قصيده بحق علي الاكبر ع



من ابجي وتعمه عيوني
عـالاكـبــر لـتـلوموني


على اوليدي انوح واسچب العبره
راح اوليدي راح وبالگلب حسـره
علي الاكبر رحل وعيوني منتظره
نــاره بگلبي ظلت ناره مستـعــره
ابچي بدم لو شفتوني
عــالاكــبـر لتلوموني


حگي مــن انــوح و لوني يتغـيــر
شلون اگدر اصبر روحي واتصبـر
مثل الشمعه ابني وحگي من افخر
على الشبان زينتهم علي الاكــبــر
ابچي و اون خلوني
عـالاكبـر لتلوموني


راح الچان سلوه وكل حلم دنـيــاي
انذبح بالحومه ابني ومابـقـه وياي
حگي لـــو بچـيـت وتاه مني الراي
لان مذبوح ابني وسلوتي وسلواي
اني الام اتعرفوني
عالاكبر لتلوموني


انوح اعله الولد والدمعه سچابه
حيل اوليدي حيل ايعــذب غـيابـه
راح اصرخ واصيح بنار لهابـــه
من كل گلبي آه يحسين ومصابه
لو كلكم اتسمعوني
عالاكبر لتلوموني


هــذا اخــر وداع البينك وبـيـنـي
ياشمعت حياتي وزهرة اسنيـني
عليك ابقه يالاكبر وانته تدريني
راح ابقه انوح ودمعتي بعـيـني
ام الــولــد سموني
عالاكبر لتلوموني



الشاعر السيد رياض الرسل الجابري

https://tttttt.me/ssgadAl

قصيده نزله بحق الاكبر والقاسم
------------------
الاكبر و جسام من كثر الزعل
كبروا حي على خيـر العمل
مايهابـون المنــيــه
اثنينهم هدو سويه
كبروا حي على خيـر العمل
--------------------------

بكل عـزم واصـرار شالـوه لللـوه
ولــد عــم اثـنـينهــم هـدوا ســوه
علي الاكبـر صال وبصوتــه دوه
وجاسم العـريس بـالحـومه ضوه
كبروا بسم الزچـيـه
اثنينهم هدوا سويه
كبروا حي على خير العمل
---------------------

شدوا احزام المروه بكـل عـــزم
وهدوا اعله الجيش حته ينقسم
علي الاكبر صاح يشبـاه الـزلـم
الـيـوم شردتـكـم اخـليـهــا حلـم
صاح خل أيدك بديه
اثنينهم هدوا سويه
كبروا حي على خير العمل
-------------------

نص الـك گـلـه يجــاسم نـص الـي
اليگــرب اعلينه يحـيـــر ويـبـتـلـي
انهدله تدري الجيش بيش وينولي
خـل نهــد اثـنـيـنـه بغـيــرة عـلــي
من عزم حامي الحميه
اثنينهم هــدوا سـويــه
كبروا حي على خير العمل
---------------------

نـزل جاسم للحـرب چـنـه شـمـس
يقـاتـل العــدوان بثـيــاب العــرس
ياشباب المثـلــه ضحه بـالـنـفـس
وي ابن عمه ونطانه اعظم درس
زلزلوها الـغـاظـريه
اثنينهم هدوا سويه
كبروا حي على خير العمل
----------------

علي الاكبـر من نزل وسط الجمع
غـيــرة الـعـــبـاس لابسـهــا درع
صاح وسـط الگـوم والكل تستمع
هذا سيفي و روسكم بي تنگـطـع
شلون غيره هاشميه
اثنينهم هدوا سويــه
كبروا حي على خير العمل
-----------------


الشاعر السيد رياض الرسل الجابري

https://tttttt.me/ssgadAl

ليله اتصيح يبني الاكـبـر
شلون اطيح وسط العسكر

صاحت ليله وتشب بگلبها الــنــار
وينك يبني وينك والفكر محــتــــار
حاچيني يالاكبر گلي شنهي الصار
بيه الدنيه گامت يــالــولــد تــنـدار
تريد اتگوم بس ماتگدر
شلون اطيح وسط العسكر

گلبي اعليك خايف يابـعــد عـيـــني
وشنـهي الحال بينك يمه مابــيــني
تـــدري انته ييمه وزيــن تــدريني
زهره انته بحياتي وشمعة اسنيني
يبني اعليك گلبي اتحير
شلون اطيح وسط العسكر

جاب حسين ابنها الخيمة العـيـله
مذبوح وتشوفه تنادي يــاويــلـه
گعدت يمه گعدت حتى تشكـيـلـــه
شتسولف بعد مابقت أي حــيــلـه
وهيه تشوف بدمه امعفر
شلون اطيح وسط العسكر



تبچي اعله الولد ليله وتهل دمعـــــه
نبعه الولد راح اشمحله هـالنبــعــــه
وزينب يمها زينب گعــدت وتنـعــــه
بعد متشوف طوله وصوته متسمعه
جابه حسين جسمه اموذر
شلون اطيح وسط العسكر

مثل الاكبر اشچم شاب ودعــنــاه
من اجل العقيده بشرف وادفــنـاه
هالليله بشباب الاكبـر اعـرفــنــاه
وهذا الحشد هــذا والگلب ذكــراه
لجل حسين ضحو منحر
شلون اطيح وسط العسكر

چم شاب بوطنــه ضحـــو و دونه
كل الناس والعالــم يعــرفــونـــــه
اهل الحشد احنــه وتاج يدرونـــه
منعوف الحسين وخل يفجــرونـه
كلنه انصيح ما تاخر
شلون اطيح وسط العسكر



الشاعر السيد رياض الرسل الجابري

https://tttttt.me/ssgadAl

من ابجي وتعمه عيوني
عـالاكـبــر لـتـلوموني


على اوليدي انوح واسچب العبره
راح اوليدي راح وبالگلب حسـره
علي الاكبر رحل وعيوني منتظره
نــاره بگلبي ظلت ناره مستـعــره
ابچي بدم لو شفتوني
عــالاكــبـر لتلوموني


حگي مــن انــوح و لوني يتغـيــر
شلون اگدر اصبر روحي واتصبـر
مثل الشمعه ابني وحگي من افخر
على الشبان زينتهم علي الاكــبــر
ابچي و اون خلوني
عـالاكبـر لتلوموني





راح الچان سلوه وكل حلم دنـيــاي
انذبح بالحومه ابني ومابـقـه وياي
حگي لـــو بچـيـت وتاه مني الراي
لان مذبوح ابني وسلوتي وسلواي
اني الام اتعرفوني
عالاكبر لتلوموني


انوح اعله الولد والدمعه سچابه
حيل اوليدي حيل ايعــذب غـيابـه
راح اصرخ واصيح بنار لهابـــه
من كل گلبي آه يحسين ومصابه
لو كلكم اتسمعوني
عالاكبر لتلوموني


هــذا اخــر وداع البينك وبـيـنـي
ياشمعت حياتي وزهرة اسنيـني
عليك ابقه يالاكبر وانته تدريني
راح ابقه انوح ودمعتي بعـيـني
ام الــولــد سموني
عالاكبر لتلوموني



الشاعر السيد رياض الرسل الجابري

https://tttttt.me/ssgadAl

نزله بين الاكبر والقاسم
كتبتها قبل قليل



الاكبر ينادي اعله جاسم گوم يا بدر التمام
وسمعو الحومه تنادي حي هله بولد العمام
حي هله بولد العمام

1

الاكبر ينادي يجاسم گوم ياضنوة هلي
خلي صوتك بالمعاره يبن عمي يعتلي
الجيش خل احنه نقسمه الك نص ونص الي
كلها تعرفنه يجاسم ننزل بغيرت علي

بعد محد مايسولف يصير للسيف الكلام


2

رد عليه جاسم يالاكبر غيرتي لمن تشب
ما افكر انه بموتي يصير عندي اشگد عذب
انته تربات الملاحم وانه تربات الحرب
والله من انهد سويه نگلب الحومه گلب

الجثث فوگ الجثث تصفه يصير عالموت ازدحام


3

صاح الاكبر هاي يجاسم ندگ ناقوس الخطر
خل تصير الحومه ملكي وانته صيح اين المفر
كون ملچ الموت يصرخ بعد ماتلحگ سقر
حتى من هاي المواقف تاخذ الوادم عبر

وكون ظهر الغاضريه ينگلب كله ظلام

4

صاح جاسم يبن عمي ياچبيري وقدوتي
راح اهد بسيفي هذا وبيدي حامل رايتي
من عزم عباس عمي راح اخلي هدتي
بالعرس شلي يخويه راح اطفي شمعتي

للحسين ابعث تحيه گبل ماموت وسلام


5

اثنينهم وبهده وحده شهم ويساند شهم
الاكبر وجاسم اسامي اسم ويباهي اسم
عالزلم بالغاضريه صارت الشرده حلم
نزل ملچ الموت بيده گام يحسب بالزلم

بموتت الاكبر وجاسم دين بارينه استقام


الشاعر السيد رياض الرسل الجابري

https://tttttt.me/ssgadAl

◼️ برنامج محرم 1441هـ / 2019م ◼️
#محرم_1441هـ #2019م
🔺 نعي اليوم التاسع 🔺
❇️ علي الأكبر ❇️

نعي بحق علي الاكبر ==((ع))


صرت لمزاحم الحسرات
ودموع الجفن عبـــــــره
خنگني وزّغر الوسعــــه
يالاكبر جرحك اشكبـــره

اخاف اتحسدك الــــــوادم
چنت يالاكبر اتحـــــــــذر
گلي شلون اصبرهـــــــه
روحي وجسمك مـــــوذر

من اذكر حـــــــلات البيك
گلبي يزيدن اهمومــــــــه
اشوفنك وذر عالگـــــــاع
و وجهك غارت ارسومه

چنت استأنس بطــــــولك
وجفني ما يهز رمشــــي
ردتك يا علي بدفنــــــــي
وانت تشّيع لنعشـــــــــي

رايح يالــــــولد يبنـــــي
ومنك خابت اضنونــــي
اخذني بموتتك ويــــــاك
وگبلك غمض عيونــــي

مـــــا چني اسهـــرت بليل
وكبّرت وعمــــر لـــوليت
بلحضـه تخيب احلامــــي
وثكلـــه بغيبتك ضليــــت

يهلال السمــه الوضــاح
رسمك ســاكن اخيالـــي
شلـــي بدنيتــي بدونـــك
والله المـــوت يحلالــــي

مجروح واصبره شلون
گلبي وصورتك ينســـى
ردتك تسمع ونيــــــــني
عِشر ما ونته الخنســه

أأيس لــو ترد يبنــــــي
وترد عيوني تتسلــــــه
واصدن وجهك اگبالــي
وبنوره النظر يحلــــــه

امك يالعزيز تمـــــــوت
من يروح واحدهـــــــه
التفگد ضواهه العيــــن
بالدنيا آشيضل عدهـــه

خليني اندفن ويـــــــاك
يمه شيحمل اجروحــك
ما اريد العمر بنـــــوح
فدوه رويّحتي لروحـك

=========================

ابو ذيات على لسان ليلى ام علي الاكبر (ع)

الدهر يم الاعادي بحـــــــزن.. يبني
خلص صبري وصدك مليت.. يبني
ردت چفك عليـــّــــه گبــــــر.. يبني
وتجازي ارباي ساعات المنيه
-----------------------------------
يالاكبر رخصت دمعي.. وياريت
وقست دنياي بغيابــك.. وياريت
گبل موتك ردت موتي.. وياريت
مثل ما صار بيك يصير بيه
-----------------------------------
تركني الموت مدري شلـــون.. وياك
ترف عودك واشوف العطش.. وياك
عسانـــي مكطعه بســــــيوف.. وياك
ولا ميت يجيبونك اليه

✍ بقلم خادم الحسين ع
الشاعر رعد الجريخي

https://tttttt.me/ssgadAl

( نعي عن الامام علي الاكبر عليه السلام )
----------------------------------


يا بويه صعبه وحيره الوداع
كلساع احس بالموت كلساع
يا علي هيچ الفرگه شبساع
اليشبه محمد حصة الگاع

خليني آخر مره اشمك
يمي انته هسه وخلني اضمك
ياهو بعد لحضات يمك
ودعهه روح لخيمة امك

راح ودخل للخيمه واشاف ؟
وجه امه ذابل بنت الاشراف
ما بيهه حيل اوداع وتخاف
جرح العزيز شلون ينراف

گاللهه يمه لحظنچ اشتاگ
خليني اشبگچ آخر شباگ
بس والله ميخلينه الفراگ
لحضات منا بساع تنباگ


گالتله فدوه الطولك تروح
امك يبعد الگلب والروح


يا ساد خلت روحي يا زين
الموت اجاك شلون ومنين
يا عين ابچي دموم يا عين
راح الفرح من گلب الحسين


يا ييمه الله وياك ووياي
كلك عطش بس ميت الماي
يل مني رايح والحزن جاي
من تمشي اخذني لطولك فياي

چا ظلتي المن عليمن ؟
بيمن افرح عيوني بيمن ؟

راح ادعي لمن يخلص الصوت
وارفع چفوفي وابچي بسكوت
خلي ابني ربي وجيبلي الموت

ها يمه ناوي وهذا حدك
يلتشبه المختار جدك
شعندك كلام احچيه شعندك

لتگلي اريدچ ما تنوحين
ولمن اموتن لا تلطمين
يمه بيه دمع ما ينشف سنين


لمن تطيح بنص الطفوف
يا ريت عميه عيوني متشوف
ولا اباوع مطبر بالسيوف
شيسكته گلبي العايش بخوف

يرباي يا تعب الليالي
خلصت بعد رايح دلالي
هالوحدي شو محد صفالي
حرمه وغريبه بدون والي


لخادم الحسين / رعد الفريجي
1440 للهجره / 2018 ميلادي

https://tttttt.me/ssgadAl

#محرم١٤٤١
#الاكبر (ع)
#ابوذيات

علي مر بغيابه الأكـل والماي
صبر فكـده بعـد ماصار والماي
الم بعده شلت حملين والماي
وعمت عيني إذا ما رد عليه
........
مشاكل دهري أبغيـرك محلها
يمن حبك سكن روحي محلها
فقط اسمك تره ذنوبي محلها
الوذن بي وما أشوف الاذيه.
........ الشاعر اياد الفرح التميمي

https://tttttt.me/ssgadAl

#محرم١٤٤١
#الاكبر ع


(ابوذيات علي الاكبر)

لسان حال ام الاكبر
يدنيا اخلاف الاكبر بعـــد.....دفناي
وانتـــن يالمصايب الــــي.....دفناي
اوليدي وجنت اظن بيديـه.....دفناي
مشه اتگطع ولا شلته بدية


(لسان حال الاكبر ع)
ييمه ابداعــت المظلــوم.....بهداي
ونينـــج خلـــــه بالدلال.....بهداي
اذا اتريدين منــي الروح.....بهداي
بس كفي الدموع اتعز عليه



(شيخ عباس الصافي)

https://tttttt.me/ssgadAl

ابوذيات عن علي الاكبر رضوان الله عليه

عن لسان الحسين ع

علي عيوني عدمها الدمع راحات
وبعدك ماالي بالعمر راحات
حكي لوادك عليك راحات
شبيه النبي وماي العين اليه

**************
بجلال القدر نوكفلك ولكبار
اصغار من الشدد تجلي ولكبار
بطل اسمه علي هوه ولكبار
شبيه المصطفى انواروحميه

الشاعر حسن لعيبي الحريشاوي

https://tttttt.me/ssgadAl

نعي بحق علي الاكبر ==((ع)) على لسان ام الاكبر


صرت لمزاحم الحسرات
ودموع الجفن عبـــــــره
خنگني وزّغر الوسعــــه
يالاكبر جرحك اشكبـــره

اخاف اتحسدك الــــــوادم
چنت يالاكبر اتحـــــــــذر
گلي شلون اصبرهـــــــه
روحي وجسمك مـــــوذر

من اذكر حـــــــلات البيك
گلبي يزيدن اهمومــــــــه
اشوفنك وذر عالگـــــــاع
و وجهك غارت ارسومه

چنت استأنس بطــــــولك
وجفني ما يهز رمشــــي
ردتك يا علي بدفنــــــــي
وانت تشّيع لنعشـــــــــي

رايح يالــــــولد يبنـــــي
ومنك خابت اضنونــــي
اخذني بموتتك ويــــــاك
وگبلك غمض عيونــــي

مـــــا چني اسهـــرت بليل
وكبّرت وعمــــر لـــوليت
بلحضـه تخيب احلامــــي
وثكلـــه بغيبتك ضليــــت

يهلال السمــه الوضــاح
رسمك ســاكن اخيالـــي
شلـــي بدنيتــي بدونـــك
والله المـــوت يحلالــــي

مجروح واصبره شلون
گلبي وصورتك ينســـى
ردتك تسمع ونيــــــــني
عِشر ما ونته الخنســه

أأيس لــو ترد يبنــــــي
وترد عيوني تتسلــــــه
واصدن وجهك اگبالــي
وبنوره النظر يحلــــــه

امك يالعزيز تمـــــــوت
من يروح واحدهـــــــه
التفگد ضواهه العيــــن
بالدنيا آشيضل عدهـــه

خليني اندفن ويـــــــاك
يمه شيحمل اجروحــك
ما اريد العمر بنـــــوح
فدوه رويّحتي لروحـك

=========================

ابو ذيات على لسان ليلى ام علي الاكبر (ع)

الدهر يم الاعادي بحـــــــزن.. يبني
خلص صبري وصدك مليت.. يبني
ردت چفك عليـــّــــه گبــــــر.. يبني
وتجازي ارباي ساعات المنيه
-----------------------------------
يالاكبر رخصت دمعي.. وياريت
وقست دنياي بغيابــك.. وياريت
گبل موتك ردت موتي.. وياريت
مثل ما صار بيك يصير بيه
-----------------------------------
تركني الموت مدري شلـــون.. وياك
ترف عودك واشوف العطش.. وياك
عسانـــي مكطعه بســــــيوف.. وياك
ولا ميت يجيبونك اليه

✍ بقلم خادم الحسين ع
الشاعر رعد الجريخي

https://tttttt.me/ssgadAl

نعي ليلة الامام علي الاكبر علية السلام

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


نايم ييمه شنهي ياذيك
فوگ الرمل شو ماد رجليك
من الشمس چا وين اوديك
أه يا علي مو گتلك شبيك


جاوب على امك يغالي
تاليهه فرگه شلون تالي
يلموتتك شلتلي حالي


وجهك الصافي شماله يمه
دم وتراب وضاع رسمه
عيني التشوفك كون تعمه
ها يا وليدي أسمع ونيني


عود ارد ألمك لكن الحيل
فارگني ساعة هجمة الخيل
من شفت جثه وعلثرى تميل
بينك بقه المنحر وبيني


شفت السيوف مسويه نيشان
بوجهك ييمه وحيل ذبلان
جيتك وكلشي بعمري خلصان


هذا ابني لا يا عين لا لا
هذا الگضيت العمر وياه
الدم والرمل يا وسفه غطاه
ويلاه يمه تموت ويلاه


لا يا حبيب امك واملهه
يا بعد كل غالي من اهلهه
جاوبهه كلمة يمه گلهه
گبل المنيه نريد مهله


من عندك اشبع گبل الوداع
گبل الربه ما تاخذه الگاع


كون ابقه يمك جوه التراب
بس انته كون نصيحلك شاب
يلرحت مني وكل فرح غاب
المن بعد شيفيد العتاب


يا كسرة الراحلهه مثلك
بس جنة الله تصير حلك
كون الگبور بدمع تنفك
چا عمري كله دموع اسويه


هلبت تباوع مره اخيره
امك جنت بس هسه اسيره
باچر بعد كلمن مسيره
من هسه راح وليدي اغطيه


كلمات خادم الحسين
رعد الفريجي
1441 للهجرة
2019 ميلادي

https://tttttt.me/ssgadAl

🏴مجموعة في رحاب الحسين🏴
⭕️برنامج محرم1441هـ/2019م⭕️
#قناة_الشعراء

◼️◾️▪️ اليوم التاسع ▪️◾️◼️
🔺 علي الأكبر 🔺

💠 رابط القصائد الأكبر ⬇️ 💠
https://tttttt.me/ssgadAl/5449
••••••••••••••••••••••••••••••••••••••

💠 رابط النعي والأبوذيات الأكبر ⬇️ 💠
https://tttttt.me/ssgadAl/5503
••••••••••••••••••••••••••••••••••••••

◼️ برنامج محرم 1441هـ / 2019م ◼️
#محرم_1441هـ #2019م
🔺 قصائد اليوم التاسع 🔺
❇️ عبد الله الرضيع ❇️

قصيده بحق عبدالله الرضيع//ع


ياورده تعيش بدلالي // ياعبدالله
شلون انسالك ومهدك خالي // ياعبدالله

مانام اليل خلوني * شفتك مذبوح بعيوني
*،*************
چنت اشمك وشعر بطيب الامان
ومن تناغي بيه يزداد ا لحنان
يمه مافارگ بستمك ضني چان
ماحسبت احسابه يغدر هالزمان

عمري بلاشوفت محبوبي ماريدنه
طول اليل بوجهك انظر مامل منه
گبلك ياريت ذبحوني
************
حالي يصعب لوعفتني وماتعود
يبني يالعودك ترف مثل الورود
امنين اجاني حرملة وفعله الحقود
وخابت امل ازرعتهه ابالي عود

بيّام الچنت اتناغلي گمت ازرعهه
ماضنيت افراگ وهيجي الضنه اگطعهه
موّدع يالبيك حسدوني
*************
سهمك الجارح جرحني يالحبيب
يا امل روحي الحسبتك ما تغيب
من تهاجر تدري اعيشن بالنحيب
يبني لا تبعد عليه وضل قريب

نورك كل ليله متانيته يسطع ضيه
ماتطفى بدمعات التهمل نار البيه
ما ابجي شلون يردوني
***********
ماحسبت اتروح مني ولاتضيع
ودعتني وگلبي بعدك ضل فجيع
گلي هم ترجع واشمك يالرضيع
واشعر بعطرك عطر زهرة ربيع

مهدك خالي وساكن روحي ياريحانه
والله الموت هواي اريحلي ابعُدك انه
بسهم الصابوك صابوني
***********

ودعيتك گمت احسن روحي نار
مادريته وداع الاسود فجئة صار
ادري ميت واني اعيشن بنتظار
دهري يوليدي جرحني وبيه جار

ضلت بس لوعت نيراني منك ذكره
تدري التفگد مثلك يمه تموت بحسره
أبطف الالام فجعوني
************

✍الشاعر رعد الجريخي

https://tttttt.me/ssgadAl

يروى ان رأس عبدالله الرضيع رفع على رمح واخذ مع الرؤوس ...
وكأني بأم عبدالله الرضيع تمشي مع السبايا وتنظر الى رأس ابنها وهو على الرمح مما جعلها تتعثر بالمشي حتى بدأت تتأخر فشاهدتها ام المصائب زينب وجائت اليها وطلبت منها ان تمشي مع السبايا لتطمئن عليها .. فقالت ام الرضيع للسيده زينب :


أشما أصدن للرماح
أشوف أمدللي الراح
والله صعب ممشاي ومو بيدي يعيناي

* * *

أنظر رضيعي أعلى الرمح
يازينب وراســه حر الشمس جاسه
ويلعب بشعر الهوه

شلون أمشــي وياجن أنــــه
وكل لحظه أتعثر يالحره ما أكــــدر
للشام نمشي ســـوه

خلينه نحجي ويه الشمـر بلكت ينزلونه
بلكي الله يرضون العده وعندي يخلونه
في أرد أصيرله أنه وأرد أمسح عيونه
وبحضني ألوليه بجي لو ألي ينطونه

بحضني لابد ينام
لمّن نوصل الشام
لوليدي أصير افياي ومو بيدي يعيناي

* * *

ذبلن أعيونه امن التعب
وليـــــدي يعاينلي كل ظنه يرجعلي
مايرضه عنه أبتعد

وشفافــــه يبسها العطش
وأمنيتي أوصللهن مـــــــاي وأبللهن
جانن ينكطــن ورد

أخدوده ترفـه وسومرن هالشمس تجويهن
وهذا التراب البالهـــــــــوه كلما يمر بيهن
يلجمني واشهك للسمه من شوغتي أعليهن
ومشدوده أديــه بالحبل ما أكـدر أحميهن

الجويـه بعده ماطاب
يلجمه هالهوه الهاب
أحسه يمرعد أحشاي ومو بيدي يعيناي

* * *

يازينب أجبيــــر الرمح
ماهو بحجم نحــــره بس ست شهر عمره
ميشيل راس الرمح

وجن أسمعــه ينادي علي
يايمــــــه ألحكينـــي أمن الرمح خلصيني
شيليــــه من الجرح

أفتهمه شيكول الولد كلما يناغيني
ماخلي أبني أبهالوضع كلبي مينطينــي
أشجندوب أطيح أعلى الترب وأنتي تكوميني
خليني أموت أمن البجي مولاتي خلينــــي

كلبج مثلي متعوب
وأتباريني جندوب
تعبتـــج آنــه وياي ومو بيدي يعيناي

* * *

عبدالله شو شفته صفن
ولن باله مويمي وآنـــه يبس دمي
كلت أبني شنهي سمع

ثاري أبوه يقره الكهف
ووليدي يسمعلـه وجنـــه يرجعلــه
لاجن الصوت أنكطع

اتلفتت من صوتــه سكت وآيات مايقره
وبعيني شفت الفاجعه وخنكتني العبره
ألتموا على راس الطهر ريحانة الزهره
أتولوه بسياط العده وهوه يجر حسره

وأبني مدمعه يسيل
حرمــوه من تراتيل
وضل بالي يم مولاي ومو بيدي يعيناي

* * *

كل جرح يرهمله دوه
بس ماكو لجروحي وأتعذبت روحــــــي
بهموم ماتنجلــي

ما أكــدر أبليـــــاه أبد
بعده شلـــي بعمري صرت أشتهي كبري
الموت أحسن ألي

اصبي عيني راسه أعلى الرمح شياله مرمرني
ايماشينـــي وأجدامي بعد لاما يمشني
أصفن عليه وأتخيله وأنتظره يشبكني
لحد ما يفززني الشمر وبرمحه يدفعني

كلـــي لاتنوحيــــن
سكته كون تمشين
يزينب شوفي بلواي ومو بيدي يعيناي

* * *
سلام المشعل

https://tttttt.me/ssgadAl

محرم ١٤٤١
عبد الله الرضيع (عليه السلام)

الـدلـلـول السـهــم مـا يـعـرفـلـهــا
هـــاي اتـريــد أم امـحـزمـه الـهــا
تــعـــال اشــبـــع دلـلـــول
السهـم ما يـدري شيـﮔـول
هـاي اتـريــد أم امـحـزمـه الـهــا

السـهـم قـابـــل سـهـرلـك لــو تـعـب بـربــاك
حـﮔ امـنـيـلــه بـيـك وهــيـﭻ غـافــي ويــاك
شـايـط بـيـك ليـلـه امـنـﮔـط اعـلـه اشـفــاك
لــو تـعــبـــانـلـــك مــو هــيـــﭻ يــتــلــﮔــﺎك

ﭽـﺎن ابــرَّقـه لــمَّــن يـلــزم أيــدك
مـو نـايـم ابحـيلـه ابـنـص وريـدك
ولا هَـمَه انـت مـﭽــتـــول
السهـم ما يـدري شيـﮔـول
هـاي اتـريــد أم امـحـزمـه الـهــا
ــــــــــــــــــــــــــــ1ــــــــــــــــــــــــــــــــ

الـمـثـلــك مــال فَــيَّ ومــاي يــا جــمـــار
مـو مـالـت سـهــم هـا كــثـر يوصـل حــار
السـهـم يـمـكـن يـعـرفـك رﮔـبـتـك مختـار
هـاي هـواي شـمهـا حـسـيـن ﭽَـنَّـه ايــغـار

رَد حـسـيــن وامخـضــب لـﮔـيــتـه
كـثـر مـا شـمـك ادمــاك بـلـحـيـتـه
واشـوفـن مدمعـه اسيـول
السهـم ما يـدري شيـﮔـول
هـاي اتـريــد أم امـحـزمـه الـهــا
ــــــــــــــــــــــــــــــ2ــــــــــــــــــــــــــــــ

لـلـمــاي اعـطـشـت والسـهـم دم عطـشــان
وهِـوَّ شــويــه دمــك مــا يـكَـفــيـــه ﭽــﺎن
مــا تــانــاك يــمـــه شــويــه لــــو كـبـــران
شـرب دمـــك رغــــم دمـــك نــزل ذبـــلان

طـالــع مـثـل ابــوك ولـليـﮔـصــده
حـتـى ولـو سـهــم هــم مـا يــرده
بكرمـكـم كلـشـي مشمـول
السهـم ما يـدري شيـﮔـول
هـاي اتـريــد أم امـحـزمـه الـهــا
ـــــــــــــــــــــــــــــ3ـــــــــــــــــــــــــــــــ

امـﮔـمـط من رحت واﮔـماط زيـن ادريـك
شـﮔــد امـفـرفـح لحـدمـا امفـتـح إيديـك
مـذبــوح انــت واﮔـبـالــي وأﮔـلــب بـيـك
ومـدري شمـالي اسألنـك شـني اليـاذيــك

وهـي الأم يـيـمـــه اﮔــبـــال ابـنـهــا
مـو إلهـا الـحـﭽـﻲ اليـحـﭽـﻲ لبنـهـا
كـلـشـي البـيــه مــذهـــول
السهـم ما يـدري شيـﮔـول
هـاي اتـريــد أم امـحـزمـه الـهــا
ــــــــــــــــــــــــــــ4ــــــــــــــــــــــــــــــــ

ﮔـالـو خـل ندفـنـه اصـرخـت يـمه بـصـوت
ردوه لـلـمـهــد حِـســبــو المـهـــد تــابـــوت
وتـوجـهـت لعـلـي والخيـمـه ﮔـتـله الحـوت
مـو تنـجـيـنـي اريــدك بــس اريــد المــوت

بـﭽـت عـالمحـسـن شـﮔـد الزجـيـه
ألَـمهـا يـا عــلـــي هــذا اهـــوَّ بـيـه
البــاب هـنـاكـه مـســؤول
السهـم ما يـدري شيـﮔـول
هـاي اتـريــد أم امـحـزمـه الـهــا
ــــــــــــــــــــــــــــــ5ــــــــــــــــــــــــــــــ

تـعـبـي اعـلـيـك ﭽـﺎن ابـسـمــه كلـه ايــروح
وبسـمـتــك ويـن بـعــد الـﮔـﺎهــا يالمـذبــوح
السلـب روحـك سلـب من عنـدي راح وروح
ونـطـانـي ابـدالـهــن مـو إبــن ﮔـيـــد ونـوح

أربــــي الـنــــوح يــمَّـــــه وإلا اكـبــرَه
وعليـك اقسـم أشـيب حسـره حسـره
وغـيـر القـهــر مــــا انــول
السهـم ما يـدري شيـﮔـول
هـاي اتـريــد أم امـحـزمـه الـهــا
ــــــــــــــــــــــــــــــ6ــــــــــــــــــــــــــــــ

أحمد البصراوي العبادي

https://tttttt.me/ssgadAl

ليلة العاشر.. عبد الله الرضيع ع

يمه وينچ .. بطلت ماريد ماي
الهيمه ظلمه .. واني اخفن شوتعاي
تفزز الخيل .. يرهب الليل.. يرهب الليل .. شو تعاي..
………………………………
ماچنت اعرف ييمه .. وياچ شنهي الدنيه ظلمه
وهسه من حظنچ تركته .. چني بين الخيل اعمه

يمه شحچيلچ شسولف يالرباب
يموت حيلچ لو حچت اني المصاب
عگب حظنچ يمه حاظني التراب
واني حيل ازغير مو مالت عذاب

خيل اجتني .. وفززت گلبي الزغير
واني خايف .. عليچ بعيوني ادير
ودمعتي اتسيل .. يرهب الليل.. يرهب الليل .. شو تعاي..
………………………………
يمه الحترگة خيامه .. صعبه بالهيمه منامه
يمه يرهب ليله الطف .. واني اخافن من ظلامه

گومي رديني ييمه للخيام
الليل يرهب واني اخاف من الظلام
بغير حظنچ الي ما يحله المنام
بحظنچ الدافي احس اني بسلام

اه ييمه .. ريت لحضينچ اعود
الگاع تچوي .. والي ماضلت خدود
انچوت حيل .. يرهب الليل.. يرهب الليل .. شو تعاي..
………………………………
يمه وينچ وين رحتي .. حيل توجعني رگبتي
من حديد السهم مالي .. وتچوي من الحر نبلتي

بعيني اشوفن كربله مشتعله نار
وصار يايمه السهم ابنحري حار
يمه خبريني بخيمنه شنهي صار
ليش ترگض بالفله هاي الزغار

شصار يمه .. ليش محترگه الخيام
چا رقيه .. وين هالليله تنام
شافت الويل .. يرهب الليل.. يرهب الليل .. شو تعاي..
………………………………
يمه لحگي الخيل هجمت .. اخ.. يمه بصدري سحگت
زغار يمه ضلوعي كلش .. والحوافر بيه لعبت

يمه شمسوي واجت تسحگني خيل
زغير صدري يمه والحافر ثگيل
الحوافر لحم من جسمي تشيل
يمه لحگيلي بعد مابيه حيل

عليه لحگي .. ميت اني وماكو روح
شبيها هايه .. اترد علي گام وتروح
الحافر اثگيل .. يرهب الليل.. يرهب الليل .. شو تعاي..
………………………………
من ابوي حسين ليه .. درب سوت العوجيه
ودمنه يايمه ولحمنه .. شوفي اختلطن سويه

شوفي يمه اني وين وهوه وين
وگربتنه خيولهم ولد اللعين
سوه صار اضلوعي وضلوع الحسين
بصدر ابوي اسمع اكو يطلع ونين

حسين يمه .. اسمعه يگلي تعال
خوفي لتطب .. بويه بجروحك رمال
وما الك حيل .. يرهب الليل.. يرهب الليل .. شو تعاي..
………………………………
گمت ابوي حسين اسمعه .. يمه واسمع كسر ضلعه
هذا ابوي ايمدلي چفه .. وعني الحافر يدفعه

عليه يزحف يمه وتمنعه الجراح
صدره يمه اسهام متروس ورماح
وشفته فز ونهض لكن يمه طاح
للمخيم من شمر بالنار راح

حسين شفته .. گام يرفس بالتراب
يصيح زينب .. ديري بالچ عالحجاب
العدو يعيل .. يرهب الليل.. يرهب الليل .. شو تعاي..


الشاعر عقيل الحسناوي..

https://tttttt.me/ssgadAl

وكأني بالامام الحسين (ع) لما أخذ الرضيع ليطلب له الماء .. ورموه بسهم وهو بين يدي ابيه ..
تألم الامام لمقتل عبدالله الرضيع ..
كيف يرجعه الى أمه التي تنتظره بالخيمه ..
لايستطيع ان يسلمه الى امه وهو مذبوح من الوريد الى الوريد ..
نادى على اخته زينب وقال لها :


يالعقيله أخذي مني أوليدي
يالعقيله لايطيــح أمن ايدي
زينب شفتــه يـــرف من الالم
زينب هد حيلي ياخويه السهم
أخذي مني أوليدي

* * * * * *

يابعد أخوج أخذي الطفل ما أكدر أنطيـه لأم
آنــه أدري بيها تنتظر حتى الصدرها أتظم
ماتدري نبلة حرملـه من الحيــاة اتحرمـــه

بكفه ألم نحر الرضيع الدامي
خويــه وبكفــــه جميع آلآمي
طيــر مذبــوح ويرف جدامي
الله لاينطــي اللعين الرامي

كلي لأمه ترى وليـــدج ماروه
كلي لأمه أنحرم من شم الهوه

زينب ما أكــــدر أدخل للخيـــم
زينب هد حيلي ياخويه السهم
أخذي مني أوليدي

* * * * * *

عبدالله أخذيــه لأمــــه بس ركبتــــه غطيها
أمن تشوفها ماتحتمــل يختي وأخاف أعليها
تموت أمه ياخويه لأن كلش حنينـــه أدريها

خــاف تتلكـــاج لتخبريــــــها
أول أحجي أوياها أو صبريها
أنوب أبنها المنذبـــــح سلميها
ويمها أكعدي خويــه لتعوفيها

خويه حكها من كلبها ينجـــرح
خويه حكها وينه أو وين الذبح

زينب أخذي الرضيع الماسلـم
زينب هد حيلي ياخويه السهم
أخذي مني أوليدي

* * * * * *

مرعد دليلي هالسهــم بصوابـه صوب روحي
بيــه آنه جروح شكثر زاد أعلى كل أجروحي
ماروح لأمه أبهالوضع وأنتي أبدالـي روحــــي

خويه ألزمي ركبتـه وضمديها
وبلكت أنتي أمن الدمه تنشفيها
وحاولــي يابت علــــي تشديها
وحدر راســــه يمنتــــج خليها

خويه بالج راسه لا لا ينكطع
خويه بالج أمه لمن تنفجـع

زينب بعـده النحــر يتجاره دم
زينب هد حيلي ياخويه السهم
أخذي مني أوليدي

* * * * * *

أشكد مصايب شاهدت بس هالمصيبه أوحيده
سهم الغدر بس صوبه أمن كماطه طلّع أيده
بيده شبكنــي ويرتجي بلكت شبكتي أتفيده

آه من شفت السهـم ذبحـاها
ترفه كلش ركبته وكطعاها
يرفس برجليـه من صاباها
خويــه حتـى مهجتـي فتاها

شنهي ذنبي جنه يسألني الطفل
شنهي ذنبي بياذنب آنـــه أنقتل

زينب بصوابه أحس كلبي أنجسم
زينب هد حيلي ياخويـــــه السهم
أخذي مني أوليدي

* * * * * *

ماجنت أظنه يصوبـه بكلبي السهم حسبالي
وشصار بيه أتصوري من شفته مات أكبالي
أبني وبديـــه وينذبح خويه شيصير بحالي

فتح عينه وصد يخويه بعيني
وآنـه أفهمـه بدون ميحاجيني
جنــه كلـي حزنـك الياذينـــي
الحضن أمي فدوه ألك وديني

من نظرني شال أيـــده أومالي
من نظرني أنكسر كلبه الحالي

زينب بس عاين الحالي أفتهم
زينب هد حيلي ياخويه السهم
أخذي مني أوليدي

* * * * * *
سلام المشعل

https://tttttt.me/ssgadAl