تربية الخواجات

اختصاصي الطب النفسي تماضر محمد الحسن:

طوال تواجدي خارج السودان في الاتناشر سنة الاخيرة دي انا كنت براقب في الخواجات ديل ...شنو فعلا المخليهم احسن مننا ...
انا مؤمنة انهم فعلا احسن مننا من ناحية انجازات
اختراعات
اكتشافات
من ناحية فنون
من ناحية حكومات ودول مؤسسات
من ناحية سيستم ونظام وغيرو

والاهم من دا كلو من ناحية تصرفات
وسلوك وردة فعل ...

من ملاحظتي انو الناس ديل مختلفين تماما عن طريقتنا في عملية البناء النفسي للبني ادم...


نتكلم عن الطفل ابتداءا
الطفل هو صغير جدا بيحمل مسؤولية تليق بعمرو ومقدرتو الجسدية والعقلية في استيعاب ماحوله ...
يرقد.براه في سريره في وكت محدد ... بياكل اكل محدد في وكت بعينه ... وقبل اي شيء هو نفسه وجوده في الحياة كان نتاج عن رغبة ومحبة وابوين راغبين في وجوده ومستعدين لاستقباله ... بتلقي الاب والام متواجدين بذات القدر في حياة طفلهم ...
هم مصدر معلومة الطفل الوحيدة مافي ناس كتار مشاركين في العملية التربوية للطفل زي ناس جد حبوبة ابوهم ... وود خال عمة جيران اولاد خالتهم ... ناس الحلة والجيران والاصحاب وسيد الدكان وبتاع اللبن يعني مافي وجود للطريفي زول النصيحة المدسوس جوانا كشعوب دا ممايجعل تقصي المعلومة ساهل ومعرفة مواطن الخلل لاتحتاج كثير عناء وبخلي الطفل اكثر تركيزا .. والمعلومة الاخدها اكثر رسوخا .. وبيصنع جسور ثقة بينو وبين والديه

يكبر ويتحمل مسؤوليته شوية شوية ويعرف انو لو ارتكب خطا واترتب علي الخطا دا اي شيء ... بكون عارف تماما انو القصة الحاصلة دي حصلت ليهو من جراء اخطاءه العملها ولازم يعترف بيها عشان يقدر يعالجها ... الطفل هنا بفهم من بدري انو بني ادم ويمكنه الخطا وله مساحة لارتكاب ذلك بس المامسموح بيه هو الالتفاف لتغطية الخطا دا ...بالعربي الكذب دا هنا جريمة ... وبصروا علي تعليم الطفل ثقافة الاعتذار والاقرار بالخطا والاجتهاد في تصحيحه والتعلم منه الدنيا هنا كلها قايمة علي
Reflective practice

الحياة هنا ببساطة كلها مصممنها عشان يساعدو الام دي تهتم بالطفل دا ...
اخترعوا عربات دفع للاطفال
مواقف سيارات تخص السيارات التي تحمل الاطفال
مامحتاج تقيف في صف اذا معاك طفل
حددوا السرعة في شوارع بعينها عشان خاطر الاطفال الماشين مدارسهم
بدفعوا قروش للاسر للاهتمام باطفالها دفع فيهو نوع من السخاء والمحبة ...
العلاج مجانا للاطفال حتي عمر 18 سنة حتي لو كان ابوك بيكهام ...
اي لفة بتلقي تواليت تستعمله الام عشان تغير لطفلها وفي نفس الوكت تقعد ترضعه واجهزة تدفئة لزجاجات الحليب الاصطناعي ...
قنوات مخصصة للاطفال وبرامج تصمم عشانهم
عملوا نظام الخدمة الاجتماعية social service
عشان يحموا الاطفال حتي من اهلهم الممكن يكونوا ماسويين نفسيا ومنعا لاي اهمال وعدم اهتمام او تعريض حياة الاطفال للخطر
الطفل ايا كان اختلافه عن اقرانه من ناحية كفاءة جسدية او عقلية (انا لااستعمل كلمة اعاقة او تخلف لانهم قبيحات😥)
الطفل دا يشجع علي الوقوف والحديث
التعلم
ابراز مواهبه
قول رايه
تشجيعه علي التحدث عن شعورو واحساسو ...حزنو والمو والتجارب الممكن تربك نموه النفسي تحديدا وخصوصا التحرش الجنسي والاساءة النفسية والجسدية وتحطيم تقدير الذات لدي الاطفال
لاحظت في مدارس بناتي وانا اراقب هؤلاء القوم ...انو الست الناظرة سيدة حازمة ولازمة وشديدة من طريقة مشيها ونبرات صوتها ولما تقرب من طفل تحس انو الطفل نفسو يدوب فيها وعيونو مليانات حب 😍😍😍
مافي ضرب ... بس مجرد ذكر انك سوف تمثل امام مس ايفانس (المحبة والصعبة) يجعل الطفل يكف تماما عن اي سلوك سيء ... ولما تكون في حفلة في المدرسة البتعزف مس ايفانس دي زاتها وتغني مع الاطفال وفي حفلات نهاية السنة بترقص في النص
بس لكل مقام مقال وهم فاهمين كدة كويس
الاغاني كلها ليها علاقة بانهم امل الحياة وانهم احلي شيء وانهم جديرين بالاحتفاء وانهم محبوبين ... مافي جندر علي الاطلاق
بنات
اولاد
كلكم حلوين
ومميزين
ومهمين

وكما ذكرت سابقا مافي نتايج كلكم ناجحين وكلكم كويسين واذا في مشكلة ولي امرك هو الوحيد الحيعرف مشكلتك ...
ماعندك شغلة بباقي الاطفال التانيين طالما انت ماشي كويس يعني مابكونوا حريصين يعرفوا نتايج غيرهم كل زول بكون مركز مع روحه ... وبكونوا مجتهدين انهم يكونوا الاحسن علي مستواهم الشخصي . لو في مسابقة مثلا الادهشني تقبلهم للهزيمة واحتفالهم مع الشخص الفايز والصفقة ليه والفرحة (الصادقة) معاه
ال bullying ومناداة الطفل باسم مابحبه او وصفه بصفة او تذكيره باختلافه عن غيرو من الاطفال غير مقبول تماما وعقوبته كبيرة جدا لمعرفتهم الجيدة والصحيحة لمالات الحاجات دي في المستقبل
بترك له الحق في اختيار حياته وتصريف اموره في الحد المعقول واختيار مايود امتهانه في المستقبل.

هم بيصنعوا الانسان صناعة وبجهزوه من بدري ...

نحنا نفعل عكس ذل

ك تماما للاسف
الطفل من هو في اللفة طوالي شايلنو وبنوم في حضن امو كل الوكت وتصحي هي منهكة وفاقدة الرغبة من التعب في اي شيء ...
يكبر شوية اول مايبدا يمشي.. يقع في الواطة طوالي (يبكي) ويحلف مايسكت ...طوالي نقول ليهو قول (تف) وندق ليهو الواطة الكعبة الرمتو دي ويكبر الطفل دا ويكون الشخص البفتش عن حاجة يقول ليها (تف) عشان يعملها شماعة خطا واضح انو مرتكبه ...ويبقي مابتحمل مسؤولية شيء ومابيعترف بغلطه ومن ثم لا وجود لثقافة الاعتذار
يكبر شوية والعملية التربوية يقوم بيها عدد مهول من الناس كل زول علي كيفه وعلي حسب تصورو للصاح والخطا... مابكون قادر يعرف من اين يستقي معلوماته ويفقد البوصلة وسط زحمة المتناقضات والتضاد

يتعلم الكلام ويجيك زول برة وانت ماعايز تلاقيه تقول ليهو امشي قول ليهو مافي ... تكون حطمت اكبر قيمة عند الانسان وهي الصدق والحقيقة المجردة

نعلموا انو قصاد اي حاجة لازم تكون في حاجة يعني يمشي الدكان عشان يشتري حاجة انتوا عايزينها الا تشتري ليهو شيء ..

ممكن عادي تلقي طفل جاري حفيان ونخرينو سايلات والام تكون حايمة وهي علي سنجة عشرة ماهو طفل ماعارف شيء ... بعضهم يذهب للمدارس متسخ وممزق الثياب اشعث اغبر لانو طفل مامفروض يهتم لحاجات زي دي ... علي فكرة هو بكون منتبه والحاجة دي بتتحفر زي الوشم جواه

في المناسبات بياكلوا الرجال
وبعدهم النسوان
واخر شيء الاطفال (دا الانا لاسي ماقادرة افهمه)
ممكن عادي زول كبير يقوم طفل صغير من كرسي عشان يقعد هو 😣
غير مسموح ليهم بالتحدث ولا ابداء الراي ولا حتي الكلام (شافع نضام كلامو كتير ودا زول كلامو كلام شفع) عشان كدة بكبر الواحد مابقدر يقول للغلطان انت غلطان لو هو اكبر منو سنا ... او يفوقه خبرة او مكانة
وتبدا بعداك قصة...
دا ولد
ودي بت
والتمييز بينهم والمفاضلة ...
اختك تخدمك
اختك انت مسؤول منها توجهها وتوريها وتعقلها وممكن تضربها حتي لو انت اصغر منها بسنوات
لانك انت بتفهم احسن وبتتصرف بصورة افضل

النبذ والاساءة
شيء حيوانات
وشيء نبذ من نوعية
انت شن فايدتك
وانت شن طعمك
انت قايل روحك بتبقي زول
انت اخبر عدمك

حزام البنطلون ... البسطونة ...سوط العنج .... المفراكة ... السفنجة ...سير الوصلة
كل احباطنا وزهجنا وتعبنا بنطلعه فيهم

ونجي للمدارس وماسيها
الضرب
التخويف
المراسيل
استغلال المعلمين للطلاب والاساءة ليهم
الطيش والاول مشكلتنا الازلية .
صعوبات التعلم المافي زول عارف عنها شيء .
بس تجي الاول (رجالة كدة )
المقارنة مع الاخرين
الاهتمام بانجازات الاخر وتتبع نتايجه
ود فلان عمل انت عملت شنو
كمية الحقد والحسد والحزن والزعل الممكن تملا القلب الصغير دا ، وتمني السوء للاخر لتطمين الذات وتكميد الالم، ودا يصاحبه وهو كبير ،كيف ممكن يغتال شخصية غيره ..لا لشيء ... بس لانه ناجح وماشي كويس

الاطفال المختلفين وتسميتهم باسماء عجيبة ومعايرتهم
وتمييزهم في اسرهم ومجتمعاتهم ومدارسهم ودفعهم لمزيد من التخبط والالم
حصر اهتمامات الاطفال وهواياتهم ونظرتهم للمستقبل وفقا لاماني الاهل الممكن تكون بس عبارة عن اماني عجزوا هم عن تحقيقها تعملها انت (كسر رقبة) سواء كنت انت مهيء لكدة او لا ، من غير ان يفكر هؤلاء الاباء والامهات انهم شخصيا فشلوا وعجزوا عن فعل ذلك .......
انت راجل ماتبكي
فتتحجر الدموع عندك ويصبح قلبك صلدا يبكي داخله ... ماتبقي حنين وتقول كلام حلو لانو دا يوصمك بالخيابة وعدم الفايدة ...

لانعلم اطفالنا لغة التخاطب واستعمال الكلمات مثل من فضلك ولو سمحت وشكرا ... لا علاقة لنا بالابتسام فينشيء الصغير بانو (عينو حمرا وشرارة) دي قمة الرجولة ...

دا غيض من فيض
ياما في الجراب ياحاوي
لو نحنا ما واجهنا الكلام دا وغيرناه حنقعد والناس حتكون ماشة ولانملك الا الدعاء عليهم وانو نحنا مستهدفين .. ونظريات المؤامرة الكلها تصب في خانة قول تف ادق ليك الواطة 😣😣 ..
مشكلتنا ليست حكومات... الحكومات دي مانحنا زاتنا
من الغباء اننا نتوقع اختلاف النتايج وتحقيق النجاح ونحن نستعمل ذات الوسيلة كل مرة
نحنا في رايي محتاجين في الاول لبناء وترميم الذات

تماضر الحسن

🌹🌹

قال شاعر البطانة في مدح وشكر الأصحاب:-
====================

سماحة الدنيا مي زوجة وسكن مفروش
سماحا اخوان اكارم فيك يصادمو جيوش
القايل السعادة جمال بيوت وقروش
ما بضوق ليهو راحة بال قدر ما يحوش....
----------**********----------
مهما الليل يطول لابد يعقبو صباح
ومهما تضيق وتتقفل تجد مفتاح
حكم عقلك ان داير تعيش مرتاح
اقيف من زاوية واتخيير رفاقتك صاح....
----------**********----------
خاوي الفوقو نمات الشكر مي كافية
خاوي الطينتو لي طينة البرية منافية
خاوي الشيمو ما بتنعد كتيرة وضافية
خاوي النفسو من مرض الحسد متعافية....
----------**********----------
اسعي الواعي لا تسعي البكتتر جدلو
اسعي الفوقو تيبان الوقار انسدلو
صاحباً ستفك فرحة ومزاجك عدلو
ضو ما بحوجك في يوم تفتش بدلو....
----------**********----------
اسعي الجاسر اسعي المابخون اصحابو
اسعاهو الكريم اصلو ونضيف تيرابو
فارساً جودو زي مطر الخريف وسحابو
كاسر حيطتو للجيران وقالع بابو....
----------**********----------
صاحباً ديمة بفخر بيك ويعلي مقامك
ينوب عن شخصك ان غبتا ويقوم بمهامك
محل ما صابتك محنة وقسن ايامك
بدون تندهلو بتجسر ويقيف قدامك....
----------**********----------
البي طبعو سمح اخلاق وشر ما بكنو
ان ذكروهو في مجلس جرارقو بصنو
قول ليهو سو بسو ما بسألك كيفنو
صنديدا" محل ما تختو وااااثق منو....
============
منقول

قروب الحب ❤️ الحلال
لتيسير وتسهيل الزواج لراغبي العفاف والسترة

للانضمام الينا 👇
https://tttttt.me/joinchat/AAAAAFMfxAedEehSMsgjHA

😱😱نت مجاني في اريبا😱😱

منقووووووووول
*فتحية فيمينست*

بعد ان اكملت فتحيه بت عوض الجيد دراستها الجامعيه بدأت تظهر عليها اعراض الفيمينست (Feminism) تدريجيا و عندما بدأت تتحدث مع نساء القرية في ولايتهم النائية عن ان المراة اقوي بدون رجل و ان نقطة ضعف المرأة هي الرجل و ان الرجل يحاول السيطرة علي الانثي لانه ناقص و لا يحس بأنه كامل الا عبر السيطرة اما المرأة فلا تحاول السيطرة على الرجل لانها كاملة بدونه.

حينها احس عمك عوض الجيد بالخطر و بعد شورة قصيرة مع ام فتحيه و طبعا شكل الشورة كالآتي يا حاجه السرة بتك دي بتجيبلنا الكلام و الخميس الجاي بدخله علي ود اخوي جبارة.

الحاجه البت بتك و الرأي رأيك
و يدخلها علي جبارة تعني يزوجها.

المهم بعد كم عكاز و حليفة طلاق و حرم الليله اضبحك ضبحة بهيمة وافقت فتحيه علي الزواج الاجباري.

*نجي نشوف العريس:*

جبارة و د عمك جادين زول ساكت ساي لا بهش لا بنش حدو في العلم ثالثه ثانوي حتي انه لم ينال شرف ان يمتحن شهادة لانو السنه الممتحن فيها الخريف كان سمح ففضل الزراعه علي الامتحان.

بين ليلة و ضحاها ارتحل الزوجين الي الخرطوم لانو البت فتحية اتوظفت في منظمة ذات علاقه بحقوق المرأة و لم تجد مفر من انها اذا ارادت مواصلة العمل يجب ان تصطحب بعلها معاها.

جبارة و لأنه شبه امي عمل ليهو قفص جداد في البيت منو يتسلي و منو يكسب قرشين.

نسيت ان اقول لكم انو فتحية فيمينست طبعا كانت منجضه جبارة نجاض لعلها تظفر بالطلاق منه حتي انها اجبرته علي القيام الأعمال المنزلية و التي تعد في عرف قبيلتهم رجس من عمل النساء.

لكن في يوم من الايام طفح الكيل بجبارة.

و السبب هو الديك الادرع و الادرع هو احد الالوان الذي يميل للاغبش الذي هو ايضا من الالوان وهو احد درجات الرمادي
الديك الادرع كان عدائي جدا و يتقاتل مع بقية الديوك باستمرار و لكنه من سلالة جيدة
ووفقا لخبرة جبارة قام بفصل الديك عن المجموعة في قفص منفصل و وضع معه 4 دجاجات حفاظا علي السلاله

كانت فتحية تجد في قتال الديوك مع بعضها البعض تسلية عظيمه و تعتبره تعبير عن العنف و الهمجية الذكورية.

و عندما وجدت ان الديك المقاتل تم فصله رفقة اربعه دجاجات
خلت الما يشتري بتفرج في جبارة و سمعته موشحات الفيمينست بالالحان.
*"دا اخر ما اتوصلته ليهو يا رجعي يا متخلف"*

عايز تؤكد لي انك من دعاة الهيمنة الذكورية و التصنيف وفق النوع.

و ليه 4 جدادات⁉🤔

دا الهووس الذكوري المستمد من اية قرانيه مافي امام بصلي بيها لانو ما بقدر يكمله.

لانو التعدد مشروط بالعدل

و هنا طفح الكيل بجبارة فما كان منه الا ان ذهب الغرفه و ارتدي جلابيته و خرج.

و بعد 45 دقيقه بالضبط عاد جبارة وهو يحمل سوط عنج اصلي ممسح بمادة سوداء ما زالت تقطر منه.

و عينك ما تشوف الا النور
و مع كل سوط ينزل علي ظهر فتحية كان جبارة يقول لها انتي شن بتعرفي للهيمنة الذكوريه
ياها دي الهيمنة الذكورية البعرفها انا
الان فتحية حامل بتؤام في شهرها الثامن علما بان جبارة لم يدخل بها الا بعد معركة الهيمنه الذكوريه اعلاه.

لكن المهم في الموضوع انو *فتحية فيمينست* في اول زيارة لها للوضوع في البلد اصبحت تحدث نساء القرية عن انو الوظيفه تطير هي المرأة بلا راجل شن طعمه.

*ملحوظه:*

الفيمنيست حركة نسوية عالمية .
ﻳﻌﺮِّﻓُﻬﺎ ﻣﻌﺠﻢ ﺃﻭﻛﺴﻔﻮﺭﺩ ﺑﺄﻧﻬﺎ : *ﺍﻻﻋﺘﺮﺍﻑ ﺑﺄﻥ ﻟﻠﻤﺮﺃﺓ ﺣﻘﻮﻗًﺎ ﻭﻓُﺮَﺻًﺎ ﻣﺴﺎﻭﻳﺔ ﻟﻠﺮﺟﻞ، ﻭﺫﻟﻚ ﻓﻲ ﻣﺨﺘﻠﻒ ﻣﺴﺘﻮﻳﺎﺕ ﺍﻟﺤﻴﺎﺓ ﺍﻟﻌﻠﻤﻴﺔ ﻭﺍﻟﻌﻤﻠﻴﺔ*

✍

اريدُها ذات نِقاب لم ترتديهُ إلا طاعةً لله عزوجل وطاعةً لرسوله.

لم ترّتديهِ خجلًا من الناس!
ولا لكي تغطي قُبحاً !
ولا لتخّفي جمالاً ...
لقراءة المذيد..

‏⁧ التلفون المستنياهو .... مااااا حايضرب ليك
#وعلي_فكرة
رقمك إتشاف ..و رسايلك كمان إتقرت
بِشوفها من برّة عشان مايظهروا الخطين الكُحليات ..
وماحايحصل شي بالمناسبة
عشان ماتنتظري ساي !
والشخص دا .. لا مشغول ولاحاجة
وكل أعذارو السخيفة غير حقيقية
وإنتي حاسة بي كدا
بس بتكذبي على روحك .. بتطنشي ‏الحقيقة الواصلة ليها بي قلبك
⁧ #وعبطاً ⁩
اها.. أصدمك !!
الشخص دا فاضي
وبتكلم مع غيرك
أسمعي كلامي ⁧ #المُرْ ⁩ دا ونومي 😴

نوووومي وأشبعي نوم
وأصحي شخص تاني مُحترم نفسو ‏وعازِّيها ومقيِّمها..
عشان الناس تقيِّمك
محترم أمو وأبوهو وعيلتو
عشان عارف قيمتهم كويس
ومابرضى ليهم الإهانة ..
‏ومافي حاجه إسمها فرصة وبتضيع !!
خليها التضيع .. لأنو الفاتك مااااا بتاعك😎✋ .

أناعارف الفترة دي بتكون صعبة جداً ‏عليك
وبتكون من أزهي فترات الدّمار النفسي الداخلي والعقلي والصِّحي والدراسى والوظيفي ..
و البوجع أكتر إنو مافي زول حاسي..

النوعية دي من البشر مااااا بنفع معاهم التعامل‏ الذوق أبداً..
هم دايماً آسفين
وإنتوا دايماً ولايهمكم..!!!
⁧ #بلا_لمة ⁩✋..!!

⁧ #كسرة ⁩

فتِّشوا حواليكم برّاحة
ح اتلقوا البحبُّوكم بالجد

فـ العمر يمضي... ومامضى لن يعود

وقد تظُن أنك منسيِ
‏بينماّ أنت كُل الأشياء الرائعة والحكاوي الجميلة في قلب شخصٍ لايُريدك أن تعلم عن شعوره شيئاً💙

⁧ #تخريمة ⁩

لاتعاتب أحداً..
إفعل كما يفعلون
وخليك‏ واثق إنو البحبّك
ح يشرب مُرَّك وهو مبسوط

👌😌🎼🌸💙

#منقووووووووووووووووووووووووووول
بس يستاهل مليون لايك 😍😍😍😍

ماذا فعل الفيسبوك بالمراة ؟؟؟
صنع لها عالم وهمي،فسمت نفسها الملكة،الاميرة، السلطانة،والجميلة وفاتنة بحجابي واخلاقي ومن الصعب أن تصل لي... ذالك غر بها و اعطاها الكثير من الاصدقاء المزيفين ،المعجبين والمحبين والعشاق فصار لها الكثير من الخيارات...لكن للاسف كلها خيارات وهمية...وربما تركت خيارا واقعيا حقيقيا لتتمسك بالوهمية ...فصارت مثل مدمن الخمر الذي كلما صحى من سكره زاد إحباطه وكرهه لنفسه...لانها للاسف تهرب من الواقع الحقيقي إلى الوهم،فضاع واقعها في وهمها الذي كان يعطيها ذلك الغرور الزائد..الذي هو في الحقيقة من صنع اشخاص لا يرونها سوى جسد عاري ويشجعونها على ذلك،في حين من ينصحها تشتمه وتنعته بالحاسد!
وفي الاخير تجد نفسها فارغة من داخلها..لا شخصية ،لا مبادئ،ولا قيم،حتى اولائك المعجبون غادرو بعد ان انتهت رغبتهم،ليتركو لها واقعا محطما...

من أيّ طِينة أنتم أيها السودانيون !!
أول أمس ذهبت زيارة مع أسرتي إلى والدتي وشقيقتي الصُغرى بضاحية "أبو آدم " بالخرطوم سهرنا معهم حتى ساعة متأخرة من الليل، عندما نزلنا رفض مفتاح السيارة التشغيل كأنه لايعرفها، حاولت وحاولت وكررت المحاولة لعدة مرات بلاجدوى ، بعدها توكلت على الله وتركتها أمام دارهم، و طلبنا "ترحال" وعدنا إلى منزلنا.
في الصباح فكرت في الحل، فأرشدني تفكيري إلى القروب الرائع أهل الفزعة والحارة "احترس امامك كشه" نشرت فيه أسألهم عن حل المشكلة، معظمهم أشاروا لي أن أطبع نسخة من المفتاح، إلا واحدا منهم كانت إجابته إجابة خبير، وضع إصبعه على المشكلة وعلاجها ببراعة متناهية، قائلاً واضح أن المفتاح قد تآكلت منه بعض السِنن والنسخ سيؤدي إلى ذات النسخة المتعطلة الأفضل صناعة مفتاح وليس نسخه، دخلت عليه في الخاص فوجدته خبير في هذه الصنعة مُنذ نعومة أظفاره إلا أنه إعتزلها منذ سنوات ليمارس نشاط آخر، شرحت له الوضع فؤجئت بإستعداده للحضور لي لمعالجة الأمر مؤقتاً لأتحرك بها لحين صناعة مفتاح جديد، بعد مغرب أمس الأربعاء وجدت أمام منزلنا يقف شاب مُبتسم الوجه وَضِيء الطلعة تطالع طيبة قلبه وحُسن خُلقه على محياه، رغم رهق العمل و تعبه طوال النهار لم يمنعه ذلك من تقديم خدمة لشخص لايعرفه من قريب أو بعيد، ولم يلتقيه من قبل، ذهبنا سوياً الى "ابو آدم" ، هناك تقدم بخطوات واثقة وأدار محرك السيارة في كسر من الدقيقة، بعدها عرّفني كيف أتغلب على هذا العطب مؤقتاً وقد أرشدني لمحل ذهبت له اليوم وحلّ لي المشكلة بتصنيع مفتاح جديد بشريحته الداخلية.
المُدهش عندما هم بوداعي، شكرته و أردت أن أعطيه أجرته أقسم بالله أن لايأخذها، يا إلهي .. شخص لايعرفك ولاتعرفه يقطع المسافات من الديوم الشرقية مكان سكنه إلى منزلنا ثم إلى أبو آدم رغم رهق العمل وتعب اليوم ثم يعدها مروءة وخدمة لله !
قُلت له إعتبرها هدية وقود للسيارة قال لي هديتي سأجدها عند الله وهل إنعدمت المروءة يارجل ، حقيقة ألجمني بهذه العبارة كما أدهشني بالقلب الكبير الذي يحمله .
ذهب "عصمت" وجعلني أتساءل من أي طينة نحن السودانيون، الذين نحمل جينات متفردة من المروءة والنخوة والشهامة.
العجيب بعد أن فارقني إتصل بي بعد ساعة قائلا: والله ياعيسابي في طريق عودتي منك وجدت شابين حائرين جوار سيارة آكسنت مضلع معطلة في الطريق، أوقفت سيارتي وذهبت نحوهما والله إنني وجدت عطلهم ذات عطلك مشكلة في المفتاح عالجته لهما وسط دهشتهما، وحكيت لهما سبب مشواري هذا ومروري بهذا الطريق لأصادفهم !!
قُلت له أنت مُرسل إلينا بقدر قدره الله وليست مصادفة [ وَلَوْ تَوَاعَدتُّمْ لَاخْتَلَفْتُمْ فِي الْمِيعَادِ ۙ وَلَٰكِن لِّيَقْضِيَ اللَّهُ أَمْرًا كَانَ مَفْعُولًا ]
جزاك الله خيراً وفيراً وأغدق عليك بالنعم ماظهر منها ومابطن أخي "عصمت صالح" ويكفي أن تكون مُلهماً ومحفزاً بصنيعك هذا، وعنواناً يعنون ويرمز للمروءة لهذا الشعب الكريم .
ابومهند العيسابي
🌺 الصورة من بروفايله بفيسبوك

كمية العيانين اللي بييجو كل يوم المستشفيات يكشفوا عادي وفجأة يتصدمو انو عندهم "فشل كلوي" .... بقت مهزلة!!

كل يوم ف حدود 10 او 15 حالة في مستشفي واحد بيتفاجئوا انهم مرضي فشل كلوي و محتاجين غسيل كلي!!

شباب و بنات و نسوان صغار في السن ما بيعانو من أي حاجة و زي الفل و فجأة يتعبو..يجو يكشفوا يتفاجئو ان عندهم فشل كلوي
و السبب اللعين ورا الحالة دي...."المسكنات"

في نوع من المسكنات اسمه "NSAIDs" كتره و استخدامه بيسبب فشل كلوي
و للأسف النوع دا هو ال منتشر اصلا بين الناس ..

النوع دا موجود في
"البروفين - كاتافلام - كيتولاك - ڤولتارين-..."

لما واحدة يجيها حبة صداع تمشي تبلع بروفين..
لما واحد اسنانو توجعه شوية يمشي يبلع كاتافلام..
لما واحد يجيه صداع يمشي الصيدلية يديها حقنة الڤولتارين السحرية...و كل ماتتعب شوية تمشي تاخد نفس الحقنة

كلها حالات مشهورة و بتتكرر ...و ادوية الجيران بيوصفوها لبعض
من غير رجوع لدكتور او حد يشوف الحالة محتاجة و ينفعها الدوا دا اصلا ولا لأ
و للأسف بيرتاحو فعلا بس اخرتها "كارثة"

**

عشان خاطر صحتكم وحياتكم...بلاش مسكنات
بلاش تفرحو بحبه بتضيع الوجع لكن هو اصلا بدمر جسمك
بلاش مسكنات ع الفاضي و المليان...
بلاش مسكنات من غير ماترجع لدكتور...

و لو مصمم تاخد مسكنات..حاول تعمل سيرش عن اسم الدوا و لو لقيتو NSAIDs بلاش منو...

منقول للفائدة

منقوووول
.
عندي صحبتي جابت لي. عريس. هو صاحب راجلها
قالت لي اديتو رقمك اتكلمي معاهو واتعرفي بيهو
اتكلمت معاهو في نص الونسة قال شعرك طويل 😨
قلت يعني يعتبر طويل
قال لي بتلفي كم لفة !!😕
قلت لي علي حسب المزاج
لو كلو مع بعض بختلف من تقسيمات لف الليل
ولو الكعكة مرخية. بختلف
من الكعكة مشدودة 😏
ولو قسمتو الكعكات القدام من الوراء بختلفو في اللف برضو 😏
وقلت لي تلفوني ح يقفل كهربا وقفلت منو
هو انتو الرجال ديل اتخلفو ولا شنو
كم لفة دي يعني ح يسرح بي خيالو ويتخيل لو عدد اللفات كتيرة معناها طويل لو عدد اللفات شوية معناها قصير
طيب يمكن مابعرف الف زاتي
اجي
انا بايرة وقررت اقعد بايرة زاتو
من رجال الزمن ديل البقو عاهات ديل
#تعديل
الله يغيظو المعولق
خلاني زي الهبلة
من قبيل افك في شعري والفو
واحسب عدد اللفات
عشان تاني كان جاني عريس وسالني نفس السؤال المباغت اعرف ارد
وتاني من الليلة ولي قدام اي واحدة تعرف عدد لفات شعرها ماتحومو ساي
الواحدة شعرها ماتعرف عدد لفاتو
شينة في حقكم
احياااا يامصراني. ومرارتي الغاليات
الله يحفظكم

الشفقة تطير(1)

قصة حقيقية

محمد إتخرج من الجامعة ليهو سنة وشوية، لكن من ما إشتغل يا دوب ليهو تلاته شهور .اها في الشغل إتعرف على نهى وعجبتو وقال خلاص دي الزولة المناسبة لي ولما إتكلم معاها إكتشف إنها هي ذاتا معجبة بيهو وفي ظرف شهر كانو إتفقوا على حاجات كتيرة وخططوا للارتباط. لكن محمد بحكم ظروفو خاصة إنو يا دوب إشتغل قال لي نهى نحن لازم ننتظر سنة عشان نعمل خطوة في حياتنا، لأنو انتي براك شايفه الوضع وعاوز لي فترة عشان أخت القرش في القرش وأحسن وضعي حتى أجي اتقدم لي أهلك. نهي قالت ليه ما عندك أيي مشكلة وأنا بقيف معاك. ومع إنو نهى أكبر شوية من محمد، لكن محمد ما كان شغال بالموضوع ده كتير خاصة إنها رضت بيهو رغم ظروفو ،ده غير إنو طلباتا ما كتيره.
بعد شهر ونص من علاقة محمد بي نهى كان داخل عيد الضحية ،اها محمد قال لي نهي انا حاجيب عثمان ونجي نعيد على ناس بيتكم تاني يوم في العيد ،منها عيد ومنها أتعرف على أهلك(عثمان ده صاحب محمد وشغال معاهو في نفس الشركة) وطبعا حنجي باعتبارنا زملائك في الشغل وجايين نعيد. نهي قالت ليهو تشرفوا وتآنسوا.
اها تاني يوم في العيد محمد ساق عثمان ومشوا بيت ناس نهى.
اول ما جوا داخلين لقوا ليك الجوطة، وناس داخلين وناس مارقين وشفع ونسوان، ورجال بي جلاليب وعمم. محمد إستغرب وقال في سرو :يا ربي الناس دي كلها جايه تعيد على ناس نهى .والله حكاية غريبه .عثمان قبل على محمد وقال ليهو: الناس ديل شكلهم عندهم مناسبة .محمد رد وقال لي صاحبو شكلهم كده.
وقبل ما يتم كلامو إتلقاهم راجل كبير ومعاهو تلاته أولاد شباب محمد طوالي عرف إنو ديل أخوان نهى وأبوها من الشبه .وطوالي دخلوهم الديوان وعرفوا نفسهم لي محمد .محمد داير يعرف نفسو اول ما قال الإسم طوالي الأبو قاطعو وقال ليهو نهى كلمتنا عنك وعرفناك قبل ما نشوفك. وإنت باين عليك ود ناس وود إصول ونحن موافقين. محمد إتخلع وسكت مسافة حتى رد عليهو. وردو ذاتو كان بي سؤال: على شنو يا عمي؟
والله يا ولدي انا نهى بتي كلمتني بي كل حاجة وورتني إنكم متفقين على العرس .
محمد من الخلعة ما عرف يرد بس بعاين لي عثمان وعثمان بعاين ليهو.
قام واحد من الأخوان قال ليهو: ومادام نهى دايراك وإنت دايرا انا شايف الناس تعقد طوالي.
فاطمة عبدالله

الشفقة تطير(2)

أبو نهي رد على ولدو وقال ليهو جبت المفيد يا مجدي. مادام الإتفاق حاصل خير البر عاجلو.
محمد الكلام غلبو من شدة المفاجأة وبقى يتمتم وبعد صعوبة قدر يمرق ليهو جملة مفيدة
محمد: أنا ما مستعد لي عقد ولا جاهز لي برنامج ذي ده.
وتاني حاجة اعقد كيف وانا أهلي ما معاي وأمي وأبوي ما عندهم أيي خلفية عن الموضوع؟
أبو نهي: نحن ما طالبين منك أيي حاجة .نحن بنشتري راجل.
وكان لي أهلك اكيد حيفرحوا ليك مادام عقد في الحلال.
عثمان: والله يا جماعة الزول ده أبوهو صعب وحتختوهو في موقف ...
أبو نهى قاطع عثمان وقال ليهو إنت يا ولدي خليك محضر خير.
محمد: خلاص يا عمي انا أوعدك إني أكلم أمي وأبوي وأخواني وعمي وخيلاني ونجيكم الإسبوع الجاي ناس عقد بي مأذونا.
هنا واحد من الأخوان رد وقال ليهو المأذون قاعد. وطوالي طلع لي بره دقيقتين وجا داخل معاهو المأذون.
محمد قدر ما حاول يزوغ من العقد ده ما قدر .وفي ظرف دقايق لقى نفسو عاقد ومسئول من مره.
محمد طلع من بيت ناس نهي ومعاهو عثمان. والطريق كلو مافي واحد إتكلم مع التاني. محمد كان بفكر في المصيبة الوقعت فوق راسو. وحيكلم امو وابوهو كيف؟ ورد فعل ابوهو حيكون شنو؟ وابوهو معروف زول صعب.
محمد قال لي عثمان تمشي معاي عشان انا ما حاقدر اواجه الحاج براي.
محمد وعثمان دخلوا البيت يقدموا رجل ويأخروا رجل.
عثمان هو الفتح الموضوع مع حاج علي وحكى ليهو بالحصل كلو وكيف الجماعة ديل دبسوهو في العقد.
حاج علي عاين لي ولدو مسااااافة وولدو مدنقر في الواطة ..
حاج على ما أدى أيي أقوال .كل القالو لي محمد :أمشي كلم امك الراجياك .
محمد أول ما كلم أمو فتحتو بيت بكى وشالت الليل ده كلو تبكي وزعلانه على عقد ولدا الما حضروها ليه .
عمنا حاج علي عندو في بيتو اوضة طرفانية كده عاملنها مخزن بي ليلو داك قال لي اولادو مرقو عفش المخزن، وقال للبنات نضفوهو وخلوهو فااااضي.
الصباح دغش حاج علي ساق البوكسي بتاعو ومشى السوق إشتري ليهو مواد تموينية كاااملة ملى بيها البوكسي ومشى على بيت ناس نهى. دق الباب فتحت ليهو أم نهى . قال ليها انا ابو العريس العقدتو ليهو امبارح .يلا أدونا مرتنا .والفي البوكسي دي خسارتكم كان خسرتوا حاجة.
هنا الأم جقلبت وجوا الأخوات مع جوطة الأم والعمات ساكنين معاهم جوا طالعين .والأبو صحى بي جوطة النسوان جاء طالع سلم على حاج على وفهم منو الحاصل وقال ليهو يا أبو النسب العروس دي لسه وراها تجهيزات و جيهة ما ممكن تمشي كده.
طوالي حاج علي مرق ليهو مسدس من جيبو وقال لي أبو نهى إنتوا كان بتعرفوا النسب ما بتعقدوا لي راجل من غير أهلو . وعلي بالحرام ما تمرقوا لي المره افرغ فيكم المسدس ده. طوالي ام نهى وعماتا لفوها بي توب هزاز ومرقوها . حاج علي ساق العروس وداها لي راجلا آخر غبشه وبشتنه. وأول ما وصل البيت نادي محمد ولدو وقال ليهو دي مرتك جبتها ليك .وده بيت أبوك ما بحميك ليه. والأوضة جهزناها ليك يا عريس .سوق مرتك وأمشي .

تمت

فاطمة عبدالله

الرجل السوداني
يخلي المحجبه ويخطب الما محجبه ويشترط عليها تتحجب...
ويخلي القاعده في البيت ويتزوج الموظفه ويجبرها تخلي الشغل...
ويخلي الما بتقرا ويتزوج ال بتقرا ويحميها القرايه...
ويخلي ست البيت البجد ويتزوج الرقيقه الدلوعه ويطلب منها تبقى فالحه من اول يوم...
ويخلي حبيبتو ويعرس غيرها والبعرسا مابحبها...
ويخلي الضعيفه يعرس السمينه ويقول ليها اضعفي

يكون مالو ياربي ؟؟

😂😂😂😂

ﻭﻟﻘﻴﺘﻮ ﻣﻌﺎﺁﻱ ،، ﺯﻱ ﺿﻞ ﺁﻟﺒﻴﺖ ،، ﺯﻱ ﻟﻤﺔ ﻗﻬﻮﺓ ﻭﻛﻠﻤﺔ ﺭﻳﺪ ،، ﺯﻱ ﺣﺂﺟﺔ ﺣﻨﻴﻴﻨﺔ ﻭﻣﺂ ﺑﺘﺘﻘﺎﻝ ،، ! ﺑﺘﺤﺴﺎﺍ ﺩﻭﺍﺍﻡ ﻋﻨﺪ ﺳﺖ ﺍﻟﺒﻴﺖ .،، ♡ ﺯﻱ ﺩﻋﻮﺓ ﻓﺎﻝ ﻟﻌﺮﻭﺳﺔ ﺟﺪﻳﺪ ﻳﻤﻼﻙ ﺑﺎﻟﻤﺎﻝ ﺗﺪﻳﻬﻮ ﻭﻟﻴﺪ ،، ﺯﻱ ﺩﻣﻌﺔ ﺷﻮﻕ ﻣﻦ ﺯﻭﻝ ﻣﺸﺘﺎﺁﻕ ﺍﻟﻐﺮﺑﺔ ﺑﺘﻘﺴﻰ ﻋﻠﻴﻮ ﻭﺗﺰﻳﺪ ،، ﺁﻭ ﻓﺮﺣﺔ ﺷﺎﻓﻊ ﺑﺎﻟﻠﺒﺴﺎﺕ ﺿﺎﻣﻴﻬﺎ ﻋﻠﻴﻮ ﺷﺎﻥ ﺑﺎﻛﺮ ﻋﻴﺪ ،، ﻳﺎﺥ ﺣﺎﺟﺔ ﻭﺑﺲ ،، ﺣﺎﺳﺎﻫﺎ ﺷﺪﻳﻴﻴﺪ ،، ﺣﺎﺳﺎﻫﺎ ﺑﺘﻠﻤﺲ ﻓﻲ ﺍﻻﺣﺴﺎﺱ ﺑﺘﺴﻮﻕ ﺧﻄﻮﺍﺍﺗﻲ ﻭﺗﻤﺸﻲ ﺑﻌﻴﻴﻴﺪ ،، ﻭﻟﻘﻴﺘﻮ ﻣﻌﺎﺁﻱ ،، ﻭﻳﺎ ﺑﺨﺘﻲ ﻟﻘﻴﺖ ،،..❤

عزيزي عندما تتزوج موظفة عليك أن تتنازل عن 80٪ من حقوقك كزوج وعليك أيضا أن تتنازل قليلا عن رجولتك وسأشرح لك الأمر ..
زوجتك تقضي في العمل حوالي 8 أو 7 ساعات يوميا يعني أكثر مما تقضيه في بيتها لرعايتك ورعاية أبناءك و القيام بشؤون البيت ..
زوجتك تخاف من رئيسها في العمل ربما أكثر منك .. لانه يلزمها بالحضور و التقيد بالوقت ولا يمكن لها أن تخالف تعليماته ..
ستحس أنه يشاركك في كل شيء فيها .. و تحس أنك لست أنت الرجل في هذه المعادلة .. فهو الذي يعطي المال .. و هو بالتالي الذي يعطي الأوامر، وهو بالتالي محور حياتها واهتمامها ..
التحرشات التي تتعرض لها في الشارع بمفردها وفي محلات التسوق إذا كانت تعتاذها يوميا سيولد لها نوع من الإحراج إن كانت إمرأة عفيفة ...
تتصل عليها أنت فترد وأحيانا لا ترد .. و يتصل عليها رئيسها في العمل فتسارع إلى الهاتف مرعوبة .. و تحسنّ نغمة صوتها ثم لا يسمع منها إلا نعم نعم .. طيب طيب .. أما أنت فنغمة صوتها معك مختلفة ..و طبعا لا يمكن أن تطلب شيئا دون تسمع التعليقات و الاعتراضات و التأففات ..
زوجتك في العمل و لو كانت شريفة عفيفة فانها لن تستطيع دفع بعض التحرشات التي تتعرض لها فهذا يلقي كلمة وهذا يهمس همسة أما النظر فحدث ولا حرج ...
ستلاحظ أن زوجتك اكتسبت نوعا من الرجولة بحكم عملها خارج بيتها و حلم انك ارتبطت بأنثى رقيقة سيصبح كابوسا عندما تصطدم بما تعيشه في الواقع ..
عزيزي القارئ (ة) لا تظن أنني من عصر الجاهلية أو أني عنصري فأنثى هي أمي وأختي ولكن مكانها في بيتها كإمرأة فهذه حياة رغم ظغوطات وصعوبات ولكن كل مكان له زمان ولا تقول انها محترم بأي شيء فرجال أنا أعرف وانثى تعرف أنثى

عزيزي الخيار لك فكر جيدا قبل أن تقرر !!!

لافي زول قرانا مره
لافي زول راجع معانه ..
كنا نتعب ونشقي نحنا
*كلو شان ننجح برانا* ..!!

الفطور بي كسره بايته
ومويه حاره مع السخانه ..
وبرضو نحترم المعلم
*وليهو في الوجدان مكانه* ..!!

المعلم كان مربي
وكان بدرس بي امانه ..
كان نزوغ ساعة نشوفو
*في الفريق لويوم غشانا* ..!!

لافي مدرسه خاصه اصلا
لافي ترحيل لاإعانه ..
كنا دايمآ في الاوائل
*رغم اتعابنا وشقانا* ..!!

كان طوابير الصباح
فيها انشادنا وغنانا ..
كنا نحترم الكبير
*والصغير نديو مكانه* ..!!

ياحليلك يازمان
وياحليل ايام صبانا ..
كنا بنحش لي غنمنا
*وندي غنم الناس معانه* ..!!

ولما نلعب كنا نلعب
وكلو زول يسمع صدانا ..
الكبير في الحله والي
*واي زول تلقي احتوانا* ..!!

النهار نمشي الجناين
نمشي نخرت برتكانه ..
والعصير في الحله نلعب
*لوغريب من بره جانا* ..!!

هسه راحت كل حاجه
والنفوس صبحت ملانه ..
ياحليل تعليم زمان
*هسع التعليم اهانه* ..!!

اما تدفع ولا تمرق
والضعيف ماعندو خانه ..
غايتو ربك هسا يستر
*التقول قدر الله جانا* ..!!

إلا هسه الدنيا خربت
*وماشي راجع مستوانا* ..!!