الانصار 3
……….
انصارك احنه وكلنه وفّايه..نبدي القتال ونحمل الرايه
يالجننتنه* * ياكل املنه
نبدي القتال ونحمل الرايه
…………………………………
احنه انصار زينب كلنه وعيونك
عابس من صدگ معروف مجنونك
شلون نعوفهم يحسين ياذونك
انصارك جهدهم كون يرضونك
……
نقسم يمين بجدك المرسل.. نقبل نموت وابد ماننذل
اسمع عهدنه* * ياكل املنه
**
احنه بدون شخصك كلشي مانسوه
يالچنت لمحمد بالصغر سلوه
نهوه الموت لاجلك سيدي نهوه
بس اشّر عليهم واسمع النخوه
……
فدوه النفس ونجود الك بيهه..تاج الخدر زينب نخليهه
احنه واهلنه* * ياكل املنه
**
گبل اهلك نضحي لو ردت يحسين
روح الروح انت وانت ماي العين
انت هواي تطلب بيش رد الدين
حسين نعرفه واحد ماكو منّه اثنين
……
يابن محمد وامك الزهره.. يوم القيامه ردنه بس نظره
يل تشفع النه* * ياكل املنه
**
مجنونين حبّك نفتخر بيهه
شنهي الروح لاجلك والله نفديهه
زينب هاي امانه وكون نحميهه
كل همنه الزچيه اليوم نرضيهه
……
جون وحبيب وعابس انصارك.. بالدم نضحي وكلنه نتشارك
خل يجري دمنه* * ياكل املنه
**
بس انطي الامر خل نگلب الحومه
شلون نعوف زينب تبقى مهمومه
من دونك حياة نعيش معدومه
ندريهه الشهاده اليوم مرسومه
……
احنه الشهاده وياك نعشگهه.. واحدنه روحه اليوم طلكهه
دربك عشگنه* * ياكل املنه
**
مودع بالله آخر كلمه هاي وياك
ندري نموت لكن من يظل يرعاك
عدنه الموت هيّن مو مثل فرگاك
العباس عندك من گدر يدناك
……
راعي الفخر يمك ابو فاضل.. حامل الرايه وللاخت كافل
راعي المحنّه** ياكل املنه
…………...
سيد علي المدني

https://tttttt.me/ssgadAl

الانصار 5
………..
حبيب ينادي وابن القين فدوه نروح الك يحسين
عابس نادى هز الكون فدائي بالعشـﮔك مجنون
ــــــــــــــــــــــ
اجت انصار ابو السجاد للخيمة تنادي وياك
نضحيلك نفس ونحور نخلط دمنه وي دماك
عفنه الاهل والاحوال واجينه لكربله نرعاك
صباح العاشر نواسيك عهد للموت ما ننساك
............
نرخصلك دموع العين..فدوه نروح الك يحسين
ــــــــــــــــــــــــــــــــ
اجت هاشم تـﮔـول اليوم احنه نبارز الاول
خلي شما يصير يصير نتـﮔـطع ولاننذل
هبت ﮔـالت الانصار هذا الوضع مانقبل
طعن رماح ضرب سيوف لاجل حسين نتحمل
..............
احنه على العهد ماشين .. فدوه نروح الك يحسين
ــــــــــــــــــــــــــــــ
صباح العاشر الانصار اجت رادت توفي عهود
عد عينك يبو السجاد بس اشر ارواح نجود
مانتراجع شما صار عدنه الخوف ما موجود
لازم ننصر اهل البيت للهادي نطينه وعود
............
هذا الامر ملتزمين .. فدوه انروح الك يحسين
*******
ﮔـالو نثبت ويه يحسين ذخرنه ارواحنه لهاليوم
ابد ماخافو من الموت عرفو هالامر محتوم
جون ووهب وي الحر منهم ترتعد هالـﮔوم
سال الدم نهر ويفيض طاحت عالوطية نجوم
............
لازم نرد هذا الدين .. فدوه نروح الك يحسين
******
صاح حسين عهذا الصوت منكم والنعم يحرار
وفيتو العهد وياي انصار ونعم انصار
لبستوهه المنايا دروع طحتو ولا قبلتو العار
فزتو بجنة الرضوان بالفردوس الكم دار
............
اصحاب وصدك طيبين .. فدوه نروح الك يحسين
--------------------
سيد علي المدني

https://tttttt.me/ssgadAl

يوم الانصار..
رسالة الانصار الى خوف زينب ع
وقلقها من يوم العاشر........

روح گلها ياحبيب ابن مظاهر
الخدرها باچر انضحي المناحر
گلها قُري في سلام
خل تأمن عالخيام..
ياحبيب ابن مظاهر
………………………….
بليلة العاشر الحره عايشه بخوف ووجل
تنسمع دگت گلبها بكل مكان ابكل محل
وسمعوا الانصار بيها خايفه بت الفحل
الغيره بيهم طگ عرجها وبين عليهم زعل

ركضوا الخيمة حبيب وزعل بيهم
وچان حيل الغيره امبينه عليهم
التضحيه خصم الكلام
خل تأمن عالخيام..
ياحبيب ابن مظاهر
………………………….
ياحبيب وروح گلها ارتاحي يابت فاطمه
هي بس خلها تأشر تنگلب ارض وسمه
وكربله هاي تصدها تفيض باچر بالدمه
وياهو من عدهم تريده راسه الها انقدمه

ياهو من عدهم تريده انگصه راسه
وخل تنام الليله وعلينه الحراسه
گلها خليها تنام
خل تأمن عالخيام..
ياحبيب ابن مظاهر
………………………….
گلها انصارچ يزينب قسموا ابأمچ قسم
مايصل جندي الحدودچ لايمر صوب الخيم
امني يابت الزچيه على اطفالچ والحرم
وباچر بعينچ تشوفي من يرف هذا العلم

گري عينچ باچر اسباع المنايه
لجل خدرچ راح ترخصها الدمايه
ابلغها من عدنه السلام
خل تأمن عالخيام..
ياحبيب ابن مظاهر
………………………….
حسين ابو اليمه اجتبانه وهذا گللها فخر
وباچر القائد علينه علي الاكبر والگمر
وين باچر جيش اميه من الانصار المفر
الماي باچر گلها يمها البابها انجيب النهر

وحگ عبد الله الرضيع وعطش گلبه
الماي باچر گلها يازينب يشربه
اي وحگ گلب الامام
خل تأمن عالخيام..
ياحبيب ابن مظاهر
………………………….
ونعم منكم يگلهم ابن ظاهر والنعم
عالخدر متخاف زينب كون عدها هالزلم
باچر اجيوش ال اميه بكيفنه انطشها ونلم
ملاگه باچر بالمنايه وبوجها نبتسم

نموت كلنه ولايمس واحد خدرها
الله خالقنه لشرفها والسترها
نفدي بت سيد الانام
خل تأمن عالخيام..
ياحبيب ابن مظاهر
………………………….
سمعت الحره بحچيهم وسال من عدها الدمع
وشالت ايديها بدمعها ربي بارك هالجمع
بجاها امي الزچيه الماتت بكسر الضلع
بجاه اخوي العالوطيه گبالي باچر ينصرع

بداعت امتوني ومتن سكنه ورقيه
احفظ العنده صدگ حرگه عليه
روحي تكره طاري شام
خل تأمن عالخيام..
ياحبيب ابن مظاهر

الشاعر عقيل الحسناوي..

https://tttttt.me/ssgadAl

حبيب اوصحبته ★★اجوه الخيمته
يصيحون الحرب ★★ يبوالاكبر مته
… .……………………
طبوأعله أحسين بخلاق اوصول
گالو أحنه أنصار ألك يبن البتول
رايدين انموت بيدك وشتكول
گال جيتكم يبن ظاهر قبول
جمع كل اخوته ★★ أجوه الخيمته
… .……………………
صاح يامييت هله ابهاي الرجال
كامت الگهوه تفوح امن الدلال
شافهم ناوين مابيهه مجال
صاحت الانصار حيَ اعلئ القتال
تحيير شامته ★★ اجوه الخيمته
… .……………………
گام نافع گال مولاي اشتريد
اني اول واحد احسبني شهيد
أحنه نبقئ اوياك حد گطع الوريد
لازم انذله المشه ابمنهج يزيد
تحقق غايته ★★أجوه الخيمته
… .……………………
گالو احنه انصارك ابيوم الطفوف
وي صباح العاشر أنشهر السيوف
مثل أخوك الكمر نشمرها الچفوف
ماتهمنه أشما تهد هاي الألوف
يزيد اوزمرته ★★اجوه الخيمته
… .……………………
يوم عاشر حشمت شيب أوشباب
حين هَدّو گام بس عج التراب
خَلّو الدم صار فوگ امن الرگاب
صارت الحومه مثل يوم العذاب
برزخ شافته ★★اجوه الخيمته
… .……………………
للشاعر فاخر علي الشبيبي

https://tttttt.me/ssgadAl

مقدمة للانصار

ليلة الانصار ليلة اشكد طويله

ليلة الانصار ليلة حيدريه
بيهه كتبوا ما ترجفّنه الوطيه
عابس وجون وحبيب اهل الحميه
للوفة واحدهم مقدمه دليله
...................
كربله بيهم تنخّت من عطشهه
وهمه واحدهم لزم روحه وفرشهه
من دمائه الطاهره بدمه يرشهه
هذا دمنه وندري ياربنه قليله
...................
سمعوا بزينب تحاجي حسين اخوهه
تلكه ربعك جلمه عدهم لو نسوهه
ذب حبيب عمامته وصاح اعتنوهه
خل نشد الرايه ونفرح العقيله
.......................
ناده بيهم وينهه انصاره وحماته
رد عليه بصوت عابس يا حلاته
يا حبيب الموت اي والله شغلاته
اذا جان حسين كل ميت يشيله
................
فزعوا اعله الموت وحسين اشتراهم
لكه بيهم غيره لمن حشماهم
ناده يازينب الي الباري اصطفاهم
وي دماهم دمي باجر انه اسيله

خادم اهل البيت خالد العلمي

https://tttttt.me/ssgadAl

(لسان حال الانصار في يوم عاشوراء)
__
ملاذ الحب الك جينه
نموت ولا تجافينه
هاك ،عمرنه
هاك ،نظرنه
،،،،،،،،،،،،،،،،،،،،،،،،،،،،،،،،،،،،،
1
ديرلنه وجهك واگرب هوايه
الخير جبينه يوزع بمايه
بيك اليركز يختلف رايه
حسباله روحه يشوفك مرايه
ليك ،گربنه
زود ،شربنه
من احساسك تروينه ،،ملاذ الحب الك جينه
،،،،،،،،،،،،،،،،،،،،،،،،،،،،،،،،،،،،،،،،،





2
مزنة مطر صحت وجه غافي
يم وجهك انشوف الگمر طافي
ماعدنه قوه الحبك انجافي
خابط وكتنه وگلبك الصافي
بيك ،صبحنه
عيد ،ذبحنه
نعرف امك تجازينه ،،ملاذ الحب الك جينه
،،،،،،،،،،،،،،،،،،،،،،،،،،،،،،،،،،،،،،،،،،،
3
طشنه بتعابيرك طمئنينه
وماي بگلب عبد الله بدينه
ثغرك فخر ينطق غدآ بينه
گبت نبي وزينب تحنينه
ليك ،حضرنه
وياك ،قدرنه
تره انصارك تسمينه ،،ملاذ الحب الك جينه
4
يموت اليشهگك وانت ماهوه
نشمك لان مانشتم الهوه
أي ماعطشنه وهيه موگوه
مايعطش المن وجهك اتروه
غيم ،،حنينك
جود ،جبينك
رخصنالك يغالينه ،ملاذ الحب الك جينه
،،،،،،،،،،،،،،،،،،،،،،،،،،،،،،
5
ماتسوه دنيه وانت مابيهه
باݘر رگبنه الدم يحنيهه
وزينب جثثنه خل توافيهه
بجثثنه كون الخيمه تطفيهه
نار ،گلبنه
موت ،دربنه
ولا عنك تخلينه ،،ملاذ الحب الك جينه
،،،،،،،،،،،،،،،،،،،،،،،،،،،،،،،،،،،،،،،،،
الشاعر بشار السامي

https://tttttt.me/ssgadAl

يا مصحف واهجروك * بس انصارك قروك
والسبعين اشتــروك * ربك ضمــهم إلك
صفوه * وعليك اتجننت
إفـزع * مجانينــك إجت
ـــــــــــــــــــــــــــــــ
يا حب فسّر نفسه بنفسه
وبالطف قلة الـ تقراه .. وبس سبعين الـ وياه
ضمهم ربه ومن حل طفه
عالموعد ملتمين .. جننهم حب حسين
يا سورة دم نازل بالطف
الله مبارك بيها .. هنياله القاريها
والـ يتــوفق بس يقراها
وما يعرف معناها .. بس العاش وياها

يا حي اعله الصلا * كلها اتموت انته لا
من ميمونه اعتلا * بي جنت صحبته
كلها * انتخت واتحزمت
إفـزع * مجانينك إجــت
ـــــــــــــــــــــــــــــــ
يجمل لوحه بيوم العاشر
بيها ألوان الانصار .. ربك حط بيها اسرار
طفك واسع بيمن نبدي
محتارين بيا . لون .. خل ناخذ لوحة جون
ما چن عبدك چنه من أهلك
أسود بس هنياله .. كلش بيضه اعماله
هد . ابسيفه وخلـّـد اسمه
ونعد من صحبانك .. واحد من ألوانك

عبدك ميت عليك * راكع لك بين ايديك
ناسك ما تنطي بيك * فرشتلك چم عُمُر
واعله * المنيه اتهافتت
إفـزع * مجانينك إجت
ـــــــــــــــــــــــــــــــ
لون الابيض كلش واضح
من أملاك الرحمن .. بس بهيئة انسان
چبيـر اخوانه وحلوه الوانه
امعصب راسه ومحلاه .. شايل حبك بدماه
ابن امظاهر أجمل ناصر
لوحاتك حلاها .. عاصر جدك طه
ريحة جدك صار ابجندك
الله امطول عمره .. حته الحق اينصره

هالشي لا مو عجيب * يدريك الله غريب
ضملك للطف حبيب * وحل وكته بكربله
ابشر * عداك اتراجـفت
إفـزع * مجانينك إجت
ـــــــــــــــــــــــــــــــ
لون . ايجنن وسط اللوحه
ذب عقله وهد بالسيف .. ضل ياخذ بيهم حيف
اجمل فارس من هد عابس
اعقلهم مو مجنون .. چا . غير الحب افنون
عقله براسه ومن ذب هدمه
چبير وعقله اشكبره .. رايد يرضي الزهره
شافك آيه وذاب ابحبك
چي رافض للذله .. حگك تاخذ عقله

شاف الوادم تخون * ما شافك بالعيون
حگه ايصيبه الجنون * عجّـبهم من برز
وادم * عليك اتجننــت
إفـزع * مجانينك إجت
ـــــــــــــــــــــــــــــــ
برير الشافك كلّك مصحف
مو حگه يصير وياك .. چي متعود يقراك
من عاينلك شاف الكوثر
ما شافك بس حسين .. چنك سورة ياسين
هيچ انصارك ضل يقرونك
حبك مو بيديهم .. شاريك وشاريهم
صاحو بالطف بس إقبلنه
چي من فاضل طينك .. مقصرين شمنطينك

وصاح ابنصهم برير * حسين ابشر احنه غير
يالجيتك لينــه خير * جايب جنــة عدن
واحنه * انتظرنه وهالبدت
إفـزع * مجانينك إجــت
ـــــــــــــــــــــــــــــــ
هاي اللوحه البيها انصارك
حطْمَت رقم اللوحات .. المات ابصفك ما . مات
لا مو صدفه وربك ضمهم
حاسبهم ليك احساب .. بيهم چم شيخ وشاب
طفك واحد ما يتكرر .
قاري احچاية عينك .. بالطف بس سبعينك
يوم العاشر راسم بيهم
لوحه امطرزها ابدم .. گلبك بيها إتألم

شگد شالولك ولاء * شارينك بالدماء
بالطف هيچ الله شاء * ضملـك هذا العدد
ناسك * اجت وتشاهدت
إفـزع * مجانينك إجــت
ـــــــــــــــــــــــــــــــ

مهدي التقي

https://tttttt.me/ssgadAl

ذو الفقار الزيدي
نار نار .. اشتعلت أجواء الحـرب
نار نار .. شورطة البيهة يطب
صوت الانصار اعتلة ...وحضر صار بكربلة
ـــــــــــــــــــــــــــــــــــــــــــــــــــــــــــــــــ
نار الغيرة تلهب..والشعلته زيبنب..وضلت بيهم اتشب
جلمات العقيلـة
رادت تختبرهم..دزت طارش الهم..كضولــــة عكلهم
والشيبة الجليلة
كلولة روح الزينب وكلهةــــ تبشريـــن
واحدنة ناذر روحة حدر اجدام الحسين
روح روح .. من الخـيـم كلولــــة
روح روح .. خل تشوف الصولـة
شلون صولة معدلة...وحضر صار بكربلة
ـــــــــــــــــــــــــــــــــــــــــــــــــــــــــــــــــ
هــــدو وشيكضهم..ويا كــــاع التلمهم..زينــب فزعتهم
فزعتهة اعربية
عمي وحكة عابس..لوطر الملابس..شخلت عندة واهس
فتوى الهاشمية
من حكة شك ثوبة وطلع مستأذن حسيـن
من غير فزعة وهوة بحساب المجانيــــن
سيف سيف .. طلكة وميريـدة
سيف سيف .. طلع فازع بيدة
وصرع كلمن قابلة...وحضر صار بكربلة
ـــــــــــــــــــــــــــــــــــــــــــــــــــــــــــــــــ
شماتثكل يثبتون..وللصعبة يطبون..اشسوة مـــن هجم جون
بالجيش وكيانـة
سوة الميسرة ايمين..كلة الخاطر حسين..ماجن عمرة تسعين
ضرباتة برزانة
جون بهجمته الجيش حس طعم المخاطر
وجا بعدة ماشيف حبيب ابـن مضاهـــــر
تاه تاه .. وبعد محد طالع
تاه تاه .. لابريـر ونافـــع
توهم يحضرون الة...وحضر صار بكربلة
ـــــــــــــــــــــــــــــــــــــــــــــــــــــــــــــــــ
حال الجيش عسر..وتيه فكرة وفتر..من طبهم يزمجر
عمر بـــن جنادة
عمرة زغير تـوة..بس هاجم بقــــوة..جايبتة المــــروة
وهد بيهة بجلادة
صاح اسمعوني مااكلكم ياهــــو انـــي
بس جلمة وحدة حسين هوة الحزماني
جيت جيت .. مرتجز بحسينــي
جيت جيت .. وعفت كل اسنيني
قافل اعلة المسألة...وحضر صار بكربلة
ـــــــــــــــــــــــــــــــــــــــــــــــــــــــــــــــــ

ذولي انصار الحسين..من ثارو براكين..طبو مستميتين
ياجيش اليصدهم
متردهم كتايـــــب..ردادة طلايــــب..يسوون العجايـــب
لوواحد يضدهم
ملك المناية اطاهم بكل فخر دورة
من شافهم بالمعركة عاشو شعورة
شاف شاف .. منضر وضل حاير
شاف شاف .. بس زلــم تطايــــر
انترست اشلاء الفلة...وحضر صار بكربلة

ذو الفقار الزيدي

https://tttttt.me/ssgadAl

نزلة للأنصار رضوان الله تعالى عليهم:
ها خوتي يالانصار يهل الضماير
زينب سمعت تكول دلالي حاير
.....................
هاخوتي يالانصار يهل الحمية
شو عدها يمكن خوف بت الزجيه؟
باجر لون تندرا رحه المنيه
خافنكم تقصرون بالغاضريه
كلولي شنهو الراي يهل البصاير ؟
.................1.............
ها خوتي يالانصار ها يالغيارى
جيش الاعادي سيول بالطف تجارى
وصارن خوات حسين بالطف حيارى
باجر اريد اسباع بارض المعاره ؟
بعزم الله من نگوم نفنيها باجر
.....................2..................
ها يخوتي يالانصار ها يالنشامى
باجر اريد تقوم بالطف قيامه
وبصفحة التاريخ نرسم علامة
عن زينب تزيحون هاي الغمامة
لام الخدر تفدون هاي المناحر
...............3..................
ها يخوتي الانصار يهل العقيده
سيدنا هذا حسين
رايدكم تصولون صولة عضيده

خاطرها شو مكسور بت الصميده
من شيمة الشجعان جبر الخواطر
...............4..................
كالوله عد عيناك تدرينه كدها
ماتبقى اخت عباس باجر وحدها
خيل التجي اعله حسين عكر نردها
عين الشمس بالروس باجر نسدها
والباجي كلها اطيح حدر الحوافر
................5.................
كللها عدج عيناج ها يالعقيلة
قدرج عظيم الشان وانتي الجليلة
هم العليج نگوم باجر نزيله
واحدنه أظن بركان صاير دليله
شنهي إلزلم والخيل شنهي العساكر

...............6.................
كللها عد عيناج نفدي القضيه
حد ما جثثنه اطيح فوك الوطيه
وانخينه لو تردين يالهاشميه
ونرجع الج عدلين رغم المنيه
و دم الركاب يصيح مولاتي حاضر
..................7.................
سيد نعيم آل مسافر

https://tttttt.me/ssgadAl

الانصار.. شوط كربلائي

الانصار 5
………..
حبيب ينادي وابن القين فدوه نروح الك يحسين
عابس نادى هز الكون فدائي بالعشـﮔك مجنون
ــــــــــــــــــــــ
اجت انصار ابو السجاد للخيمة تنادي وياك
نضحيلك نفس ونحور نخلط دمنه وي دماك
عفنه الاهل والاحوال واجينه لكربله نرعاك
صباح العاشر نواسيك عهد للموت ما ننساك
............
نرخصلك دموع العين..فدوه نروح الك يحسين
ــــــــــــــــــــــــــــــــ
اجت هاشم تـﮔـول اليوم احنه نبارز الاول
خلي شما يصير يصير نتـﮔـطع ولاننذل
هبت ﮔـالت الانصار هذا الوضع مانقبل
طعن رماح ضرب سيوف لاجل حسين نتحمل
..............
احنه على العهد ماشين .. فدوه نروح الك يحسين
ــــــــــــــــــــــــــــــ
صباح العاشر الانصار اجت رادت توفي عهود
عد عينك يبو السجاد بس اشر ارواح نجود
مانتراجع شما صار عدنه الخوف ما موجود
لازم ننصر اهل البيت للهادي نطينه وعود
............
هذا الامر ملتزمين .. فدوه انروح الك يحسين
*******
ﮔـالو نثبت ويه يحسين ذخرنه ارواحنه لهاليوم
ابد ماخافو من الموت عرفو هالامر محتوم
جون ووهب وي الحر منهم ترتعد هالـﮔوم
سال الدم نهر ويفيض طاحت عالوطية نجوم
............
لازم نرد هذا الدين .. فدوه نروح الك يحسين
******
صاح حسين عهذا الصوت منكم والنعم يحرار
وفيتو العهد وياي انصار ونعم انصار
لبستوهه المنايا دروع طحتو ولا قبلتو العار
فزتو بجنة الرضوان بالفردوس الكم دار
............
اصحاب وصدك طيبين .. فدوه نروح الك يحسين
--------------------
سيد علي المدني

https://tttttt.me/ssgadAl

ليلة الانصار(جون)



جون وحر زماني
عبد كلشي نطاني
حسين وما نساني
...........
شابگني يبو العشگ..وﻻ چني من الخدم*
ما حاسبني عبد..ولوني ابلون الخيم*
يالشايلك جرح..كلما تحچي انلچم*
يا ابو گلب الترف..شلون يلوحك سهم*
ملاچي وحيد غريب بس شفته وطن**
شابگني حبيبي واحس اعله طوله عطش**
يا علة وجودي وحياتي الخيامه ثمن**
مخلوق الوجوده ذبيح ما عنده نعش**

حسراتي اعله خدوده محبوبي تحرگها الشمس***
العيشني ابماعونه اشلون اشوفه ينرفس***
وارسومه العطشانه نرجس ذبل يا وسفه احس***
........................
شامه ابخده صرت..ليل انه ابخد فجر*
بيده ايشيل الترب..عني بلمسة عطر*
چا ياهو اينكته..من يوگع بالظهر*
يسألني اعله الجرح..وناسي اجروحه الكثر*
يحچيلي واتيه ابجماله وشفافه زرگ**
وادموعه تسيل حنان ولا چني عبد**
يفرشلي ايديه حبيبي واتيهن عشگ**
يسگيني دموع واشوف الخيامه يصد**

ايمد ايده اعله اشفافي واشرب سوالف غربته***
واتمايل بجنوني من انظر دموعه ابلحيته***
للضامي ايهد حيلي وافزع رذاذ الشفته***
....................
يحميني من الشمس..والگه ابطوله وطن*
الفاتح صدره الي..اضلوعه يتكسرن*
ربي انطاني عمر..لخيامه انطيه ثمن*
وافرش روحي غطى.. لجروحه الكبرن*
معقوله اميري حوافر ترضله الضلع**
جروحه تسيل حسين واتحوطه غرب**
اتخيل غريب ويسلبه ويگصله صبع**
جريح سليب ويتام تتاني الشرب**

واطفاله من اخيامه تنظرله وايعذبه النزف***
وجه الله من اجروحه مخطوف لونه ومختلف***
ليتامه ايشد حيله ولخيامه يتعنه زحف***
......................
جون وما عندي اهل..حسين انطاني نسب*
وامن اخدمته صرت..افخر بين العرب*
ملبوسه اشگد خشن..وعبده ايلبسه ذهب*
شنهي اسوه ومن طحت.. يمسح عني التعب*
أميري بناته ابحنانه ينادلي عم**
يسيلن دموعي من اشوفن رقيه وطفل**
أشوغ من اشوف ابخيالي رضيع وسهم**
وافز والگه روحي ابعذابي واصيح الحبل**

واعيوني اعله اخياله واستحي ارفعله النظر***
معقوله ايضل ضامي معبودي واحساسه نهر***
واطفاله اينادونه وياكلني حسرات القهر***
.....................
رايح يم فاطمه..ولوني ابلون الصبح*
وانسه اجروحي وألم..بس يبقالي جرح*
ما اريدله دوه..كون ايضل منفتح*
محبوبي ابلا هدم..وراسه ايشيله الرمح*
المنطيني حياة سليب ما عنده هدم**
الضعنه يروح غريب يفزعله منو**
ما اريدن اطيب لضعونه اريد انلچم**
يوجعني من اشوف وحيد ما عنده اخو**

حاسبني من انصاره وما اسوه خشبه من المهد***
مخليني من احبابه وحاسبني مو عبده ولد***
مو روحي واجروحي كون اكثر انطيله بعد***




علاء المياحي
الفاتحه لروح والدي

https://tttttt.me/ssgadAl

مقدمه
افهم هل الرسائل وتأمل يعاقل من تاريخ الانصار
*
اولا هاك؟؟
الحر؟ معناها باب التوبه مفتوح
والاخر ثواني يبقه مسموح
ثانيا جون!!
حط خده ويخده ابن الزجيه
درس ينطينه ضد العنصريه
من الطف هاي الصوات جانت كلها غايات ادرس هاي الافكار
ثالثا شوف!!
حبيب يعلم الدنيه الاراده
وبرير الوجه البيض للعباده
رابعا هيج؟؟
عابس من جنونه خط عنوانين
ويعلمنه العشك مابيه قوانين
لمن ذب الهدوم ماخاف الذي يلوم تحمل فكرته اسرار
*
خامسا هاي!!
وهب انسان يعرف معنه الانسان
وهب جانت رساله لكل الاديان
يعلمنه الحياة اتريد تغير
وي الحق ندير شلون ميدير
رفضها الفكره ماراد يمشي بدين الاجداد بحث وبحكمته اختار

*
سادس الغيث!!
موقف لم وهب ضل تارس العين
شلون تحث ابنها لنصرت حسين
رادت تنطي حكمه لكل الاجيال
والنسوان كون تحث الارجال
الحق رايد اعوان زلم مرات نسوان ! تاخذ هاي الادوار
*
سعدالعبودي

https://tttttt.me/ssgadAl

لسان حال عابس رضوان الله تعالى عليه وكأني به يقول :

كلبي يدك    بس بالعشك
مابالــغ وهذه الصــــــدك
والحب يناس شمحلاه     لو بيـــه طعــم رباني
 
* * *
 
جالورده روحي والعشك مايلها
بيــه ترتوي وبيــه يعتدل مايلها
لو لا العشـك حظ وبخت مايلها
وحبي ضمن     جنة عدن
ولتومـــــــه لوكلبي انفتن
آنه أمير العشاك      حب السبط خلاني
 
* * *
 
حب وأبه عدنه الدهر يعلنه
الخالدين أمن الخلك يعلنــه
شان ومجد في كل زمن يعلنه
أهل الشيم     أهل الهمم
بينـــه انعرف معنى القيم
بالطف أخوتي الانصار     خطـــوا نهـــج قرآني
 
* * *
 
أيه والتي باس الوحي عتبتها
أحشاي أحسن بالهظم عتبتها
يــوم العده تاخذ أجت عتبتها
كوم الجهل     ذكرت هبل
أتعنت لأبن خيــــــر العمل
وي علي عدهم ثارات    كـــــوم الفتى السفياني
 
* * *

حال الحُسين بكربلـــــه آذآني
من خطب بينه وسمعته آذآني
لَبَيكَ بالطـف أذنـــــــت آذآني
يمه رحت     حاظر صحت
قبلّتـــــه وأعلى أيده طحت
أرخصني يبن الكرار     أرد أدخـــل الميداني
 
* * *
 
آل النبي الربـك نزل وحيلها
أمنيتي أموتن وأندفن وحيلها
لمّنْ أتعب الناصبـــه وحيلها
بزودي أدخلت     بالطف صلت
عــــاري الصـــدر من أنزلـــت
بحب الحُسين أنجنيت     حبــه صبــــح أيماني
 
* * *
 
طلعت الروح وشبكتـــه منجاها
لن تدري بيه يوم الحشر منجاها
أشما ألها من جاه أوجــه منجاها
نوره اليشع     بيه أنتشع
منــــه خذه ضيــــه الشمع
لامامثل نور حسين     بين البشر نوراني
 
* * *
                               سلام المشعل

https://tttttt.me/ssgadAl

ليلة الانصار. ( ام وهب) اخت الانصار

حگي/ لا عجب حرمه ونزف بالطف وريدي
حگي/لاتلوموني اشمرت راس ابنه بيدي

لا تلوموني… بعقلي وجنوني
حگي
+++++++++
يالتناشد حرمه انتي اشجابرچ عالموت اجيبه
اخت الانصار النشامه وموتي بالطف مو غريبه
لاني اعجب من رضيعه الفل الاگماط العجيبه
امن المهد ذب روحه يزحف للحرب ينصر حبيبه

عينه/شافت ابن الزهره ضل ابلا مناصر
عينه/وإل الا من ناصرٍ الكسرتله خاطر

يالتسألوني. بعقلي وجنوني
حگي
++++++++++
لا عجب من افدي روحي حگي راس ابني شمرته
منظر حسين الدهاني ردت افسره وماعرفته
منحني وايده اعله ظهره طاب طالع خيمة اخته
يمسح بروس اليتامه وشد حِبال الخيمه شفته

زينب /بحيره ضلت حاطه الايد اعله خدها
زينب/وين باچر نومتي اتسولف وحدها

راح يسبوني. بعقلي وجنوني
حگي
++++++++
انظر حسين وغربته وحيرته بخدر العقيله
وصيحة اطفاله عطشنه منها متگطع دليله
يمنه يسره ايدير عينه بلكي لو ناصر يجيله
بس وهب مايكفي موته حرگه لبگلبي ثجيله

دمي/الچان نصراني حسيني انگلب دمي
دمي/وصار عباسي امن اصد لطفاله يمي

چن يحشموني. بعقلي وجنوني
+++++++++++
اي وهب من گلبي قطعه بس گلب ماعندي ثاني
هلولد بس هوه عندي وامتلك روحي وحناني
عني راح وروحي راحت لكن الغيير كياني
گلبي من طاح اويه ابني صاحله حسين واجاني

گلبي/ ردلي من شاهد عيون ابن الزچيه
گلبي/اتگاطرن دگاته وي دمعة الرقيه

ودمعة عيون. بعقلي وجنوني
حگي
+++++++++++
يحچي وي انصاره ارجعوا ليش انادي وماتجوني
تضطرب ضلت جثثهم گمت اهد ويرجعوني
وبرجعتي حسين واگف دمعت اعيونه بعيوني
اهنا وگف حدها حياتي صحت بيهم سامحوني

خيمه/منها جريت العمود او وگعتها
خيمه/اتحزمت منها بحبل من ودعتها

همّه حزموني. بعقلي وجنوني
حگي
+++++++++++
حرمه وتهد بعبايه بالستر مشغوله اديه
والعساكر فزعه وحده بجيشهم فزعو عليه
ويه طبرت راسي صحته ادركني يا ابن الزچيه
هيّه وگعه وهيه موته ما لحگ لحسين بيه

ميته/من اجانه حسين غطاني بعباتي
ميته/واسمعت صوته وبچي حسين المماتي

اطفاله شالوني. بعقلي وجنوني
حگي

ثائر الربيعي

https://tttttt.me/ssgadAl

ميمر ( الانصار )

وكفو سوه. اكبال الضوه
وياهم كمر. شايل لوه

صاحوا اله عد عيناك خدامك ونصارك

*******************

الطف عشك موقفهم وداهم
ومن كلب ولسان الولي وداهم
فرحوا مو جن للحرب وداهم

هوسوا اله. بالمرجله
فدوه الك. والكربله

هوسوله كل احنه انهون بس كون زينه اخبارك

*******************

الموت صار لخاطره عدتهم
سيوف وعشك وكت الحرب عدتهم
السبعين الف سبعين الف عدتهم

ما نختلف. وبلا حلف
بس الكمر سبعين الف

وحيدر امس كل لحسين هذه الكمر فقارك

*******************

صفوا وابن ظاهر وكف قيدهم
وتحرروا من كل امر قيدهم
قائدهم لجنة عدن قايدهم

عابس نظر. وجه ابتشر
جنه عدن. تالي الدهر

بين الاصابيع احسين كله انظر لمقدارك

*******************

صاحو اله الاجل النبي حاربنه
ودم المراجل علحرب حاربنه
الحاربنه احنه ابكل وكت حار بنه

يبن الولي. وعرش العلي
نوكف الك. وكفت علي

يامحلى الموته وياك بالذبح هم نتشارك

*******************

همت علي وكت الشدد همتنه
الدنيه شوكت وبيا طمع همتنه
طبرت علي نظبر الك هامتنه

ننزف دمه. ونصعد سمه
نيتنه نظرت فاطمه

اهلاً النه الزهره اتصيح وبالجنه نسكن دارك


نسألكم الدعاء
علي حسين المياحي

https://tttttt.me/ssgadAl

الك ترخص مناحرنه جنودك وانته تامرنه
احنه الانصار
وتد سوينه لخيامك نطب للحومه جدامك
هذا الاصرار
الك ثابت عهدنه اعله هل الراي اتحدنه
*
احنه كل فرد --هسه مستعد -- يفتدي دمائه
ندخل الحرب --كل فرد يطب --واستمع ندائه
تعله الصيحات-- لذل هيهات --لوطحنه اموات
انخانه
نرجع احياء ؛؛؛يبن الزهراء ؛؛؛ سور الحوراء
تلگانه
حبيب وعابس وشوذب--- فداء احنه الخدر زينب
نفدي الاعمار
برير يناصرك همه --- المواقف دنگت يمه
والكون احتار
بفرض حبك شهدنه--- اعله هل الراي اتحدنه
**
افارغ الصبر؛؛؛ننطر الفجر--- ينكشف نريده
لجلك الكهل:::لجلك الطفل :::تلگه سيفه بيده
توضينه لهاي-- لامو باالماي --بحبك مولاي
نتوضه
انته الايمان -- وروح القران -- والموعد حان
هل لحظه
خدم يحسين سمينه--- لرقيه خيمه سوينه
يبن الاطياب
محال انعوفك ونرحل---قسمنه بجدك المرسل
لوصرنه اتراب
اعله هل الموقف بعدنه --اعله هل الراي اتحدنه
*
زينب اشحچت--- يمك وبچت---لاتهم تكلها
ننذبح سوه-- ويحلم الهوه --شحده يوصللها
باالذرشفناك--- من بايعناك --انصار وياك --خلانه من ذاك الحين--رب التكوين-- انصار حسين سمانه
زهير الابس الامه--- الشهاده قمة احلامه
روحه اعله الايد
سباق اتسابقو كلهم-- عله اجدامك يقائدهم
لكل رخصه ايريد
اجت لحظت سعدنه --اعله هل الراي اتحدنه
*
من نطب سوه-- مايضل لوه-- باالسمه العدانه
ندوسه كل علم -- ياابو الشيم --علينه هاي امانه
هذا التصريح-- يحسين انصيح -- جم رايه تطيح
من عدهم
احنه الانصار-- يبن الكرار --تصبح طشار -- جمعتهم
بعددهم والله مانهتم -- اذا ليل الحرب خيم
انظرنه وشوف
نصول نجول باالعسكر--وبجفك يبو الاكبر
نصير اسيوف
رغم قلة عددنه -- اعله هل الراي اتحدنه
***
عابس انتفض -- بلادرع ركض-- چن جمر عيونه
گلبه من يدگ --ينبض بعشگ --يفخر بجنونه
نافع يتليه--سيفه يهزبيه --كلها بطاريه
تتباها
ذل الفرسان-- وسط الميدان-- روس العدوان والسيفه گراب سواها
لحد اخر نفس بينه-- على موقفنه تلگينه
وشمهماصار
الف موته لون متنه ---ابد مانتركك احنه
يبن الاطهار
بسبب حبك خلدنه ---اعله هل الراي اتحدنه

سعدالعبودي

https://tttttt.me/ssgadAl

لحسين انصار .. احنه الاحرار
.......................1
صرح القائد حبيب .. وصاح هيهات انكسر
جيت اضحي للحسين .. وبعد ما اريد العمر
شيخ الانصار اصبح اسمي .. واحنه لازم ننتصر
بدفتري الزوار باچر. انه اسجللهم أجر

نرفض كل عار .. احنه الاحرار
....................2
قارئ القرآن رتل .. بالطف ايات الفخر
ضل برير بصوته يقره .. فدوه لحسين النحر .
سيوفهم لا ماتهمني .. انه ما اهاب الخطر
لجل ابو السجاد روحي .. وگلبي وياهه انذر ..

شنهي الاخطار .. .. احنه الاحرار
.................3
والمسيحي وهب ناده .. لاحياة ابلاحسين
حسين ديني وكل ضميري .. يا أمام العاشقين .
خله جيش الكفر حاير .. بسيفه ضلوا حايرين .
وهب سيفه ضل يزلزل .. ميسرتهم واليمين

احنه الثوار .. احنه الاحرار
.......................4
الحر القائد الثائر .. صار درس التائبين
منصبه عافه وحياته .. صاح فدوه للحسين
مايهمني الموت يصرخ ..ضل يطگ بالظالمين ..
سيفه راواهم عجايب .. ينصر الهادي الأمين

يصرخ من ثار .. احنه الاحرار
.......................5
وصولت ابن القين وابنه .. هزت اعروش الظلم .
ضل زهير بسيفه يضرب.. گطع ارگاب الخصم
ومسلم بصبره ذبحهم .. فارس الحومه الشهم .
والغلام التركي فارس .. بالحرب كله عزم

اسمع اخبار .. .. احنه الاحرار
...........6
عابس اليرمي سلاحه .. ابلايه سيف ايطب حرب
العشگ جنني ينادي .. ولا تلومون المحب
حسين روحي وعقلي كله .. لجله خلوني انصلب ..
لجل ابو السجاد انه .. ما كو شي عندي صعب .

نتحده النار .. احنه الاحرار
.......................7
جون ما همه عددهم .. من ولاهم صارمه
ربنه طيب ريحه واصبح .. مثل املاك السمه .
ونافع الي نفع دينه .. وسوه بالطف ملحمة
ياحسين ايصيح نافع .. وجسمه ضل ينزف دمه

للأمة انوار .. احنه الاحرار
...............................
حيدر موسى الرميثي

https://tttttt.me/ssgadAl

◼️ برنامج محرم 1441هـ / 2019م ◼️
#محرم_1441هـ #2019م
🔺قصائد اليوم السادس أولاد مسلم🔺

الى اولاد مسلم ع

لحظه ياسيف... هذا اخوي وارد اشمه وارد اودعه
لحظه ياسيف... امي وصت يمه اخوك ولا تضيعه

گلبي ما ينطيني اشوف تحز وريده
گبله تاخذ عمري اطلب ما اريده
لحظه ياسيف....لحظه ياسيف
...........................
خاف  تاذيه.. وچنه ورده ..من تجيله بهيده لو توصل رگبته

ها لتغير..شوفه ذابل .. مصيبة الطف ذوبت گلبه ومهجته

من يعاين..فوگ الاخدود..گطره گطره اتطيح هالنزلت دمعته

تاني ياسيف..امي وصت..لو بچه وليدي اريدنك تسكته

خاف تاذيه....هاك اخذ روحي ابداله وعوف نحره
خاف تاذيه....بعده  ما شابع  حنان زغير  عمره

شگد صعب لوفارگ الواحد عضيده
گبله تاخذ عمري اطلب ما اريده
لحظه ياسيف ... لحظه ياسيف
.............................
لو  تخليه ..يروح لختي ..علينه خاف اتدور وتسأل حميده

يتيمه تدري..وخاف تمشي..
تدري للشام المسافه شگد بعيده

لا ابوها..وماهو عمهه..شلون لو بالليل فزت لو تريده

خاف ترحل..هم رقيه..يلعبن تعودن واخاف اتضل وحيده

فوگ الاشواك..لو مشت اختي وتعورها جدمهه
فوگ الاشواك..يصبّر عليهه ويخفف من المهه

ماهو ابوها وتغفه چانت فوگ ايده
گبله تاخذ عمري اطلب ما اريده
لحظه ياسيف...لحظه ياسيف
.............................
يالله ياخوي..ماهي حلوه..دنيه  وبلايه اهل هم واذيه

 نمشي لهناك..يم ابونه..نگعد   بحظنه ويجمعنه سويه

 آخر وداع..خويه خويه..ماهي بيدي واشگف سهام المنيه

حان الافراگ..يا زماني..خل اشم نحرك واظمك بين ايديه

علينه مكتوب... ننسبي لو ننذبح هم مثل ابونه
علينه مكتوب...مثل  عمنه عله الفرات يگطعونه

عله الذبح احنه انفطمنه ومو جديده
گبله تاخذ عمري اطلب ما اريده
لحظه ياسيف....لحظه ياسيف
................................
ارد  اوصيك..يا حياتي..بالنهر  لو قرر يذبهن جثثنه

راح اتانيك..ما اخليك..ايدي  بيدك نمشي ونكمل دربنه

لو جرى الماي..ابقى وفاي .. واعدت امي سوه نگضي عمرنه

ياهوه الهاب.اخذ الاوداع..وصله لختي وگلهه ياريح انذبحنه

مسحي الادموع...يا حميده وامشي مسبيه ويعمتچ
مسحي الادموع...لا اخو وياچ وينشفلچ  دمعتچ
امشي ويسكنه المسافه شگد بعيده
گبله تاخذ عمري اطلب ما اريده
لحظه ياسيف ....لحظه ياسيف
................................
يالله ياسيف..خلي الاعتاب.. مسلم يعاين علينه وهاليتاني

هناكه وياه..عمي عباس..ظهره محني يعاين العمتي ويعاني

آه وويلاه ..شلون اگله..عمتي اتعاتب عجب بس لا نساني

خاف احاچيه..وانه ادري..راسه  مفضوخ ابعمد آه يا زماني

بعدك شصار...زينب احتارت شني يسكت اليتامه
بعدك شصار...حرمله شسوه بأخوك اهوه وسهامه

والعليل الحبل لفوها عله ايده
گبله تاخذ عمري اطلب ما اريده
لحظه ياسيف .....لحظه ياسيف
ــــــــــــــــــــــــ
 علاء المياحي

https://tttttt.me/ssgadAl

في رثاء اولاد مسلم (ع)


من رحتو ييمه اشلون حالي
ثلث اولاد ما واحد بگالي


ييمه مادريت اشصار ما صار
من هجمت الخيل او شبو النار
رحتو وين يبني و انتم ازغار
و أنا انشده يولاد بالي


بين الخيم يبني دورتكم
و اصيحن گمت و اندب بسمكم
يا صوب الاروحن ما شفتكم
اصيحن والسمع حسي بجالي


ادور گمت بين الصواوين
و امضيعه اصيح ابصوت ولدين
يبني وين اشوفنكم بعد وين
وتگعدون يا طاهر اگبالي


لا عدلين حته انطر تردون
لا ميتين حته اگطع للظنون
تربي الدربكم يبني العيون
و ابگه بالسهر اگضي الليالي


يبني يوم شال الظعن ناديت
الهاي الگاع يبني ريت ماييت
ييمه اشگال گلبك يوم فريت
و اخوك اوياك يا ذلت اخوالي


اخوك اگبال عينك دوم خليه
يبعد اهلي و اريدنك تباريه
وكت النوم خل عينك تراعيه
عليكم منشده ظليت بالي


اباوع للدرب و اتهل العيون
و اتنطر عليّ يبني تردون
تالي ايست و اگطعت الظنون
من تعبي السهر بس صار فالي


يوم اسمعت يبني مجاتيل
لو اندل دربكم جيت بالليل
اندفنتوا لو بگيتو ابغير تغسيل
او يا هو انكتل اول او تالي


يا هو انكتل اول او ثاني
يا هو الصار يا زهرت زماني
گبلكم ريت يبني الموت اجاني
و لا ابگه و اشوف البيت خالي



ابوذية

رحتو وين احصلكم ولمكم
يبني او بالگلب يسعر ولمكم
غربه لا ابو يمكم ولمكم
درت بالصار من رحتو سويه



الشاعر الشيخ موسي الزهيري

https://tttttt.me/ssgadAl