#ЖЫВЫЯЛЮДЗІ

Мы працягваем нашу рубрыку пра каманду. У фондзе, як і раней, штотыдзень адбываецца нешта важнае. Але не менш важна, як гэты тыдзень пражываюць людзі, што стаяць за працай фонду.

Сягоння на пытанні адказвае Аліна (імя зменена), адміністратарка нашых шэлтараў у Вільні.
Гартай карткі, каб даведацца, як прайшоў ейны тыдзень.

Падтрымаць каманду:
👉 stranafund.org
☕️ Buy Me a Coffee
🎁 Patreon

Дзве змены зімовага шчасця. Зімнік «Зубровыя сцежкі» ў Белавежскай пушчы.

Сёння расказваем пра цудоўны праект, партнёрамі якога нам пашчасціла стаць. Гэта лагер у Белавежскай пушчы для падлеткаў з рэпрэсаваных сем’яў.

Пасля паспяховага летняга сезона арганізатары зноў сабралі дзяцей у студзені — адразу на дзве змены. Утульны дамок у сэрцы Пушчы, цудоўная прырода і атмасфера супольнасці. З падтрымкай Міжнароднага гуманітарнага фонду мы прафінансавалі большую частку выдаткаў.

Праграма была шыкоўная: сярод іншага дзеці стваралі свае кніжкі, узводзілі сапраўдную іглу, рабілі снегаступы, гатавалі марозіва ў снезе, зладзілі спектакль і зрабілі кармушкі для птушак.

Галоўнае — камандзе ўдалося стварыць жывую прастору, дзе кожнаму падлетку надалі вялікую ўвагу. Уся праграма прасякнутая беларускай мовай, культурай і традыцыямі. А яшчэ, (па водгуках) смачна кармілі 😉

Нічога не адбылося б без выдатнай каманды арганізатараў на чале з натхняльніцай Марыяй Грыц. Мы абавязкова яшчэ пагутарым з Марыяй асобна.

А пакуль запрашаем падпісацца на старонку праекта:
👉 www.instagram.com/zubrovyja_sciezki/

Каб больш дзяцей мелі свае сцежкі да сваёй Беларусі, сяброўства і цяпла! ❤️

Мы тут усёй камандай шкадуем, што мы не падлеткі. Спытаецеся, чаму?

Вашай увазе інтэрв'ю з Марыяй Грыц, арганізатаркай лагера для падлеткаў на Падляшшы. Пачытайце і ўпэўніцеся, што гэтая прыгожая жанчына з вялікім сэрцам — сапраўдны скарб беларушчыны. А самі летнікі і зімнікі — тое, чаго дзецям дакладна не стае ў эміграцыі.

Уся цеплыня Марыі і яе каманды да дзяцей і да справы — у ейным расказе.

Чытайце цалкам на нашым сайце 👉 stranafund.org