‏لقيت كل إنسان ، بالمال مفتون
والمال فتنة من جميع النواحي
كم واحدٍ صاحي وخلاه مجنون
وكم واحدٍ مجنون خلاه صاحي
#بيت_القصيد
‎#عبدالله_الطلحي

مابين جرح الصيام وبين ضعف القيام
.......... ياسرع الايام .. والاوزار .. يااااثقلها
يارب نطلبك في التوبة وحسن الختام
.......... انا اشهد ان السـعيد .. اللي يوفق لها

‎#عبدالله_الطلحي

‌‎#العشر_الاواخر
ياعاقل ادركت الليالي الفضيلة
حـاول تداركها .. تعوّضك مافات

لو طـالت  ايامك .. تراها  قليلة
لابد يوم تصير من ضمن الاموات

ركز جهودك في الحياة الطويلة
اذخر لها حاجات وافطن لحاجات

والرحلة اللي مثل .. يومٍ  وليلة
تقدر تمشيها .. على كيف ماجات
.
‎#عبدالله_الطلحي

‌‎#صباح_الخير
صباح السعادة ، والمحبـة ، وطيب الفال
على اهل القلوب اللي .. بالإيمان معمورة

اصبّح على الغالين .. واقول كيف الحال
وصدق الشعور ابلغ من الصوت والصورة

‎#عبدالله_الطلحي

‏⁧ #بدر_بن_عبدالمحسن⁩
‏ياهل التعازي والمراثي والأحزان
‏إن كان  غاب البدر ، ماغاب نوره
‏عليه من مولاه .. رحمة ورضوان
‏لازال رغم الفقد ، طاغي حضوره
‏في كل دارٍ له .. ترانيم .. واوزان
‏واصدق مشاعر نابعة من شعوره
‏في كل معزوفة ، وفي كل ديوان
‏وفي كل قلبٍ منه صوتٍ وصورة

‏⁧ #عبدالله_الطلحي⁩

ان ماتجملت .. قول الله كريم
خل الجمايل ، يجون اصحابها
المسحة اللي على راس اليتيم
ان بات جيعان ويش يبغى بها

‎#عبدالله_الطلحي

مافيه عسر إلا وهو .. بين يسرين
الله ذكـرها في الكتاب .. وضمنها
مايجمع المولى على العبد عسرين
كم كربةٍ (جاتك) .. (ونجاك) منها

‎#عبدالله_الطلحي

‏ماعلى الجاهل اخطر من مثقف كذوب
يسـتخف النفوس .. ويفسـد اخلاقها
بين غسل العقول ، وبين غسل القلوب
مثل مابين .. قتل النفس .. واعتاقها

‎#عبدالله_الطلحي
#بيت_القصيد

‌‎#بيت_القصيد
خلاصة ماقريت من الكلام الزين
بعد حرصك على الدين وتعاليمه
لساااانك لاتعوده .. الكلام الشين
لحيث العمر .. مرهون بخواتيمه
‎#عبدالله_الطلحي

‏سر السعادة .. لاتبينه .. للغير
الناس اذا دريوا عنه يفسدونه
كلٍ يقول السر في قاعة البير
والبير كل اهل الحكي ياردونه

#صباح_الخير
‎#عبدالله_الطلحي

‌‎#صباح_الخير
صباكم ورد ، من ورد الشفا
تحمل عبيره .. نسايم باردة
يامن جمعنا بكم ، بعد الوفا
حب الفريدة وصيد الشاردة
‎#عبدالله_الطلحي

‏⁧ #بيت_القصيد
‏مهما تحدتك الليالي وانا اخوك
‏حاجتك لاتبدي على غير ربك
‏إذا طلبت الناس واكثرت ملّوك
‏وإذا طلبت الله واكثرت حبك
‏⁧ #عبدالله_الطلحي⁩

‏اول زماني كل صاحب لي صديق
يشتاق في غيابي ويفرح في لقاي
واخر زماني .. بعد ماطال الطريق
يا مكثر اصحابي وياقل اصدقاي

‎#عبدالله_الطلحي

خل اتكالك على اللي يعلم الخافي
خذ مابدا لك .. وخل اللي يخبونه
اليوم حتى الكريم الصادق الوافي
لابد في المجتـمع .. ناسٍ يسبونه
ماترضي الناس لو إنك عسل صافي
حتى العسل .. فيه ناسٍ مايحبونه

#بيت_القصيد ‎#عبدالله_الطلحي

‏عقب السنين اللي مضت هم واحزان
عرفت .. ويش اللي مسبب جروحي
طول السنين اجامل .. فلان ، وفلان
راعيت كل الناس .. واهملت روحي
‎#عبدالله_الطلحي
#بيت_القصيد

‌‎#صباح_الخير
بد حسن الظن لو حظك عنيد
ماجعل ربي على المؤمن حرج
كل ليلة .. بعدها فجرٍ جديد
وكل ضيقة بعدها ساعة فرج

‎#عبدالله_الطلحي

محدٍ بشايل معه .. خـزنة ومفتاح
سدد وقارب واعط نفسك مساحة
كم واحدٍ يجمع ، على شان يرتاح
عاش  وجمع .. لكن ماشاف راحة
‎#عبدالله_الطلحي

‌‎#صباح_الخير
يالله طلبناك حـظٍ مثل نور الصباح
يجلا ظلام الهموم .. ويمنع اسبابها
رحنا وجينا وشبنا واكثر العمر راح
واحلامنا ، قفلها صدّى .. على بابها
‎#عبدالله_الطلحي

اصبر ، على جور الليالي والأيام
ربك يعوض اهل الصبر والقناعة
الأرض لو عنها يغيب المطر عام
تظـما ، ويكفيها من الغيث ساعة
‎#عبدالله_الطلحي
#بيت_القصيد

يارب انا عبدك تماديت واخطيت
لين الشباب اقفى وانا اليوم شايب
امهلتني يوم اني اخطيت وابطيت
حاشـاك تطردني .. وانا جيت تايب
‎#عبدالله_الطلحي