‏لوضاقت الدنيا بها حل وافراج
لابد من عسرٍ يجي فيه تيسير
اشتك على اللي يطلبه كل محتاج
الواحد اللي عنده الرزق والخير
والصبر خله لك طريقه ومنهاج
ان كان تبغالك معزه وتقدير
مولاك يجعل لك من الهم مخراج
الرازق المعطي ولي المقادير

#عبر_عن_حالتك
#ابيات_اعجبتني
#سعود_الحربي

‏أن كان ودك بالحياة السعيده
وتبغى تعز النفس وتريح البال
خل اهتمامك بالأمورالمفيده
وابعد جنابك عن هل القيل والقال
سجل طموحك للأمور البعيده
اللي بها في عالي المجد منزال
وافتح مع الأيام صفحه جديده
ترى الأمل باقي مع الوقت مازال

‎#سعود_الحربي

‏لاصبحت في نعمه وربـك معافيك
لا تشتكي مـادام مـسـتـور حـالـك
.رزقٍ يـسـد الـحـال لـو قـل يكفيك
خلك عزيز النفس لايضيق بالك
.ولا تجعـل الدنيا تـصـدك وتغـويك
عـن ديـنـك اللي يعتبر راس مـالـك
.واطلب كريمٍ عنده الخير يعطيك
الـواحـد الـلي مـايخـيـّب سـؤالـك

‎#سعود_الحربي
#عبر_عن_حالتك
#حصري_للقناة

‏ثنتين للرجال فيها أحترامه
الطيب والفزعه بوقت الشدايد
وثنتين للرجال عيب وملامه
السب بالغايب وكثر النشايد
وتركك مالا يعنيك عز وكرامه
مالك ومال الهرج ناقص وزايد
واهم مال الشخص يرفع مقامه
ويحرص على طبع العرب والعوايد
‎#سعود_الحربي