“Trampdan tashqari, dunyoda turklar va isroilliklar bilan juda yaxshi munosabatlarga ega bo‘lgan yagona yetakchi – bu Aliyev. Shunda men aytdim: demak, birinchidan, bu yerda taom juda mazali bo‘lsa kerak, ikkinchidan, u juda salobatli inson bo‘lsa kerak. Men tasdiqlay olaman – u juda salobatli. Birozdan keyin taom haqida ham bilib olamiz va ishonchim komilki, u ham a’lo bo‘ladi”, degan Vens.

“Grenlandiya hozir murakkab davrni boshdan kechirmoqda va mamlakatimizning qat’iy do‘sti hamda qo‘llab-quvvatlovchisi bo‘lgani uchun Kanadaga minnatdorlik bildirmoqchiman”, degan orol tashqi ishlar vaziri Vivian Motsfeldt.

“Aniqki, Epshteyn Trampni yomon ko‘rgan, Tramp esa Epshteynga qiziqmagan. Dunyoning eng yomon odamlardan biri Trampni yomon deb o‘ylasa, bu Tramp haqida yaxshi narsa degani emasmi? Shaxsan men shunday deb o‘ylayman”, degan Vens.

“Men Kirni taniyman. U yaxshi inson. Lekin bu qiyin ish, va menimcha, siz Buyuk Britaniyani yo‘lga qo‘yish uchun ba’zi qiyin qarorlar qilishingiz kerak. Hozirgi paytda, menimcha, iqtisodiyot yaxshi holatda emas. Siz 9 mln odam imtiyozlar olayotgan va immigratsiya darajasi yuqori bo‘lgan iqtisodiyotni olib bora olmaysiz. Menimcha, Buyuk Britaniya muhojirlar tomonidan koloniyalashtirilmoqda va bu juda ko‘p xarajat talab qilmoqda”, degan Retkliff.

“Men Putin kabi jinoyatchi yoki Lukashenko rejimi vakillari bilan bir stol atrofida o‘tirishga oshiqmayman. Biroq agar Polsha davlati manfaatlari shuni talab qilsa, Polsha Prezidenti sifatida bunga tayyorman”, degan Karol Navrotskiy.

“Bu yerdagi tinchligimiz xalqning birligi, oliy qo‘mondonlik hamda mening jamoam, ya’ni Vatan jamoasi bilan hamjihatlik natijasidir”, deb ta’kidlagan Maduroning o‘g‘li.