‏لاتقول أن الخطا غصبٍ عليك
تفعل المحذور وتبرر خطاك
كيف تعصى واحدن ماله شريك
مستمر بغلطتك تتبع هواك
لاتعيب الناس وانت العيب فيك
أشكر اللي دوم من فضله عطاك
الكريم اللي على الحق إيهديك
وان طلبته حاجةٍ حقق مُناك

‎#سعود_عايد_العلوي_الحربي

‏لو قالوا الحسّاد مهما يقولون
واصل مسيرك وانتبه لاتراجع
الله هو اللي عنده الرزق مضمون
وقولٍ بلا معنى يجيب المواجع
خلك عزيز النفس لاتقبل الهون
ولاخير باللي عن مباديه راجع
ارفع يدينك للذي عنده العون
ماغيره أحداً عنده الحل ناجع
‎#سعود_عايد_العلوي_الحربي

سبح وكبر كل مااصبحت وامسيت
‏واستغفرالله كل لحظه وســاعـه
‏واخشع ليا منك بالاوقات صليت
‏وعليك بالإخـلاص في كل طاعه
‏وإن طعت ربك فزت باللي تمنيت
‏واصبحت لك عنده قبول وشفاعه
‏وعجل على التوبه ليا منك اخطيت
‏وخلك بها الـدنيا كثيـر القناعه

‏⁧ #سعود_عايد_العلوي_الحربي ⁩