⬛️◾️▪️⚫️﷽⚫️▪️◾️⬛️

•● *(نخوة ؛ يمعصومة دخيل)* ●•

▼△▼△▼△▼△▼△▼△▼


أنادي بالعويل
يمعصومه دخيل * يمعصومه دخيل * يمعصومه دخيل



جيت عالبابچ يمولاتي و أنه ابگلبي ألم
و أدري اتزيلين كل آلامي ابجرة قلم
هذا گلبي جبته يمچ ،شوفي اشگد انظلم
من سهام الدنيا و الأرزاء لتظني سلم

ألم گلبي ثگيل
يمعصومه دخيل * يمعصومه دخيل * يمعصومه دخيل



انتخي بيچ و جبت أمراضي و المرضى التون
من عـُـظم أوجاعي ما لحظه غفى مني الجفن
و آنه گلبي عالضريحچ و الكرم ايدچ يحن
لمحه منچ تشفي علتي و ترفع إجبال الحزن

ردت تشفي العليل
يمعصومه دخيل * يمعصومه دخيل * يمعصومه دخيل



لا تردي العنده حاجه و دنيته بي إغدرت
لو رجع خايب يشمتون العده اللي أدبرت
إقضي حاجاته و حگ عين اليتامه الساهرت
ابرقيه و ابسكينه و ابدمه اجروح الجرت

و حگ چف الكفيل
يمعصومه دخيل * يمعصومه دخيل * يمعصومه دخيل



يا كريمه اللي اشتهرتي بالمناقب و الكرم
من بعيد ايدي أمدها و أوقف ابباب الحرم
وجهي شاحب من همومي و چني ابعمر الهرم
لا تخلي چفي من ابحور جودچ تنحرم

صفى جسمي نحيل
يمعصومه دخيل * يمعصومه دخيل * يمعصومه دخيل



إنتِ تدرين إشگد آنه عاقد ابجودچ أمل
لا تخيبيني و انظري الحالتي ودمعي ابعجل
إدركيني ابدنيتي و نجيني من قبل الأجل
و إشفعي لي بالقيامه و لا تخليني ابوجل

و أريد السلسبيل
يمعصومه دخيل * يمعصومه دخيل * يمعصومه دخيل
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*ونسألكم الدعاء لتعجيل الظهور*


.◾️◾️◾️◾️◾️◾️◾️◾️◾️◾️◾️◾️◾️◾️

مجموعة في رحاب الحسين


https://tttttt.me/joinchat/AAAAAEE5ALXrP5lARHOzmg


قناة في رحاب الحسين لنشر القصائد الحسينيه

✨@ssgadAl✨

⬛️◾️▪️⚫️﷽⚫️▪️◾️⬛️

•● *(لطمية : يالباب)* ●•

☜الطور ؛ (ياليل طول ساعاتك) و غيره

▼△▼△▼△▼△▼△▼△▼


يالباب لا تكثر همي
يالباب لا تعصر أمي


خوفي ايطيح الاجنين * تبقى الدمعه بالعين


نور ممزوج ابدمه ، من بين هالفتحات ظاهر
هذا يا دم اللي يجري ، هز عرش كل المشاعر
و آنه گلبي يعتصر عل أمي چن يعصرها كافر
بعدي ازغيره شسوي و الحُسين اويايه حاير

يالباب ارحم ونتها
يالباب لطموا وجنتها

خوفي كسروا الضلعين * تبقى الدمعه بالعين


خوفي يالباب ابلهيبك تحرگ أطراف العبايه
دير بالك اعله أمنه يكفي حاطتها البلايه
و ابعد المسمار عنـها ، لا تأذيها كفايه
و احسب اويانه المصايب چم جنايه و چم رزايه

يالباب اشگد تهضمنه
يالباب لا تلچم أمنه

صحنه ابعبره و اونين * تبقى الدمعه بالعين



نار أحقاد الأعادي تحرگ و تچوي دليلي
من ألمها أمنه تصرخ و آنه مخنوگه ابعويلي
بالله يالباب إحمي أمي لو تطيح ايطيح حيلي
خايِفه ترحل و أنه ظل بالبچي سهرانه ليلي

يالباب أمي رجعها
يالباب خل انودعها

مثل أمي نلگى وين * تبقى الدمعه بالعين


بين هالعتبه اللي كسروا بي ضلع أمنه الزچيه
راح انشيع نعشها بالدمع و الآه ، خفيه
بالله يالباب إدعي ويانه تطوِّل هالمسيه
ليلة أوداع الحنونه و ما ترد عگب المنيه

ياليل ارحم دمعاتي
ياليل اسمع آهاتي

ماتت أم الحسنين * تبقى الدمعه بالعين



آه هالليله اشكبرها عالگلب و اشگد حزينه
مهما تبچي دم يباب الدار متعود الحنينه
هذا تابوت الحبيبه انشال و ما يرجع إلينه
و احنه اتيتمنه و ابعظم المآسي ابتلينه

ياليل لا تمشي ابسرعه
ياليل خل ننعى البضعه

هالمحنه جتنه امنين * تبقى الدمعه بالعين



.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*ونسألكم الدعاء لتعجيل الظهور*


◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

قناة قصائد في رحاب الحسين ع

https://tttttt.me/ssgadAl

⬛️◾️▪️⚫️﷽⚫️▪️◾️⬛️
.
•● *(لطمية ؛ اجيت القبرچ)* ●•
.
☜الطور ؛ بوزن *البحر الطويل*
يقرأ بأطوار #النعي ، ك ؛
1 التغريد الحزين
2 و لفى عاشور
3 آنه اللي شفت نارين
4 يا تالي هلي يحسين
5 يا سلاب تاج حسين
6 من دارت عليه القوم
*و تقرأ بأطوار #اللطمية ، مثل :
1 أنه بقلبي چبيرة النار - و ذلك بإضافة هذا الجواب : *(أنادي ابدمعة أجفاني*مصابچ هدم أركاني)*
2 مثل طبع النسر طبعي
3 يا لرايح تزور حسين
4 و الشوط الكربلائي و النزلة
5 يحسين ابضمايرنا
6 يا سلاب تاج حسين
7 مربوعه
8 فزاعية
*او الأطوار #الفارسية الحزين؛
1 صداي پاي يار مهربان - جواد مقدم
2 چرا مادر علي اصغر - سيد جواد ذاكر
.
.....و ألحان ومقامات مختلفة أخرى.
.
▼△▼△▼△▼△▼△▼△▼

لسان حال السيدة أم البنين على قبر مولاتنا الزهراء سلام الله عليهما



إجيت الگبرچ المخـفي ، يزهره و أنعي لمــصابچ
أنــه خادمـتچ أم عباس ، گومي و عـوفي اترابچ



بچيت اعله الگبر و انشد ، و حگ گلبچ الاتمرد
صدگ حيدر وقت دفنچ نظر سطره بقت عالخد
صدگ شاف الضلع مكسور ، و الاجروح ما تـنعد
يحگ له الموت لمن شاف ، دم باقي عالإثيابچ


يبنت المصطفى المختار حزنچ جــارح إحساسي
يريت اللي جــره ما صار ، ما قتلــوچ الأرجـاسي
تمنيت ابهــجوم الدار ، حـاضـر ابنـي عبــاسي
يسل سيفه على أعدائچ ، يبعدهم عن أعتــابچ


مصــابچ و الله ماذينــي ، أشوفه چنه ابعيني
بــإذاني أسمعچ صــحتي ، تخــيلتچ تـناديــني
على كل ونـه ونيتي ، تبـــيني أرفــع اونـيني
يمولاتي قســـم بالله ، ما أنسى شنو الصـابـچ


عجـــب من هالدهر غادر ، سمح بابچ يحـــرگونه
طفل ابلا ذنــب يا حيف ، بالعصره يسگـــطونه
و أمير المؤمــنين اشلون ، گــوم الشـر يجـرونه
عجب صبرچ على حالچ عجب صبرچ عالأحبابچ


يريت آنه اللي بين الباب عصروني گبل عصـرچ
يريت ابصدري المسمار ، لا جرحوا إلچ صـدرچ
يريت إعظامي و اضلوعي متكسره بدل كـسرچ
تمنيت آنه و اوجودي و عباتي احترگت اببـابچ
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى وبفضل الحجة المنتظر عجل الله فرجه ،
ونسألكم الدعاء لتعجيل الظهور


◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

قناة قصائد في رحاب الحسين ع

https://tttttt.me/ssgadAl

*أويلاه يا سيدي*


يالــغارگ ابــموج الشدد
نادي علي الــهادي مــدد



يــا مـن دليلــك انــعـصر
حسيت جنــحك انكــسر
متأذي مــن ظــلم البـشر
نــاديــه و ايــزيل النــكد


يا مــن إلك هــم و عــلل
و اتريد تشــفى بالعــجل
بالهــادي اعـقد كـل أمــل
والكل جرح تلگى الضمد


يا من غدر بيــك الــعدو
ما ظل إلك ناصــر كــفو
لا تــلــجـــأ الأخ أو أبــو
الــهــادي للشــيعه ســند


يالهمك ايفـوق الوصـف
تبچي و ايدينك ترتجف
مــن سيـدك لا تنــكسف
إنخـاه و لا تنــخى أحـد


يا من تعاني امــن الـبله
العن شمر وي حرمـــلــه
تــرزق زيـــارة كــربــلــه
كل عيشتك تصبح رغـد


.
.
===========
📝 #الشاعرة_الملاية_زينب_المؤيد


◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

قناة قصائد في رحاب الحسين ع

https://tttttt.me/ssgadAl

لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

⬛️◾️▪️⚫️﷽⚫️▪️◾️⬛️
.
#لطمية + #نعي #السيدة_خديجة عليها السلام
•● *(مأجوره يا بنتي)* ●•
.
☜الطور ؛ يقرأ بألحان مختلفة ، مثل
النعي ؛ ( يا كربله و طر الفجر - للشيخ الحسناوي )
أو كنعي بطور ( يم الولد راح الولد - للشيخ الحسناوي )
أو كلطمية ؛ ( أويلاه يكربله - للمنتظر الساعدي )
أو كلطمية ( مولاتي يا أم البنين - للشيخ باقر الصبيحاوي )
و غيره الكثير.
.
▼△▼△▼△▼△▼△▼△▼
.
لسان حال رسول الله ص و اله ، مع فاطمة الزهراء عليها السلام ، بعد رحيل السيدة خديجة عليها السلام...
.
.
.
نجمتنه مالت للأفول
مأجوره يا بنتي البتول

◆◇◆◈◆◇◆

يا بنتي سمعي هالخبر
نازل علينه ، أمر القدر
خل دمعتچ تجري نهر
و الحالتچ دمعي هطول

◆◇◆◈◆◇◆

مركب همومچ من رسه
ماتت خديجه ابكل أسه
و ايتيمه صرتي ابهل مسه
محتار و ما أدري اشـأقول

◆◇◆◈◆◇◆

يا فاطـمه علنـي الـحداد
أمچ قضت لبسي السواد
فُرقـتـنـه تـبقى للمــعاد
ليل الهـجر طبعـه يطـول

◆◇◆◈◆◇◆

جار و غدر دهري الخؤون
صـاب أمـچ إسهام المنون
مـا ترجـــع الأم الحنون
ورده و أصيبت بالذبول

◆◇◆◈◆◇◆

غطى السمه غيـم المحن
تمــطر عليـــنه بالفـــتن
حضري السدر ويه الكفن
عينيني عالدفن ابذهول
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*و نسألكم الدعاء لتعجيل الظهور*
ــــــــــــــــــــــــــــــــــــــــــــ
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

⬛️◾️▪️⚫️﷽⚫️▪️◾️⬛️
.
#نعي #السيدة_خديجة عليها السلام
.
•● *(لا تتركي بنتچ)* ●•
.
▼△▼△▼△▼△▼△▼△▼
.
لسان حال السيدة فاطمة الزهراء بعد رحيل أمها السيدة خديجة عليهما السلام ...:
*(ينفع أيضا للفواتح و فقد الأم)*

طور ؛ *(يمه أنه زينب عد من تخليني)*
.
.
يا يمه يا يمه ، يا يمه يا يمه
.
يمه أنه الزهره ، لتيتميني الحين
رحمي زغر سني ، فتحي إليه العين
لا تتركي بنتچ ، للدمعه و الأونين
و اتوسلچ يمه ، حاچيني فد كلمه
.
يا يمه يا يمه ، يا يمه يا يمه
.
.
يا ريتني قبلچ ، مدفونه في قبري
منهو اليباريني ، من ينكسر صدري ؟!
ترضين أنه أتألم ، و أحتار أظل بأمري
المن أبث حزني ، و قلبي كثر همه
.
يا يمه يا يمه ، يا يمه يا يمه
.
◆◇◆◈◆◇◆
.
.
لسان حال السيدة فاطمة الزهراء على قبر أمها السيدة خديجة عليهما السلام...؛
*(ينفع أيضا للفواتح و فقد الأم)*
.
طور؛ (يمه. قد عمر الورد) و يقرأ بغيره
.
.
صبعه ، مو سهله أصدّق ماتت أمي
صبعه ، أفقد من دِماها بين دمي
صبعه ، من أنظر مكانچ خالي يمي
صبعه ، بعدچ عد منو أشكي له همي
.
.
يمه ، أوقف عالقبر و ابچي المصابچ
يمه ، و أنهار و أون ، و أحضن ترابچ
يمه ، ما ظل چاره بس أشتم حجابچ
يمه ، يا ريت العمر فدوه الشبابچ
.
.
◆◇◆◈◆◇◆
.
كأني بالزهراء عليها السلام في ساعات غسل و دفن السيدة خديجة عليها السلام..؛
*(ينفع أيضا للفواتح و فقد الأم)*
.
.
الطور ؛ بوزن *البحر الطويل*
يقرأ بأطوار #النعي ، ك ؛
1 التغريد الحزين
2 لفى عاشور
3 آنه اللي شفت نارين
4 يا تالي هلي يحسين
5 يا سلاب تاج حسين
6 من دارت عليه القوم
.... . وغيره
.
.
يبويه اتمهل اشويه ، أريد اتوادع اويه أمي
و أريد أحضنها و أشتمها و أغسّلها ابلقلب مدمي
و أكفنها ابعبايتها ، و أقبّلها ابدمع يهمي
و أريد ادفنها ابجفني و أغطيها ابرمش عيني
.
.
يبويه لو دفنت أمي ، تره تدفن معاها الروح
يتيمه أصبح بلا خيمه ، هِرش قلبي يظل مجروح
شي داوي جرحي يا بويه ويحق لي أرفع إلها النوح
وحيده أبقى بعد أمي ، و وسف تركتني بونيني
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*و نسألكم الدعاء لتعجيل الظهور*
ــــــــــــــــــــــــــــــــــــــــــــ
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

#وفاة_السيدة_خديجة

طور مالي غيرك -لحن الفراق


لسان حال النبي ص و اله ، بعد فقده للسيدة خديجة عليها السلام


يا خديجه
انكسر ظهري ابفراقچ
يا خديجه
قلبي يلهب لاشتياقچ
يا خديجه
روحي تتمنى لحاقچ


فتحي عينچ
شوفي اشصاير عليه
فتحي عينچ
مو إلي الخاطر زچيه
فتحي عينچ
رجعي للزهره و إليه


شوفي بتنه
فاطمه قلبي و فروعي
شوفي بتنه
تبچي و اتهز كل ضلوعي
شوفي بتنه
نوبه هم تمسح دموعي


لا تموتين
لن تموت البسمه وياچ
لا تموتين
لا تخلي الموت يدناچ
لا تموتين
لو رحلتي وين ألقاچ
.
.
.
===========
📝 #الشاعرة_الملاية_زينب_المؤيد
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg

⬛️◾️▪️⚫️﷽⚫️▪️◾️⬛️

•● *(لطمية: لأسد الله و رسوله حمزة عليه السلام)* ●•

☜الطور ؛ بوزن #الموشح ، جميع أطوار الموشح في *النواعي* و *اللطميات* كبعض الأطوار التالية؛
1 (أدركني يا أبوفاضل - محمد بوجباره) وذلك بإضافة هذا الجواب *(واويلي انقتل حمزه2)*
.
2 (مولاي أبالفضل - لمحمد بوجباره) وذلك بإضافة هذا الجواب *(مولانه مولانه ، يحمزه 2)* .

3 *(اشجابج الصوب النهر-للملا باسم)* وذلك بإضافة هذا الجواب *(يا حمزه ، يا حمزه 2)*

4 (آه وا ويلاه يا أم البنين - لملا باسم) و ذلك بإضافة هذا الجواب *(آه وا ويلاه ، وا مصيبتاه)*
5 (ركضة طويريج - لملا باسم)
6 (شيعوا نعش الطاهره - لملا باسم)
7 ( يا شهر عاشور )
8 ( جينه ننشد كربله )
9 المربعة السريعة والبطيئة
10 (ليش عايف منبرك)
11 نزلة نجفية.
12 (يا إلهي و يا إله العالمين)
13 (الفاتحة إلنه)
14 (لو قلب زينب جبل)
15 (أومت اعليك الشهاده)
16 عزاء البندري (هوى ابميدانها)
17 (نخوه نخوه ياعلي - السيد محمد المكي)
و غيرها.
.
▼△▼△▼△▼△▼△▼△▼

جاء في الأخبار...؛
و أقبلت صفية لتنظر أخاها، فأمر «صلى الله عليه وآله» إبنها الزبير بإرجاعها، حتى لا ترى ما بأخيها.
فقالت للزبير: ولم ؟
وقد بلغني: أنه قد مُثِلَ بأخي، وذلك في الله قليل، فما أرضانا بما كان من ذلك، لأحتسبن ولأصبرن إن شاء الله.
فسمح لها النبي «صلى الله عليه وآله» برؤيته، فنظرت إليه، فصلت عليه، واسترجعت ، [ أي إنها قالت؛ (إِنَّا لِلّهِ وَإِنَّـا إِلَيْهِ رَاجِعونَ) ]، و استغفرت له.


كأني بلسان حال رسول الله ص واله ، مع عمته صفية رضوان الله عليها...



يا صفيه ، حمزه لتشوفينه
ما دريتي جسمه امگطعينه


لو تنظرين الأخو ابهذا الوضع
خوفي عالگلبچ يعمه ينصدع
كل عضو من حمزه ويلي منگطع
ريت ما شفتيه ، اموذرينه


يا صفيه امن الأخو فگدي الأمل
لبسي الأسود ما يرد اللي رحل
حمزه اگبالي يا عمه انچتل
و العده يا ويلي امسلبينه


گومي يا عمه استعدي للمحن
و احضري الحمزه السدر ويه الكفن
خل نغسله بالدموع اللي جرن
و العده ابدمه امغسلينه


يا نوادب التندب الحمزه و تحن
من تواسينه ابمصابه من تون
عمي غالي و بالگلب ظل مندفن
و الملائك كلها امشيعينه


الله ايصبرچ يعمه امألمه
شفتي حمزه تجري من جثته الدمه
حضرت اتواسيچ بنتي فاطمه
أشكر الله ما سمعتي اونينه


و أحمد الله قلبچ أكثر منفطر
من بعد عين الأخو محد جسر
ما سباچ و قيدچ بيده الزجر
ما دخلتي عالعدو ادواوينه
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
ونسألكم الدعاء لتعجيل الظهور
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg