مقدمة
ليلة الاكبر
.
.
.

الــدلاله مـجــروح // شيــسوي بـالــروح
ادعــولــــه بالــمـــوت
الـشاف ابـنه مــذبوح

-------------------------------------------------

الميت الهـا مثــل الاكبـر هـاي الِتحـس بـيه
الشــابگه تابـوت ابــنها خـل تــطب اعــليه
العدها ملگـه المـوت عـيد وتفـرح ابطـاريه
بلــكــي عـــزرائيــل مــنــه ناخــذ الــعيديه

للمثلي مسموح // شيسوي بالروح
أدعـــولــه بالـمـوت
الشاف ابنه مذبوح

-----------------------------------------------

انـــه اول مــا لمحـته عــالتـــراب امـــعفـر
طـاح گلبي على جسـمه وجنه گلبي أتكسر
مدري مــن گلبي تجرح مــدري هـوه موذر
تــيهت والشاهد الله ومـاعــرفـــتــه الاكـبر

والگلبه مطروح // شيسوي بالروح
أدعــولــه بـالــموت
الشاف ابنه مذبوح

---------------------------------------------

الناس گالولي اصبري وانـــه خـَلص صـبري
العنده عمري راح مني وبــعد شلي بعــمري
ليش يجري ادموم نحره وكلش مابي نحري
وليش حـافر على صدره وانه سالم صدري

والحس بالجروح // شيسوي بالروح
أدعـولــه بـالــمـوت
الشاف ابنه مذبوح

----------------------------------------------

امـوسد اعله الگاع اشـوفه ومنظره عذبني
الغــَيــبه عن عين امـــه مايــجــي ايغـيبني
الوجـه چنــه اهلال ضاوي من وگع عجبني
ســاعة اگولن هذا ابنـي وسـاعة لا مو ابني

الهيچ ابنه وينوح شيسوي بالروح
أدعــوله بـالـــموت
الشاف ابنه مذبوح

----------------------------------------------

الـوالدة اليبطي ابنها ابـساع تجري اعيونها
ولـو تـصوب عـلى كيفج بالـبچـي يوصونها
الــشافت اجـنازة ابــنهــا اگــبالها ايـنزلونها
تــره مـن اتمـوت حــقها وابـــد لتلومـونها

والدمعه مفضوح // شيسوي بالروح
أدعولــه بـالــمــوت
الشاف ابنه مذبوح

------------------------------------------

عـلي الاكـبر چـنه غافي ومـايـفـَتح عيــنه
گــلت بلكـت هـو يگعــد لو بـسـت چــفينه
يبنــي حاچيــني احلفك يـمه طـولك وينه
امــدد اگبالي اشـوفك يبو احچـاية الزينه

الفاگدله مملوح شيسوي بالروح
أدعــولــه بالـــموت
الشاف ابنه مذبوح
------------------------------
تمت والحمد لله في ٣ / ٨ /٢٠١٧
حيدر تركي الكربلائي

https://tttttt.me/ssgadAl

قصيدة
ليلة الاكبر
.
.
.

الجرح شايل جرح .. ويسولف عالذبح
ياهو مجـروح
وياهو مذبوح
الأمر مامتـظـح

__________

جرح الحسين .. على الاكبر .. الله يـدري اشـكـبره
فوگه من طاح .. سمه چنه .. وطاحت اعله الغبره

شاف ابنه امطشرات اوصاله
مـن كثــر مـاداســته الخــياله
والله لــو مــازيـنب امـتانـيته
چــان عــالاكــبـر وگــف دلاله

نــهـض لكـن هــوه .. انطفه ابعينه الضوه
منهو بـي روح
وياهو مذبوح
الأمر مامتــظح

__________

الكثرة اجروح .. جسم الاكبر .. حسين چان ايعاني
الـكــتــر الاول .. مـن يشــيله .. ايطيح كتره الثاني

من كثر ماچان جسمه اموذر
حسين مايـگدر يشـيل الاكبر
ايگله بويه الخاطر الله (عينّي)
بــيـه لايتــشمــتون العــسكر

لمـن جسـمه رفـع .. علـى وجـها وگــع
يــمـه مطروح
وياهو مذبوح
الأمر مامتــظح

__________

اجروح الاكبر .. ابگلب الحسين .. والله ماينحسبن
هاي الجـروح .. اتشـيب الگـاع .. اعليها من يتبدن

شــال ابنــه وللمـخــيـم رايح
ولنه من السمه يسمـع صـايح
مدري منه اشطاح لـَمـن شلته
يمكـن اصبـع من الاكبر طايح

الوگع مو بس صبع .. وگــع فـوگه ظــلع
هــذا اليــنوح
وياهو مذبوح
الأمر مامتــظح

__________

اتعكز احسين .. على جرحه .. وگام بس بالگوه
خطوه وحده .. بس مشاها .. وبعـد مابـي قـوه

حسين من ايـنزل الاكبر جسمه
ايگـوم مــره ايقــبله مره ايشمه
ابجسمه يلگه اعظاء ماموجوده
النوب يرجع قطـعه قطعه ايـلمه

الـتراب ابكـربلـه .. بچـه الهـالمـسئله
البچي مسموح
وياهـو مـذبوح
الأمـر مامــتــظح

__________

ذاك الحسين .. يمشي محني .. اظلوعه مدري اشبيهن
شاهد اظلوع .. صـدر الاكـبر .. ابحـافــر امهشــمــيهن

الخيل من داسـته چـانـت قاسيه
وشـبر مـن جسـمه ابـــد ماناسيه
حسين مدري شلون شاف اوليده
امصيــبته اتهــد الجـبال الراسيه

الصبر ظهر انكسر .. وللحســين اعتــذر
وقــرر ايـبـوح
وياهو مذبوح
الأمــر مامتــظح

__________

اعيون الخيام .. شافت حسين .. جايب ابنه ابأيده
امــه عـالــباب .. هيــه وگفــت .. يوصل الها اتريده
هـذا بـس لا ابنـي المگطـعينه
ليـش مايمـشي عـلى وجـلينه
يختلف عالموته ليـش اوليدي
جــايبه ابلاراس راسـه ويــنه

اشعجب شو مختلف .. جروحه بيــها الــف
الكثر الجروح
ياهـو مذبوح
الأمـر مامتـظـح
__________
تمت والحمد لله في ٩/ ٨/ ٢٠١٧
حيدر تركي الكربلائي

في النص الثانيه بين الاقواس كلمة( عينّي) ليست العين التي نرى بها
بل من باب الاعانه
او المساعده (عين ني) ساعدني

https://tttttt.me/ssgadAl

نزلة
ليلة الاكبر
بأمكانكم حذف كلمة (علي) من المستهل
.
.
.


يراعي المـرجلة .. علي
تنــــادي كربلـــه .. علي

_

هذا اليــوم عــيــدك .. ذو الـفـقــار بـيدك
تــخــتـــار اليــفيـدك .. صــگر صــياد انته
ومنو اليگدر يصيدك

هله بچفك يالاكبر .. هـلــه بربـــات حيـدر
هلــه بالقلــع خيبر .. جمعهم من سمع بيك
شــو رائـساً تبــخر

يخاف اتـزلـزله .. علي
تنــــادي كربلــه .. علي

_

خـبر منـهــم تسرب .. گلب الجيش عطــب
گالوا علي ظهظب .. شـرجــي طلـــع بيـــم
ورَد الــنوب غـرب

علـي نَـكـس لواهـم .. علي وسيفك دواهم
علي واسمع نداهـم .. بالـحومـه يصـنديد
لمن تركض وراهم

اجــه عقـد الولـه .. علي
تنــــادي كـربلـــه .. علي



سيفـك من تـسله .. تــلاوي الـجيش كلـه
نعــم قـادر تذلــه .. واليســئل على اصلك
حيدر انــه گلــله

انـي الــمـوت انـي .. انــي علــي الثانــي
انــه المحد لوانــي .. اسالوا روس اهلكم
فنــه الي نساني

ذراعــي البسمله .. علي
تنــــادي كربلـــه .. علي


احچيهـــا ابصراحــه .. وگــلهـم ماكـو راحـه
افتحت للموت ساحه .. وكت الملگه قد حان
مو وكت النياحه

سيــفي ابچـــفي دخـن .. ســيفي اسمعته أذن
سيـفــي ايصـيح اصــلاً .. اذا عالمــوت ناويـن
يا اهــلن وسـهلاً

هلـه بسيفك هله .. علي
تنــــادي كربلـــه .. علي

_

مـــن اتاشــر الــهــم .. يــرتبـكــون كلــهــم
ويتخلبــص غزلــهـم .. عـلي وبكيــفك انـته
اذا رايد تفــلهم

اذا چفك بـده ايهـد .. واذا عزريل اجه ايعد
واذا الفــين ابــن ود .. أجـوا بالـطف يالاكبر
وحدك الهــم ترد

يمن صيتك عله .. علي
تنــــادي كربلـــه .. علي



احــتاروا بــيك حــيره .. صولاتـــك خطيــره
يـابـــدر الــعشـــيــره .. بصبعك هـذا الازغير
عسكرهم تديره

يالبچفــك علامــــه .. يالمحمـــل شهامـــــة
يالاكبر هامه هامه .. خل سيفك على الروس
يسَمعــهم كــلامه

كلامـــك مثلـــه .. علي
تنــــادي كربلـــه .. علي

____

صيـــح ابــأل اميــه .. سيـــــف الله بديــه
ابـن حامـي الحميـه .. الراد ايجرب الموت
خل يگرب عليه

تــرانـي حـار دمـي .. تــراه العــباس عمي
تـــره لــو زاد هــمي .. اتـرس كربلــه اگبور
وجثثكم هاي يمي

جمعكم وشلــه .. علي
تنــــادي كربلــه .. علي
__
خادم الحسين
حيدر تركي الكربلائي

https://tttttt.me/ssgadAl

قصيدة ليلة الاكبر ع
.
.
.


عمـه اوداعتك لو ضـلت اخيام
ماعفـتك تنام ابحضن الاسهام
وعيــونك يالاكبر .. مثــلك اني بالبر
وبيه حيـل اثر
حضن الاسهام

-------------------------

شفتك اعــله الگـاع نايـم لــكن اشهالنومه
عمه وجهـك ليش هــيچ امغيرات ارسومه
انــه روحي علـيك احسها ياعلي مهـدومه
وجاي احس چن الرسول مسلبات اهدومه

يمســَلب يالمگــطع يعطشان
مشتاگه ابنبرتك اسمــع اذان
يالجسمك توذر .. مثلك اني بالبر
وبيه حيل اثر
حضن الاسهام

-------------------------

المثلي ياعمه اشيـسولف عـله حاله وضيمه
گمت احس من لبواچي عيني صارت غيمه
ردت للخيمـــــه اوصلك لچن ماضل خيمه
عمـتك الـلــيله يالاكـــبر مثــــلك ابــهالهيمه

شسوي والخيم وجت حرامات
والمثل حريمه اعله الثره ايبات
جفنك خاف يسهر .. مثلك اني بالبر
وبيه حيل اثر
حضن الاسهام

-------------------------

الجابــني يمك دليلي چيف فاظ ابهمه
وجسمك امطشر لگيـته عالــتراب امدمه
امنين ماريد اني الزمك بيك ماضـل لزمه
گمت انه وصله وصــله بيك الــم ياعمه

لميتك لچـن ويــن انـه اوديك
واضطريت فوگ الگاع اخليك
غيَر لونك الحر .. مثلك انه بالبر
وبيه حيل اثر
حضن الاسهام

-------------------------

رايده منك يعــــمه هيه بـس احچايه
اليوجعك ياجرح منهن ولو هنه اهوايه
عالرمل والشوك شفت اجروحك امتچايه
دورت بس خــفت الچمك بيدي لمچوايه

بجسمك ياعلي من شفت الجروح
بيه يبـــن اخــــويه مـابقـــت روح
وچن جسمي تطشر .. مثلك اني بالبر
وبيه حيل اثر
حضن الاسهام

-------------------------

يمك اتبديت كــــــــلي مثل ماي السايح
بحيلي ما حســــيت اصلاً حيلي يمك رايح
عمه مدري اشطاح مني گلـبي يمكن طايح
الليله راح اگضيهه يمك بچي ونوح وصايح

اريد اترس اعيوني ياعلي بيك
گبل ما عالــترب باچـــر اخلـيك
باچرعالسبي انطر .. مثلك اني بالبر
وبيه حيل اثر
حضن الاسهام
&&&&&&&&&&&&&&&
لخادمكم حيدر تركي الكربلائي

https://tttttt.me/ssgadAl

مقدمة ليلة
علي الاكبر س
.
.
.

اللهُ أكـــبر .. يـبني يالاكبر
اشــصايـر بـيك حــاچيني
ييــمــه

_______________

السيوف اشلون لاحــنك .. انــته يالبــــدر چـــنـك
منــهو يالـولــد عگــبك يـضويني
مدري ابصحوه مدري احلم .. وجهك منصبغ بالدم
صدگ انته علي يولـيدي حاچيني
اشــفافك يابــسه اشــبيها .. راح ابدمــعـتي ارويها
يـــلي اســوالــفك چانت تــرويني

گلــبي تفَطر .. يـبني يالاكبر
اشــصاير بـيك حــاچيني
ييــمــه

_______________

ابچـي گاعده يمــك .. واعــاين يالــولد جـسمك
اجروحك ياعلي كل واحد اشكبره
اصفج راحتي ابراحي .. ماضل بيك شي صاحي
وذر جسمك ييمــه تــارسه الــغبره
اَجـــمع بيك يمگــطع .. وفــوگك ينــزل المــدمع
اشـوف الـگاع منـك صايـره حمره

جسمك توذر .. يـبني يالاكبر
اشــصاير بـيك حــاچيني
ييــمــه

_______________

كلشي ابجسمك اتغير .. وصدرك ياعلي امكسر
الحوافر يمه منك تارسـه الهيمه
ماخــلو كتـــر ســـالم .. ثـــار (البــكر ابن غانم)
بيك الجيش فــرغ يالـولد ضيمه
يبنــي وجهــك الـيزهر .. شفت منه الدمه يگطر
ومثل امك يالاكبر تنحب الخيمه

كلشي تغير .. يـبني يالاكبر
اشــصاير بـيك حــاچيني
ييــمــه

_______________

عقــلي ياعــلي حـــايــر .. يمــه ابطـــولك اشــصاير
محد يرضه يحچيلي يبعد امك
بس صوت البچي اسمع .. وروحي جاي احس تطلع
گبل الموت امك رايده اتضــمك
ساعه أشبگ ابـــأيـــدك .. ســاعه اتــحنه بــــوريـدك
وساعه ليله من المنحر اتشــمك


عالفرگه مگدر .. يـبني يالاكبر
اشــصاير بـيك حــاچيني
ييــمــه

_______________

يالمـــاينشـبــع مـــــنه .. يالطــولك نبــع چــنه
الصارن بيك يمه كونهن بيه
جسمك طعــن متعبي .. واحسهن كلهن ابگلبي
امنلزمك ياعلي ينشلن ايديه
بچفك يبني الف دوسه .. ابرجلك نبله مغررسه
بيك اجروح لا مامرن اعليه

عمري تطشر .. يـبني يالاكبر
اشــصاير بـيك حــاچيني
ييــمــه

_______________

انظـر والــدك مــثلي .. نــزلت دمعـــته قبلي
اعليك احسين يبني نزلت ادموعه
من ضمك على صدره .. ابعيني مابگت گطره
يالـيله يگــلي امكـــسره اظــــلوعه
اول مـــره اشوفــنه .. يــون احسين هـالونه
وانــه الونــته يـاعــلي مفــجـــوعه

گلبي تحسر .. يـبني يالاكبر
اشــصاير بـيك حــاچيني
ييــمــه

_
حيدر تركي الكربلائي

https://tttttt.me/ssgadAl

بسم الله الرحمن الرحيم
طب للمـــــيادين شبه النبي لو حيدر
*
وجـــــــهه تــلاله مـــحــله جـــماله وارث خــــــصاله مـن طه جده
بالحومه معروف يخترق الاصفوف واتهابه الاسيوف مــاتِدنه حده
فارس طـــــباعه غــــيره وشجاعه يـــفــوت ابراعه عَــلّي يضده
حيدر يقاتل عاد ابطــــفوفه خيبــر
*
يزهر جـــــبيـــنه يشــــــــــبه نبينه ثابــــــــت يقيــنه طــود ابثباته
سوه العجـــــايب ابسوح الحـــرايب زلـــــــــزل كتايب راخص حياته
ميــــهاب الاخطار لجيوش الاشـرار خــــــــلاهه تحتار مـهيوبه ذاته
خله جثثهم بارض المـــــعاره معبر
*
صال ابجــداره ابأرض المــعاره رمـــــز الــــــغـياره نـــال الـيريده
حيدر يقــــــــــاتل حــــمزه وينازل شـــــبل البـــواسل مـــاثـنت ايده
نبـــع الـــــكرامـه عن ديــنه حامه ســـــر ﮔلب امامه شبل الصميده
سرﮔلب الحسين هذه اليريده الاكبر
*
شمس ومضــــيه بالــــــغـــاضريه غيره وحــــــميّه تسولف عيونه
كل الينــــــــظــره ابلا مايخـــــزره ايفر يشري عمره ميــــواجهونه
بلسانه ݘـــــلمات للــــــذله هيهات نجمه ابسمــوات مـن ينظرونه
بين الأعادي يتــــــمايل ويتبخـــــتر
*
لــقنهم ادروس سيفه حصد روس رابي بوسط شوس تربات الاطياب
بالـــطف مــراده ينـــــول الشهاده وصلّه بــــجــهاده وطفوفه محراب
ابراسه تصوب بالـــــــدم تخضب تضحيــــته مطلب تنتظره الانجاب
ضامي ومراده يـــــرتوي من الكوثر
*

تمت بعون الله تعالى وتوفيقه وفضله وإحسانه والحمد لله رب العالمين
وصلى الله على محمدٍوآله الطاهرين وعَجَلَ الله فرجهم وسهل مخرجهم
اللهُمَّ صلِّ على محمدٍوآل محمد
حيدركريم جارالله الكربلائي

https://tttttt.me/ssgadAl

🛑رابط قناة الشاعر👇
@haiderkarem

بسم الله الرحمن الرحيم
عالي يجـهر صوت الاكبر للحسين وأهل بيتي أفدي عمري
*
مايهمـــني المـــوت خـــلي ينســـفــك دمـــي
روحي فـــــدوه للـــــــديانه ديني كـــل هـــمي
في سجل الخلـــــــــد رايد ينـكــتب أســـمـي
عالشهاده ﮔــــــلبي عــــازم ثــابــــت ابعزمي
ﮔلبـــي عزم أرخــص الدم للحسين وأهل بيتي ربـي يدري
*
اشبه الهادي بخــــــصاله وعزمي من عزمه
او وارث الـــــكرار حيدر واشبـــــهه ابإسمه
خلي تسمـــــــــع آل اميه مـــــــــني هالكلمه
روحي جاعلهه هــــــديه الـــــــــوالد الـيمه
زين يدرون أنطي العيون للحسين وأهل بيتي ودمه نحري
*


للنواصب والأعــــــادي ما أطـــــخ هامي
هاشمي عالحــــﮔ ثباتي نهجــــي أسلامي
قدوتي المجتبى عمـــي هيبة اعــــمامي
وعمي ابوفاضل فــخرنه زمــزم الضامي
أصلي معروف نبذل اݘفوف للحسين وأهل بيتي دروع صدري
*
ﮔلبي درعي مـــن اقــــاتل زودي بــيميني
ماتخوفني المـــــراهــــف يالتــــعـــــاديني
ﮔلبـــــي منـــــبع للشجاعه مــــن يلاﮔــيني
وغايتي ابكـــــــــربله دمي ايعفرجبـــــيني
أشري الجروح وافتدي الروح للحسين وأهل بيتي دمي يجري
*





شهد عندي الموت طعمه وهل ﮔرب يومه
والداليـــــــــــمه ابدربنه ﮔــــــلي بعلومه
تســـــــري ويانه المنايه وحتفي بالحومه
وكربله ݘــــني شفــتهه العيني مرسومه
ݘانت اسرار ودمعي مدرار للحسين وأهل بيتي وحاسم امري
*
تمت بعون الله تبارك تعالى وفضلهِ وإحسانه والحمد لله رب العالمين
وصلى الله على محمدٍوآله الطيبين الطاهرين وعَجَلَ الله فرجهم وسهل مخرجهم اللهُمَّ صلِّ على محمدٍوآل محمد
حيدركريم جارالله

https://tttttt.me/ssgadAl

🛑رابط قناة الشاعر👇
@haiderkarem

لمولاي علي الاكبر

تارس العين . علي
ابن الحسين . علي
نور شع بعيونه
آيه من تقرونه
.................................
بيك تتحرش الحومة كوم يا صكارها
احلف ابخت العقيلة كون تشعل نارها
انا رضعتك مراجل وهاي امس صيارها
الكبل ماطارت ييمه طلعت امن اوكارها
كوم كص جناحها
صبخة يا فلاحها
تارس العين علي . عاشك حسين علي
............. .................
كوم مشتهية المعارة تكص راس اعنانها
الخرسة جانت كبل يمه طلع هسه السانها
كوم يا لما تعب متنك شك حلك ميدانها
الغيرة عد عباس صعدت عاين الدخانها
طشت بصدر الخيم
يسمع مزامط زلم
تارس العين علي .. عاشك حسين علي
................ .................
ابني لو هد انا اعرفة ما يكظ صدرة سلف
اتلاكة وي الموت ملكة الك بيه يمه عرف
لا تثني ابراس طبرة هيج اريدك يا تجف
كربله بعينة زغيرة شنهي جا سبعين الف
اليوم يحرمها الهوى
عد علي كلها سوه
تارس العين علي .. عاشك حسين علي
.................... ...........
كوم يربات ابو فاضل اخذ من زينب بخت
بشارب الخير الحرمة احجايه يا يمه انحجت
با لشمر عسرت يبني الحومة من بيك انتخت
زلم لو نسوان كلي هاي لسمعها بجت
طب علي شرايها
تورطت غم رايها
تارس العين علي .. عاشك حسين علي
................ .......... ..........
سرفن اردانك عليها ها المراجل رادتك
بخيل ابوك وخيل عمك كوم نكي مهرتك
ولا تتخيل العوبة خاف تخرب كشختك
ولا ترد اب 100 يبني هاي مو من شيمتك
ال100 ما مقبولة
ماتسوه ابد هلهولة
تارس العين علي .. عاشك حسين علي
.....................................................ً

كريم الدراجي

https://tttttt.me/ssgadAl

قصيده لعلي الاكبر ع لشهر محرم الحرام
اااااااااااااااااااااااااااااااااااااااااااااااااااااااااا
((وجه الســـمه الصافي تغير))
((لمـــن دخــل للطف الاكبر))
مــــــن دخـــل للحرب صارت بس ركض
يشـــــــبه الزلزال لـو مــر عــــالارض
اااااااااااااااااااااااااااااااااااااااااااااااااااااااااا
هذا الاكبر مـــن نزل ســـوح القتال
رافـع الهــــامــه مــثل هام الجبال
صـافيه الدنـــيه ونزل بيــهه الظلال
وبــس ركض صـــارت التسمه رجال
((بالدرب چـــــم فارس تعثر))
((بعيونه شاف الموت الاحمر))
ســيـفـه ياخــذ گــــام بالطول وعــرض
يشــــــبـه الزلزال لـــــو مــر عالارض
اااااااااااااااااااااااااااااااااااااااااااااااااااااااااا
چم شــجاع الشاهـــــد الاكبر وگف
الخوف اكل وجهه وتره اللون انخطف
ســـــيــفه يتلقب عصف لمن عصف
هــذا نبراس الشـــــجاعه والشرف
((يملك شـــجاعة علي حيدر))
((شـــبه الاسد بالحرب يزأر))
مايــضــــل ســــالم گباله اليــعــترض
يشــــــــــبه الزلزال لــو مــر عالارض
اااااااااااااااااااااااااااااااااااااااااااااااااااااااااا
سيــفه مـــن يــغتاض مايرحم بشر
ســــــطر بــهالحرب انواع الصـور
ســـيـفه مــايقــتنع مـن يگطع نحر
اله عشـــره ويشــــبه العمه الگمر
((خله العــدو گباله تحيير))
((هـذا علي لو داحي خيبر))
المـــوت خـــــلاه عــالخـوارج يــنفرض
يشـــبــــه الزلزال لـــــو مــر عالارض
اااااااااااااااااااااااااااااااااااااااااااااااااااااااااا
هذا يوم الطف لون يـوم الحـساب
نزل عالگوم اشــــد انواع العذاب
صــار احــمر لون كل هذا التراب
بكثر مــانزفت دمـــه ذيچ الرگاب
((لون التــراب الچان اصفر))
((اصبح من الدم لونه احمر))
سيـــفه مـــــن يگدرله لمــن يـنـتـفض
يشــــبــــه الزلزال لو مــــــر عالارض
اااااااااااااااااااااااااااااااااااااااااااااااااااااااااا
علي الاكبر چـان يملك چم صفه
وچانو يلقبون ســيـفه العاصفه
يخـلي كــل الگوم يـمـه زاحفه
عله ركبهه ويـمـه تـوصل هاتفه
((سـامحنه ياراعـي المحنه))
((جدمـك نقبله و اعفو عنه))
هــــاي اخــــــر مــره كلنــه نــتـعض
يــشـــــبــه الزلزال لـو مــــر عالارض
اااااااااااااااااااااااااااااااااااااااااااااااااااااااااا
خادمكم ثائر شله النجفي

https://tttttt.me/ssgadAl

لمولاي علي الأكبر


من تروح ايروح كل تعبي اودلالي
ثم يبقى وجهك ايدور بخيالـــــي
آيه مو حكم الزمان كلُ من عليها فان
ثُم يبقى وجهك ايدور بخيالــــي



اينَ انت ابرضـــوى ام تناشغ من ضماك
فعـزيــزٌ بالخيـــم يارحمـــة الله ما اراك
هل معينٌ كي يساعدني ويدليني ابضــواك
ها يالاكبر روحي مختنگه واريد اشتم هواك

ليش رايح موچنت بعيوني شمعه
انته هم شايف نبي الجنه تودعـه
من رحت راح الامان كلُ من عليها فان
ثُم يبقى وجهك ايدور بخيالــــي
ــــــــــــــــــــــــــــــــــــــــــــ
هـل تــــراني اشلون حالي اونتي ابنص الخيــام
بيه واهــــس عالـلـطم چفي مثل جنح الحمــام
يالجـمــــالـك نص اخذته من نبي ونص من امام
بروحي اشعر مگبـــره وجـــرت توابيت ازدحــام

انــت يمي وانــه واويلـي انــــادي
وحته نسمات الهوه ايجرحن فؤادي
وتارس اعيوني الحنان كلُ من عليها فان
ثُم يبقى وجهك ايدور بخيالــــي
ــــــــــــــــــــــــــــــــــــــــــــ
يمه گلبــي دوره يمكن شفته طاح ابين اديك
انت عيسى وانه مريم واشكثر مجنــونــه بيك
مره اشوفك بالحسن واحد ومالك اي شـريك
هم تجيني لو اخلـي شيلتي وحضني يجيـك

وين ادورك والوكت چلچل ظلامـه
شفت سيفك يلمع ويمه العمامه
وللبچي آن الأوان كلُ من عليها فان
ثُم يبقى وجهك ايدور بخيالــــي
ــــــــــــــــــــــــــــــــــــــــــــ
انتـــــه باقــي بس رحت واشلــــون خليتك تروح
انتـــه نسمــه وآنه يامحبوبي بيـــرغ عالسطــوح
ادموعي طوفان والسفينه اعيوني بس مابيهه نوح
مثــل زيـــنب راح اســـوي ثاني تل امن الجروح

وشعري انثره ودعوة الأم مستجابه
ربي يالرديت يوسف من غيـــابــه
علي وين بيا مكان كلُ من عليها فان
ثُم يبقى وجهك ايدور بخيالــــي
ــــــــــــــــــــــــــــــــــــــــــــ
يمــه يمـــه طولي ظل يرجف مثل سعفه ابرياح
مالي غيــرك ومن تعــب دنياي لتظن استــــراح
مدري راسك هذا لو گبــة علــي فــوگ الرمــاح
ويــن طولـك وسنك اليضحك يالاكبـــر وين راح

ياشبيه المصطفه وماكو الايشبهك
ليش يبني اتغطه بالتربــان وجهـك
وينك انته بيا مكان كلُ من عليها فان
ثُم يبقى وجهك ايدور بخيالــــي
ــــــــــــــــــــــــــــــــــــــــــــ
ليتَ شــــعري هل اليكَ يبنَ أحمـــد مـن سبيل
فبنــــفـــســي من مغيب خله دمع امــه يسيــل
اشكبـره اسمك ياعلي وجدك علي حامي الدخيــل
راح اخــلــــي ايسولفون ابقصتك جيل اوي جيل

مثلي كلمـــا تنفجع ام بأبنهه
تترس الدنيه بواچيهه وحزنهه
حان يبني الهجر حان كلُ من عليها فان
ثُم يبقى وجهك ايدور بخيالــــي


#العبدالحسيني_محمدالجماسي ٔ

https://tttttt.me/ssgadAl

لعلي الاكبر


أموت بأبتعـــادك ياعلي
أموت لوله ماترجع إلي
ليش الحلم مايستقر بديـه
جرح إو جرح يتناوبن سويه
ـــــــــــــــــــــــــــــــــــــــــ
من رحت راحــــــن سوه بسمتي وآمالـي
إشمحله طــولك من خطف ياعزيزي إگبالي

وديت الأعيـون من الخطــر تبرالك
ماريدك إتعــود رجعلي بس اخيالك

أخاف انحرم من شوفتك
أخاف لاتردلـي إجنازتك

عالناگه راح انصب إلك عزيه
جرح إوجرح يتناوبن ســــويه
ـــــــــــــــــــــــــــــــــــــــــ
حضني وأدموع السهر والخيم تدعيــــــلك
هاك إخــــــذ عصابتي وعالمحن شد حيلك

يوليدي أنخـاك گلبي إعله درعك شده
وصيته يحميك وسهم اليجيك إيصده

أصيح ياسلامة منحـــــرك
أصيح واللي يجرح خاطرك

أدعيلي عليه باللعنه والمنيه
جرح إوجــــرح يتناوبن سويه
ـــــــــــــــــــــــــــــــــــــــــ
إقره يبني الفاتحه وأبد لاتنساهــه
للأبيه الصابــــره وبالعسر إنخاهه

أم الوفه هاي كلمـــن ندبهه إتعينه
وصت العباس يفدي العمر لإحسينه

تروح بالسلامه والحفض
تروح وماتلـم أمـك أرض

گابلني ضيمي وظل يون عليه
جرح إوجـــــرح يتناوبن سويه
ـــــــــــــــــــــــــــــــــــــــــ
الدنيه بس الوحدك إشعندي غيرك بيهه
إنته تچـــاية ظهر وإنتـچـيــت إعليهه

ماعنـــدي شبان يالأكبر وإيعوضونك
بس أنته وشلون يبني أعيـش إبدونك

شباب وينك إوين الحـــــرب
شباب إشجابك الهذا الدرب

الموت إلك وآنه اليسر إليه
جرح إوجـــرح يتناوبن سويه
ـــــــــــــــــــــــــــــــــــــــــ
طولك ايگطر عطش ورجف طول إخيامي
ياعلي وهــذا الأسم يروي گلب الضامي

هذا الأسم ليش منه العده تتحذر
يالوحدك جيــش بركان إذا تتفجر

أريد صولتك صولة أسد
أريد قل هو الله أحــــد

بلسانك إتزلزل عروش أميه
جرح إوجـــرح يتناوبن سويه
ـــــــــــــــــــــــــــــــــــــــــ
إبوجه الإحسين إنظرت صوره ما مألوفه
شام أشــــــوف بدمعته والغــدر والكوفـه

وبعيونه الإخيام متناهبه ومحــــروگه
أنظـــر للإيتام إبذاك الحبل مشبوگه

وراك خلــص إبعيني البچي
وراك الصفنه أبلغ من حچي

وبظلوعي ظلت جمرة الرزيه
جرح إوجــــرح يتناوبن سويه


#العبدالحسيني_محمدالجماسي

https://tttttt.me/ssgadAl

علي الاكبر


آه وينـــك ياعلـــي

ياهيبة اليــــوم وأمـس . . . وابيتي حـــاسبتك شمس
اتدنـــه وانتــه تبـتعــد . . . ماهاوي حضن امك احـس
عگبك زماني المانصف . . . لقنـــــي يالاكــبـــر درس
خلاني انوح بـلاوعـــي . . . وخلاني اضيع كـــل هلـي

آه وينـــك ياعلـــي
ــــــــــــــــــــــــــــــــــــــــــــ
ها يالجمـالك قبلتي . . .ابوجهك اشوفن دنيتي
ذاخرتك اليوم العسر . . . وانته الشيل اجنازتـي
عثراتي كثرن وابكبر . . . يــوم القيامـه حيرتـي
وشحال الاتضيع ولـد . . . وبيا مصــــايب تبتلي

آه وينـــك ياعلـــي
ــــــــــــــــــــــــــــــــــــــــــــ
وجهك الضاحك مبسمه . . . امثگلته قطــرات الدمـه
اخدودك الچـانن ضــاويه . . . شو يبني صارن مضلمه
لمن هويت امن الفـرس . . . مدري اشوگع من السمه
طاحـــت عباية فاطمه . . . لو طاحــت اعمامة علي

آه وينـــك ياعلـــي
ــــــــــــــــــــــــــــــــــــــــــــ
يمك شفت وصلة سهم . . . وبرگبتك سيف انثلـم
جـواك من حـر الشمس . . . لامن حصيره ولا علم
اوسادتك ليــــش الرمل . . . واوسادتي ارماد الخيم
ياوسفه يالطـــولك ترف . . . خيل اعله صدرك تعتلي

آه وينـــك ياعلـــي
ــــــــــــــــــــــــــــــــــــــــــــ
آنه ادري تفــــزع يالابي . . . لو احـــل يمك معصبي
چنت بجمــــالك امدلله . . . چــا ويني اويـن السبـي
مــو أم الاكبــر يالولــد . . . ايسموني چـان ام النبي
ام الشهيد آنه اصبحت . . . لا ولد عنــــدي اولا ولي

آه وينـــك ياعلـــي
ــــــــــــــــــــــــــــــــــــــــــــ
وردة عطـورك نافــحـه . . . ولايگ عليــك المستحــه
يالتنثــر انفاســك ورد . . . طــاح الـــورد بالمذبحـه
لطميه راح اقــره الك . . . ما اقـــره يبني الفاتحـه
شمعه طفت بالمگبره . . . وبالدنيه چا غيــرك شلي

آه وينـــك ياعلـــي

#العبدالحسيني_محمدالجماسي

https://tttttt.me/ssgadAl

الامام الحسين عليه السلام يخاطب ابنه علي الاكبر

العطش هدم حيلك بالصبر ادعيلك
يلماشربت الماي ياسلوتي ودنياي
بالصبر ادعيلك

عليه موسهله من اشوفك لابس ثياب الحرب
يبني يلاكبر وادري مايهز روحك صعب
ايعز عليه تروح مني وانته اعز من الكلب
ياشبيه النبي الهادي شوفته وطبعه العذب
العطش غير لونك من اصد لعيونك
انته الفكر والراي ياسلوني ودنياي
بالصبر ادعيلك

يلربيت ابوسط كلبي بويه ياطيب ثمر
العفه على الدنيا بعدك شلي بسنين العمر
بليلي شفت الدنيا ظلمه شمعنه ليل بلاكمر
ايام عمري تصير وحشه شلون من دونك تمر
شلون اظل من دونك والعده ايحيطونك
يلطحت بين اعداي ياسلوني ودنياي
بالصبر ادعيلك

انتظر وادعيلك اترد يني يابوالشيمه
تدري ياسلوة زماني الدنيا بعدك هيمه
كون من الشمس والحر روحي فوكك غيمه
تنتظر امك يلاكبر تصد من الخيمه
الدمع ذوب عينها امك الله ايعينها
امك تون وياي ياسلوتي ودنياي
بالصبر ادعيلك



ادري بويه بنار كلبك كبل لاتحجيلي
منين اجيب الماي يبني لوردت تشكيلي
مثل كلبك نار كلبي العطش هدم حيلي
بلاضواك اظلم نهاري شلون اوصف ليلي
شلون بعدك حالي من تطيح كبالي
شمكبر علي بلواي ياسلوتي ودنياي
بالصبر ادعيلك


شلون ارد يبني واعوفك وسط ميدان الخطر
ياوجه جدي محمد سلوه وجهك للنظر
وذيج امك وره الخيمه بلوعه جيتك تنتظر
بيش اصبرها وشكلها الها شحجي وشعتذر
بويه تدري بطبعه الموت مابيه رجعه
يابو طبع وفاي ياسلوتي ودنياي
بالصبر ادعيلك

الشاعر حسن لعيبي الحريشاوي

https://tttttt.me/ssgadAl

شبيـــه المصطفـــــى ــــــ على الدنيا العفـــى
يالاكبر يا ضوى العين ـــــ يَمهجة گلب الحسين
ـــــــــــــــــــــ على الدنيا العفى ــــــــــــــــــــــــ

يبو حسين علي الاكبر يشمعــــة بيت الحسيـــن
يبو حسين عفت امك يسلوتهــــا رحـــت ويــــن
يبو حسين سلام الله على اسمك يا ضوى العين
يبو حسين فديته المنحـــرك مـن أجل هالديــــن

الحزن گلبي لفــــى ــــــــــ بدر بالطف طفــــــى
اجيبن مثلك امنين ـــــــــــ يمهجة گلب الحسين
ـــــــــــــــــــــ على الدنيا العفى ــــــــــــــــــــــــ

يمهيوب يَمَن ساكن وسط گلبـــي والگلـــوب
يمهيوب الشهاده تلوگ الك لجلك حله الثوب
يمهيوب اذكرك لو يجي ويلفينـــي الغـــروب
يمهيوب تنادي امك بعد ما مثلــه محبــــوب

يعنــوان الوفـــــى ــــــــــ الدمـــع دم انزفــه
كثر يوليدي لونين ـــــــــ يمهجة گلب الحسين
ـــــــــــــــــــــ على الدنيا العفى ـــــــــــــــــــــ

بدر غاب رمه گوس القدر سهمه لعلي صاب
بدر غاب جمال المصطفى نايـــــم علتــراب
بدر غاب خسف بيه الدهر بعده بعمر شــاب
بدر غاب اظل يوميه انتظـــرك على البــاب

الحــــزن شيوصفـــه ـــــــــــ الك يُمَّه اكشفـــه
فگدت ابساعه لثنين ــــــــ يمهجة گلب الحسين
ـــــــــــــــــــــ على الدنيا العفى ــــــــــــــــــــــ

فلا جيت تجيني او ترحـــم ابحالي تمنيــت
فلا جيت اشكثر يوليدي من عندك ترجيــت
فلا جيت مكانك خالي موحش بعدك البيـت
فلا جيت بقت بس ذكرياتك وانت ما جيـت

الدمع دم اذرفــــه ـــــــ صعـــب شينشفــــه
حرمني منك البين ـــــــ يمهجة گلب الحسين
ـــــــــــــــــــــ على الدنيا العفى ـــــــــــــــــــ

علي راح صحت لَمَّن شفت طولك هوى وطاح
علي راح ابوك المنحني ظهــــره ابحــزن صاح
علي راح علـــى الدنيا العفى بعـــدك يمصبــاح
علي راح يليلـــى' مايـــرد ابنــــچ علـــــي راح

العدو ما انصفــــه ــــــــ العطش هم چتفــه
انفطر دلاله نصين ـــــــ يمهجة گلب الحسين
ـــــــــــــــــــــ على الدنيا العفى ــــــــــــــــــــ

عمار الراشدي

https://tttttt.me/ssgadAl

في حق علي الاكبر عليه السلام


مــو علي چـن هذا جده المصطفى
مــن بــــرز ليلـــى تعايـــن موقفـه

يا علــي حَجِّــل خِيـــول العاديـــه
أضــرب الناصيــــه تِلــوَ الناصيـــه
اليـــوم زلزلهــا الجبــــال الراسيــه
بالعـــدى الميدان يوليـدي اخْسِفَـه

ابشري يمــــه علــي الاكبـــر ٲنـــه
الّـه اخلي العاشر أعليهــــم سنـــه
ابصولتــي اتهيـج البحار الساكنـه
تسبـــح ابدمها الاعادي المجحفـه

والنعـــــم منـــك يمغوار او شهــم
شمــــرة الكرار بيـــــدك تنـــرســم
ضنوتي شـِـــد العزم فــوگ العـزم
امك او روحـي لرجوعـك لاهفـــه

يمــه خليــت الارض كلهــــا دمـــا
خيـــل وجنــود العدى متلاطمـــه
لاچــــن الرجعني يــا يمـــه الظمـا
العطش بالحومــه ريجي نشّفــــه

يبني ادري بالمحن انـــت الصبـور
الله يلعــن من جعل چبدك يفــور
بالعطش موعود وابــــدم النحـور
إگْلُـــب الميــدان بيهــــم رجِّفــــه

صال ما همه العطش شبه النبــي
هالله هالله بالشجــــاع الطالبــي
غير ميعــــاد الشهـــاده ما يبـــي
ثَبَّت أركان الرسالــــه ابمرهفــــه

عمار الراشدي

https://tttttt.me/ssgadAl

في علي الاكبر عليه السلام


اَنوحَـــن واجـذِب اعباري
اوَجْـــر النار مــن نــــاري
يَشِبل حسين خذاك البين
اوَجْـــر النــــار مــن ناري

عزيز امك رحِت عني انا ابدونـــك حزينــة حـال
على الدنيا العفى بعدك تِغيـــب ابســچة الآجــال
شبيه المصطفى الهادي علي الاكبر وِسف ماطال
عمرك يا ضوه عيونـــي شبابك عَــــزَّم الترحــال

اوِنـَـنْ ليلـــي وانهــــــاري
تِغَيـــَّر حالــي وافكــــاري
يشبل حسين خذاك البين
اوجــــر النــار مــن نــاري

الاجل صَوَّب مَرامِيَه خِطَف غصن الورد منـي
بقـــى ابچفي أثر عطره غِدَه ابعمره يِذَكِرنــي
اهيم ابعالم أفكاري عسى ارسومك يِصَبرَنّــي
واداوي اجروحي وآلامي وتِرِد اردود تلچمنـي

صعــــب انســاك يالغـــالي
علــــــي يا زهرة امـــــالي
يشبل حسين خذاك البين
اوجـــر النــار مــن نـــاري

يَسلوة عمري يوليدي علي الاكبر يبعد امـــك
يَسباح الگلب يا هيل يَعطر الجنه لو اشمــك
نبض دلالي يوليدي يِدِگ يوميه بس بسمـــك
َينجم سهيل من اتشع واشوفن بالسما نجمك

نجـــم وافگــــدته للتالــي
بعد ما چـــان الي ايــلالـي
يشبل حسين خذاك البين
اوجـر النــار مــن نــــاري

احاول يبني اتناسه حـزن گلبي والـــم روحــي
اصَبرِ الروح بغيابك أضَـمْدِ امنـازف اجــروحـي
يِرِد ينزف جرح جرحي ويِرِد اردود الي نوحي
اغيب ابنايبات الروح وحِزِن گلبي الـك يوحـي

ربيــــع أيامـــي يالظامـي
بسبب فرگــــاك آلامـــــي
يشبل حسين خذاك البين
اوجـر النــــار مـــن نــاري

ايتفايض دمعي من عيني عيني مشابهه الزمزم
تِصُب امناثر ادموعي لَجِل عينك جـــرت من دم
سواد الليل يلفينــي ويِهَيــج امصابـــي واتــألـم
ولا چانت تُمُر عالبال ليالـــي الصعبـــه بمحـــرم

اسَمْعَك صوت اشجانـــي
دمــوع العيــن برهانـــــي
يشبل حسين خذاك البين
اوجـر النــــار مــــن نـاري

يا شمعـة وجـود امـك انــا ابليـاك مهـمومــــه
ونور اليضوي بدروبي بدونه أدروبي معتومه
ثمــر حبي رويته سنين تــالـي منه محرومــه
ربيعه ابگلبي ما ازهـــر خَضَّر غصنه بالحومـه

صَحــــاري بعــدك أيامــي
ابغيابــــك ماتــت احلامي
يشبل حسين خذاك البين
اوجـــر النـــار مــن نــاري


كلمات عمار الراشدي

https://tttttt.me/ssgadAl

ناده كلبي الضامي   ياربيع احلامي
وحته صوت خيامي  راح الاكبر
  
        ❁❁❁❁❁❁

راح الاكـبـر مني ﭼـن مـاي وتـبـده
ونكـسـر مرتين ضهري من يسنده
نهدم حيلي والصبر خلصته عنده
منحي ودمعاتي نزلت وحده وحده

بينك ومابيني   بس ذبح تانيني
بدمه آخضب هامي   راح الاكبر

        ❁❁❁❁❁❁

الدنيه بعيوني صفت ضلمه وكئيبه
بعد مابي حيل اتحمل مصيبه
ونته إگبالي طحت جثه خضيبه
من يساعدني اعله الاكبر حته اجيبه

لوحدي ولاناصر   شلون اردك حاير
مابيه اجر اجدامي   راح الاكبر

        ❁❁❁❁❁❁

للخيم رديت بس اعصر بديه
شراح اكول لسكنه يابويه ورقيه
من يسألني الاكبر ماليه جيه
وعمتك وامك يصدن كسر بيه

منحني واتحسر  شكلي حيل تغير
ستقبلتني ايتامي   راح الاكبر

         ❁❁❁❁❁❁

صرخة تدوي ياعلي مابين الاخيام
راجع وحيدي وٱمسح روس الايتام
علي يبني وداعتك گلب امك انضام
بعد عينك ريته عمري لحضه مادام

للحرب راح اطلع   وعينك لجلك تدمع
وينسلب هندامي    راح الاكبر

        ❁❁❁❁❁❁

للحرب رديت واني امسح دمعتي
يبني هجرك والعطش فتت ﭼـبتي
ودري بويه بالحجر تنطر جبهتي
وداعت الله ياعلي المن عفتني

كاسر اشجم خاطر     دمع ابوك ايگاطر
گربت ايامي   راح الاكبر
       
        ❁❁❁❁❁❁
ش/ علي محسن الفرطوسي

https://tttttt.me/ssgadAl

ابني الاكبر بيّه بار
گتله ترجع گلي صار
گلبي ملّ الانتظار
ابني وينه -- ابني وينه

*

بيده يدفني الوعد -- علي ناطيني عهد -- يبتعد عني ابد -- ماكو ليله
يدري يكتلني الهجر -- اكسر الخاطر كسر -- ليلى من دونه صفر -- ماكو ليلى
ماكو ليله بغيبته اتمــــرني بهنه
ماكو ليلى وانمحي بموت الضنه
گلي رايح گتله روح
گلي صبري گتله انوح
وريحة اموادع تفوح
من حچينه -- من حچينه

*

عني ما غاب وبطه -- روحي بيه امربطه -- لو نمت ما حط غطه -- الا بيده
بالعطش وجهي ابتده -- يذبل وشاحب غده -- گالّي جيش العده -- الا ابيده
الا بيده ايخظر بوجهي الورد
الا ابيده يگلي لمزعلچ وارد
اسمع اصوات السيوف
مالي عين اطلع واشوف
ادري اخبار الطفوف
كلهه شينه -- كلهه شينه



أمي يا أم الوفه -- شابع بحظنچ دفه -- يلي عندچ عاطفه -- گد هوا الله
لو يردوني بنعش -- فدوه للأربعطش -- ابنچ ورغم العطش -- گدها والله
گد هوا الله الشوگ الچ وسط الگلب
گدها والله تهـــــــابني الكل بالحرب
بس اريدچ بالدعاء
نشري چفچ للسماء
واندعي بطف كربلاء
ربي عينه -- ربي عينه



راح الي يسر الگلب -- والضواه مالي الدرب -- طاح ابنكم بالحرب -- يا هواشم
آيلوعة نينوى -- طفها صار ابلا ضوه -- هسه يخنگني الهوه -- يا هوا اشم
يا هواشم من رحل الاكبر علي
يا هوا اشم والهوا الظل مو الي
منه اتنفس هواي
شالعمل بالخنگه هاي
غيرته تشربني ماي
من جبينه -- من جبينه

*

گلبي من حان الصبح -- گلي ابنچ ينذبح -- الله يرضى بهالجرح -- لو نبينه ؟
حافيه اركض والجدم -- كل كتر بيهه انلچم -- صابغ ارماد الخيم -- لونه بينه
لو نبينه بكربله بحـــــرگ الخيم
لونه بينه يشوف الارماد انرسم
يركض ايطفي الخيام
لو يهد شاهر حسام
لو يطب ويانه شام
وتبچي عينه -- وتبچي عينه

***


سجاد الاسدي

https://tttttt.me/ssgadAl

علي الاكبر
.....

صدرك سفينه وجفك شراع
يكسر ظهر ....توديع السباع
خليني اشمك . .ساعة وداع
حاجيني حاجيني. هجرك يبجيني
....
فوك مهرك تعتلي وكلبي يصرخ ياعلي
الكلب راد حبيبه

خويه هذا موسفر مشابك السيف ونحر
والي جروح غريبه

تمنيت فلا جيت. انا وضعن الغوالي
المسافات والاهات ولايرحل دلالي

ولاشوف الرزايه ..حرك خيمه وعبايه

مني يالاكبر اخذ الاخبار
اختك سكينه سحكت النار
فكدك ضلع والدنيا بسمار

تدريني تدريني هجرك يبجيني
....
ياعلي وفكدك الم تارس عيون الخيم
العطش باك صفاتك
جنت اضن لو حشمت جثه تفزع ماكمت
ويسلبون خواتك

ألف سوط بالمتون الك ذكرى واثر بيه
أنا اختك سكينه السبي يخوفني طاريه

واذا سألت رقيه. شنو معنه السبيه

اسمحي الكلها التنسبي ابويل
مسحوك ابوها بحافر الخيل
تمشي اسيره اعله المهازيل

دم عيني وونيني هجرك يبجيني
....
اوكف وخلي النظر يشبع بطولك صور
الي حساس بغيابك
ياعلي ومن تبتعد. خاف اصيح وماترد
وخبر لاح مصابك

يهجمون يحركون واتيه ابر حنيني
وخبرك وخيرك اجيلك لوتجيني

واذا مذبوح انظرك اذب روحي اعله نحرك

بس من اجيلك غمض العين
تلكه العبايه بيها لونين
دم متني وي حرك الصواوين

حاجيني لاكيني هجرك يبجيني
...
براسك السيف انغرس ودمك ايصب عالفرس
مهرك يتيه طريقة

بدل جيته للخيم خذك لعداء الوهم
اليجهلون الحقيقة

ومن تطيح ..علي تصيح
وتجوي الروح فركه
وبعد هاي الي راي
الجمر محبورة اسحكه

وضيف بروحي فكره المتن لازم احضره

جفوفي اسلمها للاحبال
حالي بغيابك ارده من حال
وراح استعد وتلكه الاهوال

لمن توصيني هجرك يبجيني
....
مني راسك يعتذر من يطك متني الشمر
حچي هواي بالعيون

وخاف بدموعي تحس
ابجي عالناكه بهمس
واذني اسدها من يسبون

العطش نار🔥 وطلب ثار
وصعدت روس برماح
يالسلام مشي ايام
ودمعه وخوف وجراح

يطول الشام دربه واعيش بروحي غربه

فوك الترايب عفت الحسين
ولغيري موليه الدواوين
للمهدي اشكي وياخذ الدين

لوميته تدريني هجرك يبجيني
...
الشاعر علي السعيدي

https://tttttt.me/ssgadAl

....
علي الاكبر
.....
علي يبني ارحم امك يبني وارجع
علي يبني كلمة من مهظومة تطلع

انظر لجراحي دمعتي ونياحي
ياشمس صباحي آ يالكبر
....
ودعتك جرح واحساس. ودعت الدفو بروحي
خطواتك وداع وموت بين جروحي وجروحي
ابوك يعاين لطولك وانا ابني بصرح نوحي
يكلي ليله ياليله لبنج بالدعاء روحي

عود اليه. عود اليه يبني انته
والرزية نورك الزاهر طفته

يابحر عذابي لوعتي ومصابي بغيبتك غيابي آيالكبر
....
بعدك باول اسنينك تمشي ودمعتي تلالي
ارحم امك وارجع يبني الاكبر ادنالي
اشبگك شبگة الغرگان بيك مچلبه امالي
ضامي وشفتك ذبلت عليك الماي موغالي

ودعتني. وحسبت شابگني ملگه
روعتني رسمت بعيوني فرگة

يبني من تغادر تجرح المشاعر ياضوه النواظر آيالاكبر
......
ودعتك ححم بركان كتر يطفه وكتر يدوي
ظلمة ودربي ما اشوفة بروحة وجهك اليضوي
يمي وما يطاوعني كلبي من ردت تنوي
عفاني وعالصبر شصبر لوشفتك علي تهوي

اسم الله يبني . بروحي تبني هم رحيلك
ومن تنادي. ابقه وحسين اليجيلك

اكتب اعتذاري لخطوتي ومساري وجمرة انتظاري آيالاكبر
...
ابوك حسين شال ايده وكلك ياعلي وضمك
وتخيلت اليصير عليك من شفت الابو شمك
واذا فوك المهر مصيوب و نازل يالولد دمك
گبل ماتهوه فوگ الكاع احسب هم تموت امك

جنت نسمه بريتي تفتر احلى كلمة
وانابعدك كل هوه ما اريد اشمه

يبني وشبديه تمشي للرزيه تحيطك المنيه آيالاكبر

....
رحت والدنيا مختنگه مشيت وفرگتك تكبر
حسيتك بعد متعود منشفتك غصن مصفر
اركضت من خيمتي لخيمة زينب بالحنين اعثر
صحت يازبنب دخيلج بعد مايرجع الاكبر

انا اريدك ...ما اريدك تمشي عني
ماهو بيدك وادري بيدك سيف حزني

رجعتك حياتي روحتك مماتي. هذي نايباتي. آيالاكبر

...
الشاعر علي السعيدي

https://tttttt.me/ssgadAl