قصيده للشُهداء
                      ............
اعله هونك يالتراب .. ارحم ابحال الشباب
      ماتو بعمر الورد .. ذوله شبان الحشد
               اعله هونك يالتراب
            ❁❁❁❁❁❁❁❁❁
گلبي صاير جمره من كثر الحزن
بالمگابر خلصو  ٳحبابي دفن
روحي حنت والصور ترس الجفن              
اشلون نومك والتراب ادريه خشن

راحو احباب الگلب .. خدهم اتوسد ترب
سجلو اعظم مجد .. ذوله شبان الحشد

 ❁❁❁❁❁❁❁❁❁

الشجره ادري اتموت اذا طاح الورگ
وگلبي شجره ومات من يمك شهگ
ابزندك امك من رحت شدة علگ                    
حرز هذه حته اتلاگي الفشگ

تدري ابنهه ماسلم .. رجع ملفوف بعلم
ماغفة ام الوّلد .. ذوله شبان الحشد

 ❁❁❁❁❁❁❁❁❁

جرحك ايسولف بطوله من نزف
من هجمتو اعله الخصم سويتو طف
دمكم اعله الساتر ايحاكي الشرف
مودعين الله سكنتو ارض النجف

المگبره شكد عدهه ذوق .. خذت مني كل خلوق
نامو احبابي بلحد .. ذوله شبان الحشد

 ❁❁❁❁❁❁❁❁❁

عل الشباب الراحو اعمي ها يالعيون
ادري سفرتهم طويله ومايردون
عهد ماانساهم بگلبي يضلون
بالگبر حلوين لو متغير اللون

اترف امن الورده ﭼـان .. ساحر اعيون الزمان
يمكن امغيره البُعد .. ذوله شبان الحشد

 ❁❁❁❁❁❁❁❁❁

الموت من ايدي اخذهم اجمل ازهور
راحو بحلم الزفاف وجنهم طيور
تغرك اعيوني بدمع من نمشي ونزور
اكتب احلام الاحبهم فوك الاكبور

حلمه ربعه بزفته .. وهسه نام بحفرته
للعرس يمته ترد  .. ذوله شبان الحشد
 
❁❁❁❁❁❁❁❁❁

شبعت اخدودي دمع من ودعتكم
بين رمش اعيوني تدرون ادفنتكم
بيه شوگ ولهفه ارد اشتم عطركم
اختنگ  بالعبره من انظر صوركم

رحتو الوادي السلام .. ﭼـنكم اطيور الحمام
يذبح بروحي الفِگْد .. ذوله شبان الحشد

 ❁❁❁❁❁❁❁❁❁
للشاعر علي الفرطوسي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

للشهداء حقٌ علينا نعي للشهداء

على الراحو اريد ابجي آنه العيون
احس ادموع عيني الهم قليله
مايكفي الدمع عالراحو اعزاز
شباب اورود غيبتهم ثجيله
الفكدت ولد تبقه معاشره النوح
وجدمهه من الهضم كوه تشيله
اني  الموت ماخذ ابني ورباي
وگلبي تعذبه هل غيبه الطويله
راح الحيل كله وماخذ الحيل
برحيله اوليدي  خلاني نحيله
واذكر جاسم العريس محروم
وعلى مصابه الدمع ساچب مسيله
هذا الزمن طفه بعيني الشموع
واخذ مني العزيز الاشتكيله
بحضن الكبر نام وكاطع الصوت
ونه بصوت النواعي من اعتنيله


................

اهموم اجمع بوسط الكلب وبناي
وماينقاس حزني بحزن وبناي
عساني لا اشم الهوه وبناي
من ازوره الكبره اموت بلا منيه


محمد هادي العقابي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

خدام الحسين تنويه القصيده للشاعر الشاب
محمد الباقر الكعبي



امان الدنيه بل خدمه
امان اجروحي بل لجمه
اضيع اوداعت اعيونك
اذ مو بابك اشتمه

دنيانه غريبه ايامهه اتخجل
مابيهه طعم من دونك اتفشل
نذبل لودرت وجهك علينه ابيوم
هجر الناس عابر هجرك اليكتل

هجرك سوالف معضله
كلبي اني مايتحمله
ياخذني كل طيش العمر
لو ما اروح لكربله


يادليل آلتاهين ـ ياحسين ياحسين

الماشايف عشك كلبه
الف عثره تجي بدربه
المايتبع امير الحب
مايستلذ بل الغربه

العايف بابك ويمشي ابخت روحه
شكد ناصي النهر مايكدر يلوحه
ضيم ادروبك ومتعثر اليمشي
حلاات اليحب لو ماتنشف اجروحه

دربك سهل لليفتهم
دربك صعب للموشهم
الماغزر اوياهم عطش
ماماتو ابحرك الخيم


هوه بكل خنكه تبرالي
انته شماطحت عالي
اليخدمك هيبته الدمعه
اليرخص روحه الك غالي

وهب ناذر سنينه لشوفت اعيونك
ارزقني الوفه من اليشوفونك
ارزقني الشهامه من ابو فاضل
حته مااصير من اليعوفونك

كل همي خلي بس الك
يابو الكرامه اسئلك
مشتاك ازورك ياوفه
يابو الحنان اتوسلك


اذ بابك علي ينسد
يعني امقصر آلياً حد
يعني مجافي بيك هواي
ونته لكل عشك معبد

بكد اجروحك اني امقصر وياك
اديرن منك ومادرت مكفاك
جم قربان لجلي نطيت مولاي
ماناسيني انته او اني أنساك

ذاكرني بيام الضمه
من جان خدك بي دمه
من جان خدك عل الترب
ومحنيه اجتك فاطمه



غربتك ديره لضايع
يل ماخيبت راجع
امانك تارس الفقره
ضواك بكل فله شايع

اليوصل بابك ايرد منه سلطان
اريد لجرحي تفتحلي اني بيبان
اريد اوياك حد اخر نفس كون
اليحبك كل منيته ايموت عطشان

جرح الكلب بيك ارتوه
الامي تمشي لنينوه
الماحبك يفوته العمر
ياهوه ميحب الهوه



الشاعر
محمد الباقر الكعبي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

ياأول جرح ينزف مروه ودم
يا أول ورد مسحوگ مو للشم

رغم عطشان
وهم تعبان
وتوك فاگد الوليان
بس چنك وجه بستان

يا صدر المضيف وملگه للعاثر
يا اول صدر ما رجع الحافر
عشت كلك دفو من يبرد المحتار
نحرك منتصر بس الجرح عاشر

جاعت نارهم يحسين
ونطيت الخيم للجوع
ما شفنه انتكب فوگ الخيم ممنوع

جمرات الخيم چانن جرح عالگاع
مو جمرات چانن والكلام ادموع

ياأول مصيبه تعيش
وما نسمع بكثره الليش

ترست الطف شمع من صدرك المسحوگ
حتى نشوف حتى نعيش
حتى يموت بينه الطيش
حتى يموت كل الجيش

عيشت الصبح من شفته راد يموت
وخليتهَ اعله خنصر چفك المگطوع
وبزودك وظل يفوت

ولسان الصبح مبحوح
وتنفس بجرحك صوت
ياأول نهر عطشان ومن شفت النهر عطشان
تبرعت بوفه العباس

وشربت الجرف جفين
الكوثر من جبينك سال على خد الگناطر طاح
سال من الجدم للراس يالما تعبتْ ذباح

راسك دمعه فوگ النوگ
الشالك بالرمح مرتاح

صملله ولاتفز لو بالحجر مطگوگك
صملله ولا تفز طب الضعن للسوگ

لا تسمع حجي الشمات لا تسمع كلام الفات
لا تسمع شتحجي النوگ
ظل اعله الرمح ليفوگ
خل چفنك قهر مطبوگ
لاتسمع جدم محروگ

اي يحسين
ظل مخنوگك ...... ظل مخنوگك




عبد زينب
محمد الابراهيمي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

هبنيّ جُرحاً سيدي كي أنطوي
هبنيّ دمعاً وجنتي كي ترتوي
ألتوي شُوقاً إليك ألتوي

من ذاتك عرفنه الذاتك
من جرحك صدى الهيهات
من صوتك سمعنه الصوت
بميزانك درينه المات

هل ياترى .... تصعدني بيدك للعلو
هل ياترى .... آنه منو وأنته منو

يامنقذ الحيارى .... حسين
**
في منامي طفكَ في يقضتي
في خشوعي وصلاتي في دمعتي
في ركوعي ياحسينٌ وسجدتي

من طفك تهب دموع
من جرحك بده الموضوع
ونسحگت سمه بالخيل
ومطرت على الگاع ضلوع

ماذا جرى .... صدرك هضيمه وينسحگ
ماذا جرى .... خيامك وصل بيها الحرگ

يامنقذ الحيارى ... حسين
**
صوتُ قلبٌ قد دوى في مسمعي
أيُ جُرحاُ في ضياكا الناصعي
مزقو النحر وصدراً والاصبعي

يطايح عالوجه مگلوب
لاكو عمامه لامن ثوب
يالمفزز جرح عباس
جبينك بالحجر مصيوب

ام القرى .... أسمك على الساگ انكتب
ام القرى .... بس ثوبك بدمه انسلب

يا منقذ الحيارى .... حسين
**
لا هناءٌ دونك حبك لاهوى
لاضياءٌ دون عشقك لاجوى
لا حياةٌ دون كربٌ وبلا

أوديلك دمع محسوس
الشباچك أودي البوس
ضريحك خالي من الناس
بس گلبك دمع متروس

ياكربلا .... بعدچ غياهب من دمه
ياكربلا .... الوحدها ضلت فاطمه

يامنقذ الحيارى ... حسين
*
في هدوءَ الصمت أنيّ راحلٌ
لحسينُ الحب قلبي كائلٌ
عن هيامي ودموعي سائلٌ

صفنه وبيها جرح الشوگ
أسافرلك نفس مخنوگ
وأعيش بحضرتك لحضات
وأحن الماتحنه النوگ

أهلُ الورى ...... هذا شجوني وارتجي
أهلُ الورى ...... بس للزياره رت اجي



عبد زينب
محمد الابراهيمي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

العشگ مذموم بس وياك محبوب
يالمهيمن على انفاسي وحواسي
موكل الجناسي تقره عشاك
اكو عشاگ ماعدهم جناسي

يحسرةْ شوفك
عشگ بزيارتك
شجوني لحضرتك .... بويه حسين

شجوني ماطفه
ولارمشي غفه
وحگ المصطفى......... بويه حسين

اركض وجرحي من الركض هام
ارد اوصلك حته اشگف سهام
اكبالك رت اصير بهاي الايام
خاف الناس تحرگ كلب الخيام

حسينا واحسينا .....غريبا واغريبا
----------------------------------
بكد الشوگ اجيتك والدمع شوگ
متخفي بدمعتي الترست العين
كبل جنت افتخر من امشي مشاي
اخافن هسه اكولن زاير حسين

اخافن وختفي
اخافن أنفيّ
يمولاي الوفي .......بويه حسين

گبل من نستمع
رد نفس الوضع
ورد شوگ الدمع ......بويه حسين

ياهو الانشده يگلي ممنوع
ودربك هضيمه يصير مگطوع
ضدك هذولي وحته الدموع
شو ماجرن من سمعن ضلوع

حسين واحسينا غريب واغريبا
---------------------------------
بيه الشوگ يرفس مارضه يهيد
وصريخ الضمير يفزز المات
انه وياك متواعد يلحسين
ومعروف الوعد ضد المسافات

اجيلك بلوعد
يحاضر بلشدد
بس كتلك مدد ....بويه حسين

مدد ياغايتي
يجرحي ودمعتي
ويساكن صفنتي .... بويه حسين

حبك يواحد موش تعلوم
ولاهيه بيدي شگ الهدوم
هسه عرفت نحرك والدموم
من شفت حته الخير يلوم

حسين واحسينا غريب واغريبا
----------------------------------
تخطيت الحواجز من العيون
واجيتك يل دريت بكلبي يهواك
مو ناسيك بس مجتف الحال
البعينه دمعته شلون ينساك

يأحله من الشهد
ذكراك انولد
من يوم المهد ... بويه حسين

من جرحي شهگ
ربطوني بعلگ
بس كلبي نفتگ.... بويه حسين

كلبي عله طولك صار ولهان
جنك سمه من غير بنيان
بس الورد يحسين ذبلان
يمكن اضنك لسه عطشان
--------------------------------
شفتك من ضريحك فاتح ذراع
وشباچك شبگني وآنه ملهوف
گمت يحسين اشوفك مو حچي لسان
بحيث انته اللگيتك تارس الشوف

شفته ومو وهم
وبعيوني انرسم
وكل حيلي انهدم .... بويه حسين

بس بثوبه دم
ويصيح الخيم
مابيها علم ..... بويه حسين

خلص بياضك من الاحجار
غدار الزمن يحسين غدار
روع عيلتك وعيالك ازغار
وخله النار توصل عتبة الدار


عبد زينب
محمد الابراهيمي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

أنه المادورت منهَ الاثابه
ولا رايد زياره بالأنابه
انه مشتاگ اشوفنه لحد (ما)
توشل عيني واطيح اعله بابه

رايد اطب الحضرتك ما أدري وشلون
بدموعي يحسين استلذ لو گتلك ام عون
مقفوله بيبان الوطن والغربه وجروح
رت اشتكيلك يانبع يابعد العيون

حبيبي .. يابو روح الهادئه ومدلله
حبيبي .. يمته جفني بشوفتك وتكحله
حبيبي .. ردت منك بس زيارةّ كربله

احبنك
ازورنك .... يبو اليمه

**
أفهموني أنه رايد أمامي
هضيمه ويه الهوى ابعث سلامي
من الشام جبت جروح وياي
وأريد بحضرته افرش كلامي

من السمه تزورك سمه وبترابه ترتاح
وچم فطرس بحبك نجه من كسر الاجناح
ماترهم بصفي وأظل بجروحي مشتاگ
ياسيدي شوگ الحمل اي والحسن طاح

حبيبي ..مالي يمك أيّ عذر لومازرت
حبيبي..يافيوضات الدمع تدري متت
حبيبي..واليحبك يتعب بهاي اعرفت

اعبدنك
ازورنك .... يبو اليمه

*
دمع حبك يسولف عن حياته
وطريقك والتعب والله شحلاته
الزاير انته ناديته بشجونك
موش بكيفه هاي ومشتهاته

ناديني وأتعنه بدمع وفراگ الايام
حلفتك بغربةّ ضعن فوگ الهزل نام
يمسهل دروب البشر يمقسم الخير
اقسملي خيرك بالبقت وحدها بالشام

حبيبي ..ياسوالف جرحي وكافي الهجر
حبيبي .. انه غلطان اعترف وآنه اعتذر
حبيبي .. يلي بس زيارتك تسوه العمر

أشمنك
ازورنك ... يبو اليمه

*
أنه الرايد يبو اليمه دمعتي
بلا مجلس حرامات بعشرتي
حرامات وتمر اللحضه بجفاك
هضيمه وتستچن كسرةّ عبرتي

(مر) العمر من ينحسب وكله تفاهات
وأحسد الماتو سيدي دون الزيارات
هوه آنه عايش للدمع وأتنفس آلام
ماهكذا الضن وأنطرد من العزائات

حبيبي .. ياحبيب الله وضريحك بينه
حبيبي .. بداعةّ الظل مستحي من سكينه
حبيبي .. نريد بس زيارتك مشينه

اودنك
ازورنك ... يبو اليمه

**
الملامح بالسهر خلصت ملامه
صار الليل يلفي بلا سلامه
شوگك والدمع والحسره يحسين
يتيمك وانته ساتر عاليتامه

ياقابل الحر بالندم أقلبني مولاي
ذنونك بحوته ورضا بس ارضه وياي
يالشفتك تلهج عطش من نار الخيام
لكن على الوادم ندى وتسير فياي

حبيبي .. ماترد واحد الگبه بلونه
حبيبي .. واليحبك يبتلي من عيونه
حبيبي..واليطوف بحضرتك خيعونه

من ونك
ازورنك .... يبو اليمه


عبد زينب
محمد الابراهيمي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

قصيده للخدمه من وزن الميمر المجنس والكربلائي



خـــادم ألك مثــل المَلَك والمِلك غيــرك مــا مِلك
انتـــه الوسيـــله يحسين بــذمتك عــزيز الــزهره

*
آيــة خـــدمتك مــن زغــر تـاليـها
وألــي يخدمــك ينـعــرف تـاليــها
أول عشــگ انتـه وتـظـل تـاليـها
ما نفترگ أعظم عشگ وگلبي بغرامك ظل يدگ
كل دگه بأسمك يحسين گلبــي يــدگ كـل عمره

*

خـــادم ألك أهلي ابزغر نذروني
بعمــر الطفوله لمجلسك جابـوني
أهلي أعلى حبــك سيـدي ربونـي
بعمر الزغــر نـذرو نــذر خادم اصيرن وافتخر
بس بخدمتــك هالناس يــا سيـدي مفـتخـــره



بس خدمتــك يـــا سيــدي واردنـه
كلّنه ضمايـــه ومجلســك واردنــه
عن خَدّمتــك كم مــن خبر واردنه
الصادق روه حبــك دوه والي يخدمك ما هوى
وبخــدمتـــك متمسكين عـــن مبدأ وعن فطره

*

أول أميــر وهــل الخلگ خــدّامه
والي يخدمــه عالــي دوم الهامه
بلهفــه محــــرم ننتظـــر أيامـــه
بلهفه وألم كــل الخَدّم تنظر على الگبه العلم
وتجتمـع كــــل الخدّام بمجلس عــزاء وعبره

*

عــن خــدّمِتـك گلبــي ابـد مــا يلها
يلّــي أبـــدمـائــك عَــدّلت مــايلهــا
ضامي وخدّمـتك سيــدي مـاي الها
ضامي المحب ومايك عذب ومـــن منهلك كلمن شرب
مــــا يَضمّه دلالــه أبيوم المنك شــرب فـــد گطـــره

**
عهــد الخــدّامــه بــس ألك خطيتـه
بفيض الدمّــه وقعتــه مــن انطيتـه
بعلــو النجــم مــن يخدمــك خليــته
أتــوسلك وتــأمــلك خـــادم اظلن بس ألك
والي يخــدمك بإخـــلاص بالمحشر انتــه أتسره

*
الشاعر
موسى البديري
30/8/2019
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

بتـــرتيل المجالــــس جنوني يصير عابس
حبيبي يا حسين
*
عاشـگ للمجــالس انـــه من زغري
وخــادم بيهــا اظلـن طـــول عمــري
فــــدوه لهل المجالــس قدمت نحري
وفده لأسم الحسين أدماي لو تجري
اظلن بيهـــا جالـــس جنوني يصير عابس
*
خـــادم بالمجالس منها مـــا اخجــل
الفخـــر كــل الفخر لو خادم أتسجل
الناتـــج بالعمر لـــو تنجــح وتفشل
بس أبهل المجالـــس ناجـــح الأول
يصير ابگلبي واهس جنوني يصير عابس
*
خي عونه الخلص بالخدمه كل عمره
بمكان البيه تحضــر فاطمه الـــزهره
الهوه البيه المجالـس يختلف عطـره
بيــه ريحــت محمـد والــــد العتـــره
ربيت بهل المجالس جنوني يصير عابس
*
اعوفنها المجالـــس هــاي ما ترهم
لان هيه الهوه ومن عدها انه اشتم
عمــــري مسجل بهاي الحيـاه مأتم
يريــت العمـــر كلــه شهر المحــرم
وسود اهدوم لابس جنوني يصير عابس
*
بسجل الخدمه افرح من يسجلونـي
وخــادم بالمجالـــس مـن يقبلونــي
الفخر كـــل الفخر خــادم يسمونـي
ورتبة خــادم المظلــوم ينطـــونـي
فوز بـــلا منـــافس جنوني يصير عابس
*

اذا مطــرود مـن خدمــة أبو اليمه
تصير الدنيـا كلهــا مغيمـه وظلمه
احلّـف حسيـن انــه بفاطمه أمـــه
تقبلنــي وعطـر هالمجلس اشتمه
وأظــل أبابه جـالس جنوني يصير عابس
*
الشاعر
موسى البديري
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

قال ابي حمزه الثمالي للامام السجاد عليه السلام
اما آن لم حزنك ان ينتهي القتل لكم عاده وكرامتكم من الله الشهاده
فقال له الامام وهل سبي النساء لنا عاده
كانت اشد مصيبه على الائمه عليهم السلام هي سبي السيده زينب عليها السلام


جمــر يلهب سبي زينـب بگلب ال النبي
جــرح نزفه فــلا يشفه جرحهم زينبي
بگلب المهدي تسعر لهب جمراته
مــا تهده ابـــد عالحـــره آهــــاته

جرح يلهب يظل طول الدهر جمـره
اشد من الوگــع عطشان عالغبــره
اشد من الخيــول الـرضت أبصدره
سبي عمـته العقيله زينـب الـحــره
جرح ينزف يظل يهتف يهــز كــل الملا
سبي الحره اشد جمره ابمصايب كربله
يظل طول الدهر يجـريها عبراته
مـــا تهده ابـــد عالحره آهــــاته
*
جرح سبي العقيله يصعــب انــروفه
اشد من الوگــع ومگطعــه اچفــوفه
اشد مـــن العمـود ومـن سهم شوفه
عمته بيا وكت يا وسفــه مچتوفـــه
اشد وأصعب سبـي زيـــنب گَطِعْ چف الگمر
الخدر جرحه صعب شرحه أبــدليـل المنتـظر
جرح كل يوم تكثر والله لچماتــه
مـــا تهده ابـــد عالحره آهــــاته
*
جــرح بالمهدي ظل طول الدهر يَكبر
مثـل جمـــراته ذيچ البالگـــلب تسعر
اشــد مــن جمـــرة العبــاس والأكبـر
شخص زينب حسافه يشاهده العسكر
خيّم وجــت حــرم هجت بــلا كافــل صفت
الف وسفه العدو اتشفه العقيلــه اتســلبّت
بعـــد عين الكفلها وذيــچ صولاته
مــا تهده ابـــد عالحـــره آهــــاته



جـــرح سبي العقيله المهدي بيه عالم
يهـون اگبالــه فگد ابن الحسن جاسم
مثــل خدْ الــورد فـــوگ التـــرب نايم
لچــن سبــي العقيــلـه يلچــم القــائـم
يجر حسره على الحره جمــرهـــا يلتهب
على عمته دمع سكته علـى الباغي تطب
وللديوان صعبــــه تفــوت عماتــه
مــا تهده ابـــد عالحـــره آهــــاته


جرح بالمهدي ما أظن واحد يحمّـله
تظـل أعيونــه لجله المدمــع اتهمله
اشد مــن الـــرضيع الفطمـته النبلـه
تطب للسوگ عمّته هايه مو سهـله
تصيح الناس أخت عباس بعد عين الكفل
آ يــالشـــام اشد أسهام على القائم تظل
شحاله ألي مشــه مــابين شمّــاته
مــا تهده ابـــد عالحـــره آهــــاته



الشاعر
موسى البديري
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

أبيات ابوذيه الى السيده رقيه عليها السلام

بسبب فرگاك بويه أنحــب وعــاني
بخرابـــه وطيفــك أبلهفــه وعّــاني
على زينب لـوّن تنشــدچ وعنّــي
أبخرابه ونوح زينب وي رقيه
*
أبخرابـه انتظــرك اتمـرلـي وماييت
ولنوحــي الأرض نــاحــت وماييت
عليل الگلـب مــن فگـــدك وميــت
ويريته آوياك ظل أعلى الوطيه
*
انه زينب أبظهـري الســوط وشـــام
وكبر حزني لمصـاب السبي والشــام
على راســـك هـوّت يحسين وتشــم
عزيــزت گلبــك ومــاتت رقيــه
**
الشاعر
موسى البديري
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

الشاعر موسى البديري:
كعديه إلى السيده ام البنين عليها السلام

تنوح ام البنين وتدمع العين وتنادي بحزن يوليدي يحسين
مني راحــت الــــروح وصارت سلوتي النوح
وتنادي بحزن يوليدي يحسين
*
أم البنين ام الــــوفــه والفكــر بيهـــا تحّير
للحسن وحسين چانت والده أتباري وتسهر
يا علـــي تگله فاطمـــه لا تسمينــي يحيدر

لا تسمينـي بهل الاسم گلـب الحسن لا ينلچم
وحسين خافن ينهضــم يا علي لهل حاله مگدر
ما اگدر أشوف الحسن مالوم ولا اگدر أشوف حسين مهضوم
ما يحمل تــره أجروح وصارت سلوتي النوح

*

ودَّعت ضعن أبو اليمه والدمـــع عالخد يصـب
تگل أبــو فاضـل ييمه ودعـــت ويــاك الگلــب
يمه گلبي حسين تدري گبله لا تضوگ العذب

وعندي وصيه يا گمر باري أختك أبطول السفر
يا يمه مـــا تحمل كدّر زينب ولا تحمل غــــرب
مـــا تحمل ييمه زينــب إلام انهض باري ضعن أختك يضرغام
وسكن شوغت الروح وصارت سلوّتي النوح


*
محتاره تنشد عالولد وعالدرب تشبح بالنظــر
وين عون أوين جعفر عبدالله وينــه والگمـر
والده وحگــي يحادي بربــاي أطالب والسهر

حگي من أطالب بالـــربه عالولد روحـي ذايبه
وكل ساعه أطيح ابنايبه منكم فلا أجاني خبـرْ
محتــاره وأعاتبكم يغياب ما أجاني ييمه منكم أجواب
أوّنـــي يشبه الــدوح وصارت سلوتي النوح


*

محتاره اضمد يا جــرح وأنحب انه ليا فاجعـه
گالولــي ولدچ عالثره بحد السيوف مـــوزعه
وعباس گالولــي بعد منــه الچفـــوف مگطعه

مفجوعه وگليبي انمرد فدوه گلـت كل الــولد
بس كون ابو اليمه يرد ميهمني فگــد الاربعه
فدوه الاربعه يرحون لحسين بس كونه يرد وتشوفه العين
شوفه أيطيب الجــروح وصــارت سلوتي النــوح


*


ناشدت ناعي الفاجعه وبالدمــع والون حايــره
تگله عن حسين انشدك بوليدي خبرني شجـره
كلها شحچيلج مصابه عالتــرب گطعوا منحـره
مــن سمعته ظلت تون كللها ظـــــل إبــلا دفــــن
يا حره واكبر كل حزن من العطش جبده مفطره
يا يمه اصرخت يا ثمر دنيا گالوا جبدتك ما ضاگت الماي
بحد السيف مذبـــوح وصارت سلوتي النوح

*


تعّنـت لضعن ابو اليمه تنشـــغ أبونــــه خفيـه
نـــادت ام حسين انـــه بلله وينـــــج يالسبيــه
زينب اعلى الباب عرفت شريكتها بهل الرزيه
للباب راحـــت وبهضم صاحـــت يشيال العلـم
وأم البنيـن بيـــا ألــــم نادت ذبيــح الغاضريه
ما نشدت الحره عن الجفين خبريني تگلها شصار بحسين
فوگ الغبره مطروح وصارت سلوتي النوح
*
الشاعر
موسى البديري
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

موشح للسيده فاطمه العليله تمت في ٣ محرم الحرام ١٤٤٠

منين أجيب الغابو أعلى أعيـــوني
بيا مــدامع يـــا مــرض عافــوني
*
منين أجيب أحبابي من بعد الـوداع
من مشو عمري أحسه بونه ضـاع
أبحر انه أبدمعي وانشگ الشــراع
بلايه مــرسه وحايـــره بضنــوني
*
بلايه مرسه بس دمــع عيـن اليسيل
شلون أوصف حالي ساعات الرحيل
بويه ليلي الــي يمــر مــا چنّــه ليل
لعلتي انوحن لــو علـــى الخلـــوني
*
لعلتي انوحن لو على افراگ الأهل
يهلي كـــل ساعــه يمـر بيه الأجل
گلبــي وياكــم أحــس أنـــه رحــل
وروحي راحت تبره ويا ضعـوني
*

روحي راحت يا هلــي وي الضعن
أعيوني من كثر الدمع مني عمّـن
اه يا روحــي شعمــل بيّـه الـزمن
بالهجــر وسفــه الأهـــل ذبحوني
*
بالهجــر ذبحــوني وانــه امعلعله
آه يـــا جــرح الجفــوني لكــربله
أبســد ابـوي أبعزه چنت امدللـه
وهسه احلم لو هلي يحضروني
*
احلم انه وعيني تربي أعلى الدرب
همْ يــردون المشــو لأرض الغِرب
يهلي كل ساعه ويفـز مني الگلب
واصــرخ شعطلهم ومـــا جُــوني
**
الشاعر
موسى البديري
1440 هجريه
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

قصيدة (( يا والدي )) لسان حال العليله وهي تخاطب والدها


يـــا والـــدي شـــوف المدامع تجــري
يـــا والـــدي بالوّنـــه خلـص عمــري
تتفـــايض أبحنيه بالـــدار عفــت ابنيه
*
يا والــدي يجـــري الجفن لكـن مـــدامـــع حمـــره
يـــرسم قوافــــل مـــن ألــم ومطــــرزات أبعبـــره
كل خطوه أحس يخلص عمر كلش طويله السفره
وألي يفارگ كـــل هلّه يـــا بويـــه شلّـــه بعمــره
يـــا والـــدي ... الفرگه هـــدتّ حيلي
يـــا والــدي ... بالوّنـــه يخلص ليلي
وين الهجر تاليه بالدار عفت ابنيه

*
يا بويه الغروب شكثر يخنگ هـــواه أنفاســي
الطير اليـرد لشجــرته يلچم يبويـــه إحساسي
الفارك عزيز يظل يون وفاركت أِهلي و ناسي
طفله لجن من الهجر يـــا بويه شيب راسي
يــا والــدي ... نــــار البعـــد تاذيني
يــا والــدي ... خلصت بگايا اسنيني
ريتك تجي تمر بيه بالدار عفت ابنيه
*
اختنگ لـــو مــر العصــر وأتنفس الـــذكرى الم
بالگوه أشم آنه الهوى ويــاه أشم حــرگ الخيّم
ارسم مهد فــوگ الترب ينرسم بيه طفـل وسهم
ارسم نهر يروي العطش ينرسم چن طايـح علم
يــا والــدي ... حتــى الهــوه من اشتمه
يــا والــدي ... دلالـــي بويــــه يلچمـــه
وبسمك تغص الريه بالدار عفت ابنيه

*
يا والدي شفت الألم ضگــت المـراره ابزغري
وآنــه عليله وحسبت ويــاك يخلــص عمــري
نـار انتظارك كــل وكت تلهيب يبويه ابصدري
سيف الهجــر يا والدي يگطع أحسه ابنحـري
يــا والــدي ... ليليه يشهــد بابـــي
يــا والــدي ... اگعــد واتاني أحبابي
ومنك أتاني الجيّه بالدار عفت ابنيه



اغفه واشــوفن بالحلم چن الضعن رد ليــه
يالحادي صاحوله أبحزن أهناه تركنه ابنيه
للبــاب أفــز بلهفتــي نفــس الحلم يـــوميه
وارجـــع أنام أبدمعتــي انظر دمه وترچيه
يـــا والــدي ... تلچمنـــي والله أحــــلامي
يــا والــدي ... لـــوعه صفـــت أيامـــي
روحي أصبحت مسبيه بالدار عفت ابنيه

*
أتمنـى يا بــويه تــرد بعينــك تشــوف الــونه
وانظر رقيه بلهفتي واغفه اعلى ريحة سكنه
واشبگ مثـــل أم أولـد عبدالله واســأل عــنّه
يعگــوب ردالـــه الــولد وانه گطعــت الضنه
يـــا والــدي ... شيردهـــا ذيــچ اللمّه
يـــا والــدي ... وعطــرك أرد اشتمــه
وأتـــأمــلك ليليــه بالدار عفت ابنيه


الشاعر
موسى البديري
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

قصيده مقدمة مجلس للخدمه

يالرايد قبولك ميّه بالميّه
اخدم للامام بخالص النيّه
*

باچر بالقيامه ينصب ميزان
ميّفيدك تره فلان وكلام فلان
اليفيدك بس حُسين وخدمته البرهان
يخلصك من جهنم نار محشيّه
*

صيتك لو كبر لا تنغر بصيتك
لتراب الگبر والدود تاليتك
المهم گلبك يخادم والمهم نيتك
بالك تنغر بدنياك مگضيّه
*

لا تبعد يخادم عن ابوالاكبر
عمرك خلّصه كلّه بخدمت المنبر
بالك بالمجالس مرّه تتكبّر
حسين يگلّك اطلع لا ترد ليّه
*

حسين يريد خادم يقره عالفطره
ما يتعجّب بنفسه اذا يقره
كون يبچّي ناسه ويسچب العبره
وكون ام الحسن تبچي لنواعيّه
*

من حمزه الزغيّر سيّد اليقرون
روح اسمع قصيدة ( گلّي يالميمون )
اكيد بهالقصيده تفهم المضمون
قراها بفطرته ونبرات قدسيّه
*

نتعلّم شعائرنه بشهر عاشور
من عبدالرضا ومن كاظم المنظور
خَطّوا للشعائر واللطم دستور
قصائدهم بقت للآن مقريّه
***

بحسين التزمنه وتشهد ايّامه
حاشه حسين ينسه هناك خدّامه
كل خادم يخدمه ياخذ اوسامه
اليوسمه حسين ثق للجنّة تاليّه

سيد زيد الفحام
_________________________________
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

قصيده للخدمه


حسن الخاتمه....يابن فاطمه 
ماعدنه عذر....لو ضكنه الكبر
..................

الرايد ايعيش..يبدي وياك بصراحه ويترس الجود
الرايد ايعيش..لايدور على غيرك ونته موجود

مايحصل  لو يفر الدنيه كلها
وهاي دنيانه فلا يرحم حملها
بس البكلبه انته يبقه يضحكلها
الحبك ايطلك الدنيه وكل اهلها

حبك مو وهم....يمبجي الخدم
الجيتك ننتظر.....لو ضكنه الكبر
....................

الخدمه وياك..شرف هنياله الينوله وصعب ينقاس
الخدمه وياك..تاج منك للخدم خليته عالراس

تاج عزه ومفخره وطيب وكرامه
حصله الخادم بدمعاته الامامه
تدري بينه الرحمتك  والله يتامه
ما كو ليل بغير طاريك ننامه

المن نتجه....يمبيض الوجه
بسمك نبتشر...لو ضكنه الكبر
.......

دمعة العين..بيهه نفخر الك صبيناهه يحسين
دمعة العين..شكد عزيزه والك ترخصهه المحبين

الدمعه والله تلوك عالخد من نذكرك
ياحسين اعقولنه تحيرت  بامرك
انته بس الله الذي يكدر يفسرك
اتحبه ويحبك هواي انطيته عمرك

عابر بالعشك....مرحلة الصدك
بشوفك نستقر....لوضكنه الكبر
...................

احنه خدام..وإلك كلشي انسوي بلكي انصير عابس
احنه خدام..ونطمح بهل خدمه حد شك الملابس

والله هنياله اليشك ثوبه بمصابك
وبالعلن والخفيه محبوبه ويهابك
تبقه طول العمر وكفتنه اعله بابك
الجنه ماندخلهه اله انته بثوابك

الرحمه الواسعه....بيك مجمعه
مابينه صبر.....لوضكنه الكبر
..................

العمر خلصان..ياحسين وانته تعرف بينه عشاك
العمر خلصان..الشوف وجهك بعد مانتحمل افراك

امنية كل خادم بكبره يشوفك
وننجمع بدموعنه اعليك ونطوفك
وانته توفي بالوعد للما يعوفك
هواي مشتاكيلك انقبل جفوفك

لو حان الاجل.....بس انته الامل
احضر ياذخر ....لو ضكنه الكبر


محمد هادي العقابي
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

للخدمه


بالكبر محد يفيد
بس الحسين الشهيد
لوصرت باچر وحيد........هوه يوكفلك سند

......................

قوي ايمانك بالله والتزم زين
لاتضل علدنيا تركض شابح العين
المجلس المظلوم احضر زيد الونين
الدمعه لوطاحت تفيدك ثق بالحسين 

خلي دمعك يجري دم
علّي حركوله الخيم
وبالصدر صابه السهم.........هوه يوكفلك سند
....................

بهاي دنيانا الدنيئه شعلوه صوتك
شكد تريد تعيش تالي يلفي موتك
عاد خليلك ذخر بالك يفوتك
دوم نادي ياحسين اطلب مروتك

عالعدو كلبه انقهر
مومثل هاذا البشر
حسين يمحي كل خطر.........هوه يوكفلك سند
....................

خلص الدنيه بتواضع صفي نيتك
بالتكبر والله ابد مايعله صيتك
لومشيت الكاع تتأذه بمشيتك
ساعد الوادم وطلعهه حميتك

الدنيا معبرهه جسر
واني وانته ننتظر
بمجلس حسين استمر............هوه يوكفلك سند
...................

الروح تتمنه التشوفه وتهوه كلشي
لاتطاوعهه وعلى الموزين تمشي
كلهه رفقاً ياذليله جاي نعشي
كلبي يتحمل اذيتج ضلي نهشي

لازم تخلي رقيب
دائماً يمك قريب
خلي الحسين الغريب ..........هوه يوكفلك سند
.....................

احجي بالسان العذب وي اصدقائك
لوغبت عنهم يحنون اللقائك
واصل الوادم وبالخص اقربائك
ودوم للام والابو خلي انحنائك

لومشيت بهل صفات
لاتخاف امن  الممات
بأيد الحسين النجاة.............هوه يوكفلك سند

محمد هادي العقابي.
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

ياعالم شتلكون
بجنسيتي من تقرون
اسمي الثلاثي موجود
لطام شاعر رادود
      **
اني عايش بالمجالس
بيتي الحسينيه
الراد ينشدني اعلى عمري
عمري جم لطميه
حمره عيني من البواجي 
وصفي بالجنسيه
طولي عشر سنين خادم
زينب المسبيه

رقم الهويه ثنين
يعني الكمر وحسين
بيه الحزن حادي يكود
لطام شاعر رادود
    **
اني اسم امي الخدامه
وكمطتني برايه
وهيجي ربتني اعلى حبه
أخدم المشايه
اني محييهه الشعائر
بيه نزلت ايه
جانت تناغيني ونه
لابو اليمه قرايه

لحسين اظل وفاي
عايش عمر وياي
ابجيله بهدومي السود
لطام شاعر رادود
    ****
واللقب بجنوني عابس
من اشكك ثوبي
محمل ذنوب اعلى ظهري
حسين يمحي ذنوبي
حسين هو الحب الاول
سلوتي ومحبوبي
اسلوبي الطم بالمجالس
ماأبدل اسلوبي

كلب اليحب مجروح
عالمنحر المذبوح
كل خيري من راعي الجود
لطام شاعر رادود
    **
الراد يعرف عني اكثر
يقره خل جنسيتي
المهنه لطام اعلى صدري
وبيضه كلش نيتي
مدمن اني اعلى الخدامه
وعاللطم تربيتي
شنهو بين الناس قدري
حسين رافع صيتي

الخادم يظل سلطان
ماتوصله النيران
حبل الموده معكود
لطام شاعر رادود
    *
اليقره جنسيتي ويدقق
حيره لمن يقره
النفوس بيامدينه
اقصد بياحضره
النفوس الغاضريه
يم حبيب الزهره
اليخدم ومو سوده نيته
لايحير بأمره

راس الخدم مرفوع
جف بصدر مطبوع
للخدمه كل احنه جنود
لطام شاعر رادود
   .**********
الخادم المخلص مجاهد
الخدمه عايش بيهه
من تصير بنيه عنده
حيره شيسميهه
جربه خيمه يجوز رايه
وبيمن يناغيهه
وبيمن يلاعبهه حيره
وبيمن يغطيهه

الخادم يعيش احساس
متأثر بعباس
من الكمر بي موجود
لطام شاعر رادود
    **

 ابو ابراهيم البغدادي
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

( يا حسين ع ) الشاعر ذوالفقار جلعاوي

اسمحلي يحسين اسالك ابزينب اردتوسلك
آني خادم لو ملك عيشتني مدللك
................
والله ما ريد العمر ما يكضي يمك
ولا دخل صدري الهوه المابي اشمك
خاف اشيب وتعب او مابيه اخدمك
ارزقني حته بموتتي منتشاهد اسمك

اسمك آنه اتحسسه اشكد ترافه ابملمسه
شفافي بي متقدسه عيشتني مدللك
................
الخدمتك كلشي انخلق من البدايه
الحلوه كلشي بخدمتك مابي نهايه
رايه كون ارفعلي للخدمه ابمنايه
و جني رافعلي وطن ما جنها رايه

عشكك من امي انرضع جنت اناغي ونسمع
وكبر او صيتي ارتفع عيشتني مدللك
................
رحمة الله اعله امي من رضعتني حبك
والله يرحم والدي الدلاني دربك
انته زادي و ملحتي ومايي الاشربك
شما ازعلك ورجع استقبلني كلبك

شكبره كلبك جن وطن شما يحن يرجع احن
حته الاذنوب استحن عيشتني مدللك
................
العني يسأل ماتعب يعرف مكاني
داري صار المجلس وماعندي ثاني
الخدمه امي او والدي وخادمها آني
ابزغري بايع روحي وحسين اشتراني

غالي وحسين اشتره وسجلاني ابدفتره
شغلي خادم منبره عيشتني مدللك
................
آنه جندي وهايه كل خدمة سنيني
رايد اوصل رتبة الخادم حسيني
خل يلوم اللايم آنه ادري بيقيني
الدنيه عالم ونته عالم ياسميني

الخدمه ورده من الذهب اتوضه ولزمها بأدب
اشتمها ينزاح التعب عيشتني مدللك
................
آني سامع يعشك من النظره الاوله
وانه عاشك خدمتك من الطفوله
مو بكيفي ابكيف دلالي وميوله
طايش ومنها اعرفت معنى الرجوله

بيها ارفع منزله الما حفظها أتنزله
اتغزر وياها الهله عيشتني مدللك
..................
..................
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

يالخادم عقلك ميزانك// عوف الغيبه وكض اللسانك
سبح بسم الزهره اشكرهه
دربالك تكسر خاطرهه
__________________
الخادم اليخدم خدمته تصير عنوانه
فاطمه متريد واحد ينطي بخوانه
توفقه وتقدره وتحبه اليحب جيران
الخادم الصدكي ابذكرهه يسبح اللسانه

سبحان الزهره وخدمتهه// وهنياله الاذ برحمتهه
صورة اخلاقك كبرهه
دربالك تكسر خاطرهه
__________________

الحاسب احسابه يحسب اكثر اباله
ينعرض يوميه عدهه دفتر اعماله
والتطرده يظل والله محد ابحاله
خل يفكر تره المنبر قيمه سواله

شوف الخدمه وزين افهمهه// فاطم بذنوبك تلجمهه
اخسر كلشي ولاتخسرهه
دربالك تكسر خاطرهه
__________________

الرادته تريدك تريده بخدمتك تفخر
قاعده للخدمه عدهه عابس وقنبر
ديربالك يجي يوم وتضل تتكبر
محد ايكلك اسم الله تره من تعثر

الزهره تباوع عالمتواظع// من يمشي مدنك بالشارع
والتخدمهه دوم انصرهه
دربالك تكسر خاطرهه
__________________

الناس ماتنسه النسيته وتكعد تحاسب
تنكر العشره وملحهه وتطعن ابصاحب
لاتضل تسال افلان اشوده وشجايب
ابدي راقب روحك انته تنتبه واجب

شاغل روحك ليش بغيرك// وي ربك حس بتقصيرك
روحك عالاخلاص اجبرهه
دربالك تكسر خاطرهه
__________________

الراظيه ترظيهه لازم باوع النيتك
شوف للقمه ابعطفهه وصلت صيتك
فاطمه شتريد منهه كلشي منطيتك
ابيتك آمن تسوي مجلس تحظر ابيتك
مجلس سوي الوادم لمهه// تحظر حتلو ماتعزمهه
بالزهره دارك بخرهه
دربالك تكسر خاطرهه
__________________
دمعتك دمعه بخيته احظنهه بجفوفك
وين ماتحظر مجالس فاطمه تشوفك
الما عفت مجلسهه تدري لحظه متعوفك
بدفتر الخدام حلوه تكتب احروفك

عندك قدوه عبدالزهره// من عدهه امحصل جم نظره
سنينك الهه هسه انذرهه
دربالك تكسر خاطرهه
__________________

#تمت ___ علاء الزيدي
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli