برضو باكلنا كويس ..كل شهر بيعزمني برا.لينا سنتين بغسل هدومنا كل جمعة ويوميا بيكوي لي غياري وبساعدني برضو في البيت بيمسح وبغسل العدة..ولمن اكون تعبانه بيعمل مكرونة ضاربة كدا وبسخن الاكل....برسل لي رسايل حب في التلفون والواتس والايميل وبكتبها لي ويفاجئني بيها احيانا...بغني ويعاور لي وبسجل اغاني وكتابات وبرسلها لي..
كل ما نرجع من الشغل بقبلني ويحضني .وبجيب لي موية.وكتير بيحضني ونحن بنحضر تلفزيون ..ولمن اكون بطبخ او بعمل في حاجة بيفقدني ..ولمن اكون تعبانة بيقرا لي رقية وبعصر لي ضهري كل ما اتعب..ولمن اكوريك فيهو ما بكورك فيني الا نادر ..ولمن ازعل منو بيتجرس شديد لمن يحنني..بيمشي معاي السوق ..واحيانا بيستناني ساعات وانا في الكوفير...بيمدح اكلي وباكلني في خشمي..في الدكتور بطمني ..وفي الامتحانات بيشجعني..بقول لي ديمة بحبك ..وبمدح شكلي وطبعي..ما حصل مدح واحدة قدامي ولا قال لي فيك عيب..ممكن يخلي اي حاجة عشاني الا الشديد القوي..
وممكن يقول لي بحبك قدام اي زول..احيانا ما بيحسم الامور ..احيانا بحس انو بيبخل علي..احيانا بحس انه بيذلني ..احيانا بكون معاي ما واضح والا اكتشف الحاجأت براي وهو بيبرر انه لمن يجيب سيرة بنت اني باتضايق وبعمل مشاكل بينا اي انا اعترف بغير عليهو شديد ..خصوصا انو كان عندو علاقات مع انه التزم وما حصل مسكت عليهو حاجة . ..بخاف علي شديد لكن احيانا احس انو م بغير علي هو بقول انو بيثق فيني وبقول لي انا ما بتعامل مع الجنس الاخر باقل من نص الانت بتتعاملي بيهو...لمن تتصل عليهو واحدة بخصوص شغل كنت بدخلو مجلس تحقيق قام بقى يقفل التلفون في البيت ..بحس انو ما عمل لي حاجة وانو دايما بقعد افكر نطور حياتنا..بحس اني صبرت معاو في حاجات وهو ما قدرني ي جماعة ما عارفة لكن جواي الم شديد ما قادرة اتخلص منو.افتوني

حلووه والله 😂😂😂😂
مصطلحات سودانية ....

البرطعة : هى الجرى فى الفضاء بلا قيود أو موانع .. يقولون إن فلاناً بعد أن أمسك بزمام المسئولية فى المصلحة أصبح يبرطع فيها ساااى .. أى أخذ يفعل ما بدا له بصورة (حرة) دون قيود أو موانع (مفيش حد بيسألو )! .

فنجط :
الفنجطة من أنواع الجري بصورة غير منتظمة وغير متناسقة وغير مدروسة .!

صنقع :
صنقع الرجل أي رفع رأسه فوق ( زي العاوزين يكبو ليهو قطرة فى عيونو ) ..

دنقر :
عكس ( صنقع ) ، ودنقر الشخص رأسه أى خفضه ( زي القاعدين يحلقو ليهو ) ، ودنقير الرأس نحو الأرض دليل على الخجل والإنكسار .

فرتق :
فرتق الشيء أي جزأه وقسّمه بعد اجتماع .. كقولك تفرتقت الأحزاب المعارضة إلى أجنحة .. أو كقولهم ( فلان ) فرتق الحفلة أى افتعل شجاراً .

كنكش :
كنكش فى الشيء أي قبض فيهو قبضة ( الجن ما يفكها منو ) ككنكشة بعض المسئولين فى مناصبهم grin emoticon

سردب :
السردبة يقال إنها فى العامية هي أعلى الظهر ، وسردب الشخص أي وقف منحنياً دون حراك ؛ علامة عدم تفاعله وإكتراثه للأمر .. كقولهم ( والله الحياة بقت صعبة لكن مسردبين ليها ) .

هضرب :
الهضربة هى الهذيان والكلام ( الخارم بارم ) الذى يتفوه به الشخص عندما تتملكه الحمى ، ويمكن للشخص أن يهضرب ( بدون حمى ) ، إذا ما واجه موقفاً صعباً .

مزمز :
المزمزة هى تناول الطعام فى لذة وتأني خاصة ( المشويات ) والمحمرات والمتبلات والمقمرات وكده !.

زرقن :
الزرقينة هى أداة تستخدم فى ورش الحدادة والنجارة لكبس القطع وضغطها ، ويقولون إن فلاناً قد زرقنوهو فى التحقيق زرقنة شديدة .

طربق :
الطربقة هى الكلام الكثير دون فائدة ، يقولون فلان طرباق أي ( راديو واتفتح ) والطربقة من الممكن أن تصاحبها ( هضربة ) .

سلفق :
السلفقة هى الحصول على المبتغي دون استحقاق .. كقولهم : والله الزول ده وصل نايب مدير سلفقة ساااكت .

عصلج :
يقولون ( الصامولة ) عصلجت بمعنى أنها أبت أن تنفك من المسمار ، ووقفت فى حتة واااحدة .. وفلان راسو ( معصلج ) أي لا يقبل التفاهم ..
والموضوع ( معصلج ) أي واقف فى محلو وعاوز ليهو ( ضحاكات = قروش ) تحركو شوية !.

خرخر :
الشخص ( الخرخار ) هو ذلك الشخص الذى لا يتقبل الهزيمة أثناء اللعب ، ويغالط فى مجريات اللعب والنتيجة ، ولا يمتثل لقانون اللعبة ، وربما قام ببعض المخالفات حتى يكون الفوز من نصيبو !.

حندك :
يقولون إن فلاناً قد ( حندك ) فلاناً إذ أخذ الأول فى التلذذ بشيء أمام مرأى ومشهد الأخير دون أن يكون للأخير مقدرة التلذذ بذلك الشئ ..
وشعب ( محندك ) إذا كان يرى القلة تتلذذ ( وهو قاعد يعاين )!.

طمبج :
طمبج الشيء .. أي ( زادو موية ) أكتر مما يجب ، وشوارع وساحات ( مطمبجة ) بالمياه يعني ( مليانة موية ) .

بشتن :
بشتن الشئ أى زاده قبحاً ، والشخص المبشتن هو ذلك الشخص الذى يرتدى ثياباً قبيحة بالية غير متسقة ، والشوارع مبشتنة .

حمبك :
أنظر خرخر grin emoticon ..

عنقد :
العنقدة هي أن يحول شخص أو شيء دون إكمال الموضوع ما .. كقول أحدهم : والله كنت جاييك لكن بس ناس المرور عنقدو ليا !.

جهجهة :
جهجة الشيء أي ( أفقده البوصلة ) وخلاهو ما عارف الاتجاهات مما جعله يفقد السيطرة على الأشياء ..

جربندية :
تطلق علي الأشخاص (خاصة في المدن) الذين ينالون مركزا معينا لا عن طريق التعليم الرسمي وإنما عن طريق التجربة ، وطول الممارسة ، والتدرج من الصفوف الدنيا .. والكلمة فارسية و تركية وتعني الحقيبة التي يحملها العسكري علي ظهرة و أُطلقت علي الجنود العاديين في الجيش ، وكانت في الأصل كيسا من جلد يضع فيه الصيّاد ما يصيده .

عيش متوقع من الدنيا تشوف وتلاقي..
ولو حاولت تجمع ريدك من خلق الله،
بيطلع ليك كسور وبواقي..
في الحاسدنك
في القاصدنك
في الراصدنك
وناس بتنافق باسم الريدة
ويا ما كتير وكتير كارهنك..
وفي التاكلين أحزانهم فيك
إلا كتير أفراحهم منك…
وفي البتبسم
وكم قال ليك بهواك بتنسم
إلا وراك عقرب لادغنك..
وفي التبنيلو مسيد الريدة
يزرب جنو يزيدلك جنك..
وفي التديهو الحيز في فكرك
ويسلب عقلك..
وعادي اتوقع خانتك داش ولا فاكرنك
وخت في بالك
انو الدنيا كتير بتوري
وماتتهز لو خابلك ظنك
وناس بتقصر كم في حقك
برضو وراك أسفا لايمنك
وعادي تلاقي البحزنو فرحك
وبفرح لما تكون متشاقي
ولو حاولت تجمع ريدك من خلق الله
بيطلع ليك كسور وبواقي
***********
وعادي اتوقع من خلق الله الفعل الشين
بي مرواد الحب والريدة
ياما في ناسا طابزة العين
وناس تنعد بصوابع اليد
ديل الخوة التملا العين
وبين الشامت وبين الكاره
ياما تلاقي في ناس حاسدين..
عمداً ناس تطعن جواك
كم بتعزرو ما قاصدين
بالبهتان والقول الزيف
عاااادي بيحلفو بسم الدين
في البتنكر ليك لفضلك
ديل بالجملة كتاار راقدين
ديل شاربين من دمك ياما
وعطشو قلبك وإنت الساقي
ولو حاولت تجمع ريدك من خلق الله
بيطلع ليك كسور وبواقي
**********
برضو في ناس جواها جميلة
تعطش شان تسقيك من نيلا
ناس بتلاقي خطاك التائهة
بي تحنانا وتبقى دليلا
ناس تبقالك تاجك وعزك
وتحلم يوم لو تبقى إكليلا
ورغم متاهة الدنيا ضيقى
يمشو معاك خطاوي عديلة
وخت في بالك
شأن ما تمر بنقاوة خلقو
كان لابد ما تمر بحثالة
وذي ما الدنيا تحرم ليك
عادي بتبهل ليك حلالة
إنو الناس
القالت عنك وشالت منك وخيبو ظنك
بينك بينهم الله تعالى
وفيك جبال سانداها عزيمة
ما بتندك يوم بزلزالة
ولسة في ناس بتريد في الله
سوقه خطاك وقوي وصاله
والياباك كتير جماك
نفسا تابه دي مالك ومالا
وبرضو في ناس جواها في طيبة
إلا دواخل الخير مرات
تحمل في طياتها مصيبة
ونفس الناس الطيبو خاطرك
عاااادي اتوقع قلبك أعيبه
ناس تاباك وانت تقرب
وناس تابها وليك قريبة
وناس من سككك عمدا ترحل
إلا السكة هي عمد تجيبه
ناس كارهنك ساي دون سبه
وانت مناك يوم تبقى حبيبة
وناس تدفقلك سم في الريدة
وانت البلسم باقي طبيبة
وناس وسواسه وناس خناسة
ناس لضرك يكوسو كواسة
وناس بتخصصو ليك في الغيبة
ناس تهلك جواك دون إذنك
وبرضو بتدفع ليها ضريبة
ولسه بيحلمو ياخدو الباقي
ولو حاولت تجمع ريدك من خلق الله
بيطلع ليك كسور وبواقي

طاب مساكم

واحد سوداني لاقى صيني سألو عن اسمو
فقال الصيني ( أشان شنو )
فرد السوداني ( ماأشان شي)
رد الصيني غاضبا 😒😒
شنو العرفك باسم اختي 😬😬😨😨
😂😂😂😂

*ﺍﻟﻔﺎظ_خطيره_جدا
..
.. *ﺍﻟﺤﻔﻠﺔ ﻟﻲ ﺭﺏ ﺍﻟﺴﻤﺎ
‏( استغفر الله العظيم؟ ﻳﺬﻛﺮﻧﻲ ﺑﺎﻟﺤﺪﻳﺚ ﺍﻟﻘﺪﺳﻲ : ﻭﺷﺮﻫﻢ ﺇﻟﻲ ﺻﺎﻋﺪ ‏) .

*ﻳﺎ ﻋﻴﺴﻰ انت ﻣﺎ ﻗﻠﻨﺎ ﻟﻴﻚ
*دا شنو يا هارون.. ﻭﺍﻟﻠﻪ ﻟﻮ ﺑﻘﻴﺖ ﻋﻴﺴﻰ ﺑﻦ ﻣﺮﻳﻢ ﺫﺍﺗﻮ ‏( ﻟﻤﺎﺫﺍ ﻋﻴﺴﻰ؟ ولماذا هارون ؟ ﻣﺎ ﻣﻤﻜﻦ ﺑﻠﺔ ﻭلا الخنحر ولا برعي ﻭلا ﺟﺎﺩﻳﻦ ولا اي اسم؟ ‏) .

.. *ﻭﺍﻟﻠﻪ ﻟﻮ ﻣﻜﺘﻮﺑﺔ ﻟﻴﻚ ﻣﺎ ﺗﺸﻴﻼ
‏( ﻭﺍﻟﻠﻪ ﻟﻮ ﻣﻜﺘﻮﺑﺔ ﻟﻴﻬﻮ ﻳﺸﻴﻼ من خشمك او عينك( ﺭﻓﻌﺖ ﺍﻷﻗﻼﻡ ﻭﺟﻔﺖ ﺍﻟﺼﺤﻒ ‏) .

.. *ﻭﺍﻟﻠﻪ ﺗﺎﻧﻲ ﻟﻮ ﺑﻘﻰ ﻗﺒﻠﺔ ﻣﺎ ﺃﺻﻠﻲ ﻋﻠﻴﻬﺎ ‏( ﺃﻧﺖ ﺗﻌﻠﻢ ﺃﻧﻪ ﻳﺴﺘﺤﻴﻞ ﺃﻥ ﻳﻜﻮﻥ ﻗﺒﻠﺔ ﻓﻠﻤﺎﺫﺍ ﺗﺘﺤﺪﻯ ﺃﻣﺮ ﺍﻟﻠﻪ ﺇﻥ ﺃﻣﺮ بذلك؟ ‏) .

يا جن انت
الجن ما ممكن تشوفو
(يَا بَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُمْ مِنَ الْجَنَّةِ يَنْزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا ۗ إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ ۗ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ)
[سورة اﻷعراف 27]

.ﺍﻟﺨﺎﻳﻦ ﺍﻟﻠﻪ ﻳﺨﻮﻧﻮ
حاشا لله أن يكون من صفاته الخيانة تعالي الله عما يقولون علوآ كبيرا .. فاﻟﻠﻪ سبحانه ﻳﻘﻮﻝ : ‏( ﺇﻥ ﺍﻟﻠﻪ ﻻ ﻳﻬﺪﻱ ﻛﻴﺪ ﺍﻟﺨﺎﺋﻨﻴﻦ ‏) ﻭﻳﻘﻮﻝ : ‏( ﺇﻥ ﺍﻟﻠﻪ ﻻ ﻳﺤﺐ ﻣﻦ ﻛﺎﻥ ﺧﻮﺍﻧﺎ ﺃﺛﻴﻤﺎ ‏) .

والله لو قامت القيامة ما اديك ليها
استغفر الله العظيم يوم القيامة معناه يوم الحساب تحدي مع الله يعني ما خايف من الله.

ﻭﻏﻴﺮﻫﺎ ﻭﻏﻴﺮﻫﺎ ‏( ﻟﻢ ﺃﺫﻛﺮ ﺍﻟﻜﻔﺮ ﺍﻟﺼﺮﻳﺢ ﺍﻟﺼﺎﺭﺥ ﺇﻛﺮﺍﻣﺎ للقارئي المحترم ‏ .. ﺃﻟﻔﺎﻅ ﻭﺃﻟﻔﺎﻅ ﻳﺘﻌﻠﻤﻬﺎ ﺍﻟﺼﻐﺎﺭ ﺑﻘﺼﺪ ﺍﻟﻤﺰﺍﺡ ﻭﺍﻟﻀﺤﻚ .. ﻭﻳﻜﺒﺮ ﻋﻠﻴﻬﺎ ﺍﻟﻜﺒﺎﺭ ﻋﻠﻰ ﻧﻔﺲ ﺍﻟﻨﺴﻖ ﻭﺍﻟﻤﻨﻮﺍﻝ .. ﻣﺠﺘﻤﻌﺎﺕ ﻻ ﺗﻌﻈﻢ ﺍﻟﻠﻪ ﻭﻻ ﺗﻮﻗﺮ ﺃﻧﺒﻴﺎﺀﻩ .
...
منقول