حبك عذابي
وانه محال ابجي وانوح بس لمصابك
لذت شبابي
بجرحي اربي ويلجمني جرحي الشايل عذابك
محله دمعتي
بنص المجالس ابجي وانوح ودكيته بابك

رسمتك من زغر مافاركت شوفي
اخاف العمر يخلص وانه مااوفي
يهضمني حجي الناعي المشه اوياي
واسمع يكول قومي الى الطفوفي

يافاطمة قومي الى الطفوفي
هذا حسيناً طعمته السيوفي
الارض تبكي والسما واويلاه
حزناً عليه والدما واويلاه

التبجيله امه-امن ابجيله انه
يادمعه التلوك لغربته
اخ الهضمه _حركو صيوانه
وكلبي ذخرته لمصيبته
————————————————
خادم اضلن
وشنهي انه ابعد ولمجلس اهوا لگاني
لا ما املن
بلمجلس ابجي انه لضعونك وتجرح كياني
جا وين اروحن
لو مابجيتك والطمته صدري وهضمك عماني

لزمتني من جنت ضايع بالدروب
علمودي برمل نايم حد الغروب
يحسين بضمايرنه تعيش اوياي
تنسيني المضا وانساها الاذنوب

يحسين بضمايرنه
صحنه بيك امنه
لا دعوا ومجرد راي
هاذي من مبادئنه

الخلاني اخدمه__اشلون اوافي
وياحسره ابجيها اله
وشلون امله__ الكبرلي صيتي
لمن دخلت المجلسه
________________________
يامحلاه ذكرك
وانته قبلتني وانته جبتني بنص رحمتك
ارجع و شكرك
جي مارحت عنك و ضليت انه بنعمتك
شمحلاها اخدمك
ونطيت اخيامك خاطر انه ابقا بخدمتك


الخيول السحگتك ياغالي اهواي
ويسحگن عليك وماعندك اي راي
يمولاي التعب غيرهن الوانك
عن ضعنك حبيبي كطعو الماي

من سدو الماي عالفاطميه
كل مرضعه تصيح يبني شبديه
من العطش وجر لهيبه
والله شمصيبه

وحسيني هوا_الضحه بعياله
نايم تراهو عالترب
والكلشي يسوا_شوف المصيبه
بالهيمه ياوادم صعب
________________________
بالدنيه ضايع
ولمني محرم وجيت ابجي اعله حزنك
تطيح المدامع
يادمعه تكفي وويه الاجانب مشيته ضعنك
بيه المواجع
وحسره كلتني وجمره جوتني شمحلاها منك

كبرت دمعتي وبيهه تلوح اخيام
واشوفن حرمه مهضومه اعله هزله تنام
انهضم كلبي وسئلت امي اعله قصتهه
كالت يمه زينب عاشت ايام ايام

ايام ايام هاي الدنيه ايام
بخيام بخيام يوم الحرم بخيام
جسام جسام بثوب العرس جسام
ظلام ظلام لن هلگوم ظلام

الهضمته وادم-تالي عمرها
وطلعت تروكض بالفله
اليشتمهه خادم-واهيه ام كمرها
كلج هضيمه كربله
————————————————
القصيدة مشترك
#ايهاب الحميداوي-محمد منير المياحي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli