حسن الموالي الفاطمي:
#جديد محرم 1439. مجلس القاسم...قصيدة متعددة الاوزان.....

ليلة عرس ... يا يمه شمعه اشعلك
عندك درس ... خطة حرب ارسملك
يبني يمغوار ...گوم اطلب الثار
.
.
آنه رمله. وانت جاسم
انت مهجة گلبي يايمه اوحيدي
هالمسيه. للمنيه
يمه خطة حربك ارد ارسمها بيدي
.
خطة حربك يبني كامله
جيش الكوفه حاوط كربله
عن ايمينك شمر وحرمله
يبني وخلفك خيمه وعايله
.
ليلة حرب حان الظرب يايمه حد سيفك
من تبرز الجيش العده گطعهم ابكيفك
.
امن الميسره....سوي التفافه وغاره
سيفك تره....من الحسن اسراره
كل ظربه إعصار.... گوم اطلب الثار
.
......................................
.
هاذي رايه. للولايه
منها اخذ هذا العلگ شده اعله ايدك
للمصايب. والنوايب
يبني معصب فاطمه لفه اعله جيدك
.
يبني لمن تهجم باللوه
رتل يمه سورة قُل هو
ارفع راسي بغبرة نينوى
اذبح عنهم كل نسمة هوه
.
هيبة علي وسيف الحسن يايمه بيمينك
خزرة أبو فاضل اشوف الخزره من عينك
.
من تنغدر....عليهَ دير الناظر
لا تنقهر ... تلگاني خلف الساتر
أحرگهم ابنار.....گوم اطلب الثار
.
.....................................
.
الفجر لاح. والشمر صاح
بعالي صوته ينادي اجيت الگطع الرگاب
وين الحسين. والميامين
من دماكم جينه نترس حلگ التراب
.
عمك موسى وانته عصته
يحچي ابزودك وانت هيبته
طرهم يبني ونشف دمعته
اذبح لمن تضحك عبرته
.
طشرهم وغربلهم ومن كل كتر لمهم
جزر الاضاحي عالنهر يايمه اجزرهم
.
إسمك حرز... والمجتبى يعرفونه
من ترتجز... سن صارمه يذكرونه
چن حامي الجار.....گوم اطلب الثار
.
........................................
.
هاذي خيبر. وانت حيدر
والف مرحب بالحرب يبني يحيطوك
لا لتنظام. واشطر الهام
واحد ابسبعين الف لمن يحسبوك
.
سنينك خلهن صوغه للنعش
يل كل عمرك يبني 15
انظر دمك عالغبره انفرش
يالما ترضه انموت من العطش
.
رقه وترافه وعاطفه بالحومه عنوانك
شسع النعل بين قدر يوليدي عدوانك
.
من تنهظم... يبني تسيل ادموعي
من تنظلم... الضربه چن بضلوعي
ما اقبل اعذار.... گوم اطلب الثار
.
..........................................
.
أنته ذخري. وانته عمري
وآنه ناذرتك ييمه اليوم الطفوف
آنه وياك. نهجم اهناك
جيش اميه ما نخلي عدهم چفوف
.
شگد اتمنى عن عمك اذود
تهجم انته توذر بالجنود
واهجم آنه يمه بالعمود
لجل الزهره مثلك ما أعود
.
هالامنيه يبني البطل عليه ممنوعه
عمك اشوفه عالترب تتهشم اضلوعه
.
من ينطرح .... المن يدير الناظر
بصعب جرح..... ردتك تصير الناصر
ظل فكري محتار.....گوم اطلب الثار
.
..............................................
.
ياحبيبي يا طبيبي
باچر ايسمونه يمه يوم الفراگ
من اعوفك. وما اشوفك
يعني بدروب السبي والنحرك اشتاگ
.
شامت گلي أبنچ ما يرد
شنهي ايرده لو مات الورد
گتله لابد ابني ينولد
جاسم يرجع بس اسمه الحشد
.
بسم الحسن لجل الوطن لو دمعتي اتنادي
تشگ الجفن من النجف من تفزع اولادي
.
جيش وحشد.... ساعد يشد ابساعد
جاسم يرد...... واشوفه بيهم قائد
يالتحرس الدار.....گوم اطلب الثار
.
............................................
.
لا تنسوني ووالدي من فضل دعائكم المبارك
.
حسن الموالي الفاطمي
.
الاوزان....4/3 الشيعتي مذيل+وزن مركب من تفعيلة
(فعلن فعلن مستفعل مفا) +وزن المنسجم
.
ملاحظه:المقطع الثاني في النص.. الوزن المركب من تفعيلة....فعلن فعلن مستفعل مفا ....
هو لحن مركب من نص قصيدة ...جنح فطرس..لملا باسم...ومن يجيد تغيير الالحان الباسميه مسموح له التغير ....في نمط اللحن....


حسن الموالي الفاطمي
.
.
القصيده محرمه على رواديد الDJ

https://tttttt.me/ssgadAl

.
قصيدة لمجلس القاسم........وزن..المنسجم
.
.
يايمه ناذرتك نذر...كل يوم أشبرنك شبر
لجل المنيه
بالغاضريه
يبني يجسام
.
.باچر حرب باچر ضرب تتنازف ادمانه
واجب علينه نستعد يبني. يريحانه
عمك يظم وسط الگلب يايمه احزانه
من هسه يوليدي الشمر شو طول السانه
.
اظلم غده يمه الضوه...شو مختنگ حتی الهوه
لجل الزچيه
بالغاضريه
هاليله منّام.....يبني يجسام
.
.
هاي المسيه ابخيمتك الشمعه اشعلها
مو للعرس. مو للفرح. يبني. انزلها
خطة هجومك بالحرب لازم نعد الها
تبرز على ثلاثين الف يبني وتقاتلها
.
يايمه ازعل من اشوف...ترجعلي بزنودك چفوف
يوم الرزيه
بالغاضريه
حيل اطبر الهام...يبني يجسام
.
.
اهجم. عليهم لاترد. يامهجة اعيوني
گلهم أنه شبل الحسن يالما تعرفوني
دربني عمي ابو الفضل فنكم تلاگوني
الضربه ضربة حيدره لاما تردوني
.
خل يغرگ ابروج الدمه...کلمن يناصب فاطمه
زمرة اميه
بالغاضريه
يوليدي ظلام...يبني يجسام
.
.
لاتلتفت صوب الخيم همك تشوف أمك
ناذرتك آنه للحرب يبني فده العمك
من تنجرح لاتنثني مهما نزف دمك
وشما تون من خيمتي يبني استمع ونك
.
بنصرك انادي واندعي...بس ما اگول اترد الي
أنت الهديه
بالغاضريه
بيك ارفع الهام...يبني يجسام
.
.
خطة هجومك جاهزه ها يا بعد بيتي
ارد انظر ابسوح الحرب يوليدي تربيتي
ارد استمع من فاطمه يارمله كفيتي
مثل الوفيه ام البنين الليله وفيتي
.
يبني ارد اشوفن بالفله....مخنوگه غبرة كربله
هاي المسيه
بالغاضريه
لا لا لتنظام....يبني يجسام
.
.
ذيچ الهزل بيد الشمر يمشي ويجر بيها
يعني اشتظن هذا النذل المن يخليها
ترضاها يسبي عمتك يبني ويبچيها
يسطر رقيه وهم بعد يسلب تراچيها
.
عمك لون يقبل اذود...اهجم عليهم بالعمود
عالناصبيه
بالغاضريه
نتحزم احزام...يبني يجسام
.
.
لا تنسوني ووالدي من فضل دعائكم المبارك
.
حسن الموالي الفاطمي
.
لايجوز شرعاً قراءة هذه القصيده من قبل رواديد ال DJ .........

https://tttttt.me/ssgadAl

الشاعر حسن الموالي الفاطمي:
#جديد ..محرم .. ١٤٤٠
...مجلس القاسم
الوزن..مجرشه...
.
.
هاك أخذ هذا العلگ شده بجبينك
هاك أخذ هذا الحرز خله ابيمينك
اسحگ ضلع للظلام
باچر حرب يجسام
.
.
طر الفجر عين الشمس وكحه وييُمه اتخزرك
من كل كتر برض الحرب گامت ييُمه اتنظرك
گمت اسمع ۳۰ ألف يتشاورون ابذكرك
طب ذو الفقار المرتضى ياربي منه سترك
.
يا بطل جيش العده طشره اعله كيفك
يا بطل روس الزلم مشتهيه سيفك
انت النفل ماتنظام
باچر حرب يجسام
.
...............................................................
ها يالولد من المهد يوم المنايه انّطره
ما أرتوي بماي النهر تعرفني بيمن اروه
ماي العذب عندي يظل يايُمه ثار الزهره
اول طلب منك ردت ثار الضلع والعصره
.
فاطمه الزهره الطهر يبني ولوهه
فاطمه برفس الظهر يُمه سبوهه
لا تنسى طبرة الهام
باچر حرب يجسام
.
...............................................................
گبر الزچيه المختفي أحنه ييُمه انزوره
چنه نروح اويه الحسن نشتم عطر بخوره
يقره ابوك المستهل يا فاطمه المقهوره
ثارچ يظل للمنتظر يمه ابوكت ظهوره
.
لازم ومطلب إلي ثار الزچيه
لازم ابسيفك تطب للغاضريه
تزرع برضها الاسهام
باچر حرب يجسام
.
...............................................................
وسط الحرز قطرة دمه تشرح الم ضلعهه
والشيله صارتلك علگ يحچي بهظم دمعهه
أبن الصهاكه فاطمه على الوجه صفعهه
رفس وعصر يوليدي وبسن الرمح دفعهه
.
ذوله يمه الهدّموا خدر الشريفه
ذوله يمه همه أصحاب السقيفه
سمعني كسر العظام
باچر حرب يجسام
.
...............................................................
من المهد شابع حزن شابع جرح بحساسك
متعلم انته عالحرب يبني وسرت بنفاسك
ابمولدك أبو الفضل يُمه ابچفوفك باسك
شمرت ابوك المجتبى لا ما تدنگ راسك
.
لو ألف فارس برز تكسر ظهرهم
حتى لو ٧٠ ألف بصبع تفرهم
داويلي جرح الأيام
باچر حرب يجسام
.
.....................................................
.
هذا اولاً ثار الطهر من طلعتك اريده
او ثانياً ثار الاخوك الاكبر اوريده
اوثالثاً رف رايتك يا وارث الصميده
اورابعاً دگ ثايتك مهيوبه بالعقيدة
.
خامساً لاهل الكساء اوركز ابهاي
خامساً لازم ترد وبجربتك ماي
تروي الحرم والايتام
باچر حرب يجسام
.
..............................................................
.
تمت بفضل ربي وعطاء اهل البيت عليهم السلام
لا تنسوني ووالدي من فضل دعائكم المبارك
.
حسن الموالي الفاطمي
٢٠١٨/٧/٢١

القصيدة محرمة على رواديد ال DJ
.

https://tttttt.me/ssgadAl

السلام على القاسم بن الحسن عليهما السلام

يوليدي امك ...فدوه الاسمك ... يبني وياسلوة عيناي
ضحي بدمك ...وانصر عمك.... يا جاسم مذخور لهاي

ربيتك يا جاسم تدري وضميتك برموش العين
يا نبضي ودم بشرياني بس آنه بگلبي نبضين
حبيتك ما غيرك عندي ربيت او ساهرت سنين

زهرة عمري .... وانت التدري... يا جاسم اغله من الروح
بعدك صبري...يبچي لامري.... عن بالي ارسومك متروح

لو راح الوالد يوليدي تبقه الام متعوبة حال
وانت المذخور لدنيايه تسندي لو حملي مال
ما حسبت ابعادك يبني عمرك يا وسفه الماطال

عمرك لحظه .... مثل الومضه....نورك غاب برمشة عين
گلبي ونبضه ...منهو ايعوضه... يا جاسم مبعد لا وين

اتمنيتك يا جاسم يمي لو گربت ايام الشيب
لتظن كل آلامي خلافك تشفه ولا ماظنها اتطيب
سهم بعادك تدري وليدي مايرحم ولگلبي يصيب

سهم فراگك...صاب احبابك...جرحي الينزف من فرگاك
بعد غيابك ... واللي صابك ...صوبني چن سهم عداك

ما انسه رسومك وايامك وما انسه كل تعب رباي
انه امك لاطالت بعدك أيامي شلي ابدنياي
ما اشوفك بس باحلامي يا بعد امك يا سلواي

غصن المايل .. ضامي وذابل...زهره وحرموها من الماي
دمع الهامل ... لجلك سايل.... حفَّر خدي دمع ابچاي

زفوك لساحة ميدانك بصيوانك مشعوله شموع
رديت امخضب لخيامك طفت شمعاتك لدموع
محرومه من فرحة عرسك گلب امك اصبح مفجوع

لدمك ناذر ... انت الناصر... واتضحي لعمك بدماك
لجله تبادر ...تصبح ثائر ... لهالموقف عمك رباك

خطيت بدمك يوليدي بالميدان اروع أمثال
فارس جال بوسط الحومه تتراجف منه الأبطال
عزمك صبرك رنّت سيفك تتعلم منها الاجيال

انت الصامد..اسمك خالد ... ما تنسى حروفه الايام
هذا الواحد ... لجل الواحد ..قربان اتقدم جسام

ش//عمار الراشدي

https://tttttt.me/ssgadAl

القاسم بن الحسن عليهما السلام


يوليدي امك ...فدوه الاسمك ... يبني وياسلوة عيناي
ضحي بدمك ...وانصر عمك.... يا جاسم مذخور لهاي

ربيتك يا جاسم تدري وضميتك برموش العين
يا نبضي ودم بشرياني بس آنه بگلبي نبضين
حبيتك ما غيرك عندي ربيت او ساهرت سنين

زهرة عمري . وانت التدري . يا جاسم اغله من الروح
بعدك صبري...يبچي لامري.... عن بالي ارسومك متروح

لو راح الوالد يوليدي تبقه الام متعوبة حال
وانت المذخور لدنيايه تسندي لو حملي مال
ما حسبت ابعادك يبني عمرك يا وسفه الماطال

عمرك لحظه .... مثل الومضه....نورك غاب برمشة عين
گلبي ونبضه ...منهو ايعوضه... يا جاسم مبعد لا وين

اتمنيتك يا جاسم يمي لو گربت ايام الشيب
لتظن كل آلامي خلافك تشفه ولا ماظنها اتطيب
سهم بعادك تدري وليدي مايرحم ولگلبي يصيب

سهم فراگك...صاب احبابك...جرحي الينزف من فرگاك
بعد غيابك ... واللي صابك ...صوبني چن سهم عداك

ما انسه رسومك وايامك وما انسه كل تعب رباي
انه امك لاطالت بعدك أيامي شلي ابدنياي
ما اشوفك بس باحلامي يا بعد امك يا سلواي

غصن المايل .. ضامي وذابل...زهره وحرموها من الماي
دمع الهامل ... لجلك سايل.... حفَّر خدي دمع ابچاي

زفوك لساحة ميدانك بصيوانك مشعوله شموع
رديت امخضب لخيامك طفت شمعاتك لدموع
محرومه من فرحة عرسك گلب امك اصبح مفجوع

لدمك ناذر ... انت الناصر... واتضحي لعمك بدماك
لجله تبادر ...تصبح ثائر ... لهالموقف عمك رباك

خطيت بدمك يوليدي بالميدان اروع أمثال
فارس جال بوسط الحومه تتراجف منه الأبطال
عزمك صبرك رنّت سيفك تتعلم منها الاجيال

انت الصامد..اسمك خالد ... ما تنسى حروفه الايام
هذا الواحد ... لجل الواحد ..قربان اتقدم جسام


كلمات عمار الراشدي

https://tttttt.me/ssgadAl

في القاسم بن الحسن عليهما السلام

شفتك نايم عالغبـــره
وجهك لو هاي الگمره
غايــب يــا بدر التــام
يوليــدي يـــا جســام

يا جاسم يا عطر الورد يا نفحــة العنبـــر
يلنورك من نــور السلاله الطاهره ازهــــر
ما انسى كل تعبي لتظـن يالـــوِلد اگـــدر
غذيتك مـن عينـي ردتــك يالولــد تكبــر

ردتك وليوم الشده
دمك ولعمك تفــده
غايب يــا بدر التام
يوليدي يــا جسـام

مفجوعه آنه امك يبعـــد امــك ينـــور العيـــن
وبدمك احني اچفوفي واعلگ شمعتك يالزين
زفيتك قربـــان وتضحـــي دمــك الـ هالديـــن
ولــروحــــك ردت ترخصــها لجــــل حسيــــن

قربــان فدوه للزهـــره
مأجور بالدنيا او اُخره
غايب يــا بــدر التـــام
يوليــدي يـــا جســـام

آنه امك يا جاسم رفعت الراس بالحومـــه
عدوانك وابزودك كل فارس گــرب يومـــه
ما همني من بعدك اعيشن يبني محرومــه
اتنومس واتفاخر جاســم ضحـى بدمومــه

جسام للطف ذاخرتـك
لحسين عمك ناذرتــك
غايــب يـا بـدر التـــام
يوليـــدي يـــا جســام

زفيتك يبعد امك فرح عرسك دمى المنحر
ربيتــك كبرتــــك لجـــل هاليـــوم المگــدر
تانيتك يوليـــدي يجــي يــوم الذي تكبـــر
والناتج من تعبي تقدم الــــدم لبــو الاكبــر

اعوام مــرت انتظــرك
لحسين ياجاسم ردتك
غايب يـــا بـــدر التـام
يوليـــدي يـــا جســام

اذرفلك دمع عيني فلا انساك يــا جاسم
سمّـــاك الحســــن يوليــــدي بالــقاســم
ذاخرتك لطفوفك وانت للشــدد حاســم
مــن شفتك متوذر هليت الدمــع ساجم

عطشان طايح بالحومه
آثـــار تعبــك مرسومــه
غايب يـــا بــــدر التـام
يوليـــدي يـــا جســـام

عاينتك بالحومه تصول اعلـه الكفر والشــر
واعرفتك من شفتك شهـم للتضحية تگــدر
وابسيفك وإيمـانــك وفيـــت او بعــد اكــثر
ما وصلوك خليت العدى بسوح الحرب تعثر

وفيت للدين اوليدي
قربان سلمتك بيـدي
غايب يــا بـدر التـام
يوليــدي يـا جســام


كلمات عمـــار الراشــــدي

https://tttttt.me/ssgadAl

في القاسم بن الحسن عليهما السلام


حنَّـــة ايـــدك ـــ يــا جســام
دم وريـــــدك ـــ يــا جســام

سلوة عمري ـ يبني وذخـري ـ جاسـم يـالساكن بالروح
ثمــرة گلبـي ـ امنَـوِّر دربــي ـ بشوفـك تتبلسم لجروح
حان الموعد ـ روح استشهد ـ انصــر عمّـك يبنـي روح
أمــر اتحتـم ـ تــدري وتعلـم ـ بالمطلوب ابكل اوضوح

حنَّـــة ايـــدك ـــ يــا جســام
دم وريـــــدك ـــ يــا جســام

ودِّع أمــــــك ـ بهمــة عزمك ـ واتقدم صوب المـيـدان
ضحي بدمك ـ وانصــر عمك ـ تصبـح قـدوه للشبــــان
حَـل ميعـادك ـ واستشهــادك ـ ينتظرك سيـد الأكـــوان
بهـاي امكلف ـ شيل المُرهَف ـ و ابسيفـك ذل العـدوان

حنَّـــة ايـــدك ـــ يــا جســام
دم وريـــــدك ـــ يــا جســام

مثل الأكبـر ـ صوب العسكر ـ اگصد يا سلـوة عينــاي
مثلــه تـوذر ـ لا تتـــأخــــــر ـ عن ميعادك يا رجـواي
آنه اذخرتك ـ يبنـي وردتـك ـ تنصر عمك يـا وفـــاي
وصيَّة عودك ـ كل اوجودك ـ يا جاسم مذخور لهـاي

حنَّـــة ايـــدك ـــ يــا جســام
دم وريـــــدك ـــ يــا جســام

مـرَّت ساعـه ـ حَــل اوداعـــه ـ تـوذر جاســم بالاشفـار
دمعي الهالي ـ ظـــل يبرالــي ـ من عاينتك عزمي انهار
طَفّو شموعه ـ صِحت ابلوعه ـ لا طـالت بعدك الاعمـار
حالك يصعب ـ دامي امترب ـ لـمصابـك سالـت لعبــار

حنَّـــة ايـــدك ـــ يــا جســام
دم وريـــــدك ـــ يــا جســام

فايض نحره ـ فـوگ الغبــره ـ ما رحموا حالـه الظلام
حسين اتعنه ـ شافه امحنـه ـ بـدمومه ومطبور الهام
شاله وسَــدَّر ـ صوب الأكبر ـ خـــلا و ابـگلبـــه الآلام
وآنــه انظرته ـ مــا ميـزتـــه ـ معقوله الطايح جسـام

حنَّـــة ايـــدك ـــ يــا جســام
دم وريـــــدك ـــ يــا جســام

نورك غايب ـ وگلبي ذايب ـ يوليـدي ابلوعـة فرگــاك
يبني اموَدَّع ـ بسيل المدمع ـ ياضي عينـي الله اوياك
دم اوريــدك ـ هــذا البيــدك ـ رفعه ابين الناس انطاك
خالد اسمـك ـ انـتَ وعمـــك ـ والهادي و حيدر يتنـاك

حنَّـــة ايـــدك ـــ يــا جســام
دم وريـــــدك ـــ يــا جســام


كلمات عمار الراشدي

https://tttttt.me/ssgadAl

ليلة القاسم س
.
.
.
.


الگلب يـا يُـمّه نـاده .. حــلــو ثـــوب الشـهـاده .. عـليك عـليك
إذا ردْت الـسـعــاده .. فـرض تـرضـه القـيـاده .. عـليك عـليك
يـجـسّــام يَــيُـمّـه .. إلك يـحـله العـرس
يـجـسّــام يَــيُـمّـه .. إذا تـفـدي الـنـفـس
-----------------------------------

احسين ظلّ بلا نصير ويـمّي لا ماعـوفـك
راح ازفـّـك للمعاره وكُــون عيني اتشوفك
ما أريـدك تجي سـالم ماكـو دم بچفـوفـك
باچـر اگبال الزچـيّه اتـنـومـس ابمعـروفك

الحسن أكّد عليّه .. أوصّيك ابوصيّه ..
تعـال تعـال
ترك سيفه هـديّه .. إلـك للغـاضـريّه ..
تعـال تعـال
يـجـسّــام يَــيُـمّـه .. تــره أعـظـم درس
يـجـسّــام يَــيُـمّـه .. إلك يـحـله العـرس

-----------------------------------

احسين يـبـني مرجعـيـتك يعـني عـندك نخوه
أدري مـا تـحـتـاج فـتـوه انـــته أصــلاً فــتـوه
سوِّي عَلوه امـن الـــتراب واصعـد اعله العلوه
بعـينه حـتّه اتطـول يـبـني ويقـبل ابهـالدعـوه

إذا گــلـّـك بـعـيــده .. يـجـاسـم قــبِّـل ايـــده .. ارتجيه ارتجيه
يعمّي الـموت اريده .. اجيـت ابـهـالـعـقـيده .. ارتجيه ارتجيه
يـجـسّــام يَــيُـمّـه .. تــره عــمّـك يحس
يـجـسّــام يَــيُـمّـه .. إلك يـحـله العـرس

-----------------------------------

گلبي الك هالمرّه افِـتْحه وبعـد لا مايـنـفـتـح
وما اگــلّك بـعـد يُـمّه والـلـه لــو مـا تـنـذبـح
لو رحت لا تجي يـبـني بـيك لـــو مـيّة جـرح
ما اريـد آنـه اشـوفـك إلا راس اعـلــه الرمح

أزفـّـك بـالـمــدامـع .. والـك عـشـر الأصـابع .. شُـموع شُـموع
اعـرفـك انته واگع .. ابجـبـيـنـك نور ساطع .. شُـموع شُـموع
يـجـسّــام يَــيُـمّـه .. واظـل اذكـر أمِـس
يـجـسّــام يَــيُـمّـه .. إلك يـحـله العـرس

-----------------------------------

ترضه عمّك يبقه وحده وتستمع صيحــاته
وعسكر اجــيوش آل اميّه رفـــرُفت راياته
هـذا سيف الحسن يبني وگوم شِن حملاته
وخـلـّـي عسكـرهم يـطـهـطه يمّـك ابهاماته

أعـرفـك راعـي غـيره .. مثـل بدر العـشيره .. أصيـل أصيـل
تره اليرخُص مـصيره .. لبــو الـيـمّه أمـيـره .. أصيـل أصيـل
يـجـسّــام يَــيُـمّـه .. وابـد لا تــنـتـكـس
يـجـسّــام يَــيُـمّـه .. إلك يـحـله العـرس

-----------------------------------

هالعـرس للـشـاب عـيد وراح تــترك عـيـدك
عفـيه يا جـسّـام يـبـني يُـمّـه عاشـت إيـدك
تـره كلشي مايـفـيد احـسين بسّ ايـفـيـدك
تـرتـفـع مـنـزلـة قـدرك مـن تِـقـَـدْم اوريدك

الوفه ايجمّل صفاتك .. واذا ترخص حياتك .. تـفـوز تـفـوز
چبـــيره تضــحياتك .. يجــاسم وبمــماتــك .. تـفـوز تـفـوز
يـجـسّـام يَـيُـمّـه .. تـظَل مثـل الشمس
يـجـسّــام يَــيُـمّـه .. إلك يـحـله العـرس
-----------------------------------

حسين وحده وجـيش اميّه اتلاطُمت أمواجه
العدها مثلك خـل ترِخْصه الوطن من يحتاجه
خل تهــلهل من تشوف الدم جره امن اوداجه
الـديـن الـك محـتـاج يُـمّـه وبْـأَمَـسّ الحـاجـه

أشجعك لكن اعلم .. الگـلـب يُـمّـه تهـدّم .. وراك وراك
أنه ابــاب المُخَـيّم .. أسَـوّي اعليك مأتم .. وراك وراك
يـجــسّـام يَــيُـمّـه .. أون والوَن هـمِـس
يـجـسّــام يَــيُـمّـه .. إلك يـحـله العـرس
-----------------------------------
تمّت والحمد لله في ١٩/٨/٢٠١٦م
حيدر تركي الكربلائي

https://tttttt.me/ssgadAl

مقدمة
ليلة القاسم س
.
.
.


طفه ابعيني الشمع // وترس خدي الدمع
يجسام ييمه
____

يشاعل راسي شيب .. اسألك يمـه هم حسيت بيــه
يالــّموتـنــي شــوگ .. انا يــمك صرت جــثه رميـه

بـلا روح / رملــه يالــولـد يـــمـك
بـلا روح / يبنــي اتحنـت بدمــك
بـلا روح / تشــهگ لـَمــن اتـشمك
بـلا روح / بس الله اليـحس بمـك

انكـسر مـني ظلـع // وترس خدي الدمع
يجسام ييمه

____

يتـارسنـــي نــهــار .. يمن نور الله وجهك ناظري يشوف
صفه ابعيني ضلام .. يالطفوا ضـواك ابضرب السيــوف

تمنيت / سيـف ايـهـدم اصروحي
تمنيت / ومثل اجروحك اجروحي
تمنيت / اي والله يــــمــذبـــوحــي
تـمنيت /تبــدل روحك ابـروحـي

دليــلي منگـــطـع // وتـرس خـدي الـدمع
يجسام ييمه

_

احترگت ابلايه نــار .. أحس چن بيه وجت يبني الِخيام
طحت يمك وصيح .. منـــو ايطــفينــي يايــمـه يـجسام

جمرتك / اليسولف بيها من ظيمه
جمرتك / أشــد مـن جمرة الخيمه
جمرتك / شهــر لــو تمطر الغيمــه
جمرتك / لا مــتطـــفـه بالــهيــمه

أنكتب كون أنفجع // وترس خدي الدمع
يجسام ييمه



يعريــس الــتراب .. فدوه أگعدلي يبني أرد احاچيك
أنذبح منـحر اديك .. يجاسم گلي يمــه شلون أحنيك

بـالـتراب / النـايـــم حنتـه كلفـــه
بـالــتراب / صعبــه لـو نـزف چفه
بـالـتراب / الـمثلك شمعتـه تطفـه
بـالـتراب / رملـــه الــيوم تتوفـــه

صـعب هذا الوضع // وترس خدي الدمع
يجسام ييمه


_

يمن عطرك هواي .. الهــوه المابــيه عطرك ما أشمه
أمــوت أنـــه وراك .. بـــاچــر ويــن أشـتمــك ييمــه

اذا روح / بــاچـــر انـــي عالنــاگـه
أذا اروح / ودمعتي ابخدي حراگه
اذا اروح / گـلــي ويـــن نـــتـلاگــه
أذا روح / بــمــك تـدري مـشــتاگه

البچي بيـه طـبع // وترس خدي الدمع
يجسام ييمه

_

يلمخلــي الدموع .. على فگدك ييمه ابخدي أمواج
أسـالك هــم تعود .. الك تدريني يمـه اهواي أحتاج

يجسام / امن أمشي باچـر ايسيره
يجســام / ابقـــه بالسبــي ابـحيره
يجسام / اطـلـع ديــره أطـب ديره
يجسام / وماتـرضـه يـبـو الغـيـره

السـبي ما ينـجـرع // وترس خدي الدمع
يجسام ييمه
____
تمت والحمد لله
حيدر تركي الكربلائي

https://tttttt.me/ssgadAl

قصيدة
ليلة القاسم
.
.
.

جاسم .. ياحلم الشباب اعله التراب مغمض العيون
جاسم .. ربـَعـك يا أملهـم شـَرد اگـلهـم مـن يسـئلون
اتحاچيني تمنيت
يالـبالـدم تحنـيت
يمه ييمه

_________

فـوگ الگاع نايـم .. معـقــوله يجـاسم؟
صــدگ يايــمــه مــتــوســد عــالـتــراب
ربعــك تدري بـيهم .. العرسك عازميهم
شگلـهـم يـمــه لــو وگــفــو علــى الـباب
مـن ايـنـاشـدوني .. خـاف ايـعاتــبــوني
وتـــدري بــرمـلــه ماتــتـحـــمل اعــتاب
جفنك يبني افتحه .. ودم چفك امسحه
خــاف اصــحابك ايــشوفون الخــضاب

جاسم .. بعرسك عاهـدتهم واعـدتهم الهـم اتعود
جاسم .. لو گالولي وينه خل يجينه وانته مفگود
شحچي وانته ماجيت
يـــالـبـــالـدم تحـنـــيت
يمه ييمه

_________

أحچـي اوياك يبني .. نـومـك مـاعـجـبني
گــوم البـــس ييـــمــه اثـــيـــاب عـــرسك
الرمل مو چوه خدك .. وانـته ازغير بعدك
مــامــرتــاح مـــن هـــالــنـومـــه احـــسك
على صدرك اشاهد .. حافـر خـيل صـاعد
حـــافـــر خيـــلـهـــم وســــفه يلـــمــــسك
يســلطان الــترافـــه .. عالغـبره وسـافـــه
الـــورد مــوچـــان يالغـــالـــي يــقـــدسك

جاسم .. ياوردة حياتي وامنياتي ذابل اشبيك
جاسم .. عطرك ما اشمه هاييمـه مـن احاچيك
ابموتك چني حسيت
يالـبــالـدم تحـــنــيت
يمه ييمه

_________

بــس انظــر عــلـيه .. وشوف اشــصار بـيه
ذبـــل عـــودي عـلـــى جــسمـــك يجـــسام
من شميت نحرك .. اجت ايدي اعله كسرك
يـــمــكــن هــيـــجـــت بـــيـــك انـــي الألام
اظــن يــبني لچمـتك .. لـَمـن بـيدي لـزمتك
ابصدرك چــيــه احــس متكــسـره الســهام
اجــر اعليك حسره .. صدرك بــيـش اجـبره
وعـــرســـك مـــابـــقـــالـــه يـــمــــه أيـــــام

جاسم .. ماتقبــل حــزينــه للمــدينه امــك اتروح
جاسم .. حاچيني ابمصابك يالغيابك ياخذ الروح
من السكته مليت
يالـبالـدم تحنـيت
ييمه ييمه

_________

كلـــمـا گـــول اسمـــك .. بيـــه ايــزيد هـــمك
اشـــــب اوالـــگــــه روحــــي يــمـــك ارمـــاد
اذب روح اعله جسمك .. حتى ابحضني اَلمك
لــيـــش انصـــير يـــمــــه اثـــنـــيـــنه ابــعـــاد
يامــن چــنت عـــيدي .. احــني ابــدمك ايدي
مـــــن دمـــــك اريــــــدن اخـــــــذ امـــــــــراد
اذا هـــاي البــــدايـــــه .. يعـــريـــس المـــنايه
الــيـــه اچــــم گـــلـــب بــعـــديـــن يــــنــــراد

جاسم .. عمري شلون اخلصه وانته غصه بيه يضناي
جاسم .. گلبي أخذه بيدك بــس اريدك ترجــع اويـاي
يمك يامـه ناديت
يالـبالـدم تحنـيت
ييمه ييمه

_________

الوسـعه ماتلمـني .. يــاجــســـام يــبـني
امنــشــوفن منـحــرك يايــمــه مگــطوع
انه ابجيثوم چني .. وجـيثومك خنگـني
كــل مـاريــد افــز تــمــنـعنـي الــدمــوع
يــوليدي الــمأسي .. طاحـت على راسي
مـتــعــمده يـــيمــه اتطــفــي الشـــمـوع
شمــعاتك ظـــواها .. تموت امــك بـلاها
بــعــد عيـــنـــاك لامتـــطـــول اســبـــوع

جاسم .. يالماخــذ امــاني راح اعـاني انــه للدوم
جاسم .. گلبي ناره كبره من يصبره يبني هاليوم
بيك انــه تنخـيت
يالـبالـدم تحنـيت
ييمه ييمه

_________

يالــعرســك منــيه .. ادمــوعــي الواهــليه
اطـــش دمعــاتي فوگـــك ياضــوه العــين
يــعريس النــوايح .. زفــتك ليــش صايح
نــــايــم عـــالـتـــرب ومـــسبـــل الايــدين
شطت والله السترني .. لان عمك حظرني
الفــضــل لله يــيــمـــه وعـــمــك حســـين
صَبـــرني بالاكبـــر .. مثلـــك چيــه امـوذز
يالـــشــــبان مــــيلـــوگ الـــكـــم الـــبـــين

جاسم .. يالماخذ دليلي ياخليلي شلون اخليك
جاسم .. من امشي سبيه بالوطيه من يواريك
فوگ الغبره ظليت
يالـبالـدم تحـنـيت
ييمه ييمه
_________
تمت والحمد لله في ٨ / ٩ / ٢٠١٧
حيدر تركي الكربلائي

https://tttttt.me/ssgadAl

قصيدة ليلة القاسم س
.
.
.



يايمه مو مشكله .. جرحي ابكبر كربله
بس كونك اگبالي / يالغالي يالغالي يجسام
مـو مشكله حـالي / يالغالي يالغالي يجسام
جرحي ابكبر كربله

--------------------------

شمسك رايده اتغورب .. عد ياهو التخليني
وانه ابلا هوه انفاسك .. اذبل يمه تدريـــني
الماسـولفته بـــلساني ..بديتــه ابدمع عيني
مخــتنگه يبـعد امــك .. مدري شنهو ياذيني

احس چنـه جـرح ياجاسم ابصدري
يمكـن طاح گــــلبي وانــه مــا ادري

اعليه ابكثر مابچت .. الخيمه اعله متني انتچت
اسمـعها تنــعالي / يالغالي يالغالي يجسام
مو مشكله حالي / يالغالي يالغالي يجسام
جرحي ابكبر كربله

--------------------------

يبعد البيهن ارسومك .. يمن اتـفس ابعطـره
الموت البينك وبينه .. اقل يوليدي من شعره
يالمخلي امك بحيره..ذهيله وشابچه العشره
حظني اشبي ومتريده ..وتريد اتنام عالغبره

يايمـه شجــاك اورايــد اتـــهاجر
چنه اشتاگ صدرك دوسة الحاف

امــك بلايه وعــي .. فوگ الشمع تندعي
مــوتي تــراوالي / يالغالي يالغالي يجسام
مو مشكله حالي / يالغالي يالغالي يجسام
جرحي ابكبر كربله

--------------------------

تـذكر يالبديك الـروح .. وشـمحـلاتنه چـنه
يالمـعـدل يالمرتـب .. يالمــايــنــشــبع مـنه
اريد ابچيلك ابگدي..عيوني اثنين بس هنه
من شافتني اتحسر .. عجنت روحه الحـنه

بالصـينه شـفـته مـنـذبح ياسك
وبي شيصير لمن ينگطع راسك

طشت عليك السمه .. مــو واهــليه دمـه
بسمك حچه اخيالي /يالغالي يالغالي يجسام
مــو مشكـله حــالي/ يالغالي يالغالي يجسام
جرحي ابكبر كربله

--------------------------

شلهه النــاس وي رمله..شو تسألني عالزفه
الناس بكفه ياجـسام .. وانـته وحدك بكفه
العرس كلتلهم اتأجل .. ابـــني يريد يتوفه
ومــن سمعتني شمعاتك..حلفت اله تـتطف

شمعاتك طفت بس طفت اعيوني
عمـــيت وباچـر الـوادم يگــودوني

عويناتي من الدمع .. لوهاجرت تنشلع
عميه ابقه للتالي / يالغالي يالغالي يجسام
مو مشكله حالي / يالغالي يالغالي يجسام
جرحي ابكبر كربله

--------------------------

يمــه انچــانك رايح .. يلي ناوي عالروحه
احلفك بالرضعتك بيه.. تقبل ابقه مذبوحه
المثلي كون ملك الموت..هسه يفلح بروحه
ولا جسمك اشوفنه..تنزف عالثره اجروحه

راســك عالــرمح لمــن يـشيلونه
نعش امك يجاسم هم يشيعونه


تابوتي ناگه وحبل .. باچر لمن ارتحل
لو انـته تـبقـالي / يالغالي يالغالي يجسام
مو مشكله حالي / يالغالي يالغالي يجسام
جرحي بكبر كربله
&&&&&&&&&&&&&&&
لخادمكم حيدر تركي الكربلائي

https://tttttt.me/ssgadAl

نزلة ليلة القاسم س
.
.
.


عوفه
عرسك يجاسم يالـولد عوفه
وعمك وحيد بـــكربله شوفه

-------------------------

گوم عفيه ابني التعدل الميله
گــوم لا ارفــع عليــك الـشيله
عـمك انتــه الچـان ما تفزعله
منــك انــه اتــبره مــن هاليله

اسيوفه
والجيش هذه كسر سيوفه
عمك وحيد بـــكربله شوفه

-------------------------

هــا يالمــعـــدل يـأبــن امعدل
خـلي سيـفك بالـرگب يـتـغزل
يبني هالسبعين الف تـعدادهه
هسـه يـم رجلك تجي تتوسل

اظروفه
بالك الجيش اتقدر اظروفه
وعمك وحيد بــكربله شوفه

-------------------------

اخــزر الحـومـه خـزر بعيــونك
وادري هــذه الجــمع ميـهمونك
انته ابـوك الحـسن نزل روسهم
وجيـش وحـدك لام ايحسبونك

اچفوفه
جيش ال اميه رَجـف اچفوفه
وعمـك وحــيد بــكربله شوفه

--------------------------

جيشــهم مــنك اريــده ايعاني
وگلهم ابن الحسن جاسـم اني
الراد منهم يوصل الحــد عمك
لا تخـلي لهــله يــرجــع ثــاني

احروفه
خليه ينـسه اسمه واحروفه
وعمك وحيد بـــكربله شوفه

-------------------------

الحومه كلهـه هاي وشما بيهه
كون محبــس بيــدك اتخليهه
تــره عمــك يالــولد يســتاهل
الماتــصير بـكربلـه ســـويــهه

اطفوفه
غرگها يبني امن الدمه اطفوفه
وعمــك وحــيد بكربلــه تـشوفه

--------------------------

جيوشهم الـعب لعــب بأعصابها
گلــوبهـم خـليني اشــم عطـابها
اجيوش اميه التارسه هالحومه
يبــني خــليـها تعــيد احــسابها

اصفوفه
هالجيش يبني فرق اصفوف
وعـمك وحيد بـــكربله شوفه

-------------------------

مـن تطب عالجيش فرق ناسه
وخلي عمـك بيـك يــرفع راسه
چنــك العـباس اريـــدك يبــني
خـلي كـل جندي يحـير براسه

طوفه
والجمع هذه بصارمك طوفه
وعمك وحـيد بـــكربله شوفه
&&&&&&&&&&&&&
لخادمكم حيدر تركي الكربلائي

https://tttttt.me/ssgadAl

مقدمة ليلة القاسم س
.
.
.

ماي اعيوني وَشل .. وانه اعليك اسأل
وينك يالمدلل
يجسام وينك

---------------------

يبنـي من الهــوه امك عليك اتخاف
يالمابيـك لـولــه وكــامل الاوصاف
ابچــي والبـچي يـايــمـه مو بنصاف
لحـد يـهــالـوادم ابـنـي محــد شاف

محد يحچي يقبل .. وانه عليك اسأل
وينك يالمدلل
يجـسام وينك

---------------------

ادور حـايره وبـراسـي ماضــل راي
امشي امدوهنه واتعثر بممــشاي
اون علــيك والخيمــــه تون وياي
ياجــسام بعويــــناتي ماضــل ماي

تراب الطف تبلل .. وانه عليك اسأل
وينك يالمدلل
يجـسام وينك

---------------------

الأم الــفاگده يولــــيدي مــا تنلام
اهمومي اعليك احسها واصله للهام
ليـش اتـاخـــرت يايمــه ياجـــسام
بــس لا عاجبـك فـوگ التـراب اتنام

ردلي انچان تندل .. وانه عليك اسأل
وينك يالمدلل
يجـسام وينك

---------------------

انبح صوتي ييمه وعندي ماضل صوت
ومـن اتاخرت مـر بيه ملك الــــموت
جاسم صحت وينك جــيبلي التابوت
راحت روح امـك چـيه تـون بسـكوت

دمع عيني توَسل .. وانه عليك اسأل
وينك يلمدلل
يجسام وينك

---------------------

يبني اتاخرت ودمـوعي چـنهن سيل
وگلبي يطيح كلسا من صـهيل الخيل
بس لا طايح انته وبيـك ماضل حيل
گلي شلون بمـك من يجيــها الليل

تدري بيه انذل .. وانه عليك اسأل
وينك يلمدلل
يجسام وينك

---------------------

يالمبعـــــد عليه شـلون بيـه شلون
عليك اسال الوادم يمـه ويسكتون
من ابعيد ليش اعله امك اياشرون
هاي ام الشــهيد اسمعــهم يگولون

ولـن لـوني تـبدل .. وانه عليك اسأل
وينك يلمدلل
يجسام وينك
&&&&&&&&&%%%%%&
لخادمكم حيدر تركي الكربلائي

https://tttttt.me/ssgadAl

محرم الحرام / ١٤٣٩ هجرية
الليلة الثامنة
ليلة ( القاسم بن الحسن عليه السلام )

مقدمة العزاء

ردتك يغالي العازتي جسام يا ضي عيني
عيوني عمن ...
يبن الحسن ...
جسام يا ضي عيني
…………………………………………………………………………
نذرت سنيني الك يوليدي ربيتك
وبوسط الگلب يا يمه خليتك
تجازيني مثل ما آني جازيتك ؟
تدري الكربله يعيوني ظميتك

ناذرتك العمّك نذر وبكربله توفيني
بغربة وطن ...
يبن الحسن ...
جسام يا ضي عيني
…………………………………………………………………………
عكس الأُمهات بيوم تتجازه
دمك للحسين يوفّي كل عازه
يمن حبك الگلبي والنفس حازه
تجي روحك إلي وتشيل الجنازه

لو خلص عمري يالولد برويحتك تلفيني
لو ليلي جن ...
يبن الحسن ...
جسام يا ضي عيني
…………………………………………………………………………
يبني بكربله بدماك تتحنّه
جابوك وثگيله بمهجتي الونّه
بالگوّه اعله جسمك يبني أتدنّه
رگد حيلي وردت كل عمري أودعنّه

شمّيتك وشفت الدمع ياسلوتي يچويني
دلّالي حَن ...
يبن الحسن ...
جسام يا ضي عيني
…………………………………………………………………………
وصيّه امن الحسن موتك اليفجعني
أنذرك للسيوف إلّي تگطّعني
كفو منك ييمه اوليدي تسمعني ؟
يرفعة راسي أودعك هم تودعني ؟

تسمعني ريتك ياشهم يا جاسم تباريني
تشوف البچن ...
يبن الحسن ...
جسام يا ضي عيني
…………………………………………………………………………
أعوفك مو بديّه الشام تتنطر
أعوفك وانسبي وبعمري أتكدّر
يجسام ودليلي مثلك إتوذر
عرسك صار نوح وفرحتك منحر

حنيت چفّك بالدمه ودموعي التواسيني
ون اعله ون ...
يبن الحسن ...
جسام يا ضي عيني
…………………………………………………………………………
حقهه الوالده اعله الولد تتألم
وآني بگلبي تسعر نار المخيّم
صيوانك أذكره ودمعتي من دم
إذا مو بيك بيمن يالولد أحلم

انته بمنامي ويقظتي ياظنوتي اتحاچيني
ويّا الضعن ...
يبن الحسن ...
جسام يا ضي عيني
…………………………………………………………………………

خادم الحسين عليه السلام
عمار هليل الواسطي
محرم الحرام / ١٤٣٩ هجرية

https://tttttt.me/ssgadAl

محرم الحرام / ١٤٣٩ هجرية
الليلة الثامنة
ليلة ( القاسم بن الحسن عليه السلام )

القصيدة الرئيسية

تهدّم حيلي الأيام .. على امصابك يجسام
جره دمعي ...
طفه شمعي .. على امصابك يجسام
……………………………………………………………………………
بروحي خليتك ييمه ياضوه العين
اشتد حنيني وما تجيني
بيش اكابر لو عفتني أتجه وين ؟
بهذا حزني وبأنيني
حضّرت حنه الفرحتك لكن البين
ناوي يفجع كل سنيني
فدوه ناذرتك يغالي العمك حسين
ادري بعدك تعمه عيني

يجي عاشر محرم .. خضيب وحنتك دم
صعب وضعي ...
طفه شمعي .. على امصابك يجسام
……………………………………………………………………………
والده وتدريني اتاني العمر كله
اليوم عرسك هالأماني
هالمسه دمعي المصابك دم أهلّه
لو رحت إلمن أتاني ؟
بقلبي نار الحزن تسعر بيه علّه
يا ترف دهري جفاني
يوم عاشر وسط روحي هموم خلّه
چم عزيز الفارگاني

عرس أصبح منيه.. رحت يبني امن اديه
أظل أنعي ...
طفه شمعي .. على امصابك يجسام
……………………………………………………………………………
يبني يا جسام اتاني وادري راحل
ما يخلّص هذا حزني
وين الأكبر وين عمّك أبو فاضل
تعب قلبي وزاد ونّي
وين ذيچ انصارنه وذيچ البواسل
آه من دهري الفجعني
يبني صوب الشام سبي بلا محامل
أنسبي ومگطوع ظني

أروح آني سبيه .. أنوح بكل مسيه
بدمعتي أدعي ...
طفه شمعي .. على امصابك يجسام
……………………………………………………………………………
اني ذاخرتك يغالي العاشر النوح
بكربلاءك هالمنيّه
ما ترد والموت حاسم لمّن اتروح
يا حبيبي اشيبقه اليه
خيمتك صارت رماد وذابت الروح
من مصاب الغاضريه
گلبي ما ظل بي مكان هواي الجروح
والمنايا گصت بيه

يعريس الشهاده .. الأجل حصّل مراده
انحنى ضلعي ...
طفه شمعي .. على امصابك يجسام
……………………………………………………………………………
يا شباب الطف فجيعه گلبي ذايب
آه يبني وينك إنته
تالي متوذر أعوفك عالترايب
يجري دمعي من تركته
نورك التارس الدنيه هسه غايب
يا هضيمه بگد حسرته
ما رحم قلبي أبد دهر المصايب
يوم عاشر گوّه عشته

فلا تنشف دمعتي .. تعذبني حسرتي
الحزن طبعي ...
طفه شمعي .. على امصابك يجسام
……………………………………………………………………………
يبني رايح بالسلامه للمنيه
والمواجع كلهه ذكره
آه يا طف الحزن بالغاضريه
روحي ذابت حسره حسره
والمدامع فوگ خدي بكل مسيه
دمعه دمعه وچنهه جمره
رايح وما ترجع بفد يوم إليه
يذوب گلبي العاف عمره

هِضَم گلبي مصابك..بقت روحي بغيابك
بحزن تسعي ...
طفه شمعي .. على امصابك يجسام
……………………………………………………………………………

خادم الحسين عليه السلام
عمار هليل الواسطي
محرم الحرام / ١٤٣٩ هجرية

https://tttttt.me/ssgadAl

محرم الحرام / ١٤٣٩ هجرية
الليلة الثامنة
ليلة ( القاسم بن الحسن عليه السلام )

قصيدة النزلة

گلبي إنفجع يا جسام
وينك يافتشت عيني
………………………………………………………………………………
ربيتك وردتك تعوضلي ارباي
وينك يسبّاح القلب يا رجواي
متوذر ومحروم من شرب الماي
خليني اسولف وياك
قبل السبي خليني
………………………………………………………………………………
يبني الوصيه امن الحسن يوم الطف
وي عمك تباصر اليوم وتصطف
ما تبخل بعمرك ودم المنزف
يوليدي ابوك بهاليوم من زغرك اموصيني
………………………………………………………………………………
نيران شبت بالگلب والصيوان
طفّوا شمعتك والعرس صار أحزان
متحنّي بالدم مرمي فوگ التربان
واموجّره بيه النار صبح ومسه تچويني
………………………………………………………………………………
بالحومه يا نبض الگلب تتوذر
والنار بعدك بالخيم تتوجر
آنه امك وبعدك يعيني أتيسر
من كربله لگاع الشام شمر الخنا يسبيني
………………………………………………………………………………
حسره اعله حسره الروح عاشت چم هم
معذوره بفراگك تون تتألم
بكل جرح منك دمعي ينزفلك دم
بس الدمع بس الآه بغيابك يسليني
………………………………………………………………………………
يا يمه ودعتك بگلبي المتعوب
روحي بغيابك ياضوه عيوني اتذوب
شفت آنه المگدّر عليّ والمكتوب
ثكلى ويريتك بالطيف يبني تجي تحاچيني
………………………………………………………………………………
مر الصبر بعدك جرعته بنوحي
هيهات ما تبره يغالي اجروحي
لو ردت روحي هاك اخذهه روحي
روحي بمصابك تنعاك يوليدي وتواسيني
………………………………………………………………………………

خادم الحسين عليه السلام
عمار هليل الواسطي
محرم الحرام / ١٤٣٩ هجرية

https://tttttt.me/ssgadAl

منهاج محرم الحرام ١٤٤٠ هجري

ليلة سيدي ومولاي القاسم بن الحسن عليه السلام

قصيدة (( نزلة ))

طفّينه الشمع ... حضّرنه الدمع

بعرسك ننفجع ... يجسّام

………………………………………………………………………………

يبني يا زينة شباب الغاضريه

بيوم عرسك يالولد رحت امن اديه

هالوصيه امن الحسن شوف الوصيه

شلون ينجمعن سوه عرس ومنيّه

دمك حنّتك ... سيوف الوذرتك

مني أخذتك ... يجسّام

………………………………………………………………………………

ساهرت لجلك ليالي يا ضوه العين

وين بعد الگاك يبني لو رحت وين

ثكله والأحزان زادت من گصه البين

وانه ناذرتك يغالي العمّك حسين

منّك والنعم ... يربات الزلم

حيلي ينهدم ... يجسّام

………………………………………………………………………………

يبني صيوانك أشوفه ظل يتانيك

وحشه بفراگك وأنوح بدمعي أوافيك

إنته هم تسمعني هسه من أحاچيك ؟؟

ذاب گلبي وروحي راحت بيش أحنّيك

متحنّي ابدِمَه ... يوم الموزمه

فدوه الفاطمه ... يجسّام

………………………………………………………………………………

ما خمد جمر المصيبه وگلبي مجروح

مثلي يا أم ، عرس ابنهه وتبچي وتنوح

مثل طيف وما يتاني ولازم يروح

يا بعد عمري أشوفك يبني مذبوح

ما ظل كل أمل ... من شخصك رحل

يا بعد الأهل ... يجسّام

………………………………………………………………………………

ليلي وحشه وبغيابك أبقه وحدي

مو مدامع بل خناجر فوگ خدّي

أصفن ونيراني بيّه وذاب چبدي

من تمرني ذكرياتك نوحي يبدي

يالخذت الگلب ... هجرانك صعب

وبديرة غرب ... يجسّام

………………………………………………………………………………

زينب اتواسيني وتهل المدامع

يوم عاشر ما گظت يبني المواجع

گلبي للميدان يبني اوياك طالع

ما گلتلي راح أروح ومانه راجع

كم شاب إنصرع ... كم گلب إنفجع

كل ظني إنگطع ... يجسّام

………………………………………………………………………………

يبني نفذت الوصيه وتعب حيلي

عمري ما يسوه ونهاري مثل ليلي

لا ولا يخلص يبعد أمك عويلي

وبرحيلك ريت لو صاير رحيلي

عرسك فجعتك ... تطفه شمعتك

دموعي الودعتك ... يجسّام

………………………………………………………………………………

خادم الإمام الحسين عليه السلام

عمار هليل الواسطي

محرم الحرام ١٤٤٠ هجري

https://tttttt.me/ssgadAl

اتحزم ابهمة شمس...
وﻻبس اثياب العرس...
القاسم اوصوته اعتله
أله ارچف كربله
///////////////////////////////////////
دنگت يمه المراجل من نزل ﻻبس أمل...
السيف بيمينه ويردد علي ياخير العمل...
اليوم اذكرهم ابزودك .لله زودك لوزعل...
اليوم اكرم وانه ابوي الكرم يم چفه انذهل...
^^^النارعاشت بالحطب^^^
^^^وسيفي يكرم بالرگب^^^
القاسم اوصوته اعتله
أله ارچف كربله
///////////////////////////////////////
الحومه مالت من دخلهه ودمعة عين الزلم...
گام عشره ابعشره يطبﮔ مثل ابوفاضل شهم...
صار قطب الحرب بيده الحومه صاحت والنعم...
على صدر الحومه سيفه خط أسم ينگط أسم...
^^^الحسن حاضر بالطفوف^^^
^^^الدنيه عميه وماتشوف^^^
القاسم أوصوته أعتله
أله أرچف كربله
////////////////////////////////////////
أخذ دوره العطش عطش گلبه بس سد الدرب...
الگاع رچفت چوه جدمه ويبس ميدان الحرب...
المايلوحه الخزره تكفي بخزره وحده ينصلب...
راهن الموت ابيمينه أمﻻگه ﻻ ماينغلب...
^^^يمنته اتسولف شطر^^^
^^^عاشگه وتهوه النصر^^^
القاسم اوصوته اعتله
أله ارچف كربله
////////////////////////////////////////
سمع صوت امنالبقيع امحزم ابنبرة ظعن...
صوت بيه كل حرف حسره يحرڰ اظنون الزمن...
خلي سيفك رايه حمره وذبح افكار الوثن...
وانه ابوك اوياك گلبي علي اوياك ابن الحسن...
^^^أطبع ابظلهم رمح^^^
^^^وأكتب اسمك عالصبح^^^
القاسم اوصوته أعتله
أله أرچف كربله
////////////////////////////////////////
كتب أسمه وخله رمحه أيفزز احﻻم الدهر...
وخله حتى الحمزه يفرح ميت اوعاش ابفخر...
بزوده ظرباته يشطرن بالهوه خلن أثر...
السلم منه ايموت سكته الخوفه صارتله قدر...
^^^وعگد نسمات الهوه^^^
^^^وغمض اعيون الضوه^^^
القاسم اوصوته أعتله
أله أرچف كربله
/////////////////////////////////////////
خادم أهل البيت..ع..
أبوحسين السرگودي...

.
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
https://tttttt.me/ssgadAl
________
لمن يجد صعوبة بالحن اطلبه من
@moatmed1

#قصيدة ذكريات لمولاي الامام القاسم.. ع..
☆☆☆☆☆☆☆☆☆☆☆
من نطب الخيمگه انشم الحياة**
ابخيمة القاسم تهزنه الذكريات**
نلگه حنه اوياس..........
..........ودمعه كلهه احساس
ابچف عمود الخيمه محترگه الصفات**
☆☆☆☆☆☆☆☆☆☆☆
نحني ثوب الخيمه بدموع اونحيب
وصوت ﻻگه أدموعنه ابنبرة صليب
رمله شمس النوح مامرهه المغيب
الفرح يم اجروحه ايدمع مشيب
… حتى عيسى اينوح...
… ثوبه كله اجروح…
وعنده حسره اتعطش اجروف الفرات
ابچف عمود الخيمه محترگه الصفات
☆☆☆☆☆☆☆☆☆☆☆
شفنه موقف وبحضن جدمه مضيف
بظهر گاع الخيمگه ايعيش الشريف
من غبار الطار منهه اچم رصيف
شال ناس اچفوفهه ابعازة رغيف
… الكرم چان اچفوف...
… بالوصيه ايطوف…
الكرم عمره ايعيش مايعرف ممات
ابچف عمود الخيمه محترگه الصفات
☆☆☆☆☆☆☆☆☆☆☆
الحسن كف ردن الوصيه البيهه صيت
وبيهه ﻻحچ كربله وشيدله بيت
عزب ابسيفه وصحن حط بي وفيت
الكرم ويه السيف بيهن من حچيت
… عالحچو ماثار...
… انه ارد بصرار…
والوصيه. اتعيش. بفكار اﻻبات
ابچف عمود الخيمه محترگه الصفات
☆☆☆☆☆☆☆☆☆☆☆
حسين ثوره ومهدة بيهه ابسﻻم
ردة اخلي اگلوبهم عش للحمام
جاوبوني ابسهم ساريته الضﻻم
وعشت حرگ الباب وچفوف الخيام
… عمري احسن طال...
… ابكربله اوما زال…
والدليل القبله تكبر بالصﻻة
بچف عمود الخيمه محترگه الصفات
☆☆☆☆☆☆☆☆☆☆☆
المايشمچ كربله وتدمعله عين
ايعيش مايدري اشعرف من السنين
القاسم اكدهه وبرز شايل يقين
الهسه بخدود السمه ادموع الحسين
… وكل سنه ابهل يوم...
… ظل رسم مرسوم…
القاسم ايعيش. ابظمير. اﻻمنيات
بچف عمود الخيمه محترگه الصفات
☆☆☆☆☆☆☆☆☆☆☆
خادم اهل البيت**ع**
أبوحسين السرگودي...🕊🕊🕊
☆☆☆☆☆☆☆☆☆☆☆

https://tttttt.me/ssgadAl

يالقاسم دخيلك…………. يالقاسم دخيلك
••••••••••••••••••••••••••••••••••••••••••••••••

النار هفتت من فزعهه وبالحرب موت اشتعل
شافو القاسم گلبهه وگالو الكافل نزل
جمرت خوذته وسيفه وعبر لهدومه الزعل
الله گلاله اعلى كيفك وآخره بشسع النعل

گامت أجساد التطير
برغم ماعمره زغير
يالقاسم دخيلك…………… يالقاسم دخيلك
""""""""""""""""""""""""""
بس خطه اعلى الگاع جدمه ماسمع صوت النفس
ترس جلد الگاع غيره بكثر ماجلده انترس
الجيش حط ايده اعلى اذانه الخوف بلطف انهمس
انسمع ياقاسم دخيلك حته بصهيل الفرس

مات منه اشكم چبير
برغم ماعمره زغير
يالقاسم دخيلك……………. يالقاسم دخيلك
"""""""""""""""""""""""""
رتل بقل هو أبو فاضل من دخل برض الحرب
بتر امتون الشريعه وگطع زردوم الدرب
تنزع الوادم رگبهه يله للقاسم تطب
رجفت الگاع وجدمهم بكثر ماشالو رعب

خيولهم گامت تغير
برغم ماعمره زغير
يالقاسم دخيلك………… يالقاسم دخيلك
""""""""""""""""""""""
عطش وخيام وحرايك كلشي بلطف انجمع
تلملم احروه اعلى طوله چنه بركان وطلع
مو هدم ذيج المسيه لا جلد بيهه انزع
حسبو المات اعلى وگفه اكثر من الي وگع

سوه كلشي المايصر
برغم ماعمره زغير
يالقاسم دخيلك………… يالقاسم دخيلك
"""""""""""""""""""""""
ثگل كل جيش اعتناله لاچن اعلى الشرده خف
كفت المغزل الخيطه القاسم اتولاهه كف
مثل طف عباس بيهم هوه هم سواله طف
چن علمً والرايه سيفه علرگب كل ساعه رف

الزلم ماتلحگ تدير
برغم ماعمره زغير
يالقاسم دخيلك…………. يالقاسم دخيلك
""""""""""""""""""""""
خادم أهل البيت.. ع..
أمجد المياحي

https://tttttt.me/ssgadAl