🇦🇪🇺🇿 Ўзбекистонда БАА капитали иштирокидаги корхоналар сони ортиб бормоқда

🏢 Миллий статистика қўмитаси маълумотларига кўра, 2026 йилнинг 1 январь ҳолатига Ўзбекистонда БАА капитали иштирокида жами 414 та корхоналар фаолият юритмоқда.

🏙 Улардан 141 таси қўшма ва 273 таси хорижий корхоналардир.

🇺🇿 Ўзбекистонда БАА капитали иштирокида фаолият юритаётган корхоналар сони ҳудудлар кесимида қуйидагича:

Тошкент шаҳри – 304 та

Тошкент вилояти – 32 та

Самарқанд вилояти – 16 та

Сирдарё вилояти – 11 та

Қорақалпоғистон Республикаси – 8 та

Андижон вилояти – 8 та

Бухоро вилояти – 7 та

Жиззах вилояти – 6 та

Наманган вилояти – 6 та

Навоий вилояти – 5 та

Қашқадарё вилояти – 4 та

Фарғона вилояти – 4 та

Хоразм вилояти – 2 та

Сурхондарё вилояти – 1 та

👶🏻 2025 йилда Ўзбекистонда 879,6 мингта туғилиш қайд этилди

🏢 Миллий статистика қўмитаси маълумотларига кўра, 2025 йилда Ўзбекистонда 879 599 та тирик туғилиш ҳолатлари қайд этилган.

📊 Ҳудудлар кесимида туғилишлар сони:

Самарқанд вилояти – 106 266 та

Қашқадарё вилояти – 99 656 та

Фарғона вилояти – 98 319 та

Сурхондарё вилояти – 81 885 та

Андижон вилояти – 79 672 та

Наманган вилояти – 75 689 та

Тошкент вилояти – 64 245 та

Тошкент шаҳри – 62 318 та

Хоразм вилояти – 46 056 та

Бухоро вилояти – 43 654 та

Қорақалпоғистон Республикаси – 39 277 та

Жиззах вилояти – 37 393 та

Навоий вилояти – 24 127 та

Сирдарё вилояти – 21 042 та

🤩 Ўзбекистон хорижга 2,1 млрд долларлик мева-сабзавотлар экспорт қилган

🏢 Миллий статистика қўмитаси маълумотларига кўра, 2025 йилда Ўзбекистон хорижга қиймати 2,1 млрд АҚШ долларига тенг бўлган 2,2 млн тонна мева-сабзавотлар экспорт қилган.

📊 Экспорт қиймати ўтган йилнинг мос даврига нисбатан 36,9  фоизга ошиб, жами экспортдаги улуши 6,3 % ни ташкил этди.

📊 Уларнинг таркиби қуйидагича:

мева ва резаворлар – 628,5 минг тонна;

сабзавотлар – 582,5 минг тонна;

тарвуз-қовун – 233,6 минг тонна;

мош – 148,2 минг тонна;

ерёнғоқ ва ёнғоқлар – 29,3 минг тонна;

бошқалар – 540,5 минг тонна.

🇰🇬🇺🇿 Ўзбекистонда Қирғизистон капитали иштирокидаги корхоналар сони 344 тага етди

🏢 Миллий статистика қўмитаси маълумотларига кўра, 2026 йилнинг 1 январь ҳолатига Ўзбекистонда Қирғизистон капитали иштирокида жами 344 та корхоналар фаолият юритмоқда.

📊 Улар соҳалар кесимида қуйидагича:

Савдо — 138 та

Саноат — 60 та

Ахборот ва алоқа — 30 та

Ташиш ва сақлаш — 18 та

Қурилиш — 17 та

Яшаш ва овқатланиш бўйича хизматлар — 14 та

Соғлиқни сақлаш ва ижтимоий хизматлар кўрсатиш — 6 та

Қишлоқ, ўрмон ва балиқ хўжалиги —5 та

Бошқа турлар — 56 та

👥 Ўзбекистонда 1 квадрат километр майдонга қанча аҳоли тўғри келади?

🏢 Миллий статистика қўмитаси маълумотларига кўра, Ўзбекистонда 2026 йилнинг 1 январь ҳолатига 1 квадрат километр майдонга ўртача 85,2 киши тўғри келган.

📊 Бу кўрсаткич ўтган йилнинг мос даврига нисбатан 1,6 кишига ортган.

📊 Ушбу кўрсаткичнинг йиллар кесимидаги динамикаси қуйидагича (1 январь ҳолатига):

2021 йил – 78,6 киши;

2022 йил – 80,2 киши;

2023 йил – 82 киши;

2024 йил – 83,6 киши;

2025 йил – 85,2 киши.

🛫 2025 йилда 366 мингдан зиёд ўзбекистонликлар Саудия Арабистонига сафар қилган

🏢 Миллий статистика қўмитаси маълумотларига кўра, 2025 йил давомида 366 251 нафар Ўзбекистон фуқаролари туристик мақсадларда Саудия Арабистонига сафар қилган.

📊 Бу кўрсаткич ўтган йилга нисбатан 163 минг нафарга ёки 71 фоизга ошган.

📊 Уларнинг сафар мақсадлари бўйича тақсимланиши қуйидагича:

саёҳат – 197,9 минг нафар;

қариндошларни йўқлаш – 38,2 минг нафар;

даволаниш – 924 нафар;

хизмат юзасидан – 66 нафар;

ўқиш – 31 нафар.

🚰 2025 йилда 925 километрдан ортиқ сув тармоғи ишга туширилган

🏢 Миллий статистика қўмитасининг дастлабки маълумотларига кўра, 2025 йилда республика бўйича жами 925,1 км сув тармоғи ишга туширилган.

📊 Уларнинг 80,5 фоизи ёки 745 км қишлоқ жойлар ҳиссасига тўғри келади.

🇺🇿 Ҳудудлар кесимида ишга туширилган сув тармоғи:

Жиззах вилояти — 410,4 км;

Фарғона вилояти — 173,4 км;

Хоразм вилояти — 81,3 км;

Сурхондарё вилояти — 80,1 км;

Қорақалпоғистон Республикаси — 70,2 км;

Сирдарё вилояти — 41,7 км;

Қашқадарё вилояти — 36,6 км;

Бухоро вилояти — 31,4 км.

📚 Ўзбекистонликлар таълим хизматлари учун 2025 йилда 39 трлн сўмдан ортиқ маблағ сарфлаган

🏢 Миллий статистика қўмитасининг дастлабки маълумотларига кўра, Ўзбекистонда 2025 йилда таълим соҳасидаги хизматлар ҳажми 39,6 трлн сўмни ташкил этган.

📊 Бу кўрсаткич 2024 йилга нисбатан 10,4 % га ошган.

Қорақалпоғистон Респ. – 1,2 трлн сўм

Андижон вилояти – 1,9 трлн сўм

Бухоро вилояти – 1,9 трлн сўм

Жиззах вилояти – 604,2 млрд сўм

Қашқадарё вилояти – 1,7 трлн сўм

Навоий вилояти – 501,4 млрд сўм

Наманган вилояти – 2,4 трлн сўм

Самарқанд вилояти – 3,1 трлн сўм

Сурхондарё вилояти – 1,3 трлн сўм

Сирдарё вилояти – 390,3 млрд сўм

Тошкент вилояти – 2,2 трлн сўм

Фарғона вилояти – 2,4 трлн сўм

Хоразм вилояти – 1,3 трлн сўм

Тошкент шаҳри – 18,8 трлн сўм

💸 Тўйхоналар нархлари 6,4 фоизга ошган

🏢 Миллий статистика қўмитаси маълумотларига кўра, тўй ва бошқа тадбирларни ўтказиш учун жой ижараси нархлари 2025 йил давомида ўртача 6,4 фоизга қимматлашган.

📊 Шунингдек, бошқа ошхоналар, кафетерийлар ва газакхоналар нархлари мазкур даврда 9,3 фоизга ошгани кузатилган.

🚇 2025 йилда метрополитен орқали 286 миллиондан зиёд йўловчи ташилган

🏢 Миллий статистика қўмитасининг дастлабки маълумотларига кўра, 2025 йилда метрополитен орқали жами 286,8 млн нафар йўловчи ташилган.

📊 Бу кўрсаткич 2024 йилга нисбатан 6,1 фоизга ошган.

🫂 Мазкур даврда метрополитендан бир кунда ўртача 785,6 минг нафар йўловчи фойдаланган.

📊 Ушбу кўрсаткич йиллар кесимида қуйидагича:

2020 йил — 38,8 млн;

2021 йил — 101,8 млн;

2022 йил — 136,7 млн;

2023 йил — 172 млн;

2024 йил — 270,3 млн;

2025 йил — 286,8 млн.

🤩 2025 йилда 20 мингдан ортиқ эгизак чақалоқ туғилган

🏢 Миллий статистика қўмитаси маълумотларига кўра, 2025 йилда Ўзбекистонда 879 599 та тирик туғилиш ҳолатлари қайд этилган.

📊 Шундан:

1 нафар туғилганлар — 859 065 нафар;

2 нафар туғилганлар — 19 976 нафар;

3 нафар ва ундан ортиқ туғилганлар — 558 нафар.

🇺🇿 Ассалому алайкум, ҳурматли юртдошлар!

Бугун мамлакатимизда аҳоли ва қишлоқ хўжалигини рўйхатга олиш тадбирининг иккинчи босқичи — анъанавий, яъни хонадонма-хонадон юриб рўйхатга олиш жараёнлари расман бошланди.

Маълумки, рўйхатга олишнинг биринчи босқичи — онлайн рўйхатдан ўтиш жараёнлари белгиланган муддатларда ўтказилди ва юртдошларимиз унда катта қизиқиш ҳамда фаоллик билан иштирок этишди.

Иккинчи босқич доирасида, 2026 йилнинг 4–28 февраль кунлари рўйхатга олувчилар — яъни маҳалла еттилиги вакиллари хонадонма-хонадон юриб, онлайн рўйхатдан ўтиш босқичида иштирок этмаган, ёки саволномаларни хато ва камчиликлар билан тўлдирган фуқаролар ҳақидаги маълумотларни планшет қурилмалари орқали электрон тизимга киритадилар.

Айрим ҳолатларда биринчи босқичда онлайн рўйхатдан ўтиб, сертификат олган фуқаролар хонадонига ҳам регистраторлар ташриф буюриши мумкин. Бу, одатда, онлайн саволномада маълумотлар хато ёки камчиликлар билан киритилгани билан боғлиқ бўлади ва буни тўғри тушунишингизни сўраймиз.

Ҳурматли фуқаролар! Агар хонадонингизга ташриф буюрган рўйхатга олувчининг шахси сизга нотаниш туюлса ёки унга нисбатан ишончсизлик пайдо бўлса, ундан хизмат бейджикни кўрсатишини сўрашингиз мумкин. Бейджикда жойлаштирилган QR-код орқали регистраторга оид маълумотларни текшириш имконияти мавжуд бўлиб, мазкур маълумотлар марказлашган электрон тизимда сақланади. Шу билан бирга, 1851 қисқа рақами орқали ишлаётган колл-марказга мурожаат қилиб, рўйхатга олувчи ҳақида қўшимча маълумот олишингиз мумкин.

Жараённинг шаффоф ва тартибли ўтиши учун рўйхатга олувчиларнинг ҳаракатлари GPS орқали кузатиб борилади. Агар маълумотлар хато ёки камчиликлар билан киритилса, ёки регистратор белгиланган қоидаларга амал қилмасдан, хонадонга бормасдан саволномани тўлдирса, бундай маълумотлар тизим томонидан қабул қилинмайди ва регистратор планшетига автоматик огоҳлантириш юборилади.

Бу чораларнинг асосий мақсади — маълумотларни тўғри ва тўлиқ йиғиш, ишончли ҳамда сифатли статистик маълумотлар базасини шакллантиришдан иборат.

Фуқаролардан рўйхатга олиш жараёнида фаол иштирок этишни, саволларга тўлиқ ва тўғри жавоб беришни сўраймиз. Таъкидлаймиз, рўйхатга олиш давомида тақдим этилаётган барча маълумотлар махфий ҳисобланади ва солиқ, текширув ёки бошқа маъмурий мақсадларда қўлланилмайди. Улар фақат статистик таҳлил ва мамлакат тараққиётини режалаштириш учун хизмат қилади.

Агар рўйхатга олиш жараёнида саволлар ёки тушунмовчиликлар юзага келса, 1851 қисқа рақамига мурожаат қилишингиз ёки ижтимоий тармоқлардаги расмий саҳифаларимиз орқали биз билан боғланишлари мумкин.

Барчангизни ушбу муҳим умуммиллий тадбирида фаол иштирок этишга чақирамиз.

Эътиборингиз учун раҳмат!

🤩 Писта нархлари 2025 йилда 5,2 фоизга ошган

🏢 Миллий статистика қўмитаси маълумотларига кўра, писта нархлари 2025 йил давомида ўртача 5,2 фоизга қимматлашган.

💸 Шунингдек, мазкур даврда энергетик ичимликлар нархлари 5,1 фоизга, минерал ва газланган сувлар нархлари 7,6 фоизга ошгани кузатилган.

🏢 “Миллий статистика қўмитаси стипендияси” танлови эълон қилинади

Иқтидорли талабаларни аниқлаш, уларни рағбатлантириш ҳамда Миллий статистика қўмитаси учун истиқболли кадрлар захирасини шакллантириш мақсадида “Миллий статистика қўмитаси стипендияси” танлови эълон қилинади.

🫂 Кимлар иштирок этиши мумкин?
Ўзбекистон Республикаси ҳудудидаги олий таълим муассасаларида кундузги таълим шаклида, қуйидаги йўналишларда таҳсил олаётган талабалар:
— статистика
— иқтисодиёт
— молия
— ахборот технологиялари
— маълумотлар илми ва таҳлили (Data Science & Analytics)

Шунингдек:

— бакалавриатнинг 3–4-босқич талабалари;
— магистратура босқичи талабалари.

📊 Танлов босқичлари
Танлов 3 босқичда ўтказилади:
1-босқич – ҳужжатларни тақдим этиш ва кўриб чиқиш (саралаш босқичи);
2-босқич – назарий билимларни баҳолаш тестлари (статистика, иқтисодиёт, математика, аналитик фикрлаш, IQ, инглиз тили);
3-босқич – танлов комиссияси аъзолари билан суҳбат.

1-босқичдан муваффақиятли ўтган номзодлар билан боғланилади ва 2-босқичга таклиф этилади.

📄 Ҳужжатларни топшириш тартиби
Номзодлар ҳужжатларни фақат PDF форматда 2026 йил 15 февраль куни соат 18:00 га қадар қуйидаги электрон почта манзилига юборишлари лозим:
📧 sto1@stat.uz

📃 Тақдим этиладиган ҳужжатлар:
— Маълумотнома (CV, боғланиш учун алоқа маълумотлари билан);
— Motivation letter;
— Академик рейтинг кўрсаткичлари (академик маълумотнома);
— Хорижий тилларни билиш бўйича ҳужжатлар (мавжуд бўлса);
— Илмий-тадқиқот ишлари бўйича ҳужжатлар (мавжуд бўлса);
— Эришилган ютуқлар ва ижтимоий фаоллик бўйича маълумотлар ҳамда тасдиқловчи ҳужжатлар (мавжуд бўлса).

🏆 Ғолиблар ва стипендия
Танлов натижаларига кўра 10 нафар ғолиб аниқланади.
Ғолибларга 2025–2026 ўқув йилининг иккинчи ярми (февраль–июнь) давомида БҲМнинг 3 баробари миқдорида стипендия тўлаб берилади.

Қўшимча маълумот учун:
☎️ +998 71 203 80 00 (ички рақам: 1531)

Эслатма: Танловнинг тўлиқ шартлари, босқичлари ва баҳолаш мезонлари “Миллий статистика қўмитаси стипендияси” низомида батафсил келтирилган.