Эміграцыя — гэта пачатак новага шляху, і не заўсёды ён лёгкі. Часцей за ўсё зусім няпросты.

У нас ёсць праект — «Дапамога мігранту». Мы падкажам, якія ў вас ёсць варыянты легалізацыі ў Літве, якія трэба дакументы, каб наладзіць жыццё ў гэтай краіне.

Маеце патрэбу ў дапамозе? Мы поруч.

Сягоння Дзень Нязломнасці.

Гэта свята з Новага беларускага календара ў гонар дня нараджэння Кастуся Каліноўскага.

Ягоная постаць ўвасабляе тых, хто не маўчыць, хто змагаецца за Беларусь, хто стварае беларускую павестку і прастору нават у самых цяжкіх умовах.

Гэты дзень — нагода чарговы раз сказаць усяму свету пра нашых палітвязняў. Сотні беларусаў знаходзяцца за кратамі за вернасць праўдзе, сумленню і ідэалам свабоды.

У гэты дзень мы ўсім сэрцам і думкамі з нашымі сябрамі ва Украіне. Запрашаем падтрымаць «Беларускі пункт нязломнасці» ў Кіеве. Зараз там вельмі патрэбныя пледы, грэлкі для рук, грэлкі-вусцілкі, паўэрбанкі, гарбата / кава, газ / бензін.

Самы час дзейнічаць і дапамагаць тым, хто мае патрэбу. Дзень Нязломнасці — як раз пра гэта.