ارث سوداني
Photo
#قروي_بهرته_اضواء_المدينة
✏تاليف: احمد صلاح سوان
الحلقة12
#الريدة 💕
يحي بعد اتعود على شغل المزرعة اللي رجعو لذكريات القرية ، وريحة الزراعة واصوات البهايم ، يحي بقا منسجم مع جو المزرعة وسعيد ، بفرح بجية غادة ليهو كل فترة ، وزيارات اولاد اهلو من بيت العزابة ناس شيخ خالد ابجاكومة وحسن ود ريسة وكوكو الاغبش والشلة حقتو ديك .....!
بعد شهرين ونص الجامعة فتحت وعثمان الكان شغال بالمزرعة جا راجع من سفرتو للبلد ، الموضوع بقا قاسي على يحي انو يسيب شغل المزرعة ويرجع لشغل الكفتريا ، قال في نفسو ما تبقا قطاع ارزاق يا يحي احسن ارجع شغلي واسلم عثمان مسؤلية المزرعة ، عثمان جا قال ليحي يا اخوي والله ما قصرت اهتميت بالمزوعة زي ما انا موجود وامكن احسن ، ياخ حتى العجال بقت حافظاك هههههه ، يحيى اتذكر كيف لما اتخلا عن تورو وباعو في البلد لصاحبو هارون وهارون ساقو وفرحان بغني توري فحل بقري
طقيتو في قرنو
قرنو بكب الدم
اولاد العم قسمو الهم ...
يحي بقا مستاء من مفارقتو للمزرعة، ابتسم ابتسامة يائسة ابتسامة مودع وقال لعثمان يازول ودعتك الله، لكين بجيك كل فترة والتانية ، عثمان قال ليهو اي لازم لازم ....
تاني يوم طوالي يحي نزل شغل الكفتريا
بدأ مع مهدي ود الحاجة ينضفو الترابيز من الغبار ويرتبو حال المكان عشان تاني يوم حيبدو شغل ، اليوم ده الطلاب ما نزلو كلهم ، اغلبية الجو هم ساكنين بالمدينة ،
أثناء ما يحي شغال جات غادة سلمت عليهو وهو كالعادة بفرح بيها ، رد السلام ، غادة قالت ليهو كدي خلي شغلك وتعال عايزاك في موضوع ، عاينت لود الحاجة قالت ليهو معليش حاخد منك يحي شوية ويرجع ليك ، ود الحاجة قال ما مشكلة يا ببتنا ، ان شاء الله خير ... ? لو عندك حاجة عايزة تنزليها من العربية ممكن اجي اساعد يحي.... غادة قالت ليهو لالا شكرا ليك تسلم ما بتقصر ، بس دي حاجة بسيطة.....
يحي طلع من الكفتريا وركب العربية مع غادة ... قال ليها خير إن شاء الله...? غادة قالت خير يا يحي ... واصلت قالت يا يحي انت زول طيب والله قال ليها شكرا ليك، قالت انا قلبي ارتاح ليك من البداية .... هنا قلب يحى قرب يقيف وريقو نشف ما قدر يعلق ، خلاها واصلت
غادة قالت ليحي هسي يا يحى لو قلت ليك عرسني رايك بيكون شنو .....!
اخينا أفكارو جاطت وقنب يتلفت شمال يمين ، رغم انو عينو من غادة وعاجباهو بس نهائي ما جاب سيرة الموضوع بينو وبين نفسو .... يحى بعد اخد سكتة كده من هول صدمة السؤال المباغت ، قال ليها يا بت الناس ما تعشميني بالحلق تخليني اقدقد اضاني ، انا زول مسكين وعلى باب الله وانتي قدرك عالي ما بتدلى ، لكين ... ! قاطعتو غادة قالت يعني كلامك ده ما بتدورني ...! قال ليها كيفن ما بدورك ياالدهب المجمر الفي الضلمة بريقو بدورك بالحيل .
قالت غادة خلاص يا يحى انا دايراك تعرسني وجادة ما تقول بهظر ، قال ليها كدي قولي بسم الله وريني انا الكحيان الرمدان الجاي من البلد فيني شنو بخليكي تعرسيني دون الوليدات زملانك والقدرك ومتعلمين .، غادة قالت ليهو يا يحى المال ما كل شي انا دايراك سند وانت امين وخدوم ، مش بنت الرسول شعيب قالت لابوها خير من استاجرت القوي الامين ، وفي النهاية مش اتزوجا سيدنا موسى ..
يلا يا يحى انت آمين وطيب وانا ما عندي زول هنا اهلي كلهم برا ، عايزاك تكون امين علي ...وعلى املاكي
قالت ليهو يلا فكر في الموضوع ويومين اديني ردك ....يحي نزل من العربية وغادة دورت وبسرعة بقت ماشة، يحي واقف مكانو وشايفا زي السراب .
#يتبع ⏪⏪
✏تاليف: احمد صلاح سوان
الحلقة12
#الريدة 💕
يحي بعد اتعود على شغل المزرعة اللي رجعو لذكريات القرية ، وريحة الزراعة واصوات البهايم ، يحي بقا منسجم مع جو المزرعة وسعيد ، بفرح بجية غادة ليهو كل فترة ، وزيارات اولاد اهلو من بيت العزابة ناس شيخ خالد ابجاكومة وحسن ود ريسة وكوكو الاغبش والشلة حقتو ديك .....!
بعد شهرين ونص الجامعة فتحت وعثمان الكان شغال بالمزرعة جا راجع من سفرتو للبلد ، الموضوع بقا قاسي على يحي انو يسيب شغل المزرعة ويرجع لشغل الكفتريا ، قال في نفسو ما تبقا قطاع ارزاق يا يحي احسن ارجع شغلي واسلم عثمان مسؤلية المزرعة ، عثمان جا قال ليحي يا اخوي والله ما قصرت اهتميت بالمزوعة زي ما انا موجود وامكن احسن ، ياخ حتى العجال بقت حافظاك هههههه ، يحيى اتذكر كيف لما اتخلا عن تورو وباعو في البلد لصاحبو هارون وهارون ساقو وفرحان بغني توري فحل بقري
طقيتو في قرنو
قرنو بكب الدم
اولاد العم قسمو الهم ...
يحي بقا مستاء من مفارقتو للمزرعة، ابتسم ابتسامة يائسة ابتسامة مودع وقال لعثمان يازول ودعتك الله، لكين بجيك كل فترة والتانية ، عثمان قال ليهو اي لازم لازم ....
تاني يوم طوالي يحي نزل شغل الكفتريا
بدأ مع مهدي ود الحاجة ينضفو الترابيز من الغبار ويرتبو حال المكان عشان تاني يوم حيبدو شغل ، اليوم ده الطلاب ما نزلو كلهم ، اغلبية الجو هم ساكنين بالمدينة ،
أثناء ما يحي شغال جات غادة سلمت عليهو وهو كالعادة بفرح بيها ، رد السلام ، غادة قالت ليهو كدي خلي شغلك وتعال عايزاك في موضوع ، عاينت لود الحاجة قالت ليهو معليش حاخد منك يحي شوية ويرجع ليك ، ود الحاجة قال ما مشكلة يا ببتنا ، ان شاء الله خير ... ? لو عندك حاجة عايزة تنزليها من العربية ممكن اجي اساعد يحي.... غادة قالت ليهو لالا شكرا ليك تسلم ما بتقصر ، بس دي حاجة بسيطة.....
يحي طلع من الكفتريا وركب العربية مع غادة ... قال ليها خير إن شاء الله...? غادة قالت خير يا يحي ... واصلت قالت يا يحي انت زول طيب والله قال ليها شكرا ليك، قالت انا قلبي ارتاح ليك من البداية .... هنا قلب يحى قرب يقيف وريقو نشف ما قدر يعلق ، خلاها واصلت
غادة قالت ليحي هسي يا يحى لو قلت ليك عرسني رايك بيكون شنو .....!
اخينا أفكارو جاطت وقنب يتلفت شمال يمين ، رغم انو عينو من غادة وعاجباهو بس نهائي ما جاب سيرة الموضوع بينو وبين نفسو .... يحى بعد اخد سكتة كده من هول صدمة السؤال المباغت ، قال ليها يا بت الناس ما تعشميني بالحلق تخليني اقدقد اضاني ، انا زول مسكين وعلى باب الله وانتي قدرك عالي ما بتدلى ، لكين ... ! قاطعتو غادة قالت يعني كلامك ده ما بتدورني ...! قال ليها كيفن ما بدورك ياالدهب المجمر الفي الضلمة بريقو بدورك بالحيل .
قالت غادة خلاص يا يحى انا دايراك تعرسني وجادة ما تقول بهظر ، قال ليها كدي قولي بسم الله وريني انا الكحيان الرمدان الجاي من البلد فيني شنو بخليكي تعرسيني دون الوليدات زملانك والقدرك ومتعلمين .، غادة قالت ليهو يا يحى المال ما كل شي انا دايراك سند وانت امين وخدوم ، مش بنت الرسول شعيب قالت لابوها خير من استاجرت القوي الامين ، وفي النهاية مش اتزوجا سيدنا موسى ..
يلا يا يحى انت آمين وطيب وانا ما عندي زول هنا اهلي كلهم برا ، عايزاك تكون امين علي ...وعلى املاكي
قالت ليهو يلا فكر في الموضوع ويومين اديني ردك ....يحي نزل من العربية وغادة دورت وبسرعة بقت ماشة، يحي واقف مكانو وشايفا زي السراب .
#يتبع ⏪⏪
ارث سوداني
Photo
#قروي_بهرته_اضواء_المدينة
تاليف: احمد صلاح سوان
الحلقة13
#مدد
يحي اتحرك من محلو فات لي مهدي ود الحاجة ، ود الحاجة قال ليهو ان شاء الله خير البنية مالا....? يحي قال لا لا بس كانت عايزة تحاسبني حق شغلي بالمزرعة .... ! يحي سكت فترة و قال يا اخوي والله انا ما بقدر اكمل اليوم يا مهدي حاسي نفسي عيان شوية ، مهدي قال ليهو سلامتك يا زول ، والله ظاهر فيك المرض امشي امشي ارتاح ، اكل كويس ، فتة فول بيت العزابة دي لو باريتا والله تقع وقعة حيطة جالوص في الخريف ، فات يحى بيت العزابة اخد ليهو حمام ظريف وطلع سريرو في نص الحوش مع ضل العصرية وبيت العزابة فااااضي، كلهم في الشغل ما بجو الا بعد المغرب ، يحى لقاها فرصة وبدا يفكر بكلام غادة دردم ليهو سفة تمباك وختة راسو بالمخدة وفي حوار بينو ونفسو قال :قال هي بت الناس دي دايرة شنو غير السترة ، اكيد شافتني اني الراجل البحفظا ويصونا ، بغض النظر عن اني فقير وامي ... شن فايدة قريشاتا بدون راجل يسندا ، اكيد وليدات الجامعة الما تامين رجال ديل ما عجبوها .
وهو بفكر سمع كركبة في الباب قام فتح الباب لقاهو شيخ خالد ابجاكومة سلم عليهو ، قال مالك الليلة ان شاء الله خير جيت بدري يا يحى ، يحي قال والله شوية كده مرضان قلت اجي ارتاح . شيخ خالد قال ليهو سلامتك اخوي ، اها اسي كيف ، قال اخدت لي حمام وحاسي نفسي احسن ، شيخ خالد طلع جلابيتو والعراقي وشعقهم بمسمار ،قال خليني امشي اصلي واعمل اوراد الطريق واجي اكتب لي في اللوح واغسلو اديك محاية بتنفعك ، نحنا ماشيين بمشئة السر الالهي ، شيخ خالد زي ما قال ليحي مشا اتوضا وصلى وجاب ليهو المحاية قال ليهو قول بسم الله واشرب ان شاء الله اجر وعافية ، يحى شرب المحاية وقال لشيخ خالد انت زول فاهم والله وربنا اداك حكمة وخاتيك زي اخوي الكبير ، عشان كده عندي كلام داير اقولو ليك ، شيخ خالد قال ليهو احكي يا يايحي ان شاء الله خير يحى قال ليهو طبعا عارف غادة البت الاشتغلت في مزرعتا لامن الجامعة اجزت شيخ خالد قال اي اي بعرفا ، يحي حكى ليهو قصة غادة بتفاصيلا لغايت طلب غادة انو يعرسا ، شيخ خالد قال ليحي يا اخوي انا زي ما قلت ليك يوم داك البندر لامة خلق الله الكويسيين والكعبين ، بس انت استخير والبسوي الله كلو سمح ، انت جيت البندر تصلح حالك والله سخر ليك البنية ، اتذكر انو النبي اتزوج السيدة خديجة وعانتو بمالا ،،، يحى قاطع شيخ خالد وقام من سريرو واتنفض فرحان وقال ليهو الله يبارك فيك يا شيخنا ، يحي بقا ماشي علي المصلاية شيخ خالد قال ليهو ماشي وين ماكملت كلامي قال يحى ماشي استخير ... ابتسم شيخ خالد وقال ليهو اتوضا اول ، ما تبقا لفيف مستعجل زي طراش المريسة ، يحي قال الفقران بتخلعو النعمة يا شيخ خالد .
#يتبع
تاليف: احمد صلاح سوان
الحلقة13
#مدد
يحي اتحرك من محلو فات لي مهدي ود الحاجة ، ود الحاجة قال ليهو ان شاء الله خير البنية مالا....? يحي قال لا لا بس كانت عايزة تحاسبني حق شغلي بالمزرعة .... ! يحي سكت فترة و قال يا اخوي والله انا ما بقدر اكمل اليوم يا مهدي حاسي نفسي عيان شوية ، مهدي قال ليهو سلامتك يا زول ، والله ظاهر فيك المرض امشي امشي ارتاح ، اكل كويس ، فتة فول بيت العزابة دي لو باريتا والله تقع وقعة حيطة جالوص في الخريف ، فات يحى بيت العزابة اخد ليهو حمام ظريف وطلع سريرو في نص الحوش مع ضل العصرية وبيت العزابة فااااضي، كلهم في الشغل ما بجو الا بعد المغرب ، يحى لقاها فرصة وبدا يفكر بكلام غادة دردم ليهو سفة تمباك وختة راسو بالمخدة وفي حوار بينو ونفسو قال :قال هي بت الناس دي دايرة شنو غير السترة ، اكيد شافتني اني الراجل البحفظا ويصونا ، بغض النظر عن اني فقير وامي ... شن فايدة قريشاتا بدون راجل يسندا ، اكيد وليدات الجامعة الما تامين رجال ديل ما عجبوها .
وهو بفكر سمع كركبة في الباب قام فتح الباب لقاهو شيخ خالد ابجاكومة سلم عليهو ، قال مالك الليلة ان شاء الله خير جيت بدري يا يحى ، يحي قال والله شوية كده مرضان قلت اجي ارتاح . شيخ خالد قال ليهو سلامتك اخوي ، اها اسي كيف ، قال اخدت لي حمام وحاسي نفسي احسن ، شيخ خالد طلع جلابيتو والعراقي وشعقهم بمسمار ،قال خليني امشي اصلي واعمل اوراد الطريق واجي اكتب لي في اللوح واغسلو اديك محاية بتنفعك ، نحنا ماشيين بمشئة السر الالهي ، شيخ خالد زي ما قال ليحي مشا اتوضا وصلى وجاب ليهو المحاية قال ليهو قول بسم الله واشرب ان شاء الله اجر وعافية ، يحى شرب المحاية وقال لشيخ خالد انت زول فاهم والله وربنا اداك حكمة وخاتيك زي اخوي الكبير ، عشان كده عندي كلام داير اقولو ليك ، شيخ خالد قال ليهو احكي يا يايحي ان شاء الله خير يحى قال ليهو طبعا عارف غادة البت الاشتغلت في مزرعتا لامن الجامعة اجزت شيخ خالد قال اي اي بعرفا ، يحي حكى ليهو قصة غادة بتفاصيلا لغايت طلب غادة انو يعرسا ، شيخ خالد قال ليحي يا اخوي انا زي ما قلت ليك يوم داك البندر لامة خلق الله الكويسيين والكعبين ، بس انت استخير والبسوي الله كلو سمح ، انت جيت البندر تصلح حالك والله سخر ليك البنية ، اتذكر انو النبي اتزوج السيدة خديجة وعانتو بمالا ،،، يحى قاطع شيخ خالد وقام من سريرو واتنفض فرحان وقال ليهو الله يبارك فيك يا شيخنا ، يحي بقا ماشي علي المصلاية شيخ خالد قال ليهو ماشي وين ماكملت كلامي قال يحى ماشي استخير ... ابتسم شيخ خالد وقال ليهو اتوضا اول ، ما تبقا لفيف مستعجل زي طراش المريسة ، يحي قال الفقران بتخلعو النعمة يا شيخ خالد .
#يتبع
ارث سوداني
Photo
#قروي_بهرته_اضواء_المدينة
✏تاليف: احمد صلاح سوان
الحلقة14
#الشورى
يحي مشا اتوضا واستخار ، بعد المغرب بقية العزابة جو راجعين من اشغالهم وكالعادة عملوا الحاجات الروتينية ، عشا، ضمنة ،كتشينة ضحك وقرقرة ووو...الخ بس قبل اي زول يمشي سريرو ينوم يحي ناداهم ولماهم في الفرشة البصلو فيها صلاة جماعة ، كوكو الاغبش قال يا يحي خير الليلة لامينا مالك كدي الشمار كاتلنا ، ....! يحي قال ليهو اصبر ما تبقا شفقان .....
المهم يحي قال ليهم اسمعوني انا في موضوع داير الشورة فيهو وقبيل شاورت شيخ خالد بس كنتو مافشين انتو ,وزي ما بقول المثل بيت الشورى ما خرب، حسن ود ريسة قال يازول قول في شنو ...!
يحي قال ليهم غادة بدور تعرسني .....! حسن وكوكو عاينو لبعض وبصوت واحد قالو غادة منو.....?
يحي غادة بت الجامعة ست المزرعة ، اها الراي شنو..?
كوكو قال والله يا اخوي الراجل ما زي المرا انت عرسا كن نفعت معاك يبقا خير وبركة وان ما نفعت بيكون عندك فرصة تعرس تاني وبعدين دي عرسة جاتك من السما ، حاجة زي دي بحلمو بيها كل العزابة المفلسين المقحطين الجو شاقين الفيافي للبندر وانت جاتك لحد عندك ، اي زول بحلم يعرس ليهو مرا مقندلة ومرطبة ان شاء الله كن شينة ، وانت جاتك غادة سماحة وقروش .....
حسن ود ريسة قال يا يحي شوف انت الدايرو شنو ونحنا بنتمو ليك نحنا ناس لصيق راسين في الحلال سااااي ، شيخ خالد ابجاكومة قال يا اخوي انا قلت ليك استخير ، وبعد ده الخير فيما اختاره الله .
تاني يوم يحي مشا الجامعة وبقا منتطر غادة ، طبعا كلم صاحبو ود الحاجة وفرح ليهو شديد ، قال ليحي اتاري الحمى والفتر اليوم داك كان مرض حامد ههههه
فجاة غادة جات ، جات ﻣﺘﺄﻟﻘﺔ ﻭﺯﻱ ﺍﻟﺼﺒﺎﺡ ﺍﻟﺸﻤﺲ ﻃﺎﻟﺔ ﻭﻣﺸﺮقة
ﻓﺢ ﻭﺭﺩﺓ ﺑﺸﺖ ﺑﻌﺒﻴﺮﻫﺎ ﻭﺭﻭﻧﻘﺎ
ﻭﺇﻳﻨﺎﺱ ﺭﻗﻴﻖ ﻳﻨﺴﺎﺏ ﻣﻌﺎﻧﻲ ﻣﻨﻤﻘﺔ
ﻛﻠﻤﺎﺕ ﺗﻄﻮﻑ ﺑﻴﻬﺎ ﺍﻷﻣﺎﻧﻲ محلقة
ﻣﺘﺄﻟﻘﺔ ...
ﺟﺎﺕ ﻭﺍﻟﺼﺒﺎﺡ ﻧﺎﺷﺮ ﻏﻴﻮﻣﻪ ﻋﻠﻰ ﺍﻟﻤﺪﻯ
ﺍﻟﺮﻭﻗﺎ ﻛﻴﻒ ﺍﻟﺮﻗﺔ ﻭﺍﻟﻄﺒﻊ ﺍﻟﺸﻔﻴﻒ
ﺳﺎﻛﻦ ﻫﻮﺍﻫﺎ ﻣﺤﻨﺔ ﻓﻲ قلبو ﺍﻟﺮﻫﻴﻒ ..
اخينا بعد سلم عليها وقعدو قالت اها يا يحي قررت شنو....?
يحي قال شوفي يابت الناس انا بدورك بالحيل بس الا انا زول فقران وقدر حالي .... غادة قاطعتو وقالت ماتفكر كدا ولا تقيس الامور بالمال انا بشتري راجل .....!
يحي راسو كبر ونفخ صدرو وقال احم....
غادة قالت الموضوع بسيط انت بس جيب اولاد اهلك القاعد معاهم وانا زي ما عارف اهليي كلهم برة بس في زميلاتي وزملاء الجامعة بجيبهم ، وعم عثمان الماسك المزرعة زي ابوي بخلي يبقا ولي امري ،، ونعمل الماسبة زاتا بالمزرعة .....،
يحي الفكرة عجبتو وبردت حشاهو.
#يتبع⏪⏪
✏تاليف: احمد صلاح سوان
الحلقة14
#الشورى
يحي مشا اتوضا واستخار ، بعد المغرب بقية العزابة جو راجعين من اشغالهم وكالعادة عملوا الحاجات الروتينية ، عشا، ضمنة ،كتشينة ضحك وقرقرة ووو...الخ بس قبل اي زول يمشي سريرو ينوم يحي ناداهم ولماهم في الفرشة البصلو فيها صلاة جماعة ، كوكو الاغبش قال يا يحي خير الليلة لامينا مالك كدي الشمار كاتلنا ، ....! يحي قال ليهو اصبر ما تبقا شفقان .....
المهم يحي قال ليهم اسمعوني انا في موضوع داير الشورة فيهو وقبيل شاورت شيخ خالد بس كنتو مافشين انتو ,وزي ما بقول المثل بيت الشورى ما خرب، حسن ود ريسة قال يازول قول في شنو ...!
يحي قال ليهم غادة بدور تعرسني .....! حسن وكوكو عاينو لبعض وبصوت واحد قالو غادة منو.....?
يحي غادة بت الجامعة ست المزرعة ، اها الراي شنو..?
كوكو قال والله يا اخوي الراجل ما زي المرا انت عرسا كن نفعت معاك يبقا خير وبركة وان ما نفعت بيكون عندك فرصة تعرس تاني وبعدين دي عرسة جاتك من السما ، حاجة زي دي بحلمو بيها كل العزابة المفلسين المقحطين الجو شاقين الفيافي للبندر وانت جاتك لحد عندك ، اي زول بحلم يعرس ليهو مرا مقندلة ومرطبة ان شاء الله كن شينة ، وانت جاتك غادة سماحة وقروش .....
حسن ود ريسة قال يا يحي شوف انت الدايرو شنو ونحنا بنتمو ليك نحنا ناس لصيق راسين في الحلال سااااي ، شيخ خالد ابجاكومة قال يا اخوي انا قلت ليك استخير ، وبعد ده الخير فيما اختاره الله .
تاني يوم يحي مشا الجامعة وبقا منتطر غادة ، طبعا كلم صاحبو ود الحاجة وفرح ليهو شديد ، قال ليحي اتاري الحمى والفتر اليوم داك كان مرض حامد ههههه
فجاة غادة جات ، جات ﻣﺘﺄﻟﻘﺔ ﻭﺯﻱ ﺍﻟﺼﺒﺎﺡ ﺍﻟﺸﻤﺲ ﻃﺎﻟﺔ ﻭﻣﺸﺮقة
ﻓﺢ ﻭﺭﺩﺓ ﺑﺸﺖ ﺑﻌﺒﻴﺮﻫﺎ ﻭﺭﻭﻧﻘﺎ
ﻭﺇﻳﻨﺎﺱ ﺭﻗﻴﻖ ﻳﻨﺴﺎﺏ ﻣﻌﺎﻧﻲ ﻣﻨﻤﻘﺔ
ﻛﻠﻤﺎﺕ ﺗﻄﻮﻑ ﺑﻴﻬﺎ ﺍﻷﻣﺎﻧﻲ محلقة
ﻣﺘﺄﻟﻘﺔ ...
ﺟﺎﺕ ﻭﺍﻟﺼﺒﺎﺡ ﻧﺎﺷﺮ ﻏﻴﻮﻣﻪ ﻋﻠﻰ ﺍﻟﻤﺪﻯ
ﺍﻟﺮﻭﻗﺎ ﻛﻴﻒ ﺍﻟﺮﻗﺔ ﻭﺍﻟﻄﺒﻊ ﺍﻟﺸﻔﻴﻒ
ﺳﺎﻛﻦ ﻫﻮﺍﻫﺎ ﻣﺤﻨﺔ ﻓﻲ قلبو ﺍﻟﺮﻫﻴﻒ ..
اخينا بعد سلم عليها وقعدو قالت اها يا يحي قررت شنو....?
يحي قال شوفي يابت الناس انا بدورك بالحيل بس الا انا زول فقران وقدر حالي .... غادة قاطعتو وقالت ماتفكر كدا ولا تقيس الامور بالمال انا بشتري راجل .....!
يحي راسو كبر ونفخ صدرو وقال احم....
غادة قالت الموضوع بسيط انت بس جيب اولاد اهلك القاعد معاهم وانا زي ما عارف اهليي كلهم برة بس في زميلاتي وزملاء الجامعة بجيبهم ، وعم عثمان الماسك المزرعة زي ابوي بخلي يبقا ولي امري ،، ونعمل الماسبة زاتا بالمزرعة .....،
يحي الفكرة عجبتو وبردت حشاهو.
#يتبع⏪⏪
طيب حنتكلم عن المندوله ناس كتار مابعرفوها😀
هي اصلا مصنوعه من السعف زي ما شايفين جواها صحن غريق اسمو القدح
المندوله تراث دارفوري من العادات في الاعراس
انو القدح بتتخت فيه العصيده بملاح تقليه بطريقه معينه وتحتها فناجين سمن وعسل وكمان دجاج محشي حمام والحمام محشي بيض
والبلقا الحاجات دي بقولو عليه سعيد وبخيت
المندوله بتشيلا مرة ومفروض تمشي برجليها لحد ما توصلا للعريس وهو يكون وسط احتفالات وزغاريد
بعد ما ياكلو الفي المندوله السمحه دي
بملوها قرووش ويرجعوها لأهل العروس
كمان المندوله بضيفو بيها الضيوف وبتكون فيها عصيده او ملانه شيه او لبن او روب او
شعيريه
وده كلو دليل علي كرم وضيافه وبشاشه الشعب السوداني ❤
هي اصلا مصنوعه من السعف زي ما شايفين جواها صحن غريق اسمو القدح
المندوله تراث دارفوري من العادات في الاعراس
انو القدح بتتخت فيه العصيده بملاح تقليه بطريقه معينه وتحتها فناجين سمن وعسل وكمان دجاج محشي حمام والحمام محشي بيض
والبلقا الحاجات دي بقولو عليه سعيد وبخيت
المندوله بتشيلا مرة ومفروض تمشي برجليها لحد ما توصلا للعريس وهو يكون وسط احتفالات وزغاريد
بعد ما ياكلو الفي المندوله السمحه دي
بملوها قرووش ويرجعوها لأهل العروس
كمان المندوله بضيفو بيها الضيوف وبتكون فيها عصيده او ملانه شيه او لبن او روب او
شعيريه
وده كلو دليل علي كرم وضيافه وبشاشه الشعب السوداني ❤
منقولة
❥:
واحده بتقول :
أنا شوفتو وهو طالع من صلاة الجمعة كنت ماشة ناس حبوبتي ...
كان هو الخطيب بتاع الجامع الجمبنا عيني جات في عينو فجأة وهو بيتكلم مع واحد..
قلبي اول ما شافو دق كدا دق دق 😂 المهم في حاجة جواي عملت شححح..
وقتها كنت ماشة مع صاحبتي كانت بتتكلم معاي لساني اتربط بقيت ما عارفة انطق كلمة واحدة.. ف هي اتخلعت امكن افتكرتني اتشليت ولا حاجة 😂 بقت تقول لي "أنتي كويسة في شنو يابت " وانا ماشة سرحانة زي ما أكون أذنبت عشان ما غضيت بصري فعاقبني الله بحبو من اول نظره...
كنت طول اليوم سرحانة وشغالة اتبسم براي وبس ،
بعدها مرت فترة طووويلة وكل يوم جمعة قبل ما الصلاة تخلص وهم لسة في الركعة الاخيرة أطلع اعمل روحي ماشة عند صاحبتي ال بيتهم قدام الجامع طوالي وبمشي براااحة عشان اشوفو بس للأسف ما كنت بلاقيه ..
من يوما واختفي نهائي ، نسيتو بس قلبي لسة بدق كل ما بتزكر عيونو بسرح في دنيا تااانية ،
مرت سنة ونص علي اليوم داك وانا طول السنة ونص دي كنت بدعي انو يكون من نصيبي ..
وفي يوم جات مسابقة قران اعلنوها في الجامع وبما اني الحمدلله كنت بمشي حصص تحفيظ القرآن وربنا رزقني احفظ كتيير قررت إني ادخلها وكده يعني بالمرة اعمل شي مفيد في حياتي اهلي يفتخرو بيه ؛ وفعلا مشيت سجلت إسمي وتاني يوم من الصباح لبست عبايتي واتحجبت كويس وجيت واول ما دخلت لاقيتو قدامي هو ومجموعة من الشيوخ معاه.. أول ماشوفتو بديت اتوتر شديد تقول صبت فيني مطرة ويدي ديل عرقوو كبو موية.. ونسيت كل ال كنت حافظاه من سور صغيرة او كبيرة
قعدت قدامو عشان أسمع ليه البعرفو..
سألني وقال لي ابدي من أول سورة حافظاها
نسيت اي حاجة بقيت ما قادرة انطق شي من التوتر حاولت اعاين في الارض شايفاها رهاب رهاب من التوتر ..
وهو انا اصلا ما رفعت عيوني من الارض ف ما قدرت اجاوب قلت ليه نسيت..
قام الشيخ المعاه زول كبير كدا قال لي تعالي يا بتي قعدت قدامو
سألني هو وبديت اقرا ليه الحافظاه عادي وما غلطه ولا غلطه..
جا دورو تاني فسألني عن التجويد برضو اي شي قريتو طار من عقلي وما عرفت اجاوب نهائي بس بقيت بعاين في الارض..
الكان بخليني اتوتر هو صوتو بدخل جواي بخلي قلبي يدق يدق بطريقة رهيبة..
وقعدت زي الصنم قدامو كمان بس بعاين في الارض وقلت ليه ما عارفة.. وشغالة ادعك في يدي بعصبية لدرجة اي حد ممكن يلاحظني..
وبرضو اتدخل الشيخ التاني وقال لي اهدي كدا يابتي وسألني حوالي سبعة اسئلة جاوبتهم كلهم بدون غلط..
لما انتهو جاني صوتو بارك الله فيك وبهظار بس اشمعنا اسئلتي الما جاوبتيها وضحك.. انا ساعتها قلبي اتفتفت كل حتة في مكان اظن.. وما باقي لي الا اجري،، كان من جواي حاجة بتقول لي يا دانية اجري بس قومي نجري قبال تحصل بلوة..
جاني صوتو تاني انتي داخلة ب 27 جزء صح ؟
كنت مركزة في الارض غالبني ارفع عيوني..
قلت ليه لا ب 3
قال لي 3 كيف؟
انتي هسي مجاوبة اسئلة في سورة العمران والانفال والتوبة..
رديت عليه بعصبية انا ما عارفة ...
وحسيت وقتها بضيق وعيوني بدت تدمع..
ف شال ملفي من قدام الشيخ التاني وقعد يعاين فيه مسااافة يشوف انا حافظة كم جزء وفجأة ابتسم وقال لي يادوب انا عرفت انتي متوترة لشنو ابوك بره معاك؟
الشيخ الجمبو قال ليه ما دي بت فلان الفلاني
قلت ليه لا ما معاي انا براي وبعدها قالو لي خلاص ممكن تمشي.. قمت سريع وعيوني مليانة دموع مخنوقة من العبرة ومن جواي ياريتني ما جيت..
رجعت البيت دخلت استحميت ولبسته قلت ل أمي انا ماشة ل صاحبتي شوية وبرجع
وفعلا طلعت وجيت ل ياسمين مسافة لبست وطلعنا نغير جو شوية بعد الحكيتو ليها..
بعد تلاتة ساعات بالضبط تلفوني ضرب لقيتو ابوي..
ياسمين دا ابوي واااي شكلي اتأخرته الليلة ابوي ح يشاكلني رديت بخوف الووو ابوي انا جاية جمب البيت والله العظيم انا كلمت امي اني طالعة لي ياسمين
ف جاني صوت ابوي بضحك يا دانية شيخ أحمد لاقاني هسي وجا معاي البيت وقال انك مفترض تتسألي عشرة اسئلة وانتي اتسألتي تسعة بقي في سؤال ناقص عشان كدا جا البيت يسألك السؤال انك موافقة تبقي مرتو علي سنة الله ورسوله؟!
في الساعة ديك يا نهار اسود علي دقات قلبي عايز يغمي علي وياسمين دي اتهجمت وقت شافتني منططه عيوني
ابوي في التلفون دانية الوو دانية الوو الوو يابتي ما تردي حتي السؤال دا نسيتي اجابتو برضو هههههه
ف سامعة صوت شيخ احمد بتكلم معاه في حاجة يا عمي ما تكون ماتت من الصدمة وسامعة صوت الضحك😂😂😂
بعدها اتخطبنا زي تسعة شهور كدا والحمدلله كنا ملتزمين بضوابط الخطوبة حتي كلام في الموبايل ممنوع،، بس كل جمعة كنت بمشي الجامع اسمع الخطبة بتاعتو وارجع البيت،، كان كل جمعة بيخطب بدرس جديد اتعلمت منو حاجات كتيرة..
والحمدلله اتزوجنا واول جملة قالا لي بعد العقد
" خليتيني امشي اخطب في جامع في بلد تانية من اول ما شفتك عشان ما اغضب ربنا فيك " ،،،
عايز اقول ليك سر ان ال عقد لينا هو شيخ دفع الله وطول العقد كان ب
❥:
واحده بتقول :
أنا شوفتو وهو طالع من صلاة الجمعة كنت ماشة ناس حبوبتي ...
كان هو الخطيب بتاع الجامع الجمبنا عيني جات في عينو فجأة وهو بيتكلم مع واحد..
قلبي اول ما شافو دق كدا دق دق 😂 المهم في حاجة جواي عملت شححح..
وقتها كنت ماشة مع صاحبتي كانت بتتكلم معاي لساني اتربط بقيت ما عارفة انطق كلمة واحدة.. ف هي اتخلعت امكن افتكرتني اتشليت ولا حاجة 😂 بقت تقول لي "أنتي كويسة في شنو يابت " وانا ماشة سرحانة زي ما أكون أذنبت عشان ما غضيت بصري فعاقبني الله بحبو من اول نظره...
كنت طول اليوم سرحانة وشغالة اتبسم براي وبس ،
بعدها مرت فترة طووويلة وكل يوم جمعة قبل ما الصلاة تخلص وهم لسة في الركعة الاخيرة أطلع اعمل روحي ماشة عند صاحبتي ال بيتهم قدام الجامع طوالي وبمشي براااحة عشان اشوفو بس للأسف ما كنت بلاقيه ..
من يوما واختفي نهائي ، نسيتو بس قلبي لسة بدق كل ما بتزكر عيونو بسرح في دنيا تااانية ،
مرت سنة ونص علي اليوم داك وانا طول السنة ونص دي كنت بدعي انو يكون من نصيبي ..
وفي يوم جات مسابقة قران اعلنوها في الجامع وبما اني الحمدلله كنت بمشي حصص تحفيظ القرآن وربنا رزقني احفظ كتيير قررت إني ادخلها وكده يعني بالمرة اعمل شي مفيد في حياتي اهلي يفتخرو بيه ؛ وفعلا مشيت سجلت إسمي وتاني يوم من الصباح لبست عبايتي واتحجبت كويس وجيت واول ما دخلت لاقيتو قدامي هو ومجموعة من الشيوخ معاه.. أول ماشوفتو بديت اتوتر شديد تقول صبت فيني مطرة ويدي ديل عرقوو كبو موية.. ونسيت كل ال كنت حافظاه من سور صغيرة او كبيرة
قعدت قدامو عشان أسمع ليه البعرفو..
سألني وقال لي ابدي من أول سورة حافظاها
نسيت اي حاجة بقيت ما قادرة انطق شي من التوتر حاولت اعاين في الارض شايفاها رهاب رهاب من التوتر ..
وهو انا اصلا ما رفعت عيوني من الارض ف ما قدرت اجاوب قلت ليه نسيت..
قام الشيخ المعاه زول كبير كدا قال لي تعالي يا بتي قعدت قدامو
سألني هو وبديت اقرا ليه الحافظاه عادي وما غلطه ولا غلطه..
جا دورو تاني فسألني عن التجويد برضو اي شي قريتو طار من عقلي وما عرفت اجاوب نهائي بس بقيت بعاين في الارض..
الكان بخليني اتوتر هو صوتو بدخل جواي بخلي قلبي يدق يدق بطريقة رهيبة..
وقعدت زي الصنم قدامو كمان بس بعاين في الارض وقلت ليه ما عارفة.. وشغالة ادعك في يدي بعصبية لدرجة اي حد ممكن يلاحظني..
وبرضو اتدخل الشيخ التاني وقال لي اهدي كدا يابتي وسألني حوالي سبعة اسئلة جاوبتهم كلهم بدون غلط..
لما انتهو جاني صوتو بارك الله فيك وبهظار بس اشمعنا اسئلتي الما جاوبتيها وضحك.. انا ساعتها قلبي اتفتفت كل حتة في مكان اظن.. وما باقي لي الا اجري،، كان من جواي حاجة بتقول لي يا دانية اجري بس قومي نجري قبال تحصل بلوة..
جاني صوتو تاني انتي داخلة ب 27 جزء صح ؟
كنت مركزة في الارض غالبني ارفع عيوني..
قلت ليه لا ب 3
قال لي 3 كيف؟
انتي هسي مجاوبة اسئلة في سورة العمران والانفال والتوبة..
رديت عليه بعصبية انا ما عارفة ...
وحسيت وقتها بضيق وعيوني بدت تدمع..
ف شال ملفي من قدام الشيخ التاني وقعد يعاين فيه مسااافة يشوف انا حافظة كم جزء وفجأة ابتسم وقال لي يادوب انا عرفت انتي متوترة لشنو ابوك بره معاك؟
الشيخ الجمبو قال ليه ما دي بت فلان الفلاني
قلت ليه لا ما معاي انا براي وبعدها قالو لي خلاص ممكن تمشي.. قمت سريع وعيوني مليانة دموع مخنوقة من العبرة ومن جواي ياريتني ما جيت..
رجعت البيت دخلت استحميت ولبسته قلت ل أمي انا ماشة ل صاحبتي شوية وبرجع
وفعلا طلعت وجيت ل ياسمين مسافة لبست وطلعنا نغير جو شوية بعد الحكيتو ليها..
بعد تلاتة ساعات بالضبط تلفوني ضرب لقيتو ابوي..
ياسمين دا ابوي واااي شكلي اتأخرته الليلة ابوي ح يشاكلني رديت بخوف الووو ابوي انا جاية جمب البيت والله العظيم انا كلمت امي اني طالعة لي ياسمين
ف جاني صوت ابوي بضحك يا دانية شيخ أحمد لاقاني هسي وجا معاي البيت وقال انك مفترض تتسألي عشرة اسئلة وانتي اتسألتي تسعة بقي في سؤال ناقص عشان كدا جا البيت يسألك السؤال انك موافقة تبقي مرتو علي سنة الله ورسوله؟!
في الساعة ديك يا نهار اسود علي دقات قلبي عايز يغمي علي وياسمين دي اتهجمت وقت شافتني منططه عيوني
ابوي في التلفون دانية الوو دانية الوو الوو يابتي ما تردي حتي السؤال دا نسيتي اجابتو برضو هههههه
ف سامعة صوت شيخ احمد بتكلم معاه في حاجة يا عمي ما تكون ماتت من الصدمة وسامعة صوت الضحك😂😂😂
بعدها اتخطبنا زي تسعة شهور كدا والحمدلله كنا ملتزمين بضوابط الخطوبة حتي كلام في الموبايل ممنوع،، بس كل جمعة كنت بمشي الجامع اسمع الخطبة بتاعتو وارجع البيت،، كان كل جمعة بيخطب بدرس جديد اتعلمت منو حاجات كتيرة..
والحمدلله اتزوجنا واول جملة قالا لي بعد العقد
" خليتيني امشي اخطب في جامع في بلد تانية من اول ما شفتك عشان ما اغضب ربنا فيك " ،،،
عايز اقول ليك سر ان ال عقد لينا هو شيخ دفع الله وطول العقد كان ب
قول لي يادوب بس عرفت هي لي كانت متوترة ..!😂
وعرسنا ومعانا هسي رقية وخديجة 🙊🌸🌻
الحب الحلال حلو شدييد حلووو والله "💙
#الحب_الحلال 💚
وعرسنا ومعانا هسي رقية وخديجة 🙊🌸🌻
الحب الحلال حلو شدييد حلووو والله "💙
#الحب_الحلال 💚
Forwarded from لینک ساز / دکمه شیشه ای
ان كنت من الذين يترفعوا عن تلك اللغة السوقية الهابطة مثل ...#زيتون ...#للدين ...#يااصلي
وهلُم جرا...
انت مكانك هذه القناة 👇
زول فوق في الزمن التحت
وهلُم جرا...
انت مكانك هذه القناة 👇
زول فوق في الزمن التحت
#حب_مجنون عرس مجااااان
إنتي عارفه يا أمي أنا داير أعرس .
أمو : أجي سجم خشمي تعرس بي شنو وانت ياداااب اتخرجت وشهادتك ما إستلمتهتا لسه ودي بت منو البترضي بي واحد عاطل ومفلس زيك كدا .
محمد: في البترضي بي ومستعده تعيش معاي في اي حته ان شاء الله كان راكوبه ماعندها مشكله .
امو : ودي منو تعيسة الحظ دي ؟
محمد: دي مروه بت عمي عثمان اها رايك فيها شنو ؟؟
امو : أجيي عاد مروه بت السرور سماحة الدنيا عليها بس كيفن بترضي بيك آالعولاق .
محمد: والله كان شفتي يا امي مروه دي كمان ما مكسره الا في العولاق دا عشان كدا انتي كلمي ابوي يبيع لي بقرتين يعرس لي بين ..
امو قالت ليو والله انا خايفه اكلم ابوك يدقني انا اول حتي يقبل عليك انت..
واليوم التاني محمد جاء من بره يسمع ليك الجوطه والكواريك في بيتهم جري جوه لقي ليك أبوهو وأمو الشكله قااايمه ودق شديد ومن خش محمد أبوهو استلمو ..واداو ليك خرطوشين في ضهرو ويسوي ليو بتدور تعرس مش؟؟
انت كدي ابقي راجل اول اشتغل وقول داير اعرس ..قال داير يعرس يعرس ركبيك وطرااااخ يديو بالسوط وكمان دايرني ابيع ليك البقرات آالنجيض وتاكل شنو يا الخايب قوم تقوم قيامتك وسيرة العرس دي لو جبتها لي تاني بكتلك اشتغل اول بعداك اتفاصح .
محمد فات حزين ومشي جمب بيت ناس مروه وكورك ليها جاتو مارقه : حمودي حبيبي اها ابوك وافق انو نعرس؟
محمد : والله يا مروه قلت لي امي تكلم ابوي والله ابوي الا دقانا انا وأمي وأخدنا لينا علقه صباحيه والله ابوي قال لي لو جبت لي سيره العرس بكتلك..
مروه : سجم خشمي يكتلك كيفن ..اها والحل شنو ؟
محمد : الا اخطفك ونهرب.و لا نعرس عرفي ؟؟ ولاااا
مروه لبعتو في ضهرو ها الخليقه دا شوف لينا فكره سمحه افكارك الشينه دي ..
محمد: والله انا غلبني يا مروه اديني فكره انتي ؟
مروه سرحت بعيييد وفكرت وفكرت وقالت ليو اصلو انت لو جيتني بالباب العدييل دا بتندقا بتندقا بس جاتني فكره لازم نلتزم بيها سوا ..
محمد قال ليها : قولي قولي وأتحفيني يا أبو الأفكار ..
مروه قالت ليو : وس وس وس ..ومحمد هههههههههاي فكاها ليك ضحك ومد ليها يدو وقال ليها اتفقنا ..
وفات منها..
بعد يومين محمد لقوهو يلقط في الكوشه في طرف الحله نصصص النهار وسموم يلفح..واي مره تجي تشكي منو داقي ولدها ..محمد جن وبقي مفوت وناس الحله كلهم عرفوهو وعذب أبوهو وأمو عذاب ..بعد بقو يدوهو منوم ينوم نص اليوم ويصحي نص اليوم..
وبهناك مروه بقت تناضم براها مرات تقول شعر ومرات تقول هي ملكة جمال الخليج وتنكش شعرها ومرات تتمسح بي باقة الزيت كلها قالت عشان تبقي سمحه ..وقالت الصلصه بتبقي البت حمراء اتجلبطت بيها كلها ..
وأمها تجيها : أحييي انا منك المجنونه اسوي ليك شنو اسوي ليك شنو وتمسك تجضما والجضيمه ولا بتمسك عشان ممسحه بي ودك الشعر كلو ..وأمها كل يوم داقاها . وبقت نهاااائي ما بتطمن وقت تطلع وتخلي مروه وراها ..ياخ مره فاتت خلتا بي وراها جات لقتا حممت الغنمايه وريحتا بي ريحة أمها كلها ولبستا توب أمها الجديد بتاع السهرات داك وقالت غنمايتنا عروس ..
وأمها جات لمن شافت الغنمايه لابسه توبها وممسحه ومريحه قربت تنجلط...
عشان كدا بقت نهااائي ما بتخليها بي قفاها ..
وفي يوم كانت ماشه ناس سعديه ام محمد قالت لي مروه اتشطفي سايقاك معاي محل طوالي مروه ولا صدقت خشت الحمام وكبت جردل المويه من فوق ليها جات لي أمها مويتا تشر وقالت ليها ارح انا جاهزه..
أمها دي قربت تبكي قالت ليها خلاص هاك اقلعي هدومك البتشر دي والبسي العبايه دي يا المتخلفه..
بعد شويه طلعن فاتن خشن بيت ناس محمد لقنو متعابط في أمو عباطه جد ..
ومن جن داخلات مروه وأمها قعد رااايق يتونس مع مروه ويضحك وراقو روقه عجيبه ..
ام محمد قالت ليها عليك الله شوفي المجانين ديل متفاهمين كيف بتونسو ومبسوطين..
ام مروه قالت ليها خلاص كان بروقو كدا من بكره نديكم البت دي ونعقد ليهم سوا كان يعقلو شويه اصلاً المجنونه دي ما بلقي زول يرضي بيها غير محمد دا ..ام محمد قالت ليها والله فكره كان بكره نكلم ابواتهم ..
وفعلا تمو كم يوم كدا واقنعو ابواتهم ولقطو ليهم من جاي لي جاي طقو عقدو ليهم وعرسو ليهم وعملو ليهم حفله الناس شبعو فيها ضحك ورقيص واي زول مستغرب في العرس الغريب ..
غايتو تم العرس والعريس قال حالف الا يسافر كسلا الناس كللهم مستغربين فيو أبوهو باع ليو شوالين عيش سفرهم بيهن ..
عرس محمد مروه وقضو اجمل ايام حياتهم كلها ضحك ونكات وكل واحد بحكي للتاني زمان بعمل شنو في اهلو ويقعدو يضحكو الليل كلو بعد طردوهم من الفندق النازلين فيهو ..
أبوهو يضرب ليو داير يطمن عليهم ما يقومو يطشو سوا..اها يا محمد يا ولدي كويسين انتو وكيف عروسك ..؟
محمد قال ليو والله تماام التمام عٍلا طردونا من الفندق ..
أبوهو مات بالضحك هههههههه الله يخيبك الخايب العايب اها وجايين متين يا عرسان السرور ..
محمد قال ليو بكره بنجي ..
واليوم التاني ناس الحله منتظرينهم بي فارغ الصبر .
وصلو محمد وعروسو مرو
إنتي عارفه يا أمي أنا داير أعرس .
أمو : أجي سجم خشمي تعرس بي شنو وانت ياداااب اتخرجت وشهادتك ما إستلمتهتا لسه ودي بت منو البترضي بي واحد عاطل ومفلس زيك كدا .
محمد: في البترضي بي ومستعده تعيش معاي في اي حته ان شاء الله كان راكوبه ماعندها مشكله .
امو : ودي منو تعيسة الحظ دي ؟
محمد: دي مروه بت عمي عثمان اها رايك فيها شنو ؟؟
امو : أجيي عاد مروه بت السرور سماحة الدنيا عليها بس كيفن بترضي بيك آالعولاق .
محمد: والله كان شفتي يا امي مروه دي كمان ما مكسره الا في العولاق دا عشان كدا انتي كلمي ابوي يبيع لي بقرتين يعرس لي بين ..
امو قالت ليو والله انا خايفه اكلم ابوك يدقني انا اول حتي يقبل عليك انت..
واليوم التاني محمد جاء من بره يسمع ليك الجوطه والكواريك في بيتهم جري جوه لقي ليك أبوهو وأمو الشكله قااايمه ودق شديد ومن خش محمد أبوهو استلمو ..واداو ليك خرطوشين في ضهرو ويسوي ليو بتدور تعرس مش؟؟
انت كدي ابقي راجل اول اشتغل وقول داير اعرس ..قال داير يعرس يعرس ركبيك وطرااااخ يديو بالسوط وكمان دايرني ابيع ليك البقرات آالنجيض وتاكل شنو يا الخايب قوم تقوم قيامتك وسيرة العرس دي لو جبتها لي تاني بكتلك اشتغل اول بعداك اتفاصح .
محمد فات حزين ومشي جمب بيت ناس مروه وكورك ليها جاتو مارقه : حمودي حبيبي اها ابوك وافق انو نعرس؟
محمد : والله يا مروه قلت لي امي تكلم ابوي والله ابوي الا دقانا انا وأمي وأخدنا لينا علقه صباحيه والله ابوي قال لي لو جبت لي سيره العرس بكتلك..
مروه : سجم خشمي يكتلك كيفن ..اها والحل شنو ؟
محمد : الا اخطفك ونهرب.و لا نعرس عرفي ؟؟ ولاااا
مروه لبعتو في ضهرو ها الخليقه دا شوف لينا فكره سمحه افكارك الشينه دي ..
محمد: والله انا غلبني يا مروه اديني فكره انتي ؟
مروه سرحت بعيييد وفكرت وفكرت وقالت ليو اصلو انت لو جيتني بالباب العدييل دا بتندقا بتندقا بس جاتني فكره لازم نلتزم بيها سوا ..
محمد قال ليها : قولي قولي وأتحفيني يا أبو الأفكار ..
مروه قالت ليو : وس وس وس ..ومحمد هههههههههاي فكاها ليك ضحك ومد ليها يدو وقال ليها اتفقنا ..
وفات منها..
بعد يومين محمد لقوهو يلقط في الكوشه في طرف الحله نصصص النهار وسموم يلفح..واي مره تجي تشكي منو داقي ولدها ..محمد جن وبقي مفوت وناس الحله كلهم عرفوهو وعذب أبوهو وأمو عذاب ..بعد بقو يدوهو منوم ينوم نص اليوم ويصحي نص اليوم..
وبهناك مروه بقت تناضم براها مرات تقول شعر ومرات تقول هي ملكة جمال الخليج وتنكش شعرها ومرات تتمسح بي باقة الزيت كلها قالت عشان تبقي سمحه ..وقالت الصلصه بتبقي البت حمراء اتجلبطت بيها كلها ..
وأمها تجيها : أحييي انا منك المجنونه اسوي ليك شنو اسوي ليك شنو وتمسك تجضما والجضيمه ولا بتمسك عشان ممسحه بي ودك الشعر كلو ..وأمها كل يوم داقاها . وبقت نهاااائي ما بتطمن وقت تطلع وتخلي مروه وراها ..ياخ مره فاتت خلتا بي وراها جات لقتا حممت الغنمايه وريحتا بي ريحة أمها كلها ولبستا توب أمها الجديد بتاع السهرات داك وقالت غنمايتنا عروس ..
وأمها جات لمن شافت الغنمايه لابسه توبها وممسحه ومريحه قربت تنجلط...
عشان كدا بقت نهااائي ما بتخليها بي قفاها ..
وفي يوم كانت ماشه ناس سعديه ام محمد قالت لي مروه اتشطفي سايقاك معاي محل طوالي مروه ولا صدقت خشت الحمام وكبت جردل المويه من فوق ليها جات لي أمها مويتا تشر وقالت ليها ارح انا جاهزه..
أمها دي قربت تبكي قالت ليها خلاص هاك اقلعي هدومك البتشر دي والبسي العبايه دي يا المتخلفه..
بعد شويه طلعن فاتن خشن بيت ناس محمد لقنو متعابط في أمو عباطه جد ..
ومن جن داخلات مروه وأمها قعد رااايق يتونس مع مروه ويضحك وراقو روقه عجيبه ..
ام محمد قالت ليها عليك الله شوفي المجانين ديل متفاهمين كيف بتونسو ومبسوطين..
ام مروه قالت ليها خلاص كان بروقو كدا من بكره نديكم البت دي ونعقد ليهم سوا كان يعقلو شويه اصلاً المجنونه دي ما بلقي زول يرضي بيها غير محمد دا ..ام محمد قالت ليها والله فكره كان بكره نكلم ابواتهم ..
وفعلا تمو كم يوم كدا واقنعو ابواتهم ولقطو ليهم من جاي لي جاي طقو عقدو ليهم وعرسو ليهم وعملو ليهم حفله الناس شبعو فيها ضحك ورقيص واي زول مستغرب في العرس الغريب ..
غايتو تم العرس والعريس قال حالف الا يسافر كسلا الناس كللهم مستغربين فيو أبوهو باع ليو شوالين عيش سفرهم بيهن ..
عرس محمد مروه وقضو اجمل ايام حياتهم كلها ضحك ونكات وكل واحد بحكي للتاني زمان بعمل شنو في اهلو ويقعدو يضحكو الليل كلو بعد طردوهم من الفندق النازلين فيهو ..
أبوهو يضرب ليو داير يطمن عليهم ما يقومو يطشو سوا..اها يا محمد يا ولدي كويسين انتو وكيف عروسك ..؟
محمد قال ليو والله تماام التمام عٍلا طردونا من الفندق ..
أبوهو مات بالضحك هههههههه الله يخيبك الخايب العايب اها وجايين متين يا عرسان السرور ..
محمد قال ليو بكره بنجي ..
واليوم التاني ناس الحله منتظرينهم بي فارغ الصبر .
وصلو محمد وعروسو مرو
ه زي القمر وهم عاقلييين ورايقيين لمن أهلهم كلهم محتارين فيهم ..
الناس رجعو نصاااح زي الما حاصل حاجه..
أبو محمد جراو بالجمبه وقال ليو أها يا ولدي ماشاء الله بقت عاقل ورايق المرا كويسه ؟
قال ليو ابوي حرم مروه دي مرا والنسوان وارا ..
أبوهو قال ليو وجنونك راحت ؟
قال ليو ابوي والله دا مرض حامد ساااااي ظنيتو وهسي راح..
أبوهو مات بالضحك وقال ليو الله يجازيك آالممسوخ.
تمت...
أها رايكم شنو في فكرة محمد ومروه دي ؟
والداير يجرب منو ?
عرس مجااااااااان🙈🙈🙈😜😜😜😜
الناس رجعو نصاااح زي الما حاصل حاجه..
أبو محمد جراو بالجمبه وقال ليو أها يا ولدي ماشاء الله بقت عاقل ورايق المرا كويسه ؟
قال ليو ابوي حرم مروه دي مرا والنسوان وارا ..
أبوهو قال ليو وجنونك راحت ؟
قال ليو ابوي والله دا مرض حامد ساااااي ظنيتو وهسي راح..
أبوهو مات بالضحك وقال ليو الله يجازيك آالممسوخ.
تمت...
أها رايكم شنو في فكرة محمد ومروه دي ؟
والداير يجرب منو ?
عرس مجااااااااان🙈🙈🙈😜😜😜😜
واحد بيحكي قال ، أمبارح وانا راجع من الشغل وسايق عربيتي في الطريق ، وفجأة خبطني واحد من ورا ، فنزلت من العربية وكان السائق عمك كبير في السن ،
قلت ليهو : سلامة ياحاج ، لكن بصراحة عربيتي دي جديده وبراك شايف ولاخدشه ما فيها وانت هسي اذيتها عديل ،، انت تأمينك شامل وللا ضد الغير وعلى ياتو شركة ياحاج لأنو طبعا انت الغلطان وداقشني من ورا ومحتاج التأمين يصلح لي الضربة.
عمك قال : والله يا ابني انا ما معاي حق الاكل ، حالتي مايعلم بيها الا الله 😢
كيف ادفع غرامة تخطيط حادث لناس المرور وللا أصلح ليك ،، انا ياولدي ماعندي قرش في جيبي ده وتأميني منتهي وما مرخص 😢 ، المهم حن قلبي على حالو وسامحته وواصلت طريقي ،،،
لما وصلت الأستوب🚦كان قافل قمت انا وقفت ، الوراي أظنو سارح قام خبطني من ورا 😰 ،،
فنزلت من العربية سريع الا القاهو ليك هو نفس عمك القبيل 🤠!!
قلت ليهو ياعمك المره دي ما في أي طريقة توقف على جمب ويجي البوليس عشان تصلح لي عربيتي ،،
عمك قعد في الواطه عدييييل وبقى يبكي ويشكي اكثر من اول ، المهم خليتو ومشيت وقلت ربك كريم يعوضني ،،
وانا ماشي في الطريق بعد الكبري لاقاني مطب فخففت السرعة فجأة ،، سمعت ليك بووووم خبطة من ورا ،،
ميلت على الباب عاوز افتح الباب عشان انزل شفت بالمراية نفس عمك القبيل بي وراي
مطلع راسو من الشباك وبقى يأشر لي من بعيد: واصل واصل ياولدي مافي شي ده انا عمك زاااااتي 😂😂😂😂
قلت ليهو : سلامة ياحاج ، لكن بصراحة عربيتي دي جديده وبراك شايف ولاخدشه ما فيها وانت هسي اذيتها عديل ،، انت تأمينك شامل وللا ضد الغير وعلى ياتو شركة ياحاج لأنو طبعا انت الغلطان وداقشني من ورا ومحتاج التأمين يصلح لي الضربة.
عمك قال : والله يا ابني انا ما معاي حق الاكل ، حالتي مايعلم بيها الا الله 😢
كيف ادفع غرامة تخطيط حادث لناس المرور وللا أصلح ليك ،، انا ياولدي ماعندي قرش في جيبي ده وتأميني منتهي وما مرخص 😢 ، المهم حن قلبي على حالو وسامحته وواصلت طريقي ،،،
لما وصلت الأستوب🚦كان قافل قمت انا وقفت ، الوراي أظنو سارح قام خبطني من ورا 😰 ،،
فنزلت من العربية سريع الا القاهو ليك هو نفس عمك القبيل 🤠!!
قلت ليهو ياعمك المره دي ما في أي طريقة توقف على جمب ويجي البوليس عشان تصلح لي عربيتي ،،
عمك قعد في الواطه عدييييل وبقى يبكي ويشكي اكثر من اول ، المهم خليتو ومشيت وقلت ربك كريم يعوضني ،،
وانا ماشي في الطريق بعد الكبري لاقاني مطب فخففت السرعة فجأة ،، سمعت ليك بووووم خبطة من ورا ،،
ميلت على الباب عاوز افتح الباب عشان انزل شفت بالمراية نفس عمك القبيل بي وراي
مطلع راسو من الشباك وبقى يأشر لي من بعيد: واصل واصل ياولدي مافي شي ده انا عمك زاااااتي 😂😂😂😂
يااخونا العنوسه بقت حكايه مخيفه......
والطالبه الزواج في نظري طاهره عفيفه.....
بت العزهن مثبوت وعايله نضيفه.....
تقبل بالزواج لاشرطي لاتعريفه......
*****
يااخوانا الزواج دايرنو يبقي مبسط......
وفي بيت الحلال كل الامور تظبط.....
شيطان الشباب باري البنات ومسلط......
عاداتنا الزمان يااخوانا اجمل وابسط......
****
يااخوانا الزواج اصبح حكايتو حكايه......
اصبح فشخره وبوبار وفايت الغايه.....
صالات للفرح طبيق قروش ودعايه.....
اقبلي بالبسيط انشاءالله توب وعبايه...
******
يااخوانا الزواج ستره وامان وموده.....
اصبح عندو تكلفه زات مابتتعده......
صالات للخمج بعد الضيوف تتغده.......
ارجعو للقديم خلونا هسع نبدا....
****
ياخوانا الزواج فات الشرع والسنه......
صبحت كلو بت دايره القروش تتمنه....
مادام الزواج مافيهو ريد ومحنه......
تبقي بدايتو فاشله وفي النهايه مظنه......
**
يااخوانا الزوج ستره وقبول وتراضي......
خلوهو البزار صرف القروش في الفاضي....
خلونا النتوب نرجع نعود للماضي.....
يبقي زوجنا ستره ومانصل للقاضي.....
***
بدرالدين الشعدينابي
والطالبه الزواج في نظري طاهره عفيفه.....
بت العزهن مثبوت وعايله نضيفه.....
تقبل بالزواج لاشرطي لاتعريفه......
*****
يااخوانا الزواج دايرنو يبقي مبسط......
وفي بيت الحلال كل الامور تظبط.....
شيطان الشباب باري البنات ومسلط......
عاداتنا الزمان يااخوانا اجمل وابسط......
****
يااخوانا الزواج اصبح حكايتو حكايه......
اصبح فشخره وبوبار وفايت الغايه.....
صالات للفرح طبيق قروش ودعايه.....
اقبلي بالبسيط انشاءالله توب وعبايه...
******
يااخوانا الزواج ستره وامان وموده.....
اصبح عندو تكلفه زات مابتتعده......
صالات للخمج بعد الضيوف تتغده.......
ارجعو للقديم خلونا هسع نبدا....
****
ياخوانا الزواج فات الشرع والسنه......
صبحت كلو بت دايره القروش تتمنه....
مادام الزواج مافيهو ريد ومحنه......
تبقي بدايتو فاشله وفي النهايه مظنه......
**
يااخوانا الزوج ستره وقبول وتراضي......
خلوهو البزار صرف القروش في الفاضي....
خلونا النتوب نرجع نعود للماضي.....
يبقي زوجنا ستره ومانصل للقاضي.....
***
بدرالدين الشعدينابي
في السودان اول ما الضيف يدق الباب 😮💔🔪👏
كل ناس البيت يجرو يخشو الغرفه🏃🏃 😂♨
م تعرف ديل ضيوف ولا مكافحة مخدرات👊🐸😐🌿🌚
😹😹😹🌚❌☺️
صاح ولا م صاح م تضحكو لي ساي ✋👊😂
شايقي دفع حق الكوفير زعلان قاعد مع عروسته في الكوشة امو جات تبارك ليه ماشاءالله ياولدي عروستك ترقش قال ليها يمه البترقش دي قروشى
😂😂😂😂😂😂😂😂😂😂
واحد جاء لي ست شاى وجاب معاهو كيس رغيف وطلب كباية شاى اكل بيها كيس الرغيف كلو وعاين لست الشاى وقال ليها..شاهيك مانفعنى قالت ليها .. ينفعك كيفن و انت عاملو سخينه
😂😂😂😂😂😂😂😂😂😂
ﻋﻤﻚ ﻛﺒﻴﺮ ﻛﺪﺍ ﺟﺎﺗﻮ ﺑﺖ ﺳﻤﺤﺔ ﻓﻲ ﺍﻟﻤﺤﻞ ﻋﺠﺒﺘﻮ ﺷﺪﻳﻴﻴﺪ😍
ﻗﺎﻟﺖ ﻟﻴﻬﻮ ؛ ﺩﻩ ﺩﻛﺎﻧﻚ ﻳﺎ ﺣﺎﺝ ؟😉
ﻗﺎﻝ ﻟﻴﻬﺎ ﺍﻱ ﻭ ﻋﻨﺪﻱ ﻏﻴﺮﻩ ﻣﺼﺎﻧﻊ ﻃﺤﻨﻴﺔ ﻭﻣﺼﻨﻊ ﺗﻌﺒﺌﺔ ﺳﻜﺮ ﻭﻋﻨﺪﻯ 20 ﺩﻛﺎﻥ ﻓﻰ ﺍﻟﺴﻮﻕ ﺍﻟﺸﻌﺒﻰ ﻭﻋﻨﺪﻯ ﻣﺰﺭﻋﺔ ﻓﻴﻬﺎ 1000 ﺑﻘﺮﺓ😆 ﻭﺩﺧﻠﻲ ﻓﻰ ﺍﻟﺸﻬﺮ ﻣﺎ ﻳﻘﻞ ﻣﻦ 2 ﻣﻠﻴﺎﺭ ﻭﺑﻘﻀﻲ ﺍﻹﺟﺎﺯﺍﺕ ﺑﺮﺍ ﺍﻟﺴﻮﺩﺍﻥ ﻓﻰ ﺃﻭﺭﺑﺎ ﺑﻌﺪ ﻣﺎ ﻛﻤﻞ ....
ﻗﺎﻟﺖ ﻟﻴﻪ ﺍﻧﺎ ﺇﻳﻤﺎﻥ ﻣﻦ ﺍﻟﻀﺮﺍﺋﺐ😋
ﻗﺎﻝ ﻟﻴﻬﺎ ﺍﻧﺎ ﻋﻤﻚ ﻋﻤﺮ ﺍﻟﻜﻀﺎﺏ ﻛﺎﻥ ﻣﻐﺎﻟﻄﺎﻧﻲ ﺇﺳﺄﻟﻲ ﻣﻨﻲ ﻧﺎﺱ ﺍﻟﺴﻮﻕ ﺩﻳﻞ😑
😂😂😂😂😂😂😂😂😂😂😂
🚵🌳🌴🌵🌿🌿🌷☘🌿🎂🍰🍺
😂😂😂😂😂😂😂😂😂😂😂..
ﺷﺎﻳﻘﻲ ﺗﻔﺘﻴﺤﻪ ﻣﺸﻰ ﺍﻟﺴﻌﻮﺩﻳﻪ ﺍﺷﺘﻐﻞ
ﺭﺍﻋﻲ ﺍﺑﻞ ﺍﻟﺴﻌﻮﺩﻱ ﺳﺒﻌﻪ ﺷﻬﻮﺭ ﻣﺎ
ﺃﺩﺍﻫﻮ ﻣﺎﻫﻴﻪ ﻭﺍﺧﺮ ﺷﻲ ﻣﺸﻰ ﻓﺘﺢ ﻓﻴﻬﻮ
ﺑﻼﻍ ﻗﺎﻝ ﻟﻲ ﺍﻟﺸﺮﻃﻪ ﻋﻨﺪﻱ ﺭﺍﻋﻲ
ﺳﻌﺮﺍﻥ ﻋﻀﻪ ﺍﻟﻨﺎﻗﻪ ﺣﻘﺘﻲ ﺍﻟﺸﺮﻃﻪ ﺟﻮ
ﺑﺒﻨﺎﺩﻗﻬﻢ ﻗﺎﻟﻮ ﻟﻲ ﺍﻟﺴﻌﻮﺩﻱ ﻭﻳﻨﻬﺎ ﺍﻟﻨﺎﻗﻪ
ﺍﻟﻌﻀﺎﻫﺎ ﺍﻟﺮﺍﻋﻲ ﺟﺎﺏ ﻟﻴﻬﻢ ﻭﺍﺣﺪﻩ
ﻛﺤﻴﺎﻧﻪ ﻗﺎﻝ ﻟﻴﻬﻢ ﻳﺎﻫﺎ ﺩﻱ ﻃﺎﺥ ﺍﺩﻭﻫﺎ
ﻃﻠﻘﻪ ﺍﻟﺸﺎﻳﻘﻲ ﻗﺎﻝ ﻟﻴﻬﻢ ﺍﻧﺎ ﻋﻀﻴﺖ
ﻋﺸﺮﻩ ﻧﻴﺎﻕ ﻏﻴﺮ ﺩﻱ ﻗﺎﻟﻮ ﻟﻴﻬﻮ ﻃﻠﻌﻬﻦ
ﻋﺰﻝ ﺍﺣﺴﻦ ﻋﺸﺮﻩ ﻧﻴﺎﻕ ﻃﻠﻌﻬﻦ ﻗﺎﻝ
ﻟﻴﻚ ﺍﻟﺸﺮﻃﻪ ﺗﻀﺮﺏ ﻓﻴﻬﻦ ﻭﺍﺣﺪﻩ ﻭﺍﺣﺪﻩ
ﺍﻟﺴﻌﻮﺩﻱ ﻗﺎﻝ ﻟﻠﺸﺮﻃﻪ ﺍﻗﻴﻔﻮ ﺍﻟﺰﻭﻝ ﺩﺍ
ﻣﺎﺳﻌﺮﺍﻥ ﺍﻧﺎ ﻛﻀﺒﺘﻪ ﻋﻠﻴﻜﻢ ﺳﺎﻱ
ﻭﺍﻟﻌﺴﺎﻛﺮ ﺷﻐﺎﻟﻴﻦ ﻛﺘﻞ ﻓﻲ ﺍﻟﻨﻴﺎﻕ
ﺍﻟﺸﺎﻳﻘﻲ ﻗﺎﻝ ﻟﻲ ﺍﻟﻌﺴﺎﻛﺮ ﻫﻮ ﺯﺍﺗﻮ ﺍﻧﺎ
ﻋﻀﻴﺘﻮ
😂😂😂😂😂😂😂😂😂😂.
!!!!
ﺳﻌﻮﺩﻱ ﻗﺎﺑﻞ ﺭﺑﺎﻃﺎﺑﻲ ..
ﻗﺎﻝ ﻟﻴﻬﻮ : ﺷﻮ ﺍﺳﻤﻚ ..
ﺍﻟﺮﺑﺎﻃﺎﺑﻲ: ﺍﻧﺎ
ﻋﻜﺎﺷﺔ ﻓﻀﻞ ﺍﻟﺴﻴﺪ .. ﺍﻟﺴﻌﻮﺩﻱ: ﻭﺍﻟﻠﻪ
ﺍﻧﺘﻢ ﺍﻟﺴﻮﺩﺍﻧﻴﻴﻦ ﻣﺎ ﺍﺩﺭﻱ
ﻣﻦ ﻭﻳﻦ ﺗﺠﻴﺒﻮ ﻫﺎ ﺍﻻﺳﺎﻣﻲ .. ﺍﻟﺮﺑﺎﻃﺎﺑﻲ
:
. ﻃﻴﺐ ﺍﻧﺖ ﺍﺳﻤﻚ ﻣﻨﻮ ؟
ﺍﻟﺴﻌﻮﺩﻱ :
ﻣﺴﻬﻞ ﺑﻦ ﺧﺮﻳﺎﻥ ﺍﻟﻤﺒﻌﺮﻱ ..
ﺍﻟﺮﺑﺎﻃﺎﺑﻲ : ﻋﻠﻲ ﺑﺎﻟﻄﻼﻕ
ﺍﺳﻤﻚ ﺩﺍ ﻳﺒﻄﻞ ﺍﻟﻮﺿﻮﺀ
😂😂😂😂😂😂😂😂😂
كل ناس البيت يجرو يخشو الغرفه🏃🏃 😂♨
م تعرف ديل ضيوف ولا مكافحة مخدرات👊🐸😐🌿🌚
😹😹😹🌚❌☺️
صاح ولا م صاح م تضحكو لي ساي ✋👊😂
شايقي دفع حق الكوفير زعلان قاعد مع عروسته في الكوشة امو جات تبارك ليه ماشاءالله ياولدي عروستك ترقش قال ليها يمه البترقش دي قروشى
😂😂😂😂😂😂😂😂😂😂
واحد جاء لي ست شاى وجاب معاهو كيس رغيف وطلب كباية شاى اكل بيها كيس الرغيف كلو وعاين لست الشاى وقال ليها..شاهيك مانفعنى قالت ليها .. ينفعك كيفن و انت عاملو سخينه
😂😂😂😂😂😂😂😂😂😂
ﻋﻤﻚ ﻛﺒﻴﺮ ﻛﺪﺍ ﺟﺎﺗﻮ ﺑﺖ ﺳﻤﺤﺔ ﻓﻲ ﺍﻟﻤﺤﻞ ﻋﺠﺒﺘﻮ ﺷﺪﻳﻴﻴﺪ😍
ﻗﺎﻟﺖ ﻟﻴﻬﻮ ؛ ﺩﻩ ﺩﻛﺎﻧﻚ ﻳﺎ ﺣﺎﺝ ؟😉
ﻗﺎﻝ ﻟﻴﻬﺎ ﺍﻱ ﻭ ﻋﻨﺪﻱ ﻏﻴﺮﻩ ﻣﺼﺎﻧﻊ ﻃﺤﻨﻴﺔ ﻭﻣﺼﻨﻊ ﺗﻌﺒﺌﺔ ﺳﻜﺮ ﻭﻋﻨﺪﻯ 20 ﺩﻛﺎﻥ ﻓﻰ ﺍﻟﺴﻮﻕ ﺍﻟﺸﻌﺒﻰ ﻭﻋﻨﺪﻯ ﻣﺰﺭﻋﺔ ﻓﻴﻬﺎ 1000 ﺑﻘﺮﺓ😆 ﻭﺩﺧﻠﻲ ﻓﻰ ﺍﻟﺸﻬﺮ ﻣﺎ ﻳﻘﻞ ﻣﻦ 2 ﻣﻠﻴﺎﺭ ﻭﺑﻘﻀﻲ ﺍﻹﺟﺎﺯﺍﺕ ﺑﺮﺍ ﺍﻟﺴﻮﺩﺍﻥ ﻓﻰ ﺃﻭﺭﺑﺎ ﺑﻌﺪ ﻣﺎ ﻛﻤﻞ ....
ﻗﺎﻟﺖ ﻟﻴﻪ ﺍﻧﺎ ﺇﻳﻤﺎﻥ ﻣﻦ ﺍﻟﻀﺮﺍﺋﺐ😋
ﻗﺎﻝ ﻟﻴﻬﺎ ﺍﻧﺎ ﻋﻤﻚ ﻋﻤﺮ ﺍﻟﻜﻀﺎﺏ ﻛﺎﻥ ﻣﻐﺎﻟﻄﺎﻧﻲ ﺇﺳﺄﻟﻲ ﻣﻨﻲ ﻧﺎﺱ ﺍﻟﺴﻮﻕ ﺩﻳﻞ😑
😂😂😂😂😂😂😂😂😂😂😂
🚵🌳🌴🌵🌿🌿🌷☘🌿🎂🍰🍺
😂😂😂😂😂😂😂😂😂😂😂..
ﺷﺎﻳﻘﻲ ﺗﻔﺘﻴﺤﻪ ﻣﺸﻰ ﺍﻟﺴﻌﻮﺩﻳﻪ ﺍﺷﺘﻐﻞ
ﺭﺍﻋﻲ ﺍﺑﻞ ﺍﻟﺴﻌﻮﺩﻱ ﺳﺒﻌﻪ ﺷﻬﻮﺭ ﻣﺎ
ﺃﺩﺍﻫﻮ ﻣﺎﻫﻴﻪ ﻭﺍﺧﺮ ﺷﻲ ﻣﺸﻰ ﻓﺘﺢ ﻓﻴﻬﻮ
ﺑﻼﻍ ﻗﺎﻝ ﻟﻲ ﺍﻟﺸﺮﻃﻪ ﻋﻨﺪﻱ ﺭﺍﻋﻲ
ﺳﻌﺮﺍﻥ ﻋﻀﻪ ﺍﻟﻨﺎﻗﻪ ﺣﻘﺘﻲ ﺍﻟﺸﺮﻃﻪ ﺟﻮ
ﺑﺒﻨﺎﺩﻗﻬﻢ ﻗﺎﻟﻮ ﻟﻲ ﺍﻟﺴﻌﻮﺩﻱ ﻭﻳﻨﻬﺎ ﺍﻟﻨﺎﻗﻪ
ﺍﻟﻌﻀﺎﻫﺎ ﺍﻟﺮﺍﻋﻲ ﺟﺎﺏ ﻟﻴﻬﻢ ﻭﺍﺣﺪﻩ
ﻛﺤﻴﺎﻧﻪ ﻗﺎﻝ ﻟﻴﻬﻢ ﻳﺎﻫﺎ ﺩﻱ ﻃﺎﺥ ﺍﺩﻭﻫﺎ
ﻃﻠﻘﻪ ﺍﻟﺸﺎﻳﻘﻲ ﻗﺎﻝ ﻟﻴﻬﻢ ﺍﻧﺎ ﻋﻀﻴﺖ
ﻋﺸﺮﻩ ﻧﻴﺎﻕ ﻏﻴﺮ ﺩﻱ ﻗﺎﻟﻮ ﻟﻴﻬﻮ ﻃﻠﻌﻬﻦ
ﻋﺰﻝ ﺍﺣﺴﻦ ﻋﺸﺮﻩ ﻧﻴﺎﻕ ﻃﻠﻌﻬﻦ ﻗﺎﻝ
ﻟﻴﻚ ﺍﻟﺸﺮﻃﻪ ﺗﻀﺮﺏ ﻓﻴﻬﻦ ﻭﺍﺣﺪﻩ ﻭﺍﺣﺪﻩ
ﺍﻟﺴﻌﻮﺩﻱ ﻗﺎﻝ ﻟﻠﺸﺮﻃﻪ ﺍﻗﻴﻔﻮ ﺍﻟﺰﻭﻝ ﺩﺍ
ﻣﺎﺳﻌﺮﺍﻥ ﺍﻧﺎ ﻛﻀﺒﺘﻪ ﻋﻠﻴﻜﻢ ﺳﺎﻱ
ﻭﺍﻟﻌﺴﺎﻛﺮ ﺷﻐﺎﻟﻴﻦ ﻛﺘﻞ ﻓﻲ ﺍﻟﻨﻴﺎﻕ
ﺍﻟﺸﺎﻳﻘﻲ ﻗﺎﻝ ﻟﻲ ﺍﻟﻌﺴﺎﻛﺮ ﻫﻮ ﺯﺍﺗﻮ ﺍﻧﺎ
ﻋﻀﻴﺘﻮ
😂😂😂😂😂😂😂😂😂😂.
!!!!
ﺳﻌﻮﺩﻱ ﻗﺎﺑﻞ ﺭﺑﺎﻃﺎﺑﻲ ..
ﻗﺎﻝ ﻟﻴﻬﻮ : ﺷﻮ ﺍﺳﻤﻚ ..
ﺍﻟﺮﺑﺎﻃﺎﺑﻲ: ﺍﻧﺎ
ﻋﻜﺎﺷﺔ ﻓﻀﻞ ﺍﻟﺴﻴﺪ .. ﺍﻟﺴﻌﻮﺩﻱ: ﻭﺍﻟﻠﻪ
ﺍﻧﺘﻢ ﺍﻟﺴﻮﺩﺍﻧﻴﻴﻦ ﻣﺎ ﺍﺩﺭﻱ
ﻣﻦ ﻭﻳﻦ ﺗﺠﻴﺒﻮ ﻫﺎ ﺍﻻﺳﺎﻣﻲ .. ﺍﻟﺮﺑﺎﻃﺎﺑﻲ
:
. ﻃﻴﺐ ﺍﻧﺖ ﺍﺳﻤﻚ ﻣﻨﻮ ؟
ﺍﻟﺴﻌﻮﺩﻱ :
ﻣﺴﻬﻞ ﺑﻦ ﺧﺮﻳﺎﻥ ﺍﻟﻤﺒﻌﺮﻱ ..
ﺍﻟﺮﺑﺎﻃﺎﺑﻲ : ﻋﻠﻲ ﺑﺎﻟﻄﻼﻕ
ﺍﺳﻤﻚ ﺩﺍ ﻳﺒﻄﻞ ﺍﻟﻮﺿﻮﺀ
😂😂😂😂😂😂😂😂😂
ياحلييييل زمان
،،
زمن الاكل في المشلعيب
زمن المروق للسمحة عيب
زمن القعاد تحت الدليب
زمن الرقاد في العنقريب !!
،،،
زمن البيوت جالوص وطين
بالحيطة بيمدو العجين !!
زمن الشياب متكومين
في الرادي عند حاج اللمين
،،،
زمن الجواب بجي بالبريد
زمن النفوس كاسيها ريد
زمن الجهال بقرو النشيد
زمن العرش كان الجريد !
،،،
زمن الرسائل بالجواب
زمن البيوت مافيها باب
زمن الدعاهم مستجاب
زمن الكرم ماقالو غاب
،،،
زمن اللعب سيجا وشليل
زمن البقع بيشيلو شيل
زمن البيرفعو للتقيل !!
زمن الكبير كان الدليل
،،،
زمن البلد مافيها غش
زمن العمر ماكان بمش
زمن المرق كان العرش
زمن الجنا البرعى وبهش
،،،
زمن الزرايب والغنم
زمن الرجال بفدوها دم
زمن الولد واقف صنم
زمن الشعر كان كلو نم
،،،
زمن البيوت مسقوفة قش
زمن الجنا الماقالو هش !!
زمن العدو البتحرقو تش
زمن البلوم ماعندو وش
،،،
زمن العرس بي فد هدم
زمن اللكان ناقص بتم
زمن السمح مابنكتم
زمن الدهب مختوم ختم
،،،
زمن البنات هاديات طباع
زمن العرض ماقالو ضاع
زمن السلام في كل قطاع
زمن الزواج بالمستطاع !!
،،،
زمن الحريم بالجد حريم
زمن الودك كان الكريم
زمن التحجي حمد وريم
تلقاها يوت حامدة الكريم
،،،
زمن الجدود ياحليلو كان
كان ديمة بتحس بالحنان
دعواتكن آآ ناس جت عشان
باكر يعود هذا الزمان !!
،،
ويااااارب يعود هذا الزمان
،، ويسعد كل ايامكم
،،
زمن الاكل في المشلعيب
زمن المروق للسمحة عيب
زمن القعاد تحت الدليب
زمن الرقاد في العنقريب !!
،،،
زمن البيوت جالوص وطين
بالحيطة بيمدو العجين !!
زمن الشياب متكومين
في الرادي عند حاج اللمين
،،،
زمن الجواب بجي بالبريد
زمن النفوس كاسيها ريد
زمن الجهال بقرو النشيد
زمن العرش كان الجريد !
،،،
زمن الرسائل بالجواب
زمن البيوت مافيها باب
زمن الدعاهم مستجاب
زمن الكرم ماقالو غاب
،،،
زمن اللعب سيجا وشليل
زمن البقع بيشيلو شيل
زمن البيرفعو للتقيل !!
زمن الكبير كان الدليل
،،،
زمن البلد مافيها غش
زمن العمر ماكان بمش
زمن المرق كان العرش
زمن الجنا البرعى وبهش
،،،
زمن الزرايب والغنم
زمن الرجال بفدوها دم
زمن الولد واقف صنم
زمن الشعر كان كلو نم
،،،
زمن البيوت مسقوفة قش
زمن الجنا الماقالو هش !!
زمن العدو البتحرقو تش
زمن البلوم ماعندو وش
،،،
زمن العرس بي فد هدم
زمن اللكان ناقص بتم
زمن السمح مابنكتم
زمن الدهب مختوم ختم
،،،
زمن البنات هاديات طباع
زمن العرض ماقالو ضاع
زمن السلام في كل قطاع
زمن الزواج بالمستطاع !!
،،،
زمن الحريم بالجد حريم
زمن الودك كان الكريم
زمن التحجي حمد وريم
تلقاها يوت حامدة الكريم
،،،
زمن الجدود ياحليلو كان
كان ديمة بتحس بالحنان
دعواتكن آآ ناس جت عشان
باكر يعود هذا الزمان !!
،،
ويااااارب يعود هذا الزمان
،، ويسعد كل ايامكم