كون الطف يمهدي بطلعتك ينعاد
واتمنه بزمانك عندي 10 اولاد
ويه الاربع اجروح
فدوه الطولك نروح
_____________________

المثلي من تضحي تضحي بالقاده. وتحط بيدك بحر من غيرة الساده
حدر جدم ابو صالح صيرو سجاده
وخلو الموت منكم ياخذ مراده


يا اخر نفس معصوم
بقية فاطمه انته
بنبض كلبي وصرت شريان
بيك الكلب سالفته


اجيبلك زلم مو زلم ياهو الجان
ما ريدك تضل بعازة الخوان
وحك الطاح مذبوح
فدوه الطولك نروح
___________________

اريد وياك اروحن ما اضل وحدي
غريبه والمدامع تاكل بخدي
بدويه تعرف لو حشمت ولدي
واكللهم فده ترحون للمهدي

افزعو فزعة العباس
صيرو سيوف بالكلفه
واكلكم هذا مو ابني
اليجيني وماكطع جفه


اجيك بخلك حيدر صافيه النيه
واراوي الماعرف فزعة البدويه
جفني عليك مشبوح
فدوه الطولك انروح
__________________

اذكر من جزه حسين ومشه الطفه
اودعت النجوم الوكفن بصفه
لزمت ايد الكفيل وحشمت جفه
انتفض لمن سمعني وكال الف وسفه

حالف اله اعطش الماي
ما ابرد عطش جبدي
وانه المن شيلتج ماخذ
علك لفيت بي زندي

اعيد الكنطره واكطف زلم بالشط
واحسب بالركب وحسابي مايغلط
حمل ماخله مطروح
فدوه الطولك نروح

_________________

اريد وياك اضل كلما يمر عاشور
نروح الكربله وبكل اذان انزور
يم حسين نجبر خاطره المكسور
بلكي نشوف جاره الخنصره المبتور
.


ناخذ للرضيع الماي
اذا فز وشرب منه
بلكي يضوكه ابوالسجاد
ويروح العطش عنه
.
بلكي بلحظه اشوفه من وره الشباج
ويكلي ييمه ابيش اتلكاج
واشبكه ويكثر النوح
فدوه الطولك نروح
_______________________

الي وياك جلمه ورايده احجيها
بعد بالشام زينب لا تخليها
لطف جيبها واسمع بواجيها
ورقيه خل نردلها تراجيها


اخذلها هديه وياك
صور فوك الكبر طشها
وسجادة ابوها حسين
بلكي تكوم تفرشها


الخرابه يمها ابد ماجيب طاريها
خاف من الكبر تطلع بواجيها
ودمع بالعين مسفوح
فدوه الطولك نروح
____________________
#الخادم عبد الامير السعيدي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

(الى كل خدمة الحسين عليه السلام الفقدناهم )

المنبر يكول اكو واحد فاكده هاي الليالي
عافني شلون وانه ادري بروحي عنده هواي غالي
وهوه شلونه من شاب ¤¤ وسفه يظمه التراب
¤¤¤¤¤¤¤¤¤¤¤¤¤¤¤
مثل العائله تلمنه كربله بالعزاءات
تكول احنه اهل قصيده ومستهل بالعزاءات
اكلكم شو نقص خادم جان الأول ابجيله
ماكلكم يصحباني اجي للمجلس الليله
جان ابكل عزه لزينب اشوفنه يذب يحيله
كل واحد يحبه يكوم لطمه بصدره يهديله

من تلطمون ذكرو صاحبكم الشاب الفاركانه
ابين الصفوف وسفه والله الليله ظل خالي مكانه
اليحظر مره ماغاب ¤¤ وسفه يظمه التراب
¤¤¤¤¤¤¤¤¤¤¤¤¤¤¤

ابو طبع الحلو التسمونه اخو كل حياته
ابمكانه اتخيله اليحب بس كربله كل حياته
براسه كربله وعاشور بعينه صوره للمنحر
عجبني بطبعه متواظع ابد ماشفته يتكبر
بعين حسين ابو اليمه كل ماجاله ضل يكبر
من كد اللطم لحسين اشوفن صدره صار احمر
عاشك حسين وهوه عنده كربله امه الجبيره
يكره الشام لان زينب بالسبي طبتله اسيره
بعشكه من الزغر ذاب ¤¤ وسفه يظمه التراب
¤¤¤¤¤¤¤¤¤¤¤¤¤¤¤

بخيم كلبه احترك ويشد بيده علك بكل قصيده
يجي يحبني ركض اعتبره هايه فرض بكل قصيده
ربه بحظاني بالخدمه وظل يقره وصبح رادود
يحب زنجيله جان اهواي وكل اهدومه جانن سود
زغير بعمره بس حسين حبه بكلبه ظل يزود
يشاور رايه العباس عندي ذني خوش زنود

جنت اشوفه يحب يقره كل قصيده بيهه دمعه
سمع بحسين بحافر الخيل انسحك ونكسر ظلعه
يبجي لهذا المصاب ¤¤ وسفه يظمه التراب
¤¤¤¤¤¤¤¤¤¤¤¤¤¤¤

بدمع طينه انعجن العزاء عنده وطن يسوه كلشي
لحبيبه شكد وفي يشب وينطفي يسوه كلشي
شكد متعلق ابزينب ويضل يبجي ويه طاريهه
يكابل ربعه كل مجلس و مصيبتهه يمر بيهه
صدك لايح متنهه السوط الجمر كالولي جاويهه
وفائن مني للعباس اموت آمن البجي عليهه

لاجن اليوم ربعه كلهم حظرو ابمجلس ام عون
هوه جاوين خاف زينب تحظر وتفكده اشلون
جرح فراكه ماطاب ¤¤ وسفه يظمه التراب
¤¤¤¤¤¤¤¤¤¤¤¤¤¤¤

انه عندي خبر الي ديرو النظر بالمكابر
الخدم تبقه بعلو مجالس هم اكو بالمكابر
بموكب عابس ايسجلو هناكه يلطم ويقره
وي حمزه الزغير يروح مجلس عنده بالحظره
اطمنكم بعد اكثر اسمعو بله هالبشره
وحق حسين بس حسين ابد ميظيع العشره

بس الحسين ابد ميضع تعب واحد يخدمه
لمن يموت بالكبر يحظرله من ايده يلزمه
طاري الخير إنجاب ¤¤ وسفه يظمه التراب
¤¤¤¤¤¤¤¤¤¤¤¤¤¤¤
#تمت __ علاء الزيدي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

ياغيم الرايح إخذ دموعي اوياك
للطف من توصل ذبهـن بالشــبّاك

وجروحي الكلها احساس
خلـــها ابصحـــن العباس
____________________________________

أول اوصيتي    إمشي لبن أمي
واحمل ابچفك رساله لچـف حضرته

هوه يعـرفني     من دمع عيني
والاخو لا مايضـيـّــــــــع دمعة اخته

گله مشتاگه     زينب اتشوفك
گلبي جمره وشوفتك تطفي جَمُرته

وإنزل عله التل    بس احذرنك
لايشـــــــوفك كافـلي انزل ابسـكــته


من يسمع طاري اسم اخته من ابعـيد
يركـض وجفوفه إيد اتحـشِّـــــــمْ إيد

إحذر من عين الناس
خلها بصحـن العباس
………......................…....………

خوفي من ينظر     دمعة عيوني
كافلي كلش غـيــــــــــور اعليه يزعل

هوه دللـني .....گلي يازينب
لو طلبـتج بالســــــــــمه هم بيها اندل

كلشي تحت امري....  وانه تحت امرج
اسرع من الرمشه گولي وكلشي يســـهل

خدرج الغــالي ....اغله من عمري
والهوه لو مر حجابج والله يخــــجـل

بفراگ اخواني شيصـــــــــــبرها العين
وشگد مشتاگه لصوته وصوت حسين

اخذ الشيله العل راس
خلها ابصحــن العباس
………........................……………

دمعي بجـفوفك    عُصره بالحضره
خلي يشرب منه الحسين
ورضيعه

من عطش گلبه… . يبجي عبد الله
والورد يابس عطش موســـــم ربيعه

روحه خنگوها   وگطّع اگماطه
بس بقت بعيونه حسره اعله الشريعه

ومن يجي المهدي…… ينظر لحــــــاله
صدر ابوه حسين فايض من نجيعه

بجفوفه ايشـــــــيله ويهتف ياجبار
عبد الله اشــذنبه اتشب ابگلبه النار

واحلامه اتخضر ياس
خلها ابصحـن العباس
………........................………..…

أُمنـيه بعمري وِدي تتحقق
والدهر وياي عكســـت كل ظروفه

أمنيتي وياهم   ينحـفر گبري
حته كلما ألتفت عباس اشــــــوفه

واليجي يزوره   يطلب الحاجه
ياخذ مراده ويجي لگبري ويطوفه

والله مشتاگه  لريحة اخواني
ياجرح گلبي بكُبر شوگي اشيروفه

وفايه اخواني وماعـدهم تقصير
لو گبري اوياهم ثالث گبه ايصير

حسراتي البل انفاس
خلها ابصحن العباس
………….....................… .........

حته يوميه     اگعد انعاهم
واذكرلهم رحلـــة الشــــام الاليمه

اكشف متوني    وٱرد ابچيهم
زينب اتبات بخـرابه ياهضـــيــمه

هوه عودني   لو غفت عيني
ايهفي بيده ورايته ايسويها خيمه

اويگعد ايناطر    لمن آنه اگعد
مايفارگني أخــــوي الكلـه شــيمه

واذكر هالموقف جان ازغـــير اويـاي
صادف عطشانه ويركض جاب الماي

ٱنداس ومايرضه انداس
خلها ابصحــــــن العباس
................................
خادم الحسين ع
#مرتجى الحساني

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

اللهم عجل لوليك الفرج



يا دمعة الآه  وين آنه الگاه
ارد ابچي وياه مكسور الگلب
اينَ استَقَرَّت  بِكَ النَّوى
........
يابو صالح ياحبيبي
نار دمعي عليك وتبده اعله خدي
عيروني واني افخر
لما گلوا عني مجنونك يمهدي
واسكت اني ابحيرتي
والتجاوب دمعتي
من يحس بلوعتي غيرك حبيبي
يامالك الروح  عمري فده ايروح
دلالي مجروح  يانبض الگلب
اينَ استَقَرَّت بِكَ النَّوى
.........
احس ونتي لون بيها
لون نار ودم ضلع من الزچيه
شلونه دمعك يا حبيبي
وانته عايشها الليالي الفاطميه
انته شفت اللي جره
كسر ضلع الطاهره
وين گاعد ياترى وناصب عزائك
بيامجلس الگاك  واتعنى لهناك
خادمك وياك  يبچي وينتحب
اينَ استَقَرَّت بِكَ النَّوى
..........
امشي واسأل بالمساجد
عيوني تتفحص الناس اللي تجيني
بلكي عيني تجي بعينك
من ونينك سيدي يصبح ونيني
خاطر اني ودمعتي
مهدوي بكل ونتي
وكل كلامي وصفنتي بيك انته وحدك
لضلع الزچيه  لونة رقيه
وضعن السبيه دمعاتي التصب
اينَ استَقَرَّت بِكَ النَّوى
.........
من اشوفن طفله تبچي
اذكر ادموعك التبچيها الرقيه
ولمن  اسمع خيل تصهل
احس بضلوعي حوافر اعوجيه
واشعر ابگلبك ألم
وأحترگ ويه الخيم
وعيني احس بيها السهم  اذكر العباس
يالشايل آلام  ونيران الخيام
وكل ذيچ السهام بگلبك تنضرب
اينَ استَقَرَّت بِكَ النَّوى
..........
بهالليالي شلون صحتك
وانته گلبك ينزف لأمك الزهره
لذاك المصاب لحرگة الباب
تستعر يالمهدي وسط الروح جمره
بثار تنزل دمعتك
الله يدري بحرگتك
وياك اخذني لغيبتك خلي ابچي وياك
يا اعز الاحباب  وحدك بالمصاب
خليني عالباب   يمك بالغرب
اينَ استَقَرَّت بِكَ النَّوى
....

#الشاعر كريم التميمي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

فزاعي

يا اميرة الشيم

سلم الراية ابو فاضـــــــــــل بيد مستوره
گــــــلهه خلصت كربله والشام اجه دوره
شدت العصابة گـــــــــــالت هاي مگدوره
هيه زينب مــــــــره بس عباس بالصوره
شافــــاها وبرد حيله
والجيش انكسر رايه
شلون اتعـدي هالليله
وزينب كضت الرايه
يا اميرة الشيم


كلهن بزينب لگـــــــــــــوهن ياهو يدناها
شيمة العباس بيـــــــــــهه وعلي مگفاها
الجيش كله يلتفت لـــــــو جاب طرواها
ماتضـــــــــم الگاع أثرها ابثگل ممشاها
ياهــــيبة بني هاشم
بس ممشاچ يرعبهم
ماكــــو بالعرب كلهه
مثلچ مـره تصگرهم
يا اميرة الشيم


بس عبايه انشافت امن الناس محـــجوبه
اهواي زيــــــنب  والزلم احساب محسوبه
همه ياهم غـــــــــــــير هيه العلي منسوبه
زينب بزود ابو فاضــــــــل تمشي مهيوبه
بيهم خـوفه من عدهه
اليوم اعــليهم اشثگله
لو عثرت جــدم طفله
كلهم گــــالو اسم الله
يا اميرة الشيم


اخت اخوها الما تشيله الگــــــــاع والمهره
هاي بت اشيوخ عدهه اعله الحچي شمره
محد ايفك حلگه لــــــــــو واحدهم اتأمره
واليشيل الرمــــــــح خايف زينب اتخزره
من تسمع طفل يبچي
ويــــن اتروح حراسه
لو نزلت امــــن الناگه
خيرهم يضـــم راسه
يا اميرة الشيم


طبت الديوان بس شلون مـــــــــــن طبت
دنگت روس الزلم من گـــــــامت وخطبت
واكفه وگفة علـــــــــــي لا حنت لا رجفت
گالت انه اخت ابو فاضل واللسن خرست
مو گــدي القصر هذا
ولا تسترني خيطانه
بس حســين للثوره
مايبـــــخل بنسوانه
يا اميرة الشيم

#شاكر الصيمري*

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

باب الحوائج للناس
خيمه وفه ام العباس
باب الجرح والاحساس خيمه وفه
_____________

يالنذرج امدوخ الخلك ما صار من يمه نذر
الشايف بعينه النحر موجود ودموعه حمر
كسره جناح بكل عزه من المصايب ينكسر
يغمه علي كل ماسمع يجثي عله صدره الشمر

وفقيني اعين المهدي
ودموعي تحفر خدي
يجيبه الهضم ويودي خيمه وفه
___________

يمّ ام البنين اطلب كلب ما ينسه جرح المنذبح
من ايدج اتشوف الخدم دمعاتهه وطعم الجرح
١وفقيني اشوف مصيبته وحجاب عيني ينفتح
خنكتني كلش غربته وبراسه ضل بايت رمح

هاجت مشاعرنه هواي
من يمج انريد الراي
مخنوك والغربه هواي خيمه وفه
____________

ما نخلف بمجلس عزه باقين وي هاذه العهد
ماننسه كسره كربله من يمنه هاج اخذي وعد
جمره لحسين بكل كلب ماكف دمعنه ولا برد
ياهو غيرج بالخلك يطي الضنه وغالي الولد

منج ردت دمعه عين
ماتوكف اليوم الدين
سمحيلي اكول ام حسين خيمه وفه
___________________

كل الجروح البلخلك لو بيه هم ما انصدع
لو مريم تهز الجفن ما يوكع ابخدي الدمع
بس منذكرج انكسر وتشابه ابنزف الشمع
كلما بجيت بسكتتي من الله بزحمه انسمع

كلما يجي طاري خيام
اتذكر اجروح الشام
غربه وشماته وايتام خيمه وفه
___________________

متعود بكل الشدد اقره الجروحج فاتحه
بس الكم ابجي ونكسر ماعدي غير النايحه
وافتر عله جروح الخيم ويالهضم مثل الرحه
كل المصايب تنسي بس واقعتكم جارحه

ماتنسي جروح كبار
وخيام تخلص بالنار
وزغار تركض بزغار خيمه وفه

#الشاعر حسن الدراجي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

ياخدام أنَا المهدي وعله الخدمه اوصيكم
گدام الخدم باجـــر عِـد الله افتخـر بيكم
        نِعمه ودافعلها حســـين نحره
        مامحسوب شيعي المايشكره
____________________

أوصيـكم عله حســـــين    وعله احياء المجالس
اريدنكم تضـــحــــــــون    مثل ماضحــه عابـس
إلبســوا بيض الگلــــوب    عكـس لــون الملابس
انا الهاضمـــــــني ياناس    عمْـــتي بلايه حارس

وانا بكل عـام اعاينها تركـض طارّه الهيمه
لمن طاح ابو فاضـل طاحت هيه والخيمه

طاحت والحُسين انكسر ظهره
مامحسوب شيعي المايشــكره
_____________________

الما لاچمـته الخـــــيام    لايبچـي لمحـــــــرم
المافاهم حچي حسين    لاينصــــــبـله مـأتـم
انا كل عمري عاشــــور    ودمـوعي تصـب دم
أبد ماتطفه للمـــــــوت    جمـرات المخــــــيم

عله العباس ابو الغيره أبد ماتنطفي ناري
واشـوف بگلبي عَمّاتي كلهن يدعن لثاري

حسين انطانه اخوهْ ونطانه عمره
مامحســـــــوب شيعي المايشكره
_____________________

يخدام التلطمــــــون    إلطموا وذكروا زينب
سبيه مرافگه الروس    مشـت وخيمها تلهب
هذاك ايطگها بالسوط    تولاها حچـي وسَب
وهذاكه لازم المـــــاي    عمدا يمـها يشـــرب

وهذا ايمزِگ الرايه گدام الخلگ كلها
ظربت راسها بقوه بالمحمل الشايلها

عين بعين ومعــــــاتبها نظره
مامحسوب شيعي المايشكره
_____________________

ديَن الخــــدمه ياناس    والدَين آنه أرجــعه
كِلمن أجره محفــــوظ    وِ عليكـــــم أوزعه
اليلطــم واليصب ماي    واليجريله دمعــــه
والينعه اعله الحسـين    أفرح من أســـمعـه

من أسمع عله المنبر يقـرأ الناعي لطميه
انهض انه وجروحي واحضر بالحُسينيه

وَيّـاكم اصـــــيح بدمعي واقره
مامحســـوب شيعي المايشكره
_____________________

كِون اليخدم حســـــــين    يضحيله بحـــياته
مو بس يلطــــــــم اعليِه    وِمْكتــر صـــــلاته
حسين اعله الشرف مات    ويشــــــهدن بناته
إنطـــــه لحفظ الْحـجاب    اعز وحده بخواته

كِون الـ مِن صدگ خادم يخلي كربله اگباله
لامو معــركه وخلصت لازم ندرس افعــاله

مو بس عَبره طف حسين عِبره
مامحســـوب شيعي المايشكره
_______________________
#مرتجى الحسَّاني

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

يزينب شايل أبراسي......حجي ما يخطر اعله البال


يزينب يا نظر عيني اگعدي انسولف اباجر
إذا جاج المهر خالي معناهه انه امسافر
ابقي اباب الامخيم واني ادري الفگد حاير
عدهم خيل بس تركض وأخاف ايعثرج الحافر

ثگيله وتِحني ضهر الكاع.........موش احجايه التنكال



________
باجر كل شملنه ايموت ويسافر راسي من عندي
باجر لو بطه العباس سهمهم يوصل الجبدي
الشمر والما اله داعي يضحك من أضل وحدي
شكلي اوجهي احفظيه زين سيوف محضره الخدي

ويسافر كلشي من عندي..... وراسي بذمة العسال
_______

اشتهاني الله ورد مذبوح وترجعين انتي مسبيه
حوافر خيلهم باجر تاخذني وترد بيه
الماحط محبس ابايده يحط اباله ترجيه
الهوى لو بيدهم والله.. جا كطعو هوى الريه


ناس حروفهم علگم...... ونظرهم جن رمح چتال


_______
الخيم من تحترگ تحرگ وجمرهن يوصل العينج
والمناشغ فلا يهدأ من يوگع ترا حسينج
اذان المستحه باجر يوگع دمها بيميينج
محد يستحي من الله يغص المستحه بوينج

الثكالى وكل بنات ال اه..... يشدوهن ترا بحبال
_______

عطشنه للنهر والدين وعطشت كربله للدم
وعطشت نار واني ادري كشختها بالمخيّم
يظمون النهر باجر بس عد الله ما ينظم
باجر من نموت انعيش بعرش الله نرد نشتم

ما قدروا جيت الماي..... بس الله يقدر الحال
________
باجر ينذبح عباس وكتره يوگع الأكبر
الشمر من يرتفع سيفه كاصد بالحجي الابهر
ونحر عبدالله الِمْورِد بالنبله يصير احمر
على جاسم على اولادج باجر خيلهم تفتر

حظري روحج لكلشي..... وگلبج للسفر حمال

#الشاعر عبدالله الشويلي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

ميمر إلى جميع خدام الحسين عليه السلام

:::::::::::: *** :::::::::::

محد أخذ شي وياه من دنيته لاخرته

.....

يالخادم أخلص والتزم بالخدمه
نعمه اووجوب نحافظ عله النعمه
لا تستهين بمجلس بأي كلمه
لا تستغيب الخدام اخلص مثلهم انته

.....

مو قصدي اجرح واتهم هذا وذاك
بس الله يعلم بالخفايه الجواك
لايضيع اجرك والتخدمه ينساك
ولو رايد اتحصل الخير اعمل عمل بالسكته

.....

لتكول اني الي خدمت وسويت
ربك يقييم كل عمل وشأديت
ليك الأجر يتضاعف شما خليت
خل نييتك عالمكشوف وكل العمل النورته

.....

خادم الك خلي النصيحه بفكرك
تتكبر وباجر يكرهك دهرك
شمحله التواضع بيه تعلي بقدر
دون البشر دومك صير مثل المضه وذاكرته

.....

يالتلطم أيام الحزن احيها
تدري الزجيه بكل مسيه بيها
لا تبتسم لم الحسن تاذيها
الطم وحطلك نيشان وصدرك فخر وسمته

.....

واحچي لرواديد الخلگ والمله
لا تنسه كلشي وتركض عله العمله
دومك بزهدك والسماحه اتحله
يزعل تره عليك حسين واحنه النلوذ ابخته

.....

يالشاعر اكتب فكر لامو أوهام
كلشي انقبل بس بيت بيه كثر الأم
لتكول عن زينب خدرها الما دام
بالك تزعل العباس من تحجي عن حال أخته

.....

كلكم أهل عِله وترفعون الرأس
بيكم اضل اتفاخر إبين الناس
والنعم من عدكم يولد العباس
كل واحد إيحب حسين أمه بوفه مرضعته

.....
الشاعر سيد علي الموسوي الكربلائي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

السيد علي الموسوي الكربلائي



حسين اول كلمه يحجيها لساني
حسين بس هوه الاشوفه وماله ثاني
لتضن انساك للموت وياك
..........
حسين مو قصه وروايه حسين واقع ما تغير
ولا كدر تاريخ يمحي سيرته ودومه يتنور
وما حصل واحد مثاله نقذ دينه بدمه المنحر
سبحان بارينه الجعل انواره من يوم الأزل
ولولاه لا دين إكتمل رحمه للامه تصدر
گبره يزهي و گبته ونور المنارات
اطوف حوله أهل السمه وكل المجرات
ونزلت الأملاك للموت وياك
.....
لاتلوموني بمحبته ولو تجنن بيه فكري
سلمتله العمر كله وبيده صار زمام امري
ما يهمني الموت لجله ونذرت لترابه عمري
مسدوده بيبان الگلب بس هوه ما غیره أحب
ما ازل عنه وانسحب لو تجور أيام دهري
سر محبته واجبه عليه واخدمه
شرف عندي لو اصير تراب جدمه
تايه لولاك للموت وياك
.....
حسين مو بس للشيعه صار ومو دليل انطي ادله
بأربعين البوذي يحضر وجم مسيحي الي وصله
انخلق للاكوان كلها وما ربح كلمن يجهله
جم اعمه رد ليه البصر ومشلول ينهض علاثر
والسائل بدمعه حضر تنكضي لو يمه صله
حير عقول الخليقة بمعجزاته
ضامي ويروينه بحره ومكرماته
نقسم بدماك للموت وياك
.....
قسم نقسم بالزجيه ما نزل عن الحسين
ولو على فراش المنيه نحيي يوم الأربعين
ولو يذبحونه عله حبه نبقى نصبر ما نلين
جم عابس بحبه انوجد وخل الموت وبعد
يتكاثر بحبه العدد وما تغيرنه السنين
من قبل لليوم جم حاقد اجانه
وداعش العار بعزم نكطع لسانه
بالدم نفداك
.....
شنهو داعش ما يهمنه ونعتني لأرض المنيه
للحشد راحت شباب ورجع يوم الغاضريه
علي الاكبر ويه جاسم وي شباب الرافضيه
والشيعه كلها محزمه أبطال ما عزو دمه
يعراق اسمك بلسمه وينمحون الداعشيه
بأجر يعود الوطن وتعود ناسه
براية العباس يبقه عالي رأسه
نعاهد نرعاك
......
السيد علي الموسوي الكربلائي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

بسم الله الرحمن الرحيم
بالطف الـﮔمر لوحيدرحضر
*************************************
هايقرآن الـــــــوفاء الـــمـــاشفت مثله مثيل
شرد اﮔلك شرد اوصفك غــــيرعباس الكفيل
ياﮔمرهاشم اﮔلك لـــوشبل حــــامي الدخــيل
بس اﮔلك يابوفاظل لسه محتــــــــــارالدليـل
إنته اعله النهر لوحيدرحضر
*************************************
احتارت العدوان بيك ابيـــوم وقعة كربــلاء
انته عباس التقـاتل لوغــــضـب من السـمـاء
لوحضرحمزه يضيغـــــم شــايل ابݘفه اللواء
وارتفع من الكـــــــــــتايب ياﮔمر هــذا النداء
عباس الزهر لوحيدرحضر
*************************************




إنته عباس الغيور المــــــــــايطخ راسه أبد
الشيمه إنته والحميه وانته وفاي العهـــــــد
ومن وﮔفت اعله الشريعه ياﮔمروﮔفت أسد
مايهه اليجــري تعجــب عنك الجودك نشد
فارس من مضر لوحــيدرحضر
*************************************
دينك ابدمـــــك رويته امن اشتــــكه ﮔلبه الضمه
وابذلت مجهود عـــــزمك حـــــتى توفي فاطمه
ورخصت لحسين روحك وارخصت لجل الدمه
عالنهر دنـــــــيانه تسأل منهــــوسوه الملحـمه
ســــواهه القدر لوحيدر حضر
*************************************
انته ســــــــويت الملاحم وبفخــــــريابالفــضل
فرع من حيدرتفــــــرع زودك وحيــدر أصِل
راضع امن الوفه ثغــــرك عن وفائــك ماتزِل
الوفا لوإنته بالطــــــــف حــاظر احتــار العقِل
إنته ابكل فخر لوحيدرحضر
*************************************

من طحت مصيوب راسك حـــيل ابواليمه انهدم
وعالوفاء وعالأخوه عـــــينه مثلك تـــجـــري دم
وانكسرظهري يــﮔلك خـــــــــويه ياراعي العلم
ايقبل اݘفوك يغالــــــي ويصـــــرخ ابلوعه وألم
أشكيله بقهر لوحيدرحضر
*************************************
سكنه ياساقي العطاشه اتعــــــود إلهه ترتقب
من بُعد تشـــــــــتم وفائك ويه نسمات التهب
لحظة اغيابك يغالــي اسنين صارت تنحسب
وإلهه مارديت تالي وصـــارت ابهم تنتحب
وترويله الخبر لوحيدرحضر
*************************************
تمت بعون الله تعالى وتوفيقه وتسديده وفضله وإحسانه والحمد لله رب العالمين وصلى الله على محمدٍوآله الطيبن الطاهرين
حيدركريم جارالله الكربلائي @haiderkarem

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

بسم الله الرحمن الرحيم
دمعتي مــــــن تجري للــــزهره قــــليله
والأجــــــل مـرضـــاتهه الخـدمه وسيله
غايَتي في هذهِ الدُنيا رِضاها
وكـــــذاكَ مُنيَتي مِنها دُعاها
*
ترضه عني الزهره رايد أمنيه هذي ابحياتي
والهه خادم كون أبقه ابدنيتي الساعة وفاتي
واخدم حسين الذبيح ابخــدمته اضمن نجاتي
ابدفترهه لوخط الـــقلم وتكتبني عدهه امن الخدم
دنيايّه ماتـــﮔضي بندم وبالنعيم اتعيش ذاتي
لــــو لبست الخدمه ثوب وأبــيض الـثوب
وراضــــيه المرضيّه عني اتروح الذنوب
غايَتي في هذهِ الدُنيا رِضاها
وكـــــذاكَ مُنيَتي مِنها دُعاها
*

كــــوثر البـــــاري نطاهه للنبي خير البـــرايه
معنى بالــــــقرآن ثابت تشهد ابهل المعنى آيه
كثره آيات ابفضلهه وݘـــــم روايه بݘم روايه
حجه الزݘيه اعله الحجج بالشـده مفـــتاح الفرج
إي والِذي أسره وعـــرج فاطمه نورالهدايه
عـــــن فضــلهه يعجـــــزالسان السوالف
يعــترف بيهه المــــــوالف والمخــــــالف
غايَتي في هذهِ الدُنيا رِضاها
وكـــــذاكَ مُنيَتي مِنها دُعاها
*






عادت اليفـﮔدله غالي تبقه تجـــري ادموع عينه
وفاطمه من عـﮔب ابوهه ضاﮔت اعليهه المدينه
وݘلمه طيبه كون تسمع موفـــعل شر وضغينه
يتواسه كـون الينفـجع هـذا ابعرفنه اوبالشرع
وللزاݘيه كسرو ضلع مـارعو بضعة نبينه
ويــــنه عنهه المصطفى وينظـر وضعهه
وبيده يجبر حـــــــــــــالهه ويجبر ضلعهه
غايَتي في هذهِ الدُنيا رِضاها
وكـــــذاكَ مُنيَتي مِنها دُعاها
*





راحت الزهره ابحــــزنهه واصبحت زينب يتيمه
والفـﮔِد أمهه ابنياحه صـــــارت الــــــمأتم تقيمه
نوبه يُمه تصيح زينـــــب نوبه تصرخ ياهظيمه
ظلمه ابغيـــــابݘ دنــيتي وياريت ﮔـــبلـــݘ ساعتي
حانت يــــﮔلبي ومهجتي ويافجرعمري ونسيمه
زينب اخـــــلاف الــــــــزݘيه عاشت ابهم
وحـﮔـهه لوكل عين تجري الدمعه من دم
غايَتي في هذهِ الدُنيا رِضاها
وكـــــذاكَ مُنيَتي مِنها دُعاها
*







تعــــــتني زينب ﮔبـــــرهه ولــلتراب ابهم تشِمه
وݘني بيهه اتـﮔلهه بعدݘ مني راحت احله كِلمه
زينب اتصيحين ݘنتي وآني اﮔلݘ هـــــــــا ييُـمه
سجادتݘ وكت الفرض أفرشهه بيدي اعله الأرض
للموت حزنݘ مايفض ﮔلبي باقي اعليݘ همه
آ يــــــزينب ݘـــــــلمه رددهه لـــــساني
حزنݘ وحــــــزن الـــــــزݘيه ماله ثاني
غايَتي في هذهِ الدُنيا رِضاها
وكـــــذاكَ مُنيَتي مِنها دُعاها
*
تمت بفضل الله تعالى وتوفيقه والحمدللهِ رب العالمين وصلى الله على محمدوال محمدوعجل فرجهم اللهُمَّ صلِّ على محمدوال محمد
حيدركريم جارالله الكربلائي
الفاتحة إلى امواتي وبالخصوص والدتي

@haiderkarem

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

بسم الله الرحمن الرحيم
قصيدة كعده
يــوم امصيبة حسينه علي اختارچ تــواسينه
*
أرد اسولف عن صفــاتچ يالوفيه امن البدايه
عـــلي لمن راد حــــرمه طاهره وللعـفه ايه
اختارچ وهذه اختياره اتعرف معــناه البرايه
يادره مالـچ كــــل ثمـــن بس خدمة حسين وحسن
وذكرچ يظل طول الزمن صابره ابوجه البلايه
وفـــــيّه للنبي ودينه علي اختارچ تــواسينه
*






طاهره وحره ونجيبه وعلـــــوفه مجبـــوله ذاتچ
للنبي الهـادي و وصيّـه ناذره صفـــــــوة حياتچ
من علــــي اول طلبـــتچ بينت اروع صفـــــاتچ
گلتيله ياحــــامي الحمه لتـــنادي بسمي فاطمه
وحيدر مــــرامچ يعلمه وحقـــــق اول أمنياتچ
مـــــن اسمچ تبدلينه علي اختارچ تــواسينه
*
يـــــوم عــــاشرمن محـــــرم عنچ العباس وفّه
وگفته لحســـــــين بالطف يالأبيّه اشـلون وگفه
رايته اتسولف وفــائه اعليهه ظل مطبوع چفه
مشكور سعيـــچ بالگمر من النبي وفارس مضر
والزهره بت خير البشر عـنچ المدمع تذرفه
لـــــذلك ويّه هادينه علي اختارچ تــواسينه
*


بالحـــــزن شاركتي زينب وانتي مو بالغاضريه
حاضره ابأربع بنينچ چنــــتي ويّه ابن الزچيه
وبالمدينه اويه العليله وگلـــــبچ ايحن الرقيه
لو ونّـــت اگليــبـــچ يون وروحچ عله حسينچ تحن
مامتي عجبه امن الحزن وچنچ اوياهم سبيّه
مثل الحره واسكينه علي اختارچ تــواسينه
*
بالمديـــــنه من بقــــيتي چان لحسين انتظارچ
رغــم خالي امن البنين الأربعه يالحره دارچ
وتالي كلهم ما أجوچ وصار ليل اظـلم نهارچ
وناعي المصيبه من نعه وصلت اخبار الــــفاجعه
للأمـــــــل گــلبچ شيعه واصبح النوح اختيارچ
عله الغالي تـــــــريدينه علي اختارچ تــواسينه
*



چـــانت امنيتچ يرد حســـين وعــــيونچ تــنظره
لاأجه ولادزه قميصه وحـــــــته تشتمين عـطره
لو وصل هم مثل جسمه ثوبه صاير وذره وذره
لو ثوبه زينب جابته يعني تهظمچ شوفته
متخــضب ابدم رگبته گلبچ ايفجعه ويكسره
رغم ماصح تشوفينه علي اختارچ تــواسينه
***
تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي
الفاتحة إلى امواتي وبالخصوص والدتي @haiderkarem
6جمادي الثاني 1440هـــ

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

بسم الله الرحمن الرحيم
اللهمَّ ارزقــــــــــنا شفاعــــــة الـــــزهراء
*
فاطمه الـــزهره شفيعه ورحمه مــن رب السمه
مـــن رضه الباري رضـــــــاهه أم ابيــها فاطمه
انولـــــــدت ابيت النـــبوه امن الولاده عـــــالمه
حوه تــــــتشرف يشيعه عدهه تصبح خــــادمه
سمــــــاهه هـــــادينه ســـــــيدة النساء
*
سيده حــته اعله مـــريم بـــــــــت نبينه الطاهره
الهادي ويقـــــبل اديهه وهــــــــذي تنعـد مفخره
فــــاطمه ابتاج الفضائل والمناقب جــــــــــوهره
تضوي بنوار القداسه وللـــعـــــــوالم زاهــــره
تـــتشرف تذكـــــــرهه امـــلاك الســماء
*

بيهه تتـــــفاخرخديجه وبيهه يـــتبــــاهه الدهر
كـــوثر البـــــــــاري ونطاهه للنبي خــير البشر
ابحقهه ايات المــــــــــوده واضحه ابين السور
كلمن ايعاديهـه خاسر بالحشر تـــــــصلـيه سقر
وبالمحشر للخـــــايـف والمـــذنب رجاء
*
بالقدر عالي قــدرهه سيده امن اهـــــــــل العبه
للكرم والجــــــود قبـــله ومنــهه جـود المجتبه
مــــاتــــرد أحــــــــد طبعــهه للـــﮔصد متخيبه
وﮔلبــــــــــي هالليله مراده منـهه ياخذ مطـلبه
مــــن تنــــطي للسائل تـــكرم بالعـــــطاء
*




بيـــهه متمسك دلـــــيلي فــــــاطمه باب الجنان
آخر ودنــــــيه ملاذي وبــــــمــــودتـهه الأمـان
روحي تخشع من ذكــرهه آيه تبقى ابكل زمان
والصلاة اعليــــــهه احله ݘلمه رددهه اللـسان
طلبتنه امن الباري كلنه ابهل المساء
*
تمت بعون الله تعالى وفضله وتسديده وإحسانه والحمدلله رب العالمين وصلى الله على محمدوال محمدوعَجِل فرجهم وسهل مخرجهم اللهمَّ صلِّ على محمدٍوآل محمد
حيدركريم جارالله الكربلائي
الفاتحة إلى امواتي وبالخصوص والدتي
@haiderkarem

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

بسم الله الرحمن الرحيم
كافل خدري وكت الموت عيني اشتاگت اتنظره
*
ميته ومن وكــت عاشــور بـــس ظل الـــنفس بيّه
اهل دمعي عـله المذبوح مــأتـــم عنـــدي يوميّه
عيــــــني شافت بجسمه الــف جرح وتسعــميه
شفته امــوسد التربان وبنحـــره اطنعش طبره
*
عجيبه ومامتت عجــــــبه وعجبه ماعمت عيني
او لو أعمه يرد الشوف ابشمت ريحـة حسيني
أشم انفاسه مـــــن ابعيد اشما تيهه تــــــدليني
وصاني ابوصيه حسين وچن انطاني من عمره
*




وصاني بيــتامه ازغــــار عگــــبه تاهت ابهيمه
اسكّت ذيچ اباري ابهاي اوصــي ايتيمه بيـتيمه
وأگلهم لوذو بالعـــــباس چفوفه اثنينهن خيمه
واليعطش يـــدور الجود يروّي مــــايّه لوقطره
*
طـــبع اليحتــضر يحـــتاج يَـمه ايشـاهد اعــــزازه
وساعة من يحين المـــوت كلهه اتصير جـــــــنازه
لخته كل اخوه يحـــــــضر وكـــــت الشده والعـازه
واخوتي گدهه لا وگـــدود طـــيبه اوياهم العِشره
*






راح اللـــي كفل خــــــدري وسعيّه ابكل وكت مشكور
عذرته اعله النهر من طاح سبوني وهــم گلت معذور
بس حن گلبي عالعــــــباس وحنيني باقي من عاشور
واموت وابقه مشــــــــتاگه وأظل للـــــملگه منتظره
*
شنهي قصتي اويّه الـشام حيل أهــــــوايه عذبتني
طبـــيـــتلــــهه مســــــبيّه والـهـــــه الــدنيّه ردتني
رقيّه بحـــــاجتي ويــمكن أمـــوتن يــــمهه رادتني
بيّه تشوف ابوهه حسـين مهجــــة فاطمه الزهره
***
تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي 19جمادي الثاني 1440 هــ @haiderkarem
الفاتحة إلى امواتي وبالخصوص والدتي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

اللهم صل على محمد وآل محمد

💢بسم اللّـہ الرحمن الرحيم💢
✔#لسته_دعم_في_رحاب_الحسين
✔#التثبيت_مده_ساعه
✔#الحذف_بعد_3ساعات
👇 كروب تبادل في رحاب الحسين 👇

https://tttttt.me/joinchat/DBhlt0Q_jmWQpnfqPqqyew

✬•​┈•┈‏​‏​​‏┈❀•ا!¦🇮🇶]¦!ا•❀┈┈‏​‏​‏​‏​​‏•‏​‏​​‏┈•✬
💠 قنوات الشعراء 💠

🔮 الشاعر كريم العطواني
💫 @kre_mm
🔮الشاعر رعد الجريخي
💫 @raadghurikhi
🔮الملا الشاعره ايمان الزهيري
💫@Emaanelzharii
🔮 ام عدنان سياحي
💫 @molaomadnan
🔮 الشاعرة العلوية ام فاضل
💫 @OmFadil
🔮 خادمة المنبر الحسيني ام ابيها
💫 @um_abeeha
🔮 في رحاب الحسين ع‏
💫 @ssgadAl
🔮 قصائد والحان في رحاب الحسين
💫 @Alphadli
🔮 الشاعر عباس فاضل الشمري
💫 @aeabasae
🔮 الشاعر ناجي الذهيباوي
💫 @najae065
🔮 قناة الشاعرة مولاتي زينب
💫 @lAfiteamoun
🔮 الشاعر علي خلف الحيدري
💫 @wahaalshr
🔮 الشاعر الحسيني مهودر الهويشم
💫 @mhmhoder
🔮 الشاعر والرادود محمد الهاشمي
💫 @sadmhamd
🔮 الشاعر عمار الدراجي
💫 @dragii
🔮 الشاعر موسى البديري
💫 @musaalbudery
🔮 الشاعرة ولائية وافتخر
💫 @DoaaAIamry11
🔮 الشاعر احمد الاعرجي
💫 @alaaragy
🔮 الشاعرة ام عباس العبادي
💫 @omAbaas
🔮 الشاعر علي المحمداوي
💫 @alialhmedey
🔮 الشاعر لقمان البدران
💫 @lukmanalbadran
🔮 الشاعرة ام علي الفريداوي
💫 @alikeremjasm
🔮 الشاعرة ام ياس الساعديه
💫 @yasminmkhgh
🔮 الشاعر الحسيني جاسم حميد الأسدي
💫 @Alhseen_com2016
🔮 الشاعرة ام حسين الاسدي
💫 @omhusseinAlasde
🔮 الشاعرة ام محمد الحجاج العبادي
💫 @ommmohmad
🔮 العلوية ام حسين الحسني
💫 @OmHussinAlHassani
🔮 قناة البتول الطاهرة للقصائد الحسينية
💫 @alikerem
🔮 الشاعر هاشم كارون البوغبيش
💫 @HashemMohammdkaroo
🔮 الشاعره العلويه ام اسامه البطاط
💫 @bvcx2
🔮 الشاعر سيد حيدر الجزائري
💫 @aljazayiriu
🔮خادمة الزهراء الشاعره
أم محمد الساري
💫@gdsjnvd
🔮قلم بنت صعده #
💫@bentsadah
✬•​┈•┈‏​‏​​‏┈❀•ا!¦🇮🇶]¦!ا•❀┈┈‏​‏​‏​‏​​‏•‏​‏​​‏┈•✬
💠 قنوات الرواديد 💠

🔮 قنــٍّــــاة مــلا سجٍّاد البهادلــٍّي
💫 @phadli
🔮 الرادودالحسيني احمدالمالكي
💫 @ahmedalmalkyy
🔮 المرحوم شيخ عبدالاميرالفتلاوي
💫 @alfatla
🔮 العبد الحسيني ملا محمد الساعدي
💫 @MullaMohammadAlsaedy
🔮 الحان الرادود مصطفى الكربلائي
💫 @mllemustafa
🔮 ملا مصطفى الطيب
💫 @moostaffaa35
🔮 خادم لخدام الزهراء ع علي الركابي
💫 @alrkaby990
🔮 الخادم علي جاسم الجبوري
💫 @Alijasim999
🔮 ألحان الرادود خيري الحجيمي
💫 @khayri_zaeel
🔮 ملا حسين الزرگاني
💫 @Hu_ssein0
🔮ملا مهدي الكليباوي البصراوي
💫@mu11mu11
🔮قناة الرادود ستار الصالحي
💫@sataarrrrr
✬•​┈•┈‏​‏​​‏┈❀•ا!¦🇮🇶]¦!ا•❀┈┈‏​‏​‏​‏​​‏•‏​‏​​‏┈•✬
💠 قنوات منوعة 💠

🔮| النهضه الحٌسينية |
💫@Al_Hussainieha_31
🔮تراث اهل البيت
💫@trath1
🔮«المهدي املي»
💫@aiihoseen
🔮قناة دمع زینب للقصائد والالحان
💫@eaziab
🔮 شعراء من ارض الطف
💫 @mofjbh
🔮 ولائيه حسينيه شعائرنا
💫 @zzhhvgklhfh
🔮 تراتيل الإنتظار ³¹³
💫 @taraateel
🔮 خدام الزهراء ع
💫 @Kdem00
🔮 صدى القرأن
💫 @SadaQuraan
🔮 مشاعر مخبئة ‏
💫 @AAAAAfd2
🔮 اسرار الأبراج‏ ‏
💫 @abrag8
🔮 شده ورد ‏
💫 @Shadah_sh
🔮 بـــقَـآيـآ
💫 @en_baqaya
🔮 خدام الامام الحسين
💫 @labaykahoussein
🔮 ابداعات حسينيه ‏
💫 @AsoaatHoseneua
🔮 عشاق سيد فاقد الموسوي
💫 @saedfaked1
🔮 قناة نور الولايه الثقافيه
💫 @Al_Hussainieha_31
🔮 شاعرات الطف للقصائد النسائيه
💫 @ya_katealkafen
🔮 قناة المتحابون في الله
💫 @almutahabun_fi_allah
🔮 منتدى أين وجه الله(عج) المهدوي .
💫 @Almahde255
🔮 تصميم بوسترات مجالس -مجانآ
💫 @al_mjalees
🔮 ستـــــــوريات حسيـــــنيه
💫 @Hussainia313storiat313
🔮 لنشر المجالس الحسينية المكتوبة
💫 @almjals_alhsenea
🔮 🕊قـناة الفاطمـيات🌹 والـزيـنبـيات🕊
💫 @xghiiohghjklbygetf
🔮 🕊🌹مـಿـسـಿـك🌹🕊
💫 @Manoaat313
🔮 🕊فُـيِّ رحًـأّبً أّلَأّئمًــةّ🕊
💫 @Rhaab_313
🔮 تجمع احباب الزهراء "ع" 1
💫 @Ahbabalzahrae1
🔮 تجمع احباب الزهراء "ع" 2
💫 @Ahbabalzahrae2
🔮 قصائد والحان خدام الطف
💫 @Alhsenea12
🔮مجالس ملا محمود الساعدي
💫@wtioh
🔮السيد الطالقاني
💫@karramcism
🔮خدام_سبايا_كربلاء
💫 @shhhvcr

🔮قناة محبين علي والزهراء
💫@adnin43

✬•​┈•┈‏​‏​​‏┈❀•ا!¦🇮🇶]¦!ا•❀┈┈‏​‏​‏​‏​​‏•‏​‏​​‏┈•✬
للأستفسار الملا سجاد البهادلي👇
@SagadAlphadli