#جديد


ذرة اتراب باقية وتريد تشرح هالقضية
ذرة اتراب اتسولف او تحجي الجرة بالغاضرية
تسولف المهدي العصر/عالجرة ابذاك الظهر
ذرة اتراب ذرة اتراب

اتكلة يامهدي شكلك عالجرة اوصار
حايرة امنين ابتدي اهواية الاسرار
ذرة اتراب اوشفت عالكاع الاقمار
اوعلى صدر احسين داست خيل الاشرار
صعدت الخيل على صدر حسين رضت كل الاضلاع
صعدت الخيل ااايويلي عذبوه ابكل الانواع
الخيل كسرتلة الصدر
عالجرة ابذاك الظهر
ذرة اتراب ذرة اتراب


صعبة صعبة هالامر يامنتظرنة
من ابو السجاد ياويلي انحرمنه
على والينه يضل دايم حزنه
تراب احنه بس دمه الهم نزفنه
سالت ادموم الصخر لاجل العقيلة او لجل اهلهة
سالت ادموم اولجل عباس الكمر حامي ضعنهه
صعبة ويلاه هالامر
عالجرة ابذاك الظهر
ذرة اتراب ذرة اتراب


شاهدت يالمهدي انه حرك الخيام
او بالبراري تركض او مذعورة الايتام
او شفت عماتك يمهدي ادك على الهام
والاشد شفت العقيلة اتنادي ضرغام
اتنادي بوية ياعلي الحك علية راح الحسين
اتنادي بوية عالثرة نومه اصبحوا كلهم مطاعين
الحرة مشغولة فكر
عالجرة ابذاك الضهر
ذرة اتراب ذرة اتراب


اوشاهدت جسم الولي بالدم تخضب
موجرح الف وتسع مية تصوب
او من بعد ماصوبوه كلشي تسلب
من عصة الخاتم عليهم منظر اصعب
صعبة صعبة جبهة الوالي حسافه بحجر صابوه
صعبه صعبة رادوا الخاتم عصة اوتالي كطعوه
ونته اتفسر الصخر
عالجرة ابذاك الضهر
ذرة اتراب ذرة اتراب


اوشاهدت يالمنتظر عالشاطي عمك
جسد دامي اعلى الثرة موقف يالمك
خاف اكولن سيدي او يزداد همك
لا يمين او لا شمال او كاتب اسمك
شفت مرسوم عالترب لوحه تكول الثار الثار
شفت مرسوم لوحه مخطوطه ابصبعه الله اكبر
لوحة خطاهة الكمر
عالجرة بذاك الضهر
ذرة اتراب ذرة اتراب


تمت الحمد لله //بقلم العلوية ام غيث الذبحاوي


#الناشر_الحاج_فلاح_حسن

#لايسمح_بتغير_وازاله_اسم_الشاعر

◾️◾️◾️◾️◾️◾️◾️◾️◾️◾️◾️◾️◾️◾️

مجموعة في رحاب الحسين


https://tttttt.me/joinchat/AAAAAEE5ALXrP5lARHOzmg


قناة في رحاب الحسين لنشر القصائد الحسينيه

✨@ssgadAl✨

#جديد_الليالي_الفاطمية_1439هـ
#كتاب_أنين_الضلوع

تروي فاطمة المأساة لزينب والجفن عبره
استعدي للمحن يُمه الرزايا والمحن كثره
〰〰〰〰〰
حوار يدور بيه جروح الزهره تروي الاخبار
تحچي لزينب المأساة ومدمعها يهل اعبار
مثل ما حرقو الاصحاب بابي وهجموا على الدار

بحطبهم يحرقوا خيامچ ذوله عصبة الغدره
〰〰〰〰〰〰
تعاين عينچ المسمار وآثار اللطم بالعين
تشوفي بكربله اجساد وآثار الكسر ضلعين
الهشّم ضلعي بالعصره طحن ضلوع صدر حسين
يا يمه وباچر المسمار رمح ويلزم بنحره
〰〰〰〰〰〰
تگلها والحرق داري باچر يضرم النيران
بحقدهم شبت بخدري و بخيامچ يا ام الاحزان
بعباتي مْنِ الرماد آثار عباتك بيها اثر دخان
السوط الي يلوعني على متونك اثر حمره
〰〰〰〰〰〰
خادمة آل محمد✍🏻


◾️◾️◾️◾️◾️◾️◾️◾️◾️◾️◾️◾️◾️◾️

مجموعة في رحاب الحسين


https://tttttt.me/joinchat/AAAAAEE5ALXrP5lARHOzmg


قناة في رحاب الحسين لنشر القصائد الحسينيه

✨@ssgadAl✨

#الناشر_الحاج_فلاح_حسن_راهب_ال_محمد

#جديد شهادة الإمام موسى بن جعفر عليه السلام
نزلة سريعة........ وزن الهجري المقطوع
.
قد قامت الزيارة .. ياشيعه ياغياره
اسيراً بالسجون موسى ابن جعفر
.
.
أذن ونــادى المــنادي والشـــعار ايعـيده
بالسجن موسى ابن جعفر من يجي ايفك گيده
افزع وانصــر أمامــك خلــي ايــدك بيده
اصبغ الگــاع ابدمـــاهم ويه دم اوريـــده
.
قد قامت القيامه ... لنصرة الامامه
نفديهِ بالعيون موسى ابن جعفر
اسيراً بالسجون موسى ابن جعفر
.
.
راضع الحب للــولاية من الحليب الطاهر
انت من مهدك مقاتل عايـــش اويه الساتر
عالجسر طايح إمامك نادى هل من ناصر
هسه گوم اطلع انصــــــره لاتظل الباچر
.
افزعله فك حديده... والسندي اگطع ايده
إمامك الحنــون موسى ابن جعفر
اسيراً بالسجون موسى ابن جعفر
.
.
فزعه عندك عابسيه حاسب الهه احسابك
صدرك اتشگه الإمامك انت موش اثيابك
يالأسد أزئـــر عليهم خلــها كلـــها اتهابك
نشمي وشحده اليگحمك من تكشر انيابك
.
ياعاشگ الولايه .... اسحگ على المنايه
وحيداً بالمنون موسى ابن جعفر
اسيراً بالسجون موسى ابن جعفر
.
.
ماتت ابهاي المســيه بســـمته المــرسومه
15 عام ابدمـــوعه ما يبــــث اهمـــومه
بصدره چن جمرة مخيم شهگته مسمومه
نواسي هاليله ابمصابه فاطمه المعصومه
.
يالفاضله النقيه ... احظري الكاظميه
بطامورة الشجون موسى ابن جعفر
اسيراً بالسجون موسى ابن جعفر
.
.
هالمثل فــارق قيـــاسه ركـــز ابأســراره
الوطن موسى ابن جعفر انهض اطلب ثاره
الي جـــربته وعــــرفته لا تـــرد تختاره
تنتخب ضلع الزچــــــيه انت لو بسماره
.
انفصل السياسه...كل واحد وقياسه
مانرضه باليخون موسى ابن جعفر
اسيراً بالسجون موسى ابن جعفر
.
.
زلزل اعروش الضلاله ابصولة الوهاجه
اهدم اقصور الخليفه وامشي اسحگ تاجه
الما يحب بضعة محمد انت مامحـــتاجه
غصبن اعليهم امامك اسمه باب الحاجه
.
الثوره فاطميه..والدوله رافضيه
اولاده مبعدون موسى ابن جعفر
اسيراً بالسجون موسى ابن جعفر
.
.
حسن الموالي الفاطمي
.
القصيده محرمه على رواديد الDJ





_____________________________


#الناشر_الحاج_فلاح_حسن

#حلم_مذبوح

#لا_يسمح_بتغير_اسم_الشاعر

◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

قناة قصائد في رحاب الحسين ع

https://tttttt.me/ssgadAl

لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#جديد محرم ١٤٤٠
.
آنه وين وأنت وين .. يا حبيبي يا حسين
.
حاير ودولبني دهري .. وتيهت كل الدروب
عايش وكل عمري ضايع.. چن ملح بالماي اذوب
غارگ بروج النوايب.. سيدي وشابع ذنوب
أنت باب التوبه وآنه ... گاصد البابك أتوب
.
تستمع مني الونين... يا حبيبي يا حسين
.
.
انفتح باب الله شفته .. وأنت واگف انظرك
من قعر بحر الظلاله .. طلعتني ابخنصرك
علمتني عالنوايح .. صعدتني المنبرك
رتلت أول قصيده .. من نظم دم منحرك
.
تنفست بيك الحنين ... ياحبيبي يا حسين
.
.
غيرت احوالي أنته ... چني حي وسط الگبر
ياحبيبي مالي غيرك .. بسمك اتنفس عطر
عيوني ماتشبع بواچي .. لمن أسمك ينذكر
بالثواني اچفوفي صارن .. يشتهن لطم الصدر
.
خلني بصحاب اليمين ... ياحبيبي يا حسين
.
.
أرتقي واصعدلي خطوه .. وانتكس عنك ورد
عندي غيبه وهم نميمه .. وگلبي بي غل وحقد
تزرع العطر اعله بابي .. وآنه أسحگ عالورد
تبتسم وتگلي گرب ... وآنه عنك أبتعد
.
بالذنب آنه سجين ... ياحبيبي يا حسين
.
.
درسك البلطف قريته .. وما فهمته اشيحتوي
المهر يفهم كلامك ... وآنه عنك التوي
بالعطش تيبس لهاتك .. حتى آنه ارتوي
الشمس تنطيني ضيها ... وانت بيها تنچوي
.
أنت جوهر وآنه طين .. ياحبيبي يا حسين
.
.
قدمت كل تضحياتك .. وآنه بيهن ما أحس
حررتني من آل اميه .. وبنبلهم تنترس
حتى آنه افهم صلاتي .. أنته صدرك ينرفس
حتى يتحجبن خواتي .. تمشي أختك بالشمس
.
أنت ثوره وانت دين .. ياحبيبي يا حسين
.
.
شنهي دمعي إلي أسيله .. وانت بحر من الدموع
آنه حال الظلمه حالي .. وانت كل بدر الطلوع
اليحب يرقى ابجنونه .. يقتبس منك خشوع
من بعد شگ الملابس .. عابسك شگ الضلوع
.
أنت بلسم للحزين .. ياحبيبي يا حسين
.
.
يالشسع نعلك مقدس .. بالمفاخر يعتلي
يسوه عمري وكل وجودي .. ومالي وولادي وهلي
لوعفتني ياحبيبي .. منهو غيرك چا الي
آنه من بعدك ولاشم .. سيدي ريحة علي
.
يا دليل الخائفين ... ياحبيبي يا حسين
.
.
تمت بفضل ربي وعطاء اهل البيت عليهم السلام
.
حسن الموالي الفاطمي
.
٢٠١٨/٧/١٣
.
القصيدة محرمة على رواديد ال DJ

◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

#جديد مجلس شهادة الإمام محمد الجواد عليه السلام.....قصيده من 3 أوزان
آخر الهجري+ 4/3 الشيعتي+الفائزي
.
.
اثلث ليالي اعله السطح ظل جسمك الطاهر
وانت الحمد والقل هو والغاشيه. وفاطر
.
إمامي... ياخيرةَ العباد
إمامي.... محمد الجواد
.
.

بگلبك السم ارتمه ... بها الليــالي المظلمه
المنــيه ســائله ادگ اعله بــابك
زلزلت عرش السمه ... نزفت اعيونه دمه
من تصدقت الهه كل زهرة شبابك
.
بعيونك انظــر قافله يرمـــوها بسّــهام
يطفح على خدك جمر من نـــار الخيام
شفت الشريعه بدمعتك ومراكض ايتام
بنفاسك اسمع سيدي چن كسـر العظام
.
ياكلمة الله المنزله يالتــطلب النــاصر
انت الحمد والقل هو والغاشيه وفاطر
.
سلامي ... ياكعبةَ السداد
إمامي .... محمد الجواد
.
.

بيك اشوفن كربله ... وشّجـره بالعـايله
عايشت درب السبي وي كل سبيه
صار سمّك سنسله ....گوه جدمك تحمله
هذا حالك چن عليــل الغاضري
.
نبظك ثگل يعــــني عشت فگد الحبايب
عودك ذبل جسمك نحل من هالمصايب
شاب وشبـت ياســـــيدي مــــن النوايب
من سم غدر أم الفضل شـــفت العجايب
.
سمها ترك فوگ الجلد چن سحگة الحافر
انت الحــمد والقــل هـو والغاشيه وفاطر
.
ودادي ... ياقبلةَ المراد
إمامي ... محمد الجواد
.
.

جسمك بهذا المسه ... يچوي كلمن يلمسه
چن مخـــيم ابوريدك مشتعل نار
الهظم يمك رسه .... بالنــــواظر تحّرسه
والدموع اترجم أنه بكربله اشصار
.
يالظامي من جمر الألم خلصت دموعك
السم لبس حافر واجه يهـــــشم ضلوعك
فصل الخريف ابلا خجل سلب ربوعك
اعظم هظيمه ابهالعـمر تطفى شموعك

هاي الزچيه اتقبـــلك بالمدمع الشاجر
انت الحمد والقل هو والغاشيه وفاطر
.
بلاد .... تلبس إلك سواد
إمامي ..... محمد الجواد
.
.

فكري يمك من سرح .... ينظر أجبينك نضح
ياسفير وگمت أشوف ابوجهك آيات
الأمر عندي اتضح ..... چن كتـاب الله انذبح
والسور عنك مشن كلهن سبيات
.
السجده والحــــج رتلن آيـات الاحزان
القـــارعه و الـــزلزله يقــــراها لقمان
يتلوا عليك الـــــواقعه وآل عمـــران
والذارياتُ والنجـم والفتـــــحُ والدُخان
.
ناحت عليك البسمله وي الضُحى وغافر
انت الحمد والقل هو والغاشيه وفاطر
.
يقيني .... والكهفُ والعماد
إمامي .... محمد الجــــواد
.
.
ساجد ودمعك جره .... شنهي تنظر ياترى
نزلت آخـــر دمعه تندب بالمنيه
هايشبل الطاهره ..... منبــــر بفكرك قره
استـــمع من رتلت غــربة رقيه
.
وياهه تنـــعى سيـــدي حلو المحـــــاچي
تنظر أبــــوها عالارض ظل دمه زاجي
كالساع اشــــوفـــك تختنگ من البواچي
شفت الشمر يسطــرها ويسلب التراچي
.
المن تنادي وتلتـــــفت والوالد امسافر
انت الحمد والقل هو والغاشيه وفاطر
.
ولائــــي ..... يامنهجَ الرشاد
إمامــــي ..... محمد الجواد
.
.

كملت آخر فرض ..... من حياتك عالارض
هالمسيه أم الحــسن ينزف جرحها
اليوم عالرب تنعرض ....كل اساليب الرفض
خلها بيك أم الفضل يكمل فرحها
.
وسفه على تراب السطح خلصت حياتك
اثلث ليــالـــي ترجمن كــــل نـــايبـــاتك
لمن نــــزف چبـــدك اله تفـــرش عباتك
ريته علي الهادي يجي ويحــــظر وفاتك
.
الرحمه طشت عالارض من گلبك الطاهر
انت الحمد والقـــل هــــو والغاشيه وفاطر
.
بكائي .... الك حتى المعاد
إمامي ..... محمد الجــــواد
.
انتهت ولله الحمد
لا تنسوني ووالدي من فضل دعائكم المبارك
.
حسن الموالي الفاطمي
.
2017/8/11
يوم الجمعه
.
القصيده محرمه على رواديد ال DJ

◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

#جديد محرم ١٤٤٠
.
آنه وين وأنت وين .. يا حبيبي يا حسين
.
حاير ودولبني دهري .. وتيهت كل الدروب
عايش وكل عمري ضايع.. چن ملح بالماي اذوب
غارگ بروج النوايب.. سيدي وشابع ذنوب
أنت باب التوبه وآنه ... گاصد البابك أتوب
.
تستمع مني الونين... يا حبيبي يا حسين
.
.
انفتح باب الله شفته .. وأنت واگف انظرك
من قعر بحر الظلاله .. طلعتني ابخنصرك
علمتني عالنوايح .. صعدتني المنبرك
رتلت أول قصيده .. من نظم دم منحرك
.
تنفست بيك الحنين ... ياحبيبي يا حسين
.
.
غيرت احوالي أنته ... چني حي وسط الگبر
ياحبيبي مالي غيرك .. بسمك اتنفس عطر
تشتهي اعيوني البواچي .. لمن أسمك ينذكر
روحي بمصابك عليله .. والدوه بلطم الصدر
.
خلني بصحاب اليمين ... ياحبيبي يا حسين
.
.
أرتقي واصعدلي خطوه .. وانتكس عنك ورد
عندي غيبه وهم نميمه .. وگلبي بي غل وحقد
تزرع العطر اعله بابي .. وآنه أسحگ عالورد
تبتسم وتگلي گرب ... وآنه عنك أبتعد
.
بالذنب آنه سجين ... ياحبيبي يا حسين
.
.
درسك البلطف قريته .. وما فهمته اشيحتوي
المهر يفهم كلامك ... وآنه عنك التوي
بالعطش تيبس لهاتك .. حتى آنه ارتوي
الشمس تنطيني ضيها ... وانت بيها تنچوي
.
أنت جوهر وآنه طين .. ياحبيبي يا حسين
.
.
قدمت كل تضحياتك .. وآنه بيهن ما أحس
حررتني من آل اميه .. وبنبلهم تنترس
حتى آنه افهم صلاتي .. أنته صدرك ينرفس
حتى يتحجبن خواتي .. تمشي أختك بالشمس
.
أنت ثوره وانت دين .. ياحبيبي يا حسين
.
.
شنهي دمعي إلي أسيله .. وانت بحر من الدموع
آنه حال الظلمه حالي .. وانت كل بدر الطلوع
اليحب يرقى ابجنونه .. يقتبس منك خشوع
من بعد شگ الملابس .. عابسك شگ الضلوع
.
أنت بلسم للحزين .. ياحبيبي يا حسين
.
.
يالشسع نعلك مقدس .. بالمفاخر يعتلي
يسوه عمري وكل وجودي .. ومالي وولادي وهلي
لوعفتني ياحبيبي .. منهو غيرك چا الي
آنه من بعدك ولاشم .. سيدي ريحة علي
.
يا دليل الخائفين ... ياحبيبي يا حسين
.
.
تمت بفضل ربي وعطاء اهل البيت عليهم السلام
.
حسن الموالي الفاطمي
.
٢٠١٨/٧/١٣
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

حسن الموالي الفاطمي:
#جديد محرم 1439. مجلس القاسم...قصيدة متعددة الاوزان.....

ليلة عرس ... يا يمه شمعه اشعلك
عندك درس ... خطة حرب ارسملك
يبني يمغوار ...گوم اطلب الثار
.
.
آنه رمله. وانت جاسم
انت مهجة گلبي يايمه اوحيدي
هالمسيه. للمنيه
يمه خطة حربك ارد ارسمها بيدي
.
خطة حربك يبني كامله
جيش الكوفه حاوط كربله
عن ايمينك شمر وحرمله
يبني وخلفك خيمه وعايله
.
ليلة حرب حان الظرب يايمه حد سيفك
من تبرز الجيش العده گطعهم ابكيفك
.
امن الميسره....سوي التفافه وغاره
سيفك تره....من الحسن اسراره
كل ظربه إعصار.... گوم اطلب الثار
.
......................................
.
هاذي رايه. للولايه
منها اخذ هذا العلگ شده اعله ايدك
للمصايب. والنوايب
يبني معصب فاطمه لفه اعله جيدك
.
يبني لمن تهجم باللوه
رتل يمه سورة قُل هو
ارفع راسي بغبرة نينوى
اذبح عنهم كل نسمة هوه
.
هيبة علي وسيف الحسن يايمه بيمينك
خزرة أبو فاضل اشوف الخزره من عينك
.
من تنغدر....عليهَ دير الناظر
لا تنقهر ... تلگاني خلف الساتر
أحرگهم ابنار.....گوم اطلب الثار
.
.....................................
.
الفجر لاح. والشمر صاح
بعالي صوته ينادي اجيت الگطع الرگاب
وين الحسين. والميامين
من دماكم جينه نترس حلگ التراب
.
عمك موسى وانته عصته
يحچي ابزودك وانت هيبته
طرهم يبني ونشف دمعته
اذبح لمن تضحك عبرته
.
طشرهم وغربلهم ومن كل كتر لمهم
جزر الاضاحي عالنهر يايمه اجزرهم
.
إسمك حرز... والمجتبى يعرفونه
من ترتجز... سن صارمه يذكرونه
چن حامي الجار.....گوم اطلب الثار
.
........................................
.
هاذي خيبر. وانت حيدر
والف مرحب بالحرب يبني يحيطوك
لا لتنظام. واشطر الهام
واحد ابسبعين الف لمن يحسبوك
.
سنينك خلهن صوغه للنعش
يل كل عمرك يبني 15
انظر دمك عالغبره انفرش
يالما ترضه انموت من العطش
.
رقه وترافه وعاطفه بالحومه عنوانك
شسع النعل بين قدر يوليدي عدوانك
.
من تنهظم... يبني تسيل ادموعي
من تنظلم... الضربه چن بضلوعي
ما اقبل اعذار.... گوم اطلب الثار
.
..........................................
.
أنته ذخري. وانته عمري
وآنه ناذرتك ييمه اليوم الطفوف
آنه وياك. نهجم اهناك
جيش اميه ما نخلي عدهم چفوف
.
شگد اتمنى عن عمك اذود
تهجم انته توذر بالجنود
واهجم آنه يمه بالعمود
لجل الزهره مثلك ما أعود
.
هالامنيه يبني البطل عليه ممنوعه
عمك اشوفه عالترب تتهشم اضلوعه
.
من ينطرح .... المن يدير الناظر
بصعب جرح..... ردتك تصير الناصر
ظل فكري محتار.....گوم اطلب الثار
.
..............................................
.
ياحبيبي يا طبيبي
باچر ايسمونه يمه يوم الفراگ
من اعوفك. وما اشوفك
يعني بدروب السبي والنحرك اشتاگ
.
شامت گلي أبنچ ما يرد
شنهي ايرده لو مات الورد
گتله لابد ابني ينولد
جاسم يرجع بس اسمه الحشد
.
بسم الحسن لجل الوطن لو دمعتي اتنادي
تشگ الجفن من النجف من تفزع اولادي
.
جيش وحشد.... ساعد يشد ابساعد
جاسم يرد...... واشوفه بيهم قائد
يالتحرس الدار.....گوم اطلب الثار
.
............................................
.
لا تنسوني ووالدي من فضل دعائكم المبارك
.
حسن الموالي الفاطمي
.
الاوزان....4/3 الشيعتي مذيل+وزن مركب من تفعيلة
(فعلن فعلن مستفعل مفا) +وزن المنسجم
.
ملاحظه:المقطع الثاني في النص.. الوزن المركب من تفعيلة....فعلن فعلن مستفعل مفا ....
هو لحن مركب من نص قصيدة ...جنح فطرس..لملا باسم...ومن يجيد تغيير الالحان الباسميه مسموح له التغير ....في نمط اللحن....


حسن الموالي الفاطمي
.
.
القصيده محرمه على رواديد الDJ

https://tttttt.me/ssgadAl

الشاعر حسن الموالي الفاطمي:
#جديد ..محرم .. ١٤٤٠
...مجلس القاسم
الوزن..مجرشه...
.
.
هاك أخذ هذا العلگ شده بجبينك
هاك أخذ هذا الحرز خله ابيمينك
اسحگ ضلع للظلام
باچر حرب يجسام
.
.
طر الفجر عين الشمس وكحه وييُمه اتخزرك
من كل كتر برض الحرب گامت ييُمه اتنظرك
گمت اسمع ۳۰ ألف يتشاورون ابذكرك
طب ذو الفقار المرتضى ياربي منه سترك
.
يا بطل جيش العده طشره اعله كيفك
يا بطل روس الزلم مشتهيه سيفك
انت النفل ماتنظام
باچر حرب يجسام
.
...............................................................
ها يالولد من المهد يوم المنايه انّطره
ما أرتوي بماي النهر تعرفني بيمن اروه
ماي العذب عندي يظل يايُمه ثار الزهره
اول طلب منك ردت ثار الضلع والعصره
.
فاطمه الزهره الطهر يبني ولوهه
فاطمه برفس الظهر يُمه سبوهه
لا تنسى طبرة الهام
باچر حرب يجسام
.
...............................................................
گبر الزچيه المختفي أحنه ييُمه انزوره
چنه نروح اويه الحسن نشتم عطر بخوره
يقره ابوك المستهل يا فاطمه المقهوره
ثارچ يظل للمنتظر يمه ابوكت ظهوره
.
لازم ومطلب إلي ثار الزچيه
لازم ابسيفك تطب للغاضريه
تزرع برضها الاسهام
باچر حرب يجسام
.
...............................................................
وسط الحرز قطرة دمه تشرح الم ضلعهه
والشيله صارتلك علگ يحچي بهظم دمعهه
أبن الصهاكه فاطمه على الوجه صفعهه
رفس وعصر يوليدي وبسن الرمح دفعهه
.
ذوله يمه الهدّموا خدر الشريفه
ذوله يمه همه أصحاب السقيفه
سمعني كسر العظام
باچر حرب يجسام
.
...............................................................
من المهد شابع حزن شابع جرح بحساسك
متعلم انته عالحرب يبني وسرت بنفاسك
ابمولدك أبو الفضل يُمه ابچفوفك باسك
شمرت ابوك المجتبى لا ما تدنگ راسك
.
لو ألف فارس برز تكسر ظهرهم
حتى لو ٧٠ ألف بصبع تفرهم
داويلي جرح الأيام
باچر حرب يجسام
.
.....................................................
.
هذا اولاً ثار الطهر من طلعتك اريده
او ثانياً ثار الاخوك الاكبر اوريده
اوثالثاً رف رايتك يا وارث الصميده
اورابعاً دگ ثايتك مهيوبه بالعقيدة
.
خامساً لاهل الكساء اوركز ابهاي
خامساً لازم ترد وبجربتك ماي
تروي الحرم والايتام
باچر حرب يجسام
.
..............................................................
.
تمت بفضل ربي وعطاء اهل البيت عليهم السلام
لا تنسوني ووالدي من فضل دعائكم المبارك
.
حسن الموالي الفاطمي
٢٠١٨/٧/٢١

القصيدة محرمة على رواديد ال DJ
.

https://tttttt.me/ssgadAl