الليلة العاشرة
ليلة الوداع

قصيدة النزلة

أودعك والدمع يكتب نواعيّه
أروحن بالحزن للشام مسبيه
ساعات ... يگظي الأمل
ساعات ... ويا الأهل
………………………………………………………………………………
أنا وليلة وداعك هاي يبن أمي
تسولفلي اعله باچر وشكبر همي
صدگ يحسين گاعد هالمسه يمي
وباچر روحتك ما منهه كل جيّه
ساعات ... يگظي الأمل
ساعات ... ويا الأهل
………………………………………………………………………………
تسولفلي اعله همي وواضح الاحساس
شفت دمعك جره وصار الدمع مقياس
من گتلي يزينب ما يظل عباس
صحت وين الأجل يا ريت مر بيّه
ساعات ... يگظي الأمل
ساعات ... ويا الأهل
………………………………………………………………………………
وبعد گتلي المصيبه المنهه أتكدّر
من بعيوني أشاهد مصرع الأكبر
يا زينب علي بالحومه يتوذر
جيش اعداه ما ترحم مواضيه
ساعات ... يگظي الأمل
ساعات ... ويا الأهل
………………………………………………………………………………
عن جسام گتلي ابحسره وبدمعه
يتحنّه بدماه وتنطفي الشمعه
يا عاشر محرم بيك چم فجعه
مواجع والألم أوّله وتاليه
ساعات ... يگظي الأمل
ساعات ... ويا الأهل
………………………………………………………………………………
استرسلت بدمعتك والمدامع نار
گتلي ما يظل واحد امن الانصار
بيچ انتي وعليلچ هالفلك يندار
خيمنه بنار باچر تستعر هيّه
ساعات ... يگظي الأمل
ساعات ... ويا الأهل
………………………………………………………………………………
خيمنه بنار تلهب گتلي يالحره
الطفل حتى الطفل هم ينگطع نحره
أوصيچ الصبر يا زينب الكبرى
گلتلي والبعد وضحت معانيه
ساعات ... يگظي الأمل
ساعات ... ويا الأهل
………………………………………………………………………………
گلتلك وإنته يا خويه يماي العين
تفارگني يروح ارويحتي يحسين
وين آنه ومصايب يوم عاشر وين
أصبر عالحزن لو رحت مسبيه
ساعات ... يگظي الأمل
ساعات ... ويا الأهل
………………………………………………………………………………

خادم الحسين عليه السلام
عمار هليل الواسطي
محرم الحرام

https://tttttt.me/ssgadAl

وداع الحسين وزينب

هاي آخر ليله ابقه وياكم روحي يمكم لحظه ماانساكم
يختي بيج آمالي عينج عله عيالي
الوداع … الوداع
…………………
هاي آخر ليله يم زينب اظل
والاجل ماظنه يخطيني الاجل
لو سمعتي حسين بالحومه انجتل
سكته ونتكم لون راسي انحمل
………
خلي تشبع شوف هاي عيوني
ادري باجر عالثره تشوفوني

لو سكت دلالي عينج عله عيالي
الوداع ... الوداع
*****
هذا ليل موادع وباجر اغيب
خلي نتوادع حبيب يشم حبيب
الجرح آه الجرح ماظن يطيب
كفّو مدمعكم يفت گلبي النحيب
………
صبح باجر كلهه تنظر راسي
وحدي باقي وعالنهر عباسي

زينب انتي گبالي عينج عله عيالي
الوداع … الوداع
****
الخدر يختي الخدر لازم نصون
ما اريد خيالج تشوفه العيون
باجر ادري شيحصل وادري شيكون
خايف من السوط ياذيهه المتون
………
لو سبيه رحتي يازينب اون
ابجي آنه لوشفت ضرب المتن

شلون حال اطفالي عينج عله عيالي
الوداع … الوداع
****
راح اودعكم وداع البي جرح
خاف اغمض عيني ماشوف الصبح
عالثره جروحي ويأذيني الملح
والاشد راسي يرفعونه برمح
………
نار وسفه بالخيام تشب اشوف
والكفلكم طايح بلايه چفوف

طاح اخوي الغالي عينج عله عيالي
الوداع … الوداع
****
باجر ارحل تبقه بس ذكرانه
لا تهيجوهه بدمع آلامنه
هذا حدهه وكضت ذيج ايامنه
الحزن باجر فقط يصفالنه
………
زينب انتي واليتامه تلوذ بيج
حرمه وحدج منهو يختي اليعتنيج

لمّي يختي اطفالي عينج عله عيالي
****
باجر وحيدين وبوسط الظلام
نارهم ياوسفه شبَّت بالخيام
ياحمام الدوح لتون ياحمام
انت بس وصّل لاحبابي السلام
………
واشرح الهم قصة الراس ورمح
چلمه گلهم باجر انموت الصبح

يختي هاي احوالي عينج عله عيالي
*******
سيد علي المدني

https://tttttt.me/ssgadAl

نعي

آه ياليلة وداع الغالي
بس بالموادع بقت آمالي
لمي يازينب عليه عيالي
خل اودعكم واريح بالي
..............
آه ياليل الوداع شگد صعب
اخذ روحي وداعك وذاب الگلب
شلون بيه باجر بصحبة غرب
بدون عباس شيخلصلي الدرب
............
زينب بالموادع مانسوهه
اجو اخوتهه للخيمه اعتنوهه
زينب بت علي تبجي لكوهه
عليمن عالنواعي ناشدوهه
............
اجو لام الحزن عباس وحسين
للخيمه اجوهه همه الاثنين
من شالت نظرهه وشافت الزين
صاحت هله بيكم ياضوه العين
............
تگل الهم هله بسباح گلبي
هله بعيني التدليني عله دربي
شالت راسهه وصاحت يربّي
الهي شلون بيه بدون اخوتي
..............
زينب تعاين لعباس الكفيل
ساكته ودموعهه عله الخد تسيل
تگله باجر ما اشوفك مستحيل
من اصيحن ماتجاوب صوتي
............
الخيمه جانت ظلمه وشويه الضوه
تشابگو ودموعهم خلطن سوه
خل اشمكم حيل ماريد الهوه
انتو روحي ودنيتي وآمالي
............
عله هونج ياعزيزتنه عله هونج
تاذينه تره دمعة عيونج
عونج باجر عالالم عونج
الج باجر يبقه ربنه العالي
............
تگله لحسين ياخويه وصيه
الك عندي امانه من الزجيه
كالتلي لون تدنه المنيه
نفذيهه الوصيه وموش تنسين
............
گالتلي يزينب شمّي نحره
وبوسيلي اخيج فوگ صدره
وانظريلي عله عيني شلون نظره
نظرة وحده راح يموت ابنهه
............
سيد علي المدني

https://tttttt.me/ssgadAl

الامام الحسين 3
………..
هاي آخر.. ليله ابقه وياكم روحي يمكم.. وااله ماتنساكم

يختي بيج آمالي يمي جيبو عيالي
الوداع … الوداع
…………………
هاي آخر ليله يم زينب اظل
والاجل ماظنه يخطيني الاجل
لو نعه الناعي اذاً مات ورحل
سكته ونتكم لون راسي انحمل
………
خلي تشبع ..شوف هاي عيوني ادري باجر .. عالثره تشوفوني

لو سكت دلالي يمّي جيبو عيالي
الوداع ... الوداع
***
هذا ليل موادع وباجر واغيب
خلي نتوادع حبيب يشم حبيب
الجرح آه الجرح ماظن يطيب
كفّو مدمعكم يفت گلبي النحيب
………
صبح باجر.. كلهه تنظر راسي وحدي باقي .. عالنهر عباسي

زينب انتي گبالي يمّي جيبو عيالي
الوداع … الوداع
**
الخدر يختي الخدر لازم نصون
ما اريد خيالج تشوفه العيون
باجر ادري شيحصل وادري شيكون
خايف من السوط ياذيلج امتون
………
لو سبيه.. رحتي يازينب اون والمنيه .. لوشفت ضرب المتن

شلون حال اطفالي يمّي جيبو عيالي
الوداع … الوداع
**
راح اودعكم وداع البي جرح
خاف اغمض عيني ماشوف الصبح
عالثره جروحي ويأذيني الملح
والاشد راسي يرفعونه برمح
………
نار وسفه .. بالخيام تشب اشوف والكفلكم .. طايح بلايه چفوف

طاح اخوي الغالي يمّي جيبو عيالي
الوداع … الوداع
**
باجر ارحل تبقه بس ذكرانه
لا تهيجوهه بدمع آلامنه
هذا حدهه وكضت ذيج ايامنه
الحزن باجر فقط يصفالنه
………
زينب انتي… واليتامه تلوذ بيج حرمه وحدج... منهو يختي اليعتنيج

لمّي يختي اطفالي يمّي جيبو عيالي
**
باجر وحيدين وبوسط الظلام
نارهم ياوسفه شبَّت بالخيام
ياحمام الدوح لتون ياحمام
انت بس وصّل لاحبابي السلام
………
واشرح الهم… قصة الراس ورمح چلمه گلهم... باجر انموت الصبح

يختي هاي احوالي يمّي جيبو عيالي

سيد علي المدني

https://tttttt.me/ssgadAl

گعديه للوداع ليلة العاشر
.........
مجموعين الاخوه بهالمسيه
للخيمه اعتنت روح الزﭼيه
والموادع تحضره .. وتبوسه عله نحره
للخيمه اعتنت روح الزﭼيه
------------------
تالي الليل سمعت صوت رجلين
دنوا خيمتهه صاحت انتم منين
ذوله احنه اخوتج ياضوه العين
هذا الگمر يمي وآني الحسين
.............
سمعنه ونين بالخيمه سمعنه
عرفنه صوتج وينزل دمعنه
وونينج نذكره .. .. وتبوسه عله نحره
للخيمه اعتنت روح الزﭼيه
---------------
طبّو گامت الهم گالو شبيج
يخيتنه العزيزه شنهو ماذيج
نامي انتي واخوتج تحرس عليج
اذا احنه سويه منهو يدنيج
.............
غمضي عيونج واحنه سهاره
شلون اثنين لزمولج خفاره
گامتله تشكره .. وتبوسه عله نحره
للخيمه اعتنت روح الزﭼيه
---------------
زينب گالت الهم هاي هيّه
مادام انجمعنه بهالمسيه
وصتني الزجيه بهالوصيه
شمّي حسين واهديهه اليه
............
شميلي العزيز ونظر عيناي
گليله الزﭼيه تشمك وياي
مره تشمله نحره .. وتبوسه عله نحره
للخيمه اعتنت روح الزﭼيه
----------------
اجاهم صوت ﭼن وحده حزينه
آنه امكم اجيت من المدينه
اجيت اليوم ارد وي الضعينه
شلون بزينب وحيده تجينه
...........
اجيت احضر وداعج وي اخوتج
ما اصبر اذا يوصلني صوتج
توصيه عله صبره .. وتبوسه عله نحره
للخيمه اعتنت روح الزﭼيه
---------------
حضرت فاطمه بوداع الاخوه
لمتكم سويه والله حلوه
بعدكم هالونين يصير سلوه
بلوه فراككم يايمه بلوه
...........
تگل الهه يزينب طولي الوداع
باجر ذوله اخوتج صرعه عالكاع
امه وتعلم امره .. وتبوسه عله نحره
للخيمه اعتنت روح الزﭼيه
--------------
يزينب باجر اللحظات صعبه
الشمر فوك الصدر ومثنّي ركبه
يحزه من النحر يشلعله گلبه
ويضرب بالحسين اثنعش ضربه
.............
آنه هناك اعاين والطم الراس
من اسمعج صحتي الحگ خويه عباس
ضلعي يهيج كسره .. وتبوسه عله نحره
للخيمه اعتنت روح الزﭼيه
******
سيد علي المدني

https://tttttt.me/ssgadAl

ليلة الوداع
المن اغمض العين؟ ليلة وداع حسين
يبن امي هليله
ارد اسهر انه وياه واشبع بواجي واه
يحجيلي واحجيله
*
اخر مسيه وياالاخو تدروني
وشلون تاخذ عاالمنام عيوني
خلوني اسهر للصبح خلوني
اتوادع ويه اخواني ويودعوني
اي والله هذا اليوم ليلة سهر يانوم؟
هليله ياراحه
انه اختنك كل ساع اسمع كلام اوداع
يجرحني مصباحه
*
هوايه السوالف والوكت شيكفي؟
كلبي رجف يبن امي موبس جفي
باجر اشيترك باالخيم شيطفي
لهفي عليك وعله افراكك لهفي
وبوجهي ماظل لون سولفلي كلي شلون
المن اصدعيني
عمري كظيته وياك مااصبر ابفركاك
ياخويه تدريني
*
سولف وصيتك ياالاخو وحجيلي
وكون الله ينطيني الصبر ادعيلي
خليلي ذكره لورحت خليلي
حته النجوم البلسمه تبجيلي
يجرح سواد اليل ضل ياخذ من الحيل
ويلي اعله مأساته
لوبيدي جا خليه عمري سهر اكظيها
ماتكظي ساعاته
*
باجر اذا صار الظهر يفجعني
عاالتل اصيح اولا اخو يسمعني
ابقه انتخي وين التكفل ضعني
ودعته يم الشاطي ماودعني
يم النهر لو فوت جم موته روحي اتموت
من انظرالكافل
والكتره اشيل الايد واهمسله من ابعيد
ويلاه يبو فاظل
***
عيوني بعد غير البواجي اشعدها
باجر رقيه تفاركه والدها
طفله وتحن والطفله شيهودها
مجتوفه جا بيش السياط اتصدها
راح الابو التهواه وراح الحنان وياه
شيعوض ايامه
صدر اليضمها حيل باجر تسحكه الخيل
مسلوبه العمامه

سعد العبودي

https://tttttt.me/ssgadAl

نزله
--------------
ليلة العاشر من محرم
ومصرع الأمام الحسين عليه السلام
--------------
واحُسينا -- واحُسين
واحُسينا -- واحُسين
--------------
الليله ليل أوداع ياشيعة علي
خل نبرهن للنواصب مايلي
بينه ثار أحسين شاخص يعتلي
حته لو أحقادكم تصلي صلي
رحم الله المنادي
ومعزي المرقدين
لك جرحاً في فؤادي
ياحبيبي ياحُسين
واحُسينا -- واحُسين
واحُسينا -- واحُسين
---------------
الليله عاشر ليله من شهر المصاب
دك علا صدرك أوعلي بلجواب
أوعفر أهدومك أوراسك بلتراب
أولو شربت الماي أهديله الثواب
قتلَ اللهُ يزيدا
وجميعَ الغادرين
نحرو اليومَ أماماً
كان كلذكر المبين
واحُسينا -- واحُسين
واحُسينا -- واحُسين
-------------
لاتخاف أعله الصدر دك الصدر
أبدنيتك والأخره أتحصل أجر
تملك أبجنة عدن باجر قصر
من تصير الدمعه بعيونك شذر
كُن حسينيا الشعور
وتمادا في الونين
شاخص الزهراء حاضر
كيفَ كلُ الحاضرين
واحُسينا -- واحُسين
واحُسينا -- واحُسين
---------------
ثبت أجرك أنته محتاج الأجر
هاي ليله مره ترجع بلعمر
ياهو يضمنلك عدل مو بلكبر
من يدور العام والذكره تمر
كم بكم تحت التراب
فارق الدُنيا حزين
ليلةُ العاشر تمنى
يحضا بلأجر الثمين
واحُسينا -- واحُسين
واحُسينا -- واحُسين
--------------
خلي نصب العين تصبح كربله
أحسين ع التربان جثه أتخيله
ذبل أشفافه العطش حد مقتله
نادي وا ويلاه ياعقد الوله
شيبهُ بلدم مخضب
ياأمير المؤمنين
أحسن الله عزائك
جرحنا جرحٌ دفين
واحُسينا -- واحُسين
واحُسينا -- واحُسين
--------------
سجلي يازهراء كل هذا الحضور
أنتي باب الحاجه وبدم النحور
أنحلفج يم الحسن من الشعور
والله محتاجين للمهدي ظهور
سيفهُ العدلُ يقيم
ينشر الفتحُ المبين
ياخذُ الثأر جهاراُ
من رقاب الحاقدين
واحُسينا -- واحُسين
واحُسينا -- واحُسين
--------------
خادم أهل البيت
الشاعر : أسماعيل الجوراني
الخميس : 21/9/2017

https://tttttt.me/ssgadAl

نزله ليلة العاشر والوداع

صوبت دلالي::::بالله ارحم حالي
يا ليل الوداع::يا ليل الوداع
@@@@@@@@@@@@
آه يا ليل الموادع يشعب الروح
انه زينب گلبي من وناته مجروح
عمري گضيته ودمع عيناي مسفوح
وباچر ابن أمي يليل انودعه ويروح
عگبه اضل بنوحي::وهم تزيد جروحي
يا ليل الوداع::::: يا ليل الوداع
@@@@@@@@@@@@@@
هذي آخر ليله بوداع الحبايب
وباچر يصبح علي يوم النوايب
آ يليل وعگب اخوتي نضل غرايب
نشبع آهات وهضم جور ومصايب
طول انته علينه::نودعه والينه
يا ليل الوداع:: يا ليل الوداع
@@@@@@@@@@@@
من عگب عينه الحريم يسلبوهه
مخدرات وهالاعادي يروعوهه
طول وكل اخت ختودع اخوهه
وتودع ابنه الأم گبل لا يفجعوهه
وتشوفه عالغبره:: يجري دمه نحره
يا ليل الوداع::: يا ليل الوداع
@@@@@@@@@@@@@
خليني اودع اخوتي هذا آخر وداع
باچر ضحايه كلهم يضلون عالگاع
تروح الحرم من عگبهم بين العده ضياع
ويسلبوهه وحتى مايبقه لها إقناع
يسبوهه هالعدوان:::: لو غابت الوليان
يا ليل الوداع:::: يا ليل الوداع
@@@@@@@@@@@@
هاي آخر ليله إخوتي اعلينه حراس
عنه لو راحوا نضل مابين الارجاس
ومن عگب عين الكفيل الغالي عباس
ادري اروح ميسره وتعاين الناس
چنهه عيني تشوفه::: مگطعات چفوفه
يا ليل الوداع::: يا ليل الوداع
@@@@@@@@@@@@@@
طلبت كون أطوّل بهاي المسيه
خاطر أشبع شوف من اهل الحميه
آ يليل الگلب نيرانه سريه
ماكو مثل مصابي انه الهاشميه
خلهه تجري عيوني::: اخوتي يودعوني
يا ليل الوداع:::: يا ليل الوداع

#أبو جعفر السلطاني
6/8/2017
13ذو القعده

https://tttttt.me/ssgadAl

نزله
الوداع الوداع ياحبيبي يا حسين
***************************
هاي اخر اليله يمي وباجر اتروح
اتروح عني وابقه انه بكلب مجروح
انتم اتروحون وابقه انا للنوح
وشيصبرني اشوفك وانته مذبوح
***************************
بظهرعاشرياحبيبي اتسحكك الخيل
تبقه عاري عاللوطيه الدم يسيل
وانه ابقه يبن حيدر عاللياويل
وشيصبرني يخويه ابوحشة اليل
***************************
خويه من امشي اسيره وبيدي الحبال
انه راسي يبقه عالي بعلوا الجبال
انه ذليت ال اميه ابكل القوال
اني اميره مواسيره ابكل الحوال
****************************
ودخلت قصر اليزيد ابكل شهامه
انه ذلييت الزلم ابذل الاهانه
ما اخاف ولاجن انه اعاليتامه
خافن ايذونهم اهل الاظلامه
***************************
سٍِِّيٌَدٍْ عٌٍَلٌٍَيٍّّ عماداٌلٌٍمٌٍْوٌٍُِسٌٍَوٌٍْيٌٍِْ...

https://tttttt.me/ssgadAl

محررررم 1440 هـ .. ليلة الوداع

هالليلة كلمن .. وي محبوبه
يگعد يسولف .. بحله اعذوبه
كلمن وي محبوبه ابآه . يگعد يتوادع وياه
يگعد يسولف .. بحله اعذوبه

هالليلة آخر ليلة من . عمر الحُسين او كل هله
كلمن مع خله گعد . وايسولف ابچلمة هله
ذيچ السوالف والحچي . البي مستحه او ينگط حله
والتخلص ادموعه ابحزن . ابدمعه الحٌسين ايچمله

اجمل حبايب .. واجمل لَمّه
كلمن حبيبه .. گام ايشمه
آخر شمه او حل فرگاه . يگعد يتوادع وياه
يگعد يسولف .. بحله اعذوبه

لمة اهل لمة عشگ . إلتموا ابخيمه سوى
وي كل حبيبين ابحزن . فاصل صبح بس الهوى
اليبچي ابحضن خله يرى . ابدمعاته محبوبه ارتوى
العاشوا مثل ماي او ورد . إتفارگوا في نينوى

هاي النهاية .. او حل موعدها
العشرة الجميلة .. شيعاودها
والعنده خّل خَل ينساه . يگعد يتوادع وياه
يگعد يسولف .. بحله اعذوبه
_
اول حبيبين التقوا . ابخيمه الرباب اويه الطفل
عبدالله شاف امه تون . وادموعه ظلت بس تهل
خليني اشمك يالولد . او فكت من اگماطه الحبل
باچر على چف والدك . ظامي او اشوفك تنچتل

عبدالله صاحت .. ها يوليدي
بس هالمسية .. اتشيلك ايدي
واليشعر ببنه او بظماه . يگعد يتوادع وياه
يگعد يسولف .. بحله اعذوبه
_
ثاني حبيبين التقوا . ام الخدر ويه الگمر
شبگوا بعض بس مابچوا . لموادع ايهد الظهر
واحد لعد واحد رسم . باچر شنو ايسوي القدر
ام الخدر رسمت خيم . او عباس ظل يرسم نهر

يزعل گمرها .. من ترسمله
خيمه او عطاشه .. تتوسله
يتخيل عبدالله اظماه . يگعد يتوادع وياه
يگعد يسولف .. بحله اعذوبه
__
ثالث حبيبين ابحزن . رمله اويه جاسم گاعده
گالت قبل ماودعك . فرح دليل الوالده
خليني اشعلك شمع . وايدك احني واحده
ثوب العرس هاك ارتدي . امعرس اشوفك رايده

خليني اشوفك .. جاسم لابس
ثوب اليفرحك .. وابكل واهس
هالثوب اعليك اشمحلاه . يگعد يتوادع وياه
يگعد يسولف .. بحله اعذوبه
___
ثالث لقاء اويه العشگ . اجمل لقاء ابكربله
التفت عله إحسين الوفي . بالخيمة كل العايله
خلينه كلنه انودعك . يابو علي گالوا اله
نتحمل اليحدث غداً . افراگك فقط مانحمله

لا مانحمله .. افراگك باچر
اتظل انته وحدك .. وابلا ناصر
شخصك مانگدر ننساه . يگعد يتوادع وياه
يگعد يسولف .. بحله اعذوبه

حيدر الحلفي

https://tttttt.me/ssgadAl

🔴رابط قناة الشاعر👇👇
تابعونا ع قناتنا بالتلگرام عبر الرابط التالي 👇
قناة الشاعر حيدر الحلفي

https://telegram.me/haidar_alhelfi

في لليلة العاشر كان يسود الهدؤ ..
الا صوت طفل كانت تحمله والدته وتقول .....


نام يالولد نام يالولد يبني
.
.
.
باجر من الغبشه أبوك يجيبلك ماي
عوف المساهر ييمه يتعبك هواي
إصبر الليله اريدك تغفه وياي
انت تدري دموعك تأذيني
.
.
.
العطش نشف حليب امك ييمه
من تأشر عالصدر گلبي تلجمه
منين اجيب الماي شوف الدنيا ظلمه
گوه يبني تبجي وتبجيني
.
.
.
يمه خوفي باجر يجيبوك مذبوح
خل احضنك حيل خاف تروح وتروح
يبني يزغيروني أنت لبت الروح
أشلون أعيش وانت متحاجيني
.
.
.
يمه ست اشهر حناني لايگ إعليك
أفرش إگماطك واحظنك لو ألوليك
والحسين إعله الصدر يمه يخليك
يصيح بويه انت كرة عيني
.
.
.
والله لو بيدي دمع عيني اشربك
هسه أخلي اسكينه يايمه تلعبك
خل تسولفلك سهم باجر يضربك
وانت نحرك بالدمه يزگيني
.
.
.
آه لو غص نحرك بسهم المنيه
وي اديك إيطلعن يلطمن اديه
آنه ما اعرف شنو الصاير عليه
بس اعرفك يالولد تچفيني

الشاعر محمد الظالمي

https://tttttt.me/ssgadAl

ليلة العاشر

صبراً ياضوه العين يامذبوحي يحسين
لاحگ عالذبح لاحگ عالرمح
راسك ينجرح راسك
.
.
.

الهي الليلة جامعنه بحَصيرة
احس وياك هالليلة الاخيرة
ألا يل ما الك بالطف عَشيرة
طريق الموت بي ايدي گصيرة
اشوف الراس من ينزل قَطيرة
وعد راسي اللطمه بالمسيرة

تدري بصدرك ارتاح و باچر فوگه ذَبّاح
مثل ام الدمع ايدي عالضلع
ياللون الشمع چاسك


.
.
.

يمذبوحي ألك حگك عليه
قبل لا تحجي اعرفها الوصيه
لچن عندي طلب يمك اليه
تشيل الشوك من الغاضريه
اذا اركض انه ما هِمَه بيه
اخاف اتسحگه وتشور رقيه

تشور حته بالگاع وتفز عين الِلسباع
صفگات الوچن ترچيت الأذن
متفوقه بحزن ناسك

.
.
.

حبيبي الليله وَدعها خِيمنه
بعد راسك خَرابه الي تِلمنه
نعم بِعمامتك صارت حِزمنه
وانه هالشيله اعگدها بعلمنه
افُرك عالخيم لَنك تهمنه
بعدك والله محد يحتُرمنه

خَلك ليله وياي محد يطلب الماي
ودعني صدگ توديعت عشگ
باچر يحترگ ياسك

.
.
.

ظلام البيدة اخافه وانت يمي
احس باچر اركضه بهذا جدمي
انه الي عمري محد صاح بإسمي
وانه سوط الزَجر يوصل لَعَظمي
احط ايدي اعله راسي ويجري دمي
تلمني وياك باچر ريحة امي

بين الچثث الگاك راسك وينه مگفاك
مچفي اعله الضهر مچفي اعله النهر
بس انت الگمر باسك

.
.
.

يمذبوحي انه بعيوني خوفه
اشو العباس اشوفه وما اشوفه
احس من هسه يمشي ابلا چفوفه
ابو فاضل اقدرها ضروفه
اذا جاني الشمر بيده سيوفه
اموت من الضرب بس ما اعوفه

درب المشرعةطويل اركض يمها بالليل
ابگلبي هالحدس انه اصبح حرس
تقدير النفس قاسك

.
.
.

اخويه الدنيا ماتوصل غُربته
أنين الناي من نوحي كتبته
اشوف الحجر من يطبع جبهته
يِصيح الماي واني ما سمعته
منو العند اخو ما يعرف اخته
نعم عندي اخوا هم ما عرفته

ترتيلة نحيبي ما يرجع حبيبي
بعدك يالضوه مانرجع سوه
نتنفس هَوه إحساسك


الشاعر محمد الظالمي

https://tttttt.me/ssgadAl

وداع ليلة العاشر

ليلة اوداع او وصيه
تنجمع هاي المسيه
بين مذبوح وسبيه
+++++++++
حسين بلل سكنه من دمعات الاعيون
بويه تتحمل ضربهم مالچ امتون
بيكم اشعر عالجمر لمّن تسحگون
شلون باچر يارقيه بخدچ اشلون
خانگه انفاسه البواچي
عينه صارت عالتراچي
ﺂه ياصطرت رقيه
بين مذبوح وسبيه
+++++++++
اوداع زينب والگمر ماكو نظيره
دمعة العباس لو طاحت چبيره
اتگله ﺂخر مره ناديني الاميره
اسمي باچر يختلف اسمي اسيره
لاتوصيني اهله خدري
طولي يضهر باچر ادري
وتنظر الوادم عليه
بين مذبوح وسبيه
+++++++++++
يحچي لكبر بالصراحه ويه ليله
ضلّتي ويّاﭲ باچر مستحيله
لبسي يمه هواي شيله فوگ شيله
الركضه مالچ حيلها وانتي ثجيله
راح اموت وبالي يمچ
يمّه عالنوگ اشيصعدچ
يمه لو فارگتي اديه
بين مذبوح وسبيه
++++++++++
ريحة الحنّه تبخر ذيچ الاخيام
گاعد ايوصّي شريفه وإمه جسام
عوّدنها امتونچن تتحمل الام
السوط ضربه يستمر حد طبت الشام
عالرمح راسي ويصدلچ
يمه من تنعين اسمعچ
بس نحر وحساس بيه
بين مذبوح وسبيه
++++++++++
وخيمه مابيها حِمه زغار اويه امهم
ام حميده اتوصّي لطفال وتگلهم
لو خيمنه احترگت وهجمت زلمهم
اخوانك ايد ابايد احمد لاتهدهم
انه مشغوله بخماري
وانتو ركضو بالبراري
تحكم اعلينه القضيه
بين مذبوح وسبيه
++++++++++++
اوداع يجرح للرباب اتصد لبنها
هاي اخر ليله ويفارگ حضنها
مو دمع ينزل نبل باطرف جفنها
فل الاگماط ورفع چفه وحضنها
چنّه يعلم بالي يجره
حط شفاف امه اعله نحره
چنّه يعلم بالمنيه
بين مذبوح وسبيه

ثائر الربيعي

https://tttttt.me/ssgadAl

ليلة العاشر . 1440 هجري

ابعين ابونه اوداع يا سكنه و الم
ماخذته الگعده يفتــر عالخــيم
اباله حسبة ضيعه يشرحها النهار
وحده وحده يمسح بروس الزغار
++++++++
مو عله بعضه احس همّه عظيم
بصدره حسره ولازم الشيب الكريم
ويّه روحه ايسولف وگلبه اليم
ازغاري وين اتبات باچر والحريم

مافهمته اشقصده منها
تحترك خيمتنه جنــها
ابنيته من ايروح عنها
عدمن اتبات

سطره مابيه وعلى سحگ الجمر
يعني اذا كلش اموتن بليسر
امدللــه عودني ما حب انكسار
وحده وحده يمسح بروس الزغار
++++++++
اسألته بس جاوبني دمعه مو كلام
ليش رايح راد مابين الخــيام
يارقيه اوياچ هذا اخــر ظلام
اميسّره انتي وانه عالغبره انام
لزمت ايدج يالاميره
بخنصري هاي الاخيره
وركضتچ وانتي زغيره
اهوايه عثرات

يغسل اتراب الوجه دم الاذن
وانه تحت الخيل والحالج اون
حافيه وطبع الرمل يرقيه حار
وحده وحده يمسح بروس الزغار
+++++++++
بدمعة اعيونه دخل خيمة رباب
ايحبب ابنحر الرضيع وگلبي ذاب
غطه مهده ابشيلة امه للمصاب
وگعدت اگباله الرباب اعله التراب

امدنــگه من ناشدتــه
ليش من حضني اخذته
اگماطه من شفتك فتحته
إشهل علامات

امن العطش لو بالنبل هم ينذبح
والطفل ما يحتمل شوغة جرح
امفصليها اسهامهم بس للكبار
وحده وحده يمسح بروس الزغار
+++++++
ابهل علامه اعرفته ابونه مايعيش
اتعثر ابّاب العقيله مدري بيش
اسم الله صاحتله اعثرت ياخويه ليش
اهنا يگلها الشمر يصرخ عنده جيش
السوطي زينب شدي حيلچ
طلعي مايرجــع كفيلچ
اتحشمينه ومــا يجيلج
كافلج مات

الليله خويه آخر امان ايمر عليج
يختي دخان المخيم يعتليچ

ماكو رايه والفياي بحسره صار
وحده وحده يمسح بروس الزغار
++++++++
والمهر باچر يردلچ بالصهيل
من تجيني ابدربج اتلاگيچ خيل
امنين ما ملتي عله عنادچ تميل
بين الامزاحم تريد الركضه حيل
مدري جم عثره الله يدري
توصليني ودمي يجري
والشمر ثاني اعله صدري
ابمنحري فات

هاذي اول جيه الچ يم الجسد
جسمي ما مرضوض يازينب بعد

اهواي هنّه جاي اسولف بختصار
وحده وحده يمسح بروس الزغار
+++++++
نبذه راح انطيچ لبحالي يصير
هسه غير وليلة الوحشه آنه غير
هذا جسمي امن السحگ يصبح زغير
اعمامه لاتلگين لا راس الامير

امطشر اتلمين بيه
يمي وناتج شجيه
صوتج ايجيب الزچيه
تريد ونات
امي محنية وتدور خنصري
وانه ميت امي تكسر خاطري

الزهره من شيلتها نكثيه الغبار
وحده وحده يمسح بروس الزغار

ملاحظه.يسمح للرادود تغيير او تعديل او اضافة مفرده شرط ان تنسجم مع موضوع القصيده.ونسأل الله القبول من الجميع

ثائر الربيعي
١٤٤٠ هجري

https://tttttt.me/ssgadAl

ليلة اوداع ومصيبـــه
وماغفت عين الغريبه
وكل محب ودع حبيبه 00 يا مصيبه
ليلة امصـــــاب 00اموادع احبــاب 00وشكوه واعتاب 00 ولا غفت عين الغريبه
يا مصيبه

دمعه سالت من دمـــه 00 من جفـــن بت فاطمه
ابين ادين ابن الوصي 00 تبجي واعليهه انغمـه
الليله ظل منهه اشكثر 00 ساعه وايطر الفجر
وزينب اتظل بالفلـــه 00 ولا كو خيمه ولا خدر
لا ستــــر لا عدهـــه خيمــه
ابنص غرب والحومه هيمه
وجم يتيم وجــــــم يتيمــــه 00 يا مصيبه
دمعه سجاب 00 اموادع احباب 00 وشكوه واعتاب 00 ولا طبك جفن الغريبه 00


بيده ابن حيدر علــي 00 حس جبين اخته الولي
وفزت اتنوح وتصيح 00 يابعــد ناسـي وهلــــي
آنه يمك وارتجـــــف 00 وكلبي يحسين ايخذف
شلون لو باجر تطيح 00 وتهجم السبعين الــف
ياشبل حامــــي دخيلــــــه
الليلـــه وياكـــم عقيلــــــه
باجر امشي اعله الهزيله 00 يامصيبه
ابين الاجناب 00 اموادع احباب 00 شكوه واعتاب 00 وما طبك جفن الغريبه 00


خويه نصهه الليله فات 00 وتدري بينه امدللات
بالغرب ما ننتخـــــــي 00 منك احنه امعلمـــــــات
العاشر اصبح مو بعيد 00 اسألني ياخويه اشأريد
الرايه لا ياخذه كون 00 لو حمل جوده العضيــــد
عندي من هالجلمه غايه
لو مشت نوك السبايــــه
الرايه اريدنهه عبايـــــه
وشيله واحجاب 00 اموادع احباب 00 شكوه واعتاب 00 وماغفت ساعه الغريبه


اتجمعت كل عيلتــــــه 00 وكل بناته ابخيمته
ايحط رقيه اعله الكلب 00 وسكنه تلثم جبهته
كعدن ابحضنه وغفن 00 ابحسره والدهن صفن
بياحضن يغفن بعــــد 00 علمهــازل لــو مشــــن
اموسدات ابحضن ابوهن
ويلي باجر لو سبوهــــن
وبالخرابه اينيموهــــــن 00 شها المصيبه
فوك التراب 00 اموادع احباب 00 شكوه واعتاب 00 وما طبك جفن الغريبه 00


لن ابو فاضــل حضـــــر 00 وشاف فد شوفه وعثر
اسأل ابروحي واحيـــــر 00 عجبه شيعثر الكمــــــر
ثاري شاف اوديعته 00 وبين اديهه شالته
مهجة حسين الرضيع 00 امكبعينه ابرايتــــــــــه
عمه ظل يركضله حافـي
وحب جبينه وهوّه غافي
ايكله حيره شلون اوافي
ام الاطياب 00 اموادع احباب 00 شكوه واعتاب 00 وما طبك جفن الغريبه 00


احمد الهلباوي

https://tttttt.me/ssgadAl

آه وحنيــن 00 آه وحنيـن 00 الليله الوداع البلخيم 00 آه وحنيــن
من ألونين 00 من ألونين 00 ذبلت رقيه من الألم 00 ومن ألونين

 

ليلـــــــــــة وداع 00 وباجر ضياع 00 ودمعه وجمــر للعايلــه يجوي الضلــوع
حســــــــره والم 00 بين الخيــــــم 00 اخت اويه اخوهه اتكلمه ابحجي الدموع
اتحاجي الحسين 00 ودار الهه عين 00 ادري ابقرارك للحرب مابيه رجـــــوع
بس يالولـــــــي 00 ياهو الالـــــي 00 من يحترك خدري علي وابناري الــــوع
لازم تجين 00 لازم تجين 00 انته الكلت يابو الشيم 00 لازم تجين
من ألونين 00 من ألونين 00 ذبلت رقيه من الألم 00 ومن ألونين

 

اخـــت واخـــو 00 ابنيه وابو 00 كلمن وليهه اتودعه ابشكوى وعتاب
دمعة وحـــزن 00 وام وابــن 00 اتمنت تشوفه امعرس ابعــز الشبــاب
الاصعب واشد 00 طفل ومهد 00 يتوادعون ابكربلــــه اكبـــال الــرباب
وامـــــــدلـلـه 00 ابطف كربله 00 كد ما بجت منهه الكلب هالليله شاب
بتلث سنين 00 يتلث سنين 00 تتلكه هم مامثله هم 00 بتلث سنين
من ألونين 00 من ألونين 00 ذبلت رقيه من الألم 00 ومن ألونيـن

 

زينـــب تحــوم 00 تكعد تكوم 00 كلساعه يم والي تجي وتشكيله حال
يم الغريــــــــب 00 تبدي النحيب 00 وباست جبينه وبالدمع ميّة سؤال
اتكله انه اخاف 00 مني العفاف 00 باجر يروح وكربله اتبدله ابحبـال
خــاف انسبــي 00 والاجنبــــي 00 ايرافكني وانه الاستحي من الخيال
بيه استعين 00 بيه استعين 00 مايبقه كافل للحرم 00 بيه استعين
من ألونين 00 من ألونين 00 ذبلت رقيه من الألم 00 ومن ألونين

 

اوداع الاخير 00 رايح يصير 00 طفله اويه ابوهه اتوادعت والدمعه سيل
اتكله الكـلب 00 يرجف رعــــب 00 من باجر ابذاك الفله ايدوسني خيـــل
خل انسحــك 00 وارضه احترك 00 بس لا تصد عمتي الغرب والدنيه ليل
ليس السكوت 00 مو راح امــوت 00 من هسه اكلك عالسبي ما بيه حيل
يانازليـــن 00 يانازليــن 00 ابطف كربله حيلي انهدم 00 يانازليـــــن
من ألونين 00 من ألونين 00 ذبلت رقيه من الألـــــم 00 ومن ألونين

 

الطفله التوت 00 ابحضنه هوت 00 وناداهه ابواليمه ابكلب والد عطوف
يبنيتي صار 00 الطف النه دار 00 دار انتي بس بالشام الج مو بالطفوف
لازم اطيح 00 ضامي وذبيح 00 ولازم يطيح اعله النهر راعي الجفوف
غربه وحبل 00 صوط وهزل 00 ولازم طشت بيه منحري عينج تشوف
تتعذبيــــــن 00 تتعذبيـــن 00 يبنيتي لو طاح العلم 00 تتعذبيــــــن
من ألونين 00 من ألونين 00 ذبلت رقيه من الألم 00 ومن ألونين

 
احمد الهلباوي

https://tttttt.me/ssgadAl

ليلة الوداع

ليلة اوداع المسيه شدي حيلچ عالرزيه
باچر اهلچ عالثره. يزينب يزينب
*****
هاي اخــر لـيله ما بـيــن الحـبايــب
من يطر خيط الفجر تبـدي النوايـب
لوصعـدتي الـتل تنضـريـن المصايب
بعينچ تشـوفـين اخوتـچ عالتـرايـب

بعد ماجيتي اميره. تالي يازينب اسيره
تمشين وي ضالم تره. يزينب يزينب
****
باچر يزينـب تبـتدي رحلت عذابـچ
بين روس مگطعه ومحرگ خيامچ
باچر عله انياگ الهزل يصبح مسارچ
والشمر يحدي الضعن اعظم مصابچ

باچر الوحدچ سبيه. وكل هلچ بالغاضريه
بس جثث مطشره. يزينب يزينب

كـل هـلچ باچـر يزينـب عالـوطـيه
واعـله عـباس الگمـر تصـرخ رقـيه
دگلـه ياعمـي تـعـال الحـگ علـيـه
يسمعهه مايگدر يجي طايح رمـيه

مگطعه يساره ويمينه. وعالشريعه موذرينه
يطيح سبع الگنطره. يزينب يزينب

الليـله يازينب تودعـين الغوالــي
باچر اتضلين وسفـه بلايه والــي
تصيحين ويـنه خل يجي چـفالـي
وينه عباس الگمر شافو خيالــي

خويه تدري تسلبينه والشمر يحدي الضعينه.
يگلي انتي ميسره. يزينب يزينب
****
باچر بطف كربلـه تبچيـن الاعيـون
من تشوفين السبط بالحجر مدفون
وچم اثر حافر فرس بضلوعه تلگون
انتـي وايـتامـچ يزيـنب مـن تمـرون

باچر اتحين المصيبه. والجثث توگع سليبه
والخيام اموجره. يزينب يزينب
***
الشاعر عمار الدراجي.. ليلة العاشر من محرم الحرام.. ١٤٣٩
https://tttttt.me/ssgadAl

ليلة الوداع موشح

الليله آخر ليله ويصير الفزع
وعالرماح الروس باچر ترتفع
**********
شلون ليله يشيب من عدهه الجنين
لـيلـة اوداع وحـــزن يـامـسلـمـيــن
كـل بنـي هاشـم اجـو مـتـجمـعـيـن

بخيمة الحوراء زينب تنجمع
اليله آخر ليله ويصير الفزع
**************
زيـنــب تـنـادي يـلـيلــي لا تــروح
من يطر فجرك علي تبدي الجروح
ارد اودع اهلـي وعيـوني سـفـوح

ارد ودعهم ونه سفوح الدمع
الليله آخر ليله ويصير الفزع
************

يـا رزيـه باچــر اعلـيهــم تـحـل
تنـذبـح شـبان بـسيـوف ونـبـل
والرباب تشوف عبدالله الطفـل

بيد الحسين وتشوفه بياوضع
اليله آخر ليـله ويصـير الـفزع
************
شلون باچر لو يضل بالطف وحيد
الچتل ابو السـجاد ملـتمه العـبيـد
يشاهد انصاره ضحايه اعله الصعيد

يصيح هل من ناصر ومَن يستمع
الـيله آخـر ليلـه ويـصـير الـفـزع
********
يصيح هل من ناصر ومحد يجيب
وزينب تشاهد اخوهه الضل غريب
يدير عينه اعله الخيم يسمع نحيب

يگلهه زينب لاتجيني من انصرع
اليله آخـر لـيلـه ويصـيـر الـفـزع
************
لاتـجيـنـي لـوتـشـوفيـن الشـمـر
غطـي عينـچ گاعـد بنحـري يكـر
خـويـه زينـب ماتـحـملينـه الامـر

اجت امي ولزمت گبالي الضلع
اليله آخـر ليـله ويصـير الفـزع
********
دگله خويه شلون امشي بلا كفيل
بس حـرم وايـتـام وبـنك العـليـل
من يرچبـني عله النـوگ الـهزيــل

وبحبل مشدوده اديه واندفع
اليله آخر ليله ويصـير الفـزع
**
الشاعر عمار الدراجي...ليلة العاشر محرم الحرام/ ١٤٣٩

https://tttttt.me/ssgadAl

لحضات الوداع لمولاتي زينب ع
كأني بها
تخاطب المولى اباعبد الله ع وهوه
مقطع الاوصال في رمضاء كربلاء
الشاعر عمار حسن الدراجي محرم1440

ياخويه.. حُسين... ياخويه.. حُسين..
----------------------
ماتنهض يخويه من الترايب
نايـم والـدمه عالغـبره رايـب
ونه ضليت حرمه بلا گرايب
اسيره امچتفه بحبل النوايب

ياخويه…خواتك عالهزل بيدين الاجناب
ياخويه…وگلبي يغالي من الهضم ذاب
ياخويه…وشبيدي اسولف غير الاعتاب

بيدي حبل. واسياط فوگ امتوني
فوگ الهزل. ابلا هودج ايركبوني

ياخويه…حُسين.. ياخويه.. حُسين... ياخويه
--------------------------
شـداوي ياجـرح وابـيش اداويك
يالمگـطـع وصـل والـدم يغـطيك
كـون اويـاك اضـلن حـته اباريـك
لچن غصبن عليّ امشي واخليك

يالنايم … يالبحر الشمس ماضايگ الماي
يالنايم… كون اوگف عليك واصبح افياي
يالنايم…ومالك نيه تمـشي حسـين وياي

خويه صحت. يحسين ماتحچيلي
عنـي رحـــت. . من غيرك ايتچيلي

ياخويه…حُسين…ياخويه…حُسين…ياخويه
--------------------------
ما تنــهـض يخــويه وتـتـرك الـنـــوم
شلون تغفه عالرمل مسلوب الاهدوم
الرمــل حــار ورقــيه يـمـك اتـحــوم
الخـاطـري وخـاطر بناتك خويه گوم

محتاره... وين انطي الوجه يحسين وين
محتاره.. عالتل اصعدت وادموعي بالعين
محتاره... ولا حماي الي ويحمي النساوين

طاح الكفل. وطاحت عليه اخيامي
مات الامل. وسنين ذيج احـلامـي

ياخويه.. حُسين.. ياخويه.. حُسين.. ياخويه
--------------------
اريد احـچي يخويه گلبي وشضام
المـثل حالـي صـعب يحـسين يلام
احترگ مهد الرضيع بحرگ الاخيام
وشفت رمله بحضنها امخليه جسام

واطفالك... حـفاي الجـدم وادوس عالنار
واطفالك… هجت بالصحاري من الاشرار
واطفالك…من حرگ المُخيّم صرنه طشار

خويه الكفر حرگو علي صيواني
وتالي الشمر. ابسـوطه يـتولانـي
ياخويه...حُسين...ياخويه...حُسين...ياخويه
-----------------------------
هايه اضلوع صدرك ترست الگاع
وادوّر خنـصــرك بين الترب ضاع
كل ساع انذبح يبن امي كل ساع
شفـت اعمـامتك شالتـها الاضباع

شتموني…وفوگ اجنازتـك ضلو يدبچون
شتموني…وشالو راسك اوگامو يهوسون
شتموني…وموش ازلام ادري باليشتمون

وسفه انشتم. وانه بت حاميها
شافت هضم. بـت عـلـي تاليها

ياخويه... حُسين.... ياخويه.. حُسين.. ياخويه
----------------
يبو اسوالف ندى ياطيب الذات
انسـاك وعـلي لاوالله هــيـهــات
عشرتنا انتهت والعـشگ مامات
اضل ليلـيه الك انصـب عزائات

وخدامك.. عله امصابك يخويه هالينوحون
وخدامك... حته بالحشر لجلك يلطمون
وخدامك... واجب من منحطهم بين العيون

نلطم سوه. بالمحشر اعله امصابك
بگد الضوه. يحـسين هاي احـبابك

ياخويه... حُسين.. ياخويه.. حُسين.. ياخويه
-----------------
تمت والحمد لله
الشاعر عمارحسن الدراجي.... محرم1440

https://tttttt.me/ssgadAl

وزن حمزه دَهري


ليـل الــوداع ارجـــوك طــــّول عليــه
وي اهلــي انــه اليــوم اخــر مســيه
يا ليل يا ليل طول يا ليل الفاجعه اعليه
****
ليل الوداع ارجوك لا تخلص ابســاع
وي اهلي اريد اتطول لحظات الـوداع
لـو تخلص انته اليــوم دلالي يــرتـاع
وي فجـــرك الآهـــات بـالغاضــــريه

*
ليـل الــوداع الحــال هليله يــاحــال
مخنوڴه بالعبــرات مذبــوحه الآمال
محتاره اديرالعين وانظـرللأطفــال
باچــرعطــش والام نـــار ورزيـــه

*

ليل الــوداع النــوح مــا يسكن النــوح
كلما اصـــد لحسين تتــلاهب الـــروح
باچــر دﮔلي اشلــون انظــرله مذبـوح
اتسحڴـه الحوافـر حيف فــوﮒ لوطيه

*
ليــل الــوداع ارجــوك طــوّل يليلي
خليني أودع ابنــوح روحي وكفيلي
باچــر رقيــه شلــون لــو تشتكيلـي
وتكلـي اريــد اليــوم عمــي الشفيه

*
ليــل الــوداع اليــوم ويالحبـايــب
باچــرسبي واهات نــوح ومصايب
لــو چتفـونــه الڴـــوم المــن نعاتب
وعالغبـــره مطـروحين اهل الحميه

*
ليــل الــوداع يطــول باچــر نهـاره
ومثــل الخيــام اتــزيد دلالي نــاره
عڴب الاهل يا ليـل نصبــح يّسـاره
وجيش الدعي يا حيف ينظر عليه

*
الشاعر
موسى البديري

https://tttttt.me/ssgadAl