AQSh Eronni yadro obyektlariga beriladigan tungi zarbalar haqida oldindan ogohlantirgan.

@erontahlili

AQSh va Isroil Eronga hujum qilayotgan bir paytda, ayrimlar chiqib olib, bu urushni “turk dunyosining manfaatlari” deb ko‘rsatmoqchi bo‘lishyapti: go‘yo Eron — bizga dushman, unga qarshi chiqish esa bizning burchimiz ekan. Bunday gaplarni eshitib, odam hayron qoladi.

Axir qanday qilib turkiy o’zlik masalasini AQSh va Isroilning urushiga aralashtirish mumkin? Eron bilan turkiy xalqlar o‘rtasida muammo yo‘q-ku. Nega biz boshqalarning urushi uchun o‘zimizni qurbon qilishimiz kerak? Nega bizni boshqa davlatlarning manfaatlariga xizmat qiladigan qilib ko‘rsatishyapti?

To’g’ri, Eron ideal davlat emas, lekin bugun unga tashqaridan hujum bo‘lyapti. U o‘zini himoya qilmoqda. Biz esa, hech bo‘lmasa, betaraf bo‘lishimiz kerak. Ammo ba’zi “ziyolilar” turkiylikni niqob qilib, aslida o‘zlarining siyosiy nodonligini yoki dushman propagandasini yashirishmoqda.

Turkiy o’ziga xoslik kuchli va mustaqil bo‘lish, adolat tarafida turishni nazarda tutadi. Boshqalarning buyrug‘i bilan birodar musulmon xalq ustiga bombalar otish biz bilgan turkiylar manfaatiga zid. Asl turkiylar hech qachon tajovuzkorning yonida bo‘lmaydi.

@erontahlili

Aroqchi: Eron mustaqilligi va suvereniteti masalasida hech qachon murosaga bormaymiz

Eron Islom Respublikasi o‘z hududi, suvereniteti va xalqini himoya qilishni davom ettiradi. Bu haqda Eronga qarshi AQSh va sionist rejim tomonidan amalga oshirilgan yadroviy obyektlarga hujumlar yuzasidan Istanbulda matbuot anjumani o‘tkazgan Eron tashqi ishlar vaziri Abbos Aroqchi bayonot berdi.

“Biz mustaqillik va suverenitet masalasida hech qanday murosani qabul qilmaymiz. AQShning Eronning tinch yadroviy inshootlariga harbiy bostirib kirishi xalqaro huquq normalarining misli ko‘rilmagan va ochiqchasiga buzilishidir. Qonunlarni pisand qilmaydigan bu tajovuzkor hukumat yuzaga kelgan xavfli oqibatlar va zarar uchun to‘liq javobgardir”, — dedi vazir.

@erontahlili

Eron prezidenti AQSh tajovuziga qarshi norozilik bildirayotgan namoyishchilarga qo‘shildi.

Odamlar Pezeshkian ishtirokida “Qasos!” deb hayqirmoqda.

@erontahlili

Eron tashqi ishlar vaziri Aroqchi Moskvaga keldi. Bugun Putin bilan uchrashuv rejalashtirilgan.

@erontahlili

Trampning Eronni bombardimon qilish haqidagi qarori, menimcha, Putinning Ukrainaga bostirib kirish haqidagi qaroridan ham yomonroq narsa bo‘ldi. Trampning bu qarori endi Putin va unga o‘xshash (yoki o‘xshagisi keladigan) boshqa prinsipsiz qonxo‘rlarning yanada avjiga chiqishiga bir bahonai sabab, o‘z razil xatti-harakatlarini oqlash uchun zo‘r vosita bo‘ladi.

Ha, Tramp boshqarayotgan mamlakat xalqaro huquqni birinchi marta oyoqosti qilmayapti. Dunyo siyosatining bugungidek boshi berk ko‘chaga kirib qolishi ibtidosi 1999-yilgi Yugoslaviya bombardimonlari yoki 2003-yilgi Iroqqa bosqindan boshlanadi, deganlar, ehtimol, bugun haqdir ham. Lekin shundan beri qandaydir bir muvozanat bor edi-da, go‘yo. Endi shu ham yo‘q.

Huquq ishlamayapti, madaniy qonun-qoidalar ishlamayapti. Dunyo odam qiyofasidagi maymunlar boshqaruvida qolib ketgan qandaydir jungliga aylanib qolgandek. Bu maymunlar odam tilini tushunmaydi, faqat kuchni tan oladi. Va bu aql kuchi emas, qurol kuchi. Endi, qanchalik g‘alati eshitilmasin, sen ham huv anavi Shimoliy Koreyadek “kuchli” bo‘lishga majbursan.

To‘g‘risi-da - hozir juda ko‘pchilikda bir xil xulosa: shunday bo‘lib chiqyaptiki, hozir Eronning “yagona aybi” shu vaqtgacha bitta bo‘lsa-da yadro quroliga ega bo‘lib ulgurmagani. Bitta bo‘lsa ham shunday quroli bo‘lganida, Isroil ham, AQSh ham Eronga nisbatan hozirgidek bezbetlik qila olmagan bo‘lardi.

O‘z-o‘zidan, Ukraina ham 1991-yildan keyin o‘z ixtiyorida qolgan ulkan yadroviy zaxiradan hech yo‘g‘i bitta bombani saqlab qo‘yganida, ehtimol, 2022-yildan beri davom etayotgan urush ham boshlanmagan bo‘lardi, Rossiyaning haddi sig‘masdi Ukrainaga bostirib kirishga. Axir Rossiyaning boshida o‘tirgan jinni ham baribir g‘irt jinni emas (degan umid bor).

Xullas, hozir dunyoning eng tinch mamlakati - bu Shimoliy Koreya. U shuncha sanksiyalar ostida qolib-da xalqaro maydonda bilgan rasvogarchiligini qilishi mumkin - imkoni boricha qirg‘in qurollari, kerak bo‘lsa, 15 minglab askarini ham sotadi. Birov bir narsa qila olmaydi. Aksincha, kerak bo‘lsa, AQSh prezidenti Kim Chen In bilan yana kulishib ko‘rishishi mumkin.

Shimoliy Koreyadek tinch yashashni xohlasang, Shimoliy Koreyadek kuchli bo‘l. Rossiyaga qo‘shni bo‘lishdek bebaxtlik chekingga tushgan bo‘lsayu, Ukrainadek kuymaslikni xohlasang, Shimoliy Koreyadek kuchli bo‘l. AQSh seni bombardimon qilishini xohlamasang, Shimoliy Koreyadek kuchli bo‘l. Kuchli bo‘lishga Shimoliy Koreyadek ulgurib qol.

2025-yilning 22-iyunigacha ham bunaqa fikr, bunday xulosa yo‘q edi. Afsus.

PS. Bo‘layotgan rasvo ishlar mana shunaqa rasvo fikrlarni uyg‘otadi. Yana bir rasvo fikr: O‘zbekiston ham o‘z yadroviy quroliga ega bo‘lishga intilsa, endi bu borada Rossiyadan yordam ololmasa kerak. Har holda, Rossiya o‘zi bosib olishga intiladigan mamlakatlarning yadro quroliga ega bo‘lishini xohlamasa kerak.

PPS. Qani endi hamma atom bombalar bir kechada yo‘q bo‘lib qolsa. Urushlar tugasin, urushlar bo‘lmasin!

#DivandagiXayollar

K.Ametov: AQSh Isroil tomonida turishni xohlamayapti

Ko‘rinishicha, AQShda Isroilga bo‘lgan munosabat asta-sekin o‘zgarib bormoqda. Eronning Qatardagi AQSh harbiy bazasiga qarshi zarbadan so‘ng, Tramp Tehronni zarba haqida oldindan ogohlantirgani uchun minnatdorlik bildirdi. Natijada hech kim halok bo‘lmadi. Tramp hatto Eron endi mintaqaga “tinchlik va uyg‘unlik” olib kelishi mumkinligini qayd etdi. Va eng qizig‘i - u Isroilni ham shunday qilishga “ishtiyoq bilan da’vat qilishini” aytdi.

Bu oddiy gap emas — bu signal. AQSh endi faqat Isroil tomonida turishni xohlamayapti. Amerikadagi ayrim radikal-xristian doiralarda Isroilni katta kelishuvga, ya’ni AQSh va Eron o‘rtasidagi tinchlikka xalaqit berayotgan omil sifatida ko‘ra boshlashdi.

Avvallari Isroil AQShning Yaqin Sharqdagi eng muhim ittifoqchisi edi. Endi esa uni tobora ko‘proq “ortiqcha o’yinchi” sifatida tilga olishyapti (ya’ni mintaqada yangi tartib o‘rnatish uchun Isroil kerak emas degan fikr kuchaymoqda).

Shunday qilib, katta siyosiy o‘yin qayta boshlanyapti. Va bu safar Isroil eski o‘rnini saqlab qola olmasligi mumkin.

@erontahlili

A.Fayzullozoda: AQSh Isroildan uzoqlashmoqda

Isroil so‘nggi keskinlikni bekorga boshlamadi. Uning asosiy maqsadi - AQSh va Eron o‘rtasida tinchlik kelishuvi tuzilishiga yo‘l qo‘ymaslik. Netanyaxu va uning jamoasi hokimiyatda ekan, Isroil Tehron va Vashington yaqinlashuviga qarshi kurashni davom ettiradi.

Ammo endi vaziyat o‘zgarayapti. Eron o‘z olimlari va harbiylarining o‘ldirilishini unutmaydi va bunga javob beradi. Eng qizig‘i shundaki, AQSh bunga aralashishni istamayotgandek ko‘rinmoqda. AQSh mudofaa vaziri ochiqchasiga aytdi: amerikalik harbiylar Eronga hujum qilmagan, ular faqat yadro potensialga qarshi harakat qilgan. Bu esa muhim signal: Vashington Isroilni himoya qilish uchun Eron bilan to‘qnashishni xohlamayapti.

Natijada, Isroil endi AQSh va Eron o‘rtasidagi muloqotda asosiy o‘yinchi emas. Hatto Tramp ham Eron bilan kelishuv haqida gapirganda, Isroilga urg‘u bermayapti. Bu esa AQSh va Isroil o‘rtasidagi aloqalarda yangi sovuq davr boshlanishidan darak berishi mumkin.

G’arbiy alyans

M.Imomov: Netanyaxuni yangi muammolar kutmoqda

“Buyuk g‘alaba” (Eron olimlarining va yadro infratuzilmasining yo‘q qilinishi) haqidagi balandparvoz bayonotlariga qaramay, Netanyaxuni yaqin orada yangi siyosiy muammolar kutmoqda. Tashqi siyosiy keskinlik fonida to‘xtab qolgan ichki norozilik namoyishlari yana faollashadi. Xususan, hozirgi vaqtda Netanyaxuning so‘nggi ikki yildagi faoliyatiga bo‘lgan e’tibor ham kuchayib bormoqda — yaqin orada u haqidagi tergov ishlarining faollashuvi kutilmoqda.

O’z navbatida, Eron ichkarisida ham jiddiy transformatsiyani kuzatish mumkin. G’arb ekspertlari taxmin qilgan ommaviy noroziliklar o’rniga Isroil va G‘arb razvedka tarmoqlarining tizimli tozalanish ishlari boshlanadi. Tehron kontrrazvedka orqali javob zarbasini berishga tayyorlanmoqda.

Shu tariqa, mintaqaviy keskinlik fonida ikki yo‘nalishda bosim kuchaymoqda: Netanyaxu ichki siyosiy zaiflashuv bilan yuzlashayotgan bir paytda, Eron o‘z institutlari ustidan suveren nazoratni qayta tiklash amaliyotini boshlamoqda. Bu — o‘yin yakuni emas, balki uning boshlanishidir.

Strategic Focus: Central Asia

Eron Isroilni magʻlub etib, uni magʻlubiyatini tan olishga va agressiyani bir tomonlama toʻxtatishga majbur qildi, — Eron Xavfsizlik Kengashi.

@erontahlili

Tehron larzaga keladi – Bezazil Smotrich

Isroil moliya vaziri Erondan raketa uchirilgani haqidagi xabarlar fonida o‘zining X sahifasida mana shunday post qoldirdi.

@erontahlili

Donald Tramp Truth Social ijtimoiy tarmog‘ida Isroilga murojaat qildi:

"Isroil! O‘sha bombalarni Eronga tashlamang! Agar bu ishni qilsangiz, kelishuvni buzgan bo‘lasiz! Harbiy uchuvchilaringizni ortga qaytaring! Hoziroq!", deb yozdi AQSH prezidenti.

@erontahlili

AQSH prezidentining ogohlantirishiga qaramay, Tehron shimoliga zarba berildi

Xabarlarga ko‘ra, Isroil harbiy havo kuchlari radar stansiyasini nishonga olgan.

@erontahlili

Isroil Eron shimolidagi Babol va Babolsar shaharlari chekkalariga zarba bergan, deb xabar beradi ISNA agentligi.

@erontahlili

Isroil qiruvchi samolyotlari Tehron osmonida — Eron OAVlari.

@erontahlili

Isroil Tehron yaqinidagi Eron radariga hujum qilib, Eronning o‘t ochishni to‘xtatish tartibini “buzishi”ga javobini yakunladi, deya xabar beradi Isroil radiosi.

@erontahlili

Armanistondagi siyosiy vaziyatga oid

Armaniston siyosiy sahnasida sodir bo‘layotgan holatlar tobora absurd teatrini eslatmoqda. Bosh vazir Pashinyan va Arman Apostol cherkovi o‘rtasidagi mojaro allaqachon mafkuraviy yoki axloqiy chegaralardan o‘tib, endi tananing aniq bir qismini muhokama qilish darajasiga yetdi.

Pashinyanning cherkovga qarshi chiqishlari yangilik emas: u ruhoniylarni korrupsiyada ayblagan, ibodatxonalarni “omborxona” deb atagan, katalikosni esa bolasi borligi haqida va ko’p gapiradigan rohib sifatida tanqid qilgan. Bunga javoban cherkov vakillari Pashinyanning jismoniy holatini muhokama qilish darajasigacha tushib, u Turkiyada bo‘lganida sunnat qilingan degan da’voni ilgari surdi.

Bunga javoban, Pashinyanning katalikosni va uning matbuot kotibini qabul qilib, “aksini isbotlash”ga tayyorligini e’lon qildi. Aytish kerak, bunday bayonot davlat arbobi uchun emas, balki komediya aktyoriga xos.

Aslida bu shunchaki shaxsiy janjal emas. Bu — Armanistondagi jiddiyroq muammo alomati: dunyoviy va diniy hokimiyat o‘rtasidagi chegaralar buzilmoqda, siyosiy madaniyat darajasi tushib ketgan, davlat muassasalariga hurmati tushmoqda. Davlat va cherkov o‘rtasidagi bahs odam tanasining yopiq joylarini ko‘rsatishgacha borishi siyosat emas, masxarabozlikdir.

Pashinyan bilan cherkov o‘rtasidagi to‘qnashuv allaqachon mafkura va axloq chegarasidan chiqib ketdi. Bu holat Armaniston davlatchiligidagi tizimli inqirozining timsoliga aylandi. Bu voqea mintaqadagi boshqa davlatlar uchun ham ogohlantiruvchi signal bo‘lishi kerak: agar din va siyosat o‘rtasidagi chegara yo‘qolsa, faqat raqiblar emas, butun davlat obro‘si ham yo‘q bo‘ladi.

@erontahlili

Tramp va Netanyaxu G‘azo sektoridagi harbiy harakatlarni ikki hafta ichida tugatishga kelishib oldilar.

Rejaga ko‘ra, G‘azoni to‘rtta arab davlati (jumladan, BAA va Misr + 2 ta davlat) boshqaradi.

G‘azo sektoridan chiqib ketishni istagan aholiga mintaqani tark etishda yordam beriladi, ularni boshqa davlatlar qabul qiladi.

Isroil Falastin davlati tuzilishiga tayyor ekanini tasdiqlaydi — biroq bu Falastin ma’muriyatining isloh qilinishi sharti bilan amalga oshiriladi.

AQSh Isroilning G‘arbiy Iordaniya sohilida cheklangan suverenitetini tan oladi.

@erontahlili