#لطمية_لوفاة_سيدتنا_ومولاتنا_ام_البنين_ع
(تقرأ فزاعية او مربعة وبألحان اخرﯼ)

نريد امراد من بـابـﭻ يبدوية
نحلفـﭻ بالگمر واخته المسبية
نريد امراد من بابـﭻ يبدوية
:::::::::::::::::::::-----------:::::::::::::::::::::::

على اعتابـﭻ اجينة وتهل دمعتنة
رفعناها الأيـادي ووقعي طلبتنة
يـم عباس الـﭻ هالليلة جمعتنة
(جيـنة لمجلسـﭻ وبصافي النية)
✍🏻 #ولائـية_وافتـخر (دعـاء العـامـري)
❀❀❀..................................❀❀❀

جينــه بـمجلسـﭻ لا لا تـردينه
وحگ من گطعوا بالطف شرايينه
اليريـد مـراد منـﭻ لا تـخيبينه
(يـم الاربعـة البشـدة منخية)
✍🏻 #ام_فاطمة_الزهراء
❀❀❀..................................❀❀❀

ندگ بـاب الحنينه وتسمع الونه
غيـرﭺ مـاقصدتـه ولا أعرفنَـه
تنطينـه الكريمـه دون اي منه
(واگلها هموم گلبي كثرت اعلية)
✍🏻 #بنت_الأشتر....المالكي
❀❀❀..................................❀❀❀

نحلفـﭻ بالغريب المات عطشان
بـابـﭻ للكــــرم والجـود عنوان
عذبنــه الدهــــر ملينه الأحزان
(يمج حاجتي وادريها مگظية)
✍🏻 #آلــــّ؏ــلّويِـــــه_آلّمٌوسويِــــۿ
❀❀❀..................................❀❀❀

قسمنه علیـﭻ باللي منگطع نحره
وبـالكافل خـدر زینـب الحره
علیة الظیم وهمومي اصبحت كثره
(يـم الاربعـة تـنطيني بيـدية)
✍🏻 #علوية_ام_فاضل
❀❀❀..................................❀❀❀

أريد انخاﭺ يـم عباس اسمعيني
عليه اهموم وانتي الي تنجيني
أريد انخاﭺ ياحره وتعرفيني
(للمجلس اجيت ودمعتي اجرية)
✍🏻 #فاطمة_الحلفي
❀❀❀..................................❀❀❀

تمت 22/2/2018

✍بقلم نخبة من شاعرات أهل البيت

🔹غير مبرئ الذمة من يحذف أسم الشاعرات 🔹◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg